رواية اسرار قدس كاملة بقلم زينب ماجد عبر مدونة دليل الروايات
رواية اسرار قدس الفصل الخامس عشر 15
گلبك مثل باچر ماعرفته شضام .
—-
فتح الباب وطلع من القرفة
جانم عواطف وبتها واكفات .. ضلوا ابحلكين عد ما طلع خطاب من قرفتي .. دحگوا عليه مستقربين .
طلعت بسرعة من قرفتي دخلت لقرفة الحجية عيوني تجري واني اكلها : احجي وياه اني تعبت منه ما عد يعوفني لحالي
فزت من بكانها وهي تكلي : ها يولي ؟
فاتت عواطف تكلها : خطاب فتح قفل غرفتها وطلع
خمست خدودها وصرخت : شلون بيه بهالولد يربيييي
عافتني ومشت ضليت ادحك وراها وابجي ، وعواطف تسعل : شجان يسوي بغرفتج
– يهدد بيا
– شيريد ؟
– ما ادري
– عفتها ورحت امشي لقرفتي سديتها وكعدت ابجي لوحدي ..
معد اعرف اني وين والمن
السويته صح لو قلط ؟
اترك خطاب وارضى بقسمتي لما الله يفرجها لو اضل وراه .. اتراجع شلون واني على ذمة ابو وهب .. ما يطلكني وامي ما بين منها خبر
يوم الاجت لهين هانتني اله ما نصفتني سوتني وحدة جاتلة روحها عليه .. امي شنهو التريده
وخطاب وين اوصل وياه
براسي خبصة ما عرف شلون احلها
اذا سواها خطاب صدك شلون ؟
وراح كال لابو وهب اني جنت وياه من طلعت من البيت ، وكتها انجتل لا محالة .
فد شلون ارضى اضل هيج ويا خطاب واني على ذمة رجال .. اطلكت من ابو وهب وما اختاريته .. جنه امري بيدي حتى يخيرني.
دخلت عليه الحاجة : ها
– شكتيلو ؟
– كتلو ما يكرب منج بس هالولد هاذ مدري شصايب بعكله فعلة ريسان هاي جننتو ما خلت براسه عكل .. خطاب اسميه السبع عاكل وفاهم من يوم فعلة ريسان ولليون جن تخبل وماهو بعكله
– فد اخاف يفتن على سالفتنا جدام ابو وهب والقران يذبحنا
– من اليحبك لا تخاف ، وانت من خطاب لا تخافين حجيه مثل دخان النار … يغوش ويخنك بس ما يحرك .. وهو من نار كلبه جاي يعمل هالفعايل .
– يعني ما يسويها
– ما اضمنه الج بس لا تخافين منه ولا تكربيه .. كل ما بعدتي روحج عنه يكون احسن
اطمت لحجيها واعتمدت عليها تبعده مني
بلكي الله يعوفني لحالي .. كفلت القرفة وظليت ادور منا وارد منا لما نمت
ثاني يوم
كعدت الصبح الساعة ٦ نشيطة
ما جان احد كاعد .. رحت للمطبخ قسلته
عجنت معجنة جبيرة وقطيتها
وثرمت الطماطة والبتيتة حمستهن ، كعدت عواطف : ياهو العاجن ؟
– اني كلت من تكعدين خاطر فد تخبزي
-زين ما سويتي ، هدي من ايدج عفاف تكمل الريوك واني وياج خل نخبزه
كمت وياها طشيت الطحين بالصينية وكمت اشنك وياها العجين حجت : خطاب شعده وياج
– ما عرف
– انا اعرفه يودج واعرف مالج صوج وياه بس ديري بالج مو بس منه
– منين
– انت ضرتي صحيح بس الله يشهد ما احسبج ضرة بكثر ما احسبج بنية حالج حال بتي سراب .. ما اغير منج ولا اضوج بس الوياي مو مثلي .. عفاف واميرة شرانيات وكلشي مو زين توقعي يطلع منهن .. يتهمنج .. يتمسكنن وياج لحد ما يوطنج ابد لا تامنيلهن .. لو وحدة منهن شافت الشفته انا امس جان الخبر هسه يم ابو وهب وناحر ركبتج
– خطاب هو الما يعوفني
– خطاب زلمة سبع والجاي يسوي مو ثوبه ويرد لعكله لا تخافين منه خاف على روحج وديري بالج .
