رواية روح الفهد الفصل الخامس 5 - بقلم بسمله احمد
رواية روح الفهد الفصل الخامس 5
البارت الخامس
في صباح يوم جديد يجلس عبدالرحمن وسوزان علي الطاوله الافطار
عبدالرحمن: صباح الخير يا حبيبتي
سوزان: صباح الخير يا حبيبي
ريم وروح نزلوا علي السلم: صباح الخير يا ماما ويا بابا
عبدالرحمن وسوزان: صباح النور يا حبايبي
قاسم وهو داخل من الباب: صباح الخير عليكوا جميعا
عبدالرحمن وسوزان وريم وروح: صباح النور
ريم: هموت واعرف ليه كل يوم لازم تجري الصبح يا قاسم
قاسم: يا ريمو يا حبيبتي انا شخص رياضي بحب اجري لانه مفيد للصحه لكن انتي بقيتي تخينه
ريم: انا تخينه يا قاسم
قاسم: ايوة وبكرش مدلدل كمان
ريم بصت لروح: شوفي جوزك يا ماما
روح: وانا مالي يالمبي مش انتوا اخوات مع بعض انا ليه ابقي عزول في وسطيكم انا اروح لماما حبيبتي احسن
سوزان: تعالي يا قلب ماما انتي
روح راحت لسوزان اللي حضنتها
ريم: بقا كده يا روح
روح: ايوة هو كده
قاسم بضحك: البادي اظلم يا اخت ريم
ريم: ماشي ماسي يا حبيب الاخت ريم هتتردلك في الافراح ان شاءلله
قاسم: شكرا يا حبيبتي
وخلصوا فطار وسط مناغشة روح وريم وقاسم وحنان سوزان ونظرتها هي وعبدالرحمن بحب لهم
ريم: اطلع خد دوش علشان ريحتك وحشه
قاسم قرب منها: ريحتي وحشه طب تعالي وفضل يحضن فيها حبيبتي يا ريمو
ريم: يع يع ايه القرف ده ابعد بعيد عني يا قاسم
قاسم: مش باعد
ريم: خلاص خلاص ريحتك برفان الليمون يا قاسم خلاص بقي والنبي ابعد
قاسم بعد بعيد: انا طالع اخد دوش يا ماما
سوزان بضحك: اتفضل يا حبيب ماما
وطلع قاسم لفوق ياخد دوش
اما روح فباباها اتصل بيها
روح فتحت بسرعه وهيا فرحانه
روح بفرحه: السلام عليكم يا بابا
الاب: وعليكم السلام ورحمة الله وبركاته
روح: وحشتني خالص خالص خالص
الاب: وانتي يا حبيبتي وحشتيني اووي
روح بطفوليه : طب قد ايه
الاب: وحشتيني اكتر من البحر وسمكاته
روح: والله وانت وحشتني الي مالا نهايه
الاب: انتي عامله ايه دلوقتي يا روحي
روح: الحمدلله بخير يا بابا وانت عامل ايه
الاب: بخير يا حبيبتي
روح: سلملي علي جدو وتيته كتير كتير علشان وحشوني
الاب: وانتي وحشتيهم اووي يا روحي متتأخريش عليا
روح بضحك لتخفف عن ابيها: ايه يا حجوج انت هتقلب رجل عاطفي ولا ايه هتخليني اتطلق واتجوزك والله
قاسم وهو نازل علي السلم: لا والله وانا مش هطلق
روح: سامع يلا بقا جهز الفرح علشان اجي اتجوزك هو وافق
الاب بضحك: يا بنتي انتي مش هتكبري خالص
روح بضحك: لا هفضل روح الصغيره اللي ابوها مدلعها علطول بزمتك لو انا كبرت وبطلت اللي بعمله انت هتفرح ده انا روح يا بابا اللي لسه بتجري وراها وهفضل روح اللي دايما قالبه الجو طفولي انا طفوليه يا بابا ومعترفه بكده خالص
الاب: مهما كبرتي هتفضلي الاوزعه اللي كانت بتجري البيت كله علشان بس ترضي ان حد يسرحلها شعرها مكنتيش بتحبي حد يلمس شعرك غيري انا او جدك
روح بضحك : ولسه يا بابا محدش يقدر بس يلمسه غيرك انت وجدي وانا غير كده اقطع دراع اللي يلمسه بس
الاب: بت انتي قلبتي كده ليه
