رواية الحب الروحاني الفصل الواحد و العشرون 21 - بقلم يارا عبد السلام

 رواية الحب الروحاني كاملة بقلم يارا عبد السلام عبر مدونة دليل الروايات 

 رواية الحب الروحاني الفصل الواحد و العشرون 21

كانت بتدندن..

فجاه الباب اتقفل عليها وبصت على المرايا واتفاجئت من اللى شافته..

كانت واقفه ومربعه ايديها قدام صدرها وبصالها بشر وغل ..

نور :في اي انتى عوزا اي وقفلتى الباب لى..

سارة :علشان النهارده مش هيكون فرحك النهارده هتكون جنازتك للاسف ..

نور بتوتر رجعت ورا شويه فكانت التسريحه..

ساره:متحاوليش تهربي ويانا يانتى نخرج من الاوضه دي لانى حاولت معاكى كل حاجه منفعتش حتى السم حطتهولك في الاكل ومجرالكيش حاجه بالعكس انتى دائما الفايزه وخدتى كل حاجه حتى حبه..

_حب اي انتى بتقولى اي انتى لى بتعملى كدا..

_انتى السبب ورا كل اللي حصلي انتى السبب انتى اللي سجنتى جمال وانتى اللي رجعتيني هنا وانتى اللى فتحتى في دفاتر قديمه اتقفلت من زمان وانتى اللي خدتى منى حبيبي علشان كدا أنا بكرهك

_بتكرهينى لى أنا عملتلك اي انتى اللى عملتى كل دا في نفسك وانتى اللى خليتى كل دا يحصل بتلوميني على اي على حاجه مليش يد فيها فوقى فوقى يا سارة ومتضيعيش نفسك وتضيعى ابنك فكري فيه مرة واحده في حياتك وارجعى عن اللى في دماغك وفوقى وارجعى لربنا وهوا هيساندك وهيعوضك خير …

سارة دموعها نزلت وهى بتبصلها وحست بكل كلمة بتقولها وفي اللحظه دي افتكرت سليم اللى فعلا ملهوش اي يد في اللي بيحصل دا وانا فعلا لازم تفوق وترجع عن اللي في دماغها قبل فوات الاوان..

قاطع تفكيرها صوت خبط على الباب وكانت مريم ومعاها يوسف ويحيي وطارق..

_نور؟انتى كويسه نور!افتحى يحيي جه..

نور بصت لساره اللى تراجعت ووسعت عن الباب ونور راحت فتحت الباب بسرعه ووقفت قدامهم بابتسامه ..

_اي يجماعه اختى كانت بتباركلى وكنا مندمجين شويه .

يحيي بصلها باستغراب وحس أن في حاجه

_انتى كويسه

بصتله باطمئنان:مكنتش كويسه قد النهارده ومكنتش مبسوطه قد منا مبسوطه بوجودك جنبي .

يوسف بضحكه:يا عيني يا عيني اوعدنا يارب ..

الكل ضحك ونور قربت من سارة..

ومدت ايديها ليها:يلا يا سارة علشان نروح الفرح سوى..

سارة ابتسمت وحطت ايديها في ايد نور وحست احساس جميل اووي اول مره تحسه من سنين فاتت كانت فرحانه وفي نفس الوقت ندمانه انها كانت ممكن تسمع كلام الشيطان وتعمل حاجه تندم عليها بعدين ..

يحيي ونور ركبوا جنب بعض ورا وكان يوسف اللي سايق وجنبه ركبت ساره وفي العربيه اللي وراهم كان طارق ومريم وباقى العربيات كانوا أصحاب يحيي ويوسف وكان الكل فرحان بيهم اووي …

يحيي همس لنور:على فكره طالعه زي القمر..

نور بفخر:دي اقل حاجه عندى انت لسه مشوفتش حاجه..

يحيي بغمزه:مهو النهارده خلاص بقيتي ملكى وبتاعتي وكل الجمال دا بتاعى أنا وبس…

مسك ايديها وهمس :عاوز ايدك متسيبش ايدي مهما حصل فاهمه..

