رواية ظننا انه باب الامل الفصل الثامن و العشرون 28 - بقلم ملك ناصر

  رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل الثامن و العشرون 28

في نص الفرح استأذن جاسر علشان يدخل الحمام.. شافتوا

داليا ومشيت وراه من غير ماحد ياخد بالو وهي مش ناويه

على خير ابدا..

جاسر طلع من الحمام لقاها واقفه في وشو: داليا؟! انتي

بتعملي ايه هنا..

داليا بضحكه سخريه: مبروك يا عريس..

جاسر كان هيمشي ويسيبها بس هي واقفت اودامه..

جاسر: ابعدي يا داليا مش وقتك..

داليا وهي بطلع التليفون ببرود: تمام هبعد بس مش قبل

ماتسمع ده.. وفتحت التسجيل اللي كيان واسيل بيتكلموا

فيه بس كان فيه شوية اضافات زي..

اسيل: بس جاسر ده طلع اهب.ل اوي هعههه عرفتي تضحكي عليه ازاي يابنتي..

كيان بضحك: زي ما قول.تي اهبل ومكشفنيش اومال كنتي

عايزاني اتفرج عليه وهو بيحب مراتوا كده بعد ما ماتت

وغارت في داه.يه وانا هنا مش بيعبرني..

اسيل: لا عرفتي تلعبيها صح شابو بجد..

كيان: هههه عيب عليكي يابنتي ده كيان المهدي بنت فاروق

المهدي..

اسيل: طيب يالا نطلع بقا قبل ما حد ياخد بالو..

خلص التسجيل وكان جاسر بيسمع كل كلمه وهو مش

مصدق..

داليا بلؤم: صدقتني بقا لما قولتلك ان مفيش حد هيحبك

ادي.. هي كانت بتضحك عليك علشان توقعك مستحملتش

لما لقتك لسه مخلص وبتحب عشق وسايبها هي زي ما باباها

سابها هي وامها وعملت عليك اللعبه دي كلها عشان تتجوزها

وانت مقصرتش وروحت اتجوزتها على طول..

جاسر كان عيونوا حمره جدا من كتر الغضب وسابها وشي من

غير ما يتكلم وهي ابتسمت بخبث وشر وقالت لنفسها:

قولتلك انت ليا انا يا جاسر.. ليا انا

اما عند بطلتنا فكانت قاعده قلقانه على جاسر اللي اتأخر

لحد ما شافتوا جه وقعد جمبها ومتكلمش..

كيان بتساؤل: في حاجه يا جاسر؟!

جاسر ببرود: لا

كيان: اومال اتأخرت ليه؟

جاسر بغضب بصلها: انتي هتحققي معايا ولا ايه ما قولتلك لا

كيان استغربت جدا من طريقتوا وسكتت..

خلص الفرح وكل واحم راح بيتوا وكيان وجاسر راحوا لقصر

الجارحي تحت توتر وخوف كيان..

جاسر بسخريه: ادخلي يا عروسه..

دخلت كيان وقعدت على الكنبه اللي موجوده بكسوف..

جاسر قرب وقعد اودامها على الكرسي ببرود وحط رجل على رجل..

جاسر: امممم مبسوطه..

كيان: مش فاهمه

جاسر: مبسوطه.. حصل اللي في دماغك اهو واتجوزتك

كيان بغضب: تقصد ايه يا جاسر انتي مالك بتتكلم كده ليه..

جاسر: تؤ تؤ متعليش صوتك عليا كده.. وقرب منها وقالها

بصوت خافت: بصراحه انا منبهر بتمثيلك.. اعترف قدرتي

تضحكي عليا وتعملي دور المسكينه الطيبه القوية الشجاعه

وانتي في الاصل افعى متحركه..

كيان قامت وقفت بصدمه وغضب: انت بتتكلم عن ايه ما

تحترم نفسك ازاي تكلمني كده..

جاسر بصوت عالي افزعها: اوعي تفكري تعلي صوتك عليا

تاني.. ورجع يتكلم بصوت واطي وبارد: قدرتي تخليني

اتجوزك بس مش هتقدري تخليني احبك لاني هنا.. وشاور

على قلبوا.. هنا موجود عشق بس عشق هي مراتي وحبيبتي

لكن انتي.. انتي مجرد واحده اشفقت على حالتها انتي

واحده جايه من الشارع اتوقع ايه منك يعني.. اذا كان

ابوكي سابك متوقعه مني انا جاسر الجارحي احبك وافضل

معاكي هه دانتي بتحلمي.. يا ترى بقا الست الوالده كانت

معاكوا في اللعبه دي ولا كنتي انتي واخواتك بس عملنها على الضيق..

كيان مقدرتش تستحمل اهانتوا ليها اكتر من كده ورفعت

اديها ونزلت على وشو بكف قوي جدا..

كيان وهي بتنهج بسبب الغضب: اياك تجيب سرتي او سيره

اهلي تاني انت ساااامع.. انت احقر انسان انا عرفتوا انا فعلا

غلطت.. غلطت جامد اوي لما وقعت نفسي مع واحد حيو.ان

زيك.. طلقني يا جااسر طلقنيي

جاسر اتعصب جدا وكان هيرفع ايدوا يضربها بس نزلها تاني

وقال: خلاص يا كيان لعبتك اتكشفت انتي مش متضطره

تفضلي تعملي فيها دور البنت القوية الطيبه اللي مفيش

زيها.. اه وهطلقك اكيد هطلقك انا ميشرفتيش تكون واحده

زيك على ذمتي بس مش دلوقتي..

كيان بغضب وصراخ: اطلع برررره.. براااااه

جاسر طلع بره الجناح.. وبره القصر كلو وركب عربيتوا ومشي..

الارض بضعف وانهارت في البكاء وكان صوتها عالي جدا بس

لأني جناح جاسر في النص تاني من القصر فمحدش سمعها..

عند جاسر __

كان ماشي في العربيه في طريق مفيهوش ناس كتير نظرا

للوقت المتأخر..

جاسر وهو بيضرب في الدركسيون: بكرهك بكرهك يا كيان..

انا غلط لما وثقت فيكي وحبيتك.. حبيتك بجد ونستيني

عشق.. بس لا هندمك.. هندمك على كدبك وخداعك ليا..

روح جاسر بعد ساعتين تقريبا ودخل جناحه بس اتفاجاه لما لقا……..

• يتبع الفصل التالي اضغط على (  رواية ظننا انه باب الامل ) اسم الرواية