روح بضحك ولكن عيونها دمعت حزنا علي فراق والدتها: ولا قلبت ولا حاجه يا بابا انت عارف اني مبحبش حد يلمسه لان انت عارف ان ماما كانت بتحبه طويل وانا بحبه كده علشان هيا بتحبه مع انه كان بيدايقني وانا صغيره بس حبيته
الاب: متزعليش يا روح ابوكي الله يرحمها يا روح كفايه يا روح حزن عليها يا قلبي انتي بتعزبيها يا روح علي الاقل سيبيها ترتاح يا روح
روح وهي بتحاول تكتم دموعها: الله يرحمها يا بابا حاضر
الاب: يلا باي يا حبيبتي
روح: باي يا بابا وابقي سلملي على اللي عندك يا حبيبي
الاب: حاضر يا روحي سلام
روح: سلام يا بابا
وقفلت مع باباها
روح بصت لسوزان: حضرتك محتجاني دلوقتي يا ماما
سوزان شافت الدموع في عيون روح: تعالي يا روحي تعالي يا حبيبتي
روح راحت عند سوزان وهي هتموت وتعيط وماسكه الدموع بالعافيه وبصوت مختنق: نعم يا ماما
سوزان وقعدتها جمبها وحضنتها: عيطي يا روح عيطي يا حبيبتي متكتميش العياط ممكن ترتاحي عيطي يا روح متخبيش في قلبك يا حبيبتي.
روح حضنتها جامد وكأنها لقت طوق نجاتها وبدات تعيط وشهقاتها عاليه بتعيط جامد من وجع قلبها علي مامتها المتوفيه بتعيط بحرقت قلب من فراق امها فراق الام شيئ صعب الام الشخص اللي بيحب وبيعطي كل حاجه للطفل هي الحنيه بتحضنيها بتحسي بدفا وحنان العالم مجتمع في حضنها بتعرفنا من نظره اول ما تشوفنا بتعرف اذا كنا مخبيين حاجه ولا لا وبتلح علينا لحد ما بنقول ممكن تنفعل وتضغط علينا وتقسي في اوقات بس لمصلحتنا الام دي حاجه عظيمه مش هتلاقيها في اي حد فيها حاجه بتشدك انك تحكيلها كل حاجه جواك بتحس بيك ولو بعيد عنها اميال امك يعني الحنيه يعني الحب اللي مفيش زيه يعني بتخاف عليك من نفسك فما اعظم حنان الام
سوزان وريم عيطوا علي عياطها وقاسم واقف نفسه يروح يحضنها ويواسيها نفسه يقولها انه معاها وهيكون ليها كل حاجه زعلان علي زعلها وقلبه وجعه من صوت عياطها وشهقاتها كانه انقسم نصين وبعد شويه سوزان حست بانتظام انفاس روح وعرفت انها نامت
سوزان بصوت مبحوح من كثرة البكاء: قاسم اشتال روح طلعها علي سريرها
قاسم قرب من روح واشتالها براحه كانها ازاز خايف انه يتكسر وطلعها فوق ونيمها علي سريرها وقرب منها باس راسها وبصلها شويه ونزل تحت لامه واخته قاسم قرب من مامته واخته وحضنهم وفضل جمبهم وغمض عينه وشرد في الذكرايات
flash back
يوم كتب كتاب قاسم وروح
محمد عم قاسم وابو روح: قاسم تعال معايا عايزك في حاجه ضروري
قاسم راح مع عمه ودخلو مكتب جده اللي كان فاضي
محمد قعد علي الكرسي قبال قاسم: انت زي ماجدك قال هتتجوز روح يا قاسم وانت متعرفش روح اصلا متعرفش لا مرت بايه ولا حصلها ايه وانا علشان اسلمك بنتي لازم اكون واثق فيك يا قاسم
انا حسب الاسبوع اللي قعدته معانا عرفتك وعرفت اخلاقك بس بصراحه انا لحد الان لسه موثقتش فيك بس انا وافقت علشان عارف عبدالرحمن اخويا وواثق فيه وعارف انه مبياخدش قرار غير لما يكون فكر فيه مره واتنين وتلاته بس عايز اعرفك روح مرت بايه يا قاسم لان بنتي طريقة التعامل معاها مش سهله جدك عرفك انك هتتجوز روح بس مقالش علي اهم حاجه في حياة روح يا قاسم
