رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الثلاثون 30
سمر / البتاع ده امان
حسام / نص حبايه بس فى عصير ندى او فى اكلها الطبق او الكبايه لو اتلخبطت مش عارف هعمل فيكى ايه
سمر / قول يارب
حسام / ما تزوديش مش ناقص غباوه
سمر / مش هزود هو مال سايب هو
حسام / عارفه لو ربنا كرمنا النهرده و كل حاجه مشيت زى ما خططنا
سمر / انا مستعجله اكتر منك الكاميره دى مجننه امى اقسم بالله لو عرفت انك واخد واصله
حسام / وصله ايه هى اوربت ما تفكك بقى من البرانويا اللى عندك دى انا كل اللى عاوزه ندى غير كدا ما يفرقش معايا
سمر / و على؟؟ انت قولت انك هترجعه الفقر تانى
حسام / على من غير ندى ما يساويش ضربتين فى الراس توجع برده
سمر / بقولك ايه
حسام / بقولك ايه انتى على لو كان عاوز يتجوز و خلاص كان اتجوز اول ما الفلوس جريت فى ايده و بعدين انتى مصعباها ليه عروسه على طارت و بنتك فى حضن جوزها تربطه بعيل و لا اتنين و هو هيتحرك لوحده و يضرب فى اخوه و ياخد منه حقه تالت و متلت مفيش حاجه بتحرك الراجل قد العيال اسالينى انا
سمر / انا كنت عارفه انك بق على الفاضى على العموم نخلص من الزفت اللى احنا فيه ده و انا هعرف اتصرف لوحدى كتر خيرك
حسام / انتى عوزانى اعمل ايه اكتر من اللى عملته يعنى دا انا وصيت حبايبى فى كل المصالح الواد مش اهبل ورقه كله سليم دا غير ان ايده فرطه فى الرش حقه ما هى مش فلوسه و لا تعب فيها
سمر / طب ما تقدرش تثبت اى حاجه من الحاجات دى
حسام / انه بيرشى يعنى لا دا موال طويل و محتاج ترتيب و معظم الموظفين ولاد كلب مرتشين يقولك هطير السبوبه عشان خاطر قرشين
سمر / يا سلام ان كان على القرشين نخليهم تلاته احنا و لا اربعه خمسه المهم نجيب مناخيره الارض
حسام / ركزى بس فى النهرده و انا هرتب الفكره دى فى دماغى صدقينى انا لو عليا اخلص عليه و ارتاح بس موته مش هيريحنى برضه انتى عمرك ما هتتخيلى انا بنام و اقوم احلم بدموعه و كسره نفسه و قهرته قد ايه
سمر / طول عمره اتم ما يطاقش انا عارفه شافت فيه ايه الهبله دى
حسام / يلا هانت هستنى منك مكالمه بكره مش هنام
سمر / قول يارب سلام
سمر تمشى من ناحيه و حسام يمشى من ناحيه تانيه
……………………………….
فى البيت عند عمر
سمر / فى حاجه ناقصه
أية / حاجه ايه بس يا ماما هو مين هياكل كل ده
سمر / يا بنتى احنا روحنا للناس بالليل استقبلونا بعشا ملوكى و عصاير و حلويات فى ساعتين زمن احنا بقى الناس جايين من بدرى لازم نبقى مجهزين غدا و عشا و تسالى و حلو و حادق و مشروبات سخن و ساقع كرم الضيف يا بت اهم حاجه فى الدنيا دا باب رزق لوحده
أية / ايوه عارفه بس هو كدا حلو اوى
سمر / روحى لمى الغسيل و طبقيه و عدى بفوطه كدا على الموبليا لمعيها
أية / ما انا لسه ملمعاها
سمر / يوه يا أية ما اكيد اتربت لمعيها تانى قبل ما الناس تيجى يا بنتى الست النضيفه بتبان من الحاجات الصغيره اللى زى دى
أية / حاضر حاضر
سمر / حضرلك الخير يا ختى …. استرها معانا يارب
………………………..
فى الشارع عند ندى
ندى و باباها و مامتها شايله حبيبه يطلعوا من العماره على راكن قدام العماره اول ما يشوف ندى يمد ايده من الشباك يطلعلها بوكيه ورد
ندى / دا ليا انا
على / لا طبعا دا لبيبو حبيبتى مين انتى اصلا
ندى / رخم اوى على فكره
على / ههههههههههههههه اتفضلى
ندى / ميرسى
على / اتفضل يا عمى اتفضلوا اركبوا
مصطفى / تسلم يا حبيبى
……………………….
فى شقه عمر
السفره مفروده الباب يتفتح و عمر يدخل
عمر / انا اسف جدا على التاخير بس والله خلصت و جيت طيران
مصطفى / و لا يهمك حماتك بتموت فيك ظابط نفسك على معاد الاكل
على / عمى كان مصمم نستناك بس انا عصافير بطنى باعتك خصوصا ان ريحه الاكل تهبل
سمر / لو الاكل عجبكوا تسلمولى ندى بقى اعلمها كل حاجه و باذنك يارب فى ظرف شهر واحد بس هسلمهالكوا ولا الشيف شربينى فى زمانه
مها / هههههههههههههههههههههه شهر واحد بس ما كانش حد غلب
ندى / شكرا على ثقتك فيا يا ماما
سمر / لا يا ندى انتى خلاص كلها حاجه بسيطه و تبقى عروسه ما ينفعش الكسل ده قالوها زمان اقرب طريق لقلب جوزك معدته
عمر / لا ما يتهياليش الموضوع ده هينفع مع على دا يطبخ بس ما ياكلش
مها / على فكره طبيعى اللى بيبقى قدام الاكل طول الوقت بيزهق منه و نفسه مش بتروحله
على / اه والله انا ما بعرفش اكل اى حاجه من المحل لازم حاجه غريبه كدا
مها / يا ابنى احنا نفسنا كستات بنطبخ و لما الاكل يتحط ما بنعرفش ناكل
مصطفى / يا مها ما هو انتوا برضه بتضربوا نص الاكل و انتوا بتدوقوه
سمر / هههههههههههههههههههههه والله ما فى حاجه مبوظه اجسامنا غير حكايه الدوقان دى لكن نعمل ايه يعنى مش لازم نتاكد ان الاكل مظبوط
على / دوقى معلقه مش تلت اربع معالق
سمر / هههههههههههههههههههههههه يحظك يا على اول مره اشوفك بتهزر و بعدين مش لازم نتاكد
مها / على رايك ما بيبانش من اول مره
الكل يضحك و ياكلوا و هما بيضحكوا ثوانى و ندى تحط ايدها على رسها
على / مالك يا ندى
ندى / مش عارفه دوخت شويه
مها / الله يعينها طول الليل بيبو مدوخاها
سمر / لا لازم تاخدى بالك من نفسك
مها / هتعمل ايه يعنى يا سمر ما انتى عارفه العيال فى السن ده نومهم عامل ازاى
سمر / اه والله ربنا يعينها انا هعملها مج نسكافيه يفوقها
على / طب خليه بعد الاكل هيسد نفسك دلوقت
ندى / انا اسفه بس انا مش جعانه انا هقوم اغسل وشى و ابص على حبيبه عن اذنكوا
ندى تسيب المكان و تقوم
أية / اجى معاكى
ندى / مفيش لزوم انا عارفه السكه كملى اكلك
سمر / كلو يا جماعه قبل ما يبرد
الكل ياكل و على بيلعب فى الطبق
على / هقوم ابص عليها معلش
على يقوم
سمر / لو لسه تعبانه خليها ترتاح جنب بيبوا
مها / اقوم ابص عليها
سمر / تقومى فين يا مها اقعدى كملى اكلك دى قله نوم معروفه هى بس تريح حبه و لا تشرب شويه نسكافيه و هى هتبقى زى الفل و لا انتى الاكل مش عاجبك بقى و بتتحججى
مها / لا والله ابدا دا انا حتى ناويه اخد منك الطريقه لما نخلص اكل
سمر / بس كدا قوليلى بس اكتر حاجه عجبتك و انا اقولهالك بكل تكاتها و حركاتها ههههههههههههههههههه
…………………………….
