رواية الان اقول احبك الفصل السادس 6 - بقلم ندي سامي

  رواية الان اقول احبك كاملة بقلم ندي سامي عبر مدونة دليل الروايات 

رواية الان اقول احبك الفصل السادس 6

كانت ساره نازله من فوق و شايفه فارس واقف مع باباها و بيتكلم معاه ف وقفت تسمعهم

فارس : انا كنت عايز اطلب من حضرتك طلب

فؤاد : اتفضل يا ابنى قول

فارس : انا كنت بستأذن من حضرتك عايز اخد اجازه اسبوع اروح البلد لاهلى

ساره سمعت كده اضايقت و طلعت ع اوضتها فوق تانى و هى ماسكه العياط

فؤاد : اه طبعا انت مخدتش اجازه من ساعت م جيت ف براحتك روح لاهلك و ارجع وقت م تحب

فارس بامتنان : متشكر جدا والله

فؤاد : انت هتروح امتى

فارس : بكره الفجر أن شاء الله

فؤاد : تمام توصل بالسلامه

فارس سلم عليه و مشى

~~~~~~~~ فوق عند ساره

ساره كانت قاعده بتعيط عشان بدأت تتأكد انها فعلا بتحبو و فاكره انو هيسافر البلد عشان يتجوز البنت الى كان واعدها ب الجواز و كل م تتخيل الفكره تزود ف العياط

ساره : انا هقولو .. انا مصدقت لقيت حد بيهتم بيا بجد و احس معاه انى مبسوطه و كمان قلبى بيدق جامد لما ابقى معاه و مببقاش عايزه ارجع

قالت كده و فتحت الفون و بعتتلو رساله كان محتواها كالاتى ” تعالى خدنى الساعه 7 نروح نقعد ع النيل شويه لو ينفع ”

بعتت المسدج دى و قفلت النت و سابت الفون و قامت قعدت تعمل ماسكات و راحت خدت دش و نزلت اتغدت مع اهلها و بعدين طلعت لبست و قالتلهم أنها نازله و خرجت

_______________________

ع النيل

كانو قاعدين ساكتين فتره و بياكلو ترمس و هى بتفكر هتقول ازاى

ساره : هو انت هتسافر المنصوره فعلا

فارس : اه اسبوع كده و راجع

ساره بتوتر : هتتجوزها !!؟

فارس بصلها باستغراب من سؤالها و فضل ساكت شويه و مش عارف يقول ايه لأن هو نفسو اصلا مش عارف هو المفروض يعمل بوعدو ولا يمشى ورا قلبو !!

ساره خدت نفس عميق و قالت : فارس انا بحبك

فارس بصلها بصدمه ف كملت : معرفش ازاى و امتى بس كنت بحس انى مبسوطه و مطمنه و انا معاك و الأوقات إلى قضيناها مع بعض هى إلى خلتنى احبك و أشوفك شخص كويس و غيرهم و اكتشف انى مكنتش بحب ضياء اصلا و ده كان مجرد تعلق و كنت خايفه انو يمشى مش اكتر

فارس مسح ع شعرو و هو مش عارف يرد عليها مش عارف ياخد قرار ب إلى المفروض يعملو

قام وقف و قال : يلا عشان اروحك

ساره : طب ..

فارس بمقاطعه : يلا

ساره مشيت وراه بحزن و عرفت أن مفيش امل و أن هى بوظت الدنيا و كانت طول الطريق ماسكه عياطها عشان متضعفش قدامو لحد م وصلو و هى خرجت ف العربيه و قبل م تدخل اصلا كان هو مشى ف دخلت وهى بتعيط و مهتمتش لباباها و مامتها إلى بيندهو

~~~~~~~~ ف اوضه ساره

ساره رمت نفسها ع السرير جامد و هى بتعيط و مكانتش قادره تاخد نفسها حتى

ساره بعياط : غبيه ايه إلى عملتيه ده اصلا مكنش المفروض تيجى منى و بالتسرع ده انا غبيه

قالت كده و فضلت تعيط لحد م نامت بلبسها

_______________________

تانى يوم

ساره صحيت بس مرضيتش تنزل و فضلت قاعده ف الاوضى حتى مرضيتش تفطر معاهم و فضلت ع الحال ده لحد بليل و لحد م عرفت أن فارس ف الطريق للمنصوره

_______________________

تانى يوم الصبح ف المنصوره

وصل فارس و نزل م العربيه لقى مامتو و باباه و اختو مستنينو برا البيت

فارس و هو بيحضن مامتو : وحشتينى اوى يا ست الكل

_ وحشتنى اكتر يا ابنى والله كده تغيب كل ده

فارس : حقك عليا الشغل بقى

و راح حضن أبوه و اختو و دخل و قعدو كلهم جوا

الام : احنا قولنا ل عمك يجى و معاه احلام ” البنت الى كان بيحبها ” بكره ع الغدا عشان كانو عايزين يشوفوك

فارس سكت شويه و بيفكر هيقول لاحلام ايه و هل هى كانت مستنياه اصلا ولا لا

الام : يا ابنى انت سامعنى

فارس : اه يا ماما ينورو .. هقوم اريح شويه

قام و دخل اوضتو و قعد يفكر شويه و بعدين نام

_______________________

تانى يوم ف القاهره عند ساره

كانت ساره كل ده قافله ع نفسها و مش بتاكل غير قليل و قافله فونها و اهلها كل شويه يحاولو يدخلولها أو يدخلو اكل

