رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل العشرون 20
الحلقة العشرون والحلقة الحاديه والعشرون
ليلى: جميلة مشيت
انصدمت مي وبصت ل ليلى
ماهر: انتي بتقولي ايه
قربت منه ليلى
ماهر: مشيت ازاي وفين
قولي حاجة يا عمتو
مي بقلق: معرفش حاجة يا ماهر عنها للاسف
اتوتر ماهر وكان هقوم من مكانه
وقفه الدكتور وقاله: لا يا مستر ماهر احنا لسه مش متأكدين مية في المية من نجاح العملية ولازم تفضل تحت المراقبة 4 ايام على الاقل
بص ماهر لعمته وقالها بالعربي
ماهر: انا لازم اعرف هي فين
بصتله مي بحنان وقالت: متقلقش اكيد رجعت الفندق وهتيجي تشوفك
****
وقفت مي قدام موظف الاستقبال وقالتله بغضب: يعني ايه مشيت
اتوتر الموظف وقال: مدام البنت اللي بتتكلمي عليها مشيت من فترة بعد ما لغت حجزها هنا
مي: ازاي ده حصل
طبطبت ليلى على كتفها وقالتلها: اهدي يا عمتي وتعالي نتكلم فوق
طلعوا الاوضة
قعدت مي على السرير وهزت رجليها بتوتر وقالت: ازاي جميلة تعمل كدة
تمشي وتسيب الفندق كدة
ازاي وركبت ايه
انا مش فاهمة حاجة
اصتنعت ليلى التوتر وقالت: بصراحة في حاجة مخبياها عليكي
مي بقلق : هي قالتلك حاجة
هزت ليلى راسها وقالت: ايوة
وقعدت قدامها وقالت: جميلة قالت انها لازم ترجع مصر
استغربت مي وقالت: ترجع مصر؟
ليلى: ايوة
مي: بس ليه
هزت ليلى كتفها وقالت: معرفش
مي: لا فيه حاجة غلط اكيد
اكيد جميلة سابت اثر وراها
وقامت تدور على اي رسالة او كلام من جميلة
شالت مي المخدة اللي بتنام عليها جميلة ولفت تحتها ورقة زي ما اتوقعت
فتحت مي الورقة وبدات تقراها
" عمتو مي
انا هسافر مصر لظروف حصلت فجاة
يا ريت تبلغي ماهر سلامي
جميلة "
مي: ايه الكلام ده
ظروف ايه اللي تسافر عشانها بس
ليلى: طيب اهدي اجبلك حاجة تشربيها
مي: مليش نفس اشر ب
انا هتجن
خايفة يكون جميلة جرالها حاجة
ليلى: مش المفروض دلوقتي تفكري في ماهر والعملية بتاعته ونجاحها
وتأجلي موضوع جميلة لبعدين
اتنهدت مي بضيق وقالت: معاكي حق
****
وصلت جميلة مصر
بعد ما خلصت اجراءات المطار طلعت مع السواق اللي جابتهولها ليلى
ركبت العربية
وداها السواق عند بيتها بالظبط
دخلت جميلة البيت
لقت اخواتها وامها
منى بصدمة: جميلة
دخلت جميلة وقالت بلهفة: انتو كويسين
منى باستغراب: ايوة يا بنتي هيجرالنا ايه يعني
وقعت جميلة على الارض
جري عليها اخواتها
ندى: جميلة انتي كويسة
نزلت دمعة من عيون جميلة وحضنت اخواتها
راحتلها منى وخدتها
منى: جميلة انتي مش المفروض تقعدي هناك فترة
لمعت عيون جميلة بالدموع وحكتلها كل اللي حصل
منى بغضب: وانتي ازاي تعملي حاجة زي كدة وتسمحيلها تذلك بالشكل ده
جميلة: يعني كنت اعمل ايه
دي هددتني بيكم
اتغاظت منى وضربتها بالقلم
اتصدمت جميلة
منى: بس متقوليش عشانا
انتي جبانة
جميلة: ماما..انا
منى: بس متقوليش حاجة
انا السبب
انتي طول عمرك تضحي عشانا احنا
لكن انا عمري ما اتوقعتك تبقي بالجبن ده
تفتكري ليه واخدة زيها شافتك فريسة سهلة
لانك ساذجة وهبلة
ودلوقتي هتاخد جوزك منك