فى الحمام
ندى سانده على الحوض و الحنفيه مفتوحه
على / مالك يا ندى
ندى / دايخه اوى
على / تعالى ارتاحى شويه جنب حبيبه
ندى / بجد قله زوق اوى معزومين عندكوا و
على / تعالى تعالى بدل ما تقعى
على يسند ندى يدخلها الاوضه تدوخ اكتر يحط ايده حوالين وسطها و يسندها ينيمها على السرير
ندى / على
على / نعم
ندى / انا بحبك اوى
على يبتسم
على / و انا كمان والله يا نونو بحبك اوى
ندى تغمض عينها و تنام على يجيب الغطا و يغطيها و يقف ثوانى مبتسم يبص عليها
على / هانت يا نونو هانت يا قلبى
مها تدخل الاوضه
مها / بتعمل ايه هنا يا على
على / نامت
مها / طب هاخد حبيبه من جنبها لتصحيها
مها تاخد حبيبه وتطلع بره و على يقفل الباب و يطلع وراها يلاقوا سمر فى وشهم
سمر / ايه عامله ايه
مها / نامت
سمر / الله يعينها والله صعبت عليا اوى و دى هتوفق ازاى مع الجواز و الدراسه
على / هكون معاها و هساعدها
سمر / اكيد طبعا انت ما اكلتش حاجه كلك لقمه و انتى كمان يا مها هاتى حبيبه عنك لحد ما تكملى اكلك
مها / تسلم ايدك والله شبعت
سمر / لا انا كدا ازعل هاتى بيبو انا هنيمها فى اوضتى هناك
سمر تاخد حبيبه من ايد مها و مها و على يطلعوا بره سمر تجرى تحط البنت على السرير و ترجع تفتح اوضه ندى بالراحه و تشيل الغطا و ترميه فى الارض و بالراحه تحاول تفك زراير البلوزه بتاعتها ندى تفتح عينها تحاول تقوم سمر تسندها
سمر / على يا على ثوانى
على يدخل جرى يسند ندى
ندى / عاوزه امشى
سمر تطلع على باب الاوضه
سمر / انا سمعت صوتها بتنادى عليك فتحت لاقيتها بتحاول تقوم و كانت هتقع شوفها انت على ما اروح اعدل حبيبه لحسن حطيتها بسرعه و جيت
على/ ارتاحى يا ندى
على ساند ندى فى حضنه يرجعها بالراحه على السرير
ندى / عاوزه امشى
على / طب ارتاحى بس دلوقت
على يعدى ايده بالراحه على شعرها
ندى / ما تسبنيش لوحدى
على / انا جنبك اهو اهدى بس و ارتاحى مالك فى ايه
ندى تمسك ايده جامد و تغمض على يبص بره مفيش حد أية تدخل
أية / هو فى ايه
على / مش عارف خليكى جنبها يا أية معلش
أية / اكيد حاضر
على يطلع بره
مها / كان فى ايه
على / شكلها اتخضت لما ما لقتش حبيبه جنبها مش عارف
مها / هى اللى عامله فى نفسها كدا و تاعبه روحها اقولها هاتى البنت و نامى تقولى ما بعرفش انام غير و هى جنبى
سمر تطلع من جوه
سمر / الله امال هتعمل ايه بعد الجواز هتنيمها فى النص برده هههههههههههههههههههههههه
على / و ماله يعنى
سمر / لا يا على اوعى غلط جدا على البنت كمان
مها / لا يا سمر اهدى هو على اصلا مفصل لبيبو سرير لوحدها
سمر / اه دول مهما كانوا هيبقوا عرسان جداد
عمر / امال أية فين
على / قاعده جوه جنب ندى عشان ما تتفزعش
مها / ربنا يباركلك فيها يا سمر والله بنت ما حصلتش
سمر / الحمد لله دى الحيله
سمر كل شويه تبص على الاوضه
……………………………
فى شقه ندى
على و ندى بيتكلموا فى التليفون و مها قاعده جنبها
على / انا مش فاهم حاجه
ندى / مش عارفه بس انا ما ارتاحتش
على / انتى اصلا كان باين عليكى التعب اوى بس ما كنتيش راضيه ترتاحى خالص
ندى / مع انها مش اول مره انام هناك بس المرادى بجد كان فى حاجه غلط
على / خلاص يا نونو ما تروحيش هناك تانى
ندى / يمكن كابوس مش عارفه بجد
على / يعنى حصل ايه يعنى يا نونو ما كلنا كنا جنبك طول الوقت
ندى / عارفه يا حبيبى ربنا يخليك ليا
على / و يخليكى ليا يا قلبى على فكره تعملى حسابك الاسبوع الجاى نبدا فى فرش الشقه عشان نلحق جو العزومات النهرده احنا هما بكره دى مش هتنفع
ندى / احسن برده
على / روحى نامى بقى عشان تلحقى ترتاحى شويه قبل ما بيبو تصحى انا بجد قلقت عليكى جدا النهرده
ندى / انا نفسى مستغربه اللى حصل الحمد لله عدت
على / تصبحى على خير يا قلبى
ندى / و انت من اهله
ندى تقفل
مها / ما قولتيلوش ليه على الحلم اللى شوفتيه
ندى / انتى بتهزرى يا ماما ما اقدرش احكى لعلى انى حلمت بسمر بتقلعنى هدومى
مها / عشان عارفه انه هيضحك عليكى و يقول عليكى هبله زى ما قولتلك صح
ندى / لا عشان على مش بيحب سمر و مش بعيد ينسى خالص انه كان حلم و يبنى قصص فى خياله عشان يقلب الموضوع ده حقيقه و يقلب عليها تانى و ترجع المشاكل من تانى بسبب حلم
مها / يعنى انتى واثقه انه حلم زى ما قولتلك اهو
ندى / انا اتجننت خلاص بجد تعبت منك لله يا حسام على اللى عملته فيا
مها / الله و ماله حسام دلوقت
ندى / ما هو القرف اللى كان بيديهونى فى العصير كان بيخلينى مش عارفه الفرق بين الحلم و الحقيقه برده منه لله تعبلى اعصابى
مها / نامى و ارتاحى و اعصابك هتهدى لوحدك انا هسيبك و هطلع بره نامى و بطلى تفكير
ندى / هحاول حاضر
مها تطلع بره و تقفل الباب و ندى تنام فى السرير
………………………….
