رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الخامس و العشرون 25
اروى / خالو زعلان من يوم خطوبتى على حسام و حضرتك عارف
محمد / لا هو زعلان انك روحتى اتخانقتى مع ندى
اروى / انا
محمد / انتى عارفه ان بكره هنروح لعمك عشان نشوف حبيبه
اروى / اه طبعا عارفه للاسف
محمد / انا بقول تيجى معانا و
حسام / و تشوفيها
محمد و اروى يبصوا لحسام
حسام / انتى مراتى المفروض تكونى جنبى و دى بنتى عاوزها تعرفك و تاخد عليكى زى ما هتاخد عليا و كمان عشان ما اسبكيش هنا لوحدك
اروى / ايوه بس
حسام / انا عارف ان اكيد ندى مش هتسكت و عمتى كمان بس انتى دماغك اكبر من كدا انتى رايحه مع جوزك تشوفى بنتك و ده حقك
اروى / بنتى
حسام / مش انا و انتى واحد و لا ايه
اروى / اللى تشوفه حاضر
حسام / تسلميلى
محمد / على بركه الله استاذن انا
اروى / طب على الاقل اشرب الشاى
محمد / انتوا عرسان و يا بخت من زار و خفف هههههههههههههههههههههه
محمد يقوم و حسام يقوم يوصله على الباب محمد يحط ايده على كتف حسام
محمد / دا انت طلعت مصيبه ياله
حسام يبتسم و محمد ينزل و حسام يقفل الباب و يبص لاروى
اروى / انت بجد شايف انها فكره كويسه انى اجى معاك
حسام / اكيد و الا ما كنتش طلبتها منك انا عاوزك تيجى معايا بكره و عاوز ندى تشوفك و انتى شايله حبيبه و حطاها فى حضنك
اروى / يا حسام حضنى ايه اصلا هتطردنى من على الباب
حسام / انتى داخله معايا انا و بابا محدش هيقدر يكلمك و بعدين ما تبقيش هبله انتى هتدخلى قال يعنى شدينا ودانك و تعتزرى و تقولى لحظه شيطان و اى كلمتين هبل و بعدين تاخدى البنت و تحطيها فى حضنك
اروى / يا سلام و ابقى استفدت ايه
حسام / هتفضلى طول عمرك هبله افهمى يا بت لما ندى تشوفك جنبى ى فمنتهى السعاده و مش بس كدا دا انا و انتى شايلين حبيبه فى حضننا هتعرف مقامها الحقيقى هتعرف ان ملهاش مكان وسطينا احنا عيله مع بعض و تشيلنى من دماغها خالص
اروى / طب ما هى ممكن تفهمها ان حبيبه مهمه اوى عندنا فتتمسك بيها اكتر و تزلك بيها
حسام / على اساس انى ما اقدرش اخلف غيرها فوقى يا ريرى و ركزى ندى خلاص انتهت كدا كدا ما حدش هيبصلها و بنتى هاخدها منها بالزوق او بالعافيه و هقهر قلبها و ادفعها تمن اللى عملته فى فرحنا
اروى / كل ده هيحصل لما احضن حبيبه
حسام / طبعا واحده جت يوم الفرح مخصوص عشان تبوظه تبقى ايه هاه
اروى / تقصد ايه
حسام / خليها تتقهر خليها تشوفك و انتى جنبى فى ايدى و خليها تعرف انك مش بس خدتينى منها انتى كمان بكره تاخدى حبيبه منها خليها تعرف انها هتدفع تمن اللى عملته غالى
اروى تبص لحسام
حسام / شوفتى بقى انى لما قولتلك ان اللى عملتيه كان هبل جنب اللى بفكر فيه ما كنتش بسكتك و السلام انا النار اللى جوايا منها مش هيطفيها غيرك انتى يا اروى
اروى تفكر فى كلام حسام
حسام / انا عمرى ما هنسى وقفتك جنبى فى لحظه ضعفى و لا و انتى بتسندينى عشان اقف على رجلى تانى عمرى ما هنسى
اروى تبتسم لحسام يبتسملها
……………………………………………..
فى العربيه قدام بيت ندى
على سايق و عمر جنبه و ندى وراه و جنبها أية
أية / احنا لازم نكررها تانى
ندى / اكيد عن اذنكوا
على / استنى فى هديه صغيره كدا يارب تعجبك
على يدى لندى هديه تفتحها
أية / دى من عندنا فى المحل
ندى / موبايل
على / اه و جواه خط ما انا مش هعيش اتكلم فى تليفون طنط يعنى
أية / و انا كمان معايا الرقم عشان ارخم عليكى و نرغى طول الوقت
على / هتلاقيها مشغول
أية / بكره نشوف
ندى / ههههههههههههههههههههه سلام
أية / مع السلامه
ندى تنزل و على ينزل
على / خد العربيه يا عمر و خليها معاك بدل ما اروح و ارجع
ندى تبتسم و تطلع شقتها
عمر / و ماله انزلى يا بنتى اركبى قدام
أية تنزل و تركب مكان عمر و عمر يركب مكان على و ياخدوا العربيه و يمشوا و على يطلع شقته
……………………………..
فى شقه ندى
مها / و ايه لزمته بكره مهم شفوها من يومين
مصطفى / محمد بيقول فرصه اروى تيجى و تعتزر و نبدا صفحه جديده
مها /انا ما صدقت ندى بدات تفك لما بتشوف البنى ادم ده بتتعب المره اللى فاتت كانت هتهرب لولا ستر ربنا
مصطفى / احنا لازم نماين شويه يا مها احنا لو دخلنا فى سكك المحاكم يا عالم هنوصل لفين دا غير ان سككها طويله و انتى عارفه المحامين و قرفهم
مها / خلاص كلم اخوك عن الفلوس اللى دفعناها فى الشقه مش هحط دهبى و اعمل جمعيات و اسدد تمنها سنه قدام فى شقه المحروس احنا ما لنا هى كانت بنتى دخلتها
مصطفى / مش وقته يا مها
مها / لا وقته و نص بنتك هتحتاج لجهاز تبقى اروى داخله بفلوسى و بنتى معايش اجهزها
مصطفى / احنا مش اتكلمنا مع على و قال مش هيطلب غير شنطه هدومها
مها / و رضيتها على بنتك يا مصطفى مش دا على اللى لما جه اتامرت عليه و قولتله انا عاوز نجمه من السما دلوقت انت اللى بتطاطى راسك
مصطفى / انتى بتقولى ايه
مها / بقول على الاقل خلى للبت شويه وش تخش بيهم قدامه خلى لينا عين نتكلم بيها
مصطفى / و انا المفروض اعمل ايه عاوزه تفتحى كشف حساب نفتح مصاريف المستشفى بتاعتى و العمليه مصاريف جوازه حسام من ندى هو كان خطفها و لا احنا كنا راضيين
