رواية طوق الحب الفصل السادس 6 - بقلم هدير عبد العليم
رواية طوق الحب الفصل السادس 6
سيف بعصبية: يعنى أيه يا عمى ؟!! يعنى أنا جاي شاري بنتك و بحارب العالم كله علشان حضرتك تقولي كده
عمى : للأسف يا بني دى الأصول
رنا بتنهيد : طب ماما هتيجي معانا نيجى أمتى ؟؟
(سيف, رفعت حاجبي و بكل غيظ بصيت ل رنا .. لأنى عارف ان ماما مستحيل توافق تيجي .. فضلت أقول فى بالى الله يسامح يا رنا ليه تعملي كده .. قطع كل الصمت ده صوت عمى )
عمى :يا عروسه تعالى
سيف : ظهر عليا إبتسامة.. أنه خلاص كده عمى شبه موافق
رنا : من حقك تحارب علشانها يا سيف باشا .. قمر اللهم بارك
رغد : أنتِ أخته ؟
سيف : اه رنا أختي
(رغد سلمت على رنا و بدأنا نتكلم فى كذا حاجه و بعدها مشينا لكن .. مش متأكد هو أنا هاجي تانى ولا لا .. أنا عارف ان عمى معه حق .. لكن أنا مش عارف أعمل أيه.. بين نارين يا أختار حد مش شبهي و اكمل باقى حياتي مش مبسوط يا أحارب علشان رغد و أعيش مع حد مطمن معه )
^^^ فى الطريق^^^
رنا : يعنى ساكت؟؟
سيف بعصبية: رنا تعرفي تسكتي
رنا : الله أنا عملت إيه!؟
سيف : عرفيني بقا ماما هتيجي إزاى.. دا أنا طلع عيني علشان توافق أتجوز رغد .. متخيلة بقا إنها هتوافق تيجي ؟!
رنا بضحك: أنا هعرف اخليها تيجي
سيف : يخربيت برودك يا شيخه
رنا : هعرف ان شاء الله
سيف بعصبية: ماشي يا هانم .. وصلنا
^^ فى بيتنا ^^
ماما : مبروك يا سيف
سيف : للاسف يا ماما..
رنا ب إبتسامة: أنت هتهزر مع ماما يا سيف ... الله يبارك فيكِ يا ست الكل
سيف بدهشة: هاا .. اه الله يبارك فيكِ ؟!
ماما : سيف أنت كويس؟
رنا بخوف : يالهوي سليم !!!!؛؟؟؟؟
سليم : أزيك يا ماما .. ازيكم كلكم عاملين أيه
ماما : الحمد لله يا سليم
رنا : عامل أيه يا سليم
سليم : الحمد لله.. كنتوا فين ؟
رنا : كنا بره
سليم بغمزه : اه ما أنا عارف إنكم كنتوا خارجين من غيري
رنا : يعم خارجين أيه.. دا أنا كنت هكشف .. هو أنت حد بقا بيشوفك .. الشغل بقا رقم وأحد فى حياتك
سليم : وسيف كأن بيكشف؟ و بالبدله؟!!
سيف :..
رنا : لا ما هو ..
ندى : كأن هيوصلني لفرح صحبتي .. مش هنمشي بقا ولا إيه يا سيف
سيف : اه .. يلا..
رنا :أنا همشي معاهم علشان جوزي حبيبي
( ندى بتيجي ديما فى الوقت الصح.. مكنتش عارف أتكلم » كنت هقوله أيه هقوله إنى كنت بخطب و بخطب مين رغد!!؟؟،)
ندى بضحك: كنت هتفضح نفسك
سيف : بجد مكنتش عارف أتكلم او أقول أيه
ندى: المهم عملتوا أيه
رنا : قالت ل ندى على إللي حصل
سيف بعصبية: رغد أنتِ بتهزري .. ليه قولتي ل ماما إنى خلاص خطبت رغد
رنا : فاهم يعنى أيه ماما تعرف إنك شبه اترفضت؟!
سيف : بس أنا مترفضتش .. عمى أتكلم فى الأصول
رنا : لو كانت ماما عرفت إللى حصل كنت تتوقع هتعمل أيه غير إنها تصمم ان الجوازة تتعك
سيف : طب و الحل أيه ؟
ندى : لما ييجي يوم الجمعه.. أكيد هتتحل
سيف بحزن : يارب يا نودي
رنا بضحك: لا و سليم مركز فى البدله بتاعتك اووي
ندى بضحك: لما ترجع أبقا اديهالوا .. شكله عينه فيها
سيف : دا أنا لو عليا عايز..
