رواية حين تقع في الحب بقلم ندي علي حبيب الجزء الرابع عبر مدونة دليل الروايات
رواية حين تقع في الحب الجزء الرابع الفصل الخمسون 50
” يوم جديد علي عيلة الالفي بأحداث جديده الكل صحي الصبح بدري علشان يروحو علي شغلهم كاالعاده ”
” في شقة غسان ”
“غسان طلع من الحمام وكان لسه ببجامة النوم طلع وعلي رقابته فوطه وبينشف وشه بيها ”
غسان : ياااا نووور يابنتي قومي عاوز افطر هتأخر علي الشغل
” نور نايمه علي ضهرها ومفتحه عيونها وحاسه بسائل مائي بيجري علي رجليها ”
نور بهمس : غساان ؟ ” بدء طلق الولاده يجي ونور حتي الصريخ مش قادره عليه فجأه صوتت ” غساااااااااااان الحقييييييني
غسان راح عليها بفزع : اهدي اهدي في ايييه ماااالك ” وبيبص عليها وعلي وشها ”
نور شالت الغطي بصريخ : بوووولد يا غبييييي ابعد من وشييييييي السااااعه ديييي وديني مستشفيييييي ” بتقول كل دا وصوتها لم الليت كله علي الباب بيخبطو ”
” غسان راح جري علي الباب فتحه كان عاصي برضو بالبجامه وشعره منكوش وقاسم نفس الحاااله واسر اللي طالع بيلبس التيشيرت علي السلم ونسمه وزهره وحبيبه دخلت جري علي امهاا ونڤين راحت عليها علطول ”
عاصي بخضه ومسك في ايد غسان : يا بااااااا في ايييييه امي بتصرخ ليييه ؟
غسان بص لعاصي بسرعه : امك بتولد انزل جهز العربيه بسرعه علي ما اجيبها واجي ” ودخل جري علي الاوضه ”
عاصي واقف رافع حواجبه الاتنين وبيرجع شعره لورا بيستوعب : امي ؟ وبتولد ؟ يفضحتي يفضحتي ” وندي نزلت جري خبطت فيه ”
ندي بخضة : فيييي ايييه يا عاااصي امك بتصوت ليييه ابوك مااات ولا ايه ؟
عاصي بص ليها بنفي: لاء لاء ابويااا عايش لسه بس امي بتولد باين
ندي : باين لا شكلك فاهم يا لصه وبعدين انت مصدووم كدا ليييه ؟
عاصي وهو بيحرك حواجبه: مش مصدوم ولا حاجه بس بستغرب انك حلوه اووي علي الصبح كدا تتاكلي اكل ” وغمز ليها ”
“غسان طلع وهو شايل نور اللي العرق بيصب منها وبتعيط ووراها حبيبه اللي ميته عياط واسر بيخاول يهديها ”
غسان بغضب : امك بتمووووت وانت واقف تحب في مراااتك يابني ادم انزل شغل العربيه اخلص
عاصي بصدمه افتكر ان امه بتولد : ياعم براحه عليا انا اول مره اشوفها بتولد برضو ” ونزل علي تحت جري ”
نور بصريخ : ابن الجزمه بيتريق عليا يا غسااااااان كله بسبككككك انت يا حيواااااان
غسان وهو نازل بيها : دا انا اخدت شتيمه النهارده صبرك عليا بس تولدي وهنقفل علينا باب الشقه وهرنك علقه تحلفي بيها طول عمرك يا حبيبتي
نور عيطت من شدة الوجع وبدأت تضرب وتعض في غسان : اخلص بقااااااا مبقتش قاااادره
