رواية ظننا انه باب الامل الفصل الواحد و الثلاثون 31 - بقلم ملك ناصر

    رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل الواحد و الثلاثون 31

عند جاسر..

كان في العربيه بيسوق بأقصى سرعه علشان يروح لكيان

وكان بيلوم نفسوا انو شك فيها وقالها كلام مكنش ينفع

يتقال وهو عارف ومتأكد انها من المستحيل تسامحوا..

جاسر لنفسوا بغضب: غبي غبيي.. ازاي اقولها الكلام ده ازاي..

كيان مش هتسامحني.. مش هتسامحني..

بعد وقت..

وصل للشركه وطلع لمكتبها فوق فتح الباب ودخل بس

الصدمه لما ملقهاش.. خرج بره سأل عنها الكسرتيره قالتلوا

انها روحت من عشر دقايق تقريبا..

نزل جاسر بسرعه علشان يلحقها وركب العربيه..

وهو ماشي بالعربيه لمح بنت بشعر طويل مموج واقفه اودام

النيل الهوا بيلامس شعرها الطاير..

جاسر اول ما شافها نزل فورا..

كانت واقفه وهي بتستنشق الهوا وبتسمع اصوات الامواج الخفيفه

والعصافير في وسط الهدوء مفيش عربيات غير قليل مفيش

ناس لوحدها وبس.. حس بنفس وراها بتلف تشوف مين لقيتو..

لفت تاني وشها..

جاسر: كيان..

كيان:………

جاسر بتنهيده: كيان انا اسف

كيان:………

جاسر: لو سمحتي ردى عليا.. عارف اني غلطت ومكنش ينفع

الكلام اللي انا قولتوا بس.. بس والله كان وقت غضب لما

اكون متعصب ومش بفكر في اللي بقولوا.. انا اسف سامحيني

كيان بصت في عيونوا اللي الشمس عاكسه الضوء عليها

ومبينه عيونو العسلي..

كيان بضحكه خفيفه: اسامحك؟! انت مقتنع باللى انت بتقولو

ده بجد

جاسر: كيان انا..

كيان بمقاطعه وغضب: كيان ايه.. ها كيان ايه كيان اللي هنتها

وعايرتها بابوها.. انا امنتك على سري وكنت انت اول واخر

واحد احكيلو بابا الحقيقي بس انا غلطت غلطت جامد اوي لما

قولتلك ولما كدبت عليك واتجوزتك.. انا نادمانه اني اتجوزتك

وندمانه اكتر اني عرفتك.. ياريتك ما دخلت حياتي يا جاسر.

. قالت كلامها دفعه واحده وسابتو وراحت ركبت عربيتها

ومشيت.. اما جاسر فكان واقف على وضعوا..

هي بجد ندمانه انها عرفتو؟!

ندمانه انو دخل حياتها؟!

مش حابه وجودو جمبها؟!

كل الاسئله دي كان بيسألها لنفسوا اد ايه حس بالندم على

اللي عملوا..

&&&&&&&&&&&&&&&&&&&&&&&&&&&

امينه: بنتي.. داليا ايه اللي حصل يا حبيبتي قومي..

داليا: جاسر ضربني..

امينه بصدمه: ايه! ازاي.. لا لا جاسر ميعملش كده انا عارفاه

كويس اكيد انتي اللي عملتي حاجه..

داليا بصراخ: ليه دايما بدافعي عنو ليييه.. انا اللي بنتك ولا

هو.. هو ميقربش ليكي اي حاجه فاااهمه هو مجرد ابن اخو

جوزك.. ليه بتحبي كل الحب ده لييه.. ليه بتحبي اكتر مني..

انا بقا هخربلوا حياتو.. هيكون ليا انا وبس.. انا وبسس

داليا فجاه لقت كف قوي من امينه على وشها..

كويس.. وقربت منها بتحذير: لو قربتي من جاسر او مراتوا يا

داليا مش هيحصلك طيب ابدا.. وخرجت بره وسابتها..

داليا كسرت كل اللي على التسريحه بجنون وغضب: هقت.لها

يا جاسر هقت.اها وهخليك تتحسر عليها زي ما اتحسرت

على عشق……

• يتبع الفصل التالي اضغط على (  رواية ظننا انه باب الامل ) اسم الرواية