هزيت راسي وكمت للتنور هيجت الچيم ومسحت التنور
شالت الصينية وحطتها خذيت شنگة من الصينية لوثتها بالطحين وخبزتها بيدي وفريتها وخليتها ع المخبازة وطركتها بالتنور
عواطف : خبزتج حلوة غاد عد اهلج تخبزين
– من اني عمري ١١ اخبز
– ياهو العلمج امج
– لا مرت اخوي ، امي ما تعلم
– عليش
– ما ادري عيشتها وياي فد صياح واوامر
– ابوج وين ؟
– ما عرف
– ما تعرفين ابوج
– اعرف اسمه
– بس !!
– اي
– سالفتج هم داجة
– سالفتي اني بروحي ما فاهمتها خاطر ادج
– العيشة هين اصعب من التتصوري .. واسرار هالبيت اصعب من اسرارج
– شلون
– اولها ام وهب
– ام وهب !؟ ليش ما انت ام وهب ؟
– هذا اليعرفو وهب والكل يعرفه ما يعرف سره
– عجل ياهي امو
احجي واني امد ايدي للتنور واطرك واندرت الها اطيها المخبازة واركز بحجيها.. تكربت عفاف سكتت عواطف واشرتلي اسكت ، ووكفت عفاف: اليوم اثنينجن شني صرتن صويحبات
عواطف : خلصيتي الريوك ؟
– يا كلابهم اليوم الريوك مو عليه
– عجل خبري اميرة تجهزة بسع خل نكضي شغلنا ، يلا
– اميرة تكول مالي غرض مكابلة ابو وهب متوجع
قدس : اني ثرمت الطماطة والبتيتة فد حمسيهم
– والله مالي غرض انا اليوم البيت علي مو الطبخ
عواطف : كملي قدس الخبز خل اروح لاميرة
مشت عواطف كعدت عفاف للصينية تلوث الشنكة بالطحين وتطركها تخليها ع المخبازة ناوشتني : هاج .. شحجت وياج عواطف ؟
– تحجي ع الليل تكول حارة نصعد فوك نخاف تجينا طلقة تايهة ننام جوا ننحمس من الحر
– تريدلها هوى عطيفة ام الذكن
ذبت العجين من ايدها وكالتلي : كملي خل اروح اشوف التسوي الريوك شني جعنا
وكفت للخبز الحار كصت نص كرصة ومشت
اني كملت الخبز وخذيت الصينية مال الخبز وطبيت محد بيهن حامسة الطماطة والبتيتة عواطف تكول اميرة واميرة تكلها اني ملتهية بابو وهب خلي بتج وعواطف تكللها .. انت كل شغلج تذبينه براس بتي .. بتي نايمة
واميرة تردها : باجر عكبة من تعرس هم تضل نايمة وتعلميها ع الخباكة .. كعديها وخلي تخلص الريوك
عواطف : لا والله ما اكعد بناتي الشغل شغلج روحي كملي ووحدة من عدنا تكابل ابو وهب
صرخت : تريديني اعوف زلمتي لخاطر شغل من عقلج يا شغل يا بطيخ نور عيوني هذا اذا ما اداري بماي عيني واحطه بكلبي واشيل الوجع عنه شنهي عيشتي وشنهو الشغل هسه لو تنكلب الدنيا ما اهده لا والله
تحجي وتسمع ابو وهب
وعفاف تكللها : كلنا نداري ونحطه بعيونه شعدنا غيره خيمتنا وعزوتنا بس كل وحدة بينا تكمل شغلها والثانية اداري
اميرة : لا والله عسمى البيت يخيس ما عدي شي اهم من زلمتي ونور عيني
طلعت الحاجة : الساعة راح تصير ب٨ ونص ريوكجن وين ؟
اميرة : غير قدس ثرمت المخضر وعافته
قدس : اني ياهو ماتي جنت كاعدة وما عدي شي ثرمته كلت يمتى ما يكعدن خاطر يخلصن بسرعة
صاحت الحاجة : بنات الجلاب تتكاونن على حمسة مخضر من الصبح امشننن
دخلت اميرة بقرفتها وسدت الباب
وعفاف طلعت برا تقسل الكراج وعواطف عاندت لا هي تحمس المواد ، واني جعت حيل كاعدة من الصبح وما ماكلة وكامت روحي تلعب شعلت الجولة وحمستهن وسويت الريوك
سراب خدرت الجاي
ونصبنا السفرة .. الحاجة كالت : بيت حمدان راح يجونا نظفن الهول عدل وتحضرن للغدا .. يضلون للغدا
كضينا الريوك واني طلعت للهدوم اقسلهن
وهن كل وحدة راحت الشقلها فد اميرة مكابلة ابو وهب
شطفت الهدوم واني اراقب القرفة مال خطاب ما طلع منها ابد .. اخاف لا يطلع ويشوفني ويرجع يهددني .
