رواية شهد السلطان الجزء (2) الفصل السابع 7 - بقلم نورة عبد الرحمن

  رواية شهد السلطان كاملة بقلم نورة عبد الرحمن عبر مدونة دليل الروايات

 رواية شهد السلطان الجزء (2) الفصل السابع 7

اميره : همام انت رجعت من السفر مييتا.

همام : مالكيش صالح وانتي بتعملي هنيه ايه….

اميره : اني بشتغل هنيه ممرضه .

همام :اهاه ربنا معاكي .. ليكمل طريقه لكنه أوقفته همام انت مش عايز تكلمني اياك…

همام : مفيش بينا كلام يابت الناس ربنا يسهلك..

اميره :بس انت مش كنت سامحتني..

همام : احنا مفيش بينا كلام يابت الناس

اميره :بس ياهمام انت..

همام :اني ايه اني سامحتك عشان كنتي عيله يتيمه تشتغل مع امها بالمزرعه سامحتك عشان امك الغلبانه غير اكده مكنش هيكفيني روحك امشي بطريقك يابت الناس ومالكيش صالح بيا وانسيني خالص..

اميره بدموع : ياااااه لدرجادي بتكرهني ياهمام .

همام :وانتي اللي عملتيه بيا قليل اياك…..

 ظلمتيني بحاجه عفشه مكنتش عارف اقول ايه ..وهما بيقولولي العيله الصغيره اللي بالاعبها وشايفها كيف اختى تتهمني بأني اعتديت عليها..انتي فضحتيني بالبلد كلاتها حتى ابويا شك بيا لو مكنتش ليلتها سهران مع صحابي وولاد البلد وبرووني وقالوا لاهل البلد اني كنت معاهم مكنش في حد هيصدقني..اني تغربت مشفتش ابني اول ماتخلق سبت مرتي وهي لسه عروسه وابني ربي واني بالغربه وكل ده بسببك ..وعايزاني لما اشوفك يبقى عادي ..لا اني لو اطول مالمحش ظلك كنت عملتها..

اميره :اني عملت اكده عشان بحبك..

همام : بعد كل اللي حصل انتي مش ندمانه .

اميره :ندمانه ندمانه وقولتلك قبل اكده اني ندمت والله كنت عيله وإيمان مرات ابوك هي اللي قالتلي اعمل اكده عشان تتجوزني..

همام : خلاص كفايه مش عايز اسمع حسك ليغادر نادت خلفه لكنه لم يجيبها واكمل طريقه ..

أما هي فقد عادت شرارة الحب تشتعل بصدرها مذ راته فها هو همام حب طفولتها حبها الوحيد.

*********

هاله : على فين يا بكري

بكري: هنزل مصر..

هاله :بالوقت المتأخر ده ..حصل حاجه..

بكري : سلطان تعب شويه وبالمستشفى يمه واني لازمن اروحله.

هاله بخوف :هو كويس يابني ..

بكري :ايوه يمه اني معرفتش الا من شويه..عوض بلغني ويقول انه بقى كويس..خدي بالك من روحك يمه ومن هدى قبل جبينه واخذ معطفه من يد هدى وقبل جبينها ايضا..

هدى : ربنا معاك

هاله :خد بالك من روحك يا بني واني هاخد هدى ونروح عند الحجه نعمه ..

بكري: ماشي يمه..وغادر ليترك هاله مع هدى..

هدى بحرج: اني هطلع اجهز..

هاله: استني يابتي..

هدى..

هاله اقتربت من هدى لتقول : اني عارفه انك واخده على خاطرك مني..

هدى :لا يمه متقوليش اكده ما عشت ولا كنت ..عشان ازعل منك..انتي امي اللي دارتني وخدتني بحضنها بالوقت اللي كنت لوحدي بيه ..اني مش هنسى فضلكم انتي وبكري عليا لحد ماموت

هاله :بعد الشر عنك يابتي اني مكنتش عايزاكي تبعدي وتهملينا اكده ..اني كنت بس لتبكي وتحتضنها هدى وتبكي ايضا..

