رواية انتي دمي ودموعي وابتسامتي كاملة بقلم منة محمد عبر مدونة دليل الروايات
رواية انتي دمي ودموعي وابتسامتي الفصل التاسع 9
لبست لوسين فستان احمر بدم الغزال قصير رقيق كأنها سندريلا رافعه شعرها كله لفوق وخصلات متمرده نازله منها
الداده: لوسين يابنتي ضيفك وصل
لوسين بفرحه: هو هنا
الداده مبتسمه: ايوه واقف برا في الجنينه
لوسين خرجت له وع شفايفها أجمل ابتسامة : عيسي
عيسي رفع عيونه وبصلها وكان في ايده بوكيه ورد بسيط جدا ولابس بنطلون رصاصي غامق ع قميص ازرق مفتوح منه اول ثلاث زراير ولوسين قربت ووقفت تتأمله وهي مشبكه ايدها وري ضهرها
عيسي بص لنفسه واتوتر: فيا حاجه غلط او ناقصني حاجه
لوسين بلمعه في نظره عيونها: اطلاقا انا بس متفاجئه اول مره اشوفك رسمي بالشكل ده
عيسي ابتسم: انا كمان اول مره البس انيق بالشكل ده بس ولاد خالي عرفوا اني جاي معزوم عند والدتك سلفوني هدومهم
لوسين بتلعب بخصله من شعرها: ظريف اقصد ولاد خالك لذاذ
عيسي: ياتري شكلي حلو
لوسين غمزت بعينها : مش بطال (راحت عليه واغلقت زراير القميص لانها مبينه صدره وعضلاته المقسمه ) وعيسي فضل يبصلها وهي اخدت بالها من الي بتعمله وبعدت بهدوء
عيسي: امال فين والدتك
لوسين: جوه مستنياك تعال ورايا
عيسي اتحرك وراها ولوسين راحت بيه ع المطبخ وقالت: مامي عيسي هنا
عيسي دخل وراها المطبخ وابتسم :مساء الخير
سوسن ردت عليه و هي بتسلم عليه بترحاب : مساء النور يابني انا مبسوطه اني شوفتك
عيسي: جبت لحضرتك مجموعه ورود يمكن متكونش جميله وع اد حالها اصلي جبتها من الطريق
سوسن اخدتها منه: الورد عمره ما بيعتمد ع ثمنه او شكله بيعتمد ع نوايا الي بيقدمه وبالنسبه لي مجموعه الورد دي جميله جدا وعجبتني
عيسي حس براحه وانها ست بسيطه وابتسم اوي
لوسين: مامي محتاجه مساعده
سوسن: انا لسه مخلصتش الغداء ممكن تاخدي ضيفنا في الصالون الاول واتكلموا عبال ما اخلص
عيسي: ممكن اقف اساعدك
لوسين بتعجب: تقدر تطبخ
عيسي بص للرخامه: تجهيز السمك ده لعبتي ثقي فيا
سوسن: شوف انا لسه محتاجه راحه والمطبخ كله تحت امرك
سوسن خرجت وعيسي بص للوسين الي بصتلو وشعلقت عيونها للسقف وهو طوي كمام قميصه وقرب من الرخامه وحط السمكه ع الخشبه ولوسين قدمتله السكينه عيسي ابتسم وسحب المقص وبدء ينضف قشر السمك
لوسين ضربته على ايده في دعابة: واو مين يصدق بأيدك الي بتسوق بيها الموتسكل وتغير بيها الكوتشه بتعرف تتعامل مع السمك كمان
عيسي خمس في وشها: واقدر اعمل اكتر ما بتظني اما انتي تقدري تعملي ايه اظن طفله مدلعه زيك عمرها ما طبخت ولا حتي قلت بيضه او حتي سلقتها
