رواية احببت قاصرا الفصل الثالث و الثلاثون 33 - بقلم شيماء الديب

  رواية احببت قاصرا كاملة بقلم شيماء الديب عبر مدونة دليل الروايات 

 رواية احببت قاصرا الفصل الثالث و الثلاثون 33

بعد كتب الكتاب كانت امال ومني حضرو الاكل وجهزو سفره كبيره تلم كل العيله

ودي اول مره من سنين يتجمعو كلهم كده

عادل // ايه ياعم سيف مش هنفرح بيك بقي ولا ايه

سيف // قول يارب ياعمي بس اخلص امتحانات وافوق كده

عادل // وياتري لقيت عروسه ولا نبدأ ندورلك

يوسف // الا لقي دا سيف لقي ولقي ولقي

سيف بسرعه راح داس علي رجليه من تحت السفره

يوسف وهو بيتوجع // ااه اقصد البنات كلها بتجري وراه في الجامعه

وبص لسيف وبصوت واطي قاله // حلو كده 🤨

عادل // ربنا يوفقكم بس متنسوش تعزموني بقي

خالد // اكيد ياعادل يابني انت بقيت واخد من عيلتنا خلاص

فجأه الباب خبط

خالد // ياتري مين اللي جايلنا دلوقتي

امال // ده اكيد حد حماته بتحبه اوي انا هقوم افتح

سمر // لا خليكي ياعمتو انا هروح اشوف مين

بالفعل سمر راحت تفتح وبتبص لقتها امها وشايله اهوها الصغير

سمر فضلت تحضن في امها وتبوسها بفرحه كبيره

خالد // مين ياسمر يابنتي

هاله دخلت // انا ياعمي هاله بنت اخوك

اسعد قام بنرفزه // وايه اللي جابك ياتري ?? جايه وشايله سِمك وغلك وحقدك لمين المره دي ??

هاله بانكسار // ولا لاي حد يااسعد كل اللي محتاجاه مكان صغير بينكم ولو مفيش همشي واوعدك مش هتشوف وشي مره تانيه

خالد // اسعد عيب كده دي مهما كانت ام ولادك وبنت عمك

هاله // تعالي يابنتي ادخلي

هاله دخلت جري علي عمها ووطت علي ايده وفضلت تبوس فيها // سامحني ياعمي ونبي سامحني انا شيطانئ كان عاميني والله

خالد وبيطبطب بايده التانيه علي راسها // قومي يابنتي قومي مش مهم اني اسامحك الاهم جوزك اللي يسامحك

سيف اول ماشاف امه قام جري علسها واخدها بالحضن وسمر اخدت اخوها الصغير من علي دراعها وهاله فضلت تبوس في سيف وتحضن فيه

هاله // حمدالله علي سلامتك يانور عيني والله مافي لحظه غبت عن بالي وكل ثانيه بكلم اختك واتطمن عليك

سيف // ولايهمك ياامي المهم انك رجعتي وحشتيني اوي وراح بايس علي راسها

مني قامت من علي السفره وراحت تسلم عليها // حمدالله علي سلامتك ياام سيف نورتي بيتك من جديد

هاله // سامحيني يامني علي كل حاجه حصلت مني وكل اذيه اتسببتلك فيها

مني // ياحبيبتي مفيش بين الاخوات اعتذار

هاله // طول عمرك بنت اصول ودايما مسامحه في حقك

وانتي ياامال مش هتسامحيني ونبدأ صفحه جديده مع بعض 😥

امال بصتلها وسكتت

خالد // مفيش حاجه مستهله ياامال يابنتي ويابخت من قدر وعفي

امال // معاك حق يابابا وقامت راحت علي هاله وحضنتها ورحبت بيها

خالد // هاتي يابت ياسمر حفيدي الصغير لما املي عيني منه

سمر عطت الولد لجدها وشاله وفضل يهز فيه ويبوسه ويحضنه ويقوله // نورت بيت السيوفي ياسيوفي ياصغير

هاله // مش هتسامحني يااسعد ?? وتديني فرصه تانيه ??

اسعد بصلها ولسه هيطلع من بابا الشقه ابوه نادي عليه

خالد // لا تبقي ابني ولا اعرفه لو مصالحتش مراتك وردتها لعصمتك يااسعد

اسعد // بعد كل اللي عملته ياحاج! !