قاسم باستغراب: لي ايه اللي حصل لروح من طريقة كلام حضرتك في حاجه كبيره ورا روح
محمد: روح يا قاسم مرت بمشاكل كتير واهمها مشكلة موت مامتها يا قاسم روح كانت متعلقه بمامتها جدا جدا جدا بطريقه صعبه حتي شكلها نسخه طبق الاصل من مامتها كانت متعلقه بمامتها بطريقه كبيره كانت علاقتهم اكبر من علاقة ام وبنتها كانت مامتها هي صحبتها واختها وكل حاجه في حياتها حتي احيانا لما كنت انا ومامتها بنتخانق كانت ممكن متكلمنيش بس مامتها متقدرش المفروض لما تخاف تجري علي ابوك بس بالعكس هيا كانت بتجري علي مامتها كانت مامتها بتهتم بيها بطريقه جميله جداً علاقتهم كانت حلوه اووي وفي يوم مامتها كانت رايحه تجيبها من المدرسه وبعدها هتخدها ويتفسحو وانا المفروض اروحلهم هناك بعد اما اخلص شغلي وفعلا راحت جابتها بس حصل اللي مكناش نتوقعه كان في اعداء ليا انا وجدك ويوميها قطعوا فرامل العربيه لما مامتها دخلت تجيبها من المدرسه وشوفنا ده في الكاميرات ولما ركبوا حاولت مامتها توقف العربيه مقدرتش ساعتها مامتها رنت عليا وانا في طريقي ليهم وحكتلي اللي حصل وقالتلي الطريق اللي هيا ماشيه واللي كان الطريق بتاع الوادي وروحتلهم بسرعه وشوفت العربيه بتاعت مامتها ووقفت جمى العربيه وكنت ماشي بنفس سرعتها وساعتها مامتها فضلت تتحايل علي روح علشان تتطلع تروح عربيتي وروح مكانتش راضيه تطلع غير معاها ومامتها قالتلها انها هتطلعها وتطلع وراها علطول ساعتها روح وافقت وطلعنا روح ومامتها كانت لسه هتطلع بس كنا وصلنا عند الوادي ساعتها مامتها معرفتش تتحكم في العربيه وتطلع ووقعت العربيه في الوادي روح الي كان عندها 8سنين شافت مامتها وهيا بتقع من الوادي الحاجه اللي بتعتبرها العالم كله مامتها قبل ما تقع وصتني عليها انا حاولت امسكها بس معرفتش طلعت من العربيه بسرعه بس ملحقتهاش وقعت قدام عيني انا وروح روح نزلت من العربيه وجريت عند الوادي وهي بتعيط وفضلت تنادي علي مامتها وكانت هتنط وراها لولا انا مسكتها فضلت تصوت وتعيط وتنادي عليها بس محدش رد اغمي عليها ساعتها بعد ساعه من الصويت والعياط رنيت علي جدك وقولتله علي اللي حصل وقالي اني اودي روح وهو هيشوف مامتها وهيدور عليها جريت بيها علي المستشفي وللاسف حصلها صدمه عصبيه دخلت في غيبوبه فاقت بعدها بعشر شهور وفاقت يوميها علي صويت وعياط دخلت فضلت اهدي فيها وهيا كانت بتسأل علي مامتها كانت تفضل تسأل عليها كانت فايقه مش فاكره ايه اللي حصل وحمدت ربنا انها مش عارفه علشان عارف ان ردت فعلها مش هتبقي سهله وفي يوم رجعت من شغلي لقيتها بتعيط وحابسه نفسها في الاوضه ولا بتاكل ولا بتشرب فضلت تسالني علي مامتها مره واتنين وتلاته ولما لقيتني مرديتش بصتلي بصه عمري ما هنساها بصيتلي وعنيها مليانه دموع وقالتلي ماتت بصتلها بخوف لتكون افتكرت حاجه من اللي حصل وهيا بصتلي وقالتلي ماتت عمرها ما هتكون عايشه ومهتجيش تشوفني عمرها ما كانت هتسيبني مكنتش بتسيبني دقيقه ازاي هتسيبني دلوقتي
انا قولتلها انها ماتت وكانت مصره تعرف ازاي بس مقولتلهاش مرضيتش اقول.
