رواية هل كان ذلك حبا كاملة بقلم جومانة جي عبر مدونة دليل الروايات
رواية هل كان ذلك حبا الفصل التاسع 9
( في الصباح )
– توقفت بِسيارتها أمام بوابة المدرسة التى تَدرس بها إبنة زُوجُها .
– فتحت باب السيارة و نزلت منه و تحركت نحو الباب الآخر وقامت بفتحه و ساعدت تلك الصغيرة في النزول منه ، و اغلقت الباب ورائها .
– ساعدت ” تيا ” بإرتداء حقيبتها المدرسية الصغيرة ثم أمسكت بإحدي يديها و تحركا نحو بوابة المدرسة .
– دلفا إلي الداخل لتُقابلهم إحدى المعلمات و التى تُدعى ” نيفين ” ،
_ تيا … يلا روحى مع ميس ” نيفين ”
– لتأومأ لها الصغيرة ثم اردفت لها بنبرة طفولية : ماما أميرة هتيجى تاخديني بعد المدرسة ؟
– جلست كالقرفصاء ثم اردفت إليها بإبتسامة: اكيد طبعا .
– رفعت ” تيا ” إحدى يديها واخفضت جميع أصابعها ماعدا إصبعها ” الخنصر ” ثم أردفت بنبرة طفولية : Friends promise .
– ابتسمت أميرة لها إبتسامة جميلة ثم رفعت كفة يدها وأخفضت جميع أصابعها ماعدا إصبعها ” الخنصر ” و ضمت ذلك الإصبع إلي إصبع الخنصر الخاص بالصغيرة ثم اردفت بنبرة محبة :Friends promise ” وعد الاصدقاء ” .
_ يلا يا ” تيا ” عشان هنتأخر اردفت نيفين .
_ I love you ”
اردفت أميرة بنبرة محبة إلي تلك الصغيرة .
– رفعت ” تيا ” أيديها الصغيرة وحاوطت عُنق أميرة و اردفت بنبرة طفولية مرحة: I love you mama
– ثم فصلت عِناقها ، وذهبت مع مُعلِمتها.
– خرجت من المدرسة ثم استقلت سيارتها حتي تستعد للقيادة ولكن جذبت هاتفها لتجد عدة مكالمات فائتة من ” مروان ” و رسالة نصية يوجد بها عنوان شقته .
– أغمضت عينيها بضيق ثم زفرت بضيق وضعت هاتفها علي الكرسي الآخر ثم قامت بتشغيل السيارة مرة أخري حتي تذهب إلي مقابلة ” مروان ” في شقته بعد أن قام بتهديدها.
☆☆☆☆☆☆☆☆☆☆☆☆☆☆☆☆☆☆☆☆
– بعد مرور بعض الوقت وصلت إلي العنوان .. وتوقفت بسيارتها أمام العمارة التي توجد بها شقته ، صَفت سيارتها ثم تحركت إلي داخل العمارة تحت أنظار ذلك البواب الذي يوجد أمام العمارة .
_ طالعة لـ مين يا ست هانم ” اردف ذلك البواب بنبرة مُتسائلة ”
– توقفت ثم ضيقت عينيها وأجابت بنبرة يتضح بها الضيق : وانت مالك يا راجل انت ، ازاي تسألنى سؤال زي دا .
= مش القصد يا ست، انا غرضى اساعدك ” اردف بنبرة هادئة مهذبة .
– شعرت انها تطاولت بحديثها مع ذلك الرجل العجوز لـ تردف بنبرة مقضبة: سوري مكنش قصدي اكلمك كدة … المهم قولى مروان مغربي ساكن في انهي دور .
– توسعت عينيه للحظه بعد ان علم انها آتيه إلي ذلك الرجل اللعوب الذي يأتى إلي شقته من وقتٍ لـ آخر ، ثم أجاب بنبرة رسمية : الأستاذ مروان ساكن في الدور السادس .