شريتهن كلهن وترست سطل من البوري البرا وهذيته للحمام خاطر اسبح وكف وهب : شعدج بيه
– رايدة اسبح
– وعليش اتسبحين ما صالج تلث تيام من سبحتي
– وانت ياهو مالتك احتريت ورايدة اسبح شني تحاسبني
دفعني من جدام الباب فات وصكه ، صحت : الكبر كون
طلع من الباب حطه ايدو على وجهي دفعني وهو يصرخ : ياهو الكبر بت****
الحاجة واكفة صاحت عليه دفعتو مني وكتله : طايح الحظ
صاحت بيه : لا تغلطين علي ولج
وهو هد يريد يكضبني دفعتوا مني
هو يصيح وهي تصيح فات للحمام صفكه وهي تكلي : نوب اللخ من اسمعج غالطة عليه الا السانج اكصه
– عجل ليش يقلط وياخذ مايي
– على الماي تتكاونين من خفت شوفتج كحط ماي
– اي الماي ما يجري بالبوري مال الحمام ترستو من برا وهو خذا اريد اسبح
– وشعدج سابحة معاشرة رجلج وسابحة روحي اكضي شغلج ولا توذنين بروسنا عيب خطار راح يجون نلتهي بمكاونكم
عفتها وطلعت برا
حرانة حيل ولعبانة روحي .. كضبت الصوندة وحطيتها فوكي وسبحت بهدومي فد اريد ابرد متت من الحر لا كهرباء لا ماي جوا وفد نشتقل .
حاطة الصوندة فوكي والماي يجري علي
دحكت خطاب ليقاد بالبستان شفتو .. ذبيت الصوندة من لمحته ورحت للبيت امشي والمي يجري من هدومي ، تعديت الهول والماي يصب مني ، صاحت عفاف : يولي يصكعة الله مو ماسحة اني شنهااااااي
عفتها وفتت لقرفتي قفلتها وبدلت هدومي ..
راحت لابو وهب تشكي ، اندكت الباب علي ، اني جاي امشط صحت : هسه شوووووية واجي
سراب : ابوي يريدج
انزل بشعري حتى مجبن
هو ناعم فد صاله يومين ما ممشط كله هين شقل بشقل وتبتلي على روحك اذا تريد تسبح حسبالك جاي تسوي جريمة مو سبح وتصب على روحك ماي وتطلع
خلصت شعري
ولفيت ربطتي ورحت لابو وهب : ها
– وعلاه فوك علاه الهاااا شنهو
– سراب كالت ابوي يريدج
– من اريدج تجيني تكولين امرك ابو وهب رايد شي مني ، تعلمي الاحترام بت الجول
– خوش
– شعدج سابحة
– احتريت
– ما مرتاحلج وكلبي لاعب منج
– شسويت
– نوبة اللخ الا افرك حلكج
– شعني شني ما اسبح
– اكلي ***** لا تجاوبين ، طايحة الحظ السبح يوم الجمعة الكل يسبح التسبح بغير يوم عدها اسباب جلبه
سكتت
ضل يقلط ويتجاوز لحد ما جتي الحاجة وكالتله : حمدان اجا
صاح على وهب ساعدو ونقلوا للهول
واحنا نحجزنا بالمطبخ نجهز للقدا .. اجا وهب كال : جاي
حجت عفاف : خلي اخدر الجاي وانت حضري الاستكاين
حضرتهن
دخلت اميرة تحجي : ما الله ياخذه ويفكنا
عواطف : شكو
– خطار جايين والهول يكتل حر وخطاب شاعل المولدة وبس للدوانية مشغل مبردته ومتمدد ع الهوى اكله حول للبيت يكلي توني جاي من الشغل تعبان ولي مني
عواطف : غير مولدته هو مشتريها
– ادافعيلا انت .. الخطار ماتو من الحر
– والخطار ما يعرف بالوضع شني جاي من امريكا هسه تصير ب١٢ ويحول ابو السحب ونشعله الهوى
عفاف : خدر الجاي صبي واخذي
قدس : اني اخذه ؟
– اي وشبيج ناكصج ايد ناكصج رجل
– مو خاف ابو وهب ما يرضى افوت جدامهم
