رواية قصر المغربي كاملة بقلم ريل محمد عبر مدونة دليل الروايات
رواية قصر المغربي الفصل الثامن عشر 18
صحي ياسين الفجر صلى الصبح وسمع رسالة ملك و اتصل بيها مردتش كانت نايمة فبعت لإسراء انه مش جاي النهاردة و قفل تلفونه ونام تاني
_______________________
عند ملك فتحت تليفونها عشان تكلم زين تعرف منه إذا ياسين في الشركة لقت منه مكالمات الفجر هي ما شافتهاش رجعت كلمته تلفونه مقفول قلقت عليه اتصلت على زين
زين: انا يادوب بنزل من العربية
ملك: معلش يازين بس انا قلقانة عليه تلفونه مقفول
زين: دقيقة أسألك الاستقبال..صباح الخير ياسين بيه وصل
الموظفة : لا لسه
زين: تمام شكرا...... مجاش لسه. لو عايزة هدورلك عليه
ملك : شكرا يا زين انا هعرف القيه فين يلا سلام
زين : سلام
زين لنفسه انا ليه محدش بيقلق عليا دنيا قاسية
__________________________________________
طلعت ملك من القصر وراحت شقة ياسين و كان معاها نسخة من المفتاح دخلت و لقته نايم اطمنت غيرت هدومها و راحت على المطبخ
صحي ياسين متأخر و حاسس انه تعبان و مش قادر يوقف بس حس بحركة في الشقة اتحامل على نفسه و طلع لقاها واقفة في المطبخ و بتكلم نفسها
: تلاقيه ماكلش حاجة و نايم كدا بعدين كملت بنبرا حزن. يعيني دا عمره منام لحد دلوقتي شكله تعبان وأكملت بفزع ولا يكونش مات و كانت خارجة تشوفو إذا عايش لقته واقف بيتفرج و هي اتخضت
ملك : حرام عليك انا كنت هروح فيها
زين ابتسم : بعد الشر عليكي يا قلبي .... و قرب منها و حضنها
ملك بخضة : جسمك سخن اوي انت تعبان؟ و سحبته على الاوضة نيمته على السرير
: ثواني و هاجي
طلعت بسرعة جابت ماية ساقعة و قطع و قعدت تعمله كمادات و هو بيبصلها و بيفكر قد ايه هو محظوظ بيها و مش هيزعلها تاني ولي هي عايزه هيعمله بعدين قال لها : انا كويس متقلقيش
:كويس ازاي بس بص جسمك سخن اوي و تلقيك ما كلتش حاجة
: مليش نفس
بصت له بدموع : بسببي صح
: مش بسببك والله انا مش عايز اكل
: طب انا جعانة
: انتي مفطرتيش
بصت له بغيظ وهي بتبرر : انا فطرت بس جعت تاني انا باكل لتلات أشخاص على فكرة
: بالهناة يا حبيبتي أن شاء الله تاكلي الدنيا كلها انا عنديش مانع أن كنت بطمن لحسن تكوني زعلانة و مكلتيش
: انا مش زعلانة بس انا عايزة منك طلبين
: اامري
: اولا عايزاك تاكل معايا اوكيه
: مع اني مش عايز بس عشان خاطرك التاني بقى
: متسبنيش و تروح متباتش بعيد عني انا معرفتش انام امبارح و انا مش عارفة الحقك أو اعمل حاجة
: انا اسف بس انا كنت مظغوط قبلها و المشكلة الصبح و لما رجعنا فتخنقت و اتعصبت زيادة عن اللزوم بس وعد مش هسيبك ابدا
: و انا كمان اسفة لو بقيت مصدر نكد بس انا بيبقى غصب عني.... بص انا هتفق مع نفسي اتفاق اني مليش دعوة بأي حاجة تخص شغلك و انا هكون واثقة انه لو عشرين وحدة جريو وراك انت مش هتعبرهم
