رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الاول 1
💙( الحلقة الاولى) 💙
اسمي جميلة
اي حد اما بيسمع اسمي بيفتكر اني ملاك ماشي على الارض لكن للاسف انا البنت اللي تنطبق عليها مقولة " اسم ليس على مسمى "
ماما كان نفسها تخلف بنت ولما اتولدت سمتني جميلة
عندي 18 سنة
عيلتي فقيرة جدا وحالتنا صعبة
عندي 4 اخوات اصغر مني اكبرهم 10 سنين واصغرهم سنتين
اضطريت اسيب الدراسة عشان عيلتي خصوصا ان بابا مات ومسبلناش حاجة غير بيتنا القديم
حياتي روتينية جدا لكن بحاول على قد ما اقدر اخليها فرفوشة
بحلم كل يوم بامير ييجي على حصانه الابيض ويخطفني لقصره البعيد
حلم جميل اوي مش كدة؟
بس مفيش معجزات في عالم الواقع بتتحقق
للاسف !
********
في قصر فخم جدا
قاعد راجل في الستينات في اوضة واسعة
ساند على عكازه وباين عليه المرض والعجز
وقاعد قدامه اكتر من عشر افراد
الصمت مالي المكان ومحدش قادر يتكلم باي حاجة
ويقرر العجوز يقطع الصمت ويقول: انتو عارفين انا مجمعكوا هنا ليه
ترد ست من اللي قاعدين: ليه يا بابا
يرد العجوز: عشان عايز اناقشكوا في موضوع ماهر حفيدي
بدات كلمات غاضبة تخرج من افواهم وكله بيتأفف
لكن سمع الراجل العجوز الثقيل موصلوش الكلام ده
تقوم واحدة جميلة جدا من من مكانها فيتهز شعرها البني الطويل وتتقدم ناحية الجد وسط نظرات الجميع المذهولة
وتقول بثقة: انا مش عايزة اتكلم في الموضوع ده
اتسعت عيون الجميع ومنهم اللي شهق بقوة
كانت مفاجاة كبيرة ليهم ان واحدة تقدر تقول كدة في وش الجد الكبير
بدا العجوز يكح جامد وكان هيقع من على كرسيه
فجاة سندته الخدامة اللي كانت واقفة جمبه وقالتله: استاذ بسيوني متجهدش نفسك
يرفع بسيوني عينيه ليها ويقول بغضب: مش عايزة ايه
ترد الجميلة بثقة: احنا في كل اجتماع يا بابا بنتكلم في نفس الموضوع ولا بنقدم ولا بناخر
بسيوني: يعني ايه يا سارة
يرد راجل من القاعدين: مع احترامي ليك يا عمي بس ماهر للاسف يعتبر موضوعه منتهي
تكمل سارة: محمود على حق يا بابا
هو جرب الخطوبة قبل كدة وللاسف منفعش فيها لان مفيش ولا بنت قدرت تتحمل ظروفه
وانا اكيد مش هتبنى ابن يقعد معايا انا ومحمود في البيت
انا لسه شباب وعايزة اتهنى
كح بسيوني تاني جامد وصدمة الكلام كانت شديدة عليه
بسيوني: خلاص روحو الاجتماع انتهى
الخدامة: خليني اساعدك
وسندته الخدامة وطلعوا برا الاوضة
: سارة انتي كنتي قاسية اوي انتي عارفة ان بابا صحته بقت في النازل
سارة: زهقت يا مي من الكلام ده كل مرة
وبعدين احنا المفروض نعمله ايه يعني
مش كفاية استحملنا عجزه ده 12 سنة
انا ماشية
محمود: استني يا حبيبتي
وساب الاتنين الاوضة
بدا الكل يمشي تلقائي وراهم
مفضلش في الاوضة الا مي
بصت مي على صورة عائلية متبروزة ومتعلقة في وسط الحيط
صورة لاربع افراد كلهم بيبتسموا بسعادة
نزلت من عيونها دمعة ومسحتها بسرعة
ومشيت من الاوضة زيهم...