فى محل سمر تانى يوم
سمر شغاله على الكومبيوتر حسام يدخلها
حسام / ما اتصلتيش بيا من امبارح ليه
سمر / انا عملت اللى عليا و ظبطت كل حاجه بشوف الفيديو اهو و لو كنت لقيت حاجه كنت كلمتك
حسام / طب ورينى
سمر / ما اتفقناش على كدا انا قولتلك هسلمك الفلاشه لما تشيل الكاميرا اللى فى الاوضه
حسام / حصل خليهم معاكى بس ريحينى و قوليلى ان فى فى ايدينا حاجه و تعبنا ما راحش على الارض الفرصه بتاعه امبارح دى مش هتتكرر تانى
سمر / ما تخافش فى فيديوهين لندى و على و هما فى الاوضه و فى كام حته ممكن تلعب عليهم انت و شطارتك
حسام / طب ورينى
سمر / هتشوف و تستلم لما تخلصنى من القرف اللى انا فيه انا شعرى وقف
حسام / ماشى حاولى تفضى الشقه بكره و انا هاجى اظبط كل حاجه
سمر / بكره الصبح عمر عنده شغل فى الكليه هينزل الساعه تمانيه و يرجع بعد العصر هوزع أية و اتصل بيك على عشره كدا ماشى
حسام / ماشى بس اعملى حسابك ان الوقت اللى بيعدى ده مش فى صالحنا
سمر / انا بشتغل بايدى و سنانى اعملك ايه يعنى
حسام / ولا حاجه انا ماشى سلام
حسام يسيب المكان و يمشى
…………………………..
تانى يوم فى شقه عمر
سمر / والله انا لا ربيت و لا عرفت اربى
أية / ليه بس يا ماما و انا عملت ايه ما انا طول اليوم امبارح على يدك بغسل المواعين و بروق مطرح الضيوف و تعبت و نمت
سمر / يعنى هو انا ان ما فكرتكيش ما تتصليش بسلفتك تطمنى عليها انا ربيتك على كدا
أية / خلاص هكلمها
سمر / تكلمى ايه على ما افتكرتى انزلى اشترى هديه و لا حاجه و روحى زوريها
أية / حاضر بالليل
سمر / بالليل ايه يا بنتى ارحمينى الناس كلو وشنا
أية / مش للدرجادى يعنى و بعدين هكلمها فى التليفون و خلاص دلوقت و بالليل اروحلها
سمر / انا غلبت معاكى اعملى اللى يريحك
أية / يووووووه حاضر حاضر هلبس و انزل بس على الاقل اتصل اتاكد انها هناك
سمر / ماشى اتصلى
أية تمسك التليفون و تتصل بندى
أية / ازيك يا نونو عامله ايه
ندى / الحمد لله بخير انتى اخبارك ايه
أية / والله امبارح كنت مرهقه خالص ما عرفتش اتصل بيكى اطمن عليكى من ساعه ما كنتى تعبانه
ندى / فيكى الخير والله بس انا الحمد لله كويسه اوى دلوقت
أية / هو انتى فى البيت
ندى / اه فى البيت ليه
أية / ممكن اجى ازورك
ندى / اكيد فى اى وقت
أية / تسلمى يا حوبى هلبس و اجيلك
ندى / اوك هستناكى سلام
أية / سلام
أية تقفل
سمر /شوفتى بقى لما تعملى الواجب تتحبى ازاى
أية / يارب بس الواجب ده ما يتفهمش لزقه و لا خنقه و لا اى حاجه
سمر / ما تخافيش يلا اللحقى اللبسى عشان تلحقى تشترى اى حاجه و ما تتاخريش
أية / حاضر
…………………………………
فى شقه امانى
امانى / و ليه السربعه يا ابنى
اروى / سربعه ايه بس يا ماما دا انا خللت هو انا مش من حقى اسبوع عسل
نور / هو انتى مش فاهمه و لا ايه احنا هنسافر من غير حسام
حسام / لحد ما ارتب امورى هنا و انتوا تظبطوا كل حاجه يومين بالكتير و احصلكوا باذن الله
اروى / طب ما دام يومين انا هخلينى معاك و نسافر سوا
حسام / براحتك طبعا بس انا مش هكون موجود فى البيت غير النوم و ماما و نور و بابا مش هيكونوا هنا هتزهقى و لما اروح بدل ما هرتاح هنقعد نتخانق فليه بقى
اروى / مليش دعوه
امانى / حسام فعلا معاه حق يا اروى و بعدين يومين يادوب على ما نروق الشقه و نفضى الشنط و نرتب نفسنا هو يجى على الجاهز لكن هيسافر معانا اول يوم يعمل ايه
اروى / يا جماعه هتصرف انا عند ماما يوم ماما عندى يوم اليومين هيعدوا هوا
امانى / بس انا كنت ناويه فعلا اكلم تهانى تيجى معانا
حسام / فكره ممتازه و فى نقطه كمان بابا هيسافر بالعربيه و انا هسافر مواصلات ليه تبهدلى نفسك معايا يا بنت الناس و فى مكان فاضى فى العربيه
محمد / والله يابنى عين العقل
حسام / و ليكى عليا يا ستى اول ما اوصل هناخد انا و انتى شقه لوحدينا و نقضى فيها شهر عسل
نور / ايه ده هتبيعونا لا انسوا رجلى على رجلكوا
اروى / بطلى رخامه بقى يا نور الله
حسام / ههههههههههههههههه فانبسطى وسطيهم يومين عشان هيوحشوكى والله
امانى / هههههههههههههههههههههههه والله دمك عسل
محمد / خلاص نسافر على الخميس باذن الله
نور / خميس ايه يا بابا بيقولك كلم السمسار و هنسافر بكره
امانى / ما اخدتش بالى دا انا ورايا كوم غسيل
حسام / الشقه هتستلموها بكره العصر لو وراكوا حاجه يادوب تلحقوا تخلصوها عشان ما تسافروش فى الضلمه
امانى / الواد ده مش طبيعى هى حياتك كلها متسربعه كدا يا ابنى
محمد / الشريط بتاعه بيسف
حسام / ايه ده هى الحفله عليا و لا ايه لا انسوا انا ورايا شغل سلام انا
اروى / و انا يادوب اطلع اجهز شنطتى و شنطه تانيه لحسام و اشوف الغسيل و كدا سلام انا كمان
امانى / و انا يادوب اقوم اشوف هنسافر بايه و اشغل الغساله تعالى ساعدينى يا نور
حسام و اروى يطلعوا
محمد / طب انا اعمل ايه
امانى / لا انت تاخد العربيه و تطلع على الميكانيكى يبص على العربيه و تتاكد ان كلو تمام و تشيك على العجل و الزيت و تمون هو انا لازم كل مره افكرك كدا
محمد / ربنا يخليكى ليا الله امال انا بحبك ليه
امانى / شوفو ا الراجل ههههههههههههههههههههههههههه
……………………………
فى شقه ندى
أية / يعنى بجد مش بتقل عليكى
ندى / يا بنتى ابدا والله دا انا حتى بفرح لما بشوفك
أية / انا ساعات بخاف اوى اكون راميه نفسى على الناس و كدا بس بجد يا ندى انا فعلا مليش صحاب غيرك و برتاح اوى فى التعامل معاكى
ندى / و انا كمان والله ربنا يشهد على اللى فى قلبى ناحيتك
أية / ها هتبداى الفرش من امتى عشان اقدر اساعدك
ندى / على مستعجل بس انا تقريبا ما اشترتش حاجه اروح عشان افرشها فهنزل انا و ماما نشترى حاجات و نودى مره واحده
أية / لو احتجتى اى حاجه قوليلى اوعى تتكسفى
ندى / هو فى حد بيتكسف من نفسه يا بنتى
أية / ربنا يخليكى
………………………………
فى شقه عمر
حسام / ها فى اى حاجه
سمر / تسلم ايدك اتفضل
سمر تدى لحسام الفلاشه
حسام / و ادى باقى حقك
حسام يدى لسمر كيس اسمر جواه فلوس
حسام / يلا يا رامى
رامى / تمام يا باشا يلا بينا
حسام ياخد الواد اللى معاه و ينزلوا الشارع و يركبوا عربيه نص نقل عليها الازاز العاكس و يمشوا
