رواية سجينة مع وقف التنفيذ كاملة بقلم اميرة اسامة عبر مدونة دليل الروايات
رواية سجينة مع وقف التنفيذ الفصل الواحد و العشرون و الاخير 21
وصل ناصر البلد وبمجرد ما دخل علي اول الطريق وشم ريحه بلده حس براحه وكأنه راجع من غربه دامت سنين.
مرعي….حمدالله علي سلامتك يا ولدي.
ناصر…الله يسلمك يا مرعي.
مرعي….الحاچه هتفرح جوي.
ناصر….أتوحشتها جوي ربنا يديها طوله العمر.
مرعي….ربنا يباركلنا في صحتها
ناصر….مرعي جبل ما تطلع علي الدار في مشوار لازم أروحه اللول.
مرعي…مشوار ايه ده يا ولدي انت تعبان من السفر.
ناصر….المشوار ده هيريحني يا مرعي.
وبعد وقت بسيط وصل ناصر المدفن الخاص بعائله المنشاوي
دخل جوه وقف قدام مدفن علي وبدأ يقرأ الفاتحه و يدعيله.
ناصر….وعدتك يا خوي اني هچيب حجك وعدتك اني مش هاچي ازورك غير واني مريحك
وكنت كد الوعد كان نفسي ياعلي أخد روحه بيدي بس ملحجتش يمكن لساتني ليا عمر بس لازم تعرف طول ما اني عايش عمري ما هنساك هتفضل في جلبي وروحي هتفضل سيرتك الطيبه علي لسان كل اللي كنت في حياته يا علي هيفضل وچعك چواي كيف الچمر ولو في خاچه بس هتريحني هو ان حجك رچع
حس ناصر بنسمه هواء جميله هزت الزرع من حواليه
ناصر…حاسس بروحك چمبي ياعلي حاسس بروحك ياحبيبي انت سامعني ياعلي مش إكده🥺
طيب جولي راضي عني ياولد ابوي جدرت أريحك ياعلي ولا جصرت معاك.
حس ناصر ان الهواء بيزيد حواليه ورغم حراره الجو الا انه كان حاسس بنسمه ربيع جميله.
ناصر….بدموع دلوك بس انت ريحتني يا علي بردت ناري يا حته من جلبي. حجك وحج ضحي رچع يا اخوي ودلوك نام وارتاح يا ابن عمري 🥺💔 نام وارتاح يا عريس الچنه.
مسح ناصر دموعه ورفع ايده✋
سلام يا ابن عمري♥️
………………
رجع ناصر علي البيت الكبير وبمجرد ما دخل من البوابه كل رجالته فضلوا يضربوا نار ترحيباً بيه وفرحه ببرائته اتلم حوالين البيت ناس كتير من اهل البلد فضلوا يهنوا و يباركوا و يشاركوا ناصر فرحته برجوع حق اخوه.
ناصر…بصوت عالي مرعي اني كنت ناوي اعمل صوان كبير عشان اخد عزاء اخوي والناس تشاركني حزني بس اليوم اني عايز الناس تشاركني فرحتي وعزاء اخوي هيكون دبايح تتوزع علي روحه ماعيزش بيت في جنا ينام من غير ما تفرحه وتسمع بودنك دعوته لعلي زينه شباب الصعيد
معايزش نفر من الرچاله يرتاح الكل يشتغل والدبايح متوجفش
رحمه ونور علي روح الغالي.
فضل يهلل الجميع يشكره ويدعوا لعلي بالرحمه ويدعوا لناصر يطول في عمره.
ابتسم علي ورفع ايده علي صدره بإمتنان وبعد وقت بسيط دخل لسته اللي كانت الفرحه مش سيعاها وهي سامعه صوت حبيب القلب بودنها.
بمجرد ما دخل ناصر ولمحها جري عليها باس ايدها وراسها وخدها في حضنه وهي مش مبطله عياط وبتبوس في كل حته فيه.
فكريه….أتوحشتك يا ولدي أتوحڜتك يا حبيبي الحمد لله يارب انك سمعت دعوتي ورچعتهولي بالسلامه.
ناصر…بحب واني أتوحشتك جوي يا ست الناس كلها أفرحي ياستي افرحي علي حجه رچع يا ستي.
فكريه…..الحج لو طال سنين بيرچع ياولدي ربك عادل يا ناصر
ناصر….الحمد لله يا ستي الحمد لله اني دلوك حاسس اني مرتاح ونفسي انااااااام حاسس اني بجالي زمن منمتش قعد ناصر علي الارض تحت رجل سته وسند راسه علي رجلها.
ناصر..ااااااه ياستي اااااه
فكريه…سلامتك من الاه يا ضنايا
ناصر….عايز انام يا ستي تعبان.
فكريه…..بعد الشر عنيك يا ولدي يلا طلع نام في سريرك موطرحك چاهز ومستنيك يا ضنايا وعلي ما ترتاح هچهزلك وكل يرم بدنك صوح.
ناصر….بتعب بس الدبايح لسه هتاخد وجت.
فكريه….دبايح ايه مليكش صالح باي حاچه اطلع انت ارتاح وكل حاچه هتتعمل كيف ما انت رايد يا ولدي. يلا جوم ريح فوج.
قام نام من علي رجلها باس ايدها بحب وقام وقف بتعب
ناصر….هنام شوي متسبينيش كتير احسن لو سبتيني مهصحاش غير بعد كذا يوم.
فكريه…بإبتسامه حاضر ياولدي يلا اطلع.
باس ناصر راسها وقيل ما يطلع سلم عليه الشغالين بحب واحترام وطلع علي اوضته خد حمام دافي يخرج تعب الحبس من جسمه وخرج لبسه جلباب مريح ونام علي سريره وراح في النووووووم.
اما في الخارج بدأ رجاله ناصر تحت إشراف مرعي بالدبايح.
…………..
عدت الساعات والليل دخل.
اتصل سيف علي ريم.
رسم…بصوت ماليه السعاده ايوه ياسيف
سيف….ايوه يا باربي عامله ايه.
ريم…بإبتسامه باربي انهارده اسعد واحده في الدنيا.
سيف….بسعاده وانا كمان والله ياريم مبسوط اوي.
ريم…الحمد لله يا سيف كنت خايفه بس ربنا مخذلنيش
سيف …الحمد لله بقولك ايه
ريم…قول.
سيف….مش عايزه مني اي حاجه انتي او عاليا.
ريم….ليه في حاجه ولا ايه.
سيف….لا بس انا مسافر الوقت خلصت شغلي و ظبط شغل علي وطلعت علي محطه مصر حجزت والسفر كمان ساعه.
ريم….هتسافر الوقت يا سيف مش قولت بكره.
سيف….مانا مش ورايا حاجه وقولت اسافر بقي عايز اشبع من ناصر وكمان ستي وحشتني والحق اقعد معاها كام يوم قبل ما اجيب ناصر وأرجع.
ريم….طيب انت ليه مش هتروح بعربيتك؟
سيف….مش قادر اسوق المسافه دي كلها انا اصلا مرهق جدا فالقطر احسن المهم انتي مش عايزه حاجه قبل ما اسافر.
ريم….متتأخرش …اااا اقصد يعني متتاخرش انت وناصر.
ابتسم سيف وحب يرخم عليها والله انا بفكر اصلا اني اقعد هناك شهر.
ريم….شهر ليه؟
سيف…اهو اريحكم مني شويه.
ريم….في دي بقي عندك حق 😒
سيف….نعمممم🤨ايه عايزه تخلصي مني علي فكره بقي انا قاعد علي قلبك.
ريم…بإبتسامه خلي بالك من نفسك.
سيف….وانتي كمان خدي بالك من نفسك ومن عاليا.
ريم…حاضر بقولك ايه انا كنت عايزه انزل الشغل بكره.
سيف….ايوه كده بقي اخرجي من القوقعه دي شويه بس مش احسن تستنيني لما أرجع واروح معاكي اول يوم.
ريم….ليه خايف اتخطف تاني.
سيف….لا ياستي بس عشان متبقيش لوحدك مش عايز حد يضايقك بالاسئله و يتعبك.
ريم…اطمن عليا انا الوقت بقيت احسن و جاهزه لاي رد علي اي حاجه وبعدين بقي مش انت اللي قررت مره واحده تسافر انا كنت فكراك هتسافر بكره قولت نروح سوا بس انت بقي اللي غيرت رأيك.
سيف…حقك عليا والله بس زي ما قولتلك عايز الحق اقعد كام يوم مع ستي قبل ما ارجع تاني بقالي فتره كبيره مشوفتهاش من يوم مالقيناكي تقريباً
ريم….خلاص ياسيدي سافر ولنا هنزل بكره ان شاء الله.
سيف….تخلي بالك من موبايلك و تكلميني وانتي راحه و لما توصلي.
ريم…ليه ان شاء الله ما اقولك باقي خطواتي بالمره🤨
سيف….وماله ايه عندك أعتراض ولا ايه🤨
ريم…..اه عندي ومش هقولك.
سيف….امممم طيب جربي كده ياريم وأعمليها وهتشوفي العرق الصعيدي وهو بيطلع لأول مره😒
ابتسمت ريم وسكتت.
سيف…ريم
ريم…نعم
سيف….انت محتاج اتكلم معاكي كتير لما ارجع.
ريم….تتكلم معايا في ايه وبعدين قول انا معاك.
سيف…..لما ارجع احسن.
ريم….ايه مشغول الوقت.
سيف…مش حكايه مشغول بس الكلام اللي هقوله ده لازم اكون شايفك وانا بقوله
ريم….احممم ماشي يا سيف وانا هستناك🙈
سيف….تاخدي بالك من نفسك واي حاجه تحتاجيها تكلميني ماشي.
ريم….ماشي يا سيف.
سيف….مع السلامه.
ريم….توصل بالسلامه سلام يا سيف.
خرجت عاليا من اوضتها واول ما شافت ريم بتبصلها أبتسمت
عاليا….بتعملي ايه؟
ريم…ابداً ده سيف كان بيكلمني بيسأل لو محتاجين حاجه عشان هو مسافر الوقت.
عاليا…بقلق ليه في حاجه حصلت هو مش كان مسافر بكره.
ريم….مفيش حاجه حصلت لا بس خلص شغل وقال يسافر الوقت عشان يلحق يقعد مع جدته كام يوم قبل ما يرجع تاني هو وناصر.
عاليا….اه طيب ماشي يوصل بالسلامه.
ريم….عاليا.
عاليا….نعم.
ريم…فيكي ايه مالك حساكي مش طبيعيه خالص
عاليا….لا ابدا انا كويسه البوم بس كان صعب وانا منمتش من امبارح تقريبا فا مش قادره.