هي لحد دلوقتي عارفه انها ماتت بس متعرفش ماتت ازاي ولا فاكره ايه اللي حصل ولازم متفتكرش ياقاسم انا هعطيك مهلة لحد فرحكم انك تكسب ثقتي انا وروح يا قاسم علشان اقدر اسلمك بنتي وانا متطمن
back
قاسم صحي من شروده علي صريخ روح بصوت عالي طلع يجري علي اوضتها ودخل بسرعه لقاها قاعده علي الارض في زاويه من الاوضه وضامه رجلها وبتعيط وبتترعش قاسم قرب منها
قاسم: روح
روح وهي بتردد نفس الكلام: ماتت ماتت
قاسم قرب منها بخوف تكون افتكرت: روح
روح مبتردش قاسم مسكها من كتفها وبدا يهز فيها: روح فوقي
روح بصتله وكانها مكنتش واعيه وهي بتعيط وبتقول بتقطع: قا قاسم ما ما ماما با بابا ما ماتت ماتت قدامي ماتت يا قاسم
قاسم اخدها في حضنه: عارف عارف يا روحي عارف يا حبيبتي اهدي اهدي يا قلبي ونامي يلا
روح بصتله بعياط: ماتت بسببي انا انا السبب لو مكانتش زنيت عليها تجيبني من المدرسه مكنتش هتركب العربيه اللي فراملها بايظه مكنتش هتركبها انا السبب انا انا السبب كان المفروض منطش من العربيه الا وهي معايا مكنش ينفع اسيبها لوحدها انا السبب يا قاسم انا اللي قتلتها
قاسم: لا يا روح انتي مش السبب ده كان عمرها يا روح
روح: انا انا السبب انا السبب انا انا اللي كان لازم اموت انا
قاسم: كفايه يا روح كفايه
روح فضلت تعيط وموقفتش ثانيه واحده: انا انا اللي كان لازم اموت انا السبب في موتها انا وفجاه اغمي عليها قاسم اشتالها بسرعه وحطها علي سريرها وطلع التلفون ورن علي عماد
قاسم: تخلقلي دكتوره يا عماد وتبعتهالي البيت في ربع ساعه يا عماد ربع ساعه بس
عماد: حاضر بس فيه ايه
قاسم: بسرعه يا عماد وابقي اقولك بعدين
عماد: حاضر
وبعد ربع ساعه كانت الدكتوره وعماد واقفين قدام قاسم وكان من حسن حظ عماد ان الشركه قريبه من البيت فقدر يتجنب غضب قاسم وطلع قاسم وسوزان وريم لعماد وقاسم فضل رايح جاي قدام الاوضه واخيرا الدكتوره طلعت
قاسم: مالها يا دكتوره
الدكتوره: عندها هبوط المفروض ترتاح وتبعد عن الاخبار السلبيه والعلاج ده المفروض تعطيهولها في ميعاده وانا عطيتها حقنه مهداه علشان ترتاح وهتفضل نايمه فلو اتاخرت ونامت عادي
قاسم:شكرا واخد الروشته ودخل بسرعه لروح اللي كانت نايمه زي الملاك
ودموعها بتنزل بدون ما تحس
قاسم فضل يفكر هيعمل ايه واول حاجه قرر يعملها انه يرن علي باباها: السلام عليكم
محمد: وعليكم السلام ورحمة الله وبركاته
قاسم بتوتر: اخبارك يا عمي
محمد: بخير الحمدلله يا قاسم مالك حاسك مش طبيعي
قاسم بتوتر: روح
محمد بلهفه وخوف: مالها حصلها حاجه
قاسم:روح افتكرت حادثة موت مامتها يا عمي
محمد: رجعلي روح دلوقتي حالا يا قاسم
قاسم: بس يا
محمد: متخافش يا قاسم انا واثق فيك بس لازم روح ترجع حالا انا عارف اللي هنعمله علشان عارف ايه اللي حصلها دلوقتي
