رواية ظننا انه باب الامل الفصل الرابع و الثلاثون 34 - بقلم ملك ناصر

رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل الرابع و الثلاثون 34

نزلت كيان من التاكسي وحاسبتوا بسرعه ومشي التاكسي

لكن ملقتش مستشفى لقت مكان هادي جدا وضلمه للحظه

خافت لكن الصدمه لما لقت فجأه النور كلو اشتغل ومكان

كبير منور وورد كتير بيشير لطريق ما..

مشيت كيان الطريق ده وهي مستغربه لحد ما لقتو واقف

اودامها وماسك ورد ابيض لانو عارف انها بتحب الورد

الابيض..

كيان اول ما شافته جريت عليه وحضنتو بلهفه: ج. جاسر

انت كويس حصلك حاجه ها..

جاسر بابتسامه: مكنتش عارف هصالحك ازاي فكرت اعملك

مفاجاه زي دي يمكن تسامحيني..

كيان بعدت عنو وخدت الورد بابتسامه جميله ورقيقه وبصتلو

بكل حب وسكتوا الاتنين شوية وعيونهم اللي كانت بتتكلم..

جاسر طلع علبه حمره صغيرة واداها لكيان فتحتها بحماس..

واتصدمت لما لقت خاتم الماز كان رقيق جدا وفي منتهى

الجمال وبيلمع بطريقه تهبل اي حد..

مصدقتش نفسها من جمالو وضحكت بسعاده وهي بتحضنو

جاسر بكل حب وفرحه..

جاسر بسعاده: عجبك..

كيان: ده تحفه بجد.. جاسر بعد عنها بهدوء واخد منها الخاتم

ولبسو ليها وكان على مقاسها بالظبط زي ما يكون مصنوع

علشانها..

كيان بصت للخاتم باعجاب اما جاسر فكان بيبصلها هي

باعجاب..

جاسر مسك ايد كيان وبص في عيونها وقال: سمحتيني؟!

كيان: لا..

جاسر بصدمه: ايه!!

كيان بضحك: هههههه بهزر معاك هههههه

جاسر بارتياح: حرام عليكي خضتيني..

كيان: جاسر

جاسر: قلبو

كيان بتوتر وحب واضح: انا بحبك..

جاسر للحظه حس ان الدنيا كلها وقفت عند الجمله دي.. اول

كيان تعترف بحبها ليه بكل وضوح..

جاسر: وانا بعشقك يا كياني..

وشالها ولف بيها بسعاده وكانوا اسعد اتنين في الدنيا..

…………………………………………………………

انس بشوية من التوتر: احم اكيد حضرتك عارفة سبب

الزيارة.. وانا دلوقتي بطلب ايد بنت حضرتك مليكه ليا..

دهب: طبعا يابني ده شرف لينا والرأي الاول والاخير لميكه

وبعدين تدينا شوية وقت نعرف عنك اكتر.. بناتي اغلي حاجه

عندي ومتأخذنيش لازم اسأل عنك الاول ونتعرف على بعض

اكتر لحد ما احس بالامان نحيتك..

انس: طبعا حضرتك انا عارف..

دهب: ايه رأيك يا مليكه..

مليكه بغرور مصتنع وهي بتحط رجل على رجل: هيييح والله

يا ماما يعني.. حاسه عايزة وقت افكر..

انس: نعم ياختي؟!

دهب برقت لمليكه بغيظ واسيل كتمت ضحكتها هي ومامت

انس..

مليكه: احم ايه يا جماعه بتبصولي كده ليه.. وكملت ببعض

من الخجل: انا موافقه يا ماما..

انس اتنهد بارتياح وسعاده..

مامت انس واسمها حنان: يبقا على بركه الله ودي هنعتبرها

موافقه مبدئيه ويوم الجمعه الجايه باذن الله هنقرا الفاتحه

ولا ايه رأيك يا ام العروسه..

دهب بابتسامه ودوده: رأيي من رأيك يا مدام حنان

حنان بضحك: لا مدام ايه بقا دا حنا هنبقا نسايب بقا ههه

اسيل بصوت عالي وغباء: بت يا لي لي حماتك شكلها ست

طيبه وكل الخطط اللي كنا بنخطط ليها زمان مش هنعرف

نعملها..

مليكه حطت اديها على بق اسيل وضحكت بغيظ لحنان:

هههه اسيل بتحب تهزر بس يا طنط..

الكل ضحك عليهم..

…………… جاسر وكيان كانوا في العربيه مشغلين اغنيه

رومانسيه وهما ماسكين ايد بعض وبيغنوا مع الاغنيه..

كيان بحب: كان قدرناا..

…….. بعد وقت………

كيان افتكرت حاجه وبصت لجاسر بشك واتحولت في ثانيه:

الا قولي يا جاسر مين اللي كنت بتملمها امبارح بليل هاا

جاسر: هههه كنت متأكد انك سمعتيني.. دي ياستي البنت اللي

نظمت كل المكان اللي كنا فيه ده وساعدتني عشان اعملك

المفاجاه الحلوه دي..

كيان وهي بترفع صباعها في وشو بتحذير: متأكد..

جاسر عض صباعها اللي اودام وشو: متأكد

كيان: عاااااه صوباعي

جاسر ضحك عليها بشده وظهرت غمزاتو..

كيان نسيت صوباعها اللي اتعض وركزت في ضحكتوا..

كيان: اخراابي يا ناس على الغمازات القمر دي.. طول عمري

كنت بتمنى اتجوز واحد تركي كده مكنتش متخيله اني

اتجوز واحد شبهم فعلا هههههه

جاسر: هههه مجنونه………

• يتبع الفصل التالي اضغط على (  رواية ظننا انه باب الامل ) اسم الرواية