رواية الان اقول احبك الفصل الخامس 5 - بقلم ندي سامي

  رواية الان اقول احبك كاملة بقلم ندي سامي عبر مدونة دليل الروايات 

رواية الان اقول احبك الفصل الخامس 5

ف القسم

الظابط : هتفضلى تنكرى كتير

ساره : والله م بكدب انا قولت كل الى حصل

الباب خبط و دخل العسكرى

_ فى واحده برا يا باشا اسمها هند بتقول جايه تشهد ع إلى حصل

الظابط : دخلها

ساره فرحت و حست أن فى امل انها تطلع لحد م هند دخلت و حكت كل الى حصل و ساره كانت مصدومه و بتحاول تعرف مين الى هتبقى السبب ف أن يحصلها كده

الظابط : أمضى هنا

الاتنين مضو و ساره خرجت و بصت ل فارس بامتنان و مشيت من قدامو هو و رقيه بحزن و هما خرجوا وراها و فارس ركب العربيه و اتحركو للفيلا

_______________________

ف الفيلا

نهاد و هى رايحه لساره بخوف : حبيبتى انتى كويسه

ساره : ايوه يا ماما الحمدلله

فؤاد : الحمدلله أن ظهرت برائتك

فارس : حمدالله ع السلامه و عن اذنكو انا

خرج و ساره طلعت اوضتها خدت دش و قعدت تفكر مين السبب ف إلى حصل لحد م تعبت و نامت

_______________________

ف مكان تانى

ضياء بعصبيه : انتى عبيطه انتى ازاى تعملى كده من ورايا

_ متعليش صوتك عليا و بعدين انت عارف كويس انى مش بطيقها و مش راضى تنجز ف الحوار و بعدين الزفته إلى قولتلها تعمل كده راحت اعترفت عليا و خدت الفلوس ع الفاضى و خلتنى اغير رقمى و اجيب غيرو

ضياء : انا عمرى م شوفت اغبى منك .. احنا خلاص خدنا منها الفلوس و المفروض هنمضيها ع الورق بكره جايه تعملى الحوار ده انهارده لا و كمان هى رنت عليا و انا مرتدش عشان حضرتك كنتى شغلانى عنها

_ يا حبيبى خلاص بقى هدى اعصابك محصلش حاجه لكل ده

ضياء : انا هكلمها و اقابلها اصلح إلى حصل ده لو انتى عايزه إلى بنعمله يكمل

مشى بعصبيه و هى بصتلو بغيظ و غضب

_______________________

بعد ساعات كان ضياء كلم ساره و اعتذرلها و قالها يتقابلو ف مكان و هى وافقت و نزلو

_______________________

ف مكان ع النيل

ضياء بخوف مزيف : كويس انك خرجتى لولا انى كنت مشغول و مشوفتش الموبايل كان زمانى جيتلك جرى

ساره بابتسامه : ولا يهمك يا حبيبى

ضياء : ايه رأيك هتمضى الورق دلوقتى ولا بكره

ساره : اى حاجه

ضياء : انا بقول دلوقتى عشان منضيعش وقت و نلحق نكبر المصنع

ساره : تمام هات

أداها الورق و كانت لسه هتقرأ ضياء قال بحزن مزيف : بقى كده برضو هتراجعى ورايا و مش واثقه فيا يا حبيبتى

ساره : لا طبعا واثقه فيك

مضت ع الورقتين من غير م تقرأ و قالت : و اهو يا سيدى

ضياء بفرحه : حبيبتى خلاص مش زعلان منك

و قعدو شويه و ضياء كان مبسوط بس مش عشان معاها عشان حاجه تانيه هنعرفها قريب اوى .. و بعد وقت قامو و ضياء أدى ساره ورقه م إلى مضتهم و خد ورقه ع أساس أنهم نسختين و مشيو