مها / لا خطفها هو قالنا انه هيعاملها كويس مش يرميها فى الصحرا و يرجع بنتى انا اللى نزفت على الطريق و هو هنا بيتقابل مقابله الابطال اللى راجعين من الحرب لينا عنده الف حق و حق
مصطفى / لينا بس مش دلوقت خلى المركب تمشى لو الفلوس دى اللى هتضمن لبنتك حريتها سبيها يا مها
مها / حريتها
باب الشقه يتفتح و ندى تدخل مبتسمه الكل يسكت
ندى / مساء الخير
مها / اهلا يا قلبى رجعتوا بدرى انبسطتوا
ندى / الحمد لله اوى و بدرى ايه يا ماما دا انا اتهلكت
مها /المهم انبسطتوا
مصطفى / ازيك يا ندى
ندى / الحمد لله ازى حضرتك
مصطفى / تعالى جنبى يا بنتى عاوزك
ندى تروح تقعد جنبه و مها تاخد حبيبه
مها / انا هغيرلها و انيمها
مصطفى / ندى انا عارف ان الموضوع صعب عليكى بس احنا اتفقنا و ده كان كلامك
ندى / اتفقتوا على ايه
مصطفى / بكره الجمعه
ندى / ايوه عارفه اهلا وسهلا
مصطفى / بجد يا ندى
ندى / ايوه يجى يشوفها هنا احسن ما ياخدها بره و اقعد على اعصابى يشوفها قدامنا هيقعد قد ايه يعنى ساعه اتنين تلاته لكن ما تروحش عندهم و لا تفارق عينى انا ما بثقش فيه يا بابا و انا ما عنديش غير حبيبه
مصطفى / فاهم يا بنتى
ندى / حاجه تانى يا بابا ؟؟
مصطفى / ما اتحرمش يا قلبى
ندى / عن اذن حضرتك
ندى تقوم تدخل جوه
…………………………………
فى شقه عمر
أية / اما كان حته يوم بجد مش قادره اصدق انه خلص
عمر / هايصه انتى فى الحوار ده
أية / عارف احلى حاجه فيه ايه
عمر / ايه
أية / ان على بقى بيعاملنى كويس
عمر / لعلمك على بيعاملك كويس من يومه و دايما بيدافع عنك قدامى و يحنن قلبى عليكى يمكن مش قدامك بس كان دايما بيتكلم عنك بالخير من وراكى
أية / بجد
عمر / اه والله
تليفون أية يرن
أية / يا نهار دى ماما ما كلمتهاش من امبارح زمانها هتهزقنى ….. الو
سمر / اخيرا ياختى افتكرتى ان ليكى ام تردى عليها
أية / والله يا ماما امبارح كنا سهرانين طول الليل فصحينا متاخر و لسه راجعين من الملاهى فما سمعتوش
سمر / ملاهى ؟؟؟ و ماله المهم هتيجوا بكره تتغدوا معايا و لا سى عمر عنده خطط تانيه
أية / لا باذن الله هنيجى
سمر / ماشى مش هعطلكوا انا عارفه انى خلاص بقيت تقيله عليكى
أية / ما لوش لازمه الكلام ده يا ماما والله كنت هكلمك
سمر / و انا مصدقه يلا سلام
أية / مع السلامه
أية تقفل و هى مضايقه عمر ياخدها فى حضنه
أية / هو انا غلطت فى ايه يا عمر
عمر / هى ملهاش غيرك يمكن عشان كدا بتغير منى ربنا يهديها لنفسها
أية / امين يا عمر امين
……………………………….
فى شقه على
على فى البلكونه و ندى فى شباك اوضتها
ندى / هتبات فى البلكونه و لا ايه
على / الحمد لله ان الجو حر كان زمانى مت بسببك دا انا ببات هنا من يوم ما رجعتى يا بعيده
ندى / هههههههههههههه و ايه اللى جابرك
على / عشان الورد يا اختى
ندى / انت عملت ايه صحيح نسيت اسالك
على / فى ايه
ندى / السنه اللى فاتت الكليه
على / اتخرجت الحمد لله عدت
ندى / ماما كانت قالتلى ان بابا قال هيروح الكليه عشان يشوف هعمل ايه
على / كويس
ندى/ طبعا اكيد صحابى اكيد هيبقوا فى تانيه
على / أية هتبقى معاكى مش هتبقى لوحدك
ندى / بجد
على/ هى ما قالتلكيش
ندى / أية ما بتتكلمش غير عن الفرح على فكره البت دى لو ما اتعملهاش فرح هيجرالها حاجه والله
على / ههههههههههههههههههههههههههههه و الله هى اللى نحس و كل ما نقول خلاص اهو تحصل حاجه
ندى / هو فى حاجه غير موت الحج انور
على / رجوعك
ندى / انا
على / اه مهو لولا شهور العده كنا اتجوزنا الشهر الجاى بس انا عرضت عليها عرض مغرى اوى
ندى / ايه بقى
على / يعنى نخلى الفرحين سوا و فرق القاعات هنزوده على مصاريف شهر العسل هى عاوزه تنزل فى الغردقه فى فندق كان فيه عمر تبع الشغل
ندى / ما كانش المفروض توقف فرحهم عليا ما كانش المفروض تربطهم بيا
على / هو الموضوع ضايقك!!! احنا قولنا يعنى عشان ما نعزمش الناس و نرجع نعزمهم بعدها بشهرين
ندى / انت بتتكلم عن فرحنا كان كل حاجه خلصت يا على فوق هفضل كل شويه اقولك حسام مش هيسيبنا
على / هفضل كل شويه اقولك مفيش فى ايده حاجه
ندى / عشان انت ما تعرفوش
على / المحامى معاه توكيل من والدك ووالدتك على فكره و بعت للمستشفى اللى ولدتى فيها فى الامارات و طلب الملف الطبى بتاعك و بيخاطب السفاره عشان اجيب المحضر اللى اتعملك هناك و لو فتح بقه هحط الورق ده فى عينه
صمت
على / ثقى فيا انا مش قاعد بلعب انا مش هسمحله يقرب منك و لا من حبيبه على جثتى انه يلمس منك شعره تانى
ندى / انا متاكده
على / المحامى اكدلى انه مش هيقدر يعملك حاجه لو وصلت اننا نبعت حد هناك هنبعت المحامى ده محامى الحج من زمان و بثق فيه جدا و حسام مش هيقدر يعمل حاجه بطلى خوف بقى
ندى / مش بمزاجى انت فاكرها سهله عليا انت مش قادر تحس انا ما عنديش استعداد ارجع للى كنت فيه انا ما عنديش استعداد احلم و افوق على كابوس ما عنديش استعداد انى اخسرك تانى عشان كدا مش عاوزه اعشم نفسى
نظرات حزن و صمت
…………………………………….