لوسين ضيقت عينيها بغيظ : نفسي الزق بؤك الي بينقط سم بالامير انا هنضف السبيط وهصدمك
لوسين راحت لبست مريول وفتحت النت ثبحت عن الطريقه
عيسي شده منها: متعتمديش ع اليوتيوب
لوسين برتباك: انا مكنتش بشغل اليوتيوب انا هصور الطريقه الي هغسله بيها عشان انشرها ع صفحتي
عيسي فتح الكاميرا وحطها قدامها: تمام هصورك بنفسي
لوسين بصت للكام و على شفايفها ابتسامة شقية : تعالوا اعلمكم الطريقه الصحيحه لغسل السبيط نغسلها واحده وري التانيه ونفتح الحنفيه كده ونضفها من الاوساخ وكدا خلصت ودلوقت نطبخها ياحلوين شوفت انا شاطره ازاي
عيسي حط الموبيل ومسك منها السبيط وبسخريه: السبيط لسه بوساخته انسه لوسي يظهر بلاش منه لاننا بطريقتك مش هنعرف ناكله
لوسين ضحكت عافيه وشمت ايدها وقرفت وعيسي فتح السبيط واتخلص من الكيس الحبري، الموجود في العينين ونضفه وهي حبت تقلده كيس الحبر انفجر في عيونها وصرخت وعيسي غسل ايده بسرعه وسحب منديل ومسك دقنها بلطف ومسحلها عيونها بمنتهي الرقه ولما حس انه ممكن يتهور بعد عنها بسرعه وكمل الي كان بيعمله وسوسن دخلت وشافتهم بيهزروا ابتسمت عليهم اوي
…………قصص منه محمد كاتب………
عالسفره
عيسي لسوسن: اتفضلي سوسن هانم دوقي
لوسين مدتله طبقها: وانا كمان ادوق وعايزه جمبري
عيسي حطلها وجه ياخد سلطه هي مدت ايدها تشاكسه شدها منها وسوسن فرحانه بمشاكستهم
لوسين بفرحه كالاطفال : مامي دوقي السبيط انا الي نضفته وعملته
سوسن: اكيد طعمه لذيذ
عيسي كتم ضحكته ولوسين قلبت عيونها وكشرت : بتضحك ليه كول
عيسي حرك ايده ع شفايفه بقفل السوسته وكملوا اكل في هدوء
عيسي وقف بعد الغداء قدام صوره لوسين وهي كبيره وصوره وهي طفله ومعاها ست تانيه غير سوسن!!!
سوسن جات من وراه: دي ماما لوسين ماتت في حريقه وكانت لوسي عندها خمس سنين انا زوجه ابوها
عيسي لفلها: انا اكتر واحد حاسس بمشاعر لوسين لاني مختلفش عنها بعد وفاه ابويا انا مفضلتش مع امي
سوسن بهتمام: ليه راحت فين؟
عيسي قلبه نزف ألم وقهر: اتخلت عني عشان عايله جديده وعمري ما شوفتها ابدا وقريبتي اتبنتني كأبن ليها بس بطلت افكر فيها لانها متستهلش ويمكن تكون ماتت
سوسن بنظرة مشفقة ودموعها كانت هتغلبها لكنها قاومتها بقوه : مش عايزاك تفكر بالشكل ده انا كمان خسرت ابني في حادثه وملقوش جثته ولسه عندي امل اني اشوفه مين عارف مش يمكن امك بتدور عنك لحد دلوقت بس لو شوفتها هتقبل بيها جوه محور حياتك
