رواية احلام المراهقة كاملة بقلم هي جنتة عبر مدونة دليل الروايات
رواية احلام المراهقة الفصل الثامن 8
مى راي: عايزاكي تساعديني وتجيبيلي حقي منه
سلمي :اساعدك ازاي قولليلي وانا اعمل
مي راي:بصي انا كان بينا تسجيلات كتير ومحادثات صوت
وهو بيهددني انزل الجنين وبيهددني بالقتل لو احتفظت بيه وانا إحتفظت بالتسجيلات في ملف علي الفون وعملاه برقم سري
سلمي:طب الفون فين
مى راي: مش فاكره 🤔 🤔
سلمي:لا لازم تفتكري احنا كدا معانا دليل لو لقيناه هنقدر نجيب حقك
مي راي اتعصبت لانها مش فاكره وبدأت تبكي : مش فاكره مش فاكره
سلمي: خلاص ياحبيبتي اهدي دلوقتي وحاولي تفتكرى
براحتك انا هخرج مع هانا وسونج يو نتمشي شويه ونغير
جو
مي راي :ممكن اجي معاكو
سلمي :هتيجي ازاي وهتسمتعي ومحدش شايفك
مى راي: نفسي اخرج وامشي في الشارع من زمان مخرجتش
من يوم مايا أخدتني في المكان المهجور
سلمي يلا
وطلعت برا الغرفه لقت البنات واقفين مستنين سلمي
وخرجو واتمشوا ولفو علي محلات كتير وكانو مبسوطين
وفي نفس الوقت كان في شاب واخد بالو منهم وكان مستني
فرصه عشان يسرق شنطهم وبالفعل جاتلو الفرصه لما هانا
ويو قالو لسلمي خلي معاكي الشنط هندخل الحمام ونظبت
مكياجنا من المكياج الجديد عشان نجربو وبعد مامشيو
سلمي قاعده بتتكلم مع مي راي وفجأة لقت شاب خطف
شنطهم وطلع يجري وسلمي بتجري وراه ومي راي بتجري مع
سلمي خايفه تسيبها لحد ماوقف الشاب دا وطلع مطوه من
جيبه وفتحها في وش سلمي وقالها لو قربتي خطوه واحده
هقتلك وفلحظه خاطفه كان انقلب السحر على الساحر
واخدت سلمي منه المطوه ومسكت دراعه ولفته خلف ظهره
ونيمته علي الارض واخدت منه الشنط وقالتلو ثانيه واحد
ومشوفش وشك ادامي واخدت الشنط وبتلف عشان تقول ل
مى راي يلا لقتها واقفه مرعوبه
سلمي:مي راي مالك في ايه …لقتها بتشاور علي مكان وهي
خايف ومرعوبه جدا
مى راي :دا دا دا ……المكان…….اللى اللي ……انا ….كنت ..فيه…اناومايا وهو (قصدها علي ياجين)
سلمي :هو دا المكان االلي انتي موتي فيه
مى راي :ايوا …………انا افتكرت الفون فين
سلمي:فين قولي
مى راي رفعت راسها لفوق اعلي البنايه وشاورت عليها وقالت فوق
سلمي:يلا نطلع ندور عليه
طلعو دورو في كل مكان وبدأت مى راي تتوتر وسلمي هديتها
وسلمي بدأت تقول اللهم ياجامع الناس في يوم لا ريب فيه اجمع علي ضالتي
وبعد شويه لقت الفون تحت شوية خشب متكومين
سلمي :مى راي هو دا
مى راي:ايوا هوا افتحيه كدا
سلمي :مش بيفتح
مى راي:ليه مش بيفتح ليه طب حاولي تاني
سلمي :اهدى ولما نروح السكن هشحنو واشوف هيشحن ولا لأ
رجعت سلمي ومى راي مكانهم تاني عشان البنات زمانهم قلقانين
هانا :سلمي كنتي فين قلقت عليكي
سلمي :متقلقيش حبيبتي انا كويسه
يو : كنتي فين سلمي
سلمي ههههههههههه كنت بجرى ورا الحرامي
البنات الاتنين ف نفس ايه حرامي …وعملتي ايه
سلمي:رجعت الحاجة اللي سرقها ورجعت سليمه اهو الحمدلله
يو :يلا نروح السكن كفايه مغامرات النهارده
عند ري ون في السكن
قاعد بيفكر
سو يانج(زميله في السكن وكمان دكتور معاه في المشفي) :رى ون بتفكر في ايه
ري ون ………
سو يانج:رى ون ….رى ون ….ريييبببيي ووووااااااااان
رى ون بكل برود :في ايه بتزعق ليه
سو يانج:بزعق يابرودك ياخي دا انا بكلمك من بدري وانت ولا
هنا خالص بتفكر ف مين
رى ون وهو حاطط ايده تحت خده :بفكر انا بفكر ف مين
سو يانج:لا انت في عالم تاني خالص انجز وقولي مين اللي
واخد بالك
رى ون:سلمي انا بحب سلمي ومش عارف اقولها
سويانج:سلمي المساعده بتاعتك
رى ون:ايوا
سويانج: ماهي معاك كل يوم مش عارف تعترفلها بحبك
رى ون:لا معنديش الشجاعه اللي تخليني اصرحلها باللي
في قلبي
سويانج:طب انت مثلا لاحظت من معاملتها لك انها بتحبك
رى ون:بتتعامل معايا كمساعدتي بس ومفيش اي كلام مابينها
غير في الشغل بس
وانا بحبها اوي وبغير عليها اوي لما بلاقي ياجين بيقرب لها
ببقي عايز اخنقه
سويانج:بص اعزمها علي الغدا برا واعترفلها
رى ون:لا هي مش بتاعت عزومات وحاجات من بتاعة البنات
دى وانا تعبت مش عارف اعترفلها
روحت البنات ودخلت سلمي غرفتها وحطت الفون عاي
الشاحن وصلت وقرأت وردها ونامت وتاني يوم صحت لصلاة
الفجر وقبل ماتنزل شغلها فتحت الفون لاقته فتح خبته في
مكان سري عشان محدش يدخل غرفتها ويلاقيه
وصلت الشغل لقت ياجين واقف قدام مكتبها زى ميكون
مستنيها
سلمي :د/ياجين خير في حاجه
ياجين:د/سلمي انا جاي اعتزرلك علي اللي حصل انا بجد
اسف انا مكنتش في وعيي انا كنت شارب ومعرفش انا عملت
كدا ازاي
سلمي :خلاص د/ياجين حصل خير انا سامحتك
ياجين:بجد سامحتيني ان كنتي سامحتيني اقبلي عزومتي
سلمي:انا سامحتك بس مقدرش اقبل عزومتك
ياجين:ليه
سلمي:انا في ديني يمنعني من الاختلاط بالرجال الاجانب انا
اسفه عن اذنك
ياجين وعلي وشه ابتسامه صفرا : استني عليا هجيبك راكعه
زى غيرك واخليكي تلفي ورايا في كل مكان
كان واقف وشافهم وسمع كلامهم رى ون واتعصب جدا وراح
عند سلمي
رى ون:خير د/سلمي ياجين كان عايز ايه
سلمي:كان جاي يعتذر وانا قبلت اعتذاره
ري ون:وانتي صدقتيه لما اعتذر
سلمي :وانا هكذبه ليه يمكن يكون صادق
- يتبع الفصل التالي اضغط على ( رواية احلام المراهقة ) اسم الرواية