– وهب طلع شنسوي صبي
صبيت الجاي .. وشلتو
ابو وهب صاير جدام باب المطبخ : اشرتلو ادخل ؟
صاح : تعاي يولي جييبي الجاي لابو مازن
تكربت حطيت الصينية ودحكت بالخطار، زلمة يطلع عمره ب٥٠ وامه مرة يطلع عمرها فوك الـ٨٠ سنة .. سلمت ع الرجال ورحت للمرة اباوسها
ضلت تسالني : منين انت
حجه ابو وهب واطاعا عنوان قلط
كالت : تعاي جاي كعدي يمي
اجيت وكعدت يمها وهي ابو وهب وام خطاب والزلمة يسولفلون شلون صار الحادث وشلون راح بيه .. وابو وهب يكللهم عداوات .. حسب ما افتهمت ابو وهب ما فد شاك بخطاب عندو اكثر من عدو وتربصيلا ويريدون جتلا ويحجيلها للمرة بس يكوم منها بخير يميز عدوه
ضل الزلمة يساله عن العلاج وهو يكلو اريد اطلع للاردن ، حجت المرة : عليش ما تروح لفدعة
– فدعة ياهي ؟
كالتله : مرة تشتغل بطب العرب اطيح على علتك لا تعتاز عملية ولا طبيب روحلها وشفاك عدها باذن الله
والزلمة صدك امه وكام يمدحلو وكالو نخلص غدا واخذك الها ، حجت الحاجة ورادت تكومني : قدس كليلهن يستعجلن بغداهن
رحت وصيتهن وكعدت اشتقل وياهن كضينا القدا وفرشنا سفرة بقرفة الحجية والمرة كامت قاد وصينية لابو وهب والزلمة وولد ابو وهب .
رحت اجيب الخضرة من المطبخ ورجعت اريد احطها بالسفرة حجت المرة : انت حامل يولي
دحكت بوجهه : لا
الحاجة : ما صالها اسبوعين من خذاها
– عيونها بيها نساوة حبالة طابات بنكرة يمكنها شايلة
ضلت الحاجة ادحك بوجهي اشرتلي اطلع
عفت الخضرة وطلعت من القرفة .. من كالت الكلمة واني راسي انضرب ، شنهو حامل ؟ حامل منين
اني ما صالي اسبوعين عد ابو وهب شلون حامل ؟
الكل بالهول وبقرفة الحجية ياكلون فد اني بالمطبخ صافنة
دايخة بزماني حسيت بحركة يمي ، درت راسي بلا اهتمام شفت خطاب .. فزيت من كل كلبي : شرايد
-سويتي الكتلج عليه
صاح ابو وهب : يولن وحدة منجن تترس المبردة هواها حار
عفتو ومشيت منو توقعتو راح يكضبني فد ما وكفتي
رحت بسرعة حطيت الصوندة بالمبردة لكيتو يدحك بالجدوره فارقة شافني عاف المطبخ وطلع وهو عاكد حواجبو
الحجية دوم توصي عواطف تعزل الخطاب من اكلنا وتحطو فوك الرف مديت ايدي لكيت ضامة جدر صغير تمن وفوكو كاسة مرك .. حطيتهن بمواعين وحطيت صحن زقير سويت زلاطة طماطة وخيار وبصل ومشيت جبت كرصتين خبز ، خذيت الصينية وطلعت لقرفتو فتحت الباب هو متمدد على قريولة ام النفر ومشقل الراديو يسمع ، من شافني كعد من حيله : شعدج جاية لهين
– اني فد جاية اكلك ما بيدي شي اني اسوي وما احب اكتل بشر ولا احب اشوف احد يكتل
-يولي امج وسام سوالفج هاي بعد ما تخدعيني بيها جنت اضنج بريه بس عرفت طينتج وصبرج علي
– انا لا الي غرض بامي ولا اعرف شقلها
-عجل والجول ؟ امشي اطلعي برا ولا تشوفيني وجهج
– وكت الامنت بيك اطيتك روحي وثقيت بيك ليش تسوي بيه هيج
– اخذيني درس صعب واتعلمي منه بعمرج ما تأمنين احد ، شيلي الصينية وفاركي .