عيسي بخفوت: مش هقدر ارد ع سؤالك لانها مش هتعمل ده وشكرا ع استضافتك وشكرا لدعمك المعنوي
سوسن بحنان: نورتني يابني
عيسي خرج لقاها بتقفل الموبيل قالها: انا ماشي
لوسين: كنت بتكلم مع واحد عينته يدور ع ابن مامي الضايع
عيسي بطريقة مستفزّة: انا حتي مسألتكيش
لوسين بضجر منه: وانا بقولك لاني عايزاك تساعدني اظن تستاهل بعد ما طبختلك بأيدها
عيسي: تصوري قلبي رق بس قوليلي مساعده ايه الي محتاجلي فيها وانا تحت امرك
لوسين رفعت صوباعها في وشه بتحذير: مش هترجع في كلامك
عيسي بجديه : انا لما بدي كلمه مستحيل ارجع فيها انا ماشي دلوقت
لوسين رفعت حواجبها الاتنين لفوق: تمام
عيسي راح للموتسكل وهي شويه وطلعت وراه: انت خد الخوذه خليت الشغاله تغسلهالك ريحتها وحشه وكلها عرق
عيسي بستغراب: امتي اخدتيها وشمتيها
لوسين: تقدر تشمها لو قربت منها
عيسي: متشكر
لوسين: امممممممم
عيسي: المجرمين الي حاولوا يخطفوكي متمسكوش لسه خدي بالك من نفسك
لوسين: انت كمان خد بالك لانك انقذتني زمانهم مفقوعين منك
عيسي: هما مش هيطاردوني اصل هياخدوه من ورايا ايه ياحسره انا عندي ديون
لوسين ابتسمت اوي وهو بصلها وع شفايفه ابتسامه كبيره
عيسي ركب الموتسكل: يله انا ماشي
لوسبن رفعت حواجبها الاتنين وضمت شفايفها بدون ماترد
عيسي وهو سايق ومروح لقاه ثلاث بلطجيه متربصله في الشارع وقف الموتسكل ونزل خلع الخوذه وضرب بيها واحد في حته حساسه لدرجه اتالم جدا ووقع علارض وعيسي قرب من التاني الي معاه مطواه ومصمم يضربه وفضل عيسي يروح منه شمال ويمين لحد ما قدر يمسك دراعه كسره عجزه وحدف المطواه وجه الثالث عيسي ضربه برجله في صدره بعزم قوته ونخ اخد المسدس من واحد فيهم وركب الموتسكل وشغله ومشي والخوذه نخ شفيق واخدها
……………قصص منه محمد كاتب……….
علاء وعمار قاعدين قدام باب الجامع وعمار قدامه كروانه وبيعزم عليها
عيسي قرب منهم وسالهم: بتعملوا ايه ياحلوين لو عم الشيخ شافكم هيهزقكم
علاء: عم الشيخ خرج وراجع ع صلاه العشاء
عيسي: وده بيعمل ايه بالكروانه؟!
عمار رفع وشه وبصله واخد فرشاه وضرب بيها عيسي
عيسي بعد: ياحمار هتبل
عمار: انا لاحظت ان حظك منحوس في الفتره الاخيره وعشان يتفك النحس خد اشرب الميه دي كلها
عيسي: مايه طاهره دي
عمار: ايوه بركتها بنفسي الطاهر ومتأكد انك هتكون في امان وبعد شويه هتحس براحه
عيسي اخد منه الكروانه ودلقها ع عمار الي شهق وعلاء فتح في الضحك
عيسي لعب حواجبه: ها ايه رايك
عمار ضحك: اخ ساقعه
عيسي حدف الباقي ع علاء
عمار: روح منك لله ده انا تعبت فيها