رنا : يا بنى عيب دا أخونا الكبير برضو .. يلا سلام
ندى : سلام
سيف بضحك : عدى الجمايل وصلتك أهو
ندى : يعم اسكت ... دا أنا إللى طلعتك من ورطه
سيف : عندك حق .
ندى : سيف أنت ليه متوتر
سيف : والله يا ندى مش متوتر .. يمكن مش عارف أحدد أنا عايز أيه.. ولا أنا فعلاً المفروض أكمل علشان رغد .. ولا كده خلاص و أقفل الموضوع ده .. ندى عارفه شعور الشخص إللى بيحب بس مش عارف هل الحب ده يستاهل إنك تعمل علشانه المستحيل ولا لا.. ندى أنتِ فاهمه كلامي
ندى ب إبتسامة: سيف أنت بدأت تخاف من سليم .. مش علشان أنت بتحبها ولا لا.. لان أنا وأنت وكلنا عارفين ان الحب مش هو الجواز .. الجواز أكبر بكتير من الغرام .. الجواز مودة و سكينة و أخيراً الحب ... فاهمني
سيف : تفتكري؟
ندى ب إبتسامة: بلاش تهرب لمجرد إنك محتاج تبذل شويه مجهود
سيف :..
ندى : اه هى دى القاعه
سيف : ندى معلش ممكن أفضل فى العربية لحد ما تخلصي و..
ندى بضحك: أنا بقول كده برضو .. علشان أصحابي و غمزتلي و دخلت
( سيف , فكرت أكلم داليا بنت عمى, يمكن أحاول معها انها تكلم سليم)
^^ فى المكالمة^^
سيف : عاملة أيه
داليا : الحمد لله.. أنت إللى عامل أيه... و عملت إيه
سيف : داليا أنا تايهه اووى
داليا : ليه؟
سيف : هسألك سؤال عبيط شويه
داليا : أيه؟ أسأل؟
سيف : أمتى أحس إنى مش خائف
داليا : لما تقابل حد يحبك بجد .. حد تقدر تتكلم معه و كأنك بتكلم نفسك ..
سيف : اه
داليا : مالك
سيف: لا عادي .. هو أنا ممكن أقفل لأنى مش فاضي
داليا: أنت متأكد إنك كويس؟
سيف : اه .. سلام
داليا ب استسلام: سلام
^^
سيف : يعنى جيتي بسرعه
ندى : سليم كلمني و قالي أنه عايزك ضروري
سيف : ليه
ندى : بيتصل بيك أنت مش بترد
سيف : كنت بكلم داليا
ندى : يلا
^^^ فى البيت^^^
سليم بتهديد : عارف لو طلعت خطبتها فعلاً.. أيه إللى هيحصل؟
سيف بضحك : قولى مبروك طيب
سليم : أنت مستفز .. بس قسمنا بالله .. لو الجوازة تمت يوم فرحك هتكون مرفوض من الشركه و..
سيف ب استفزاز : هى جات عليا .. عادى ما أنت رافضت رغد
سليم : أنا مش هتكلم
ندى : أيه يا سليم كل واحد حر
سليم : أنا ماشي عيالك دول..
( سيف , مركزتش اووي فى كلام سليم .. بس كان شاغل تفكيري يوم الجمعه إللى مش عارف هيعدي إزاى.. مر اسبوع كأن أطول اسبوع مر فى حياتي ... اسبوع ما بين الخوف و القلق.. ما بين السعاده إنى بقرب ل شريكه عمري و ما بين إنى خايف افتقدها)
^ يوم الجمعه ^
سيف : أيه يا رنا .. أنتِ فين
رنا : رنا أنا فى البيت
سيف بعصبية: رنا أنتِ بتهزري صح... أنتِ شايفه الساعه كام.. أنا مش بتصل بيكِ بدري الساعه ٨ بالليل
رنا : والله يا سيف تعبانة
سيف : ليه كده
رنا بحزن : تعبانة والله
سيف : حبيبتي الف سلامه عليكِ .. اجيلك؟!
رنا : شوف الأول حوار رغد
سيف: خلاص هكلم أنا ماما
( نزلت آشوف ماما » مش موجودة.. ولا ندى كمان »» دماغي بدأت تفكر ممكن يكونوا فين .. مش عارف ، كنت خلاص فقدت الأمل.. لكن قولت هعدى على رنا اشوفها قبل ما أروح ل رغد )
^^عند رنا^^
سيف : أنتوا..
•تابع الفصل التالي "رواية طوق الحب" اضغط على اسم الرواية