رواية زوج للايجار الفصل الاول 1 - بقلم اميرة محمد

  رواية زوج للايجار كاملة بقلم اميرة محمد عبر مدونة دليل الروايات 

 رواية زوج للايجار الفصل الاول 1

: تتجوزني

: يلا يا شاطره العبي بعيد لتمد الاخري شفتيها بضيق لتقول: اتجوزني انا مش بهزر

الياس بسخريه : يلا يماما من هنا مش ناقصين علي الصبح استغفر الله كنت اصطبحت بوش مين علي الصبح

لتقول الاخري بتذمر : هو انا مش عجباك بعدين انت مش عايز تتجوزني ليه ها ليه

الياس بسخريه : مثلا لسه شايفك من دقيقه واحده لتنظر الاخري للساعه بيديها لتقول بعدم اقتناع : لا مش دقيقه عدي عشر دقايق وانا بحاول اقنعك يبقي كده عارفين بعض من عشر دقايق كتير اهم

الياس بضيق : اه تصدقي مخدتش بالي فعلا كتير ان واحده توقف واحد لسه عرفاه من عشر دقايق غشان تقوله اتجوزني اتهبلتي صح ده انا حتي معرفش اسمك

لتبتسم الاخري بفرح وتقول بلهفه : نايا اسمي نايا وانت اسمك اي قول وادينا هتتعرف اهه

الياس بشك : بت انتي انتي شاربه حاجه صح اصلك مش طبيعيه بعدين هو مجرد معرفت اسمك يبقي عايزاني اتجوزك بقي الناس كلها تقع في الحب وتقع في الغرام وانا اقع فبلوه زيك

نايا بضيق : واشمعنا يعني مفكرني بلوه هو حد لاقي الايام دي حد يتجوزه بعدين كنت مدايق اننا منعرفش بعض غير من عشر دقايق عدي ربع ساعه بحالهم اهه

الياس وهو يتوجه لسيارته بضيق : اه صح فعلا كتير اوي ده انتي لولا كنتي هتخبطي عربيتي الغاليه مكنتش وقفتلك

نايا وهي ترفع احدي حاجبيها بسخريه : عربيتك الاي يخويا دي فاضلها زقه وتتكل علي الله انا مش عارفه هي مستحملاك ازاي لغايه دلوقتي

ليقترب الياس سريعه وهو يضع يده علي السياره وكأنها تستمع لها ليقول بشهقه : نهار ابوكي اسود انتي بتهيني سماح قدامي معلش يا سماح امسحيها فيا يا حبيبتي

ليكمل بعصبيه : انا اسمحلك تشتمي امي ابويا العيال الصيع صحابي اشتميني شخصيا انما لغايه سماح واستوب

نايا بضيق وهي تنظر لساعه يدها : يعم اخلص هتتجوزني ولالا انت بتضيعلي وقتي

الياس وهو يصطنع التفكير : استني افكر امممم لا مش هتجوز لينهي حديثه ببسمه مستفزه ويركب سيارته لتتوقف الاخري امامه بلهفه وهي تمنعه من الرحيل

لتقول سريعا : طب اتجوزني وهديلك اتنين مليون جنيه لينظر الياس لها بريبه وينظر حوله لتقول بأستغراب : بتبص علي اي

الياس بهمس وهو يخرج راسه من السياره : هي دي الكاميرا الخفيه صح يعني بتوقفوا الناس وتعملوا مقالب اه يا ناس يا خبيثه عرفتكوا

نايا بأستغراب : كاميرا اي وبتاع اي انا مش بهزر اتجوزني واديلك اتنين مليون

الياس ببرود : قولي كده بقي انتي عامله عمله وجايه تلاقيها فيا يلا يماما غوري من هنا انا مش ناقص بلاوي هطرد بسببك اتاخرت

ليحاول الذهاب لتلقي نايا كارت عليه سريعا لتقول : طب ده رقمي فأي وقت غيرت رايك كلمني انا مش بهزر وهديلك الفلوس بجد فكر فيها حياتك هتتغير ١٨٠ درجه بدل استاذه سماح دي

لينظر لها الياس بشك وهو يرحل سريعا لتنظر له الاخري بغيظ لتقول : منا هتجوز يعني هتجوز هاتولي عرييييسسس

: اه معاك يا حسن اخلص ، كمل انت الاجتماع علي ماجي ، يعم اخلص ايوه هتأخر شويه ، اصلي بعيد عنك مش لاقي قميص حتي يوحد ربنا موجود ، يا حسن ، آآآآآآه دماغي يبن ال….