هدى بشهقات :اني عارفه انك عايزه تشوفي عيال بكري ..واني معرفتش افرحك بعياله..عشان اكده مشيت وسبتكم ..مشيت عشان بكري يتجوز..اني لوفضلت هنيه وشفت بكري يتجوز قدام عيني مكنتش هتحمل يمه..والله مكنتش هتحمل..

هاله: اني والله بحبك يابتي بس كنت عايزه اشوف عيال بكري والله معرفتش انك هتمشي وتسيبينا اكده . بس ربنا ماردش يابتي.. ربنا يفرحني بولادكم يابتي..

هدى :يارب يمه يارب

********

كانت شهد تمسح شعره بحب..

فتح عينيه ليجدها أمامه ابتسم بتعب شهد ايه اللي جابك هنيه..

شهد :اكده ياسلطان تخضني عليك..

اعتدل سلطان بجلوسه على سريره : اني لو عارف اني هشوفك قريبه مني اكده كنت انطعنت من زمان..

شهد: متقولش اكده بعد الشر عليك..

سلطان :وحشتيني .

نظرت الى الارض بحرج..

سلطان: انتي عارفه اني تعبان قوي عشان اخف عايز منك حاجه..

شهد :عايز ايه ..

 سلطان :قربي عشان اقولك .

اقتربت منه ليهمس لها عايز حتة من التوت البري..

ابتسمت بخجل لتبتعد وتقول : أما تخف..

سلطان امسك يدها ليقربها منه بتذمر وتعب : لا دلوقتي انت ممكن تغيري رأيك…بعدين

شهد بضحك : بس بقى ابوي هنيه ممكن يخش علينا ..

سلطان :ماليش دعوى تعالي هنيه انتي بتبعدي اكده ليه مش شايفاني تعبان ومش قادر..هي بوسه وحده.

اقتربت منه لتقبله قبلة سريعة يلاا بقى كفايه عليك اكده..

سلطان :والله انتى مفتريه يابت منصور.

دخل منصور ليقول: مين دي المفتريه بتي..

سلطان : احم..لا شهد دي ست البنات..

شهد بحرج:همام فين يابوي..

منصور :معارفش طلعت ادور عليه مشفتهوش..

دخلت هنا : عامل ايه دلوقتي ياسلطان ..

سلطان كويس الحمدلله..عوض فين..

هنا :معارفاش ..

سلطان :موبايلي فين..

هنا :معايا اهاه..

اتصل سلطان بعوض وابلغه بان ينهي اجرائات خروجه من المشفى بالرغم من اصرار الجميع على بقائه الا انه فعل مايريد وخرج من المشفى بعد أن فحصه الطبيب واخبرهم انها اصابه بسيطه….وبالفعل تم تخريجه من المشفى وعاد الى منزله بعد ان اخبر عوض بابلاغ بكري بانهم سيعودون مساءً

بعد مرور عشرة ايام..يعيش فيها الجميع بانسجام وتفاهم..

عيشه :فايق اصحى بقى كفايه نوم..

فايق بنوم: خمس دقايق وهقوم..

عيشه بتذمر :قوم بقى بقالي من الصبح بحاول اصحيك..

فايق جذبها اليه وضمها بشده : نامي ياعيشه نامي كفاياكي عاد ..

عيشه بضحك : والله عايزني انام اني كمان دي خالتي هتفرمني قوم بقى..حاولت النهوض لكنه منعها

فايق بحب :خليكي شويه اكده..

عيشه : فايق.

فايق : هممم.

عيشه :انت مش عايز عيال..

فايق ابعد خصلات شعرها بحب : متخديش على كلام امي ياعيشه..لما ربنا يريد هيكون فيه عيال..

عيشه: يعني انت مش عايز..

عيشه بابتسامه شددت باحتضانه لتهمس بحب :اني حامل ..

نهض بسعاده :انتي بتتكلم جد..

عيشه بسعاده اكبر:ايوه..

فايق احتضنها بفرحه وخرج.يصيح: يمه يمه يابوي

.همام رباب..

عيشه :اسكت فضحتنا مش اكده..

فايق :لا أكده واكتر .واخيرا هبقى اب..

• يتبع الفصل التالي اضغط على ( رواية شهد السلطان ) اسم الرواية