عيسي : اصل انت تافهه ومجنون الحظ النحس رجعلنا احنا من افعالنا مفهوم
عمار وعلاء بتريقه: امين ياعم الشيخ
حنكش بيجري وبينهج: عيسي
عيسي لف وبصله: فيه ايه يا حنكش
حنكش: مش قادر اتكلم( شاور ع ايده بأتنين)
عمار : هات ياعلاء اتنين جنيه
حنكش: امك عايزاك في البيت ضروري
عيسي بقلق: فيه حاجه حصلت ولا حد تعب
عمار: ما تتكلم بسرعه
حنكش وطي وحط ايده ع ركبته ومثل التعب:مش قادر اتنفس
عمار بزهق: خد جنيه كمان
حنكش خاف: فيه حد عايزك
عيسي: مين واسمه ايه
حنكش لسه هيمثل عمار ضربه بالشلوط: اتكلم ولا هفرمك هنا
عيسي: قول حتي اسمه
حنكش نطق بسرعه: شفيق
عمار بصوت محمد نجم: ياراجل
………..قصص منه محمد كاتب………
عيسي رجع البيت ودخل لقاه قاعد مع صباح ومساعد القي السلام
شفيق: انا جيت بالنيابه عن سراج بشا طلب مني اجبلك معايا سبت الفاكهه البسيط ده كهديه شكر
عيسي: الف شكر بس ياريت المره الجايه متكررهاش
مساعد خطف السبت جنبه وصباح اتكسفت وضربته ع كتفه
شفيق: اما بالنسبه للفلوس الي عاوزها منك مش عايزك ترجعهالي
عيسي: ازاي
شفيق: سراج بيه اتكفل بالامر (مدله ظرف) وبعتلك المكافأه دي
عيسي: هو رحيم بما فيه الكفايه بس اسف مش هقبلها
شفيق: بس هو مأكد عليا اسلمهالك في ايدك ولو مقبلتهاش منه كدا هيفكر اني اتهاونت في شغلي
عيسي بص لصباح الي مش عارفه تقوله ايه ومساعد خبطه في كف ايده
عيسي اخدها بالعافيه: بلغه اني بشكره
شفيق قام وقف: انت الي لازم تروح معايا دلوقت تشكره بنفسك
عيسي: وليه اروحله
شفيق: لان عنده شغلانه عشانك
………قصص منه محمد كاتب……….
في مكتب سراج الدين
سراج قاعد في مكتبه: انا وظفتك حارس شخصي لبنتي
عيسي: انا مش
سراج قطعه بسرعه: انا معنديش وقت عشان استناك تقرر اظن انت شوفت بنفسك انها في خطر وهي عايزه تنزل تمارس شغلها عشان كدا لازم يكون معاها حارس شخصي
عيسي: بس اناعمري ما اشتغلت حارس شخصي ومقدرش اعمل ده
سراج: وانا واثق في قدراتك
دخل موظف ومعاه الخوذه عيسي بصلها اوي
سراج قام وراحله ووقف قدامه: بعتذر اني استخدمت الطريقه دي بس دي الطريقه الوحيده عشان اشوف موهبتك
سراج مدله موبيل صور الخناقه وقاله: اظن اثبت موهبتك
عيسي عقد حواجبه: انت قادر تلاقي حارس شخصي محترف فاليه انا بالذات
سراج: لان سوسن ولوسي وثقين فيك وانا واثق ومؤمن بيك انك هتحميها
عيسي بستسلام: المفروض اعمل ايه
سراج بهدوء:شفيق هيقولك الاساسيات وهيجهزلك كل حاجه
عيسي بص لشفيق الي مبتسم ابتسامه غريبة
عيسي بص لسراج وهز برأسه وقاله: تمام موافق
……قصص منه محمد كاتب……..