_______________________

ف العربيه

ساره بفرحه : بقيت شريكه ف مصنع ادويه اخيرا

فارس باستغراب : ازاى

ساره حكتلو كل حاجه و هى مبسوطه و هو كان حاسس ان فى حاجه غريبه

فارس : انتى متأكده انك شريكتو

ساره باستغراب : ايوه اكيد و بعدين م انا لسه ماضيه ع ورق يثبت ده

فارس بشك : قرأتى الورق

ساره : لا م ضياء قرأو

فارس بشك اكبر : ضيااااء اه

ساره : فى ايه مالك

فارس : لا مفيش

و سكت و كمل طريقو و فضلو طول الطريق ساكتين

_______________________

ف مكان تانى ف الفون

ضياء : مضت

_ اخيرا هنخلص منها قريب

ضياء : عيب عليكى يا بنتى انا مش اى حد برضو .. المصنع يبدأ يكبر بس و هنقولها باى باى

_ طب تعالى بقى عشان مستنياك بقالى كتير

ضياء : جايلك يا قمر

_______________________

فارس وصل ساره و راح لواحد صحبو ظابط

_ يااااه فارس باشا جه اخيرا

فارس بضحك : واحشنى والله

_ م انت إلى مبتسألش

فارس : مشاغل بقى

_ ايوه يا عم حب ولا ايه

فارس بتغير الموضوع : كنت عايزك ف مصلحه

_ خير م انت مش بتيجى غير ف كده

فارس : عايزك تجيبلى كل معلومات و تحركات ضياء السيد مرجان

_ ليه فى حاجه ولا ايه

فارس : حاسس ان بينصب ع حد اعرفو ف عايز اعرف تحركاته و بيروح لمين و بيعمل ايه

_ ماشى يا عم هبعتلك حد يراقبو و هقولك ع كل حاجه اول باول

فارس : تسلم يا معلم

_______________________

بعد اسبوعين ف الفيلا

كانت ساره قاعده ف الجنينه و بتسمع اغانى هاديه و بتقرأ روايه فجأه جالها مسدجات من رقم غريب و كان فيها صور ل ضياء مع واحده و فيديو صوت و صوره و كانو بيتكلمو ع أن هما اخيرا نصبو عليها و المصنع بيكبر و ممكن ف اى لحظه يطردوها ف اتصدمت و فضلت تحاول تستوعب و قعدت تعيط لحد م جالها مسدج تانيه

_ لو عايزه تتأكدى روحى كافيه *** دلوقتى

ساره استغربت و بعتت مسدج و قالت : انت مين و عايز ايه

الشخص ده شاف المسدج و مردش ف اضايقت جامد و قامت بسرعه لبست و راحت مكان م قال

_______________________

ف الكافيه

دخلت ساره و لقت ضياء قاعد و معاه واحده و قاعدين بيضحكو ف راحت بسرعه عندهم

ساره بعصبيه : مييين دى

ضياء بخضه : ساره انتى بتعملى ايه هنا

ساره : رد عليا مين دى

ضياء كان لسه هيرد إلى معاه ردت بابتسامه مستفزه

_ حبيبتو

ساره بصدمه : نعممم

ضياء برق للى معاه و بعدين بص لساره و قال : لا طبعا مش حبيبتى انتى إلى حبيبتى اصلا

ساره : و هو الى بيحب حد بينصب عليه

ضياء اتصدم أنها عرفت و البنت بصت بملل

ضياء : ايه الى انتى بتقوليه ده

ساره بانفعال : انت واحد حيوان بقى كل ده تطلع بتستغلنى وانا زى الهبله كنت بساعدك ف ده و بديك كل الى انت عايزو

