رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الثالث 3
الحلقة الثالثة) 💜💜
في بيت جميلة
ندى: يعني خلاص يا جميلة هتمشي وتسيبينا
جميلة بحزن: اكيد هاجي ازوركم
فاطمة: ابلة جميلة
جميلة: فاطمة
جريت فاطمة وحضنتها
فاطمة بعياط: ابلة جميلة انا هبقى كويسة وهسمع الكلام بس علشان خاطري مش تسسبينا وتمشي
حضنتها جميلة وقالتلها: انا اسفة يا فاطمة بس ابلة جميلة لازم تمشي
وراحت لاخوها سالم
سالم: جميلة
جميلة: خد بالك من اخواتك ومن ماما انت الراجل
سالم: حاضر
وفجاة انفجر من العياط
جميلة: جرا ايه يا سالم مش احنا اتفقنا مفيش راجل بيعيط
وبدات تعيط
جميلة: انا كمان بحبكوا ومش عايزة اسيبكم ابدا مش عايزة ابعد عنكو
دخلت منى وشافت منظر العياط الهستيري
منى: يلهوي مالكم
ابوكم مات تاتي؟
جميلة بعياط: مش عايزة اروح يا ماما مش عايزة اتجوز
منى: عوض عليا عوض الصابرين يا رب
بنتي الكبيرة اللي طلعت بيها من الدنيا متخلفة
اصوت ولا اعمل ايه
ندى بعياط : ماما احنا عايزين نعيش مع جميلة مش تخليها تمشي والنبي
منى: لا يا ندى جميلة اختك هتبقى عروسة خلاص
وشدت جميلة من ايديها وقومتها وبدات تمسح دموعها
منى: يختي عليكي بتعيطي كدة ليه يا بت اجمدي امال انتي هتسافري
جميلة: اصلكوا هتوحشوني اوي اصلي اكتشفت اني بحبكوا اوي
منى: واحنا كمان بنحبك بس خلاص بقا
حضرتي شنطتك
جميلة: ايوة
فجاة سمعوا صوت كلاكس عربية قدام بيتهم القديم
جميلة: بتهيالي جم ياخدوني خلاص
وقالت بدموع: انا هنمشي
حضنتها امها وقالتلها: خدي بالك من نفسك
هزت جميلة راسها
وقالت: مع السلامة هتوحشوني كلكوا
ومشيت قبل ما تعيط اكتر
وسمعت من وراها صوت عياط اخواتها الصغيرين
وامها معاهم
مشيت جميلة وقابلت السواق
السواق: انسة جميلة يلا عشان مستنيينك في القصر
جميلة وهي بتمسح دموعها: اه حاضر
السواق: انا عارف ان الفراق صعب بس هتتعودي قريب
ركبت جميلة العربية ومشيت ناحية القصر
*****
حبيت اعرفكم على شخصيات قصتنا
جميلة: بطلة قصتنا عمرها 18 متوسطة الطول شعرها اسود طويل وعيونها سوداء بشرتها قمحية
طيبة القلب وبشوشة الوجه
ماهر: بطلنا عمره 22 طويل القامة شعره بني عيونه عسلية اصيب بالعمى وهو في الثامنة من عمره
شخصيته مرحة وحنونة لكن حزينة في بعض الأحيان ومنطوي قليلا
بسيوني: جد ماهر يحب ماهر حفيده بطريقة هستيرية عمره 65 سنة ويكره جميلة لكن ربما هو كره مؤقت فقط
مي: عمة ماهر عمرها 41 تحب ابن اخيها وتعلم الكثير من الاشياء والاسرار عنه تحب جميلة وتكره بنات الاكابر شعرها اسود قصير وعيونها عسلية
فاتن: خادمة بسيوني الوفية عمرها 25 تخدم عائلة النمر من زمن بعيد وتحتقر جميلة بطلتنا
ملامحها جميلة جدا وذكية ومدبرة
والباقي نتعرف عليهم في مجرى الاحداث
*****
وصلت اميرة القصر