فى شقه نور
نور تتصل بالتليفون مشغول تحدف الموبايل على اخر دراعها و تنام
………………………………
عند ندى
ندى / انا اسفه
على / لا انتى معاكى حق انا مش حاسس بيكى و بستعجلك انا اللى اسف
ندى / انا هروح انام
على / ماشى و انا كمان هدخل جوه
ندى / تصبح على خير
على / و انتى من اهله
على يقفل و ندى تقفل الشباك و تدخل تليفونها يرن تفتح تلاقى فيديو كول
ندى / هههههههههههههه و ده ايه ده بقى ان شاء الله
على / دا تطبيق عمر منزلهولنا احنا الاتنين عشان نتكلم طول الليل براحتنا فيديو لو عينى مش هتقدر تشوفك
ندى / بس انا هنام
على / و ماله حطيه جنبك على المخده و نامى
ندى / ههههههههههههههههههههههههههههه انت مجنون صح
على / اعتبرينى كدا
ندى تنام على السرير و حبيبه جنبها و تخلى الموبايل يصورهم هم الاتنين على يبتسم
ندى / انام ازاى بقى و انا رافعه ايدى كدا
على / استاخرى شويه
ندى تستاخر
على / وقفى الموبايل على جنبه كدا جنبك
على ينام على السرير و يوقف الموبايل على جنبه و يبصلها
على / كدا كانك جنبى و انا جنبك
ندى / ههههههههههههههههههههههههههه لا انسى مش هنام انا و الكاميرا مفتوحه كدا
على / ليه بتشخرى
ندى / لنفرض عندك مشكله
على / حتتين قطن فى ودانى تحل المشكله اعترفى عيوبك ايه تانى
ندى / ههههههههههههههههههههه انت مشكله
على / تلميذك
ندى / يا سلام
على / سلامين تلاته يا اختى نسيتى كنتى بتعملى ايه و لا ايه طب دا انتى ام الجنان كلو فاكره ادتينى رقمك ازاى نشفتى دمى يا بنت الاية
ندى / ساعات بفكر مع نفسى كدا لو ما كنتش انت فى حياتى كانت حياتى هتبقى عامله ازاى
على / دى كانت هتبقى ممله اوي
ندى / هههههههههههههههههه ايه الثقه دى
على / اشمعن انا حياتى بتبقى ملهاش طعم من غيرك
ندى تنكسف على يبتسم
ندى / انا هقفل بقى تصبح على خير
على / و انتى من اهله
ندى / سلام
على / لو ما جالكيش نوم ممكن تكلمينى
ندى / هههههههههه لا هيجيلى
على / طب لو ما جاليش نوم ممكن اكلمك
ندى / تصبح على خير يا على
على / رخمه طب يارب حبيبه تصحى و ما تنيمكيش
حبيبه تزمزق ندى تبص لعلى و ترفع حاجبها
على / ايه النحس ده مش كنت دعيت افتح عين و اغمض عين تبقى مراتى
ندى / سلام يا نحس عشان ما اتغباش عليك
على / انا اسف سلام ههههههههههههههههه
ندى / سلام ههههههههههههههههههههههه
………………………………….
تانى يوم فى شقه سمر
سمر / تصدقى فرحتينى يا مايله يا بنت المايله
أية / ليه بس يا ماما
سمر / و انتى مال اهلك بالبت دى اصلا تحشرى نفسك فى مشاكلها ليه هو اى واحده من الشارع تجيبيها و تنيميها فى سريرك كمان انتى هبله يا بنتى افرضى كانت خدرتكوا و سرقتكوا و لا عملت فيكوا حاجه
أية / ايه اللى بتقوليه ده بس يا ماما دى ندى طيبه جدا و خارجه من ظروف صعبه و اصلا تخدرنا ايه دا هى اللى كانت متخدره اول ما حطت نفسها على السرير نامت و احنا سهرنا طول الليل ببنتها
سمر / كمان لا ياربى كدا كتير عليا كدا كتير اوى
أية / فى ايه بس
سمر / انتى خلاص ما فيكيش مخ ااااه طبعا هو ده المطلوب سى على يجيب ست ندى و يستتها فوق نفوخك و انتى واحده واحده تلاقى نفسك الفلبنيه بتاعتها و الداده بتاعه بنتها هو اصلا البت دى ايه مفيش حيا مفيش خشا تروح مع واحد مش جوزها شقه اخوه و تبات فيها ليه ما لهاش اهل
أية / لا يا ماما ليها و هى اصلا ما طلعتش الا لما اتاكدت ان انا فوق
سمر / ما انتى عشان خايبه بتقولى كدا يا سلام طلعت و اول ما راحت فى النوم مشيتى انتى و عمر و خليلها الجو هى و سى على ايه مش وارد
أية / لا طبعا مش وارد لا دى اخلاق على و لا اخلاقنا
سمر / اشد فى شعرى منك انا بتكلم على اى حد فى مكانها كان لازم يفكر فى ده و تانى يوم الصبح تروحوا الملاهى و تتفقوا تاجلى فرحك لما عدتها تخلص انتوا عاوزين تجننونى
أية / يا ماما انتى مكبره الموضوع ليه اصلا ما فرقش كتير و هنعمل فرح اكبر و هنسافر شهر عسل بحاله فى حته نضيفه
سمر / شهر عسل فى الدراسه يا روح امك و لا صحيح اجلى اجلى يمكن ربنا يكرمك و الحمل يبان عليكى و تبقى العروسه الحامل يارب خدنى بقى وريحنى من الخلفه السوده دى
أية / هو انتى مفيش حاجه بترضيكى كدا ابدا
سمر / و انتى بتعملى حاجه عدله ابدا بقره و ساحبها سى عمر
أية / ربنا يسامحك
سمر / يا بت انا خايفه عليكى انا بهرى و انكت فى نفسى ليه مش عشان عاوزه مصلحتك
أية / ايوه بس ندى بنت طيبه والله لو شوفتيها هتحبيها اوى
سمر / ماشى خلينى معاكى ست ندى اللى لسه ما اتجوزتش على بتيجى تقوم جوزك من جنبك و تنام مكانه ليه ما تنام فى الاوضه التانيه اذا كنت انا اللى امك ما عملتهاش ما تروح تنام فى اوضه الضيوف و على ينام فى الصاله و لا ما ينامش خالص احنا مالنا لكن جوزك يقوم من جنبك ليه
أية / اهو اللى حصل
سمر / و طبعا سهرتى طول الليل ترضعى و تغيرى البامبرز و الست هانم نايمه و بتشخر
أية / لا طبعا
سمر / الحمد لله
أية / انا ساعدتهم فى تغير البامبرز بس لكن على اللى رضعها
سمر / خشى يا أية بصى على الاكل لحسن هتنقط
أية / ليه بس
سمر / غورى من وشى
أية تجرى على المطبخ و سمر تقعد مكانها و هى بتنفخ
…………………………………
فى شقه نور
نور تتصل بعلى
نور / الو
على / بنت حلال والله كنت لسه هكلمك
نور / كويس انى لسه فى بالك
على / طبعا ايه الكلام ده انا والله كنت هكلمك امبارح بس لقيت الوقت اتاخر
نور / على فكره انا ما اتعودتش افرض نفسى على حد
على / و مين قال انك فارضه نفسك عليا بصى يا نور انا عارف انى مقصر معاكى الفتره دى و انك وقفتى جنبى و انا مش قادر اقف جنبك رغم ان ظروفك صعبه اوى بس ندى
نور / ندى ؟؟؟
على / اه ندى خطيبتى بعتبار ما سيكون يعنى
نور / تصدق اول مره تقولى اسمها
على / انا كلمتها عنك على فكره امبارح و صدقينى نفسى اوى تتعرفوا على بعض