ريم….رغم ان دي مش إجابه سؤال وانتي فاهمه كويس انا بسأل علي ايه بس ماشي لو انتي شايفه ان اللي فيكي ده قله نوم هعمل نفسي مصدقاكي.
عاليا…بإرتباك هيكون يعني ايه يا ريم.
ريم….امممم ناصر مثلا🙄
بصتلها عاليا ثواني وسكتت ناصر !!! تقصدي ايه ماله ناصر
ريم….والله انا اللي بسألك انتي وهو مكنتوش طبيعيين خالص وخصوصا انتي فيكي ايه يا عاليا مخبياه عني🤔
سكتت عاليا وفضلت تقاوم دموعها عشان متنزلش وبصت للارض.
قامت ريم من مكانها راحت حطت ايدها علي كتفها
ريم…مالك يا عاليا احكيلي اللي جواكي احنا ملناش غير بعض واوعي تكوني فاكره اني مش حاسه بيكي او مش شايفه حبك لناصر اللي عينك فضحاه.
بصتلها عاليا بحزن🥺
ريم…بإبتسامه حبتيه يا عاليا♥️
بصت عاليا عالارض بتوتر ونزلت دموعها.
ريم….ليه الدموع دي يا عاليا؟
عاليا…ايوه حبيته يا ريم🥺 حبيته لدرجه انا نفسي مش مصدقاها عارفه انك هتقولي مكانش ينفع احبه او اتعلق بيه خصوصا في كل الظروف اللي مريت بيها وعارفه كمان انك هتقولي ان الوقت اللي عرفته بيه كان وقت صغير بس انا نفسي مش عارفه امته حبيته والله ياريم🥺
ريم…بحب مسحت دموعها انا لا هقول مكانش ينفع تحبيه في الظروف دي ولا هقول الوقت كان قصير ولا من حقي اصلا اني اعترض مش عشان خاطر انتي اختي و اني أكتر حد في الدنيا هيفرحلك بس الحب ياعاليا لا يعرف ظروف ولا يعرف معاد وانا مقدرش ابدا الومك علي شعور مش بأيدك وبعدين انتي مأجرمتيش يا عاليا انتي حبيتي.
وحبييتي بجد يا عاليا لانك مكنتيش عامله حسابك للحب ده
وهو ده الحب بعينه ياعاليا لا تبقي عارفه معاد ولا شايفه ظروف ولا بتبقي عامله حساب الحب ده من الاساس ده بيجي يخطف قلبك من غير ما تحسي.
عاليا…بدموع اوقات كنت بسأل نفسي يا تري انا حبيت ناصر عشان انا كنت محتاجه احس اني مش لوحدي ولا انا بجد حبيته
ريم…لو حبتيه ياعاليا عشان أحساسك بالوحده بعد اللي حصل مكانش هيفرق معاكي بعد ما اتقبض عليه ولا كان هيفرق معاكي بعد ما رجع الصعيد انهارده
هو انتي مش شايفه نفسك ولا ايه
انتي حبيبتي ناصر بجد يا عاليا وعلي فكره هو كمان حبك ويمكن اكتر ما انتي حبتيه كمان.
عاليا…بجد ياريم🥺
ريم…طبعا بجد هو انتي عندك شك في ده ده انتي وهو واضحين جداّ لأي حد يشوفكم.
عاليا…امال هو ليه رفض يشوفني وليه انهارده متكلمش وسافر من غير ما يطمني او حتي يديني سبب لرفضه لزيارتي.🥺
ريم….يعني واحد بعد كل اللي حصله ده والظروف اللي عاشها هيشوفك ازاي وهو في مكانه ده وبحالته دي.
ريم…طيب وليه سافر من غير ما حتي يتكلم🥺
عاليا….اكيد تعبان ياعاليا محتاج يختلي بنفسه شويه محتاج يشوف جدته والاهم انه اكيد عايز يزور علي ومتنسيش كمان انه عمده البلد وده غاب كتير اوي اكيد لازم يروح يطمن بنفسه وبعدين ماهو راجع تاني يوم الجمعه زي ما اتفق مع خليل بيه.
عاليا….تفتكري.
ريم…اه يا اختي افتكر 😒 ومتقلقيش بيحبك وبيموت فيكي كمان وبصراحه ليكي حق تحبيه رغم اني كنت بقلق منه بس هو موز وقمر 😂 يظهر ان العيله دي كلها قمرات.😍🙈
عاليا…بإبتسامه اه ما انا ملاحظه إعجابك بالعيله اوي🤨
ريم…بضحك انا مين قال؟
عاليا…بضحك بتاع الكنافه 😉 مقولتليش صحيح شكل بتاع الكنافه مش بيهزر في حكايه طلب ايدك دي🤔
ريم…بضحك انتي هتاخدي علي كلامه انتي اصلا متعرفيش سيف اللي انا كنت اعرفه هو بس عشان اللي حصل مش في احسن حالاته لكن هو في العادي بيحب الهزار.
عاليا…بإبتسامه عارفه انه بيحب الهزار بس انا بتكلم جد سيف شكله بيتكلم فعلا بجد🙄
ريم….بشرود لا لا اكيد انتي فهمتي غلط.
عاليا….طيب خليني اكون فهمت غلط وأسألك سؤال تاني لو بيتكلم جد رأيك ايه؟
ريم…رأيي في ايه انتي قولم خليتي الموضوع جد بقولك ايه انتي شكلك فوقتي عليا وانا مش فايقه انا هدخل انام عشان قررت هنزل الشغل بكره.
عاليا…شعل ايه
ريم…شغلي يا عاليا خلاص بقي لازم ارجع تاني انا محتاجه اعمل الخطوه دي جدا.
عاليا…لو حاسه انك هتقدري أعملي كده.
ريم…هقدر ان شاء الله انتي بس ادعيلي ويلا تصبحي علي خير.
عاليا…وانتي من اهله وهعتبر انك هربتي علي فكره من إجابه سؤالي.
ريم….بضحك مش هكدب عليكي ايوه بهرب بس خليني اكون صريحه معاكي يا عاليا حتي لو اللي بتقوليه ده صح وحتي لو انا مش هيكون عندي مانع فا انا حاسه ان ده حاليا مش وقته خالص انا محتاجه وقت طويل عشان اتخطي كل وقت صعب مريت بيه صدقيني يا عاليا الخطوه دي لو خدتها الوقت هتكون خطوه غلط لازم ادي نفسي فرصه وهو كمان لازم ياخد فرصه .
عاليا…بحب معاكي حق طبعاً خدي كل الوقت واوعي تستعجلي بس هرجع و اقولك لو سيف بجد
أتقدملك انا هكون طايره من الفرح
ريم….بحب باستها من خدها ادعيلي يا عاليا♥️
عاليا….ربنا يريح قلبك يا احلي ريم في الدنيا♥️
…………..
في صباح يوم جديد نزلت ريم شغلها بعد إنقطاع دام كتير وبعد وقت صعب قدرت تتخطاه كل زمايلها سلموا غليها وكانوا مبسوطين برجوعها جدا ورحبوا بيها بسعاده حست ريم بفرحه داخليه وانها خدت خطوه صح.
وصل سيف البلد وكان علي اتصال دايم بريم كل شويه بيطمن عليها و تطمن عليه.
فكريه كانت مبسوطه برجوع سيف كمان استقباه ناصر كان صاحي من بدري نام كتير و الدبايح اتدبحت و اتوزعت وهو مش راضي يصحي كان جعان نوم حتي الاكل رفض يصحي ياكل وبعد نوم طويل صحي علي الفجر وفضل صاحي لحد ما سيف وصل الصبح.
…………
عند ريم كانت قاعده بتحاول تشوف كل الشغل المتعطل اتصل عليها عمر.
ريم….بسعاده دكتور عمر ازيك
عمر…الحمد لله يا ريم انتي اخبارك ايه.
ريم….الحمد لله بخير
عمر….طمنيني عليكي حاسس ان صوتك انهارده احسن كتير
ريم….الحمد لله كتير اوي
عمر…طيب يا ستي انا كنت مسافر انهارده انا وياسر وشيماء بعد ساعه كده و هنرجع تاني بإذن الله لو ناصر رجع يوم الجمعه زي ما اتفقنا بس كنت محتاج اشوفك ضروري الوقت لو ينفع اعدي عليكم انتي وانسه عاليا
ريم….تنور طبعا بس انا مش في البيت انا قررت اني انزل الشغل انهارده
عمر…بجد طيب كويس اوي دي خطوه كويسه جدا.
ريم….طيب لو تقدر تجيلي هنا ممكن تيجي .
عمر….مش هعطلك.
ريم…بضحكه جميله اولا حضرتك تعطلني زي ما تحب وبعدين بجملت الشغل اللي متعطل بقاله كتير ده.
عمر….ماشي وانا ياستي مش هاخد من وقتك كتير.
ريم…ماشي هبعتلك العنوان و هستناك.
عمر….تمام يلا اشوفك بعد شويه.
ريم…ان شاء الله سلام.
…………
اما عند عاليا فكانت ماسكه تليفونها في ايدها كل شويه تجيب رقم ناصر وترجع تاني تسيبه نفسها تكلمه تسمع صوته تتخانق معاه بس كرامتها كانت وجعاها وقررت متتصلش رغم ان كان جواها صوت قوي بيقولها اتصلي. لكن قدرت تتجاهل الصوت ده ومتتصلش
……….
عند ناصر وسيف خرجوا اتمشوا مع بعض في الارض كان ماشي ناصر والفرس بتاعه في ايده (أسمر)♥️
وقفوا وبدأ ناصر يمشي ايده علي اسمر بحب
ناصر…أتوحشتك جوي يا أسمر
سيف…بإبتسامه شوف بيلاعبك براسه أزاي وانا اللي كنت فاكره نسيك.
ناصر…الخيل كيف الكلاب يعرفوا صاحبهم لو وسط الف و طبعهم الوفاء.
سيف…عندك حق. قولي بقي يا ناصر ناوي علي ايه؟
ناصر….في ايه؟
سيف…بإبتسامه مش عارف يعني بتكلم علي ايه؟ عاليا يا ناصر.
ناصر…بص لاسمر وفضل يطبطب عليه بشرود كل خير إن شاء الله يا سيف اطمن.
سيف….ليا عتاب عليك يا اخويا.
ناصر….ايه هو؟
سيف….مكانش ينفع تسافر من غير ما تبل ريق الغلبانه اللي كانت هتتجنن تشوفك وانت رافض.
ناصر….مكانش ينفع يا سيف تشوفني في الحاله اللي كنت عليها دي ولا كنت عايز أدخلها أجسام وأبهدلها معاي
سيف….بس هي ممكن تفسر ده بطريقه تانيه يا ناصر.
ناصر…طريجه ايه؟
سيف…الف طريقه يا ياناصر اولهم انك خلاص مبقتش محتاجها بعد ما رجعت حق علي او إنك متكونش حبيتها اصلا
بصله ناصر وسكت.