وساعدها السواق في تنزيل شنطها
استقبلتها مي وكانت في احلى صورها
مي: يلا يا جميلة مدي شوية
جميلة: ازيك يا مدام مي
مي: ليه الرسميات دي ناديني بعمتو
جميلة: حاضر يا عمتو
دخلت جميلة القصر
مي: احنا حضرنالك اوضة مؤقتة تفضلي فيها لحد ما تنتقلي لاوضة ماهر
جميلة باستغراب: اوضة ماهر؟
ضحكت مي وقالت: ايوة انتي مش هتتجوزيه ولا ايه
ضحكت جميلة
جميلة: نسيت اصلي
مي: طب يلا بينا
طلعت جميلة مع مي على اوضتها
دخلت جميلة الاوضة
مي: هسيبك ترتاحي
جميلة: شكرا
خرجت مي برا الاوضة
نطت جميلة على السرير وقالت: ياه على العز
سرير عامل زي بتاع الاميرات
واوضة اكبر من بيتنا القديم
انا اكيد بحلم
وفجاة جه لذهنها صورة عيلتها
جميلة: بجد وحشتوني اوي
فجاة قطع صوت افكارها خبط على الباب
جميلة: ادخل
دخل اتنين من الخدم ماسكين في ايديهم كيس
جميلة: ايه ده
واحدة منهم: اسفين على التدخل يا انسة جميلة دي فساتين ليكي
وبدأو يرتبوها بهدوء في الدولاب
جميلة: ليا انا
الخدامة.: ايوة يا فندم
عن اذنك
انحنوا وانصرفوا
بعد ما مشيو فتحت جميلة الدولاب وكان هيغمى عليها من المفاجأة
لقت فساتين كتير عمرها ما كانت تحلم بيها ولا حتى في خيالها
بدات تجرب فيهم واحد واحد
وفجاة وقع اختيارها على فستان رقيق اوي
لبسته وبدات تتفرج على نفسها في المراية وتقول: والله عشتي ولبستي يا بت يا جميلة
على راي المثل اللي يصبر ينول
وفجاة سمعت صوت خبط على باب اوضتها
جميلة: ادخل
دخلت مي
مي: لحقتي تبهدلي اوضتك بالمنظر ده
حست جميلة بالاحراج
جميلة: انا اسفة
مي بضحك: ولا يهمك
المهم انتي جهزتي
جميلة: ايوة انا جاهزة
مي: طيب يلا عشان تنزلي معايا اصل بابا عايزك
جميلة : حاضر
نزلوا الاتنين ودخلوا في اوضة الجلوس
مي: بابا جميلة جت
دخلت جميلة وهي لابسة الفستان الجديد
لمحها بسيوني وقال بسخرية: يا رب ذوقنا في الفساتين يكون عجبك يا ليدي جميلة
اضايقت جميلة من الاسلوب اللي بيعاملها بيه بس معلقتش
جت فاتن وهي ماسكة فنجان القهوة
فاتن: قهوتك يا بسيوني بيه
ناولته القهوة ومسكها بسيوني وبدا يشرب
ومع اول رشفة تف بسيوني القهوة وقال لفاتن بغضب: ايه ده
انا مش قلت قهوتي سادة
فاتن: ايوة يا بسيوني بيه بس دي سادة
بسيوني: دي اوحش قهوة شربتها في حياتي انتي سديتي نفسي
حست فاتن بالاحراج
جميلة: استني يا عمي
بسيوني بضيق: عايزة ايه
جميلة: لو تسمحلي يعني انا ممكن اعملك القهوة
بصتلها فاتن باستهزاء
بسيوني: تعمليلي القهوة
جميلة: ايوة انا بعملها ممتازة وبوش جربني بس
ومسكت الفنجان من ايدين فاتن
جميلة: خمس دقايق وتكون احلى قهوة عندك
اتعصب بسيوني منها وبص لمي لقاها بتضحك
مي: على فكرة هي لطيفة جدا يا بابا ولازم مش تفضل شايل منها كتير
في مطبخ القصر
واقفة جميلة على البوتاجاز وجمبها فاتن