نور / ما افتكرش انها فكره كويسه
على / بصى انا عارف انك زعلانه منى بس والله هى ظروفها صعبه جدا و هى ما عندهاش غيرى لا عيله و لا اخوات و لا اى حد يقف جنبها لكن انتى عندك يا نور ربنا يخليهملك يارب
نور / على فكره اصلا مفيش وجه مقارنه هى خطيبتك و بكره تبقى مراتك لكن انا
على / اختى و صديقتى و صدقينى انا مضايق جدا من اللى حصل امبارح بس انتى لو عارفه ظروفى و شيفه قد ايه هى تعبانه صدقينى هتعزرينى
نور / ربنا يزيح عنها يارب
على/ المهم قوليلى خير كنتى عاوزه تتكلمى فى ايه امبارح
نور / لا مش مهم
على / يبقى لسه زعلانه منى
نور / لا مش حوار زعل بس هو كان موضوع و خلص كدا و انا يعنى
على / مروان
نور / عرفت منين
على / كنت قريت الاعتزار المنشور فى الجرايد فقولت اكيد يعنى
نور / عاوزنا نرجع نهاد سرقته و هربت و هو طلقها و عاوزنى ارجع و اسكن مع مامته
على / طب و شقتكوا
نور / باعها عشان مصاريف القضيه و باع الارض اللى كانت والدته بتعيش منها كمان
على / واضح ان اللى بيجى عليكى ما بيكسبش فعلا
نور / صدقنى هو صعبان عليا اوى بس انا مش هقدر اعيش معاه تانى ما عادش فى بينا ثقه يا على فاهمنى
على / ايوه
نور / من ساعتها و الكل بيتكلم معايا على ان الحوار فلوس و بس هو بعد ما كان ليكى بيت لوحدك تعيشى مع مامته و اللى يقولى ما هو هيكتبلك الشقه رد كرامه انا مشكلتى مش فى الشقه و لا الفلوس و مامته ست طيبه جدا و انا بحبها انا مشكتلى فيه هو هو خانى هو حقه يكون اب انا مش ممانعه بس انا كمان من حقى اختار ان كان الوضع ده مناسبنى و لا لا انا ما عنديش استعداد انى اعيش فى شك و غيره من كل واحده تقرب منه و لا هستحمل معايره تانى و لا حتى نظره شوق لطفل فى عنيه انا تعبت و مش عارفه … اصلا الظروف هنا فى البيت صعبه اوى و كميه مشاكل رهيبه و تقريبا مفيش اتنين فى العيله مش متخانقين مع بعض
على / ما تربطيش ده بده يا نور مهو انتى لو رجعتى لمروان عشان المشاكل اللى فى بيتك ده مش معناه انك هتبعدى عنها
نور / انا مش عاوزه ابعد بالعكس انا شايفه ان اهلى محتاجينى جنبهم بس هما مش شايفين ده او يمكن ده منى يمكن اكون تقيله عليهم بس اهو اخويا بيوضب صيدليه تحت البيت و هبقى انزل اشتغل فيها منها قرشين اصرف بيهم على نفسى و منها اشغل وقتى
على / كويس على فكره الشغل هيفيدك اوى
نور / على فكره انا اهلى بيصرفوا عليا كويس انا ما قولتش حوار الفلوس عشان هما مقصرين احنا الحمد لله مستوانا حلو اوى
على / انا فاهمك يا نور والله اصلا انك تكونى مستقله ماديا و ليكى دخل دى حاجه كويسه جدا هتزود ثقتك فى نفسك و هتخليكى متحكمه فى حياتك اكتر
نور / ما دا رايى برده بس مش عارفه نظرتهم ليا بتتعبنى اوى كانى معاقه او عندى مشكله
على / يمكن عشان مش بتضحكى كتير تعرفى حاولى تخرجى من الجو ده خالص
نور / ازاى
على / اخرجى اتفسحى شمى هوا غيرى جو
نور / صعب اوى يا على الفتره دى بجد الجو متوتر اوى
على / بس دا ما يمنعش ساعتين على الاقل لنفسك تفصلى فيهم عشان تقدرى تكملى
نور / ماما بتنادى انا هقفل بقى
على / بضى لو خلصتى و حبيتى تكلمينى اوك انا فاضى
نور / امال ندى فين
على / عندها ظروف كدا النهرده هههههههههههههههه
نور / اوك سلام
على / سلام
…………………………….
فى شقه ندى
اروى / انا جايه اعتزر عن اللى حصل منى انا مش عارفه عملت كدا ازاى كنت عصبيه و ما فكرتش و بجد انا مكسوفه من نفسى اوى
مها / حصل خير احنا برده اهل
محمد / امال ندى و حبيبه فين
مها / بتغيرلها البامبرز اصلها عملتها و انتوا داخلين
محمد / هههههههههههههههههه ياما عملتها عليا امها هههههههههههههههههه
ندى تطلع من جوه و شايله حبيبه و تديها لمحمد
محمد / بسم الله ما شاء الله
اروى / ازيك يا ندى
ندى / الحمد لله ازيك
ندى و اروى يقوموا يبوسوا بعض
اروى / فيكى حاجه متغيره
ندى / زى ايه يعنى
اروى / مش عارفه … ممكن اشيل حبيبه
ندى / اكيد … عن اذنكوا هعملكوا شاى
اروى / انا هاجى اساعدك
ندى تبص لاروى باستغراب
ندى / اتفضلى
ندى و اروى يدخلوا المطبخ و حسام ياخد حبيبه من باباه
مها / سمى و انت بتشيلها
حسام / بسم الله
حسام / انا جبتلها شويه حاجات يارب تعجبها
مصطفى / كتر خيرك
مها / بس برده ما كانلوش لزوم تعبك الحمد لله حبيبه عندها كل حاجه من الالف للياء
محمد يطلع ظرف من جيبه و يحطه على الترابيزه
محمد / احنا المره اللى فاتت ما اتفقناش مصروف البنت هيبقى كام بس على العموم لو احتاجت اى حاجه تطلبها و احنا طبعا مش هنتاخر
مصطفى / كتر خيرك بس حبيبه مش محتاجه اى حاجه
حسام / ازاى بس يا عمى حبيبه نونو و بتحتاج بامبرز و لبن و كشف دورى و ادويه و فيتامينات
مصطفى / ربنا يقدرنى و اتكفل بكل ده
حسام / دى بنتى
مها تمصمص شفايفها
حسام / ايوه بنتى انا روحت الصحه و سجلتها و هتلاقى فى الشنط شهاده ميلادها المصرى و بطاقه التامين الصحى عشان التطعيمات
مصطفى / فيك الخير
………………………
فى المطبخ
اروى / انتى حاطه كريم تفتيح على وشك
ندى / لا
اروى / عامله سكراب
ندى / مش عامله اى حاجه يا اروى ارتاحى
اروى / امال احلويتى من امبارح للنهرده لوحدك كدا يكونش ده تاثير حسام عليكى
ندى / ابتدينا
اروى / لا ما ابتديناش و لا حاجه انا اصلا مش فارق معايا حاجه فى الاول و الاخر احنا قرايب
ندى / الحمد لله انك لسه فاكره
اروى / و انا برده مقدره ظروفك يعنى فى سنك ده و مطلقه و معاكى بنت و كمان ربنا يصبرك على حالتك الصحيه ليكى حق برده
ندى / قصدك ايه
اروى / يعنى فرصتك انك تبدائى حياه جديده صعبه شويه
ندى / بصى بالنسبه انى ابدا حياه جديده فصدقينى هفاجاك و بالنسبه لفرصتى الصعبه فبلاش انتى تتكلمى عشان هتزعلى من ردى