قاسم: حاضر يا عمي
قاسم بصلهم: ماما كلمي بابا وقوليله اني هسافر الصعيد انا وروح ريم معليش جهزيلي شنطة روح عماد انا عارف اني هتقل عليك بس ابقي ابعتلي دلوقتي بتاعي اون لاين
سوزان: حاضر
ريم: حاضر
عماد: مفيش تعب يا قاسم
قاسم: شكرا ليكو بجد
ونص ساعه وكان قاسم شايل روح وبيدخلها العربيه وكلهم واقفين بيودعوه وركب عربيته وكان منزل الكرسي بتاع روح لوضعيه الرجوع لورا علشان تنام مرتاحه وكانت قاعده في الكرسي اللي جمبه وبيبص عليها كل شويه ووصلوا الصعيد اخيرا
واول ما نزل لقاهم واقفين كلهم مستنين عند البوابه بتاعت القصر
راح وفتح الباب بتاع روح واشتالها ودخل بيها بهدوء
واول ما دخلوا قاسم طلع روح اوضتها واتاكد انها لسه نايمه ونزل لتحت عند الكل
محمد: ايه اللي حصل يا قاسم وقولي اصغر التفاصيل
قاسم: روح لما كانت بتكلم حضرتك الصبح وافتكرت مامتها فضلت تعيط وبعدين نامت من العياط طلعتها اوضتها ونزلت تحت ولما كنت قاعد سمعت صوتها وهيا بتصوت وبتنادي باسم مامتها طلعت لقيتها قاعده علي الارض في زاويه من الاوضه وقاعده بتعيط ومكانتش واعيه للي حواليها فوقتها وبعدين لقيتها بتقول انها السبب في موت مامتها ولو مكانتش راحت المدرسه مكانتش هتموت
محمد بتفكير: تمام
قاسم: هنعمل ايه دلوقتي يا عمو
محمد: هنروح عند الوادي بس هي ليه نايمه دلوقتي
قاسم: هيا اخدت حقنه مهدئه والدكتوره قالت انها مش هتفوق دلوقتي هيا واخده الحقنه من حوالي تلت ساعات بس مش عارف هتفوق امته
محمد: تمام
وبعد ساعتين وهما قاعدين متوترين سمعو صوتها وهيا بتزعق
روح: يا مامااااااا يا ماااااماااااااا يا بااااباااا انتو فين قاسم يا قااسم يا قاااسم يا قاسم تعالي بسرعه الحقني
قاسسممممم
قاسم كان طلع جري اول ماسمع صريخها كان اول واحد وصل عندها بس انصدم لما لقا حد بيحاول يخنقها واول ما شاف قاسم طلع جري بس قاسم طلع يجري وراه بس لاقاه نط من الشباك وبعد بعيد وروح فضلت تعيط قاسم جري عندها وحضنها
قاسم: خلاص يا روحي اهدي يا حبيبتي اهدي
روح بعياط: كان كان كان عايز يقتلني يا قاسم
قاسم: متخافيش محدش هنا محدش هنا محدش هيقرب منك اهدي
روح فضلت تعيط
قاسم: خلاص اهدي يا روح وكفايه عياط بقي انتي بتعيطي من الصبح يلا علشان تنزلي تحت
روح مسكت جامد في هدومه وبعياط وخوف: لا لا متسبنيش لوحدي لا
قاسم: مش هسيبك يا روح مش هسيبك متخافيش تعالي اقف يلا
ووقفها بس مقدرتش تقف وحست ان دماغها بتلف مسكت فيه بسرعة عشان متقعش وهو قعدها علي السرير
قاسم:مالك يا روح
روح: مش عارفه حاسه ان دماغي بتلف