ليمسك سريعا بذلك المتطفل وهو يرفعه في يده بعصبيه: انت قد اللي عملته ده

ليرفع الاخر يديه ببراءه مزيفه ليقول ببسمه : انا عملتش حاجه ليقول يزن بعصبيه وهو يحركه بغيظ: امال مين اللي ضرب السهم ده امي

عدي ببراءه وهو يشير لاتجاه ما: لا امي انا حتي اسألها لينظر يزن سريعا ليجدها تختبئ خلف الاريكه الموضوعه ليترك ابنه وهو يتجه لها ويضم يده لصدره وينظر لها ببرود

لتنظر له سريعا وهي تبتسم بغباء: طبعا مش هتصدق عيل مطلعش من اللفه وتكذب مراتك حبيبتك اللي حامل وعلي آخرها صح

ليرفع الاخر احدي حاجبيه بسخريه لتنظر وهي تشير لابنها علي رقبتها بعلامه ذ’بح لتنظر له بتعاطف لتقول وهي تضع يديها علي بطنها المنتفخه : شوف يا يزن سبحانه ابنك بيتحرك

يزن بسخريه : لا يشيخه علي اساس انه كان علي الوضع الصامت قبل كده

لتبتسم تمارا بغباء وهي تقول : لا بس شوف فجاه سبحان الله حسيت بيه فحبيت اقولك المعلومه الشيقه دي

ليمسك بها يزن بعصبيه من ملابسها ليقول : بصي بقي انا سكت لما انتي وابنك المحترمين قطعتوا هدومي كلها وقلت معلش

لتنظر له وهي تضيق عينيها لتقول بظلم : ده ظلم علي فكره ابنك كان عايز يعمل اختراع وكده وبصلي بالنظره الطفوليه البريئه

يزن بصدمه : ابنك انتي وبريئه الاتنين دول ميتجمعوش مع بعض ابدا لتقول تمارا وهي تحرك يديها بعصبيه : نعممم ليه أن شاء الله عيالي ملايكه ملايكه كده متسمعلهمش حس اصلا

لتستمع لتكسير يأتي من غرفه المكتب ليغمض يزن عينيه بعصبيه لتقول وهي تضع يدها علي بطنها : اقصد ابني حبيبي اللي لسه فبطني انما الواد ده انا اصلا معرفوش متبريه منه

يزن بعصبيه : انتو هتجننوني انا اتاخرت علي الاجتماع ومرحتش بسببكوا مش لاقي حته هدوم واحده البسها منكوا لله ليخرج بعدها بعصبيه لتنظر في اتجاهه وهي تقول بتذمر : ماله ده وانا عملت اي الله

لتري عدي يخرج راسه من المكتب ليقول بهمس : هو مشي لتنظر له تمارا بأعين مشتعله لتقول : ايوه يروح امك مشي بقي انت يلا بتفتن عليا حته عيل مش واصل لرجلي وتعمل فيا كده

عدي بتذمر : الله وانتي عايزاني اقول اني اللي عملت كده ده كان علقني زي كل مره انتي ناسيه اخر مره كان هيجيله شلل مننا

لتجلس تمارا بجانبه وهي تومئ له بأقتناع : معاك حق الراجل ده استحمل معانا كتير يلا ربنا يعوضه بقي ليومئ لها عدي وكأنه يشعر بمعاناته

اسماعيل بعصبيه: ساعه تأخير ليه أن شاء الله هو الحلو كل يوم يجيلي متاخر

الياس بضيق : يعم بقولك تريله غباء لبست فيا ومرضتش تسيبيني وبعدين تقدر تقولي اتاخرت كام مره كده ده انا مثال للنزاهه والانضباط هو حد عندك زيي ولا هتجيب زيي اصلا

اسماعيل بعصبيه : انا اخر مره حذرتك كتير وانت برده مش بتعمل بالتحذير قلتلك ان دي اخر مره هسمحلك بكده وبرده اتأخرت

الياس بتذمر : المرادي مش مني انا طالع بدري وبعدين هو لسه الجيم محدش جه فيه غير عدد بسيط فيها اي لو اتأخرت شويه الدنيا خربت يعني

اسماعيل بعصبيه : انت واحد مستهتر وانا مسمحش لكده فالجيم بتاعي انت مفصول لم حاجتك واتفضل من هنا يكابتن