اروى / و ايه اللى يزعلنى انا متجوزه من واحد بحبه و بيحبنى و بكره ربنا يرزقنا بدل العيل عشره
ندى / ياريته كان بصلك انتى الاول و سابنى فى حالى كانت حياتى اتغيرت لكن نقول ايه
اروى / عادى كلنا بنغلط
ندى / قولى لنفسك عن اذنك
…………………………………
فى الصاله عند حسام
ندى تخرج شايله الصينيه اروى تسبقها و تشيل حبيبه من حسام
اروى / اموره اوى ما شاء الله
ندى تعزم على عمها و باباها و مامتها و تحط الصينيه و تقعد حسام يمد ايده و ياخد فنجانه و عينه على ندى مع ابتسامه
اروى / بس ملكيش حق خالص يا ندى كنتى سبينى انا اغيرلها
ندى / و انتى بتفهمى فى غيار البامبرز
اروى / اهو كنت اتعلمت
ندى / ابقى اتعلمى فى عيالكوا ان شاء الله
اروى / الله ما هى بنتى يا ندى بنت حسام تبقى بنتى
ندى / قدرها الاسود
محمد / احم احم
اروى / اهو على الاقل كانت تاخد عليا و اخد عليها
حسام / لا بس واضح انها منسجمه اوى و انتى شيلاها مش محتاجين تاخدوا على بعض
اروى / ربنا يخليهالنا يا حبيبى
حسام يبص على ندى يلاقيها بصه من الشباك مفتوح و مغطياه ستاره شيفون الهوا بيطيرها و على واقف الناحيه التانيه و بيبص على ندى و ندى بتبصله
حسام / طب ايه هنروح فين النهرده بقى
مها / فين ايه
حسام / هو انا مش من حقى اخرج حبيبه و لا اية
ندى تقوم
مها / تخرجها فين
حسام / ما اعرفش اخدها تغير جو و تشم هوا
ندى ترجع و ايديها ورا ضهرها و تقرب من حسام و اروى و تحط بامبرز مستعمل مقفول على اروى اروى تتقرف و تسيب حيبيه و حسام و ندى يسندوها و حسام يقوم يقف ندى تاخد منه حبيبه
اروى / ايه القرف ده انتى اتجننتى
ندى / الله امال كنتى عاوزه تغيريلها بنفسك ازاى دا مقفول امال لو كان مفتوح و بتقفليه بتفسك كنتى عملتى ايه
اروى / انتى مجنونه
ندى / و انتى مش امينه على بنتى رمتيها فى ثانيه لولا انى لحقتها
اروى / حسام
حسام / يلا بينا نمشى
ندى / نورتوا
تليفون ندى يرن تبص من الشباك على على حاطت الموبايل على ودنه و تبتسم و حسام متابع
ندى / عن اذنكوا موبايلى بيرن جوه
ندى تاخد حبيبه و تدخل
مها / اعملكوا شاى بدل اللى برد
حسام / لا هنمشى
مها / ما انتوا قاعدين
محمد / المره الجايه بقى
مصطفى / نورتوا
…………………………………
فى شقه سمر
سمر / قولت ايه يا عمر
عمر / فى ايه
سمر / هو انا هعيده تانى
عمر / انا ما فهمتش كوابيس ايه و ترابيس ايه
أية / ماما بتقولك ركبت تلت ترابيس على باب الشقه عشان بيجيلها كوابيس بالليل
عمر / و هى الكوابيس بتدخل من الباب يا حماتى
أية / ماما ما تقصدش كدا بص ماما بتستاذن تيجى تقعد عندنا كام يوم لحد ما اعصابها تهدى شويه
عمر يبص لأية
سمر / من الاخر كدا انا قاعده طول الليل و النهار لوحدى و بصراحه مش واخده على كدا بتخنق و بقيت بخاف من اى صوت يحصل و علاطول فى توتر و قلق
عمر / طب و المحل
سمر / ماله المحل ما انا هاخد بالى منه برده هروح و هاجى عليه بس اهو يعنى وقت ما بقفله ما ابقاش لوحدى ما انامش بالليل لوحدى على الاقل لحد اعصابى ما تهدى
عمر / و اعصابك هتهدى امتى
سمر تسيب المكان و تقوم و هى بتنفخ
أية / ليه كدا يا عمر
عمر / هو انا عملت ايه
أية / هى بتستاذن تيجى تقعد عندنا كام يوم
عمر / ايوه ما انا بسال بس كام يوم يعنى
أية تبصله
عمر / خلاص ماشى تنور
أية تبتسم
أية / ربنا يخليك ليا يا احلى عمر فى الدنيا
عمر / اما نشوف اخرتها معاكى انتى و امك
أية / كل كل
عمر / باكل ياختى
…………………………………..
فى شقه ندى
على / ههههههههههههههههههههههههه دا انتى مصيبه
ندى / اقسم بالله شويه
على / ههههههههههههه لا بس جدعه
ندى / قال ايه ربنا يخليهالنا ربنا ياخدكوا قال تاخد عليكوا قال اما كان نفسى احدف عليها البامبرز مفتوح و تبقى متعاصه قدامى كدا و يا سلام بقى لو كاميرا فيديو و اصور رده فعلها و اقعد اتفرج و اضحك و اعيدها و اتفرج و اضحك
على / شريره
ندى / دى بنت عمتى دى .. دى اللى كنت بعتبرها اختى الكبيره اتفو عليها و على ربايتها الحيوانه قال ايه محلويه و لا دا تاثير حسام لا يا روح امك دا تاثير خروج حسام من حياتى
على / ايوه بقى
ندى / ايوه بكره افوق لنفسى و كل يوم ابعد فيه عن الكائن ده هحلو اكتر و انور و ارجع لنفسى اللى دفنها الحيوان
على / يا سيدى
ندى / بس كان المفروض اتنين بامبرز و احد عليها وواحد عليه عشان يتربى هو كمان
على / ندى
ندى / ياااااااه دانا مغلوله
على / ندى
ندى / اية ؟؟؟
على / بحبك
ندى تبتسم بخجل و تهدى
على / و بحب جنانك و حماسك و هبلك بحبك كلك على بعضك كدا
ندى / و انا كمان على فكره
على / و انتى كمان ايه
ندى / بحب جنانى و حماسى و هبلى و بحبنى كلى على بعضى كدا ههههههههههههههههههههههههههه كنت فاكرنى هقول بحبك صح ههههههههههههههههههههههههههه
ندى تبص على على تلاقيه مبتسم تبتسم
ندى / و بحبك انت كمان
على / عارف
ندى / انا عمرى ما فقدت الامل فيك كل ما كنت احس ان الكل اتخلى عنى كنت اتصل اسمع صوتك عشان اتاكد انك لسه موجود صوتك كان بيريحنى
على / كنت بحس انه انتى
ندى / كنت بخاف اتكلم كنت بخاف تلومنى او تاخد عنى فكره وحشه او تجرحنى كنت خايفه
على / منى !!
ندى / كنت خايفه من الدنيا كلها يا على خايفه حتى من نفسى
على / و خلصت الفتره دى خلاص و رجعت ندى تانى
ندى / اه و مش هسمح لاى حاجه تاثر فيا
على / تحبى تخرجى
ندى / لا ممكن يوم تانى بس النهرده عاوزه افضل فى البيت فى حاجات كتير عاوزه اعملها
على / حاجات ايه دى
ندى / عاوزه ارتب اوضتى زى ما كانت قبل ما اتجوز و اسافر و افرز دولابى و اظبط لبسى انا عارفه ان تلتربع الهدوم مش هيدخل فيا بس اهو اشوف
على / ماشى خدى راحتك
ندى / ياريتك شوفتها و هى هتطق يااااااااااااااااااااااه انا مش مصدقه انى عملت كدا
على / هههههههههههههههههههههههههههههه يا مجنونه
…………………………………………..
