رواية انهيار كاملة بقلم نجلاء محمد عبر مدونة دليل الروايات
رواية انهيار الفصل السابع 7
رؤى: انت بتعمل اي هنا وازاي دخلت اصلا
رد بكل برود: دخلت من الشباك
رديت عليه بصدمه: انت جاي هنا لي عايز اي
رد: انا دكتور احمد او خلينا نتكلم بصراحه انا درست كليتين ومتخرج منهم طب وشرطه
رديت: ايوا عايز اي برضو
احمد: بصراحه كدا انا لما شوفت نظره الخوف ف عينك انتي ومامتك متطمنتش خالص وحسيت ان في حد بيعمل فيكي كدا وال حد دا مع الأسف والدك صح كدا؟
رديت ببرود: ماشاءالله وبتعرف تحلل كمان وانت واقف
احمد: انا جاي اساعدك علشان لو فعلا والدك اللي بيعمل كدا انقذك انتي ومامتك منه تقدري تقعدي وتحكيلي كل حاجه
رديت: وانت بقا بتساعد الناس كلها من اوضه نومهم؟
احمد: بصراحه لا معرفتش اوصلك غير كدا بس بما انك متضايقه من وجودي انا همشي ودا الكارت بتاعي هستناكي ترني عليا ونتقابل بكرا وعندي عياده لو حابه نتقابل هناك كأنك رايحه تكشفي
رديت ببرود: الصحافه عينها عليا لا ينفع عياده ولا ينفع نتقابل
احمد: خلاص كلميني واتساب انا فاتح اربعه وعشرين ساعه مش بنام يعني
رديت بضحك: لي زومبي؟
احمد: اكيد لا يعني بس مظبط نومي عمتا انا همشي بدل م حد يدخل ويفهمنا غلط
رديت: هتنزل من الشباك افرض حد شافك؟
احمد: متقلقيش محدش هيشوفني
وقفت وبصيت عليه وهو نازل نزل من الشباك وخرج بسرعه وفعلا الحراس كلهم محدش خد باله منه
رجعت الاوضه ودخلت علشان اغير هدومي ماما قالت هنخرج النهارده
دخلت خدت شاور وطلعت لبست
لبسي كان عباره عن بنطلون بوي فريند تلجي وتيشيرت ابيض بكم وعملت شعري ديل حصان وكوتش اسود ونزلت ل ماما
لقيتها لابسه زيي ضحكت انها عرفت انا هلبس اي
خرجنا وركبنا عربيتي وروحنا مطعم وقعدنا
صابرين (ماما): انا عارفه ي رؤى ان نفسيتك خلاص تعبت بسبب اللي بباكي بيعمله علشان كدا عايزه اقولك حاجه
رديت بحب: قولي ي ماما
صابرين: اهربي ي رؤى خدي دهبي كله وخدي عربيتك وامشي يبنتي علشان دا انسان مريض
رديت: طالما انسان مريض لي منبلغش عنه ويتعاقب ع اللي بيعمله دا
صابرين: ابوكي بفلوسه هيخرج وهيبقا اسوء من كدا انا من رأيي تهربي وانا هبقا اتواصل معاكي من وراه
رديت بخوف: وافرضي اذاكي از عمل فيكي حاجه
صابرين: متخافيش عليا
سكتنا وطلبنا اكل
كنت باكل وانا سرحانه بفكر ف كلام ماما وكلام احمد مش عارفه اعمل اي
ماما حبت تغير الجو بدأت تتكلم ونهزر كتير اليوم كان حلو اوي بيها مكنتش مصدقه الفرحه اللي انا فيها بسببها بدعي ديما ربنا انها تفضل معايا نظرات ماما كانت كلها حب
خدتني ودتني الملاهي واد اي كنت فرحانه بكل دا
خلصنا وروحنا لقينا بابا نايم انا حمدت ربنا كتير اوي
صابرين: ياللا ي حبيبتي اطلعي غيري ونامي
طلعت اوضتي وانا فرحانه ودخلت غيرت
خرجت
لقيت موبايلي رن بوصول رساله
بفتح لقيته احمد
اي دا؟؟؟ جاب رقمي منين
بدأت اكتب وسألته: جبت رقمي منين؟
احمد: انتي عبيطه يبنتي؟ هو مش انا قولت اني ظابط ولا انتي بتنسي
رديت: اه صح المهم عايز اي
احمد: اتفقنا انك تحكيلي
رديت: بس انا معرفكش
احمد: صدقيني هنعرف بعض لما تبدأي تحكي
رديت: عايز تعرف اي؟
احمد: نبدأ ب نور لي ديما بتبعدي عنه؟
رديت: انت كمان تعرف نور دا انا متراقبه بقا
احمد: هتتكلمي ولا اقفل
بدأت اكتب: نور كان صاحبي وانا ف ثانوي بصراحه كنت بحبه اوي بس شيفاه اخ غير كدا لا مكنتش شيفاه غير اخويا لحد م كنت لوحدي ف الفيلا ف يوم ولابسه لبس طبيعي اني اقعد بيه وانا لوحدي سمعت الباب بيخبط والشغالين كلهم واخدين اجازه جريت وكنت فاكره ان ماما وبابا جم بس ساعتها لقيته نور قولتله من ورا الباب اي جابك هنا بس هو كان زق الباب ودخل عليا وقرب مني وف الوقت دا بابا وماما دخلوا
انا اتصدمت مكنتش عارفه ابرر موقفي ولا عارفه اقول اي بس هو ساعتها رد بجمله مكنتش متوقعاها قاله يعمي هي كلمتني وقالتلي ماما وبابا مش هنا تعالى
اتصدمت من اللي سمعته ونور خرج بسرعه وبعدها بابا بدأ فيا ضرب اكتر من 3 ساعات
احمد: ممكن تبطلي عياط
رديت: عرفت ازاي؟
احمد: بصي ع الشباك
بصيت ولقيت قاعد قدامي ع الشباك عياطي بدأ يزيد كنت خايفه اوي ازاي وصل هنا وبدأت ازعقله لحد م لقيت بابا قدامي ف الاوضه
- يتبع الفصل التالي اضغط على ( رواية انهيار ) اسم الرواية