رواية الحب الروحاني كاملة بقلم يارا عبد السلام عبر مدونة دليل الروايات
رواية الحب الروحاني الفصل الثاني و العشرون و الاخير 22
تقى بعصبية وبصتله:متحل عنى بقى دانت رخم اووي..
يوسف بصدمة:انتى؟
تقى بصتله بقرف:انت اى جابك هنا يا ابو مناخير كبيرة انت
_مناخير كبيرة!!
_اه اصلك بتحشرها في كل حاجه وبعدين انت اي جابك هنا هوا أنا كل لما اروح في حته هلاقيك ورايا..
يوسف:اي حيلك حيلك على فكره انا مش عارف اي اللى جايبك انتى في فرح اخويا
_هوا محمد ليه اخوات؟؟انا اول مره اعرف …
_محمد مين يا انسه انتى شكلك تايهه اصلا وعامله نفسك شبح..
تقى:أنا فعلا شكلى تايهه طيب هروح فين دلوقتي
يوسف ببرود:مش شغلتى شوفي انتى كنتى رايحه فين وارجعى..مش أنا حشري؟؟شوفي بقى هتلاقى مين يساعدك..
تقى بصت حواليها ملقتش حد تعرفه هنا تقريبا متعرفش غيره دا حتى اسمه متعرفهوش..
بس هى مش ضعيفه ..
_خلاص مش عوزا منك حاجه أنا همشي هروح اشوف فرح محمد وحبيبة فين
_محسسانى أن محمد دا ابن خالتك وانا معرفش..ولا يكون الكراش..
_كراش اي يا غبى انت دا جوز صحبتى وانا دلوقتي تهت وزمان الفرح خلص اصلا يا خسارة مجيتى وتعبى عالفاضى…
يوسف بغمزه:بس احسن انك مروحتيش اهو شوفت القمر اللي جواكى بدل جعفر اللي شوفته اول مره
_عاجبك ولا مش عجبك
_عاجبنى يا وحش انتى محسسانى انك مأمور سجن النسا لى معرفش..
_اي دا انت عرفت ازاي
_اي دا هوا انتى ظابط!؟
تقى بفخر وغرور:حضرة الظابط تقى لو سمحت..
يوسف بسخرية:تعرفي
_اي
_تعرفي أن الفرح دا مليان ظباط ولواءات وغيره
_لى يعنى كنتو مين
يوسف بفخر:معاكى الرائد يوسف
تقى بصوت مهزوز وتوتر:ررائد دا بجد
_تحبي اطلعلك الكارنيه..
_ايوا انت اكيد بتكدب..
ابتسم وطلع الكارنيه بتاعه..
_خدي
مسكته وفضلت تبصله وتبص للكارنيه بصدمه وذهول..
_مش معقول انت
_أنا اى.
تقى بدموع:أنا أنا اسفه جدا يا باشا..
يوسف بضحك:قلبتى عصفور يعنى
تقى بغرور:ايوا علشان انا بحب شغلى
_علشان انتى عبيطه
_ازاي يعنى
_علشان يتخلى اي حد يتحكم فيكي يعنى انتى لو واثقه في نفسك مكنتيش خوفتى كدا..
_عندك حق عن اذنك بقى
_لا ودي تيجي أنا لازم اوصلك دا واجبى الوطنى ولا انتى مش عوزانى اخاف عالوطن وبنات الوطن..
تقى اتكسفت وبصت في الارض
_اي دا اللهم صل عالنبي دانتى طلعتى بنت اهو وبتتكسفى لا دانا لازم اوريكى لماما..
بصتله باستغراب ولسه هتتكلم لقته بيشدها من ايديها ورايح بيها لامه…
_ماما الانسه تايهه ومش لاقيه الفرح اللي معزومه فيه يرضيكي تمشي بايديها فاضيه…
أمه بصتله ولقته بيغمزلها:لا يا حبيبي وقربت منها بتقييم .
_حلوة يا ولا والله وعرفت تختار..