فى شقه امانى
اروى / انا بجد مش مصدقاكوا
نور/ ههههههههههههههههههههه انا مش قادره اتخيل المنظر
اروى / انتى بتضحكى انتى كمان يا نور
حسام / ههههههههههههههه حقها اذا كنت انا مسكت نفسى قدامهم بالعافيه بس انتى هبله اوى برده
اروى / ليه يعنى قرفت
محمد / امال صحيح كنتى فاتحه صدرك و انا اللى اغيرلها و بتاع
اروى / تصدقوا انا الغلطانه انى سمعت كلامكوا و روحت اعتزرتلها اصلا
نور / ندى اتغيرت جامد اوى على فكره
اروى / احنا اللى كنا مخدوعين فيها
نور / ما تنسيش يا اروى انها فى الاول و الاخر كام سنه يعنى تسعتاشر مثلا برده
اروى / قصدك ايه يعنى انى كبيره
نور / ايه هنضحك على روحنا انتى قدى اكبر منها طبعا
اروى / عن اذنكوا انا طالعه شقتى
حسام / هحصلك
اروى تاخد شنطتها و تطلع و هى بتغلى
محمد / و انت ايه رايك فى اللى حصل يا حسام كنت هادى كدا
حسام / اروى كانت هتوقع حبيبه فى الارض لولا انا و ندى لحقناها اروى هبله و ندى اهبل منها و الاتنين ما ينفعش يكونوا ام لبنتى اصلا
نور / مفيش ام لبنتك احسن من امها الحقيقيه مفيش حد هيعامل بنتك احسن من امها الحقيقيه الامومه دى غريزه كدا
حسام / ندى مش متزنه
نور / فتره و تعدى ما تنساش انها اتعرضت لموقف وحش و فتره اوحش
حسام / اه لفى لفى و ارجعى لنفس النقطه انتى ليه علاطول بتدافعى عنها انا اخوكى على فكره
نور / و انت شوفتنى روحتلها و اتحالفت معاها ضدك انا بتكلم بينى و بينك
محمد / كفايا يا نور
نور تقوم و تدخل اوضتها و تقفل الباب
حسام / انا هقوم اراضيها
حسام يقوم وراها
…………………………………………….
فى شقه نهاد
البنت / مالك يا اختى قاعده كدا ليه
نهاد / يعنى عوزانى اعمل ايه يعنى طول اليوم بلف برجلى على الشركات اقدم سى فى لما كعوبى ورمت
البنت / ما انا قولتلك اقبلى الترقيه كان زمانك دلوقت مديره الحسابات و بتقبضى قد كدا انتى اللى قولتى لا و مروان و مش مروان
نهاد / ما انتى هبله
البنت / شكلك دلوقت بيقول ان انا اللى كنت هبله فعلا
نهاد / يا بنتى هو انا مش من حقى اكون زوجه و ام مش من حقى اعيش عيشه حلوه
البنت / بصى لحالى يا اختى خدت ايه من الجواز و الخلفه غير الجرى يمين و شمال ورا العيال و الطلبات اللى ما بتخلصش لكن انتى كنتى عايشه ملكه زمانك و مرتبك كان بتاعك تلبسى و تجيبى دهب و تدلعى كان ناقصك ايه
نهاد / واضح ان مفيش حد عاجبه حاله
البنت / يا ستى انتى لسه صغيره و حلوه و الف من يتمناكى انتى بس عدى الفتره دى و فوقى لنفسك كدا و ارجعى نهاد بتاعه زمان و انتى تلاقيهم طوابير
نهاد / هو مفيش اخبار جديده عن الفلوس
البنت / هو البنى بيخلص فى يوم و ليله ما تصبرى
نهاد / كنت فتحتلى ان شالله دكانه ووقفت فيها بدل الشغل عند الناس
البنت / او كان زمانك فى الحبس يا اختى
نهاد / ساعات بيتهيالى ارجع الفلوس لمروان و اعتزرله
البنت / على الفلوس و لا على البيبى اللى نزل
نهاد / ياريتنى ما سمعت كلامك
البنت / الله هو كل حاجه تلومينى تصدقى مش هنصحك تانى اوعى كدا انا قايمه
البنت تقوم من جنبها
……………………………………….
فى شقه نور
حسام نايم على السرير و نور قاعده جنبه
نور / هو انا ليه حاسه انك مبسوط باللى حصل
حسام / انا بالعكس لا بس مبسوط برده انا اصلا ما عدتش فاهم نفسى هههههههههههههههههه
نور / انت لسه بتحبها يا حسام صح
حسام يبصلها و يتنهد و يقوم يقعد
نور / مالك
حسام / تعرفى انا لو كنت اطول اجيبلها نجمه من السما هجيب لو اطول اعيش تحت رجليها بس كنت هعيش بس مهم اعمل ما كانش هيعجبها بتكرهنى
نور / ما كانش المفروض تطاوع عمى
حسام / انتى ما تعرفيش كل حاجه انا دخلت البيت من بابه و جبتلها هدايا كتير و بعدين كنتى مستنيه منى ايه لما اشوف عيل صايع ماسك ايدها كنت استنى لما يضحك عليها
نور / لا بس يعنى
حسام / صعبان عليا نفسى و زعلان منها صعبان عليا ندى و برده زعلان منها
نور / طب و اروى
حسام / اروى ؟؟؟ غلطه عمرى اللى بجد غلطه عمرى اللى بجد نفسى اخلص منها
نور / للدرجادى
حسام / انتى هبله يا نور انا مفيش جوايا اى مشاعر ناحيه اروى ما على يدك انا اتجوزتها تصليح غلطه
نور / ربنا يسامحكوا بقى
حسام / عمرك ما هتفهمى موقفى لانك بنت
نور / يا سلام
حسام / طبعا
نور / يعنى لما ربنا يسالك هتقوله انا راجل
حسام / يا بنتى افهمى انا كنت تعبان اوى الفتره دى و مكتئب و …. ايوه غلطت ارتاحتى و اتجوزتها و مستحمل قرفها ارتاحتى
نور / عقبال ما تعترف انك غلطت فى حق ندى كمان
حسام ينام على السرير تانى و هو مبتسم
حسام / ندى
نور / هههههههه
حسام / كانت زى القمر وشها كان منور بطريقه غريبه كانها اتولدت من جديد احلوت اوى عنيها بتلمع و فى بسمه رقيقه اوى على شفايفها
حسام يتنهد نور تطبطب عليه
حسام / تفتكرى لو فى اله زمن هغلط نفس الغلطه و اسيبها و لا هعمل ايه
نور / هو انت شايف ان غلطتك انك سبتها مش انك اتجوزتها بالطريقه دى من الاصل
حسام / حتى لو ما كنتش سبتها حتى لو رجعت بيها ما كانش حد هيفكر فيا ثانيه مفيش حد شايف حسام عمل ايه او ضحى بايه عشان ندى مفيش حد هيفكر فى حسام اصلا حسام كخه
نور تطبط على حسام
حسام / يقولك الاهتمام اهم من الحب الكرم اهم من الحب الكلمه الحلوه امال كل اللى عملته كانوا ايه
نور / مهوا ما بنى على باطل فهو باطل يا حسام
حسام / ليه انتى لو لقيتى حد بيهتم بيكى و بيعملك كل اللى انتى عوزاه مش هتحبيه لو اتجوزتى واحد برضاكى و كان بيضربك و يشتمك و يحرمك من ابسط حقوقك كنتى هتفضلى تحبيه اشمعن فى دى مش فاهم
نور / حسام انت حبستها و ضربتها و حرمتها من ابسط حقوقها
حسام يبصلها
نور / دى الحقيقه اسمع انا لو منك احاول اكسب ندى تانى على الاقل تسامحك و ترجعوا اخوات و مره فى مره العلاقه هتتحسن و مش بعيد تسامحك خالص عشان حبيبه و ترضى ترجعلك
حسام / انتى طيبه اوى
نور / ما قدامكش اى حل تانى و لو بتفكر انك تضغط على ندى باى طريقه هتخسرها زياده و هتخسر اروى و بابا و كلنا
حسام / انا هطلع انام شويه هتعوزى حاجه
نور / سلامتك
حسام / نور هو انتى ما بتكلميش ندى ليه
نور / تليفونها علاطول مقفول
حسام / طب و تليفون عمتى
نور / بصراحه بخاف اتصل عمتى ترد تحرجنى
حسام / و انتى ذنبك ايه اقولك كلمى عمى انا متاكد انه مش هيحرجك
نور / انت عاوزنى اكلم ندى ليه
حسام / المفروض انكوا كنتوا اكتر من اخوات
نور / ماشى هحاول
حسام يبوس راس نور و يمشى
………………………………………….