خالد // يابني ربك غفار الذنوب نكون احنا ايه عشان منغفرش لبعض سامح يابني وانسي وعيش وربي ولادك تحت جناحك وطوعك واديها فرصه اخيره

هاله // اه والله ياعمي هتبقي اخر فرصه واوعدكم كلكم هتلاقوني اتغيرت وبقيت هاله تانيه غير اللي عرفتوها

سيف // خلاص يابابا عشان خاطرنا بقي

سمر // ونبي يابابا احنا مش هنقدر نعيش من غير حد فيكم

احمد // ماخلاص يااسعد هو احنا لازم كلنا نتحايل عليك

اسعد اخد نفس عميق // حاضر بس خليكي فاكره انها اخر فرصه

هاله هزت راسها بالموافقه وهي مبتسمه

سيف بفرحه // ايوووه بقي يااحلا اب في الدنيا وراح عليه وحضنه

خالد // يلا ياولاد اقعد نكمل اكل كلنا يلا يااسعد هات كرسي لمراتك جمبك اقعدي ياهاله يلا

والكل اتجمع من جديد وخالد لسه شايل حفيده علي رجليه ومش راضي يخلي حد ياخده منه وبياكل وهو معاه وعدي اليوم والكل فرحان ومبسوط

تاني يوم الصبح

يوسف بصوت واطي // سيف يلا اصحي عشان نروح الجامعه ونطلع علي مشوارنا الساعه بقت 7

سيف قام بسرعه دخل الحمام وجهز نفسه وراح علي الجامعه اول ماوصلو شافو تامر من بعيد واقف مع بنتين وبيهزر وبيضحك وعايش حياته عادي ولا كأن في حاجه حصلت

تامر اول ماشاف سيف ويوسف رايحين عليه هرب منهم وفصل ملح وداب

سيف // هتهرب مني هتروح فين ياكلب اما اخدت حق كل البنات منك مبقاش انا سيف السيوفي

يوسف // ناوي علي ايه ياصاحبي

سيف // بعدين بعدين يلا نلحق المحاضره عشان انا مستعجل علي زيارة منه اووي

ودخلو لي المحاضره حضروها وطلعو وركبو عربيتهم وطارو علي النيابه

دخلو للظابط وعطوه اذن الزياره

الظابط // طب تقدرو تقعدو تستنوها وهبعت اجبهالكم

سيف هز راسه هو ويوسف وقعدو

سيف قاعد متوتر وعمال يهز في رجليه

يوسف // لا اهدا كده ياصاحبي عشان نعرف نتصرف صح

سيف // انا نفسي اقتلها يايوسف علي اللي عملته فيا

يوسف // تبقي غلطان لو تضيع مستقبلك عشان واحده زي دي اهدا وعشان نعرف ناخد حقك

سيف هز راسه وسكت

وفجاه باب المكتب اتفتح ودخلت منه عليهم وعلي ملامح وشها الانكسار

منه جريت علي سيف وقعدت علي ركبتها ومسكت ايده وهي بتبكي ومنهاره // سامحني ياسيف بالله عليك ربنا بينتقملك مني بسبب اللي عملته فيك

سيف سحب ايديه بقرف منها // نفسي اعرف انتي عملتي فيا كده ليه

منه ببكاء // عشان حبيتك بجنون وعشان انت رفضت حبي وكسرت قلبي وهنتيني قدام الجامعه كلها

سيف // واللي بيحب حد بيأذيه كده

منه بانهيار// منه لله اللي كان السبب هو اللي كان بيجي يوصلي اخبارك ويسلطني عليك هو اللي خلاني اكرهك وانتقم منك هو هو

يوسف // مين ده يامنه اتكلمي

منه // تامر يايوسف شيطان في صورة بني ادم منه لله منه لله

سيف // طب ليه قولتي في التحقيقات انك حامل مني

منه // هو اللي طلب مني اقول كده لانه رفض يعترف بابنه ويتجوزني مع انه في الاول وعدني نتجوز بعد الامتحانات ورسم عليا دور الحب وانا صدقته ولما حملت قالي اقول انه منك عشان اشوه سمعتك اكتر

سيف // يعني اللي في بطنك ده ابنه 😳

منه ببكاء هزت راسها // اه للاسف

سيف بص ليوسف // ابن الكلب الواطي

منه // ونبي ياسيف اقف جمبي انا هتفضح ولسه اهلي معرفوش حاجه انا بعتلهم وعرفتهم اني مسافره رحله تبع الجامعه وكل شويه ابعتلهم مع صحباتي حجه شكل