حسام / دا باقى حسابك
رامى / تسلم يا باشا
حسام / هو انا لو الفلاشه دى ضاعت اعرف اجيب اللى عليها تانى
رامى / كلو متسجل على الهارد على محل الموبايلات يا باشا
حسام / ولو الهارد اتفرمت او اتحرق
رامى / يا باشا لو الهارد اتحرق و باظ ما اعرفش افيدك بس لو اتفرمت هياخد شويه شغل بس انت و نصيبك برده لكن ممكن
حسام / يعنى مفيش نسخه تانيه من الحاجات دى طريقه اتاكد بيها ان سمر دى ما ضحكتش عليا و ادتنى تسجيلات ناقصه و خبت الباقى
حسام يطلع رزمه فلوس
رامى / يا باشا انا مش بتاع مخابرات انا شغلتى ركب الكاميرا ركبت الكاميرا سطب برنامج سطبت برنامج اكتر من كدا يا باشا مليش اصلا يا باشا انا لو راقبت كل كاميرا ركبتها دا انا مش هفضى اخش الحمام لامؤاخذه يعنى دا انا بركب كاميرات بالهبل
حسام / سمعت
رامى / و بعدين ما تاخذنيش الشقه بتاعتك دى نضيفه دا انا مركب كاميرات فى شقق تشيب يا باشا والله نسوان داخله و نسوان خارجه حاجه عنب
حسام / يا راجل طب مش تعملى واصله
رامى / اعملك يا باشا و لو عاوز تروح تزورهم تحت امرك
حسام / ههههههههههههههههههههه انت عاوز تصورنى يا رامى
رامى / اصورك ايه يا باشا العين ما تعلاش عن الحاجب على العموم اجيبلك السديهات و نقى الحته اللى تعجبك و اجبهالك ملفوفه لفه جاتوهات سعاتك
حسام / كتر خيرك يا رامى مليش فى المستعمل ههههههههههههههههههههههه
رامى / و حياتك و الجديد موجود كلو بالسلوفانه بتاعته
حسام / دا انت معدى بقى فى الشغلانه
رامى / تصدق و تؤمن بايه
حسام / لا اله الا الله
رامى / الشغلانه دى بتكسب اكتر من بيع الكاميرات و تصليحها للشركات و المحلات دا انا فاتح بيتين و لا مؤاخذه من السيديهات دى
حسام / والله مش عارف اقولك ايه
رامى / يا باشا انت صيدلى و عارف الشباب تعبان و على اخره
حسام / انت هتقولى
رامى / وصلنا يا باشا عربيه سعاتك هناك اهى
حسام / تسلم يا رامى تعبتك
رامى / تعبك راحه يا باشا انت تؤمر و نمرتى مع سعادتك لو احتاجت لايوتها حاجه
حسام / ما اتحوجش هههههههههههههههههههههههههه
رامى / مقبوله منك يا باشا ههههههههههههههههههههههه بالاذن انا بقى
حسام / سلام يا رامى
…………………………………………..
فى شقه رامى
رامى يدخل و يحط الفلوس فى درج و يحط الكاميرا على مكتب قدامه و يشغل جهاز الكومبيوتر و يروح المطبخ يجيب طبق فيه اكل و ازازه ميه و يقعد يطرقع صوابعه و يفتح ملف فيه فيديوهات
رامى / ياترى الليله دى كلها كانت على ايه
رامى يقعد يتفرج على الفيديوهات و يجرى و يجرى لحد ما يوصل لسمر و هى بتفك زراير البلوزه بتاعه ندى
رامى / يا بنت الكلب بقى كدا هههههههههههههه و عاملالى فيها ام الشرف هههههههههههههههه دا انتوا لقطه اقسم بالله
رامى يعيد الفيديوهات من الاول و يوصل لمشهد أية و هى داخله الاوضه ملفوفه بالبشكير يوقف و يمسك الموبايل و يتصل بالتليفون
رامى / ايوه يا رفعت عندى حته اوزى ما حصلتش ………. لا استخدام طبيب هههههههههههه هستناك تعال
……………………………
تانى يوم فى شقه عمر الصبح
جرس الباب يضرب أية تروح تفتح تلاقى راجل واقف
أية / فى حاجه حضرتك
الراجل / مساء الخير يا جميل
أية / نعم
أية تحاول تقفل الباب الراجل يحط رجله
الراجل / ليه بس دا انا داخل البيت من بابه و لعلمك انا هعديهالك لانك ما تعرفنيش
أية / انت لو ما شيلتش رجلك هصوت و اللم عليك امه لا اله الا الله انت فاهم و لا لا
الراجل / و ماله لميهم بس ساعتها ما ترجعيش تزعلى لما اورى الناس صورك الحلوه
الراجل يطلع من جيبه شويه صور و يديهم لأية ما ترضاش تاخدهم و تفضل سانده الباب بايديها الاتنين
الراجل / افرجك انا
الراجل يقلب فى الصور واحده ورا التانيه أية تسيب الباب و تشد منه الصور و تلطم على وشها
أية / يا ابن الكلب الصور دى متفبركه يا ابن الكلب انت عاوز ايه
الراجل / اهدى بس
الراجل يدخل و يقفل الباب
أية / اطلع بره اقسم بالله اصوت و الم عليك الناس اطلع بره
الراجل / جرا ايه يا مزه انتى لسه ما فهمتيش بصى انا مش هضغط عليكى هسيبك تفكرى بس افتكرى الصور دى اصلى و معايا بالفيديوهات كمان
أية مش مستوعبه بيقول ايه و بتعيط و هى بتبصله
الراجل / بصى من الاخر كدا انا راجل و انتى بت حلوه ما فيهاش حاجه لو قضينا مع بعض ساعتين حلوين ننبسط سوا
أية / اخرس يا ابن الكلب اطلع بره اطلع بره
أية تشده من هدومه و تزوقه ناحيه الباب يزقها يوقعها فى الارض و الصور تتشحطر فى الارض
الراجل / جرا ايه يا بت الكلب ما تخلنيش اعملها معاكى فوقى اقسم بالله لو جيت المره الجايه و عصلجتى لانشر الصور و الفيديوهات و مش لجوزك بس دا لكل دكر فيك يا شارع و لكل نفر فيكى يا بلد و ابقى لمى فضيحتك بقى يا حلوه
أية تقف و هى بتعيط و تبصله
الراجل / انا لو منك اللمها فى الاستخبص و كدا كدا انتى انكشفتى عليا خلاص تحبى اقولك عندك كام حسنه فى جسمك
أية تحاول تلطشه بالقلم يمسك ايدها
الراجل / هعديها عشان لسه اوزى و ما تخافيش المره الجايه هاجى زى النهرده كدا جوزك فى الشغل و امك فى المحل بتاعها و الشقه فاضيه بالاذن يا مزه
الراجل يمشى و يرزع الباب وراه أية تقعد على اقرب كرسى و تفضل تعيط و تلطم
أية / يا نهار اسود يا نهار اسود
أية تبص للصور و تجرى تلمها و تقعد تبص فيها
أية / لا مش هتكون دى اخرتى لا ازاى ازاى
أية تفضل تقلب فى الصور و تدخل الاوضه تبص يمين و شمال و تفتح الشباك و تبص يمين و شمال و فوق و تحت
أية / ازاى ….. ازاى
تليفون أية يرن تصرخ و بعدين تبص و تروح بالراحه تشوف مين تلاقى عمر
أية / يلاهوى يلاهوى اعمل ايه اعمل اية اروح فين و اجى منين
أية تفضل تلف حوالين نفسها فى منتهى التوتر و الرعب و الصور فى ايدها و الموبايل فى الايد التانيه لحد ما يسكت
أية / اعمل ايه اعمل ايه
أية تجرى على المطبخ و تجيب حله و تقطع الصور و تحطهم جواها و تجيب ورق و تقطعه و ترميه جوه الحله و تجيب ورقه و تولعها و ترميها عليهم
أية / لو عمر شاف الصور دى هيقتلنى عمر هيقتلنى عمر هيطلقنى
أية تعيط اكتر
أية / ازاى ازاى …. يارب انا مليش غيرك يارب اعمل ايه اعمل ايه
…………………………..