تانى يوم فى شقه أية
تليفون أية يرن
أية / الو
ندى / أية ؟؟؟ انا ندى خدت رقمك من على
أية / ايوه ازيك يا بنتى اخبارك عامله ايه
ندى / كويسه بتعملى ايه
أية / و لا حاجه زهقانه خالص والله
ندى / طب ما تيجى نخرج انا و انتى بس
أية / تصدقى يا بت ليا حق احبك بصى هستاذن من عمر و اقولك هو مش هيقول حاجه بس لازم اقوله الاول
ندى / طبعا
أية / بس هنروح فين
ندى / ماما بتقول فى محل جنبنا عامل تخفيضات جامده اوى و بتقول شافت فيه حاجات حلوه تحبى تتفرجى
أية / احب جدا طب دا انا اموووت فى الفرجه خلاص بصى هكلمه و لو وافق هلبس و اعدى عليكى و بالمره نتعشى عند على فى المحل ههههههههههههههههههه
ندى / هههههههههههههههههههه خلاص هستنى تليفونك تكلمينى
أية / ماشى
…………………………….
فى شقه مها
مها / قالتلك ايه
ندى / هتستاذن جوزها
مها / خدى خلى دول معاكى يمكن حاجه تعجبك
ندى / شكرا
مها / انا مش هخبى عليكى الفلوس دى عمك سايبهالك مصاريف حبيبه و مصاريفك
ندى وشها يقفل
مها / دا حقك مش نفحه منهم يا عالم لو كنا رفعنا قضيه نفقه كان هيطلعلك ايه و ما تنسيش كمان اننا سبنالهم المؤخر
ندى / لا مؤخر و لا مقدم انا مش عاوزه منهم اى حاجه مش عاوزه يكون ليهم اى دور فى حياتى او حياه بنتى انا مش عاوزه الفلوس دى انا معايا فلوس كفايا الحمد لله و اقدر اصرف على نفسى و على بنتى شكرا
مها / خلاص خلاص اهدى ما تعمليش فى نفسك كدا
ندى / انا اصلا مش عارفه خدتوهم منهم ليه
مها / يا بنتى
ندى / ماما ممكن تسبينى شويه لوحدى
مها / حاضر
مها تخرج و ندى مخنوقه على الاخر
………………………………
فى شقه حسام
اروى / انا طبختلك بايدى
حسام / تسلم ايدك
اروى / اخبار الصيدليه ايه
حسام / خلاص هانت التشطيب خلص و التراخيص تقريبا خلصت باذن الله على اول الشهر تكون فتحت
اروى / بالسرعه دى
حسام / كل حاجه بالفلوس بتمشى فى البلد دى
اروى / على رايك الا صحيح يا حسام
حسام / خير
اروى / هو احنا مش هنسافر نتفسح كدا كام يوم
حسام / لما ربنا يكرمنى و اقف على رجلى ربنا يسهل
اروى / ما انت بتقول ان خلاص الصيدليه خلصت
حسام / لا قولت هتخلص على اول الشهر و اكيد مش هسيبها و اتفسح و حتى لما تفتح اول الشهر اكيد برده مش هسيها لازم اقف فيها شويه لحد ما تقف على رجلها
اروى / امال يعنى هنخلص امتى بقى
حسام /دعواتك
اروى / طب كنت عاوزه اروح عند ماما
حسام / يا اروى يا حياتى زيارتك لعمتى او تشريفها لينا هنا لا محتاجه اذن و لا اى حاجه هو انا همنعكوا عن بعض ما تروحى فى اى وقت
اروى / اوك
حسام / شبعت الحمد لله يادوب اللبس و انزل
اروى / على فين
حسام / مشوار صغير كدا و راجع مش هتاخر عن اذنك بقى لحسن اتاخر
حسام يقوم و يمشى قبل حتى ما اروى ترد عليه
………………………………………………………
فى المحل عند على
على / يادى النور يادى الهنا اتارى المحل نور
أية / اكيد طبعا انا قولت بدل ما اقف فى الشارع
على /اكيد اتفضلى اكلمهالك
أية / لا كلمتها نزلت هناك اهى يلا عن اذنك
على / أية معلش خلى الفلوس دى معاكى يمكن تعجبكوا حاجه
أية / ما تخافش عمر مدينى
على / انا واثق فى عمر بس مش واثق فى الناحيه التانيه
أية تاخد الفلوس و تعدى الشارع تسلم على ندى و يمشوا سوا و بعيد حسام قاعد فى عربيته متابع اللى حصل يطلع يمشى وراهم بالعربيه
…………………………………………..