سيف…بإبتسامه ما انا عارف انك حبيتها مستغرب ليه بس؟
ناصر…بإبتسامه ضربه في كتفه مين جال اني مستغرب دي كانت تبجي مصيبه لو ماكنتش حسيت بده بس مستغرب انها ممكن تكون فكرت إكده.
سيف…حط نفسك مكانها يا ناصر وبعدين عايزها تفكر ازاي وانت منطقتش معاها بكلمه تريحها
ناصر….صدجني كان غصب عني كل اللي كنت رايده اني أچري علي إهنه عشان أشوف علي و اطمنه كنت محتاچ أفصل يومين في البلد عشان أرچع كيف اللول
وبعدين اهم حاچه يا سيف جبل ما يحصول كل ده كنت بحبها بس مكانش ينفع اجولها لانه مكانش وجته لكن دلوك وبعد ما وصلت للي عايزه مينفعش اسكت ولازم اجولها بس عشان اجولها ياسيف بعدها لازم اخد خطوه عشان مفيش مخلوج يبصلها باصه مش زينه لكن بردوا لسه مش وجته انت ناسي ان علي لسه مفاتش عليه كتير ولساتني جلبي مبردتش ناره مش هجدر علي الخطوه دي دلوك ياسيف.
سيف….ياسيدي لو عالخطوه دي هنأجلها شويه يا ناصر خصوصا ان اكيد في حجات كتير اوي هتبقي محتاجه تجهيز لكن ريحها يا ناصر وفهمها اللي جواك وهي هتفهم ده خصوصا ان ظروفها نفس ظروفك هي كمان الخطوه دي عليها مش هتبقي سهله الوقت لو اني شايف يعني يا ناصر ان علي لو كان عايش مان اول واحد هيقولك اعمل كده والاهم ان هي كمان ظروفها الوقت هي وريم مش حلوه يفضلوا لوحدهم كده
ناصر…تفتكر عاليا ترفض تجعد معايا إهنه
سيف… لا مفتكرش عاليا بتحبك يا ناصر وهتوافق تكون معاك في اي مكان
ناصر…اني ناوي بردك اخد شجه هناك عشان تحس ان ليها بيت ترچعله وجت ما تحب وتبجي جار أختها.
سيف….ياعم انتوا بس اتجوزوا وريحونا وملكش دعوه بأختها انا هاخد بالي منها🙄
ناصر….وه بتفكر في أيه يا واكل ناس إشتجت لايام الشجاوه تاني ولا ايه فاكرني هسيبهالك اياك🤨
سيف…ياعم شقاوه ايه بس من الاخر كده انا عايزها في الحلال.
ناصر….انت بتتكلم چد؟
سيف….تصدق عيب يعني انا ابقي حسيت بيك وبحبك لعاليا وانت لا
ناصر….اصل صراحه ممصدججش
سيف…بضحك ليه ياعم بس هو انا تافهه اوي كده
ناصر…الشهاده لله ايوه✋😒
سيف…بضحك ايه صراحتك دي انا بتكلم جد والله شكلي كده حبيتها انا اصلا من يوم ما شوفتها اول مره عند علي وانا عيني منها.
ناصر…بسعاده لو إكده يبجي اني اول واحد موافج بس المهم هي
سيف….خليك انت في حالك بقي
ناصر…يبجي مالي يدك يا وامل ناسك😂😂
سيف…بضحك عيب يا عمده تربيتك.
……………
عند ريم وعمر..
عمر….اول مره اشوفك مبسوطه من اول ما شوفتك.
ريم…عشان حاسه ان روحي رجعتلي ارتاحت بعد الحكم علي عز كنت خايفه اوي بجد احسن ياخد حكم مخفف شويه خصوصا انه كان معاه شركاء.
عمر….الحمد لله الحق رجع يا ريم
ريم…الحمد لله قولي بقي كنت عايزني في ايه.
ساب عمر من ايده القهوه وبصلها.
عمر….بصي ياريم اللي هقوله ده لو ضايقك اعتبري انك مسمعتيهوش لو حسيتي انك محتاجه تفكير هيبقي معاكي كل الوقت.
يمكن انا عارف ان الظرف مش مناسب بالمره وعارف كمان ان في حجات كتير تمنع اللي هقوله الوقت بس انا عايز رد ومش مهم اي حاجه الوقت انا بس عايز ارتاح مش اكتر.
رسم…قول يا دكتور عمر انا سمعاك.
عمر…اسمعيني ومتعلقيش غير بعد ما اخلص كلامي بصي ياريم انا عايز ارتبط بيكي .
بصت ريم بصدمه متوقعتش ان الكلام اللي عايزها فيه رايح السكه دي نهائي.
عمر….من اول ما شوفتك ياريم وعرفت جكايتك كنت متعاطف معاكي جداً تقريبا مكنتش بسيبك لحظه ومكنتش برتاح غير لو اطمنت عليكي بنفسي لحد ما فوقتي وبقيتي تتكلمي وبعدها جيتي معانا عالبيت وقتها التعاطف حسيت انه قلب لتعلق انا نفسي استغربته ويوم عن يوم كنت بتشدلك اكتر وبحس اني مسؤول عنك وخايف عليكي ونفسي أعمل اي حاجه عشانك وعشان دماغك متروحش لبعيد حوار انفصالي من خديچه كان هيحصل بيكي او من غيرك لان حياتنا مع بعض كانت مستحيله انا عارف ان في فرق سن بينا بس كمان انا مفكرتش في الموضوع ده اوي ويمكن كمان عشان اكون صادق معاكي شوفي ياريم يمكن الفتره اللي عرفتك فيها كانت فتره بسيطه ويمكن كمان تشكي اني اكون حبيتك فيها وانا مش هكدب عليكي واقولك اني حبيتك من اول نظره والكلام ده انا راجل عندي 35 سنه يعني مينفعش اكدب بس صدقيني يا ريم انا اتعلقت بيكي وحاسس اني عايزك في حياتي ولو ده حصل صدقيني والله العظيم مش هتندمي ابداً لاني هعمل كل اللي ربنا يقدرني عليه عشان اسعدك واخليكي مبسوطه ولو محصلش ورفضتي مش هزعل وهتفضلي غاليه عندي ياريم ورفضك مش هيقصر علي مكانتك في قلبي وقلب ياسر وقلب شيماء لان كلنا بنعتبرك واحده مننا فا لو حاسه انك مش حابه او رافضه متتردديش انك تقولي اللي جواكي وتنسي فورا اللي قولته وهنفضل زي ما احنا انا بس حابب اعرف رأيك علي المبدأ
بصتله ريم بصدمه وإحراج وحزن مشاعر متخبطه إجتاحت قلبها.
ريم….دكتور عمر انا بجد مش عارفه اقول ايه لحضرتك ويمكن موقفي الوقت متحسدش عليه ابدا حضرتك غالي عندي اوي بجد انت كنت سبب بعد ربنا اني اعيش وقفتك معايا وانت متعرفنيش تبين اللي جواك بجد حضرتك بجد الف واحده تتمناك لان اللي زيك وزي دكتور ياسر مابقوش موجودين كتير وبجد اي واحده هتدخل حياتك هتبقي هي الكسبانه وكملت بحزن بس اعذرني الواحده دي اكيد مش انا مش عشان السن زي ما حضرتك قولت ولا عشان كنت متجوز ولا عشان اي حاجه خالص بس حقيقي انا من يوم ما دخلت بيتكم وانا حاسه اني منكم حضرتك ودكتور ياسر كنتوا بالنسبالي اخواتي انا طول عمري كنت بتمني يكون عندي اخ ولد والاحساس ده جربته مع مستر علي الله يرحمه كان حد محترم جدا وبيتعامل معايا علي الاساس ده وحضرتك ودكتور ياسر انا اعتبرتكم اخواتي بجد كمان عشان مبقاش بكذب عليك انا في حد في حياتي وحضرتك اكيد فاهم ان دي حاجه مش بأيدنا يمكن لو كنت اتقابلت معاك في ظروف غير الظروف اللي جمعتنا اكيد كنت هتبسط لو شاركتني طريقي لو مكانش في حد فحياتي اكيد مكنتش هتمني احسن منك انا اسفه بجد 🥺 وياريت متزعلش مني.
ابتسم عمر بحزن….مقدرش ازعل منك يا ريم ومحترم صراحتك جدا ولكيد اتمنالك الخير مع اي حد في الدنيا عشان انتي تستاهلي احسن حاجه في الدنيا ومن انهارده يا ستي اعتبريني اخوكي اللي كنتي بتتمنيه.
ريم…يعمي بجد مش زعلان.
عمر….والله ما زعلان يا ريم بالعكس انا مبسوط عشان انتي مبسوطه انسي بقي اي كلام قولته ومش عايزه يكون سبب في بعدك او انك تحسي بإحراج كل ما تشوفيني عشان اعملي حسابك هفضل موجود في حياتك غصب عنك بصفتي اخوكي ومن اول ما هطلع من الباب ده هنسي اللي قولتهواك وانتي كمان اوعديني تنسيه وخلي معاملتك معايا زي ما هي متتقصرش اتفقنا يا ريم.
ريم…بإبتسامه حزن أتفقنا.
بعد وقت بسيط خرج عمر وهو حزين جدا لدرجه انه مش عارف هو فعلا حبها ولا حبه ليها كان. نوع من انواع الشفقه ولا الضغط اللي خديچه كانت معيشاه فيه كان سبب ان قلبه يوهمه بحب ريم.
اما ريم فا بعد نزول عمر فضلت ساكته وحاسه بخنقه صعبان عليها عمر وصعبان عليها يبقي وقف معاها في أذمتها وهي تجرحه لكن كمان مينفعش توافق عليه عشان وقف معاها وهي تعبانه وقتها هتكون بتظلمه و بتظلم نفسها
………..
رجعت ريم البيت كانت عاليا خلصت العداء ومستنياها ولسه زي ماهي باين عليها الحزن.
ريم….سلام عليكم
عاليا…عليكم السلام يا حبيبتي اتأخرتي ليه.
ريم…اتأخرت ايه بس انا جيت بدري كمان ده الشغل كتير بشكل
عاليا….معلش حبيبتي الشركه كمان بقالها فتره متآثره باللي حاصل ومهما كان في موظفين بس اكيد مش هيسدوا اوي يلا ادخلي غيري بسرعه علي بال ما احضر الغداء.
ريم…استني عيزاكي.
عاليا…في ايه انتي مالك؟
ريم…دكتور عمر كلمني وقال انه عايز يشوفني قبل ما يسافر وخليته جالي علي الشركه.
عاليا…ايوه وفي ايه يعني مضايقك اوي كده.