تقى بصتله بذهول وهوا واقف مبتسم…
الام:وانتى يا عسوله بنت مين
تقى بتوتر:أنا بنت*****
_اي دا دانتى مامتك حبيبتي تعالى يا حبيبتي اقعدى معايا احكيلك عنى أنا ومامتك..
بصت ليوسف اللي غمزلها :اسيبك أنا مع ماما بقى هتحبيها اووي …
كانت بصاله بغيظ لكنه اختفى من قدامها..
احمد شاف سارة خارجه برا بص ليوسف
_اخرج وراها
_للدرجادي انت واقع
_اوي يا صاحبى
_خلاص أنا قررت اصارحك..
احمد بصله باستغراب ويوسف حط أيده على كتفه:يؤسفنى اقولك أن ساره متطلقه اصلا من تلات شهور
وضحك على منظر احمد
_صدق انك عيل رخم
_لعبت بمشاعرك ولا لا
_روح يا يوسف يارب تدوق مرار الحب يا شيخ
بص على تقى وقال:شكلى هدوقه قريب يا ابو حميد
احمد زقه وخرج ورا ساره
_الله يسهلو..
يحيي وهوا باصص في عيون نور :أنا حاسس انى بحلم
_وانا حاسه ان احلامى بقت حقيقه
نفسي الكل يرتاح نفس الراحه اللى أنا حساها دي
يحيي:كفايه قلبك الطيب دا هوا اللى بيساعد اي حد وكمان حسيت ان في حاجه حصلت النهارده خلت سارة تتغير كدا..
نور سندت برأسها على كتفه وقالت:انسى كل حاجه وركز في لحظتنا دي سوا وبس ممكن..
تتنهد وباسها من راسها وبدأ يتمايل معاها على الاغنيه..
يحيي بص ليوسف:تحسي أن في حركه مش طبيعيه..
نور بضحك:قصدك يوسف اصل البنت اللى شوفناها معاه من شويه كانت هزقته قبل كدا وانا معرفش اي جابها هنا الصراحه..
_بس شكل في حكايه جديده
_اممم يمكن
_انا متأكد…
الام:انتى مرتبطه
_لا
_اصل ابنى يوسف دا الصغير ونفسي افرح بيه..
تقى بصتله وهوا واقف مبتسم ليها وهز رأسه بمعنى استمتعى بالكلام مع ماما واتعودى عليها كدا كدا هتبقى حماتك…
غمزلها وكمل كلامه مع صحابه ..
لقت نفسها بتبتسم على جنانه..
الام:اي رايك يوم الخميس الجاي
_خميس الجاي اي
_اكلم ماما ونيجي نطلب ايدك
_اي
_اي يبنتى أنا الصراحه شايفه أن دا انسب معاد ..
تقى بصتلها بذهول يعنى هى جايه فرح مش تبعها وخلاص هيجوزوها..
يوسف قرب :ها وصلتوا لفين
الام:يوم الخميس الجاي
يوسف:انسب ميعاد يا ماما
تقى قامت وبصتله بعصبية..
تقى:انت بتقول اي
_بقول انك مش هتخرجى من هنا الا لما احط الكلابشات في ايدك زي مانتى كلبشتيني كدا ..
_لا أنا همشي..
_امشى أنا كدا او كدا هتجوزك يلا هسيبك مع حماتك
احمد قرب من سارة اللى واقفه بتتنهد بتعب وكل شريط حياتها بيعدى قدامها ولقت نفسها اكتر واحده خسرانه في اللعبه دي…
_هو الخسران
كان صوت احمد ساره استغربت وبصتله..
_افندم..
قرب منها بابتسامه:قصدي أن طليقك خسر كتير لما عمل كل دا ودخل السجن واحسن حاجه أنه طلقك علشان تتيحلى الفرصه انى اقف مع القمر..
_نعم!!
_انا الرائد أحمد أبو النصر صديق يوسف الصراحه لما شوفتك اعجبت بيكي جدا واتمنى انك يكون بينا حبل وصال..