– لتأومأ له ثم غادرت من أمامه بينما هو يضرب كف يده بالكف الآخر ثم أردف: استغفر الله العظيم اي الستات دي اللي تروح للرجالة في بيوتهم ديي ، ربنا يحافظ علي بنتنا ويسترها علي الولايا.
☆☆☆☆☆
– توقفت أمام شقته و قرعت الجرس ، ثم وجدت الباب يُفتح ليظهر هو من خلفه، ثم ابتسم إليها بإبتسامته التي كانت تراها جذابة في الماضي أما الآن تراها سمجة للغاية .
– ابتعد بجسده إلي الجوار حتي يسمح لها بالدخول ، دخلت ثم غلق الباب خلفها ، وتحرك نحوها و توقف أمامها.
– عقدت ذراعيها أمام صدرها ثم اردفت بنبرة تدل علي نفاذ صبرها : ادينى اه جيت ياريت تنجز وتقول عايز اي عشان معنديش وقت .
= طيب اقعدى نتكلم ولا تحبى نتكلم علي الواقف ” اردف بنبرة هادئة .
_ مروان ، اخلص وقول عايز اي ” زفرت بضيق من هدوئه المستفز هذا .
– شهقت عندما وجدته يمسك بإحدي يديها بين يده و يجذبها خلفه .
– أدخلها إلى غرفة النوم ، لـ تنفض يدها من يده ثم صاحت به في غضب : اللي انت بتعمله دا انت اتجننت .
– لم يُجيب علي حديثها بل بدأ يدور حولها وهو يتحدث بنبرة هادئة : فاكرة اللي حصل بينا في الاوضة دي انا مش قادر انساه.
_ مروان أفهم بقى كل حاجة كانت بينا خلصت خلاص ” صاحت بنبرة غاضبة .
= لاء ….. مش صح .
_ هو أى اللي مش صح ، حكايتنا بدأت برهان سخيف منك وانتهت بغلطة هقعد احاول عمرى كله عشان أنساها واكفر عن ذنبها… ” صاحت بنبرة غاضبة يتضح بها الحزن .
– كوب وجهها بين يديه بعد ان توقف أمامها ثم اردف بنبرة هادئة خبيثة : مش هتنسيها لأنك مش بعتبريها غلطة زي ما بتقولى لأنك عملتيها معايا بمزاجك عشان بتحبيني .
– ازاحت يديه من فوق وجنتيها ثم صاحت به بنبرة غاضبة يتضح بها نفاذ صبرها من حديثه المجنون هذا : هو انت فاكر انى لسه بحبك لاء احب اقولك انك غلطان اوي لانوا عمرى ما احب واحد كداب و مخادع و قذر زيك .
– كانت سـ تستدير حتي تغادر لكنها وجدته يدفعها بجسده إلي الباب و رفع يديه لـ يُحاصرها بينهما .
_ هربتِ منى ليه بعد ليلتنا سوا ؟….. اردفت بنبرة غاضبة عاليه.
= وكمان بجح وبتسأل .
– اطلقت ضحكة ساخرة ثم أضافت: اقولك انا هربت ليه هربت لانك كدبت عليا لما كنت بتلمحلي انك بتحبني وانى مميزة عندك ، وأنا اللي كنت غبية و سمحتلك تدخل حياتى و مبصتش ازاي علي طريقة تعارفنا علي بعض لانى كنت حاسه بشئ مميز بينا ، بس طلعت غلطانة لأني اكتشفت انك شخص كداب و حيوان لما…… لما تخون مراتك اللي كانت مسافرة مع باباها ، وتلعب بحياتي انا كمان معاها .. فـ عرفت قد اي انك شخص حيوان و مقرف
– توسعت عينيه من حديثها وعقد حاجبيه وهو يتسائل بداخله اذا هي هربت منه بعد ليلتهما سوياً بسبب عِلمها بـ حقيقته …. لكن ظل سؤال واحد يدور بـ داخله من أخبرها بكل ذلك ؟؟……. ، هو يريد معرفة الاجابه .