لوسين نازله الصبح بعد حبسه طويله
خديجه: لوسي الحارس الشخصي هنا
لوسين: ياتري مين الي اختاره دادي اكيد راجل كشري
عيسي دخل وهي نازله تجري عالسلم وسعت عيونها بدهشه : هو انت
عيسي بقلق: هو سراج بيه مقلكيش انه انا
لوسين مبرقه بصدمة وهزت له دماغها بـ لق
عيسي عقد حواجبه: بس لو مش عجبك انا هكلم سراج بيه يشوفلك حارس تاني
لوسين راحت بسرعه وقفت قدامه وردت بسرعه : مين قال انت هايل وعشره ع عشره وانا موافقه
عيسي بهدوء: فكرتك حاسه بالخيبه انه طلع انا
لوسين بابتسامة عريضة : لاء خالص انا بس اتفاجئت ومبسوطه اهو احسن من حد غريب معرفوش اي نعم انت غريب بس بتثير اهتمامي
عيسي ابتسم ورجع كشر لما لقاه نفسه ممكن يتجاوز حدوده معاها: رايحه فين يا هانم
لوسين ببساطة : لاء انا مش هانم قولي لوسي
عيسي بجديه: بس انا شغال عندك ياهانم
لوسين ضحكت بمرح : معني كدا اني ريستك فلازم تنفذ اومري ويله وديني الاتيليه فصلت فساتين زفاف تجنن ونفسي اشتغل بشده
عيسي بخضوع : امرك انسـ
لوسيين برقتله اوي
عيسي وهو بيتحرك ع برا : تمام
لوسين دبدبت عالارض : برضو مئلش لوسي
استوب ومنتظره رايكم والبارت الجاي يضرب ع لوسين نار وعيسي يحاول ينقذها ونوسه وحسن فقره مفتوحه وتتهمه انه حرامي غسيل
طلع فتحلها باب العربيه وهي مبسوطه ركبت وري وعيسي كل دقيقه يسرق نظره عليها في مرايا العربيه وهي مبتسمه وواخد بالها عيونه رايحه جايه عليها شويه ووصلوا الاستوديو
امل ونجوان جريوا عليها بفرحه كبيره
لوسين بهيصه: رجعتلكم يا اوباش وهصدمكم بتصاميمي الي عملتها للديفليه
امل ونجوان سابوها وجريوا ناحيه عيسي
لوسين برقت بعيونها وامل ونجوان يمدوا لسانهم لقدام ويغيظوا فيها
امل: ازيك ياعيسي
عيسي: انا الحمد لله
نجوان كلبشت في دراعه: ممكن اخد معاك صوره سلفي وانت حلو ومز كدا بالبدله السوده والجرافته
امل انكجته: ايوه ناخد طبعا صوره
لوسين رفعت حاجب بغيره: امل ليه سايبه شغلك وجايه هنا
امل ببتسامه: نوجا طلبت مني اجي اساعدكم
نجوان بتبرير: ايوه عشان نوفر اجره موظفين
لوسين صقفت: يله اجتماع عاجل
نجوان وامل: امرك يا جميل امرك
لوسين راحت ااعدت وفتحت الجهاز الخاص بيها ع التصاميم: ها ده اكتر واحد عجبني والتصميم رائع ها ايه رايكم يا شله الانس
امل: حلو اوي
لوسين: طيب وبالنسبه للعارضه عايزه وشوش جديده
نجوان: عندي عارضه واثقه انها متشفتش ابدا ولا حتي اتحطت ع اي غلاف
لوسين بحماس : كويس مين هي
نجوان وقفت وسحبتها من ايدها: قومي معايا
لوسين ماشيه معاها: رايحه بيا ع فين
نجوان اخدتها ووقفتها قدام المرايا الكبيره
امل بفرحه: تبقي انتي يالوسي
لوسين: لاء انتم مجانين
نجوان بخبث: اما العارض بقي (راحت شدته من ايده) قوم معايا انت راجل الاحلام
عيسي مش فاهم: خير عاوزني اعمل ايه
امل قربت لوسين منه: اقفي جنبه
لوسين خبطت في كتف عيسي الي بصلها بنظره طويله
لوسين بعدت عيونها عنه وقالت: هي فكره حلوه بس انا صاحبه التصاميم ازاي اكون العارضه
امل بتشجيع: ده هيكون اجمل انتي جميله والمصممه وواثقه في تصاميمك وتقدري تعرضيها للزباين بشكل حلو وجذاب وملفت
نجوان: والاهم نوفر فلوس
عيسي عاقد حواجبه: ايوه انا دوري ايه
امل انت معاها في الدعايه كغلاف اظن اسهل من التمثيل في الافلام
نجوان وهتقدر تعمله ارجوك بدل ما نجيب عارض وياخد مننا اد كده ع قلبه
لوسين : لو مش هتقدر تنفذ العرض متجبرش نفسك
عيسي بص في عيونها ورد بثقه: اقدر انفذه
نجوان نطت بفرحه: وانا مبسوطه لاننا هنوفر
…………قصص منه محمد كاتب……..