إلياس بعصبيه: يا اخي يعني بتطردني من الجنه ده حتي جيم معفن ميليقش بكابتن الياس انت مش عارف مجرد ذكر اسمي بس بيعمل اي

اسماعيل ببرود : بيعمل اي يعني الياس وهو يرفع كتفيه بلا مبالاه : ولا بيعمل اي حاجه هيكون بيعمل اي يعني هي كلمه بتتقال وخلاص لازم تلزق

اسماعيل وهو يكاد يشتعل : قدامك عشر دقايق مشوفش وشك ولا أثر حتي ليك في المكان انت فاهم ليتركه ويرحل لينظر الياس له بغيظ وهو يلعن تلك البلوه التي كانت السبب في طرده

نايا وهي تتحرك بعصبيه : بقولك رفض عارفه يعني اي اجيب منين انا حد دلوقتي قبل الوقت المحدد

تالي ببرود : وانتي غبيه اي حد ماشي في الشارع توقفيه وتقوليله اتجوزني اكيد فكرك معا’قه ذهنيا لتنظر له نايا بعصبيه وهي تلقي ما بجانبها عليها : انتي مفكراني مبفهمش للدرجادي

تالي بعصبيه وهي تتجنب ما تلقي عليها : خلاص يستي انا اللي غبيه الله بعدين جالك قلب يشيخه تقوليها كرامتك يااا انا مش لقيالها اثر لمجرد تخيل الولا رفضك ازاي

نايا وهي تجلس بضيق : الصراحه كرامتي كانت بتستغيث بس اعمل اي مضطره بس اول مخبطت في الواد وشفته عينه المزه دي قلت هو ده اللي هينفع يخربيت جمال امه ولا عليه غمازه لاحظتها وهو بيتكلم هيييح

نونيا بسخريه : قولي كده مش عشان محتجاه يقوم بالمهمة دي تؤتؤ عشان عينه وغمازته لتنظر لها نايا بغضب لتقول بضيق : هعمل اي لو متصلش انا قدامي يومين بس هجيب غيره منين

تالي ببرود : عادي ساهله اقفي في الشارع اي مز يعجبك قوليله تتجوزني زي معملتي مع ده لتهجم عليها الاخري وهي تقول بعصبيه : انتي يبت انا مش طيقاكي اصلا من ساعه مقعدتي ابو اللي جابك غوري من وشي

لتدخل تمارا بعصبيه وهي تقول : بت يا ناااياا وحياه امي لوريكي انتي واخوكي اللي ممرمطني معاه فكل حته

لتتوقف نايا وهي مازالت تمسك بشعر تالي لتقول بغيظ : غوري من وشي يا تمارا انا لولا الملامه كنت خليته يطلقك بالتلاته معرفش مستحملك علي اي جتك نيله وانتي شكل الكوره الكفر

تمارا بشهقه وهي تنظر لنفسها في المرأه: بقي انا كوره كفر ياللي تتشكي فنظرك مش شايفه سمبتيك وعسل ازاي لتجلس نايا بغيظ وهي تقول : بقولكوا اي اللي هسمع نفسها بغير فكره تنقذني من القرف ده هو’لع فأمها

الياس بضيق : حاضر يماما قلت طيب ، عارف يستي ان مصاريف روجينا لازم تدفع ، هعدي عليه ادفع الايجار عنيا ، يماما قلت طيب طيببب اصوت يناس ، سلام يستي اما شوف دي عطلت من اي دي كمان

ليخرج بضيق وهو ينظر للسياره : هو ده وقتك يا سماح تعمليها معايا الاحقها منين ولا منين ياربي ليستمع لصوت احدهم خلفه وهو يركض له ليضع راس الياس اسفل ذراعه

ليقول بمزاح : ليسو بتعمل اي هنا يمعشش فقلبي لينظر له الياس بتقزز وهو يبعد يده بعصبيه : ميت مره اقولك متدلعنيش في الشارع الناس بدات تفهمنا غلط

مؤمن بضيق : اي يعم اللي يفهمونا غلط هو انا حاضن عشيقتي بعدين واقف هنا ليه ليضحك بشده بعدها وهو يقول: الحق هي سماح عملتها فيك تاني

الياس بضيق : ايوه يخويا عملتها فيا تاني وخد الكبيره اطردت من الشغل كمان وعايز ادفع إيجار البيت عشان منطردش منه ده كمان ولسه مصاريف روجينا كمان