” غسان دخلها العربيه وكان يمني ومحمد ونورهان وعمر وفرحه ايجو عليهم جري ونڤين طلعت ركبت معاها في العربيه وعاصي سايق وغسان جنبه وجرو علي المستشفي “
نور بصويت وهي مسكه ايد نڤين بقوه : بسرعهههه يا عااااااصي اخلص
عاصي مش عارف يقول ايه : عيطي عيطي شدي في شعرك الانفعال حلو والله
غسان بصله بغضب : اسمهااااا اهدي يا حماااار ” وبص لنور ” حبيبي اهدي وخلاص كلها شويه ونخلص كلناااا والله
عاصي بصله : نخلص كلنا انت زهقت منها ولا ايه ؟
نور عيطت : ايواااااا زهققق طلقنييييييييي مش قاااادره استحمل اكتر من كدااااا
غسان مسك ايدها بقوه : حاضر هطلقك بس تولدي الاول يا روحي اهدي اهدي ” وبص لعاصي ” وحياة امك لعلمك الادب بس اتقل
عاصي : وحياة امي اي بقا ما هي بتموت اهي حتي شويه الصحه الفضلين طمعان فيهم ايه يا اخي ايييه ” وبص لنور في المرايا ” صووووووتي يختييييييييييي
نڤين : اسكت يا عاصي امك تعبانه بطل هزار
عاصي : تصدقي ان انا غلطان ان بحاول انسيها انها بتولد ” وبص لامه ” افتكري كدا ابويا خانك كام مره استغلي الوضع وقومي رزعاه قلم خلصي حقك
غسان بغيظ : وديني لو مكتمت لرزعك انا قلم اطربق معالم وشك
” واخيرا وصلو المستشفي عاصي جاب نقاله بسرعه وغسان اشتال نور حطها عليها والممرضين بيجرو النقاله لغرفة الولادة مع صريخ نور وعاصي ”
عاصي : انت السببب منك لله يا بعيد روح
غسان بصدمه : انت تقصد مين يلااا ؟
عاصي : واحد عندي في الشركة خد المرتب مرتين امي تولد بس وهحكيلك
نور بصريخ : يا جمااااااعه هينزل اناااا حسه بيييه والله همووووت
غسان مسك ايدها بقوه : بعيد الشر عنك يا روحي انشالله اللي يكرهك
عاصي : مش نااااقصين محن كلابي هناااا يلاااا الوليه بتولد ” اول ما لاقي ابوه بيبص ليه قال ” ممرض بيحب في ممرضه احنا في مستشفي ولا كباريه ياعم استغفر الله العظيم يارب
غسان بصلها بتوعد : اتقل عليا بس ؟!
نور بصريخ : انت فيقيييين تتخانقووو خلصووووني الاول
” الدكتور دخلها علي غرفة الولادة مباشر ونڤين وغسان وعاصي فضلو برا غسان اللي هيموت من القلق علي حبيبته ومراته وعاصي اللي هيموت من القلق بس بيحاول يلطف الجو نڤين اللي قعدت تدعي ربنا يقومها بسلامه شويه ومحمد وقاسم وعمر واسر وحبيبه ايجو جري عليهم ”
حبيبه بعياط راحت علي غسان حضنته : ماما فييين يا بابا ؟
غسان حضنها بحب : اهدي يا عمر بابا ماما هتطلع وبالف خير كمان شويه متقلقيش
عاصي راح عليها وشدها وحط ايده علي كتفها : تعالي نشرب شاي برا يا بيبو ” وغمز لاسر انه يجي معاهم وفعلا راحو ”
” غسان قعد علي الكرسي اللي قدام الاوضه والقلق كله اتكون فيه والكل فضل يدعي ليها انها تقوم بسلامه ”
……………………….