عفت الصينية وطلعت .. عفاف جاي تشيل الصوندة من المبردة حجت : شعدج يمه
– الحاجة كالتلي صبيله قداه ووديه اله
سكتت مني
كضو القدا وطلعوا للعرب وضلينا نشتقل ونقسل البيت
اندرت لعواطف اسئلها : شلون الوحدة تعرف نفسها حامل
– من دورتها
– شلون
– تحسب لدورتها اذا متأخرة تحتاط من الثكيل لحد ما تتاكد ما تجيها الدورة وبطنها تعلى
– وشكثر تتاخر
– عليش تسالين ؟
– مو هاي المرة تكلي انت حامل
– يولي توج جيتي يا حامل مو باسبوع واسبوعين .. اذا تاخرت شهر ما جتج تانيها واحتاطي اذا كطعت فرد نوب معناتها حامل
تحجي وهي تعزل بالصحون ع الرف
ضليت ادحك بيها واريد اتذكر من يمتى دورتي كاطعة ما اتذكرها !
امسح وبالي انشقل بهالسالفة
من ملج عليه ابو وهب ولهساه ما جايتني
اخر مرة الي جنت ابيتنا كبل لا يملج .. من رحت ويا خطاب ورجعت لاهلي ما جتني ومات اخوي وشلنا وضليت اسبوعين عد اخو نهلة فد ما جتني عدهم
مرت عواطف سالتها : يعني اذا متأخرة شهرين وشوية
– ما جايتج كلش
– اخر مرة اجتني كبل لا يملج عليه ابو وهب
-كبل شهرين
-اي
-وشهرين منين كاربج هو
– لا فد اريد اسال اذا شهرين حامل
– اكيد حامل بس خاف لان اتزوجتي جديد تخربطت عليج
-هي تتخربط اذا الوحدة تعرس
– اي تتخربط تصير لا افكرين بيها .. يييييه هالدورة شثكل همها لو تاخرت نحسبلها الف احساب لا حبلى .. بس ما طول تاخرت عليج وانت عروس جديد معناها مخربطة مو حمل .
سكتت فد ضل بالي مشقول
هي متاكدة مو حبلى زعم ما تعرف بسوايتي ويا خطاب
فد معقولة اني حامل .. مجرد ما اتخيلت الموضوع انلوت بطني وانخمط كلبي .. فد لا صدك اكتل روحي
اني بعدني على ذمة ابو وهب شلون .. يعني لازم ابو وهب يطلكني ! وشلون يطلكني ما يرضى واذا كتلة يجتلني .
فرق البيت ام خطاب مشت ويا ابو وهب ووهب ياخذون ريسان لهاي المرة .. والكل دخل لقرفهم يرتاحون ما طول الكهرب جاية .
كعدت بقرفتي ومحتارة شلون بحالي معقولة اني حامل
لا ما اصدك اني ما احمل .. فد شلون ما احمل وخطاب بذاك اليوم كربني واليكربها زلمة تحبل .. لا اني ما سامعة وحدة تحبل من قير رجلها ، يمكن بس اذا زوجي احبل اذا مو رجلي حتى لو يكرب ما احبل لين مو رجلي
اني ما فد يوم سامعة وحدة هيج حبلت من قير رجلها.
يا ربي واني وين شايفة ناس خاطر اسمع هو عشت بالجول مكابلة الحلال حتى لقة الدجاج عرفتها واعرف الهايشة من تحبل شتسوي وشلون يصير اسلوبها عسر واعرف الدجاجة من تكاكي اذا تريد تبيض لو قير شي .. اعرف بالحواىين اكثر من البشر
طفت السحب الساعة ٤ الكل طلع برا بالهول
التقسل الجهالها والتخدر الجاي .. والحطت بتها تفلي بيها يم باب الهول على ضوا الشمس
اني كعدت بالهول فد بالي هوسة
حطت عفاف صينية الجاي وصاحت : هي انت الثور احسبج بالجاي لو ما تشربين
– اشرب ، فد ما كلت شي ما تقديت
– وما كعدتي ياهو الكضبج ضليتي تتخوتلين بالغرفة من الكل ركد
حجت عواطف : جيبيلج خبزة واكليها ويا الجاي ولا تضلين جوعانة
اميرة : لو رايحة وياهم كلبي ضال على ريسان
رفعت حاجبها عفاف وكعدت وادحك من ورا خشمها وصاحت بعواطف : دكربي شني اتوسل بيجن
كامت قسلت اديها من راس بتها واجت كعدت
اني جبت خبزة وكابلتهن .. اميرة جرت استكان الجاي وتسوي روحها مهمومة على ابو وهب وتصرفها مبين تمثيل
ضلن يحجن ويجيبن طاري ناس من كرابتهم .. هاي هيج سوت وذيج هيج حطت ، واني دايخة بزماني وبعلتي .