فاتن بسخرية: وانتي فكرك بقا هتعرفي تعملي القهوة اللي بيحبها بسيوني بيه
اتنهدت جميلة بضيق
جميلة: على الرغم من الاسلوب الساخر اللي بتعامليني بيه انتي وعمي الا اني هبهركوا
فاتن: ههه اما نشوف
جميلة بفرحة.: خلصت
فاتن: بالسرعة دي يا سندريلا
ضحكت جميلة
جميلة: عازفة رغم انك باردة الا انه دمك.خفيف
يلا بينا قبل ما القهوة تبرد
مشيت فاتن قدامها
عند بسيوني
بدا بسيوني يشرب قهوته
بسيوني: انتي اللي عاملاها يا جميلة
جميله: ايه رايك
ابتسم بسيوني وقال: حلوة تسلم ايديكي
انصدمت جميلة وقربت من مي وقالتلها في ودنها
: الحقي يا عمتو ده مهزقنيش
تفتكري هو كويس
ضحكت مي
حست فاتن بالإهانة الشديدة
وفجاة دخل واحد من الخدم وقال باحترام: الغدا جاهز
فاتن: اما هروح اشرف على تجهيز السفرة عن اذنكم
انحنت باحترام وبصت لجميلة بصت حقد وخرجت برا
بعد مرور دقايق
مي: يلا يا جميلة ننزل
جميلة: هو ماهر مش هييجي
مي: للاسف ماهر مبيحبش ياكل معانا
جميلة: ليه
مي بحزن: دي عادته من زمان
جميلة بحزم: بس انا مش هاكل من غيره
مي: هتعملي ايه
جميلة: انزلي انتي وعمي استنونا وانا هطلع اجيبه حتى لو اضطريت اجره
وسابت اوضتهم ومشيت
****
عند اوضة ماهر
دقت جميلة الباب
ماهر: ادخل
دخلت جميلة
جميلة: يلا انزل اتغدى
انصدم ماهر لما سمع صوتها
ماهر بلهفة.: جميلة
وقام من على السرير
ماهر: انتي جميله صح
قربت منه جميلة احسن يقع ومسكت ايديه وقالت بضحك
: اموت واعرف انت بتعرفني ازاي
مقدرش ماهر يسيطر على مشاعره وحضنها
جميلة بخجل: م..ماهر
بعد عنها ماهر وقال: اه انا اسف مخدتش بالي
بس اصلي بقالي اسبوع مش شفتك فيه
جميلة بضيق: هسامحك المرادي
وعلى فكرة انت هتشوفني كل يوم
ماهر: بجد
جميلة: ايوة يا ماهر انا هعيش هنا
ماهر بفرحة: اخيرا
ابتسمت جميلة وقالت: يلا بقا مش هتنزل تتغدى
ماهر: بس انا بقالي كتير مبنزلش
جميلة: انت بجد هتزعلني كدة
لازم تنزل معايا
ماهر: ماشي عشان خاطرك
جميلة: وعشان خاطري كمان تبقا تنزل كتير وكل يوم
ماهر: حاضر
قرصته جميلة من خدوده
جميلة: شاطر وعسول وبتسمع الكلام
اتفاجئ ماهر منها
ماهر: انا مش طفل على فكرة
جميلة بحرج: انا اسفة
انا هخرج برا لحد ما تغير هدومك
ماهر: ماشي مش هتاخر
خرجت جميلة برا الاوضة
****
في قاعة الطعام
قعدت مي وقعد بسيوني
مي: اتاخروا اوي يا بابا
بسيوني: عشان الطريق مش اكتر
وفجاة دخل من الباب بنت شابة ومعاها جوزها
مي: سارة
سارة: اختي
وسلموا على بعض
سارة: بابا وحشتني اوي
بسيوني من غير ما يسلم عليها: اهلا يا سارة
حست سارة بالضيق
مي: سارة محمود اقعدوا يلا
سارة: انا اول ما عرفت ان ماهر هيتجوز فرحت اوي يا ترى العروسة مين بقا
بنت عيلة مين ها قولي
مي: لا الحقيقة العروسة مش بنت عيلة حد
سارة: نعم!