” في منزل غسان الالفي ”
ندي بخوف : يمني هي الولادة صعبه اووي كدا منظر ماما نور وهي بتصوت يخوف اووي
يمني حست بخوفها فحبت تطمنها : بصي الولاده انواع يا ندوش يعني ممكن تكون طبيعي او قيصري والولادة اللي نور بتولدها دي طبيعي دي بتكون صعبه اووي زي ما انتي شايفه لكن القيصري بنج وحقن مخدر مفيش وجع غير بعد الولاده وبعد ما مفعول البنج يروح
فرحه بحيره : طيب ليه ماما نور مختارتش تولد قبصري مثلا ولا هي حبه الوجع دا ؟
يمني : وهنا بقا المشكله ان دا مش اختياري ممكن الجنين ميكونش مكتمل ف الدكتور ميقدرش يولدها غير لما كيس المايه اللي علي الرحم يتفتح لوحده وينزل البيبي ودي الحاله اللي نور فيها لما البيبي اكتمل وولدت
ندي : افهم من كلامك ان الولادة القيصري دي مش بمزاجنا ؟
يمني بنفي : لاء طبعا مش بمزاج حد هو علي حسب اكتمال الجنين لو الدكتور مشي ورا مشاعر الام وتعبها هيولدها من رابع شهر يا ندوش
ندي سلمت علي فرحه : عوزه حبوب منع حمل يا فرحه علشان اخبيها من عاصي واخد منها
فرحه : وعاصي يشوفها ويقولك مش عوزه تخلفي مني يبقي مش بتحبيني انتي طالق بتلاته يابنت الخاينه
نورهان : واحلي واجمل روايه عملتوها وانتو قعدين ندي اوعي شطانك يوزك وتخدي حبوب منع حمل ؟
يمني :الناس اللي بتاخد حبوب منع حمل وتقولك اصل برتب اسره كل الكلام دا غلط لان حبوب منع الحمل في حد ذاتها غلط وليها مضاعفات كتير اوووي
نسمه بتركيز : زي ايه يا يمني ؟
يمني : لاء دا كتير وابسطها انها ممكن تعمل جلطات دمويه في الرحم وتضطري تشيليه لان هيتكون فيه اورام لو متشالش لو هتخدي كل يوم واحده مثلا ممكن تعمل سكته قلبيه لانها سريعه المفعول وغير كل دا ممكن تسبب نزول الدوره الشهريه في الشهر مرتين تلاته ودا غلط في حد ذاته
نورهان : يا ساتر يارب دا بيكون نزيف يابنتي ؟
يمني : لاء مش نزيف بيكون عدم انتظام الدورة الشهريه والتبقع بين الدورات وفي النهايه ابعدي عن اي وسائل منع حمل
فرحه بتفكير : طيب ما انا ممكن اركب لولب عادي ؟
يمني : فعلا في دكاتره كتير بينصحو بيه ك وسيله لمنع الحمل لكن لو اللولب دا متركبش بطريقه صحيحه ممكن يعمل خرم في الرحم لانه اللولب بيتغرز في الرحم ومع الحركه مضعفاته هتكتر لو بعدنا عن كل الخرفات دي وسبناها علي ربنا كل حاجه هتبقي تمام
نسمه : بس كدا لو ربنا كاتب ان يكون في طفل والله لو ركبنا وسائل الدنيا والاخرة هيكون برضو
فرحه بمرح : بحب انا دروس الاحياء دي اوووي
ندي بمرح : موووت موووت كدا يا فروحه
نورهان : يااارب قومها بسلامه يارب وترجع لينا هي وابنها بالف خير يااارب
الكل : امين يارب
…………………….
” في الكافيه عند عاصي واسر ”
اسر : شعورك ايه يا استاذ عاصي وامك بتولد وهتكون اخ جديد ؟
عاصي : شعارف والله يا اخي حاليا كل تفكيري ان خايف ادخل الجيش واقع في ايد ابوك ولا ابويا ولا عمك محمد هيطلعو ديني
اسر بضحك : ولا الزمن يلعب لعبته وتيجي علي اسماعيليه ليااا يا حبيب اخوك هطلعك القمر واجيبك كل يوم
عاصي : يا اخي انا احيانا بحس ان انا جي غلطه من اللي بتعملوه فيا بس اللي اعرفه ان جي الاول يعني المفروض اكون محبوب عن كدا والله
حبيبه : انت جايب برودة الاعصاب دي منين امك بتولد جوا وانت كل تفكيرك هتدخل الجيش ومين اللي هيقودك