مؤمن: هدي هدي تعالي نروح عند الواد شادي ونشوف حل وهتصل بحسام كمان ييجي ليومئ له الياس بضيق وهو يرحل معه

شادي بعصبيه : شيل ايدك من علي الجرس يا حيوان هيتحرق وحياه امي يا مؤمن لو طلع انت لعرفك ليفتح الباب بعصبيه ليجد مؤمن يبتسم له بسماجه وبجانبه الياس

ليمسك به من قميصه بعصبيه : انا مش قلتلك ميت مره بلاش الحركه الزفت دي اخر مره مش نبهتك ولالا ليقول مؤمن وهو يحرك راسه : ايوه فعلا حصل

شادي بعصبيه: ولما هو يحصل يغبي بتكررها تاني ليقول مؤمن وهو يرفع يديه ببساطه : لأني غبي انت قلتها بنفسك

الياس بضيق : تعالي يا شادي سيبك منه مش هيفهمك ليلاحظ شادي ضيق الياس ليجلس بجانبه وهو يقول : في اي يا الياس مالك ليتسمعوا لصوت جرس الباب

الياس بضيق : افتح يا مؤمن اكيد ده حسام ليجلس الاربعه بجانب بعضهم ليقول حسام بتساؤل: في اي قاعدين زي الولايا المطلقين كده ليه

مؤمن ببرود : اخوكوا الياس اطرد من الشغل لينظر الجميع له بتساؤل ليقول شادي : الكلام ده صح ولا بيهزر زي العاده

الياس بضيق : لا المرادي بجد مش عارف اعمل اي ورايا مصاريف كتير مش عارف ادبر منها حاجه انتو عارفين بعد ما بابا اتوفي وانا بحاول أأمن كل حاجه بس مش عارف

حسام بأستغراب : حصل اي المرادي عشان كل ده ليبدا الياس بأخبارهم بما حديث ليبصق مؤمن الماء سريعا ليقول بصدمه : اتنين مليون دي مجنونه ولا بتتكلم بجد

الياس وهو يحرك يده : شكلها كانت بتتكلم جد مش بتهزر ليهجم عليه مؤمن وهو يمسك به : نعم يروح امك وانت رفضت يعني جوازه وفلوس يجولك ببساطه وانت ترميهم بكل هدوء انت غبي يلا ده انا نفسي مكنتش هرفض

حسام بعصبيه: اهدي يا مؤمن مش يمكن البت دي وراها قصه او يمكن فخ

ليحرك مؤمن يده بحركه شعبيه ليقول بعصبيه : فخ فخ اي يبو فخ هي واحده تبص لشلتنا الكريمه اللي معدومه العافيه وتكون عاقله اصلا هتبص عليكوا وتعملكوا فخ علي اي

شادي بشرود : لاول مره اتفق مع مؤمن فحاجه اظن دي اللي هتحللك كل مشاكلك لو الموضوع كان بجد انت قلت الكارت معاك صح

الياس بتذكر : انا مركزتش اوي بس هي قصيره واصله لكتفي او اقل بشويه مليانه شويه او الصراحه شويتين بس ده ميمنعش البت دي لو خست هتبقي مزه متتسبش وعيونها قريبه من لون عيني اوي خضرا وشعرها …

مؤمن بسخريه: كل ده ومركزتش امال لو ركزت بقي ورفضت بعد كل ده انت فصلتها يعم لينظر له الياس بعصبيه

شادي وهو يمسك هاتف الياس سريعا : اطلع بالكارت بسرعه وسجل الرقم وقولها انك موافق بس عايز تفهم منها هي بتعمل كده ليه

الياس بعصبيه وهو يحرك يده : مستحيل ابدا لا يمكن دي كرامتي يناس ابقي جوز الهانم وتشتريني بفلوسها انتو عارفين معنديش اغلي من الكرامه لو قطعتوا من لحمي مش هعمل كده ابدا

الياس بأبتسامه متوتره : الو ، احم انا الياس اللي شوفتيه الصبح ويعني عرضتي عليا الجواز كنت حابب اسالك هو العرض ده كان حقيقي ، والفلوس ، احم اصلي يعني فكرت وووو لينظر لهم بتوتر

ليكمل وهو يزفر بشده : وبصراحه بقي انا موافق

• يتبع الفصل التالي اضغط على ( رواية زوج للايجار ) اسم الرواية