رسم….دكتور عمر عرض عليا انه يرتبط بيا🥺
عاليا…ايه؟ ازاي وانتي قولتيله ايه.
فضلت ريم تحكيلها اللي حصل كله وبعد ما خلصت استنت رد عاليا.
عاليا…انا بصراحه استغربت جداً بس قوليلي انتي سبب رفضك هو انك شيفاه اخوكي فعلا ولا عشان سيف.
ريم….الاتنين يا عاليا ومش بس كده حتي حوار سيف زي ما قولتلك انا مش جاهزه ليه الوقت خالص بس هو صعب عليا اوي
عاليا…شوفي ياريم بلاش تحسي بالذنب انتي مظلمتيهوش وكمان قولتيله اللي جواكي بصراحه عشان متعشيميهوش بحاجه يمكن عمر محبكيش بالمعني المفهوم هو يمكن حس تجاهك بالمسؤوليه وحس انك أحتجتيله في وقت ضعف مع مشاكل مراته كل ده خلاه يحس انه حبك او اتعلق بيكي بإختصار هو مشاعره متخطبه.
ريم…يمكن معاكي حق بس عارفه ياعاليا اكتر حاجه لفتت نظري بجد.
عاليا…ايه هي؟
ريم….وقت ما قولتله انه مش بالنسبالي غير اخويا افتكرت ضحي وعز ووقتها شوفت الفرق بين عمر وبينه الاتنين تقريباً اتحطوا في نفس الموقف بس كل واحد اتعامل باللي جواه عمر تقبل ده ويمكن كمان محستش انه اضايق اوي لكن عز عمل ايه عز حب ينتقم وضيع حياتها وحياه اللي حبته.🥺
عاليا….مش كل الناس زي بعض يا ريم ولو فعلا عمر حبك فاللي بيحب يتمني يشوف اللي بيحبه مبسوط وعمر شخص محترم أتمنالك السعاده إنما عز محبش ولا يعرف يعني ايه حب من الاساس.
ريم ..عندك حق.
عاليا…فكي بقي التكشيره دي موقف وخلص واكيد ربنا شايل لدكتور عمر نصيبه وهيرزقه بواحده تسعده بجد لانه حد محترم ويستاهل كل خير.
ريم…تفتكري هيجي يوم الجمعه ولا مش هيحب يتجمع معايا في مكان واحد انا بجد مش عايزه اخسره هو وشيماء ودكتور ياسر
عاليا…. هيجي يا ريم وهيتعامل عادي وهينسي خالص اللي حصل زي ماقالك بالظبط.
ريم…بإبتسامه يارب ياعاليا.
عاليا…يلا ادخلي غيري لحد ما احضر.
ريم….طيب قوليلي ناصر مكلمكيش.
عاليا…بحزن لا يا ريم متكلمش🥺
ريم….هيتكلم ان شاء الله ولما يجي هتتكلموا ويفهمك اسبابه
عاليا….براحته بقي بتكلم ولا ميتكلمش😒
ريم…بإبتسامه بيحبك يابت والله.
عاليا…طيب يلا يا اختي اخلصي.
……………..
عدي الوقت بسرعه وجه يوم الخميس قبل التجمع بيوم.
نزلت ريم علي شغلها وصحيت عاليا ظبطت شويه حجات في البيت ودخلت خدت شاور ولبست كاش مايوه كت وواصل لحد قبل ركبتها خرجت اتسرحت وفضلت قاعده زهقانه وباصه لموبايلها
خبط الباب في الوقت ده قامت بصت من العين السحريه لقتها جارتها ام دينا حطت عليها طرحه وفتحت الباب.
عاليا….ازيك يا طنط
ام دينا…ازيك ياعاليا عامله ايه يا حبيبتي
عاليا…الحمد لله.
ام دينا…. طمنيني عليكي وعلي ريم.
عاليا…الحمد لله بخير والله.
ام دينا….يارب ديماً انا كنت نازله السوق مش عايزه حاجه اجيبهالك من تحت معايا.
عاليا….تسلميلي يارب متحركش منك
ام دينا….انا مش بعزم عليكي ياعاليا انتي زي دينا وانا كده كده نازله.
عاليا…عارفه والله بس مش محتاجه حاجه والله يا طنط متحرمش منك ابدا.
ام دينا….ولا منك يا بنتي عموما تليفوني معاكي لو أفتكرتي حاجه كلميني.
عاليا…حاضر يا طنط تسلمي
ام دينا….سلام عليك.
عاليا….عليكم السلام.
قفلت عاليا ورجعت قعدت تاني.
بعد حوالي كام دقيقه الباب خبط تاني توقعت عاليا تكون ام دينا رجعت تاني فتحت الباب من غير ما تبص وفجأه😳 لمحت ناصر واقف ساند ايده علي الباب ورافع حواجبه.
عاليا….😳😳ناصر
ناصر…بإبتسامه 🤨 هو اني مش جولت جبل إكده تلبسي وبعدين تفتحي الباب.
عاليا….بإرتباك لا لا اصل يعني كانت جارتنا بتخبط وفكرتها رجعت وبعدين..
ناصر….ايوه وبعدين حتي لو مش جولت محدش يشوفك بخلجاتك إكده🤨
بصت عاليا علي نفسها وارتبكت اكتر اااا انا هروح البس حاجه بسرعه وقبل ما تجري مسكها ناصر من كف ايدها ودخل وقفل الباب وراه وهو باصصلها بحب.
وقفت عاليا من غير ولا كلمه.
ناصر….وحشتيني♥️
بصتله عاليا وهي دموعها في عينها 🥺وضربات قلبها سريعه شدت ايدها منه بغضب عايز ايه يا ناصر.
ناصر…🤨وه يعني اني أمشي بعد الفچر من الصعيد عشان اچيلك جبل المعاد بيوم و بجولك وحشتيني تجولي عايز ايه طيب إذا كان إكده اني ماشي.
مسكت عاليا من ايده وهي دموعها نازله استني هنا هو ايه اللي انا ماشي.
ابتسم ناصر وبصلها عايزه ايه تاني.
عاليا….انت اللي عايز ايه مني ايه يا ناصر.
ناصر….چيت اشوفك.
عاليا….🥺مانا كنت عايزه اشوفك يا ناصر وحاولت كتير وانت كنت رافض حتي لما خرجت مكنتش بتبصلي ولا حتي بتكلمني كأني عملت ذنب مش عرفاه ومش بس كده سبتني وسافرت من غير اي كلام ولما روحت محاولتش ولا مره تكلمني وجاي الوقت تقولي عايز اشوفك واني وحشتك لا بجد شكراً
ابتسم ناصر بحب…وه اني عملت كل ده لاه مليش حج
عاليا…انت بتتريق عليا ياناصر طب بص بقي انا اللي مش عايزه اشوفك ولا اتكلم معاك كنت عايزه اطمن عليك انك خرجت والحمد لله خرجت سبني في حالي بقي وابعد عني🥺
مسكها ناصر من ايدها وقربها ليه وفضل باصصلها شويه انتي بتاخديني بالحديت عشان اسكت علي فتحك الباب بمنظرك ده صوح🤨
عاليا….لا بس عموما انا حره يا سيدي انت مالك ملكش دعوه بيا افتح بأيه والبس ايه دي حاجه تخص….
قاطعها ناصر وهو باصص لعينها بقوه تخصني اني ياعاليا فاهمه تخصني اني وبس شكلك ولبسك كل حاچه فيكي تخصني اني وبس مفيش حد في الدنيا ليه حج يشوفك إكده غيري اني وبس حتي لو كان مين فاهمه ياعاليا.
بصتله عاليا بصدمه دموعها نازله ضربات قلبها كانت باينه في صدرها حاسه بسعاده وفرحه متتوصفش..هزت عاليا راسها من غير اي تعليق.
ابتسم ناصر بحب….حجك عليا ياعاليا مكنتش عايزك تشوفيني واني في الحاله دي ولا كنت عايزك تيچي المكان ده من اصله ولما خرچت كنت عايز أچري افرح علي ان حجه رجع كنت مصدوم علي متاخد كنت محتاچ اجعد مع حاله وأسأل نفسي أسأله كتير
عاليا….وسألت نفسك.
ناصر….ايوه ياعاليا سألتها.
عاليا….وقالتلك ايه بقي؟🥺
ناصر…🤨🤨جالتلي ان في واحده سرجت جلبك من اول يوم شوفتها فيه و جالتلي كمان تروح تجبض عليها و تحبسها كيف ما حبستها جبل إكده🤨 بس المرادي بتهمه سرجه جلبك😉
أبتسمت عاليا من وسط دموعها🥺 تقصد ايه؟
ناصر…..اتحول ناصر فجاه أقصد اني جاي اقبض عليكي يا عاليا وأحبسك بس المرادي مش هحبسك في المضيفه هحبسك معايا في نفس المكان هحبس جوايا وفي قلبي يا عاليا.
نزلت دموعها وهي بتضحك انت ملبوس يا ناصر ملبوس🥺
ناصر….بحب ايوه و لبساني جنيه إسمها عاليا تعرفيها.😉
سكتت عاليا شويه تبتسم وشويه دموعها تنزل بصتله من غير ولا كلمه.
ناصر….فضل باصص في عينها بحب وساكت وفجأه أخيراً نطق
ايوه بحبك يا عاليا♥️
عاليا…بصدمه ودموع وانا بحبك اوي يا ناصر🥺
ابتسم ناصر بحب عارف عارف ياعاليا وفجأه لقت عاليا نفسها في حضن ناصر بعد ما شدها ليه♥️♥️♥️♥️♥️
كان حضن اول مره يكون مختلف بالشكل ده مسكت عاليا في ضهره بكل قوتها.
بعد وقت بسيط خرجها ناصر بهدوء من حضنه ومسك ايدها باسها ورجع مسك رقبتها بأيدها الاتنين وقرب شفايفه من راسها باسها بحب وضمها تاني لصدره
ناصر…تعبتيني معاكي ياعاليا تعبتيني اوي♥️
بصتله عاليا بحب مش هتسيبني تاني؟
ناصر …مستحيل♥️
عاليا….هتفضل معايا🥺
ناصر…طول العمر ♥️
اقعدي يا عاليا عايز اتكلم معاكي
قعدت عاليا قدامه.
ناصر….شوفي ياعاليا طبعا انا عايز اكون معاكي انهارده قبل بكره بس كمان عايز يعدي وقت علي وفاه علي عشان اكون افضل وفي نفس الوقت مش عايز اسيبك لوحدك انتي وريم عايز. اعملك اكبر فرح في الدنيا واشوفك بالفستان بس حاليا هيكون صعب فهماني ياعاليا.