_ عرفتي ازاي ؟؟…..مين اللي قالك …. أجاب بنبرة مقتضبة
= ومستني منى اقولك مين اللي قالي دا انا مشوفتش بجاحة كده ،
– حاوط ذراعيها بيديه وهو يهزها بغضب : قولي مين قالك يا ميرا ؟….. مين قالك اهه ….قولى .
– لـ تنفض يديه من فوق ذراعيها ثم اردفت له بنبرة غاضبة عالية : دا شئ مش يخصك اولا … ثانيا بقي قولتلك ميرا دي مبقتش موجودة انا اسمى ” أميرة خالد الراعي ” فاهم ولا لا؟….. تنسي ميرا اللي كنت تعرفها زمان …. ثالثا بقي و دا الاهم انك تبطل تلاحقنى وتراقبني وأحسنلك تبعد عني وعن حياتى مع جوزي والا اقسملك اني هعمل حاجة هخليك تندم علي كل اللي بتعمله دا .!!!
_ ايه دا ؟… لاء سمعيني بقي قولتى اي تانى كدة …
= أظن انك سمعتني
_ ولو مبعدتش عنك هتعملى اي ؟…. هتروحى تقولى لـ خالد ؟…. طيب ما تخليني اروح انا واقول لـ اخويا حبيبي و اعرفه انوا اتجوز واحدة شمال نامت معايا قَبله ..
– دفعته بيديها ليرتد خطوه للخلف و ثم قامت بصفعه فوق إحدي وجنتيه بكل قوة .
☆☆☆☆☆☆☆☆☆☆☆☆☆☆☆☆☆
( في المُنتزة )
– كان يجلسا كل من ” فَلك ” و ” حبيبة ” فوق المقعد الموجود بداخل المنتزه .
_ احنا من اول ما جينا وانتِ ساكتة ممكن تقوليلي مالك في اي ؟…اردفت ” حبيبة ” بنبرة مُتسائلة .
– استدارت ” فَلك ” برأسها للجانب الايمن نحو ” حبيبة ” ثم ابتسمت ابتسامه خافتة ثم اردفت بنبرة هادئة : تعرفي لما كنت بشتغل انا و ” مروان” مع بعض، انا كنت احيانا اشتغل وقت اضافي بس لما كنت اخرج من الشركة ألاقيه مستنيني برا وياخدنى ونروح نتعشي سوا
– ابتسمت هي بحزن علي تلك اللحظات اللطيفة التى كانت تجمعهما في الماضي ثم اردفت مُكملة حديثها : و كنا دايما بنبقي مع بعض في كل الأوقات مش بس في الشغل ….. تعرفي لما كان بِيبُصلي كنت بحس انوا مش شايف غيرى …. ومفيش غير انا في عيونه ….. هو لسه كل حاجة زي ما هى بس ، صمتت ولم تعلم ماذا تقول بعد .
= طيب اومال اي اللي حصل مدام كل حاجة لسه زي ما هى ؟.. ” اردفت حبيبة بنبرة مُستفسرة.
_ مبقتش اشوف نفسي في عيونه زي الاول … ” اردفت بنبرة هادئة حزينة .
_ مبقتش فاهمة هو اتغير ؟ ولا أنا اللي اتغيرت ؟… ” اردفت بنبرة حزينة ولم تشعر بتلك الدموع التى انطلقت من عينيها نحو وجنتيها .
– وضعت ” حبيبة ” يدها فوق يد صديقتها في دعم ثم اردفت بنبرة داعمة : ولا انتِ ولا هو اللي اتغير هو بس تلاقيه مضغوط في الشغل عشان كدة مش عارف يبقي معاكِ زي الاول …. فـ متفكريش كتير و تخربى بيتك انتِ وجوزك …. وياستي حاولى تقربي منه انتِ خليكي معاه حسسيه انك جنبه ..
– أومات لها ” فَلك ” برأسها في إيجاب .
☆☆☆☆☆☆☆☆☆☆☆☆☆☆
– استطاعت الخروج من شقة ” مروان ” بعد أن اشتد ذلك العراك بينهما ، هاتفتها المعلمة ” نيفين ” وطلبت منها المجئ الي المدرسة بخصوص حدوث شيئاً له علاقة بـ ” تيا ”
– بعد مرور بعض الوقت قد وصلت إلى المدرسة .