بنت شارع يعني
مي: لا برضو
هي مش من عيلة مشهورة القصد
سارة: ايه الغم على الصبح ده
وهي فين الشملولة
مي: زمانها جاية دلوقتي
وفي نفس اللحظة دخلت جميلة وهي ماسكة في كتف ماهر
جميلة: خطوتين كمان ونوصل
مي: اتاخرتوا اوي يا. ولاد
ميز ماهر صوت عمتو
ماهر: اسفين يا عمتوا
سحبت جميلة الكرسي لماهر وقعدت جمبه
لاحظت جميلة البنت اللي قاعدة قدامها
كانت في اواخر العشرينات شعرها بني مصفر طويل وعنيها خضراء ومزينة وشها بمكياج و قاعد جمبها راجل اصلع
حست جميلة بالاحراج فاسرعت مي تنقذ الموقف
مي: جميلة دي سارة اختي الصغيرة وجوزها محمود سارة دي جميلة اللي كلمتك عنها
جميلة بحرج: تشرفنا
مردتش عليها سارة وبدات تاكل بمنتهى البرود وقلة الذوق
ماهر باستغراب : سارة
اتظاهرت سارة بالحزن وقالت: حرام عليك يا ماهر نسيت عمتك يا واد
حس ماهر بالحزن في نبراتها فقال: لا يا عمتو سامحيني اصلي بقالي كتير مقابلتكيش
سارة باستهزاء: بس اخترت عروسة حلوة اهي
حلوة اوي يعني
اضايقت جميلة من اسلوبها معاها ومعرفتش تاكل
بعد ما قاموا وقعدوا في اوضة الجلوس
سارة: بس عارفة يا جميلة فستاني حلو اوي عليكي
انصدمت جميلة
كملت سارة بسخرية: انا اصلا ملبستوش غير مرة واحدة اصل دي عادتي من زمان الحاجة اللي تتلبس مرة واحدة ملبسهاش تاني
وسندت كتفها على راس جوزها وقالت بدلال : مش كدة ولا ايه يا محمود
محمود: طبعا يا روحي
حست جميلة بالحقارة ومنعت دموعها من النزول
فجاة حست بايدين ماهر وهي بتمسك ايديها اكنها بتواسيها
بعد انقضاء اليوم
سارة: كانت قعدة لطيفة جدا
متنسيش بقا يا مي تعزميني على فرح القطاقيط دول
ده اذا كنت فاضية هحضره
وضحكت بغرور
وخرجت برا القصر
جميلة: ماهر تعالى اوصلك اوضتك لو تحب
ماهر: يا ريت يا جميلة
وصلته الاوضة
قعد ماهر على طرف السرير
جميلة: انا همشي بقا عايز حاجة
ماهر: استني
جميلة: نعم
ماهر: انا اسف
جميلة: اسف على ايه
ماهر: اللي قالتهولك عمتي صعب اوي اهانتك بمنتهى الوقاحة وانا مقدرتش ادافع عنك
جميلة: انت ملكش ذنب انا كان المفروض اتوقع كدة
ماهر: جميلة
بدات جميلة البكاء
جميلة: انا جاية من عيلة فقيرة ومشرفكش طبيعي جدا انها تهيني كدة اكيد مكنتش هتاخدني بالحضن
فجاة حضنها ماهر من ضهرها
ماهر: ارجوكي متعيطيش يا جميلة ارجوكي
مسحت جميلة دموعها بسرعة وبعدت عنه
جميلة: انا بقيت كويسة خلاص
انا همشي تصبح على خير
مشيت جميلة وقفلت الباب
*****
في اوضة جميلة
اول ما دخلت جميلة ضربت نفسها بالقلم وقالت بشجاعة: مش كلام واحدة زيها اللي يعمل فيا كدة
وقلعت الفستان اللي عليها ورمته
وقالت بضيق: انا ازبل فستان عندي احسن بالنسبالي من الطين ده
ورمت نفسها على السرير وفهمت ان حياتها الجديدة مش جاية على هواها وانها هتواجه فيها صعوبات كتير
للاسف
*****
في اليوم التاني في قاعة الطعام
قعدت جميلة وجمبها ماهر ومي بياكلوا الفطار
جميلة: امال عمو فين
مي: مش ليه نفس ياكل
مي: اه صحيح افتكرت
جميلة ماهر احنا خلاص حددنا معاد الفرح
شرقت جميلة وبدات تكح جامد
بعد ما هديت كملت مي: فرحكوا يوم الخميس ده
جميلة بصدمة: اييييه
يتبع........
•تابع الفصل التالي "رواية اسمي جميله" اضغط على اسم الرواية