جميلة: حتى لو يا ماما
انا اتخليت عن ماهر والموضوع خلص
منى: موضوع ايه
جميلة: انا هتطلق من ماهر
وقفت منى وقالت بغضب: انتي بتقولي ايه
جميلة بجدية : زي ما سمعتي يا ماما
***
في قصر عيلة النمر
اتسعت عيون فاتن الدهشة لما شافت جميلة
فاتن: جميلة انتو. رجعتوا امتى
جميلة بحزن: لا يا فاتن انا بس الي رجعت
فاتن بلهفة: ماهر بيه عامل ايه
جميلة: معرفش
فاتن: يعني ايه؟
جميلة: خلاص يا فاتن
فاتن: هو ايه اللي خلاص انا مش فاهمة حاجة
مردتش جميلة وطلعت بسرعة على اوضتها
بصت جميلة على كل شبر في الروضة ونزلت دموعها
كان كل شبر لييها في الاوضة ذكرى مع ماهر
واكتشفت انها للمرة التانية بتثبت انها غبية
وانها متستحقش تكون زوجة لانسان زي ماهر
شالت جميلة الشنطة ولما الهدوم اللي ليها وسابت كل حاجة جابوهالها في يوم
بعد ما خلصت نزلت جميلة
ومشيت ناحية البوابة بتاعة القصر
جميلة؟
سمعت جميلة الصوت وبات وراها وكانت سارة
سارة: انتي رايحة فين
بصت جميلة بعيد
جميلة: مروحة
راحت سارة مشيت ايديها وقالت: عايزاكي في كلمة
من غير ما تسيب لجميلة فرصة الاعتراض خدتها على اوضة الجلوس وقفات الباب
سارة: ممكن افهم رايحة
بصت جميلة بعيد وقالت بصوت حزين: قولتلك مروحة
سارة: مروحة على فين
جميلة: على البيت
بيتي الحقيقي
سارة: وسايبة بيتنا ليه
جميلة: معدش بيتي خلاص
سارة: ليلى وماجد لعبوها عليكي.صح مش.كدة
انصدمت جميلة وبصتلها بذهول
سارة: انا عارفة كل حاجة
وعارفه خطة ليلى وماجد
بس للاسف
كملت بضيق: طلعتي اغبى مما تخيلت
اتصدمت جميلة
سارة: اللي انتي مش تعرفيه ان دي كلها خطة ماجد عملها
ليلى ماشية زي عروسة بلاستيك عنده
وانتي صدقتيها وده اللي كنت خايفة منه
جميلة: قصدك ايه
سارة: للاسف انتي غلطتي
جميلة بحزن: معاكي حق
انا اتخدعت وخذلت ماهر اللي حبني من قلبه
انت مستحقوش ولازم امشي
سارة بضيق: انتي مش فاهمة ولا ايه
انتي لو مشيتي ليلى وماجد هيسيطروا على ماهر وعلينا كلنا
جميلة بدموع: وانا يهمني في ايه
انا لا حول لي ولا قوة
انا كنت عايشة طبيعي
انا مليش دعوة بالمواضيع دي
حلو مشكاكلكو سوا وسيبوني في حالي
سارة: دي مشكلتنا كلنا
اسمعي كويس
انتي لازم تساعديني
جميلة: اساعدك.؟
سارة: ايوة
انتي تقدري تصلحي غلطة وتساعديني نكشف ماجد وليلى ععلى العلن
وفرصتك هتكبر ترجعي ماهر معاكي
جميلة: انا خلاص اتخليت عن ماهر
موضوعي انا وهو منتهي
سارة بعصبية: متبقيش متشائمة
جميلة: انا مش فاهمة حاجة
انا مالي اصلا بكل ده
انا كان مالي بكل المواضيع دي
انا هرجع زي ما جيت
وزقت سارة بعيد عنها
سارة بضيق: هيكون عليكي كسرة قلب ماهر
جميلة: ماهر مستحيل يسامحني
انا جرحته
اتنهدت سارة وتابعتها وهي ماشية بشنطتها وبتخرج برا القصر
سارة: انا متأكدة انها هتفوق من اللي هيا فيه
ولحد اللحظة دي
انا مش هستسلم
****
بعد مرور اربع ايام
الدكتور: هايل يا ماهر
العملية نجحت نجاح مبهر
وتقدر تمشي من المستشفى النهاردة
مي بفرحة: الحمدلله
ابتسمت ليلى وبصتلها لماهر اللي كان عامل زي تمثال من الرخام