****
في بيت متواضع
واقفة جميلة بتبص من الشباك
وسامعة صوت اخواتها ومطنشة
محمد اللي عنده سنتين بيعيط
فاطمة وسالم التوام بيتخانقوا على لعبة
وندى الكبيرة بتحاول تهدي محمد
ندى: جميلة اختي جميلة
جميلة : نعم
ندى: انا مش عارفة اعمل ايه ارجوكي الحقيني
بصتلها جميلة بنفاذ صبر
وقامت من مكانها وراحت عند اخواتها
ضربت فاطمة بالقلم وضربت سالم واحد زيه
ومسكت اخوها محمود وغيرتله
كل ده حصل في دقايق
ورجعت الاتنين اللي كانو بيتخانقوا وشدت منهم اللعب وقالت بعصبية: لو اتخانقتوا تاني هدبحكوا وارميكوا للكلاب سامعين
هز الاتنين راسهم بخوف
ابتسمت جميلة وقالت: يلا يا فشلة روحو ذاكروا
جري الاتنين على الاوضة بسرعة
حطت جميلة اخوها الصغير على الارض بعد ما نام
وقالت: يااه اخيرا حبة هدوء
وقعدت على الكنبة ومسكت كتاب تقراه
قربت منها ندى وقالت: بتقري ايه!
جميلة: بقرا كتاب
ندى: بيتكلم على ايه
جميلة: ملكيش دعوة الله
ندى: وريني وريني
جميلة: قولت لا
ندى: كدة
طب والله لاقول لماما انك بتضربيني
جميلة: نعم!
فجاة ينفتح الباب وتدخل الباب
الام ( منى) : انا رجعت
ندى بدموع كدابة: ماااما
منى: مالك يا ندى
ندى: جميلة ضربتني بالقلم
منى بغضب : جميلة
جميلة: والله ما مديت ايدي عليها
نادت الام على ولادها
خرج فاطمة وسالم من اوضتهم
فاطمة: ماما جبتلنا ايه
منى: جبتلكوا عشا
وفرشوا وقعدوا
منى: جميلة حبيبتي يلا ناكل
جميلة: لا يا ماما مليش نفس خالص
انا هدخل انام
دخلت جميلة اوضتها وقفلت على نفسها باب الاوضة
سمعت صوت خبط على باب اوضتها
جميلة: نعم
دخلت الام
منى: مالك يا حبيبتي
جميلة: مفيش حاجة يا ماما
منى: طب اطلعي اتعشي
جميلة: لا يا ماما انا مش جعانة
منى: يا سلام
انتي مكلتيش حاجة من امبارح
جميلة: انا حقيقي مش جعانة
منى: انتي بقيتي ضعيفة اوي
لو استمريتي بالوضع ده كدة محدش هيتجوزك
ضحكت جميلة
جميلة: انا مش عايزة اتجوز اصلا
منى: ليه كل بنت مسيرها الجواز والا انتي شايفة ايه
وقطع كلامهم صوت عياط محمد الصغير
منى.: انا هروح اسكت اخوكي وانتي قومي كلي ماشي؟!
جميلة: حاضر يا ماما
*****
في القصر الفخم
قاعدة مي على الكنبة وحاطة رجل على رجل
وبتمسح عرقها بمنديل
فجاة انفتح الباب
قامت مي بسرعة
دخل بسيوني وجمبه خدامته المخلصة ( فاتن)
انحنت مي لجية ابوها
قعد بسيوني على اقرب كرسي
مي: بابا عايزاك في موضوع على انفراد
شاور بسيوني لفاتن بالخروج
خرجت فاتن وقفلت وراها الباب باحترام
بسيوني ؛ عايزاني في ايه يا مي
مي: الحقيقة يا بابا انا بعد اجتماع المرة اللي فاتت وانا مش عارفة انام
لحد ما جتني فكرة
بسيوني: فكرة ايه
مي: انت عارف يا بابا ان احنا عايزين واحدة تقعد جمب ماهر تتجوزه يعني
فا انا فكرت ليه منعملش اعلان مثلا ونطلب فيه زوجة لفادي
بسيوني: ما معظم البنات رفضوا يتجوزوه يا مي
هزت مي راسها بالنفي
مي: يا بابا قصدي زوجة بفلوس
بسيوني باستغراب: زوجة بفلوس