فى شقه حسام
حسام بيتفرج على اللاب على الفيديوهات و ياخد صور
حسام / الله ينور يا علوه تسلم ايدك والله و لا تتقطع
حسام يمسك التليفون
حسام / ايوه يا عمى ازيك
مصطفى /الحمد لله خير
حسام / انا كنت عاوزك فى مشوار انت و ندى بكره لو فاضى
مصطفى / مشوار ايه ده
حسام / المحامى بتاعى نصحنى نكتب شروط الحضانه بتاعه حبيبه و انا و ندى نمضى عليها و بصراحه معاه حق انا اضمن منين انها لما تتجوز ما تتهربش منى و لا تتحجج باى حاجه
مصطفى / دا وقته يا حسام احنا مش اتفقنا على كل حاجه خلاص
حسام / هو مش حضرتك اللى كنت عاوز ده من الاول و انا مش هزود حاجه على الاتفاق تيجى يوم الخميس وتروح الجمعه و انا ملزم بكافه مصاريفها احنا بس هنكتب ده فى شكل قانونى يضمنلى حقى و يضمن لندى حقها
مصطفى / ماشى هنيجى
حسام / تمام المحامى هيكون موجود باذن الله بكره العصر ياريت حضرتك ما تتاخرش
مصطفى / حاضر يا حسام هاجى
حسام / تاعبك انا اسف و ياريت ما تنساش تجيب معاك ندى بس عشان لازم تمضى بنفسها
مصطفى / حاضر حاجه تانى
حسام / تسلم يا عمى
…………………………….
فى شقه عمر
عمر / مالك يا بنتى فيكى ايه
أية / قولتلك مفيش يا عمر الله فيا ايه يعنى
عمر / هاديه و سرحانه طول الوقت لا اكيد فى حاجه انتى اتخانقتى مع امك
أية / يا عمر مفيش حاجه انا بس مرهقه طول اليوم و زهقانه من القاعده لوحدى
عمر / اتصلت عليكى كتير ما ردتيش انا قلقت جدا عليكى
أية / معلش نسيته صامت و انشغلت فى المطبخ انا اسفه
عمر / فى حاجه انا متاكد فيكى حاجه
أية / زهقت الله حقى طول الوقت فى البيت و لوحدى و الاجازه هتخلص اهى و الدراسه هتبتدى و لا صيفت و لا نيلت
عمر / جديد الكلام ده
أية / انا ما كنتش ناويه اتكلم بس انت مصمم
عمر / انتى متاكده انها مش حاجه تانيه
أية / حاجه زى ايه يعنى
عمر / اى حاجه أية انا عمر حبيبك مش هتعرفى تكدبى عليا دا انا اللى مربيكى يا بت
أية تترمى فى حضنه و تعيط
عمر / ينهار ابيض فى ايه بس للدرجادى لا والله قلقت فى ايه يا بت مالك
أية / انا تعبانه اوى يا عمر مخنوقه اوى انا بحبك اوى يا عمر والله العظيم بحبك و عمرى ما اعمل حاجه تزعلك ابدا والله ما اعمل كدا ابدا
عمر / تعملى ايه يا بنتى مش فاهم حاجه
أية / عمر ما تسبنيش لوحدى يا عمر عشان خاطرى انا بزهق مش عاوزه اقعد هنا
عمر / ايه لعب العيال ده
أية / عشان خاطرى خليك جنبى انا محتاجاك ارجوك اوعى تسينى
عمر / يا بنتى اسيبك ايه بس هو انا ليا غيرك
أية / تعال نسافر اى حته نروح اسكندريه اطلب نقلك اسكندريه او او او اى حته اى حته نبعد عن هنا
عمر / و ماله هنا مش فاهم
أية / زحمه و دوشه و خنقه انا زهقت يا عمر عشان خاطرى عشان خاطرى
عمر / و لو طلبت نقلى من الكليه هسيب الشركه كمان
أية / انا و لا الشركه انا و لا الدنيا يا عمر انا بقولك محتاجاك بقولك ارجوك
عمر / ما انا لازم افهم ايه اللى جد عشان تطلبى منى الكلام ده
أية / انا تعبت يا عمر تعبانه مش قادره
الباب يتفتح و سمر تدخل
سمر / متجمعين عند النبى اخباركوا
أية تبص لامها و تبص لعمر
سمر / مالكوا انتوا متخانقين و لا ايه
عمر / أية بتقول عاوزه تسيب البيت عاوزه تسيب البلد كلها فجاه ياترى ليه
سمر / ايه الهبل ده فى ايه يا أية
أية / مفيش حاجه انا قولت نصيف يعنى
عمر / لا و طلبتى اننا نسيب مصر و نطلع اسكندريه
أية / يوووووه براحتكوا انا داخله اوضتى
أية تمشى و هى بتعيط و عمر واقف مش فاهم حاجه
سمر / هى مالها يا عمر انتوا اتخانقتوا يابنى
عمر / لا انا كنت لسه هسالك نفس السؤال
سمر / تفتكر ندى و لا على كلموها فى حاجه
عمر / ما اعرفش بس ما افتكرش على العموم هكلم على و اشوف
سمر / و انا هدخلها و احاول اتكلم معاها
عمر يهز راسه و يمسك الموبايل و سمر تدخل لأية اوضتها
……………………………….