حسن طالع من الحمام لقاه باب عيسي موارب اتسحب لقاه عيسي بيحط كريم ابيض ع وشه
حسن دخل بدهشه: عيسي( وضحك اوي) هو انت بتحضر نفسك لدور واحده ست لفيلم
عيسي: ده اسمه قناع
حسن اخد العلبه وقرء السعر وعقد حواجبه: بس ده غالي اوي بتحاول تعمل ايه
عيسي: لوسين طلبت مني اساعدها وناخد مجموعه صور مع بعض كدعايه لتصاميمها
حسن: ايه اي صور طب مش محتاجه مساعدتي انا بصراحه نفسي اشوفها
……..
في موقع التصوير بين الخضره والطبيعه عيسي بيجهز نفسه ولوسين قاعده توزع له
ابتسامات
حسن راح عليها بالقهوه: لوسين
لوسين ببتسامه: حسن
حسن: اتفضلي قهوتك
لوسين اخدتها مبتسمه:شكرا ياحسن
عيسي :حسن طلب يجي معايا واخدت الاذن من الانسه امل
حسن: قوليلي لو احتاجتي اي حاجه
لوسين هزت دماغها بتأكيد : اكيد
امل راحتله:حسن روح جهز بدله عيسي
حسن مبتسم للوسين: تمام
امل بصتلهم بحب: يله اجهزوا هنبدء
عيسي بصوت رخيم: اسف لاني مقولتلكيش بخصوص حسن
لوسين ابتسمت و قالت بهدوء : ليه تعتذر انت مغلطش ياعيسي وبطل كلام ويله نلبس عشان التصوير
…………قصص منه محمد كاتب……….
في غرفه اللبس
حسن راح يشد البدله ووقف بحيره: ياتري انهي فيهم السوده ولا الزرقاء
نوسه بتفر في نفس اللبس وشافته شهقت: هو انت
حسن بعصبيه: انتي بتعملي ايه هنا
نوسه بسخريه: بطبخ رز
حسن كشر بقرفه: سخيفه
نوسه حطت ايدها في جنبها:اصل انت شوفتني وانا بفر في البدل ولسه بتسأل
حسن وقف قدامها بنبرة مستفزة : معرفش انك عامله مجتهده فكرتك بتلفي بالكروت
نوسه كشرت فيه: يعني لما بتخلق معايا مشاكل بتحس بالراحه وانت بتعمل ايه هنا
حسن قلدها: مستني اكل من الرز
نوسه بتحذير: اتكلم عدل
حسن بغرور: انا بشتغل شغل اضافي
نوسه صقفتلو: هايل بتعرف تشتغل وتكسب لقمه عيشك بنفسك فكرتك شاطر بس في طلب فلوس من اهلك او تخلق مشاكل مع غيرك
حسن عقد ايده ع صدره و قال ببرود :اسف معنديش وقت اقف اتحاور معاكي اصل لازم اودي البدله لـ اخويا
نوسه خبطته في صدره كذا مره:استني انا مسؤله عن الهدوم ده شغلي
حسن بنفعال: بس
نجوان قطعتهم :ايه الي بيحصل هنا ده
نوسه: نجوان الواد ده كان بيسرق الهدوم شكله حرامي غسيل بلغي عنه خليهم يقبضوا عليه
امل :استني حرامي غسيل ايه ده حسن اخو عيسي
نوسه مثلت الدهشه: بجد اسفه معرفش اصل وشه مش وش تقه بالنسبه لي
حسن بغيظ منها: فين البدله ممكن تنولهالي حالا
نوسه: لاء انا هجبها بنفسي لعيسي
نجوان: مينفعش انا جبتك ومهمتك الانسه لوسين اما حسن مهمته اخوه
حسن: طبعا
نوسه خلتهم خرجوا وراحت من فرستها داست ع رجله وبعدها زقته وخرجت بسرعة ورزعت الباب وراها
…………قصص منه محمد كاتب………
نوسه راحت عليهم: اهلا انسه لوسين
لوسين رفعت عيونها من المرايا وبصتلها وافتكرت لما طلعت تجري وراه وتقوله كلمه حبيبي
نوسه: اسمي نوسه واتقابلنا قبل كدا قدام الاستوديو وانا صديقه لعيسي
لوسين بصتله بغيظ وعيسي ابتسم ابتسامه باهته
نوسه راحت عليه: بجد صدفه اشوفك هنا معرفش انك بتشتغل هنا
حسن جه من وراها بهمس: احلفي ان بيتك يتحرق لو مش عارفه انه بيشتغل هنا!