قاسم: علشان قاعده تعيطي من الصبح تعالي واشتالها ونزلها تحت وكلهم نزلو وراه وقعدها علي الكنبه روح فضلت قاعده ساكته معملتش اي حاجه ولا عيطت ولا زعقت ولا انهارت كان هدوءها يخليك تفكر انها قاعده عادي لو اثار الدموع مكانتش علي وشها ولا انفها الاحمر وخدودها ووشها من كتر العياط هدوأها ده كان بمثابة الوتر اللي بيلعب باعصابهم
روح بصوت يكاد يسمع بسبب كثره البكاء وبقمة الهدوء وهي بتبص لباباها: انا عايزه اروح هناك
محمد بصلها بحزن علي حالتها: حاضر يا روح حاضر
روح ووقفت وكانت هتقع بس قاسم لحقها ووقفها: دلوقتي
محمد: مش هينفع دلوقتي
قاسم: انتي تعبانه يا روح مش هينفع تمشي ده انتي مش عارفه تقفي حتي
روح: انا هروح دلوقتي يعني هروح دلوقتي بيكوا او من غيركوا
محمد وقاسم: بس
روح: تمام انا عرفت انتوا عايزين ايه
محمد: خلاص هنروح دلوقتي
وقاسم اشتال روح دخلها العربيه وركب هو ومحمد وراحو علي المكان اللي روح عايزه تروحه ووصلو اخيرا قاسم ومحمد نزلوا وراح يشيل روح
روح: لا انا اللي همشي
قاسم بهدوء: حاضر وفضلو ماشين جمب روح اللي راحت عند الوادي اللي وقعت منه مامتها وفضلت واقفه بتفتكر مكان العربيات وازاي هيا نطت وايه اللي حصل كانت بتفتكر كل تفصيله
حصلت
روح: فين سلسلتي يا بابا
محمد: انهي واحده
روح: بتاعتي انا وماما
محمد: انا كنت مفكرها معاكي
روح بفزع: بس انا لما فوقت مكانتش معايا وفكرتها مع ماما ولما عرفت ان ماما ما تت فكرتها معاك
محمد: لا انا ماخدتهاش ساعتها
روح: ما هيا اكيد هنا وبدات تدور عليها
محمد: مش هتلاقيها يا روح مش هتلاقيها انتي عايزه تلاقيها بعد11سنه يا روح
روح بزعيق: لا لا هيا هنا اكيد هنا ودورت عليها في كل مكان ملقتهاش قعدت علي الارض وفضلت تعيط: هيا كانت اخر امل ليا هيا اللي كانت هتعرفني كل حاجه ااااه مااااامااااا انتي ليه روحتي وسيبتيني لييييههههه ااااااههه يااااارب يارب هيا اخر امل ليا يارب متضيعهاليش يارب ولمحت حاجه تحت الشجره وبسرعه وقفت وجريت عندها ومسكتها
روح ضحكت وهيا لسه بتعيط : هيا هيا سلسلتي وبصت للسما وكملت: شكرا يارب شكرا ووقفت بسرعه
روح: بابا قاسم تعالوا بسرعه وركبوا العربيه
قاسم: هنروح فين دلوقتي
روح: هنروح لقبر ماما الاول وبعدين هنروح البيت
قاسم بص لمحمد اللي هز راسه وبص لبنته باستغراب
قاسم عرف من محمد الطريق وراح ووصلوا قدام المقابر روح نزلت ووهما دخلوا وراها وهي قعدت علي الارض قدام قبر مامتها وفضلت تعيط وقاسم كان طلع برا وقف قدام المقابر