فى شقه حسام تانى يوم
مصطفى / امال فين محمد و المحامى
حسام / بابا سافر المصيف الصبح و خد الكل معاه و مفيش محامى هيجى النهرده
مصطفى يقوم يقف و يتعصب
مصطفى / ايه قله الادب دى انت بتضحك عليا يا ولد انا ليا كلام تانى مع ابوك
حسام / اقعد يا عمى انت قلبك تعبان و مش حمل عصبيه و الكلام اللى هقوله مهم و لازم تبقى مركز و انت بتسمعه
مصطفى / كلام ايه ده
حسام / اقعد لو سمحت
ندى عينها مش بتنزل من على حسام حسام يطلع صور و يحطها على الترابيزه
حسام / انتى طيبه اوى يا ندى تفتكرى الحب الافلاطونى ده لسه موجود انسان ممكن يتنازل عن طفل من صلبه لمجرد انه يكون معاكى ده موجود فعلا
ندى / يلا نمشى يا بابا
حسام / بصى فى الصور يا ندى بصى كويس و فكرى ده معناه ايه
مصطفى يمسك الصور و يبص فيها و يبص لحسام بغضب
حسام / ما تبصليش كدا يا عمى انا لو كنت عاوز فضايح و لا مشاكل انا كنت خدت الصور و طلعت على القسم و عملت محضر زنا
مصطفى / اخرس يا كلب انا بنتى اشرف من الشرف
حسام / انا عارف و انت عارف و هى عارفه بس على نفسه مش هيقول كدا فى المحكمه
ندى / انت كداب انت بتحاول توقع بينى و بينه
حسام / صورتكوا ازاى فى اوضه نوم اخوه يا ندى انا كنت معاكوا اصلا فوقى
مصطفى / الكدبه دى خالت عليا زمان لكن المرادى مش هصدقها يلا يا ندى
حسام يطلع موبايله على مشهد سمر و هى بتفك زراير البلوزه و على بيدخل الاوضه و ياخد ندى فى حضنه ما حدش بيرد
حسام / روحى واجهى على بالصور و الفيديوهات و اساليه خد منى كام
ندى / انت حقير
حسام / زى ما قولت انا ممكن اخد الصور و اطلع على اقرب قسم و اعملك محضر زنا و اخد حبيبه و احبسك كمان
ندى / انت كداب
حسام / ليه ايه هيمنعنى انتى مراتى و على زمتى
مصطفى / انت طلقتها
حسام / معاك ورقه طلاقها يا عمى شفهى و رديتها شفهى عادى يعنى بتحصل
مصطفى / انا هقتلك انت بتعمل كدا ليه
حسام / فوق بقى فوق انت اللى مش قادر تحدد مصلحه بنتك فين
مصطفى / انت لو اخر واحد فى الدنيا مش هرجعهالك انا هحميها منك و اعلى ما فى خيلك اركبه
حسام / حقك تحمى بنتك و انا كمان حقى احمى بنتى و نصيحه يا عمى ما تتقلش فى المحشى و الممبار و بنتك بتتقطع فى الاوضه جوه
مصطفى يلطش حسام بالقلم
حسام / انا اسف
حسام يبص على ندى يلاقيها بتبص للصور و تعيط من غير صوت
حسام / انا قولتلك قولتلك ما تعشميش نفسك قولتلك هيبصلك ليه انا عارف انى غلطت و اذيتك بس انتى كنتى طول الوقت فاكره ان على الملاك المنقذ سبتك تشوفيه على حقيقته كان على عينى بس مهما كنت هحلفلك ما كنتيش هتصدقى
حسام يقرب من ندى مصطفى يزقه
مصطفى / ابعد عنها يا حيوان يلا يا ندى نمشى
حسام / ايه كنت فاكر انه ملاك انت طردته من بيتك و هنته و هو نسى بالبساطه دى اديت بنتك لراجل تانى قدام عنيه و عايرته بفقره و عيلته و لما بقى معاه فلوس فتحتله بابك كنت فاكره هياخدك بالحضن كان بينتقم منكوا مش اكتر
مصطفى / حتى لو معاك حق انا مش هدى بنتى للى رماها فى الصحرا و رجع يجرح فى شرفها
حسام يروح يشد الصور من ندى و يحطها فى ايد عمه
حسام / انا ما بجرحش فى شرفها انا بحمى شرفها انا وزعت عيلتى كلها عشان ما حدش يعرف حاجه عن حقيقه شرفك و شرف بنتك بس اقسم بالله اطلع من هنا على القسم و عندى بدل الصور دى فيديوهات و تسجيلات لكل اللى كان بيحصل فى اوضه النوم دى من ساعه ما ندى دخلت الشقه دى
ندى تبصله دموعها ما بتقفش
حسام / دى شقه اخويا و مراته و انتى صدقتى و نمتى و هو عرف ياخد حقه منك تالت و متلت و منى و من ابوكى فوقى انتى مش عايشه وسط ملايكه فوقى
مصطفى / قومى يا ندى امشى قومى يا بنتى قومى
حسام / انا بنتى هتتربى فى حضنى يا ندى قومى روحى و هستنى منك تليفون تقولى هتختارى ايه السجن و لا تعيشى معاها و تربيها
مصطفى يروح يمسك حسام من هدومه
مصطفى / انت فاكر انى هسكتلك انا مش هسمحلك دانا اقتلك انت فاهم اقتلك اقتلك
مصطفى يزق حسام على اخر دراعه و يروح يقوم ندى الصور تقع من ايدها فى الارض و تمشى خطوه التانيه تقع من طولها
………………………………
فى المحل عند سمر
سمر / طب افهم بس ايه السبب
أية / ماما انا زهقانه هتمشى شويه و ارجع ماشى
سمر / والله هتجننينى فى البيت زهقانه و يلا ننزل نروح المحل نوصل المحل زهقانه و هتمشى شويه
أية / عادى يعنى يا ماما يعنى شايفه الزباين بتقطع بعضها فى المحل ما هى قاعده بقاعده برده
سمر/ هو انا هعرف اخد معاكى حق و لا باطل روحى ياختى روحى
أية تطلع من المحل و تتمشى و هى باصه فى الارض حد يعدى من جنبها يخبطها فى كتفها ما تبصش و تمشى تسمع صوته
الراجل / اللى شاغل عقلك هههههههههههههههههههه
أية تبصله تلاقيه الراجل بتاع الصور
الراجل / على العموم فكرى براحتك انا مش مستعجل هههههههههههههههههههههه
الراجل يسيبها و يمشى و هى تبص يمين و شمال و توقف تاكس و تركب
………………………….
