رواية ظننا انه باب الامل الفصل الخامس و الثلاثون 35 - بقلم ملك ناصر

 رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل الخامس و الثلاثون 35

تسريع الاحداث»»

عدا اسبوعين من غير احداث جديدة غير ان جاسر قال

للعيله ان كيان رجعتلها الذاكرة ومحدش جاب سيره اللي

حصل وسافروا الاتنين شهر عسل وخدوا روز معاهم بطلب

من كيان..

كانت نايمه روز في حضن كيان بين جاسر وكيان..

اما جاسر فكان صحي من النوم بس فضل قاعد يتأمل

جمالهم وهما نايمين مع بعض وفرح جدا من حب كيان لروز..

كيان فتحت عيونها بهدوء ودعكت في عنيها زي الاطفال..

كيان بابتسامه: صباح الخير

جاسر: صباح النور يا كياني..

كيان باست روز برقه على خدها وقامت..

جاسر: طب انا مليش نصيب انا كمان ولا ايه..

كيان ضحكت ودخلت تاخد شاور..

………. بعد وقت

كانوا في المطبخ بيحضروا الفطار..

كانت كيان بتعمل الاكل وشعرها نازل على عنيها ومضايقها

ومش عارفة ترفعوا علشان اديها مكنتش نضيفه..

جاسر قرب منها ومسك شعرها بهدوء..

كيان بتوتر وكسوف: انت بتعمل ايه

جاسر منغير كلام عملها شعرها ضفيره وكان نازل خصل

قصير على وشها ورقبتها وكان شكلها جميل جدا..

جاسر لفها لعندوا بعد ما خلص..

جاسر: تعرفي اني بحب شعرك اوي

كيان بابتسامه: اممم ماهو اصلا شعري يتحب..

جاسر: فصيله..

كيان بضحك: هههههه يابني قولتلك مش بحب شغل

الرومانسيه والمسلسلات التركي دي

جاسر ضربها بخفه على راسها: طب يالا ياختي كملي اللي في

ايدك..

جت من وراهم روز وهي بتدعك في عنيها: بابي

جاسر فتحلها دراعه علشان تحضنوا وروز جريت وحضنتو..

كيان بغيره مصتنعه: الله اشمعنى هو وانا فين..

روز بعدت عن جاسر وحضنت كيان وباستها من خدها..

كيان بحب: يا روحى.. صباح الخير يا قلبي

روز: ثباح النور يا كوكي

كيان: الفطار جاهز ممكن تساعدني يا جاسر نوديه للسفره..

جاسر: عيوني يا قلب جاسر.. وفطروا هما الاتنين.. وهما

قاعدين بيفطروا جاسر اتكلم: احنا هنرجع القصر بكره يا بنات

روز وكيان بزعل: ليه كده

جاسر: هههه علشان ورايا شغل كتير احنا بقالنا هنا اسبوعين

ولازم نرجع.. وبعدين انا حجزت الطيارة خلاص..

كيان: جاسر بلاش طيارة خلينا نروح بعربيه اصلا المكان من بعيد..

جاسر: بس انا مش معايا عربيه هنا خالص وفي دهب مفيش

عربيات توصلنا لهناك..

كيان بتفكير: امممممممم ينفع تقول لعدي يبعتلنا حد من هناك

يجي يجيبنا..

جاسر: تمام اللي تشوفي يا حبيبتي هقولو.. اصلا في سواق

جديد جابوا من اسبوع تقريبا هقول لعدي يبعتوا..

……………… تاني يوم…………

كانت كيان واقفه اودام الدولاب وبتحضر هدومها بهدوء

وجمبها روز اللي بتتفرج على التليفون..

جه جاسر وراح حضن كيان من ضهرها وهي كانت سرحانه

كيان بفزع: جاسر خضتني..

جاسر: سلامتك من الخضه يا قمر.. انا كلمت عدي والراجل

خلاص قرب يجي لهنا فضلوا ساعه تقريبا..

كيان: تمام انا خلاص حضرتك الشنط كلها وجاهزه..

جاسر: تمام..

…….. بعد وقت وقفت كيان اودام جاسر وهي ماسكه

ولفت..

كيان: ايه رأيك

كانت لابسه دريس ازرق طويل وبكم وكان محتشم شوية عن

اللبس اللي هي بتلبسو.. وكانت رافعه شعرها لفوق ومش

حاطه اي ميكب..

جاسر باعجاب واضح وفرحه: جميل اوي عليكي يا حبيبتي

ياريت تلبسي كده على طول..

كيان: مانا فعلا هعمل كده.. وكمان بفكر اتحجب..

جاسر بصدمه وفرحه: بجد انتي عايزة تتحجبي..

كيان هزت راسها ب. اه

………..

جاسر: يالا يا كيان..

جاسر وكيان وروز خرجوا بره الفيلا اللي كانوا فيها ولقوا

شخص شعره في خصل بيضه وواقف بضهره اودام العربيه..

الشخص لف راسو لما سمع صوتهم: اهلا وسهلا يا جاسر بيه..

كيان اول ما شافته الابتسامه اختفت من وشها وتعبير وشها

اتملت بالصدمه..

كيان بصدمه: ا. انت؟!…………..

• يتبع الفصل التالي اضغط على (  رواية ظننا انه باب الامل ) اسم الرواية