سامحني ياسيف وانا من ايدك دي لايدك دي واللي هتقولي عليه هنفذه

سيف // اي حاجه اي حاجه

منه // اه اه والله اي حاجه

يوسف // بتفكر في ايه ياصاحبي

سيف // بصي انا هكلم المحامي بتاعي وهخليه يتنازل عن القضيه وهحاول اطلعك من هنا في اقرب وقت بس بشرط

منه // انا موافقه علي شروطك ياسيف بس اقف جمبي واسترني

سيف // لو حاولتي تهربي مني بعد مااخرجك من هنا هجيبك ووقتها انا اللي هسلمك بايدي لحبل المشنقه

وساريت محدش يعرف حاجه عن زيارتي ليكي ولا الكلام اللي حصل بينا مفهوم

منه // اكيد مفهوم مفهوم 🥹

سيف // يلا بينا يايوسف

ومشي سيف ودماغه هتنفجر من التفكير

سيف // بقولك ايه ياجو

يوسف // اؤمرني ياحبيبي

سيف // فاكر الواد فارس اللي كان معانا السنه اللي فاتت

يوسف // ااه تقصد فارس كابو

سيف // ايوه الله يفتح عليك اهو احنا محتاجين كابو ده في شغلانه وهيطلعله بسببوبه حلوه

يوسف // اه لو اعرف بس ايه اللي في دماغك

سيف // كل حاجه في وقتها حلوه بس كلمه وخلينا نقابله وانت هتفهم كل حاجه

سيف تليفونه رن طلعه يشوف مين لقاها ملك

سيف // الو عامله ايه ياملك

ملك // انا كويسه ياابيه سيف انت فين كده

سيف // كان عندي مقابله مهمه خلصتها وراجع علي البيت

ملك بصدمه // بتقابل ميين ???

سيف // واحده صاحبتي خير في حاجه

ملك بغضب //ولا اي حاجه سلام

سيف // استني يابت انتي كنتي بتتصلي ليه دلوقتي ??

ملك // ابدا كنت عاوزاك تيجي معايا الصيدليه اغير علي ايدي بس خلاص هنزل لوحدي

سيف // طب اياكي ياملك تنزلي لوحدك

ملك // وانت مالك انزل لوحدي ولا لا شاغل بالك ليه

سيف // انتي بتقولي ايه الكلام ده لمين نهارك مش فايت

ملك بخوف // لا لا اكيد مش ليك ياابيه سيف

سيف // استنيني انا جاي في السكه وهشوف لمين الكلام ده وراح قفل في وشها

ملك بخوف ورعب // نهار اسوح دا جايلي 😳😳 مني لله اروح فين دلوقتي استخبي فين يالهههههوي 🥹

يوسف // ماتسوق براحه يابني انت

سيف // عاوز اوصل البيت بسرعه عندي مصلحه عتوز اخلصها وانت خد العربيه وروح اعمل زي ماقولتلك

يوسف // ماشي حاضر بس سوق براحه عشان نوصل 😒

وبسرعه رهيبه وصلو قدام العماره ونزل سيف ومعطاش فرصه ليوسف يتكلم معاه وطلع بسرعه علي شقة عمه احمد خبط علي الباب

مني فتحت // سيف تعالي ادخل نورت ياحبيبي

ملك في اوضتها سمعته بيسال عليها راح لبست اسدال الصلاه ووقف تعمل نفسها بتصلي

سيف // ازيك يامرات عمي فين ملك

مني // اهلا ياحبيبي دي في اوضتها جوه استنا اشوفهالك

فتحت عليها الباب لقتها بتصلي

دي بتصلي ياسيف

سيف بخباثه دخل علي الاوضه // ااه بتصلي طب هستناها لما تخلص

مني // هو في حاجه ياسيف

مني // من عنيا ياحبيبي وراحت علي المطبخ

سيف // نفسي اعرف انتي بتصلي اي كل ده

ملك فضلت تقوم وتقف وتركع والغريبه انها مش بتسلم وفين وفين لما ركز سيف معاها لقاها واقفه في قبله غلط 😳

راح ماسكها من هدومها من قفاها ولف وشها له // انتي بتضحكي عليا يابت وانا مفكرك بتصلي

ملك بخوف// ماهو انا انا كنت بصلي الضهر والعصر

سيف // واللي بيصلي بيصلي عكس القبله 🤔

ملك وهي مرعوبه / اي دا هو انا مش بصلي في اتجاه القبله 😳

• يتبع الفصل التالي اضغط على ( رواية احببت قاصرا ) اسم الرواية