فى المستشفى
مها تدخل بتجرى تلاقى حسام واقف على باب الاوضه
مها / مالها ندى
حسام / هبوط شكلكوا مش بتغذوها كويس
مها / انا قلبى كان حاسس ان مش هيجى من وراك خير ابدا
مها تدخل الاوضه و حسام وراها تشوف ندى نايمه على السرير معلقه محلول و بتعيط و مصطفى قاعد جنبها
مها / فى ايه يا مصطفى اتخانقتوا
حسام / انا هقولك اللى حصل
مصطفى / استنى انت مها اهدى و اسمعى اللى هقولهولك كويس
مها / خير يا مصطفى فى ايه ما تقلقنيش
مصطفى ياخد مها و يقعدوا و هى بتبص لحسام
مصطفى / حسام معاه صور لندى و هى فى حضن على
مها تحط ايدها على صدرها
مها / انت بتقول ايه
مصطفى / فى شقه عمر احنا كنا واثقين فى الواد ده زياده عن اللزوم حسام بيقول انه متفق معاه يرجعله ندى مقابل فلوس و انه كان بينتقم بس
مها / دا كداب و ابن كلب
مصطفى / حسام صور ندى ازاى فى شقه عمر حسام بيهدد انه هيعمل محضر زنا و يحبس ندى و ياخد حضانه حبيبه علاطول
مها / دا على جثتى انت فاهم على جثتى
مصطفى / مها اسمعينى
مها تقوم تقف و تروح ناحيه حسام يتعدلها و مصطفى يقوم وراها يحوش
مها / انت ايه شيطان ما بتتهدش انت ما كفاكش اللى عملته فيها عاوز تكمل عليها
حسام / مش انا اللى كملت انتوا لما سبتوها تنام مع راجل غريب بعيد عن عنيكوا
مها تحاول تضرب حسام بالقلم يمسك ايدها
حسام / انا لحد دلوقت عامل حساب للى بينا بس قبل ما تحاسبينى روحى اتفرجى على الافلام اللى معموله لبنتك و مش بطريقه جديده انتى قولتى للكلب ده انا عملت ايه و هو استخدم نفس الطريقه و انتقم من بنتك خدرها و انبسط و صورها و بعتلى الصور
مها / انت كداب
حسام / اساليه روحى اساليه و انتى بتساليه اسالى نفسك الصور دى اتصورت ازاى فى اوضه نوم اخوه فى شقه باسم على
مها ايدها تلين حسام يسيبها
حسام / على خد حقه منكوا و انتقم من اللى عملتوه فيه و انا حذرتكوا بدل المره اتنين و تلاته بس هى الكلمه منى بتقف فى الزور اعملكوا ايه
مها تبص لحسام و لسانها متلجم
حسام / هجيب من الاخر هاخد بنتى تتربى فى حضنى لو بنتك عاوزاها تانس و تنور هتعيش زوجه معززه مكرمه مصانه زى ما كانت عايشه معايا بالظبط طلباتها مجابه و خدامه تخدمها و مفيش مخلوق هيعرف حاجه عن اللى حصل مش عاوزه خلاص تعيش بقى بالفضيحه بتاعتها و انا كفيل انا و اروى نربى حبيبه و ننسيها امها و قرفها خالص
مها تبص لمصطفى و تحط ايدها على قلبها و ترجع خطوتين لورا
حسام / انتى اللى عملتى فى بنتك كدا لما سبتيها دايخه من المنوم اللى على حطهولها فى العصير و قعدتى تلغى
مها تبصله و عنيها و اسعه
حسام / كان حلو الاكل احلى من الشرف يعنى
مصطفى / اخرس بقى اخرس
مها تقع فى الارض و ندى تصرخ
……………………………………..
فى المحل عند على
على يفتح المكتب يلاقى أية قاعده
على / لما قالولى انك هنا جيت جرى فى ايه عمر جراله حاجه
أية تهز راسها لا
على / عمر كلمنى امبارح و قالى انك مش مظبوطه بصى لو حصل اى حاجه بينك و بين ندى ممكن تحكيلى صدقينى مش هظلمك و لا هزعل منك بس قوليلى مالك عمر هيتجنن عليكى
أية / على انا فى مشكله كبيره اوى و ما حدش غيرك يقدر يساعدنى
على / مشكله ايه دى قوليلى احكى
تليفون يجى لعلى
على / ثوانى ندى
على يطلع بره و يرد
على / الو
حسام / واحشنى اوى يا علوه
على / مين؟؟؟ حسام ؟؟؟
حسام / ايه مستغرب ليه
على / تليفون ندى بيعمل ايه معاك
حسام / اهدى بس ندى فى المستشفى
على / مستشفى ايه
حسام / هقولك طبعا ما انت لازم تيجى تقوم بالواجب هههههههههههههههههههههههههههههه
على يسيب المحل و يطلع يجرى يركب العربيه و أية واقفه بتبص عليه و هو ماشى و تعيط
………………………….
فى شقه عمر
عمر يدخل الشقه ما يلاقيش لا أية و لا سمر يتصل بالتليفون غير متاح يتصل بنمره تانيه
عمر / ايوه يا سمر انتوا فين
سمر / انا قاعده فى المحل بقالى ساعتين مستنيه ست أية و ما جاتش
عمر / يعنى ايه ما جاتش راحت فين يعنى
سمر / قالتلى زهقانه هتمشى شويه و قاعده مستنياها ترجع عشان اقفل و بتصل بيها غير متاح
عمر / دا ايه الهم ده هنزل ادور عليها فى الشوارع يعنى
سمر / لا ما تنزلش انا هقفل و هجيلك و هى لو رجعت و لقت المحل قافل هتيجى على البيت اهدى انت بس
عمر / يعنى ايه اهدى و انا هفضل قاعد مستنيها مش عارف مكانها و يا عالم حصلها حاجه و لا لا
سمر / ما تدخلش الفار فى عبى بقى و اهدى تلاقيه فصل منها باذن الله خير
عمر / طب تعالى مستنيكى تعالى بسرعه
سمر / مسافه السكه حاضر
…………………………………
فى المستشفى
على داخل يجرى يسال فى الاستقبال
على / لو سمحت ندى زغلول ندى مصطفى زغلول
الاستقبال / اوضه تلتميه و سته
على / شكرا شكرا
على يجرى لحد ما يوصل للاوضه و يفتح الباب يلاقى ندى نايمه و حسام قاعد جنبها
على / انت بتعمل ايه هنا
حسام / وطى صوتك احنا فى مستشفى هى كويسه مدينها مهدئ عشان امها فى العمليات ما استحملتش الخبر
على / مالها
حسام / تعرف ان دى تالت عمليه قلب فى فتره صغيره جدا فى العيله انا بدات اقلق لتكون وراثه ولا حاجه الواحد لازم يهتم بصحته اكتر من كدا
على / انت هتستهبل انت اصلا بتعمل ايه هنا اى مكان بتروحه الخراب بيملاه انت ايه يا اخى شيطان
حسام / اهدى كدا و روق خد ملى عينك باللى دخل حماتك العمليات
حسام يدى لعلى الصور
حسام / قولتلك قبل كدا لو حد مد ايده على حاجتى هكسرها بس انت مكسور لوحدك
على / ازاى… الصور دى
حسام / الصور دى اتبعتتلى امبارح عارف مين صورك
على يبصله
حسام / مين يا على خانك و صورك انت و خطيبتك فى اوضه النوم مين فى عيلتك اللى تتعد على الصوابع باعك اخوك و لا مراته و لا حماته بقى يا خساره يا على كنت تستاهل احسن من كدا
على / انت حيوان و انا مش ممكن
على يحاول يتخانق مع حسام ممرضه تدخل
ممرضه / من فضلكوا الصوت
حسام يزق على