عاليا….بس انا ولا عايزه فستان ولا عايزه فرح انا عايزه اكون معاك وبس يا ناصر🥺
ابتسم ناصر و حط ايده علي خدها بحنان. بس انا عايز اعملك فرح وعايز اشوفك بالفستان وعايز اشوفك مبسوطه عاليا كل حاجه ليكي حق فيها هعملهالك مهرك و شبكتك و كل حاجه تتخيليها هتتعملك واحسن من اي حد كمان انتي قولتي قبل كده ياعاليا اني بقيت كل حاجه ليكي وبقيت مسؤول عنك عشان كده انا مستحيل اضيع اي حق ليكي. حتي لو كان مني انا مفهوم يا عاليا هنستني وقت بس في خلال الفتره دي هندور علي شقه ونحاول نخليها جمب شقه علي وسيف الشقه دي بقت بتاعت سيف خلاص وهيكون ليكي شقه هنا طبعا اغلب الوقت هتكوني معايا في الصعيد عشان انتي عارفه اني مقدرش اسيب البلد ولا اسيب ستي ومتنسيش اني عمده البلد هنبقي بين البلد وبين هنا ولازم يكون لينا هنا شقتنا اللي هتختاريها بنفسك وهتفرشيها زي ما تحبي و هتكون بأسمك
عاليا…بس انا مش عايزه حاجه.
ناصر….بس انا عايز ياعاليا عايز اعملك كل حاجه كأن أهلك كلهم معاكي مش عايز احس اني مقصر معاكي ابدا وبما اني بقيت اهلك ومسؤول عنك انا مش هقبل ابدا اي تقصير في حقك هنرفش الشقه هنا وكمان وانتي بتفرشي هتختاري احلي فرش في البلد كمان البيت هيتجدد والجناح الخاص بينا كله هيتعمل زي ما انتي عايزه. زي ماقولتلك انتي هتعيشي معايا هناك وهنا يعني كل حاجه لازم تتعمل زي ما تحبي
ولحد ما كل ده يخلص هيكون فات وقت علي .علي وضحي وخالتك كمان وبعدها هعملك احلي فرح فالدنيا موافقه يا احلي عروسه.♥️
عاليا…بحب موافقه اكون معاك يا ناصر تحت اي ظروف🥺♥️
ناصر….بطلي عياط بقي🤨والله ارجع في كلامي انتي بتجيبي كل العياط ده منين و ابتسم بحب بحبك يا عاليا.
عاليا….وانا بحبك وفجأه دخلت هي في حضنه من غير اي مقدمات حضنها ناصر وهو بيبوس راسها بكل حب.
…………………
عدت شهور ناصر ديما في القاهره هو وعاليا بيجهزوا كل حاجه سواء في القاهره بعد ما لحسن حظهم فضيت شقه في العماره اللي فيها شقه سيف صممت عاليا تاخدها خصوصا بعد ما سيف اتقدم لريم رسمي وافقت بالفعل لكن طلبت منه يأجل فكره الجواز شويه. وبدأت عاليا تجهز كل حاجه وهي من جواها فرحانه ان اختها اكيد هتقعد معاها وفي نفس الوقت كانت بتختار فرش البيت وبتابع ده بنفسها فكريه كانت بتكلمها يوميا و بتشرف علي كل حاجه بنفسها وهي طايره من الفرحه.
في خلال الفتره دي شركه علي رجعت احسن من الاول ريم أشتغلت بكل طاقتها لحد ما رجعت اسم علي من تاني وده كان مفرح سيف وناصر.
اما عمر فا في خلال الفتره دي حس انه فعلا مكانش بيحب ريم هو كان حاسس بده خصوصا انه كان اول مره يحس بإحساس ان في حد محتاجله واللي كانت حرماه منه خديچه وفي الفتره دي قرب جداً من رغده وكان بيشوفها كتير في أي مؤتمر طبي رغده كانت طايره من الفرحه واتحول إعجابها لحب خصوصا لما شافت في عين عمر الاهتمام والتعلق بيها لحد ما جه في يوم وطلب ايدها واتخطبوا في جوه عائلي جميل .
كل ما كانت تقرب فتره جواز عاليا وناصر المشاكل تزيد بين سيف وريم لانه رافض يسيبها تقعد لوحدها وخايف عليها.
لحد ما ناصر أنهي الخلاف بينهم وقعد اتكلم مع ريم هو وعاليا وأخيراً أقتنعت ووافقت.
وجه اليوم المنتظر وسافر الكل علي الصعيد عشان فرح ناصر وعاليا و المفجأه الكبيره فرح سيف وريم.
اتجهز جناح ناصر
و اتجهزت اوضه سيف واللي فتح عليها اوضه علي السعاده كانت منتشره في كل مكان في البلد والفرح كان اكبر فرح اتعمل في الصعيد.
جهزت عاليا وريم كان شكلهم يجنن فكريه مكانتش بتعمل اي حاجه غير انها بتقرأ قرآن في وش الكل خايفه عليهم من الحسد
اول ما سمعوا ضرب نار كتير عرفوا ان العرسان دخلوا بصوا كلهم من الشبابيك.
لمحت عاليا ناصر داخل علي حصانه (اسمر) كان بالنسبالها شبه ابطال الاساطير ♥️
ودخل سيف قدامه بفرس تاني وكل واحد فيهم لابس جلباب الزفاف شكلهم كان يطير العقل
اتشارك الكل في التحطيب عزام وعمر وياسر وخالد كان فرح كبير اوي الكل كان فرحان من قلبه بجد وجع فراق علي وضحي وهدي كان ملازمهم لكن اللي حواليهم كان بيحاول يخفف عنهم
وبعد وقت طويل اخيراً الفرح خلص. طلع ناصر علي الجناح بتاعه وطلع سيف علي اوضته
ريم وعاليا كانوا مستنيهم فوق.
دخل سيف كانت ريم قاعده علي حرف السرير ومنزله راسها.
سيف…بإبتسامه باربي♥️
ابتسمت ريم بحب وبصتله
سيف….مبروك يا احلي باربي.
ريم.. الله يبارك فيك بص بقي احنا لازم نتفق علي حاجه.
سيف…وهو بيقلع ايوه ما احنا هنتفق علي حجات كتير.
ريم…بخوف سيف انا مش بهزر والنبي استني بس هفهمك.
سيف….ايوه ما انا هفهم وهفهمك بردو.
ريم….سيف استني هقولك حاجه انا خايفه والله العظيم منك🥺
سيف…بضحك خايفه مني انا ده انا غلباااان طب تصدقي بالله انا اللي خايف منك.
ريم…بإبتسامه رغم خوفها مني انا ليه بقي.
سيف….حاسس اني أتسرعت وهخس النص معاكي يا خايبه يا اللي مبتعرفيش تطبخي
ريم…بضحك حوش الشيف اللي معايا في الاوضه.
سيف…طب تتصدقي بالله انا مجهزلك مفجأه كنت مخبيها عنك
ريم…مفجأه ايه؟
سيف….هو انا مقولتلكيش🤔
ريم…لا مقولتليش
سيف…اسكتيييييي مش انا بقيت أستاذ في طريقه عمل الكنافه🙄
ريم…بضحك لا ياشيخ مصدقش
سيف….وانا ميرضنيش تعالي هقولك الطريقه اللي اتعلمتها بالمللي😉 شالها سيف من الارض
ضحكت ريم و دفنت راسها في رقبته بخوف وإحراج وسعاده وحب مشاعر متخبطه كتير لكن انتهت بفرحه متتوصفش♥️
دخل ناصر بخطوات بسيطه كانت عاليا واقفه مدياله ضهرها وواضح من كتفها اللي بيطلع وينزل انها متوتره جدا.
قرب منها بهدوء ورفع بأيده طرحتها رفع وشها ليه بهدوء وهو باصص بأنبهار
ناصر….إكده ياستي حرمتيني أشوف الجمر ده طول اليوم.
ابتسمت عاليا بإحراج.. شكلك حلو اوي.
ناصر….وانتي احلي من الجمر بحبك يا عاليا♥️
عاليا….و انا كمان بحبك يا ناصر
قرب ناصر من شفايفها لاول مره وكأنه اتمني كتير يوصل لنجمه في السماء واخيراً وصلها♥️
وفجأه رفعها ناصر من الارض حضنته من رقبته بحب بتعمل ايه يا ناصر.
ناصر….هروح انا وانتي مشوار طويل للچنه.
عاليا….😳هتموتني ولا ايه
ناصر..هو من ناحيه هموتك فاني هموتك😉😉
وراحت معاه عاليا تدوق جنته♥️
…………….
بعد مرور 3 سنوات.
اتجمع الكل مع بعض يوم وقفه عيد الاضحي.
كانت عاليا قاعده هي وريم اللي علي ايدها ناصر الصغير نايم في حضنها وفكريه معاهم دخل ناصر وهو شايل طفل صغير علي كتفه وسيف داخل معاهم وكان بيتكلم في التليفون.
ناصر….ان شاء الله يا حاچه همت هنكون عنديكم تالت يوم
همت…ماشي يا حبيبي تيجو بالف سلامه احمد بيسلم عليك كتير وبيقولك علي وحشه ووحشني انا كمان علي فكره.
ناصر…بإبتسامه سلميلي عليه كتير وجوليله انتوا كمان وحشتوا علي هنچيلكم ونعيد عليكم وياخد علي منيكم عديته كمان.
همت….يا سلام علي باشا مستنياه احلي عيديه بس هو يجي وينور علينا الدنيا بحالها
ناصر….هنچيكم ان شاء الله تالت يوم
همت….ماشي يا حبيبي يلا مع الف سلامه كل سنه وانتوا طيبين.
ناصر…وانتي طيبه يا امي ♥️ مع السلامه.
محدش فيهم علق علي كلامه مع همت واحمد لانها مكانتش اول مره ناصر من يوم اللي حصل وهو مش بيسيبهم.
ناصر…اخيرا خلصنا كل سنه وانتوا طيبين چميعاً عاليا خدي علي غيريله بهدل روحه في الدبيح.
رفعت عاليا حاجبها وكأنها أتلبست.
عاليا…وه 🤨 ايه اللي هببته في روحك ده يا واكل ناسك😭
علي…بطفوله بريئه كنت بدبح مع ناصر وسيف يا عاليا😡 مش اني راچل
عاليا….يا واد أسمه بابا واني اسمي ماما وده اسمه عمو سيف
ريم…بضحك اقول عليك ايه يا ناصر عوجت لسان البت😂🙈
ناصر…بضحك وانا مالي قعدت تقولي ملبوس ملبوس واهي في الاخر هي اللي أتلبست😂😂
ضحكوا كلهم وطلعت معاه عاليا غيرت لعلي ونضفته وخرجته يلعب مع ابن ريم ناصر الصغير😍
ناصر….عاليا هاتي البشكير.
عاليا…حاضر لحظه يا حبيبي.
خدت عاليا البڜكير وخبطت عليه
عاليا…امسك يا ناصر
مد ناصر ايده وشدها ليه جوه وقفل الباب.
