رواية وقعت في حب مجنونة كاملة بقلم شهد محمود عبر مدونة دليل الروايات
رواية وقعت في حب مجنونة الفصل السادس 6
« في مكان تاني في فيلا عاصم»
وصلت السياره التي تنقل ملاك الي المنزل فهبطت منها
تركض نحو عاصم الذي انخفض لمستواها يقوم بحملها
فاردفت بحماس.. عاصم يا عاصم
اتجه عاصم بها نحو إحدا الارائك يجلس ويجلسها بجانبه: ايه ياختي خير اللهم اجعلو خير
ملاك: فين ماما يا عاصم الاول
ام عاصم من خلفها: انا اهو يا حبيبتي ها احكيلي عاملتي ايه في الschool
ملاك بسعاده: كنت شاطره مع الميس وكمان خلصت اكلي كله زي ما قولتيلي
ام عاصم: غريبه ما انا بقولك كل يوم خلصي اكلك وعلطول بترجعي بنص الاكل
ملاك: لاء يا ماما ميس روفان قالتلي ان لازم اسمع الكلام واخلص اكلي كله علشان اكبر بسرعه انتي عارفه يا ماما انا بحب ميس روفان اوي ونفسي تيجي تعيش معانا هنا علطول
عاصم: بس ما ينفعش يا حبيبتي
ملاك و هي تقوم بخلع حذائها بلامبالاه: اه ما انا عارفه ميس روفان هي كمان قالتلي ان ما ينفعش تيجي وتعيش معانه بس انا قولتلها الحل
عاصم عقد حاجبيه بقلق من افكار اخته الغريبه مردف بتساؤل: وايه بقا الحل بتاع حضرتك
ملاك بلامبالاه: ان انت وميس روفان تتجوزو
عاصم بصدمه: الحقي يا ماما بنتك هتشتغل علي اخر الزمان خاطبه
ام عاصم بضحك: ملاك يا حبيبت ماما انتي قولتي ايه لميس روفان كده احكيلي كل حاجه
ملاك ببرأة: انا قولتلها ان هي وعاصم يتجوزو علشان تعيش معانا وعلشان انتي كمان ترتاحي من عاصم
عاصم بقلق: وماما ايه علاقتها بل موضوع
ملاك ببرأه: مش علطول ماما بتقولك امتا تتجوز علشان ارتاح منك
عاصم: انتي قولتلها كده
ملاك: اه قولتلها كده
عاصم: هو ده الي انا كنت خايف منو اه يا برستيچك
الي اتبهدل يا عاصم
ملاك: ماما هو في ايه عاصم بيعمل كده ليه هو انا عملت حاجه غلط
ام عاصم بضحك: لاء يا حبيبتي اطلعي انتي غيري هدومك وانا هبقا اجيلك
ملاك: حاضر ياماما
عاصم: ينفع الي بنتك عملته ده
ام عاصم بضحك: يعني ده بدل ما تشكرها ان جيبالك عروسه
عاصم: انا هطلع علشان ميجرليش حاجه ولما اجي هشوف هعمل ايه مع القرده الي فوق دي
ام عاصم: بس ماتتأخرش علشان ناكل مع بعض
عاصم لاء انا مش هطول انشاء الله هكون هنا قبل معاد الاكل
ام عاصم: تمام
ــــــــــــــــــــــــــــــــــــ
«بعد مده من الوقت في شركة المنشاوي»
“حور وهي تدق باب مكتب زين ”
زين: ادخل
حور: استاذ زين الساعه 5
زين و لم يرفع عينه من علي الاوراق التي في يده: ايوا يعني عوزي ايه
حور: يعني المفرود ارواح البيت
زين وهو ينظر الي ساعته: لسه خامس دقائق كمان
حور: افندم
زين؛ الساعه خامسه الي خامس دقائق وانتي معا
خروجك من الشركه الساعه 5 يعني لسه خامس دقائق
حور: طيب
«بعد مرور خامس دقائق»
حور: اقدر امشي دلوقتي
زين: اه اتفصلي واه استني معادك بكره الساعه 9 واوعي تتأخري علشان مش بحب التأخير في الشغل
حور: حاجه تاني ولا امشي
زين: لاء اتفضلي
حور و هي تخرج من مكتب زين: اوووف انا عارفه ان بيعمل كل ده علشان يديقني
ــــــــــــــــــــــــــــــــــــــــــــ
«بعد مده امام منزل حور»
حور بمرح: ايه يا ماما كل ده علشان تفتحي الباب
الاء بحب: ممعلش يا حبيبتي يلا ادخلي وقفلي الباب وراكي
حور: ايه بقا يا لولو يا قمر عمللنا اكل ايه بقا النهارده
الاء: روز و سبانخ
حور: وليه جيه علي نفسك كده
الاء: لا يكون الاكل مش عجبك ولا حاجه
حور: لاء هو انا اقدر ما يعجبنيش حاجه انتي عملاها بأيدك
الاء: انا هقوم احط الاكل علي ما تغيري هدومك
حور: ماشي يا ست الكل
«في غرفة حور»
جلسة حور علي فراشها بعد ان بدلت ثيابها … التقطت هاتفها تهاتف روفان فلقد نسيت امرها و لم تحدثها طوال اليوم: ازيك يا روفان عامله ايه
روفان: الحمد لله… رحتي الشغل
حور بستغراب: ايه ده انتي عرفتي منين انا ماقولتلكيش
روفان: خالتو قالتلي النهارده..المهم عملتي ايه في الشغل
حور: بس انتي مش هتتخيلي مين المدير بتاع الشغل