حسام / لما انت مش هتقدر تحميها بتوعدها ليه اطلع بره يا على ندى رجعت لجوزها و لو عاوز تتاكد حمايا عند اوضه العمليات جنب مراته روحله و اتاكد منه بنفسك
على / الورق اللى معايا يوديك ورا الشمس انا جبت ملفها من المستشفى هناك و المحاضر و كل حاجه
حسام / بلها و اشرب ميتها يا على ههههههههههههه بلها و اشرب ميتها ندى مراتى و هتفضل مراتى و اللى انت ما تعرفوش ان انا كمان ممكن احبسها بالصور دى انساها يا على انساها عشان هى تقدر تعيش وقت الزياره خلص بس ممكن تروح تطمن على عمتى فى العمليات عمى معاها هناك بس لو ما خرجتش من الاوضه حالا يا على هخرج انا و هروح على القسم و هعمل محضر فى ندى بالصور دى و اخد منها حبيبه و هحبسها يا على عارف جريمه الزنا عقوبتها ايه يا على و لا تحب اقولك و لا روح اسال المحامى بتاعك انا لو منك بعد ما اسال المحامى اروح اللم الزباله اللى قاويهم فى بيتى و اشوف مين الكلب اللى عمل فيا كدا هارد لاك قولتلك ما بدخلش معركه خسرانه
على واقف مش عارف يرد حسام يروح للتليفون
حسام / لو سمحتى ابعتى امن المستشفى اوضه تلتميه و سته فى واحد عمال يتخانق و يعمل مشاكل و مش عارفين نمشيه ……….شكرا
حسام / هتوحشنى اوى يا على
حسام يعدل الكرسى و يقعد جنب ندى و يمسك ايدها و يبص على على
حسام / انت لسه واقف انت ايه ما بتفهمش اطلع بره يلا
على / مش هيحصل مش هيحصل
على يشد حسام من على الكرسى و يوقعه فى الارض الامن يدخل و يشد على
حسام / انت مجنون انا هحبسك انا عاوز البوليس هعمل محضر
على / مش هسيبك يا كلب والله ما هسيبك
حسام / طلعوه بره دى مستشفى و لا تكيه دى ازاى الحيوان ده دخل هنا اصلا انا هرفع الموضوع لوزير الصحه شخصيا امال لو كانت مستشفى حكومى انا هطلب البوليس و اعمل محضر اثبات حاله
الامن يشدوا على بره و راجل ببدله يقف يتكلم مع حسام و يحاول يهديه
على / سبونى اوعوا والله ما هرحمك والله ما هسيبك سبونى اوعوا اوعوا
……………………………….
فى شقه عمر
باب الشقه يتفتح بالراحه و أية تدخل الكل يجروا عليها
عمر / كنتى فين لحد دلوقت ينفع حركات العيال دى
أية / انا اسفه
عمر / كنتى فين بقولك
أية / كنت فى المحل عند على
سمر / على ؟؟؟ ليه
عمر / فى ايه يا أية مالك ما انتش مظبوطه فى ايه ايه اللى يوديكى لعلى اصلا
أية تبص لعمر و تسكت
سمر / قولى يا قلبى فى ايه مالك حد ضايقك
عمر يتصل بعلى
عمر / انا هكلم على اخليه يجى ما هو انا مش هستحمل الهبل ده
الباب يخبط سمر تفتح تلاقى على
سمر / ابن حلال و جيت لوحدك
على يدخل
عمر / كنت لسه هكلمك هو فى ايه اللى بيحصل انا مش فاهم حاجه
على / انا و لا هى
على يشاور على أية أية تبص لعلى و تروح تجرى تقف جنب عمر
على / انا و لا هى يا عمر
عمر / فى ايه يا على ايه السؤال ده
على / فى الغابه اللى عايشين فيها كنت مدى الامان عشان انت فى ضهرى يا عمر بس طلعت اهبل
عمر / مالكوا كلكوا فى ايه انا مش فاهم حاجه
على يحدف الصور فى وش عمر تقع فى الارض عمر يوطى يشوفها و أية تتفزع و تجرى تبص على الصور لتكون صورها و تبص لعلى
على / عندك تفسير للصور دى يا ابن ابويا
عمر / ايه ده
على / طلقها يا عمر
أية / لا انا مليش دعوه انا ما عملتش حاجه
على / امال مين امك انطقى مين
أية / ما اعرفش انا مليش دعوه والله انا ما عملتش حاجه عمر والله ما انا انا ما عملتش حاجه
على/ كنتى جايه ليه يا أية مسهمه ليه من امبارح مالك فيكى ايه
أية / مفيش حاجه
على / حسام ماسك عليكى ايه خلاكى تعملى كدا
أية / ما حصلش والله كدب عمر و الله ما حصل انت عارفنى انا ما اعملش كدا عمر قول حاجه يا عمر قول حاجه
على / ما تقول حاجه يا عمر الله
عمر / اقول ايه انا مش قادر استوعب
على / ندى فى المستشفى حسام هياخد حبيبه منها و يعملها محضر زنا و يحبسها بسبب انى وثقت فيك و دخلتها بيتك يا عمر نضف بيتك يا عمر طلقها
أية/ لا حرام عليك انا مليش غيره حرام عليك انا ما عملتش حاجه حرام عليك انا مليش ذنب
على / ساكته ليه يا سمر
سمر / عاوزنى اقول ايه انت نصبت المحكمه و حكمت من غير حتى متدى فرصه لحد يدافع عن نفسه
على / و انا سامعك قولى دفاعك انا اصلى فضيتلكوا اما اشوف انا و لا انتوا
عمر / قولى الحقيقه يا سمر انتى اللى عملتى كدا
سمر / لا طبعا ازاى يعنى
أية / مش حسامحك لو انتى السبب مش هسامحك
سمر / انتوا هتنصبولى المشنقه ما يمكن الست هانم عملت التمثيليه دى كلها عشان تضرب على الشبكه
على / حماتى فى العمليات من الصدمه
سمر / ما يمكن بتشفط دهون هو حد شايف حاجه
عمر / اسكتى بقى اسكتى
سمر / انت بتزعقلى تانى هو فى ايه كلكوا عليا و لا ايه انا كنت عملت ايه يعنى انا الحق عليا رضيت بالهم و الهم مش راضى بيا
على يروح يفتح الباب
على / فى شخص مننا هيطلع من الباب ده للابد يا عمر
عمر يبصله
على / اختار
أية / انا مليش دعوه حرام عليك والله ما انا و الله يا عمر ما عملت حاجه و ربنا ما عملت حاجه … ابوس رجلك يا على ما تخربش عليا انا مليش غيره ابوس ايدك
أية / مفيش مشكله
عمر / مشكله ايه يا أية
أية تبص حواليها و عنيهم التلاته معاها و تعيط
أية / انا ما عملتش حاجه والله والله ما عملت حاجه انا تعبت
على / بطلى استعباط بقى عمر انا ماشى و زى ما قولت اللى هيخرج من الباب ده هيخرج للابد
عمر / استنى يا على
أية تبصله باستعطاف
عمر / أية عمرها ما تعمل كدا و انت عارف لو حد عمل كدا هيبقى سمر
سمر / انا ماشيه
على / منك لله
سمر / كلنا مننا لله ملناش غيره يا على ربنا واحده عارف مين كان بيفترى و مين كان بيدافع عن حقه ربنا وحده اللى يعلم وقفتك و انت بتخرب على اخوك لو كان عملها معاك كنت اتمسكت بست ندى و بعته لكن هو غبى
على / استفدتى ايه
………………..
- يتبع الفصل التالي اضغط على ( رواية سلف و دين ) اسم الرواية