فى شقه تهانى
تهانى / تستاهلى
اروى/ هو ده اللى ربنا قدرك عليه
تهانى / انا قولتلك من الاول طلعيها من دماغك انتى بقى اللى روحتيلها و عملتى سبع رجاله فى بعض و فى الاخر روحتى تعتزرى زى الكلب المبلول و مش بس رايحه مكسوره دى هزاتك قدامهم كمان و نفس اللى خدوكى تعتزرى ما فتحوش بقهم و انتى بتتهزائى يا مهزئه
اروى / يا ماما مين قالك انهم سكتوا اصلا اول ما الموضوع ده حصل حسام خدنى و مشينا علاطول
تهانى / يا فرحتى الا صحيح ما طلعش معاكى ليه
اروى / هو ما جاش معايا اصلا انا جيت فتاكس
تهانى / ليه اتخانقتوا
اروى / بعد الشر يا ماما هو كان وراه مشوار و نزل و انا ما كنتش لسه لبست و انتى عارفه انى بحب اخد راحتى فى اللبس و كدا
تهانى / مدام كويسين مع بعض انا مش عاوزه حاجه تانيه من الدنيا
اروى / ادعيلنا انتى بس يا ماما
تهانى / بدعيلك ليل و نهار يا قلبى والله
………………………………………
فى محل الملابس
ندى قاعده على كرسى و أية عماله تنقى زى النحله
أية / انتى تعبتى و لا ايه يا بنتى دا اليوم لسه فى اوله
ندى / لا بس مش لاقيه حاجه تناسبنى خالص
أية/ ليه يا بنتى طب شوفتى البلوزه دى
ندى / حلوه اوى بس محتاجه بدى تحتها انا عاوزه حاجه عمليه عشان حبيبه
أية / اممممم اه بس لا انتى بتضحكى عليا انتى فيكى حاجه متغيره
ندى / كل الناس بتقولى كدا
أية / لا انا اقصد فى حاجه مضيقاكى يا بنتى احكيلى ليكى صحاب غيرى
ندى / بصراحه لا مليش
أية / طب ما تحكى يا بنتى مالك على فكره على باعت معايا فلوس ليكى
ندى تقوم و تسيب المحل و تطلع
أية / شكلى عكيت و لا ايه
أية تسيب الهدوم و تطلع ورا ندى ندى تمسح دموعها
أية / انا اسفه انا ما كانش قصدى اضايقك
ندى / بقولك ايه ما تيجى نقعد فى الكافيه ده نشرب حاجه
أية / و ماله تعالى
……………………………….
فى عربيه حسام
حسام قاعد مراقب اللى بيحصل مع ندى و أية
////////////////////////////////////////
حسام / مين دى و ايه علاقتها بندى و ايه علاقتها بعلى معقول بالسرعه دى طبعا يا عمى ليك حق خلاص حسام ما عادش الكرت الكسبان بتاعك وماله ابقى خلى فلوس سى على تنفعكوا اما عرفتكوا كلكوا مقامكوا ما ابقاش انا
///////////////////////////////////////////
………………………………..
فى الكافيه
أية / يا بنتى اولا ده حقك كفايا اوى اللى عمله فيكى
ندى / انا مش عاوزه منه حاجه انا مش عوزاله اى حجه يدخل فى حياتى او حياه بنتى لو عليا عوزاه ينسى اصلا ان له بنت من الاساس ينسانى هو مش سابنى انا و هى هناك يعتبرنا متنا هناك هو يعنى ربنا نجانى عشان يرجعنى للهم
أية / استغفرى يا بنتى ايه الكلام ده
ندى / انتى مش متخيله هو بيبصلى ازاى عنيه بتوجعنى اوى يا أية ريحته بتخنقنى مش عاوزه فلوسه و لا عاوزاله اى علاقه بيا و فى نفس الوقت مش قادره افهم ازاى ماما قبلت عليا حاجه زى دى
أية / يا بنتى الامهات ما بيتفهموش تحسى انهم من كوكب و احنا من كوكب تانى يا ستى احمدى ربنا على مامتك امال لو شوفتى ماما اللى كل ما اعمل حاجه تتخانق معايا كل ما اعمل حاجه تهزانى و ما تغمضلهاش عين الا لما تقولى يا موكوسه يا بنت الموكوسه طب ما طبيعى جينات يعنى
ندى / ههههههههههههههههههههههههههه
أية / يا بنتى كبرى مخك
ندى / و سى زفت ده كمان ايه قله الزوق بتاعته دى والله لوريله لما اروح
أية / مين
ندى / على والله ما هعدى اللى عمله ده
أية / بت بقولك ايه ما توقعنيش فى مشاكل انا ما صدقت انه عرف يبلعنى انتى اصلك ما تعرفيش حاجه
ندى / قصدك يعنى عشان مامتك و باباه و عبير و كدا
أية / ايه ده
ندى / على حكالى كل حاجه عنكوا
أية / بجد ؟؟؟
ندى / بس ما اعرفش ازاى اتصالحتى انتى و عمر بصراحه بس اى كان مبسوطه اوى عشانكوا
أية / الحمد لله و خليكى مش عارفه احسن دى كانت فتره سواد
ندى / عادى كلنا فى فى حياتنا فتره سواد المهم انها عدت الحمد لله
أية / الحمد لله
……………………………..
فى شقه ندى
مها / الله دا انتى ما اشترتيش حاجه خالص
ندى / ما كانليش نفس ابص على حاجه اصلا
مها / للدرجادى زعلانه
ندى / بفكر انزل ادور على شغل
مها / ليه يا ندى ناقصك حاجه يا بنتى
ندى / لا بس
مها / ندى اوعى تفتكرى اننا بايعينك و لا همنا الفلوس اقسم بالله ابدا انا بعت صيغتى كلها حتى الحلق و الدبله بتوعى بعتهم و اديتهم لحسام لما قال انك مش عاوزه تنزلى الا لما الشقه تخلص و معاهوش يكملها قولتله خد كل اللى حلتى و خلينى اشوفها عملت جمعيه بدفع لسه انا و ابوكى فى اقساطها و اديتهاله احنا مش بخلانين عليكى اى مليم هيدفعوه مش هيجى حاجه جنب حقك عنده يا ضنايا لكن لو مش عوزه يحرم علينا ماله و حار و نار فى جتته الفلوس اللى خدها كنتى شوفى النار اللى جوايا و انا بدفع قسط الجمعيه و هو بيخطب ست اروى و انتى ما اعرفش عنك حاجه
ندى تمسح دموع امها
مها / كل اللى اتمنيته انك ما تعشيش الفقر اللى عشته انك يبقى عندك كل اللى بتحلمى بيه بس الدنيا ما بتديش محتاج يا بنتى ما بتديهوش الا على دماغه
ندى / انا اسفه
مها / مفيش حاجه فى الدنيا هتعوضك عن اللى راح انا عارفه بس برده مفيش حاجه فى الدنيا هتعوضنى عن دمعه نزلت من عنيكى يا قلبى عن نقطه دم نزلت منك انا ما عنديش اغلى منك دا انتى اللى طلعت بيكى من الدنيا صدقينى
ندى / و انا كمان بحبك اوى يا ماما
تليفون ندى يرن ما تردش و تكنسل تبص من الشباك تلاقى على واقف فى البلاكونه تقوم و تشيش الشيش و تطلعله لسانها و تدخل
مها / قاعد على القهوه تحت انتى ما شوفتيهوش و انتى طالعه
ندى / ما اخدتش بالى انا هقوم اغير هدومى
ندى تقوم و مها تقوم تفتح الشباك زى ما كان و تبص تلاقى مصطفى و على داخلين العماره سوا تبتسم و تبص على ندى فى الاوضه و تجرى عليها
مها / ندى ندى
ندى / خير
مها / شكله ما قدرش على زعلك
ندى / مين
مها / على طالع مع ابوكى
ندى وشها يحمر
مها / ههههههههههههههههههههه
صوت الباب بيتفتح
مصطفى / اتفضل يا على اتفضل يا ندى على هنا عاوزك ثوانى هدخل اشوفها فين
ندى تطلع
مصطفى / اهى
على يبصلها و يبتسم و هى بتحاول تبان زعلانه بس ما تقدرش و تبتسم
مصطفى / على عاوز يقولك حاجه
…………………
- يتبع الفصل التالي اضغط على ( رواية سلف و دين ) اسم الرواية