عاليا….وه بتعمل ايه عاد يا ولد الناس🤨
ناصر…بضحك باخد العيديه بتاعتي 😉
عاليا…بضحك ناصر خليك مؤدب
ناصر….ياشيخه هو اللي يعرفك يعرف ادب
عاليا….بدلع يا ناااااصر
ناصر…يا عيون وقلب ناصر.
عاليا….بعد عني😉
ناصر….وإن مبعدتش🤨
عاليا….هجتلك يا ناصر♥️
ناصر…لو هموت علي يدك اني موافج.
عاليا….بحبك يا ناصر♥️
ناصر….واني كمان بعشجك يا ام علي😉
عاليا…🤨🤨لا بقولك ايه انا واحده حامل وهرموناتي مش متظبطه مسمعش كلمه ام علي دي تاني 😒🔪
ناصر…بضحك وهتج لي عليا اني ملبوس انتي بجيتي كل دجيجه بحال شويه تجلبي صعيديه وشويه تبجي طيبه وكيوت وشويه الشر هيطلع من عينك وعامله كيف البلطجي😂
عاليا….بضحك عاچبك ولا لاه عاد.
ناصر…..عاچبني يا جلب ناصر♥️
عاليا…وه بكفياك عاد🙈
ناصر….اهي وه دي اللي چابت أچلي عاد و انقض ناصر علي شفايفها و تاه معاها في دنيتهم الخاصه♥️
وأصبحت عاليا.
سجينه في قلب ناصر♥️
……………
تمت بحمد الله♥️🙏🏻
الخاتمه..
فكريه…واحد اتنين سرچي مرچي انت حكيم ولا تمرچي اني حكيم الصحيه العيان اديله حجنه والمسكين اديله لوجمه.
خرجت عاليا بسرعه من المطبخ وهي معاها طبق في تلج و فوطه.
عاليا….ايه يا تيته مش راضي يسكت بردو.
فكريه….الحراره مأريفاه يا ضنايا
عاليا…ربنا يستر.
فكريه…هاتي إكده…خدت منها طبق المايه بتلج..متخافيش يابتي دول شويه سخونه و هيروحوا لحالهم ده إكيد بيسنن عاد.
عاليا….انا خايفه يكون في حاجه تانيه غير التسنين ده.
فكريه….بضحكه اظهرت خطوط الكبر في ملامحها معلهش اصلك لسه مستجده الواد عيعض علي دراديره وبيريل كتير.
دخل ناصر في الوقت ده سلام عليكم.
عليكم السلام.
ناصر…بخوف علي ماله يا عاليا.
عاليا….متخافش يا حبيبي سخن شويه.
ناصر…و محددتنيش ليه طيب عشان اوديه للمستوصف
عاليا…تيته فكريه قالتلي انه بيسنن.
ناصر…بردك نطمنوا.
فكريه…ياولدي اني مربيه ابوك وعمك وانت وسيف وعلي الله يرحمه متخافش اهاا بجي احسن وحرارته نزلت وعينام كمان.
ناصر….بقلق طيب أچيبله أي علاچ.
عاليا….لا لا كل حاجته معايا متقلقش.
ناصر…طيب اعملي حسابك لو الحراره ردتله من تاني هروح بيه المستوصف او ابعت أچيب دكتور.
عاليا…حاضر يا ناصر.
فكريه…خدي يابتي طلعيه علي اوضته فوج ودفيه زين الچو برد عليه.
عاليا…حاضر يا تيته.
وقبل ما تشيله عاليا وطي ناصر علي الكنبه شاله قبلها عشان هي حامل.
عاليا…سيبه يا حبيبي انا هطلعه.
ناصر…لاه تجيل عليكي تطلعي بيه كل ده.
فكريه….هجول لمحاسن تحضرلك الوكل لحد ما تغير.
ناصر….لاه معايزش الوجت يا ستي.
عاليا…بصوت هامس انا اللي عملت الاكل.
ناصر…بصوت عالي خلاص ياستي خليها تحضره.
طلعوا مع بعض فوق حط ناصر علي عالسرير الخاص بيه وباسه بهدوء من راسه.
راحت عاليا علي الدولاب طلعتله غيار نضيف وراحت تجهزله الحمام.
عاليا…يلا يا حبيبي ادخل خد الشاور بتاعك لحد ما محاسن تطلعلك صنيه الاكل.
ناصر…وانتي مهتاكليش معاي؟
عاليا…انت عارف يا حبيبي مقدرش اسيب تيته فكريه تتغدي لوحدها.
ناصر….مليش صالح لو مهتاكليش مهاكلش وبعدين غدا ايه ده الوجت الساعه عشره بليل زمانك چوعتي.
عاليا….طيب خلاص هاكل معاك حاجه بسيطه.
ناصر…بحب إيوه إكده يلا هدخل و مهتأخرش عليكي.
خد ناصر حمامه وخرج لقي الاكل جاهز كلوا مع بعض وبعد الاكل خدت محاسن الصنيه ونزل ناصر يشوف حاجه مهمه في مكتبه خاصه بالشغل. رجع لقي عاليا قاعده علي الكرسي في بلكونه الاوضه.
الجو كان برد اوي شافها قاعده و حاضنه كتفها بأيدها.
سحب الشال بتاعها من علي السرير وراح علي البلكونه فرد الشال بأيده علي ضهرها وضمه بايده لصدره ومال علي خدها باسها بحب
لفت عاليا وشها ليه و ابتسمت بحب.
عاليا…خلصت شغلك؟
ناصر…إيوه خلاص فكرتك نمتي.
عاليا….لا مش جايلي نوم وقولت استناك.
ناصر….مالك يا عاليا حاسس انك مش زينه.
عاليا….ابدا يا حبيبي بس بفكر.
ناصر…هتفكري في ايه🤨ومين اللي شاغل تفكيرك عاد🤨
ابتسمت عاليا بحب العرق الصعيدي ظهر قوام🤨
ناصر….جولي هتفكري في ايه عاد🤨
عاليا….خايفه يا ناصر.
ناصر…بحب خايفه من ايه ياعاليا.
عاليا….يعني من الحمل بصراحه من يوم ما حملت وانا بأنب في نفسي حاسه ان الحمل مكانش وقته خالص خصوصا ان علي لسه يادوب مكمل سنتين
وفجأه اتحول ناصر.
ناصر….حبيبي في حد يخاف من رزق ربنا ليه الاطفال دي رزق يا عاليا وبعدين انتي مش عايزه تجيبي اطفال تاني مني ولا ايه🤨
عاليا…بإبتسامه لا طبعا عايزه بس زي ما قولتلك كل الحكايه اني خايفه وبعدين بصراحه بقي من اخر زياره روحناها للدكتوره وقالتلي انه ولد بردو وانا مضايقه يا ناصر كان نفسي اجيب بنت وأسميها ضحي.
ناصر….اولا بقي بنت او ولد كل اللي ربنا يجيبه خير ولازم نشكره عليه ثانياً انا قولتلك نسيب ضحي دي لريم نفسي يا عاليا ربنا يرزق ريم وسيف ببنت و يسموها ضحي وهي وعلي يكبروا و يتجوزوا نفسي حكايت علي وضحي اللي مكملتش تكمل
عاليا حست بحزن ملامحه حبت تغير الكلام طيب وقدر بقي حد فيهم محبش التاني هتجوزهم بالغصب ولا ايه🤔
ناصر….بإبتسامه لا مفيش غصب في الحب انا بقول نفسي والباقي بقي نسيبه لربنا والايام.
عاليا….بس تعالي هنا من كلامك يعني شيفاك مبسوط اننا هنجيب ولد تاني🤨
ناصر….ومتبسطش ليه يارب تجيبي بدل الولد عشره وانا اكرهه
عاليا….اه وانت تعبان في حاجه صحيح انا اللي بحمل وبولد وبتعب
ناصر….بزمتك انا مش بتعب بردو😉😉😉
عاليا…بإحراج ابتسمت علي فكره انت قليل الادب🙄
ناصر…..انا ايه🤨
عاليا….بضحك ايوه قليل الادب
ناصر…بحب بس بحبك♥️
عاليا….حتي وانا شبهه الكوره كده بتحبني؟
ناصر….حتي لو ايه بحبك وبموت فيكي وهتفضلي في نظري احلي ست في الدنيا.
عاليا….بجد يا ناصر.
ناصر….بجد يا عيون ناصر ويلا قومي بقي عشان الجو برد عليكي
عاليا….خليني شويه انا مش جايلي نوم وبعدين انت واحشني اوي طول النهار في الشغل خلينا شويه نتكلم في اي حاجه.
ناصر…طيب تعالي ندخل جوه ونتكلم براحتنا جوه بس اسمعي الكلام الهواء ده غلط عليكي.
عاليا….حاضر يلا بينا.
دخلت عاليا قفل ناصر شباك البلكونه كويس وشد الستاير وراح وراها علي السرير دخل تحت البطانيه وشد عاليا لحضنه.
عاليا….انت هتنام😔
ناصر….لا يا حبيبي انا صاحي معاكي اهو.
عاليا….طيب اتكلم في اي حاجه.
ناصر….عيزاني اتكلم في ايه طيب
عاليا…اي حاجه ولا انت خلاص كلامك خلص😔
ناصر….بضحك يالهوي علي هرمونات الحمل دي🙈
رفعت عاليا راسها من صدره وبصتله قصدك ان انا بقيت نكد
ناصر…بحب باسها من راسها لا ياقلبي انتي قمر
ابتسمت عاليا ورجعت نامت تاني علي صدره و حضنته طيب يلا احكيلي اي حاجه.
ناصر….طيب ما انا مش عارف احكيلك ايه قوليلي انتي.
قامت عاليا قعدت قدامه وهي مربعه رجلها وبصتله.
عاليا….احكيلي كنت عايش ازاي قبل ما نتجوز كنت بتعمل ايه زمان قولي حبيت قبل كده ولا لا
ناصر….بإبتسامه مسك ايدها قبلك يا عاليا كنت عايش عادي حياتي كانت عاديه جدا كلها شغل وبس كل اللي كان في حياتي علي وسيف و ستي والبلد وبس كانت حياه هاديه وجميله بس كانت عاديه جدا يعني مكانش فيها حاجه مثيره للإهتمام
عاليا….طيب حبيت قبل كده يا ناصر.
ناصر…بضحك مش عارف ليه حاسس ان ده تحقيق مش مجرد كلام🤨
عاليا….ااااه قول بقي انك بتهرب من السؤال🤔
ناصر….😂😂😂لا والله ابداً بس صدقيني عمري ما حبيت والله يا عاليا مش عشان اي حاجه بس زي ما قولتلك انا شايل البلد من بعد ما اتخرجت من الجامعه وبعد تعب ابويا حسيت اني مره واحده بقيت مسؤول مكانش في اي وقت لحاجه تانيه ولا كان الحب والكلام ده شاغل بالي.