انتبهت على عواطف تكول : اذا ابو وهب راح للاردن انا اروح لاهلي ارتاحلي جم يوم شوية
عفاف : انا هم اروح
اميرة : واذا كلنا نروح ياهو اليضل بالبيت ؟ غير الحجية تكلبها عزا فوك روسنا
عفاف : قدس هين شعدها رايحة بعدها جديدة
اميرة : اي اذا تضل احنا نروح ولو راح ما راح اتهنى راح يضل بالي كله يم ريسان اتمنى لو اروح وياه
عفاف لوت حلكها : كلنا نتمنى قابل بس اتي
عواطف : يمكن اجو
حجت والحاجة طبت وكالت : كومن بسع اطني هدوم وجراجف نظيفة لابو وهب
– شكو وينه هو
– ضل عد المرة كالت يضل هين لحد ما يطيب
فزت عفاف تحضرله وعواطف تسال : شني مستشفى هي
– لا يا مستشفى حاطتلها حجرة هاكداتها وتارستها من ذني مالتها مالت طب العرب وحاطتلها قريولة زغيرة لليجونها وتعالجهم
– وراح يضل يمها
– اي تكول لازم الف رجلو بلحم ويضل هين يومية ادهنها وافركها اله وارد العظم لمكانه واداوي
– تلفه بلحم شلون
– شمدريني الناس تمدح بيها خل نشوفه بلكت الله يطيب وما يعتاز روحة الاردن
لملها القراض التعتازهن خذتهن وردت ويا وهب
جت السحب ب٧ سوينا عشتا تعشينا على المبردة وطشينا لقرفنا
لل٩ ردت ام خطاب جنت متانيتها خاطر احاجيها
طلعت وهي تطي عباتها لسراب ووهب تمدد بالهول ، حجت : غسلي عباتي باجر ارد بيها
دحكت بيها : يولي وجهج ما يبشر بخير شنهي
– رايدة احجي وياج
فاتت للقرفة صاحت على نور طردتها هي والجهال من القرفة ، طلعوا كالت : سدي الباب وكربي
سديته حجت: شنهو بعد خطاب شعمل
– ما خطاب مصيبة اكبر
– عجل هو الشافج شيشوف غير المصايب ، شنهي احجي
-الدورة ما جايتني من كبل لا يملج عليه ابو وهب
سكتت : عواطف تكول التتاخر عليها الدورة حامل والمرة سمعتيها اليوم تكلي حامل ، اني كلش خايفة
– انت تعرفين شجاي تحجين
– اعرف بس ما عرف شسوي
– التسوي لو صدك طلعتي حامل تحركين روحج وتدفنيها التحبل من غير رجلها ( كح***) وبز بطنها نغل موتتها احسن من عيشتها
– واني شلون اتاكد اذا صدك ما عرف
– باجر اخذج للمستوصف اشوف اذا صدك لو لا بس لو طلعتي صدك لا اعرفج ولا تعرفين ولا الساني يطيح على السانج بعملتج هاي تصيرين نكسه وكلمن يكربج يشيل اثمج
طلعت منها دموعي تجري
ما نمت ولا شافت عيوني النوم .. طفت الكهرباء الساعة ١٢
وهب وخواته صعدوا فوك ينامون .. طلعت برا مختنكة حيل
شلون لو صدك حامل
تكلي اكتلي روحج اني اخاف اكتل روحي شلون
اني والله ما حسبالي يصير هيجي
لو ادري هيج غلط ما سويته
حسبالي صار رجلي
وحسبالي بعد ما ارجع لهين
شلون راح اخلص روحي
يمكن مو حامل ؟ ومثل ما كالت عواطف متخربطة علي
ارد اذكر مرت اخوي من تحبل نساوتها وجعان راس وزواع
ضليت اقارن روحي .. اتذكرت لعبان نفسي ودوخت راسي المستقربتهن
حطيت راسي بين رجلية وكمت ابجي حيل
ابجي واجتافي تهتز على قوة البجي
اريد حل بس شلون الحل اذا طلعت حامل شلون اكتبه لو اكتل روحي
على حالتي هاي سمعت حركة يمي .. فزيت حيل واندرت
خيال واحد واكف فد ظلمة ما اشوف
كمت على حيلي : ياهو
خطاب : من شنهو جاي تبجين
– خايفة
– لا تخافين مني ، حتى لو نويت اذيج كلبي ما يطيني
– ما منك
– عجل منين
سكتت ورد امشي ، كضب ايدي : ياهو المأذيج انطيني اسمه
-انت
عفته ومشيت ابجي ودخلت للبيت
هم زين ما لحكني .. تلمست ووصلت لقرفتي فتحت الشباك وكعدت ابجي اندب حظي الوم بروحي معرفت شسوي بنفسي وشلون اجازيها على السويته .. اتمنى لو بس اكدر اكتل روحي واخلص
ما ادري يمتى قفيت
حسيت ضوا القرفة اشتعل من اجت الكهرباء فد لا فتحت ولا بيه حيل اكوم اطفي .. ظليت متممدة ونايمة على المروحة
بين الحلم والحقيقة حسيت انطفى الضوا
واشتقلت المبردة هواها لفحني ارتحت واندرت انام على صفحة وكشت روحي من ضربني الهوى … ازار انحط على جسمي
حسيت واحد كاعد يم راسي … ما فتحت عيني جان الموضوع مخلوط براسي اتخيل بحلمي لو صدك .. لحد ما انسدت الباب بقوة وانحبس الهوى .. صار طبة فزيت
دحكت الضوا مطفي والمبردة مشغلة واني متغطية !
