رواية ظننا انه باب الامل الفصل السادس و الثلاثون 36 - بقلم ملك ناصر

 رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل السادس و الثلاثون 36

كيان بصدمه: ا. انت؟!

بصلها الراجل بصمت وفي عيونو نظرة ندم.. حزن.. خجل..

اشتياق.. مكنتش قادرة تحدد نظرة ايه بالظبط

الراجل بابتسامه بالغه: كياان!! بنتي..

جاسر بصدمه: ايه بنتك؟!

فاروق كان رايح يحضن كيان بس كيان بعدت عنو بسرعه..

كيان: ابعد عنى.. انت.. انت ازاي هنا.. كان كلامها متقطع

وشريط ذكرايتها مع باباها كلو بيمر من اودامها..

فاروق بسرعه وحزن: انا اسف يابنتي.. سامحيني انا اسف.. ا…

مكملش الجمله وكانت كيان واقعه فاقده الوعي..

جاسر بخوف: كيااان

………………………………………………………………..

مليكه وانس كانوا قاعدين في كافيه.. ومليكه ماسكه دفتر

وقلم وبتكتب..

مليكه: بالصلاتو على النبي كده.. عندك بنات في العيله

انس باستغراب: اه ليه؟!

مليكه: تؤتؤ جاوب وانت ساكت..

مليكه: عندك بنت خاله.. يارب لا يارب لا

انس: اه عندي.. اتنين..

مليكه: احيه احيه.. وكتبت علامه صح في الدفتر بتاعها..

مليكه: عندك حربيات

انس بعدم فهم: نعم

مليكه: ا. اقصد يعني كنت مخطوب مرتبط بنت بتحبك كده يعني

انس: ههههه لا مكنتش مرتبط بس كان في بنت كده بتحبني

ايام الجامعه.. بس ده موضوع قديم..

مليكه ضيقت عنيها بحذر: موضوع قديم.. اممممممم

مليكه: عندك عمتو الحربايه.. احم اقصد عندك اخت

انس: لا انا وحيد امي..

مليكه: حلو اخر سؤال بقا.. بتقرا روايات؟!

انس: هقرا عشانك يا قلبي.. وغمزلها.. مليكه اتسكفت..

مليكه قفلت الدفتر: طيب احنا كده في الامان الحمدلله.. يالا اسألني بقا..

انس بتفكير: اممممم.. لونك المفضل..

مليكه: بحب كل الالوان.. مليش لون مفضل

انس: اكلتك المفضله

مليكه: مليش اكل مفضل عادي..

انس: اممم فيلمك المفضل

مليكه: برضو مليش فيلم مفضل..

انس: الله كلو مليش حاجه مفضله؟!

مليكه: هقولك على حاجه بس متضحكش عليا اشطا..

انس هز راسو بموافقه..

مليكه: من وانا صغيره مش بحب يكون عندي حاجه مفضله

فأعتقادي ان الحاجه اللي مش مفضله بالنسبالي بتزعل..

فاهمني

انس كتم ضحكتو: لا

مليكه: اشطا تمام.. وضحكوا هما الاتنين..

…………. نرجع لكيان…………

كيان فاقت لقت نفسها نايمه على السرير وجمبها جاسر من

ناحيه وروز من ناحيه وشافت فاروق واقف في اخر الاوضه بعيد..

جاسر وباين عليه القلق: كيان حبيبتي انتي كويسه

كيان هزت راسها بنعم..

فاروق قرب: انتي كويسه يابنتي..

كيان بتعب: متقوليش بنتي.. جاسر طلعو بره مش عايزة

اشوفو..

جاسر بص لفاروق وفاروق اتنهد بحزن وخرج..

جاسر: كيان انا عارف انو مش وقتو بس….

كيان اترمت في حضن جاسر وصوت شهقاتها علي: هو.. هو يا

جاسر هو بابا.. وعيطت بحرقه..

جاسر وهو بيمشي ايدو على شعرها بحنان: ششش اهدي يا

حبيبتي اهدي..

كيان: هو.. هو راجع ليه.. ليه راجع تاني

جاسر: صدقيني معرفش..

كيان وهي بتمسح دموعها: انا عايزة ماما.. عايزة ارجع..

جاسر بتردد: هنروح بالعربيه دي ولا احجز طيارة..

كيان: لا.. مش عايزة اشوفو.. احجز اقرب طيارة..

جاسر: ماشي يا حبيبتي ارتاحي انتي.. خرج جاسر بره وكيان

حضنت روز بقوه وكأنها محتاجه لحضنها علشان يهون عليها..

…………

فاروق: هي كويسه يا جاسر بيه..

جاسر بقرف: اه

كان هيمشي بس رجع تاني وبص لفاروق بتساؤل واشمئزاز:

هو انتي ليه عملت كده؟! ازاي سبت بناتك ومراتك في

الشارع بكل جبروت منغير ما تسأل عليهم ولا تشوفهم راحوا

فين وعملوا ايه.. ازاي ممكن تمون اب بالجشاعه والجبروت ده

فاروق نزل راسو للارض بخجل من نفسو وقال بندم: مكنتش

في عقلي .. مكنتش قادر اتحكم في نفس.. انا كنت مد.من

جاسر: ايه مد.من؟!

هو الفلوس ونفسي وبس مكنتش بفكر في دهب ولا في

بناتي.. وكنت بكره دهب علشان كانت السبب زمان اني

اسيب البنت اللي بحبها واتجبرت اني اتجوزها.. ولما خلفت

كنت بشوفها في بناتي وكرهي ليهم بيزيد غصب عني..

جاسر: ده مبررك؟! انت متستهلش تكون اب ابدا.. ابدا

وسابو ومشي…..

……………

دهب بقلق: هي مش كيان قالت انها جايه في الطريق اتاخرت

كده ليه..

اسيل: عادي يا ماما ماقلقيش تلاقي العربيه اللي بعتها عدي

اتاخرت شوية ولا حاجه..

دهب: ربنا يرجعها بالسلامه……

• يتبع الفصل التالي اضغط على (  رواية ظننا انه باب الامل ) اسم الرواية