: و دا اللي انا عايزك تفهميه انا ميملاش عيني غيرك يا ملك
بصت له بمشاكسة : بحبك يا واد
: قلب الواد من جوا
:هروح انا اعمل حاجة ناكلها
:ما اظنش انه في حاجة تتاكل هطلب اكل من برا
: لا انا هطبخ لك
: انت بتعرفي
: طبعا
: طب يلا نشوف.. وراح معاها المطبخ
: ها نفسك تاكل ايه
: انت بتعرفي تعملي ايه
: اي حاجة
: بلاش كدب
: والله بعرف انت مش مصدقني ليه
: طب انا عايز ملوخية
: انا معنديش، مانع بس مفيش مكونات هنا بس عشان متقلش أن انا بكدب عليك هعملهالك اول ما نرجع القصر
: طيب هتعملي ايه
: على فكرة مفيش غير مكرونة و انا بسألك تاكل ايه و في الاخر هعمل المكرونة
: ما انا مش موجود عشان كدا مفيش حاجات +انه لما اجي بطلب دليفري
: طب يلا اخرج عشان نشوف هعمل ايه
: حاضر
_________
:ها عجبتك
: ماشي الحال
: عشان كذا كلتها كلها
: انتي هتقري عليا...بهظر معاكي تسلم اديكي يا قمر. وباس ايدينها
اما هي فرحت : ايوة كدا اتعدل
ددخلت الاطباق فقال لها انا هغسلها انت تعبتي النهاردة
: مش هتعرف بدين انت كمان تعبان
:لا انا كويس اوي الحمدلله و خليكي واقفةة معايا لو عملت حاجة غلط صلحيني
: طيب يلا
بدأ يغسل
: حرام عليك كل دا صابون دا يغسل مواعين مصر كلها شوية شوية خف ايدك دول كلهم طبقين و كباية قهوة و فضلت توجه لحد ما خلص
: انت عارف انا لو غسلتها لوحدي كان أكرم لي
: معلش انا كنت عايز اساعدك بس عمري ما هحاول تاني
: ايواااة خليك بعيد بص هدومك اتبهدلت ازاي
دخلت هي الحمام و غيرت هدومها و هو كمان غير هدومه و نامو و هو واخدها فحضنه بيفكرو في اسماء للبيبهات
_________________________
عند إسراء شافت رسالت ياسين و كانت هتتجنن و تليفونها اتصل
المجهول : الهانم طلعت راحت لياسين بيه مش هينفع تروحيله
إسراء : عشان كدا قال لي مش جاي الشركة و قفل تلفونه و مش عارفة اوصله... كل ما اقول خلاص اتخانقو و هقدر انفذ خطتي يتصالحو في دقايق... يووه بقى انا زهقت منه شكلي هغير الهدف و ابتسمت بخبث
_____________________
عند أدهم و منة كأنه بيتفسحو
: يالهوي دي عريانة ايه اللي لابساه دا... دا انا اتكسف البسه وانا لوحدي
كان بيضحك عليها : معلش احنا مش في مكة
: هو احنا ليه ما فكرناش نروح مكة
: فكرة خلاص قبل ما نرجع مصر نروح نعمل عمرة
: بجد يا أدهم
: اه
: انا بحبك اوي
حضنها بقوة: اخيرا اخيرا
: أدهم احنا في الشارع سبني أدهم
بعد عنها : يلا نرجع الاوتيل طيب
........
: عايز اسمعها تاني
: يا أدهم خلاص بتكسف
: لو قلتي بتكسف دي تاني انا هعلقك من رقبتك
قالت له بدلع : طب بحبك متزعلش
: و انا بعشقك.... و حضنها
: هو انا كنت جبلة اوي كدا
: اوووي انا فاكرك مش بتحبيني
: لا بحبك والله
: طب ليه ما بتقوليش
: ما انا بتكسف
: منننة
ضحكت : خلاص مش بتكسف
____________________________