روح: بعدد كل دمعه نزلت من عيني عليكي وكل مره نمتها من غيرك وفضلت اعيط فيها وكل ثانيه مرت عليا من غيرك وكل مره كنت بستفقدك فيها وانتي بتناديني يا روحي وحياة حرقت قلبي عليكي وحياة كل ثانيه ابص لصحابي الاقيهم مع امهاتهم وانتي مش معايا بحق كل صرخه صرختها انا وانتي يوميها يا امي بحق كل ذره خوف خوفتيها وانتي قاعده خايفه عليا يحصلي حاجه ومخوفتيش علي نفسك وحيات كل نفس اخدته يا امي لحد الان وحيات العشر شهور اللي نمتهم من قهري وزعلي عليكي يا امي وحيات حبك ليا يا امي لاخد حقك يا قلب روحك وربي اللي ما بعبد غيره يا ماما لوريهم روحك هتعمل ايه هوريهم روح الطفله اللي كانت بتحب امها واللي لما قتلوا امها بنولها وحش جواها وجيه معاد ظهور الوحش يا ماما شافو وش روح محمد المناوي بس لسه هيشوفو وش وحش المخابرات يا ماما نسيت من15 سنه بس افتكرت دلوقتي وهوريهم هما بنوا ايه جوايا من 15سنه واوعدك مش هرجع غير وانا واخده حقك منهم ومموتاهم كلهم يا ماما ولو مرجعتش هنا يبقي انا بقيت عندك فوق يا ماما وساعتها هجري عليكي وانا بضحكلك يا امي وانام في حضنك اللي مليان حنان يا ماما بس لو مت مش هموت غير وانا مطلعه روحهم يا حبيبتي ووطت علي القبر باسته باي يا ماما وفتحت السلسله اللي في ايدها بصت فيها لصورة مامتها وقفلتها ولبستها في رقبتها
~~~~~~~~~~~~
اما عند قاسم
فطلع برا رن علي حد وفضل يتكلم معاه شويه واتفقوا انهم هيتقابلوا بالليل وقفل معاه لقا ريم طلعت هيا وباباها
وركبوا العربيه وراحو للبيت
واول ما دخلوا روح قعدت بهدوء وبصتلهم شويه وكانوا بيبصولها باستغراب وهيا قامت دخلت المطبخ واتاخرت شويه ورجعت وكانت بتحول الاكل علي السفره وهما بيبصولها باستغراب لهدوءها وهي خلصت تحويل الاكل وبصتلهم: يلا علشان الغدا انا عارفه ان مفيش حد اكل يلا علشان تاكلوا يلا قومو علشان ناكل
محمد بصلهم واللي كان متفاجأ بس بدا يفوق من صدمته وقالهم
محمد: يلا علشان ناكل
وكلهم بهدوء راحوا قعدوا علي السفره وبدا كل واحد فيهم ياكل
وبعد ما خلصوا اكل وقفت وطلعت اوضتها فوق وهما وقفين مستغربين ازاي هاديه كده
~~~~~~~~
اما عند روح فقلعت السلسله بتاعتها اللي علي شكل قلب وفتحت القلب طلعت صورتها هي ومامتها وفضل القلب بس طلعت منه كاميرا وجهاز صوت واخدت الكارت من الكاميرا وحطته في
اللاب توب بتاعها وبدات تسمع ايه اللي حصل باهتمام
وخلصت وقفلت اللاب توب
روح وهي بتضحك بطريقه مخيفه: ورحمة امي لوريكوا كلكوا وميبقاش اسمي الوحش ان معرفتكو ورتبت الحاجه تاني في السلسله ولبستها وفضلت تفكر شويه وبعدين راحت عند قاسم
روح وخبطت علي اوضة قاسم
قاسم: ادخل روح دخلت عند قاسم
قاسم: تعالي يا روح
روح: قاسم انا عايزه انزل القاهره ودلوقتي
قاسم بصلها باستغراب: القاهره
روح: ايوة ودلوقتي يا قاسم
قاسم: بس
روح: مبسش يا قاسم انا عايزه ارجع القاهره دلوقتي يا قاسم
قاسم: ماشي انا معنديش مشكله بس انا واثق انك عايزة ترجعي القاهره لسبب معين وانا عايزة اعرف ايه السبب ده