ياهو القطاني ؟
النوم بعيني
ما عرت للموضوع .. جريت الازار وكملت نومتي
لثاني يوم الحجية ندهتني خاطر اكعد تاخذني للمستوصف
شقل البيت هين كل يوم على وحدة تنظف الهول والمطبخ والكراج والحمام وحتى قرفة وهاب زعم ريسان ما يرضى نخدمه لو ننظفله فد خوف من الحاجة الكل تنظفله وتعزله الاكل .. والما تسوي هيج تشد وياها الحجية
والبي تشد وياها الحجية الله قاضب عليها تمرمرها
جان بهذا اليوم شقل البيت المفروض علي اول مرة
من لبست العباة ونويت اطلع ويا الحاجة اعترضت اميرة زعم دورها وراي وبما انو اني طالعة يعني شقلي يتحول عليها
صاحت بيها الحاجة وكالتلها : اكضي شغلج بلا كركة
لبست نقاب وطلعت ويا الحاجة بسيارة وصلنا للمستوصف واطتني شيشة وعلمتني شلون اسوي كالت يسمووه تحليل ادرار
سويته وكعدت انطر وهي تلوم وتحجي وتقلط
وما تستحي وما عدج تربية لو احد مربيج ما تطين روحج لزلمة وانت على ذمة زلمة اخر .. ما استحيتي ما خفتي ما اختشيتي ذبيتي روحج جواه شكال عكلج
تحجي واني مدنجة عاكدة حاجبي
مدري احير بكاعي مدري اتضايك من حجيها وقلطها
طلع التحليل وصاح ( قدس عبد اللطيف )
كامت هي واني فزيت وراه ، اطاها الكاغد وكاللها : هاج حجية
حجت : يمة بس شوفلياه شني حامل لا
حجه : حامل حجية حامل
من حجه هيج روحي خرطت
معدتي انكلبت .. بطني نلوت عيوني قوشت
صوفرت وكام جسمي يتضح عرك
اندارت عليه ووجهه اصفر
حاجاها : بتج لو جنتج حجية
– الله يطيك العافية
عافته ودفعتني .. امشي عزاج الله وشهرج على هالشهيرة هاي
حامل يولي وانت على ذمة زلمتج .. شلون حاجيني اذبحج احركج شسويلج وافتك منج
امشي ودموعي تجري
طلعنا المستوصف وهي تعد وتصف وتقلط
حرت بكاعي وهي تسال : شكول وشحجي كليلي شلون يولي شلون اتذبين هالبلوة البطنج .. يولي نكسة تعرفين شنهو النكسة ابطنج جاهل مو من رجلج .. يولي شايلتلج نغل شهرج الله كون
حجتها جاي نعبر الشارع ودفعتني ع السيارة
بسرعة السيارة وكفت .. راح كلبي ذبيت روحي ع السيارة وطحت للكاع .. ادحك بروحي بخوف واريد استوعب اني اندعمت لو لا صارلي شي لو لا
نزل السايق وهو يكللها : دفعتي على سيارتي شني رايدة تورطيني انتم ذبتيها جدامي ما تخافين الله
دنجت اليه وهي تكله : انت جاي مسرع شدرانا تزرك هيج جفت بلا ما تدك هورن اصخااام
– شدك صخام ماشي بدربي انت الذبيتي
– اصعد سيارتك وامش مالنا هلك كومي انت يالبلوة من شالج الله وفكني منج
– اذا ويا بتج هذا السانج ويا الناس شلون
اندارتله : رايد اراويك شلونه الساني جلب ابن الجلب ابعد لا احط امك فوك ابوك
– استحي على روحج مرة شكبرج تفشرين
– امشي انعل ابوك لابو اهلك .. كومي بت الجلاب بلاني الله بيج اردج وادفنج بالجول الاجيتيني منه ساعة الكشرة الشفت ركعة وجهج
كمت ادحك بروحي
اعدل بالنقاب مالتي دموعي تجري .. رجلي احس بيها تجري دم تحركني كامت وحارة .. عافت الزلمة ومشت وكفت فورتات صعدنا بيها .. وتكلي : ذبيتج جوا السيارة وما صار بيج شي يولي عار وما يصيبج شي .