~~~ كانت تجلس ” تيا ” فوق كرسي صغير وبجانبها المعلمة ” نيفين ” .
– انخفضت بجسدها للاسفل ونزلت علي رُكبتيها أمام مقعد الصغيرة و أمسكت بإحدى ذراعيها حتي تتفحص ذلك الجرح الصغير ب ذراعها.
_ متقلقيش علي ” تيا ” هي كويسة دا جرح سطحي صغير بس عشان وقعت هي وبتجرى النهاردة في حصة الالعاب ، انا اتصلت بيكِ لانوا دي قوانين المدرسة .
= شكراً ميس نيفين انك اتصلتِ بيا ، ثم نظرت إلي تلك الصغيرة وهي تُردف إليها: تحبي نروح البيت و تاخدى break من المدرسة النهاردة
: no mama …..
اردفت تيا بنفي
– لـ تُكوب ” أميرة ” وجهه ” تيا ” ثم قَبلتها فوق جبينها بحب ثم وجهت كلامها إلي المعلمة : تمام … ميس نيفين ، ياريت تخلى بالك منها .
– لتأومأ لها نيفين بإيجاب ، ثم انصرفت أميرة من المدرسة ، مُتجهة إلى الفيلا ، حتي تأخذ بعض الراحة و تُصفي ذهنها مما حدث معاها اليوم .
☆☆☆☆☆☆☆☆☆☆
{ في الشركة }
( بداخل مكتب ضياء )
– كان يتحرك ذهاباً و إياباً امام ضياء الذي كان يجلس فوق مقعده يستمع إلي حديث صديقه عن مقابلته لتلك الفتاة في شقته .
_ فاكرة نفسها مين الوس*خة دي مجرد dirty whore ” عاهرة قذ*رة …. اردف بنبرة غاضبة مُنفعلة.
= خلاص شتمتها وارتحت ياريت بقي كفاية لغايت كده وبطل تتصرف زي العيال ” اردف ضياء بنبرة هادئة.
_ انا بتصرف زي العيال ؟…. اردف بنبرة مستفسرة.
= اه بتتصرف زي العيال و ياريت توقف اللي بتعمله دا ، و ياريت تنسي علاقتك بها زمان لانها متتسماش علاقة اصلاً و حتي لما نمتوا مع بعض في الليلة دي خلاص الليلة عدت وانتهت… ” اردف ضياء بنبرة غاضبة .
– توقف في مكانه ثم وضع يديه فوق جانبي وجهه وأردف بنبرة حزينة : مش قادر أبعدها عن تفكيرى… حاولت كتير من يوم ما هربت منى بعد اللي حصل بينا … اعمل اي عشان انسي ميرا…..
_ اللي انت بتحاول تجرى وراها دي مش ميرا اللي كنت تعرفها دي بقت مدام أميرة الراعي يعني دى مرات اخوك دلؤقتي وكل ما فهمت دة في وقت أسرع كل ما دا بقي احسن .
– عقد حاجبيه وهو يحرك راسه يميناً ويساراً دليلاً علي عدم تَقبلهُ لهذه الحقيقة انها أصبحت زوجة أخيه ….. و لا يحق له التفكير بِها .
– غادر مكتب ” ضياء ” وهو يشعر بالضيق من هذا الحديث .
☆☆☆☆☆☆☆☆☆☆☆☆☆☆☆☆☆☆☆☆☆
( مساءً )
– كانت تجلس فوق الأريكة الموضوعه بجوار الفِراش بجانب زُوجُها وهي تمسك بأوراقاً طبية خاصة ثم أردفت : الحمدلله انوا تحاليل ماما رغداء كويسة ، بس بردو لازم اخد بالى من الجدول الغذائي بتاعها ..
– كان يحدق بها أثناء قراءتها لـ تلك التقارير ، ثم أردف بابتسامة:
this is not fair ” هذا ليس عدلا ”
– عقدت حاجبيها ثم نظرت له بنظراتٍ مُستفسرة .