مي: ايوة يا بابا زي ما بقولك واحدة تهتم بماهر وبظروفه وتكون معاه علطول وتاخد مرتب في الشهر
مش شرط تكون من عيلة غنية ولا شرط تكون جميلة
بس اهم حاجة تكون اخلاقها كويسة وتقدر تستحمله
سكت بسيوني فترة
مي: ايه رايك يا بابا
بسيوني: موافق يا بنتي
بتتهيالي انها فكرة مش بطالة
مي بفرحة : انا هطلب منهم يعملوا الاعلان دلوقتي
****
رجعت جميلة من الشغل بعد يوم متعب جدا
وهي مروحة في البيت
لقت ولد واقف
قالها الولد: ايه يا حلو ي اللي ماشي لوحدك
مردتش عليه جميلة وكملت مشي
قالت جميلة لنفسها: حلو ايه هو اتعمى ولا حاجة
وصلت جميلة البيت
جميلة: انا رجعت
لقت امها قاعدة مستنياها
جميلة: لسه صاحية يا ماما
منى: معرفتش انام غير لما تيجي
جميلة: ماما انا جبتلك حاجة
طلعت جميلة من جيبها فلوس
جميلة: دول 200 جنيه با ماما قبضتهم النهاردة
منى: لا يا جميلة انا مش هاخدهم
جميلة: ليه بس يا ماما
منى: يا حبيبتي دي فلوسك انتي ولا يمكن اخد منهم حاجة
جميلة: يا ماما افهمي فلوسك هي فلوسي مفيش فيهم فرق
منى: ربنا يخليكي يا بنتي
*****
في القصر
سمع ماهر صوت خبطات رصينة على باب اوضته
ماهر: ادخل
دخلت مي
مي: ازيك يا ماهر
ماهر: عمتو مي مش كدة
مي: لسه نبيه زي زمان
وسحبت كرسي وقعدت جمب سريره
مي: حبيبي احنا هنجبلك عروسة
ماهر بحزن: تاني يا عمتو
مي: المرة دي مختلفة انتي اللي هتوافق عليها او لا
بعد ما نحطها في اختبار طبعا وتشرف عليها بنفسك
ماهر: ان شايف ان موضوع الجواز ده ملوش لزمة
مي: لا طبعا ليه
انت شاب ومن حقك تتجوز
ماهر: اللي تشوفيه يا عمتو
مي: وعد يا حبيبي ان احنا هنجوزك بنت تليق بيك
صدقني
******
كانت منى ام جميلة بتشتري شوية طلبات وهي مروحة شد انتباهها اعلان متعلق على الحيطة
وبدات تقراه
كان مكتوب فيه
" اعلان من عيلة النمر
تعلن عيلة النمر عن حاجتها لامراة تصلح زوجة للحفيد الاكبر في العيلة
مع مراعاة ان الحفيد الاكبر لديه بعض الظروف الخاصة
لا توجد اي شروط في الشكل او مادية
على من تجد نفسها صالحة لتكون زوجة مناسبة ان تاتي الى هذا العنوان في اي وقت
ابتسمت منى بفرحة كبيرة وجريت على بيتها
****
جميلة باستغراب: اتجوز
منى: ايوة يا حبيبتي
جميلة بسخرية: ومين الاهبل اللي عايز يتجوزني ان شاء الله
حكتلها منى اللي شافته
جميلة: عيلة النمر
منى: جوازة زي دي يا حبيبتي هتضمنلنا حاجات كتير وتنقلنا لمستوى احسن وتخلينا نعيش مرتاحين
جميلة: ده على اساس انهم هيوافقوا على واحدة زيي
منى: وليه لا بقا
هما قالو عايزين بنت تكون قد المسؤولية وخلاص
فكري يا جميلة بعقلك وهتلاقي نفسك عايزة توافقي
فكرت جميلة مع نفسها
هي دايما تضحي عشان عيلتها
ضحت بمستقبلها التعليمي عشان المصاريف
بتضحي بكل هدومها وبتضغط على نفسها عشان اخواتها
واذا كانت جوازة زي دي هتخليهم فرحانين فمعندهاش مانع تضحي
لان قلبها كان قلب من دهب
جميلة: موافقة يا ماما
ندى: هيه اختي هتبقى عروسة حلوة