روح: علشان ماما وريم وعمو وحشوني وعلشان شغلك وعلشان كليتي
قاسم: حاضر يا روح هغير هدومي ونستأذن من جدي ونمشي
روح: شكرا يا قاسم
قاسم: عفوا يا روح
وطلعت بره وهو دخل لبس ونزل يقول لجده
قاسم خبط علي باب المكتب ودخل بعد ما جده اذنله يدخل
قاسم: السلام عليكم يا جدي
الجد: وعليكم السلام ورحمة الله وبركاته مالك يا قاسم
قاسم: بعد اذنك يا جدي انا وروح راجعين القاهره
الجد: بس انتوا مكملتوش معانا يوم حتي
قاسم: روح عايزه ترجع وانا مستغرب وسالتها قالت ان بابا وماما وريم وحشوها وعلشان شغلي وكليتها
الجد: تمام يا قاسم بس خلي بالك منها لان روح مش ناويه علي خير
قاسم: ليه يا جدي
الجد: روح الهدوء والبرود بتاعها ده هدوء ما قبل العاصفه لان روح جواها دموع مكتومه كاتمه حرقت قلبها علي امها روح عمرها ما اتسمت بالضعف لانها بتكره الضعف بتكره ان يكون في حاجه هي اللي ممشياها روح برايها ان الضعف معناه الذل معناه انك بتسمحلهم يدوسو عليك مبتحبش تبين وجعها لحد بتداري فيه علطول مبتقدرش تتكلم عن وجعها الا نادرا ولما بتثق في حد مبتحبش تثق فيه لدرجة الجنون علشان متتعلقش بيه ولو حصل حاجه وسابت اللشخص ده تقدر ترجع تاني روح دلوقتي يا قاسم محدده هدفها واللي هو الانتقام روح هتطلع الوحش اللي جواها ولو طلعته مش هيرتاح ولا هيهمد غير لما ياخد حقه يا قاسم روح مش سهله روح لما بتحط في دماغها حاجه هتنفذها حتي لو فيها موتها ممكن تطربق الدنيا فوقاني تحتاني علشان تعملها وهتعملها روح عنيده جدا جدا وهتاخد بتار امها ومهترتاحش غير لما تقتلهم بالسكينه التلمه اللي هما قتلوها بيها وهتبقي سكينتها اتلم ميت مره من السكينه بتاعتهم علشان هتموتهم بالبطئ يا قاسم خلي بالك منها يا قاسم
قاسم: حاضر يا جدي وطلع جاب شنطته وراح لروح ولقاها جاهزه نزلوا تحت والعيله ودعتهم وركبو العربيه ووصلو للقاهره
~~~~~~~~~
اما في القاهره وخاصة بيت عبدالرحمن المناوي
كانوا قاعدين بيفكروا في اللي حصل النهارده وفجاه لقو الباب بيخبط الشغاله فتحت الباب ودخل قاسم وروح
سوزان جريت عليهم: هو في ايه انتو كويسين
روح وقاسم: الحمدلله بخير
ريم قربت عليهم: انتي بخير يا روح
روح: بخير يا ريم متخافيش محصلش حاجه
عبدالرحمن: امال ايه اللي حصل يا بنتي
روح ببرود: مفيش حاجه حصلت يا عمو افتكرت حادثة موت ماما بس
عبدالرحمن: يعني انتي افتكرتي كل حاجه
روح: ايوة يا عمو
سوزان: طيب استنوا اما اعملكوا العشا بتاعكم
قاسم: شكرا يا ماما بس عايز انام
روح: وانا كمان
عبدالرحمن: خلاص تصبحوا علي خير انا كمان طالع انام
سوزان وريم: واحنا كمان تصبحو علي خير
والجميع طلعو يناموا
Basmala Ahmed
•يتبع الفصل التالي (رواية روح الفهد) اضغط على اسم الرواية