مفيش على وشه اي تعابير
في اوضة ماهر
كان ماهر بيلبس هدومه عشان يمشي
مي: ياه يا ماهر الحمدلله يا حبيبي
ليلى: حمدالله على سلامتك يا ماهر
مردش ماهر
مي: انا هنزل واخلص شوية ورق في الحسابات تحت
مشيت مي
ليلى: انت شكلك زعلان ومش فرحان لانك رجعت تشوف تاني
ماهر ببرود : انا فرحتي هتبدا لما اشوف جميلة
اتأففت ليلى في ضيق وقالت: معرفش انت مهتم ليه بواحدة سابتك في وقت انت محتاجها فيه
ماهر: متاكد ليها اسبابها
لبس ماهر الجاكيت وقالت ليلى: ده مش مبرر برضو
ماهر: انا مسامحها ايا كان السبب
اضايقت ليلى وقالت: انا مش فاهماك
دي واحدة.جاحدة
اتجوزتك عشان فلوسك
ورغم كدة موقفتش معاك في العملية
اشتعل ماهر من الغيظ وضربها بالقلم
اتصدمت ليلى وبصتله بعيون مدمعة وقالت: ماهر
ماهر: متجيبيش سيرتها على لسانك
ومشي و سابها
****
وقفت جميلة قدام قبر بسيوني وقرتله الفاتحة
ونزلت دموعها وقالت: عمي
سامحني
انا مقدرتش اكون مع ماهر في اكتر وقت كان بالذات محتاجني فيه
وقعت ضحية لجبني وانانيتي
انا عمري ما كنت مناسبة لماهر
ماهر ارق بكتير من ان واحدة زي تجرحه
وزادت دموعها وقالت: بس والله العظيم حبيته
والله العظيم مشاعري كانت صادقة
كان نفسي اكون معاه للابد
بس مش هيسامحني
حتى لو
انا مش هسامح نفسي
ارجوك يا عمي سامحني
منفذتش الوعد
بس
ماهر انسان كويس
اكيد هيلاقي بنت تحبه بجد
بنت احسن مني
ومنحت دموعها وابتسمت وقالت: شكرا انك وقفت جمبي كتير
وسابت المكان ومشيت
****
وقفت العربية قدام القصر ونزل منها ماهر وكمان مي
بص ماهر على القصر وانبهر
وبص على الجنينة وكانه لسه طفل
ماهر بسعادة: لسه متغيرش
ابتسمت مي وقالت
: يلا بينا هتبقى مفاجأة كبيرة ليهم
دخل الاتنين ولقوا سارة
سارة بفرحة: ماهر
دقق ماهر في صوتها وبص في ملامحها
ماهر بفرحة: عمرو سارة
سارة: انت شايفني
ماهر: ايوة
لسه حلوة زي ما انتي متغيرتيش
نزلت من عيونها دموع السعادة وجريت حضنت ماهر وقالتله: حمدلله على السلامه يا حبيبي ❤❤
حضنها ماهر وبعدها عنه
سمع صوت خجول بينادي: ماهر بيه
بص ماهر وراه
لقى بنت ملامحها جميلة جدا في زي الخدم
ماهر: فاتن.مش كدة
انصدمت فاتن وقالت بفرحة: انت شايفني
ماهر: اه اخيرا
قربت فاتن منه وسلمت عليه وقالتله: حمدلله على سلامتك نورتنا
ابتسم ماهر وقال: فين جميلة
انصدم الكل من السؤال
مي راحت عند فاتن وقالتلها: اه صحيح هي مجتش هنا
فاتن بتوتر: الحقيقة
جميلة مشيت من البيت
انصدم ماهر
ماهر: انتي بتقولي ايه
فاتن: جت لمت شنطتها ومشيت
وكملت بحزن:
من غير ما تقول حاجة حتى
مستناش ماهر لما يسمع باقي الكلام
جري على اوضته هو وجميلة وفتح الباب ونادى باعلى صوته: جميلة
ودخل الاوضة وفتح فيها
ولقى على الكومدينو حاجة صدمته
كانت وثيقة طلاق ممضي عليها اسم جميلة
جمبيها قلم
وفوق الورقة الخاتم اللي ادهالوها في مرة
المنقوش عليه حروف اسمها
" جميلة "
وكانت الصدمة اقوى من انه يتحملها
يتبع في الحلقة الجاية
•تابع الفصل التالي "رواية اسمي جميله" اضغط على اسم الرواية