_ انتِ بتخلى بالك مني ومن بنتي ومن أمى و من مامتك ومن شغلك ومن كل حاجة تخصنا، انتِ ازاي مثالية اوي كدة ” أردف بنبرة سعيده.
– أمسك بيديها بين يديه وقام بتقبيلهما ثم ابتسم إليه ابتسامته اللطيفة تلك.
ليجدها تبتسم له أيضا ثم نهضت من جواره و هي مُقررة الهروب من هذا الحديث الذي من المفترض انه يُسعدها ولكنه جعلها تشعر بالذنب لانها تخدعه ، لتجد نفسها تُردف إليه تلقائياً بنبرة خافتة : انا مش قريبة حتي من المثالية يا خالد .
– شعرت بعدها بمحاوطة” خالد ” لها من الخلف ثم أردف لها بنبرة مُحبة : لا خلي بالك من كلامك انتِ بتتكلمى عن مراتى ، ثم قام بطبع قُبلة لطيفة فوق كِتفها ، لـ تُغمض عينيها وتستند برأسها علي رأسه .
– بعد ثوانى استدارت له بكامل جسدها ثم كوبت وجهه بين يديها وأردفت : تعرف انى بحبك اوي
-توسعت ابتسامته بشدة لـ يلتقط شفتيها في قُبلة يبث بها حبه لها أيضا .
☆☆☆☆☆☆☆☆☆☆☆☆☆☆☆☆☆☆☆☆
– (أما علي الجانب الآخر في منزل ” مروان ” )
– كان يقف في الشرفة يدخن بشراهها لـ يجد يداً لطيفة تتلمس ذراعه بلمساتٍ حنونه .
– استدار برأسه ليجد فَلك تردف إليه : مالك في اي ؟… اردفت بنبرة هادئة مُتسائلة .
_ مفيش حاجة انا بس مضغوط شوية من الشغل أجاب بنبرة مقتضبة.
– توقفت عن تلمسه ثم استدارت برأسها للامام و اردفت إليه : بعد كل السنين دي اللي عرفتك فيها و عشت معاك فيها بقيت اعرف انك لما تتعب من الشغل بتيجي تقولي وتشتكيلي منه مش بتحب تبقي ساكت زي ما انت ساكت دلؤقتي .
– استدار لها برأسه بعد أن زفر ذلك الدخان من فمه ولم يُعلق ، ليجدها تتحدث هي :
مروان حبيبي انت كنت زمان بتشاركنى في كل حاجة لكن دلؤقتي حاسه انك منفصل عني وبـ تبعد عني ” اخبرته بنبرة هادئة .
= انا ليه حاسه انوا في حاجة واقفة بينا !!
_ اي اللي خلاكِ تقولي كدة ؟
= لانك متغير و بتخبي عليا ” اردفت بنبرة حزينة .
– القي تلك السيجارة من يده ثم استدار لها بكامل جسده و كوب وجهها بين يديه ثم أردف: انا فعلا مخبى عنك حاجة !!!
– عقدت حاجبيها ثم نظرت له بنظرة مُستفسرة .
_ وهى انى بحبك لدرجة انى مقدرش اخبى عنك حاجة .
– لتجد نفسها تبتسم تلقائياً بعد حديثه هذا ، لـ يُبادلها الابتسامة ثم أخذ شفتيها في قبلة لطيفة ، ثم ابتعد عنها بعد بضع ثوانى و انخفض بشفتيه لـ إحدي أُذُنيها يهمس لها بـ بضع كلماتٍ جعلتها تبتسم بخجل .
– توقف عن الهمس لها و وجدته يضع يداً فوق ظهرها واليد الاخرى تحت رُكبتيها و غادرا الشرفة مُتجهان نحو الداخل حتي يستطيعا تقضية بعض الوقت المُمتع بينهما.
☆☆☆☆☆☆☆
- يتبع الفصل التالي اضغط على ( رواية هل كان ذلك حبا ) اسم الرواية