نهاد : يا بنتى ريحى قلبى و افتحى ونبى طمنينى عليكى

كانت قاعده بتسمعها و هى بتعيط و مضايقه عشان كل الى حصلها ف الفتره القصيره دى

نهاد : طب افتحيلى يا حبيبتى و اتكلمى معايا و طلعى الى ف قلبك

مرتدش عليها ف نهاد فضلت واقفه برا بتخبط ع الباب و بعد شويه قامت فتحتلها و هى أول م فتحت نهاد حضنتها

نهاد : حبيبتى انتى كويسه صح

هزت راسها ب لا و هى بتعيط و راحت قعدت ع السرير ف نهاد قفلت الباب و راحتلها

نهاد : احكيلى يا حبيبتى مالك زعلانه من ايه

ساره حكتلها كل حاجه و هى بتعيط جامد

نهاد : يعنى انتى بتحبيه بجد يا ساره ولا عشان تنسى ضياء

ساره : معرفش بس كل الى اعرفو انى ببقى مبسوطه معاه و قلبى بيدق جامد و ضياء العكس كنت ببقى مبسوطه معاه بس مش بنفس الطريقه و كمان قلبى مكنش بيدق لما ببقى معاه و مكنتش بقضى وقت طويل معاه و كان دايما بيخلينى اقابلو قبل شغلى عشان انا إلى اقول انى همشى عشان الشغل

نهاد : متضايقش نفسك يا حبيبتى هو لو خير هيجيلك و ربنا مش هيمنعه عنك و بعدين انتى ايه إلى اكدلك اوى انو رايح يتجوز يعنى هو فى حد هيتجوز ف اسبوع

ساره بعياط : معرفش بقى يا ماما

نهاد : انا هنزل و هجيبلك الاكل تاكلى

نزلت و بعد شويه طلعتلها ب الاكل و قعدت معاها لحد م كلت و نزلت

_______________________

ف المنصوره بليل

جه عمه و احلام و سلمو عليهم كلهم بس كان فارس لسه ف اوضتو

اخت فارس ” ميار ” : انا هروح اشوف فارس لو لسه نايم

~~~~~~~~ ف اوضه فارس

كان بيلبس التيشرت عشان يخرجلهم لقى الباب بيخبط و ميار بتدخل

ميار : فارس يلا عشان عمو جه هو و احلام برا

فارس : خلصت اهو يا حبيبتى يلا

~~~~~~~~ برا

طلع هو و ميار و سلم ع عمه و مراته و بعدين راح لاحلام

بصلها شويه و بعدين قال : ازيك يا احلام

احلام : الحمدلله انت عامل ايه

فارس : الحمدلله

قال كده و قعد و قعدو يتكلمو كلهم شويه لحد م قامو يتغدو و خلصو غدا و قعدو ف الصاله يتكلمو كلهم

عم فارس : واحشنا أوى يا ابنى

فارس بابتسامه : وانت كمان يا عمى والله

عم فارس : ناوى ترجع امتى ولا هتفضل هنا

فارس : لا أن شاء الله اسبوع و راجع

عم فارس : ربنا معاك يا ابنى

فضلو يتكلمو كلهم و فارس استأذن عمو و خد احلام و خرجو البلكونه

~~~~~~~~ ف البلكونه

فارس : عامله ايه

احلام : الحمدلله انت عامل ايه

فارس : تمام الحمدلله

حط أيده ع رقبتو باحراج و بعدين قال : كنت عايز اقولك حاجه

احلام : اتفضل قول

فارس : بصى يا احلام انا عارف انى كنت واعدك انى هتجوزك لما نكبر بس احنا كنا اطفال و مكنتش فاهم بقول ايه و عارف انى المفروض أوفى بوعدى بس انا للاسف بحب واحده تانيه و مش عارف المفروض اعمل ايه دلوقتى

احلام بهزار : تعرف انى كنت نسيت الوعد ده اصلا .. يا عم روق مش مستاهله كل التوتر ده و زى م بتقول كنا اطفال ” كملت باحراج ” اصلا انا معجبه بواحد معايا ف الجامعه هو قال هيتقدم قريب

فارس بفرحه : بجد الف مبروك

احلام : الله يبارك فيك ” كملت بغمز ” هتبقى نأجل الخطوبه بقى تيجى انت وهى

فارس بضحك : ماشى يا ستى

فضلو يضحكو و بعدين خرجو برا و فارس حس انو مرتاح

_______________________

بعد أسبوع ف القاهره

ساره كل ده كانت شبه دخلت ف حاله اكتئاب و كانت ع طول ف اوضتها و اكلها قليل و مش بتكلم حد و مش بتسمح لحد يدخلها غير مامتها

~~~~~~~~ ف اوضه ساره

كانت قاعده ع السرير بتقلب ف صور المصيف إلى طلعوه و بتشوف الصور الى اتصوروها و هى بتعيط و لقت باب اوضتها بيخبط

نهاد بابتسامه : قومى البسى فى ناس مستنياكى تحت

ساره باستغراب : ناس مين

نهاد : هتعرفى لما تنزلى

ساره : بس انا مش عايزه انزل

نهاد : لو نزلتى كل الى انتى فيه ده هيتغير صدقينى

ساره سكتت شويه و قعدت تفكر و قررت تنزل عشان مينفعش تفضل حابسه نفسها كده كتير و كمان عشان تعبت من القعده ف الاوضه و هى مش متعوده ع كده

ساره : تمام يا ماما هنزل روحى انتى و انا هغير و اجى

نهاد : اكيد !!

ساره بابتسامه بسيطه : اكيد

نهاد باستها و قامت و ساره قامت تشوف هتلبس ايه و خدت دش و لبست و نزلت

~~~~~~~~ تحت

ساره نزلت و دخلت الصاله و لقت ..

• يتبع الفصل التالي اضغط على ( رواية الان اقول احبك ) اسم الرواية