هزت راسها بكسوف ..

يوسف:جرا اي يا عم الرومانسي راعى السناجل اللي راكبه معاك حتى..

_سوق وانت ساكت يلا..

_بقى أنا حضرت الظابط يوسف يتقاله يلا خسئت..

_طيب سوق يا حبيبي احسن اجي ارميك من الشباك..

_طب على اي احم خد راحتك يا باشا…

نور ضحكت وسارة ضحكت ويحيي ضحك..

يحيي قرب وقبل ايد نور بحنان:بحبك..

نور ابتسمت بخجل:وانا كمان…..

وصلو القاعه وبدأت الاغانى تشتغل والكل رحب بيهم ووقفوا سقفوا وبدأو يرقصوا سلو …

والكل باصصلهم بحب حتى سارة اللي فاقت لنفسها بس في وقت متأخر ..

لقت ايد محاوطاها وكان ممدوح:عقبال فرحتى بيكي الحقيقيه يا بنتى …

ساره بابتسامه:أن شاء الله يابابا…

سليم قرب منها :ماما ماما

قربت منه بلهفه وكأنها حست انها فاقت فعلا علشان تفضل تسمع الكلمه دي …

_اي يا حبيبي ..

بطفوله:تعالى ارقصى معايا زي نور وعمو يحيي..

ممدوح ضحك وهى بصتله بابتسامه…

ومدت ايديها ليه:يلا يا بطلى نرقص..

مسكت ايديه الصفيرين بين ايديها وبدأت تتمايل معاه براحه وكان الكل باصص عليهم بحب ..

كان يوسف واقف وواحد صاحبه واقف جنبه..

_الا هى مين دي يا يوسف..

يوسف بخبث:دي اخت نور لى يا احمد بتسأل..

احمد بتسأول:مرتبطة قصدى متجوزة يعنى..

_انت شايف اي

احمد بحزن:امممم فهمت أنا عارف انى مليش حظ..

يوسف بأسف:امممم بس يمكن تطلق قريب

_لى؟

_اصل جوزها في السجن وانا اللى قابض عليه..

احمد:يا شيخ مش تقول كدا من الصبح اي؟؟سجن…

يوسف:اي يا ابو حميد هترجع في كلامك

_دخل السجن لى دا..

_مهو انت لو مركز في شغلك وبتعمل تحريات كويس كنت هتعرف أن دي مرات جمال الزرزاري

_مراته؟انت بتتكلم جد

قد اي جمال دا طلع غبى علشان يعمل الجرايم دي ويسيب القمر دي لوحدها..

_اي انت ناويت تكمل نص دينك ولا اي بس اعمل حسابك دي مخلفه ولسه مراته..

_ناويت بس لما تطلق علشان خلاص هى دي مراتى..

يوسف ضحك عليه وبص على باب القاعة لقى بنت داخله وشكلها متوتر وعماله تبص حواليها…

يوسف بابتسامه اتحرك علشان يقرب منها..

احمد:رايح فين..

يوسف بغمزة:رايح اكمل نص ديني أنا كمان مش هتتجوزوا كلكوا وتسبونى لوحدي يعنى..

احمد ضحك عليه ورجع يتابع حركات سارة اللى تقريبا خطفت قلبه من اول مرة مش عارف اللى فيها دا سحر ولا مغناطيس!؟

يوسف قرب من البت بابتسامه..

_احم تحبي اساعدك..

البنت وهى لسه مبصتلوش..:امممم بدأنا في التلزيق أنا قولت لماما بلاش الفستان دا قالتلي مش هتخرجى الا بيه …

يوسف :يا انسه انتى بتكلمى نفسك ؟

تقى بعصبية وبصتله:متحل عنى بقى دانت رخم اووي..

يوسف بصدمة:انتى؟

• يتبع الفصل التالي اضغط على ( رواية الحب الروحاني ) اسم الرواية