روفان: مين
حور: فكرا الشب الي اتخنقت معاه قدام المول
روفان: اوي تقولي ان هو المدير
حور: للاسف هو
روفان: و انتي و فقتي تشتغلي في الشركه عندو
حور: للاسف اه انتي عارفه خالتك مش عجبها ان اقعد في البيت لا شغله ولا مشغلا
روفان بضحك: انتي هتعرافيني علي خالتو دي اكيد عوزكي تشتغلي و تطلعي من البيت علشان تجيبي عريس
ليقتعهم صوت الاء
الاء: بت يا حور تعالي علشان تكلي
حور حاضر يا ماما جيا اهو… روفان انا هقفل دلوقتي وبعدين هبقا اكلمك
روفان: ماشي يا حبيبتي سلام
في فيلا عاصم علي سفرة الطعام
عاصم نظر عاصم غامزاً بمرح لملاك: هي ميس روفان دي شكله ايه يا لوكا حلوه ولا لاء
تركة ملاك طعامها تقبض كفا يدها بحماس: صاروخ يا عاصم صارووووخ
ضربت الام علي الطاوله بحده: ايه القرف الي بتقوليه ده اقعدي كملي اكلك
اردفت ملاك بتلقائية و هي تنظر لأمها: هاحكيلك يا ماما اصل عاصم و هو بيفسحني الجمعة الي فاتت شاف بنت حلوه قالي شوفي يا لوكا الصاروخ دي ولما سألته يعني ايه صاروخ قالي يعني حلوه وبصراحه ميس روفان صاروخ
همس عاصم و هو يلطم خديه بخوف: يا بنت الايه يا خاينه
نظرت الام لعاصم بعصبيه: وانت يا زفت ايه مش وراك غير كلامك الي زي وشك ده
رفه عاصم رأسه بغرور: قصدك حلو وقمر
ابتسمة الام بصفرار: اقوم اعملك خريطة في وشك علشان تتعدل
اعتدل عاصم في جلسته: لاء يا نبع الحنان قلبك ابيض
انا اساساً شبعت… صح يا لوكا انا هوديكي الschool بكرا
ملاك بحماس: علشان تشوف ميس روفان
عاصم: ايه ده هو انا مقفوش للدرجه دي
ام عاصم بصحك: لاء يا حبيبي روح شوف كنت هتعمل ايه
عاصم: طب سلام انا بقا
ام عاصم: انا نفسي اعرف الواد ده هيعقل امتا…. خلصتي اكل يا لوكا
ملاك: ايو يا ماما
ام عاصم: طيب ياحبيبتي قومي اغسلي ايدم واطلعي علي الاوضه بتعتك وانا هاخلص اللي باعمله واجي علشان تعملي ال homework
ملاك: حاضر يا ماما
في تمام الساعه الثامنه مساءاً
في هذا الوقت انتها عاصم من ارتداء ملابسه ليخرج متجهاً لغرفه اخته الصغيره ملاك انتي انتهت هي الاخرا من ملابسها ليصطحبها معه في نزهة صغيره
في مكان اخر في ڤيلا ذين
زين و هو يهبط السلم وفي يده هاتفه يضعه علي اذنه يهاتف هور للمره الالف تقريباً
وعلي الجانب الاخر في منزل حور التي كانت تجلس مع ولدتها بهدواء لتشعر بذلك الصوت لتنظر لهاتفها الذي لا يتوقف عن الرن: ده ايه الرقم الي مش عاتق امي ده
يا ستتتتتتر
حور: ده اكيد واحد رخم من بتوع اليومين دول
ليرن هاتفها مرا اخرا لتلتقط هاتفها تصيح بغضب: جرا ايه يا شوية زباله انتو معندكوش اخوات بنات يا بهايم
انتهت من الصراخ تنتظر اي رده فعل ولاكن اتتها الصدمه حين استمعت للطرف الاخر: جدعه يا انسه حور هو ده الاسلوب الي تتكلمي بيه مع مديرك
وضعت حور يدها علي فمها بشهقه خرجة مها بعد ان علمت هويه المتصل
حور: معلش يا استاذ زين بس يعني انت الي عمال بترن ومش مبطل رن
زين: لسانك ده هيوديكي في داهيه يا حور
حور يتلقائيه وحده: داهيه اما تخدك
زين: يا بت انتي ما تلمي لسانك ده
حور: الله اما طوك يا روح يعني انت متصل علشان تديقني ولا ايه
زين: لاء بكره تجيبي بكره ملف الصفقه من درج المكتب وتيجي علي المطعم الي هيتعمل فيه الاجتماع بكره الساعه 2
حور: تمام عاوز حاجه تاني
زين: لاء خلاص هاتي انتي بس الورق وماتتأخريش
حور: طيب تصبح علي خير
زين بستغراب: ايه ده انتي كويسة اول مره تتكلمي بطريقه كويسه
حور و هي تغلق في وجهه: انا عرفه الناس الي من النوع ده كويس مش لازم تتعامل معاهم بحترام
عند زين: فصلت في وشي بنت مجنونه
عند عاصم في السياره كانت تجلس ملاك بجانبه وتشاهد الفديوهات الخاصه بل اطفال وفجئة رفعت وجهها نتظر من نافذة السياره لتقول بسرعه وصراخ: وقف يا عاصم بسرعه وقف
توقف عاصم بسرعه ليسألها بقلق: ايه في ايه
ـــــــــــــــــــــــــــــــــــــــــــــ
- يتبع الفصل التالي اضغط على ( رواية وقعت في حب مجنونة ) اسم الرواية