عاصي بص لاسر : سكت خطيبتك بدل ما البسها الطبق هي السبب في الليله دي اصلا ؟
اسر بضحك : هي السبب ليييه بقا يا غالي ؟
عاصي : وحده راحت تنام في اوضه لوحدها من اولي ابتدائي وتقولي السبب ليه ؟
اسر مات من الضحك : بس يباااا اسكت البت لسه ابيض متفتحش مخها علي تفكيرك الوسخ
حبيبه بضيق منهم : انا راحه لبابا جوا ” ودخلت علي جوا كانت لسه الممرضه بتدي غسان ادم ”
الممرضه : الف مبروك يتربي في عزكم انشالله
غسان : طيب والمدام اخبرها ايه لو سمحتي
الممرضه : هي كويسه بس من المجهود نامت ومعتقدش تصحي قبل 3 سعات بس ارجو منكم لو تدخلو في اوضة المريضه الخاصه علشان الهوا والمولود ” ومشيت ”
حبيبه بفرحه : بابا عوزه اشيله
غسان : تعالي جوا في الاوضه وشيليه براحتك يلاا ” وراحو علي الاوضة ووراهم عاصي واسر ومحمد اتصل في البيت يطمنهم ”
عاصي دخل ليهم الاوضه لقي حبيبه شيلاه : بسم الله مشالله ” واخدو منها شاله شعور حلو اوووي بعد العمر دا كله وشايل اخ ليه وبدء يأدن في ودنه” الله اكبر الله اكبر الله اكبر الله اكبر اشهد ان لا اله الا الله اشهد ان لا اله الا الله واشهد ان محمد رسول الله واشهد ان محمد رسول الله حي علي الصلاه حي علي الصلاه حي علي الفلاح حي علي الفلاح الله اكبر الله اكبر الا اله الا الله ” ربنا يجعله خير لينا كلنا
غسان بسعاده ضم عاصي وحبيبه لحضنه : عقبال ما اشيل ولادكم يا حبايب قلبي
عاصي بضحك : والله ابغي ابكي ولكن استحي الكائن اللي في ايدي دا هيدخلني الجيش
” الكل ضحك عليه وكان فعلا اليوم حلو من كل حاجه فيه ولعد حوالي ساعتين نقلو نور اوضتها وكانت فايقه ”
“نور اول ما شافت الكل حواليها ابتسمت للعزوه اللي هيا فيها وقد ايه عيلتها حلوه وبتحمد ربنا عليها ”
” نور غمضت عيونها بحب وابتسامة تعب ”
عاصي ادالها ادم : اللي يشوف الهدوء اللي انتي فيه دا ميشوفكيش وانت بترقعي بصوت وبتقولي كله بسببك لابوياااا
” نور شالت ادم وحطيته علي خدها غلشان تحس بيه لكن ادم بدء يرضع في خدها وفهمت انه جعان الكل طلع برا مفضلش غير نڤين وغسان وحبيبه ”
نڤين وهي بتسند نور : معلش يانن عيني حاولي تقومي معايا بس علشان ابنك يتعود يرضع
” نور فعلا قامت بمساعده من نڤين وغسان وسندوها وحبيبه شايله ادم وبتتصور معاه صور كتير وبتبعت لندي وفرحه وكانو يشوفها يتبسطو اووي ”
” غسان اخد ادم ونور بدأت ترضعه بالم واضح ووجع رهيب لدرجة ان دموعها بتنزل وهي مش حاسه لكن اتحملت الوجع لما لقت ازم بيرضع بجوع ابتسمت عليه وكملة رضاعه ليه رغم وجعها ورغم تعبها كفايه انه بياكل ”
…………………………..
اللي مش علي جروب الواتس بتاع الروايه ميعرفوش ان قررت اكتب بارت ولادة نور ودا بناء علي طلبهم ودا البارت اللي وعدتكم بيه دمتم بخير ♥️✨
البارت دا يعرفكم ان الام جبل اللي بيستهون بالولادة دا فعلا مبيفهمش حاجه مفيش حد يقدر يستحمل طلقه ولا صرخه من صرخات الم الولاده غير الام القويه ولا تقدر تستحمل لحظة نزول الطفل من مجري عنق الرحم غير فعلا الست القويه وبتنتهي من الولاده والم ، بتيجي الرضاعه اللي اصعب من دا كله سحب الكالسيوم من الجسم كاامل وغير الم اللي الام بتحسه وقتها ولكن بتستحمل علشان خاطر طفلها في النهايه الام جبل فعلا ✨♥️
- يتبع الفصل التالي اضغط على (رواية حين تقع في الحب ) اضغط على أسم الرواية