منى: ان شاء الله يا ندى
جميلة: امري لله
*****
وقفت منى وجميلة ادام باب القصر
جميلة: ياه شوفي يا ماما بيتهم عامل ازاي
منى: كفاية يا جميلة هتفضحيني
انفتح الباب
للاتنين ودخلوا القصر
استقبلتهم فاتن ( الخدامة)
فاتن : اهلا وسهلا بيكو
منى: اهلا
فاتن : اتفضلوا
ووصلتهم لاوضة الضيوف
فاتن: يا ريت تستنوا هنا استاذ بسيوني ومدام مي زمانهم جايين
قعدت جميلة تتامل المكان في انبهار
جميلة: ده ولا القصر اللي في حكايات الف ليلة وليلة
هو انا لو اتجوزت هعيش هنا
منى: معتقدش لانهم لو شافوا تصرفاتك هيرفضوكي
اضايقت جميلة
وفجاة انفتح الباب
دخل بسيوني على كرسيه المتحرك ودخلت مي وكانت في اجمل حالاتها
مي: نورتونا
قعد مي وبسيوني وقدامهم جميلة وامها
مي: اسمك ايه
وقفت جميلة باحترام وقالت: اسمي جميلة عندي 18 سنة
بسيوني شاور على جميلة: وانتي اللي عايزة تبقي زوجة لماهر
جميلة : ايوة انا
وكملت بتوتر: انا متاكدة اني هكون زوجة مناسبة
بسيوني: وانتي عارفة ظروفه بقا
جميلة: ظروفه؟
مي: للاسف ماهر اعمى
حست جميلة بالحزن عشانه
جميلة: انا اقدر اتعامل معاه ان شاء الله
بسيوني: وهتستحمليه
جميلة بحماس : اكيد
مي: بس في الاول لازم تقابلي ماهر وناخذ رايه كمان
بسيوني: ده غير ان احنا هنحطك في اختبار ونشوفك
مي: ولو نجحتي واتجوزتي ماهر ساعتها هننفذ الشرط اللي في الاعلان
منى: احنا ميهمناش الفلوس خالص
مي: اه اكيد اكيد
يلا نطلع لاوضة ماهر كلنا
نادت مي على فاتن
خذت فاتن بسيوني وطلعت مي معاها جميلة ومنى
ووصلوا لاوضة ماهر
خبطت مي على الاوضة فجالها صوت من جوا بيقول: ادخل
فتحت مي الباب
حست جميلة بالتوتر ومسكت في ايد مامتها جامد
دخلت جميلة ولقت شاب قاعد على سريره
كتن ساند ضهره على السرير
لفلهم ماهر وشه
وانبهرت جميلة لما شافته
كان وسيم عيونه عسلي وشعره بني
متوقعتش ابدا انه شخص بجماله للاسف اعمى
مي: ماهر حبيبي احنا جينا
ماهر: ازيك يا عمتو
مي: الله يسلمك
احنا جبنالك عروسة
ماهر بحزن: بجد
مي: احنا عايزينك تتعرف عليها
تعالي يا جميلة
قعدت جميلة في الكرسي اللي قدامه مباشرة
حست جميلة بالخجل على الرغم من انه مكانش شايفها
قرب منها اوي بوشه
ماهر: انتي اسمك جميلة؟
جميلة: ايوة
وفجاة مد ايديه وبدا يتحسس ملامحها
حط ايده على شعرها وبعدين مشاها على وشها
استغربت مي لانه عمره ما عمل الحركة دي لاي بنت او حد غريب قابله
حست جميلة بالكسوف واحمر وشها جامد
فجاة وبدون مقدمات حضنها ماهر
اتصدمت جميلة من اللي هو عمله واحمر وشها
وصرخت: يااااااه
وبعدت عنه وضربته بالقلم وقالت بعصبية: انت ازاي تعمل كدة يا حيوان
اندهش الكل ولطمت ام جميلة على وشها
وفجاة خدت جميلة بالها من اللي عملته
بصت جميلة لماهر اللي حط ايده على وشه مكان الضربة
قالت جميلة بتوتر: انا..اسفة 😳
يتبع في الحلقة الجاية ...........
•تابع الفصل التالي "رواية اسمي جميله" اضغط على اسم الرواية