سارة باستغراب:وانت تعرف عنى اي علشان تقول الكلام دا …
_انا عارف كل حاجه عارف انك اسمك ساره ومطلقه وعندك ابن اسمه سليم والمعلومات اللى عندي كفايه انها تعرفنى عنك كل حاجه
_هوا الجواز والعلاقات دلوقتي بقى عباره عن معلومات انت عارف شخصيتي اي
_انا مستعد اديكي الوقت اللى انتى عوزاه تفكري واتمنى مترفضيش ولسه هيمشي وقف :على فكره انا عارف كل حاجه من اول جوازك من جمال لحد اللى وصلك لهنا حتى عارف علاقتك بيحيي وكل اللى حصل وأعتقد أنه جه الوقت اللى تفوقى فيه لنفسك وتشوفي حياتك بعيدا عن الضغوطات دي كلها عن اذنك..
مشي وسارة اتنهدت بتعب وبصت قدامها بشرود تاني …
عدت سنه على ابطالنا …
في المستشفى
_طلقنى يا يحيي
_حاضر يا قلب يحيي لما.تخرجى بالسلامه
_عاااااا انت مبتحبنيش…
_ياروحى متخافيش والله أنا بحبك ومش هسيبك
_هتحب ولادك اكتر منى…
سليم:هتيها بنوته علشان احبها يا خالتو والعب بيها وتبقى مراتى…
_حاضر يا عيون خالتوا بس كدا حد عاوز حاجه من جوا تاني..
ممدوح:ربنا يقومك بالسلامه يا بنتى…
عدى وقت وسارة كانت واقفه بتوتر وخايفه على نور اووي ساره خلال السنه دي راحت لدكتور نفسانى وبدأت تتعالج وبالفعل حالتها اتحسنت جدا ورجعت زي زمان واحسن كمان وكل مرة كانت بتفتكر كلام احمد ليها كانت بتصمم انها تكون احسن علشان تقدر تكون بيت وأسرة من جديد…
يوسف جه ومعاه تقى اللى اتخطبوا وخلاص باقى على فرحهم شهر
تقى وهى سامعه صريخ نور:لا أنا مش هتجوز خد دبلتك أهى
_نعععم يا اختى دانا بقالى سنه متخلل جنبك
_مش عوزا اتجوز أنا وبعدين انت اللي خطبتنى عافيه
_على اساس انك مكنتيش واقعه
_انا واقعه يا يوسف…
لسه هيرد عليها سمعوا صوت بيبي صغنن الكل اتلم حوالين الاوضه ويحيي قرب بلهفه…
الممرضه خرجت وهى لفه الطفل بعدها بخمس دقائق
_اتفضلوا اول مولود بنوته زي القمر…
وبعد شويه خرجت باتنين..
_ما شاء الله تلاته توأم زي القمر ولدين وبنت يتربوا في عزكوا يارب…
يحيي ابتسم بسعاده ويوسف صفر بفخر..
_شوفتى اخويا راجل وأخوه راجل …
تقى قربت من الأطفال ومسكت واحد
_خلاص أنا موافقه اتجوز بس اجيب اطفال شبه دول كدا..
سارة مسكت واحد والدموع اتكونت في دموعها بفرحه لقت ايد بتلمس الطفل رفعت راسها وابتسمت بسعاده حاولت تخفيها
_احمد
_قلبه
_انت جيت ازاي اقصد لى
_جيب اوصل حبل الوصال وبعدين حسيت انك بتفكري فيا ف جيت
طلع علبة وفتحها:موافقه
بصت لابوها ولكل اللى واقفين وبيبصولها بسعاده وهزت راسها بأه
_وبعدين…
_وبعدين عاشوا في تبات ونبات وخلفوا صبيان وبنات وتوته توته خلصت الحدوته…
- يتبع الفصل التالي اضغط على ( رواية الحب الروحاني ) اسم الرواية