ضياء بعصبيه : ساره لمى نفسك

ساره : انت إلى تلم نفسك بقى شويه انت حقيقى بنى ادم مقرف انت و إلى معاك

ضياء كان لسه هيمد ايدو يضربها فارس مسك ايدو و ضربو ب البوكس

فارس بعصبية : راجل مد ايدك عليها

ضياء بصلو بعصبية و بدأ يضرب فيه و قعدو شويه و الناس بتفك بينهم بصعوبه و ساره عماله تقول ل فارس يسيبو و يمشو لحد م سابو بعض و مشيو

~~~~~~~~ برا الكافيه

ساره بصت ل فارس و كانت لسه هتشكرو انو أتدخل لقت فى دم عند بقو

ساره بخوف : فارس بوقك فى دم

فارس مسح ب ايدو عند بقو و بعدين بص ع ايدو لقى فى دم

ساره : استنى فى صيدليه هناك هجيب قطن و مطهر

فارس : تعالى مفيش حاجه

ساره : مفيش حاجه ايه انت وشك ازرق حسبى الله فيه الزبا*له ده

قالت كده و مشيت من قدامه قبل م يتكلم جابت الحاجات و رجعتلو و ركبو العربيه و طلعت القطن و بيتادين و مرهم و بدأ تشيل الدم إلى ع بقو و بعدين حطت ف القطن بيتادين و عملت مكان الخبطه و بعدين حطتلو المرهم و هو كل ده مركز مع كل حاجه بتعملها ومبتسم

ساره : بس خلصت حاسس بوجع !؟

بصتلو لقت انو مركز عليها جامد ف بصت بعيد بخجل و بعدين بصتلو تانى

ساره بخجل : فارس !!

فارس فاق من سرحانو و قال : ايه

ساره : خلصت حاسس بوجع

فارس بابتسامه : لا شكرا

ساره شالت الحاجه ف الشنطه و فارس مشى ب العربيه و رجعو الفيلا

_______________________

ف الفيلا … عند البوابه

ساره : شكرا انك اتدخلت و اسفه ع إلى حصلك

فارس : العفو و بعدين ده واجبى مكنش ينفع اشوف كده مع اى حد و اسكت

ساره بصتلو ب ابتسامه ممزوجه بحزن عشان حست انها مش مهمه عندو و إن عادى بيعمل كده مع اى حد بس مرضيتش تبين و دخلت الفيلا

~~~~~~~~ ف الفيلا جوا

ساره دخلت لقت باباها قاعد و بيتفرج ع التليفزيون ف راحت قعدت جمبو بس هو مداهاش اهتمام ف بصتله بحزن

ساره : بابا

فؤاد : ….

ساره : بابا انا اسفه انا عارفه انك مضايق منى عشان حذرتنى كتير منو وانا مسمعتش كلامك بس ادينى عرفت حقيقتو و عرفت غلطتى بلاش انت كمان تزود عليا

فؤاد : انا مش بزود عليكى يا بنتى بس انتى صعبانه عليا انا عارف انو مش بايدك و أن انتى بتحبيه عشان كده مزعلتش منك انا زعلت عليكى

ساره : لا م انا اكتشفت انى مكنتش بحبو

فؤاد باستغراب : ازاى يعنى

ساره : كان مجرد تعلق بس انا دلوقتى بحب…..

كانت لسه هتكمل بعدين استوعبت كانت هتقول ايه ف سكتت بسرعه و حطت أيدها ع بوقها

فؤاد بخبث : بتحبى مين

ساره : بحبك انت يا عسل

فؤاد : ماشى يا اختى كلى بعقلى حلاوه و بعدين انا لسه زعلان منك

ساره بحزن : ليه

فؤاد : عشان كدبتى عليا و قولتى أن رقيه هى إلى شريكتك

ساره : خلاص يا حجوج بقى انا اسفه و عارفه انى غلطانه و بعدين انا مش بحب تبقى زعلان منى

ضحكت بفرحه انو فاهمها و حضنتو جامد

_______________________

بعد 3 ايام ف الفيلا

كانت ساره نازله من فوق و شايفه فارس واقف مع باباها و بيتكلم معاه ف وقفت تسمعهم

فارس : انا كنت عايز اطلب من حضرتك طلب

فؤاد : اتفضل يا ابنى قول

فارس : ….

قال حاجه خلت ساره تضايق و طلعت فوق ع اوضتها تانى و هى ماسكه العياط

_______________________

تفتكروا ايه إلى خلى ساره تضايق اوى كده !؟

• يتبع الفصل التالي اضغط على ( رواية الان اقول احبك ) اسم الرواية