نوسه جزت ع اسنانها وهمستله: اظن اتنين بيحبوا بعض لازم يهتموا ببعض مش كدا ولا ايه وبتابع تحركاته وبيتي مش بعيد عن بيتكم وعندي جواسيس
حسن مسح ع دقنه بتوعد: استني عليا
نوسه اتجاهلته وبصتلها ووسعت ابتسامتها: انتي جميله جدا انسه لوسين ولو لبستي الفستان هتبقي جميله جدا ممكن تقومي تغيري
لوسين ظهرت ع شفايفها ابتسامه بسيطة وقامت: اوكيه
حسن قرب منه و همس: عيسي خد بالك البت دي جايه وراك
عيسي بصوت منخفض : ليه بتقول كدا هي بتحاول تشتغل فين بدلتي
حسن ماشي بسرعه : رايح اجبهالك
عيسي اخد لوسين واخدوا كذا صوره وعيسي جه في صوره رفعها ع ضهره وهي تضحك بسعاده نابعه من اعماق قلبها ونوسه غيرانه عليه وحسن بغيره ع لوسين ,,,,ولوسين جات في صوره وهي الي قربت منه وكل حركه بتعملها بتجننه عليها لحد ما بيضرب بعينه لمح شخص وش اجرام رافع المسدس في اتجاه لوسين عيسي خطفها وطلع يجري بيها وانضربت الطلقه جات في العربيه والكل بقي يجري من المكان بهلع من ضرب النار وامل اخدت نجوان وجريت وحسن شد نوسه وطلع يجري بيها وعيسي بقي يتفادي اطلاق النار ببراعه ويجري بالوسين وبيحاول يحميها ومخبيها تحت دراعاته لحد ما شدها منه المجرم وهي صرخت بهستريا وعيسي اتجنن وفضل يضربه بكل قوته واخدها وطلع يجري بيها واتحما في عربيه كبيره
لوسين بفزغ وخوف: مين دول ياعيسي
عيسي نفسه طالع نازل: انا كمان نفسك معرفش بس دول عاوزين يقتلوكي ولازم اخرج بيكي من هنا
عيسي بيحاول يتحرك بيها لقاه حد بيضرب عليهم نار بقي مش عارف يعمل ايه لحد ما لمح حديده واخدها وراح ضربها في ايد المجرم فضل يصرخ وعيسي استغل الفرصه وطلع يجري بيها ولوسين جريت معاه بكل طاقتها وهي بتنهج لحد ما عيسي قدر يركب الموتسكل وساقه بأقصي سرعه هربان من المكان ولوسين نامت ع ضهره والعصابه وراهم وجات طلقه في الورد اتحدف منها
عيسي: لوسين ليه جسمك تقل عليا
لوسين بصوت ضعيف: مش عارفه بس حاسه بألم
عيسي قلق ووقف الموتسكل ولوسين اتأوت جامد مسك ايدها ولف بصلها ونزلت عيونه ع كتفها الي بينزف دم
لوسين بصت لمكان عيونه وشهقت: دم
عيسي بعطف: متبصلوش ( طلع منديل من جيبه وحطه ع كتفها) وهي اتالمت وهو اتألم ع المها
لوسين زمت شفايفها زي الاطفال: تفتكر الرصاصه دخلت لجوه وهيقطعولي دراعي لان انا حاسه اني مش قادره اتنفس
عيسي: دي مش رصاصه اكيد حديده دخلت فيكي خدشت بشرتك وهاخدك للعياده اعالجك متخافيش
لوسين هزت له دماغها وعضت على شفتها وحطت ايدها على كتفها بألم
عيسي بحنيه: اضغطي بأيدك ع النزيف
عيسي اخد ايدها الموجوعه ولفها حوالين وسطه وهي حطت دماغها ع ضهره وساق بسرعه عشان يلحقها
……..قصص منه محمد كاتب……….