عاليا….بحب طيب وحبتني امته يا ناصر.
ناصر…هتصدقيني لو قولتلك
ان اول مره شوفتك فيها حبيتك ياعاليا يمكن الجو العام واللي كان حاصل وقتها مكانش مخليني مركز في شعوري ده ولا كنت واخد بالي بأي حاجه بس بعد كده حسيت ان قلبي دق ليكي عارفه يا عاليا اوقات لما كنت اشوفك خايفه مني او دموعك نازله بسببي كان بيبقي هاين عليا اجي اخدك من ايدك و أرجعك علي بيتك عشان ترتاحي بس كل مره كنت باخد القرار ده كنت بسرعه برجع في كلامي لاني مش هقدر احس انك بعدتي عني وكمان كنت خايف عليكي تبقي لوحدك.
انا عمري مالمست اي واحده فالدنيا بس كانت بتبقي احلي لحظه في عمري وقت ما بحس بضعفك واخدك في حضني.
اوقات كتير كنت بقعد اعنف نفسي عشان سمحت لنفسي اني ألمسك وده مش من حقي بس كنت ديماً في حاجه جوايا بتقولي انك بتاعتي وهتبقي علي اسمي
لما عرفت من سيف ان انتي وريم رجعتوا البيت كنت هتجنن وكنت بين نارين اولا مش عايز اسيبك لوحدك مع سيف مش عشان مش واثق فيه لا طبعا سيف ده ابني زيه زي علي الله يرحمه بس كنت غيران عليكي وفنفس الوقت مكنتش عايزكم ترجعوا لوحدكم لاني كنت خايف عليكي انتي وريم قولت لسيف يقنعكم تفضلوا مع اني كنت واثق انك مش هتوافقي وبيني وبينك مكنتش عايزك توافقي بس قولتوا لو رفضت متضغطش عليها بس عينك متنزلش من عليهم وديما تكون معاهم صدقيني يا عاليا انا مكنتش قلقان ولا خايف من حمايه السجن دي خالص كل اللي كان مضايقني اني أفضل بعيد عنك٠
انا حبيتك يا عاليا من غير ما احس كل يوم وكل دقيقه كانت بتعدي كان حبي ليكي زي الطفل اللي اتولد و بيكبر كل شويه قدام عيني كنت شايف حبك ليا في عينك وفي كل تصرفاتك يمكن مفيش مره حسيت اني عايز اقولك كلمه بحبك لاني كنت واثق انك حاسه بيها وانا مكنتش محتاج اقولها عشان اثبت حبي ليكي ياعاليا كنت بحبك وبغير عليكي وبخاف عليكي وحاسس بالمسؤوليه تجاهك كنت شايف نفسي اب ليكي واخ وصاحب وحبيب بإختصار ياعاليا اللي جوايا ليكي صعب عليا اوي انه اقدر افهمهولك انا لحد الوقت ياعاليا يمكن مش قادر اظهرلك جزء واحد حتي لو واحد في الميه من اللي جوايا مش قادر احسك غير بنتي الصغيره اللي بخاف عليها من كل حاجه من التعب والوجع والخوف من الوحده من المسؤوليه بخاف عليكي لما علي يتعبك معاه ببقي هاين عليا افضل شايله طول الوقت عشان انتي تكوني مرتاحه
انا بحبك اوي ياعاليا.
عاليا…بحب 🥺وانا بحبك اوي يا ناصر ويمكن كمان انا فعلا بحس من طريقتك انك ابويا قبل ما تكون حبيبي وجوزي وابو ابني عارف يا ناصر اوقات كتير لما بقلق و اقوم من النوم و الاقيك و اخدني في حضنك بفضل بصالك والمسك بأيدي عشان اتأكد انك معايا بجد من كتر ما انا عايشه معاك اسعد حد في الدنيا بخاف تكون حلم جميل يا ناصر بخاف اصحي منه انا مفتكرش ابدا حنيه بابا عليا يمكن مكانش شخص وحش بس عمري ما شوفته شخص كويس عشان امي كانت ديما بتعيط و بتتوجع منه يمكن مكانش شخص في صفات وحشه اوي بس هو فيه اكبر طبع وحش في الدنيا كلها انه اناني يا ناصر وبيحب نفسه اكتر من اي حاجه
لما جيت معاك هنا يا ناصر في البدايه كنت بخاف منك اوي لما كنت تبصلي او صوتك يعلي شويه كنت بموت في جلدي مع اني عمري ما كنت خوافه بس اللي مريت بيه كان مخليني مهزوزه وبخاف من أقل حاجه بس بالرغم من خوفي منك كنت بلاقي الامان معاك يا ناصر مكنتش بطمن غير وانا جمبك وفي حضنك عارف الشعور اللي هو اخاف منك والاقي اماني معاك هو ده اللي كنت بحسه معاك يا ناصر لدرجه اني اوقات كنت بحب شعور خوفي منك عشان بسرعه بلاقيك اتحولت وخدتني في حضنك و عيشتني في امان انا محتاجه.
ناصر…بإبتسامه اممممم بمناسبه اتحولت بقي وملبوس دي ايه حكايتهم معاكي🤨
عاليا…بضحكه جميله عشان انت فعلا ملبوس يا ناصر بحس انك ميكس كده غريب بس جميل
ناصر…جميل اوي ولا نص نص😉
عاليا…لا جميل اوي اوي 😍
ناصر…طيب قوليلي بقي بما اني طلعت متعدد الشخصيات 🤨ايه اكتر شخصيه بتعجبك فيهم
عاليا…كلك علي بعضك يا ناصر لما لتكون متعصب او بتتكلم جد بتقلب راجل صعيدي علي حق ولما بتكون هادي كده وجميل بتقلب علي شاب قاهري شويه بلاقيك شاب چان وچنتل وحد كده وقور وشويه بلاقيك راجل ليه هيبه ويرعب لكن في الحالتين نظره عينك عمرها فقدت الحنان والطيبه والحب اللي فيهم بإختصار يا ناصر انت كل حاجه جميله وعكسها اللي اجمل منها♥️
شدها ناصر لحضنه ونيمها علي صدره وفضل يلعب في شعرها بحنان كأمها طفلته المدلله♥️
عاليا…ناصر.
ناصر….عيون ناصر.
عاليا…بصتله هو احنا هنرجع امته القاهره.
قرب ناصر من شفايفها في قبله سريعه😍.
ناصر…هنقعد بكره طول اليوم عشان لسه بخلص شويه حجات وبعد الفجر هنمشي يكون النهار طلع و يادوب نرتاح اليوم ده ونظبط نفسنا عشان نروح فرح خالد.
عاليا….دي رغده عملاله فرح عشان اخيراً هيتجوز
ناصر…معاها حق طول الوقت رافض الجواز ومهتم بشغله خليل باشا كمان فرحان اوي.
عاليا…بصراحه هما يستاهل ا كل خير الناس دي بجد محترمين اوي انا بحبهم وبقيت احس انهم عيلتي بجد .
ناصر….فعلاً هما بجد حد كده مبقاش موجود الوقت.
عاليا…ربنا يسعدهم يارب ويكمل فرحتهم بخالد علي خير .
ناصر…يارب يا قلب ناصر ممكن يلا بقي تنامي عشان انا هصحي بدري.
عاليا…بدلع انت هتنام وتسيبني🥺
ناصر…بحب مش قادر يا عاليا تعبان♥️
عاليا….طيب نام خلاص🥺
ناصر…🤨عايزه ايه ياعاليا وبطلي دلع بقي يرضيكي اصحي الصبح مبقاش شايف وارجع عالفجر نسافر واسوق كل المسافه دي
عاليا….لا ميرضنيش🥺
ناصر…طيب تعالي يلا في حضني وهحكيلك حدوته😉
عاليا…بإبتسامه ماشي بس يارب متنامش في نصها كالعاده نفسي اعرف بتنتهي علي ايه.
ناصر…بضحك لا متقلقيش انهارده هكملهالك كلها.
دخلت عاليا جوه حضنه غطاها كويس كأنه بيغطي بنته♥️
ناصر…صلي علي النبي.
عاليا…عليه الصلاه والسلام.
ناصر….كان في زمان بلد صغيره متطرفه في مكان بعيد البلد دي سكانها كانوا يتعدوا علي صوابع الايد كان فيهم اتنين رجاله يعتبر هما رمز القوه في البلد دي لكن كل واحد فيهم كان بيمتلك صفات مختلفه عن التاني لكن الاتنين كانوا كويسين جدا بيساعدوا الناس و بيقفوا معاهم في مشاكلهم و يحلوها عمرهم ما رضيوا بالظلم لكن في يوم كان لازم البلد دي يكون ليها حاكم وطبعا مينفعش ابدا ان الاتنين يحكموا البلد وانقسم رأي الناس في الاختيار بينهم فا قرر شيخ البلد دي انه ينهي الخلاف ده ويعرض عليهم مشكله عشان بشوف كل واحد فيهم هيحلها ازاي مع العلم ان الاتنين كانوا صحاب جداً لكن أفترقوا عن بعض لانهم بالصدفه حبوا نفس البنت فكان بينهم زي مابيقولوا مصانع الحداد وفي عز ماكانوا بقوا اشد اعداء لبعض إلا انهم مكانش فيهم حد بيقبل كلمه علي التاني والحب اللي جواهم لبعض كان مخليهم ديماً مبيتمنوش لبعض غير كل خير وعرض الشيخ عليهم المشكله كل واحد فيهم بعيد عن التاني.
وفي يوم….
سكت ناصر وحست عاليا ان سكوته طال رفعت راسها ليه وأبتسمت اول ما شافته نام
رفعت راسها لخده باسته بهدوء
فتح ناصر عينه بتعب وباسها من شفافيها بحب و أبتسم نكملهت بكره.
عاليا…بحب وانا هفضل مستنيه اليوم اللي تكملها فيه♥️
خدها ناصر في حضنه وراحوا في سابع نومه.
………….
في صباح يوم جديد خرج ناصر علي شغله وطول اليوم عاليا كانت مقضيه يومها مع فكريه ومع علي اللي اتحسن كتير وبعدها طلعت تحضر شنطتهم وعدي اليوم بسرعه وسافر ناصر وعاليا علي القاهره.
وصلوا علي آذان الضهر وطلعوا ناموا شويه.
وعلي آذان المغرب صحيت عاليا عشان تحضر الاكل سمعت صوت خبط علي الباب راحت فتحت لقتها ريم وسيف.