جابت الطريق كله تقلط
وصلنا الشارع نزلنا نمشي وهي مستمرة تعيرني
ساعة بامي .. ساعة بوضعي .. ساعة تفشر عليه شلون اطيت روحي
حجيت : هو اذا من خطاب كلي لخطاب بلكي يعرف دكتور ينزله
حجيتها وعساني لا حجيت
كفختني على راسي .. وكعت على وجهي بالتراب من قوة الكفخة الكفختها راسي وكضبتني : من تجيبني سيرة خطاب انعل والديج ، ولو درى خطاب بوضعج محد يفكج مني والخلكج احركج واكل لابو وهب حبلة من غيرك وابليج وبطلقتين يفك حالج .. اياج وبالج تجيبين سيرة خطاب لو تكولين من خطاب لو تكولين لخطاب ويديري بيج ما اشهرج واخلي وهب وريسان يندارون عليج وحت امج يجتلونهت وياج
تحجي واني واكعة بنص التراب
عافتني ومشت عنت روحي وكمت وراها امشي لحد ما وصلنا البيت .
كضبت ايدي وكالت : اياج وبالج اسمعج حاجية لاحد هالسر تضمي ويا النغل مالج ما اريد احد يعرف بيه
دخلنا للبيت كبل للقرفة
قفلتها عليه ابجي الطم على وجهي املخ براسي
شلون غلطت .. شلون اطيت روحي .. شسويت بنفسي
كله من امي الما علمتني الغلط من الصح ووكعت هالوكعة بروحي .. اكتل روحي احركها والله اخاف ما اتحمل
ولو ظليت ادري بتالي روحي يكتلوني
شلون اخلص .. احجي لخطاب واشرد وياه بجاهل نغل واني على ذمة قيره .. لو اصبر لحد ما يعرفون سوي وانفضح ويجتلوني
مر امر من مر
ونار اسعر من نار ما ادري وين اروح بروحي
اندكت الباب واميرة تصيح خاطر اكوم امسح الليت ما رديت على كل واحد، سمعت اخو عواطف اجا خذاها هي وبناتها
للظهر الساعة ٢ ابو اميرة مر واخذها هي وجهالها
والعصر عفاف وصت وهب يوصلها لاهلها جريبين علينا
طلعتله الحاجة وهي تكله : وصلها ورد خاطر نمش لابوك .
فرق البيت محد ضل فد اني والحاجة
ضربت ع الباب وصاحت : فتحي يالفضيحة فتحي من ذبيتي روحج جواه ما استحيتي هسه مستحية من عملتج فتحي الباب
فكيته مشت عني
مشيت الها ، طلعت من قرفتها حطت جيس بيدي : شني هاذ
– من اطلع من هين تحطين هالسم بكوب ماي وتتجرعي .. خطاب ما يرد لليل وانا ووهب عكب اوذان المغرب نرد .. ارجع الاكيج مسممة روحج ومفتكة منج
ولو رديت وما لكيتج مسممة روحج نندار عليج انا ووهب نسممج بالزور ونذبج بالساحة .. وانت تخيري تكتلين روحج بكرامة لو تنجتلين وتشربين السم بالزور
– فد اني اخاف
خزرتني : هشششش لو سويتي هالشي الله يعفي عنج اخير ما تجيبين نغل ويحركج بنار جهنم سمي روحج احسن ما نسمج …
- يتبع الفصل التالي اضغط على ( رواية اسرار قدس ) اسم الرواية