سراج صرخ بعصبية : انت بتقول ايه بنتي فين؟!
شفيق بهدوء: انسه لوسين عيسي قدر يهرب بيها بس مقدرتش اتواصل معاهم لانه خلال جلسه التصوير الاتنين سابوا تلفونتهم وامرت الرجاله يدورا عليها في كل مكان
سراج بنفعال: مين دول عشان يستهدفوا لوسي
شفيق بصله ومثل الحيره لجاوب عالسؤال
سراج موبيله رن وحطه ع ودنه واول ما سمع صوته وسعت عيونه بصدمه : حمدي
حمدي: طبعا الشخص الميت ميقدرش يتصل امرت رجالتك يتخلصوا مني بعد ما اخدت البضاعه والفلوس لعبتك انكشفت ياسراج لما حطتلي قنبله في العربيه بس للاسف السواق هو الي مات وجه وقت الدفع
سراج بصرامة شديده : خلينا ننهي الامور انا وانت وابعد عن بنتي
حمدي بصرامة أشد: الي زيك لسه ميموتش دلوقت الاول تشوف كل الي بتحبهم بيموتوا الاول عشان تعرف ترضي انانيتك
سراج جسمه أنتفض من القهر وصرخ بجنون: حمددددددي
حمدي اغلق في وشه ولرجالته: اقلبوا الدنيا ولقوها وبعدها خلصوا عليها
اما سراج فضل يصرخ بجنون ولشفيق: ائمر رجالتنا يلاقوها بسرعه
شفيق بمنتهي البرود: امرك يا بشا
……..قصص منه محمد كاتب………..
عيسي وصلها المستفي وسابها وراح لاقرب محل اشتري فانلا بيضه وبنطلون جينز ودخل محل بيشتري البدل المستعمله وباع البدله وراح جابها اكل وهدوم عشان يعرف يتحرك بيها ورجعلها ع المستشفي ناول للمرضه اللبس تدخلهولها وهي قالتله قربت تخلص عيسي وقف برا يستناها لحد ما لمح عربيه جات ووقفت ونزل منها ناس كئنهم بيدورا عليهم مد بخطواته ووقف وري الازاز يراقبهم في نفس اللحظه لوسين خرجت تدور عليه لمحته جاي بسرعه عليها سألته: كنت فين
عيسي: عامله ايه
لوسين قفلت ملامحها: بتألم
عيسي مسك ايدها بشويش: تعالي معايا هنخرج من الباب الوراني
لوسين ماشيه معاه: فيه ايه هما جم هنا ورانا كمان
عيسي خرجها من باب تاني ولف جاب الموتسكل
لوسين: روحني حالا انا خايفه
عيسي: لازم نمشي حالا
لوسين: طب استني هركب براحه
عيسي دخل بيها مكان معروف: هنستخبا هنا
لوسين موزعه عيونها في المكان: لحد امتي هنفضل هنا انا عايزه اروح
عيسي: لحد ما اتاكد بأننا في امان
لوسين رفعت رأسها وقالت بإرهاق : وامتي هيكون ده
عيسي: مش هقدر اجاوبك لان دول نفس الناس الي حاولوا يخطفوكي في الميكروباص وهما مش عاوزين فديه هما عاوزين حياتك
لوسين: مين دول انا ماليش عداوه مع اي حد ليه بيكرهوني
عيسي بص للفراغ: ابوك هو الوحيد الي يقدر يجاوبك ع اجابه السؤال ده
- يتبع الفصل التالي اضغط على ( رواية انتي دمي ودموعي وابتسامتي ) اسم الرواية