ريم…انتوا لسه نايمين قوموا بقي بلاش كسل وامسكي مني الاكل ده
عاليا….كنا جايين تعبانين خالص وبعدين ايه الاكل ده انا لسه كنت هعمل حاجه سريعه
ريم…تعملي حاجه سريعع وانتي جايه من سفر واختك راحت فين ان شاء الله🤨 نسيتي اني احسن شيف في الدنيا.
سيف…بضحك مؤخراً احسن شيف😂😂
ريم…بضحك شايفه جر الشكل تنكر ان انك مبقتش تقدر تاكل غير من ايدي🤨
سيف….بضحك لا يا قلبي مقدرش انكر ابداً
عاليا….بضحك بيهزر معاكي وبعدين الراجل ده يتعمله تمثال لانه كان فتر تجارب للاسف😂😂
سيف….بضحك اهي اختك شاهده اني كنت عايش في معاناه
ريم….خلينا في الوقت ملكش دعوه بزمان ده خالص حاول تنساه والنبي😂😂😂
سيف….خلاص نسيته متقلقيش😂😂 احط ناصر فين
ريم….ما تحطه علي الارض انتوا هتقرفوني ليه انت وابنك😒
سيف…نقرفك🤨
ريم…😂😂😂اه في اعتراض انتوا الاتنين مبتبطلوش زن
سيف…عاجبك ولا لا🤨🤨
ريم…🙄عاجبني
عاليا….خوافه عاملين زي القط والفار امسك يا سيف علي قعدهم يلعبوا لحد ما اصحي ناصر.
سيف….هي جات علي سي علي باشا هاتي يا ستي .
دخلت عاليا صحت ناصر.
عاليا…ناصر حبيبي يلا قوم
ناصر…سبيني شويه ياعاليا اني تعبان.
عاليا…قوم بقي بلاش كسل ريم وسيف بره وجايبين الاكل معاهم يلا عشان ناكل سوا.
فتح ناصر عينه بتعب وقام سند راسه علي السرير وهو بيفرك عينه بتعب فتح عينه وبصلها بحب صباح ال….😡
ناصر…انتي فتحتي الباب إكده؟
عاليا…كده ازاي يعني؟
مسكها ناصر بغضب من ايدها فتحتي الباب بخلجاتك دي يا ياعاليا.
عاليا…بخوف انا مكنتش اعرف ان سيف معاها يا ناصر فكرتها ريم بس.
ناصر…كمان يعني زي العاده تفتحي الباب من غير ما تعرفي مين بره كام مره اني حذرتك ياعاليا هاااا جولتلك كد ايه الباب ميتفتحش غير بعد ما تعرفي مين بيخبط وتلبسي كيف الخلج.
عاليا…بخوف انا اسفه بس كنت لسه صاحيه ومش مركزه🥺
ساب ناصر ايدها وهو بينفخ بغضب و بيدعك وشه بصلها بغضب وقام من علي السرير وهو بيحدف البطانيه تغيري خلجاتك وتخرجي مفهووووم
هزت عاليا راسها بصمت
دخل ناصر الحمام غسل وشه وخرج ليهم وهي وقفت تغير هدومها.
بعد وقت بسيط اتجمعوا كلهم علي السفره حاولت عاليا تبتسم ومتبينش ان في اي حاجه طول الوقت مناقره سيف وريم كانت عامله جو بينهم ناصر كان بيضحك من قلبه كأن مفيش اي حاجه حصلت لكن خد باله منها انها مش بتاكل وبتأكل علي من غير اي كلام شال علي من ايدها
بصتله عاليا.
عاليا…سيبه انا بأكله.
ناصر…انا هأكله كلي انتي عشان مكلتيش.
هزت عاليا راسها بصمت وبدأت تاكل في هدوء.
بعد الاكل قعدوا مع بعض.
ريم….هتلبسي ايه بكره في فرح خالد.
عاليا….ناصر جابلي فستان بس لسه مستلمهوش المفروض هنستلمه انهارده
ريم…بس ده مفيش وقت.
ناصر…شويه و هنزل استلمه هو والبدله بتاعتي وبدله علي هما خلصوا خلاص.
سيف…بقولك ايه ماتيجي نروح بكره بعربيه واحده ونخلص.
ناصر…ماشي مفيش مشكله.
عدي الوقت بسرعه نزل ناصر يستلم اللبس بتاعهم وقامت عاليا روقت الدنيا بعد ما علي نام ودخلت خدت شاور وخرج تتسرح سمعت الباب بيتقفل وثواني وفتح ناصر الباب عليها
ناصر….سلام عليكم.
عاليا…عليكم السلام.
ناصر…علي نام خلاص
عاليا…..بإقتضاب ايوه.
بصلها ناصر بطرف عينه كان باين عليها الزعل دخل غير هدومه وخرج لقاها قاعده علي السرير بتقرأ كتاب.
ناصر….شوفتي الفستان؟
عاليا….لأ
ناصر…طيب شوفيه وقيسيه عشان لو في حاجه.
عاليا….حاضر
قامت عاليا فتحت السوسته وخرجت الفستان ودخلت في الدريسنج قاسته وبعد كده قلعته بسرعه وخرجت تاني.
ناصر….فين الفستان مقستيش ليه؟
عاليا…قيسته كويس
ناصر…ايوه بس انا مشوفتش كويس ولا لأ
عاليا….مش قادره اقيس تاني يا ناصر المقاس كويس زي مقاسي بالظبط. تصبح علي خير وقبل ما تحط راسها مسكها ناصر من كتفها
ناصر….واني بجولك مشوفتش وحكايه المجاس دي اني اللي اجولها يا عاليا.
عاليا….بغضب بصتله وقامت شدت الفستان راحت لبسته وخرجت وقفت قدامه في صمت
ناصر….لفي.
عاليا…🤨نعم
ناصر…بجولك لفي.
عاليا…علي فكره بقي انت كنت معايا وانت بتاخد المقاس ودي مش اول مره اعمل فيها فستان
ناصر….سمعتي جولت ايه صوح
نفخت عاليا ولفت ضهرها ليه
بصلها ناصر برضا….روحي غيري
مشيت عاليا علي الدريسنج غيرت وهي غضبانه علي اخرها وخرجت نامت علي السرير في صمت
قفل ناصر النور و اداها ضهره ونام.
فضلت عاليا تتقلب في السرير مش عارفه تنام غضبانه منه ومضايقه عارفه انه بيغير عليها لكن طريقته زعلتها قامت بهدوء من جنبه وخرجت بره نامت علي كنبه الانتريه.
ناصر كان حاسس بيها وعارف انها مضايقه ومش هتعرف تنام ابدا وهي مش في حضنه
حس انها اتأخرت خد نفس طويل وقام خرج علي بره لقي النور مقفول وهي نايمه علي الكنبه قرب منها مسك كف أيدها قومها ومشي بيها من غير كلام ولا هي حتي قالت كلمه مشيت معاه في صمت
دخل بيها الاوضه نيمها علي السرير ونام جمبها وشدها خدها في حضنه واول ما قربها ليه مسكت بايدها في صدره
ناصر…بصوت مبحوح مش معني اني مجدرش علي زعلك اني هوافج ان اللي حوصل يتكرر تاني يا عاليا انتي عارفه اني محبش حد يشوفك إكده ماشي ياعاليا
هزت عاليا راسها من غير اي كلام
رفع ناصر وشها بأيده وقرب من شفايفها واتكلم بصوت هامس قدامهم بحبك ياعاليا
ابتسمت عاليا بحب وانقض ناصر علي شفافيها وفضل بطبع قبلاته علي كل حته فيها وتاهوا مع بعض في عالمهم الجميل♥️
…………….
في قاعه من اكبر قاعات فنادق مصر حضر جميع المناصب الكبيره
وقف خالد في وسط القاعه يستقبل عروسته.
رغده….خالد زي القمر مش مصدقه انه اخيرا هيتجوز
عمر…بضحك اسكتي بقي احسن يرجع في كلامه مصدقنا اقتنع🙈
شيماء…لا خلاص هو دخول الحمام زي خروجه ولا ايه
خالد…ايوه تعترفي خدتونا لحم ورمتونا عضم
رغده…خير شيفاك معترض يا دكتور🤔
عمر…وانا اقدر بردو🙄
شيماء…عقابا ليك بقي امسك شيل بنتك عشان اقف مع اخويا
عمر ..اه انتي بتدبسيني🤨
رغده…لو عاجبك😛
عمر…بحب عاجبني يا قلبي انا اقدر اقول حاجه
رغده…بحب ايوه كده♥️
شيماء…ايه القمر ده ياريم انتي وعاليا
ريم…بجد والنبي شكلي حلو
شيماء …قمر طبعاً والواد السكر ده قمرين لو كان اكبر شويه من مرام بنتي مكنتش سبته ابدا يا خرابي علي السكر يا ناس وقربت من خده باسته.
خليل….نورت يا عمدتنا
ناصر…بضحكه جميله بنورك ياسياده المستشار عقبال ما تفرح بولاده.
خليل…يارب يا ناصر وتفرح بعلي الصغير
ناصر…اللهم امين. بص ناصر علي عاليا بحب تصدقي بالله
عاليا…لا اله الا الله
ناصر…انتي احلي من العروسه واحلي واحده في المكان كله
عاليا…بحب يابكاش
ناصر…بضحكه جميله والله ما بكش مش مصدقاني.
عاليا….امممم يعني.🙄
ناصر…طيب بقول ايه
عاليا…قول
ناصر…ماتيجي نهرب ونرجع علي البيت
عاليا…بضحك وه اتحشم يا عمده.
ناصر…بضحكه رجوليه تجنن اهو بعد وه دي مش هسيبك يا مرت العمده
عاليا…ناصر بطل جنان الفرح لسه في اوله
ناصر…بحب علي چثتي 😉
عاليا…طيب والله موافقه بس نستني شويه سيف يقول ايه هو وريم دول جاي معانا يا مجنون هيفضحونا
ناصر…بضحك جدامك ربع ساعه بعد إكده متلوميش غير حالك🤨
………….
بعد وقت طويل تحديداً في اوضه عاليا وناصر.
ناصر…عاليا.
عاليا…امممم
ناصر….نمتي
عاليا… لأ
ناصر….طيب في كلام تاني لسه مقلتهوش
عاليا….بدلع انت مش بتزهق أبداً
ناصر…في حد يزهق من الجنه♥️
عاليا…بحب لأ
ناصر…طيب عايزه تحرميني منها ليه.
عاليا…مقدرش يا قلب عاليا حضنته عاليا ونام ناصر علي صدرها ياخد نفسه بحب وهو بيتنفس ريحتها اللي بقت ادمان.
وراح معاها تاني في عالمهم الخاص اللي قدروا يكبروا مع بعض♥️
ونسيبهم بقي في دنيتهم
أشوفك علي خير♥️
- يتبع الفصل التالي اضغط على ( رواية سجينة مع وقف التنفيذ ) اسم الرواية