رواية حقيقتي البشعة كاملة بقلم سجين الوحدة عبر مدونة دليل الروايات
رواية حقيقتي البشعة الفصل الخامس 5
بعد اسبوعين على خناقة نورا ولمياء
عمر هددها انها تبعد عنهم خالص وهي خافت منه بجد وبعدت عنها
عمر بيميل لسارة جدا وهي حاسة بيه بس هي قفلت قلبها من زمان و مش عاوزاه يتعلق بيها عشان لو عرف الحقيقة هيتجرح…
انهاردة الحفل بالليل سارة صحت نورا بدري وعملت لها شعرها ومكياج وفستان اسود قصير وروج احمر
“ايه يابنتي هو مين فينا اللي معزومة انا والا انتي…وبعدين ليه فستان اسود انا مش بحب البس اسود”
“لا لازم اسود…قصدي عشان هتبقى زي حفل تنكري وهنحط ماسك كمان”
…انا مش عارفة انا وافقت اروح معاكي ليه”
الساعة 7 كانت سارة جهزت وبقت حلوة جداااا بشكل غريب ونورا كمان بقت زي الاميرات ومبسوطة لانها اول مرة تلبس
سواريه…
وصلو فيلا كبيرة جدا زي القصر الحرس فتحو الباب بسرعة عشان عارفين عربية سارة…
“خدي حطي الماسك فوشك وانا هحط ده…اوعي تشيليه غير لما اقولك”
“ماشي”
نزلو من العربية ونورا حاسة بحاجة غريبة
الكل لابس اسود وحاطط ماسك اسود البنات كلهم شبه بعض فساتين سودة وروج احمر
“هو ليه كل البنات عاملين مكياج شبه بعض…ايه ده حتى انا عملتيلي روج احمر”
“هو صاحب عيد الميلاد قال نعمل كده..يعني يبقى جو لذيذ كل البنات شبه بعض والولاد كمان شبه بعض”
نورا مش مقتنعة وعندها احساس وحش وقلبها مقبوض
في جرسون معدي بمشروبات اخدت سارة اتنين وادته لنورا
“ايه ده”
“عصير ياحبيبتي ماتخافيش…انا مش بشرب”
“سارة انا عاوزة امشي”
“ليه”
“انا مش مرتاحة وقلبي مقبوض”
“من ايه بس ماتخافيش انا معاكي”
بعد شوية جه شاب وقف معاهم
“هاي سارة”
“اهلا ياتامر عامل ايه”
“انا كويس…مش تعرفينا”
“امم نورا صاحبتي من الجامعة وده تامر صاحبنا “
“هي الجامعة حلوة اوي كده”
سارة ضربته فكتفه لما نورا وطت وشها وقالت”ميرسي”
بعد شوية ابتدت حركة غريبة نورا خافت
نورا”ايه في ايه”
سارة”ماتخافيش يانورا…تامر في ايه”
تامر”امير شكله نازل”
نورا”امير…امير مين ياسارة”
سارة”صاحب العيد ميلاد”
وفعلا نزل شاب وسيم ومعاه شاب وسيم جدا
كان الشاب وسيم بشكل غريب جداااا وفعنيه نظرة ساحرة ومرعبة فنفس الوقتو
“نور…اقلعي الماسك يلا”
قلعت نورا الماسك والكل قلع الماسك…نورا مش فاهمة حاجة بس حاسة بخوف ومش عارفة ليه…وفي كام بنت كمان بيبصو
حواليهم مش فاهمين حاجة
ابتدى الشاب يتكلم”بشكركم لحضوركم انهاردة انا سعيد جدا بيكم…اعتبرو البيت بيتكم”
ابتدت الموسيقى والكل بيرقص
“نور يلا نطلع لامير فوق عشان اباركله”
نورا مشيت مع سارة عشان خايفة تبقى لوحدها طلعو فوق
“استنيني هنا انا هدخله وارجعلك”
نورا قعدت على كرسي برة وسارة خبطت الباب ودخلت
سارة انحت لامير
“اهلا ياسارة”
“عيد ميلاد سعيد”
“ميرسي..هاجبتيلي معاكي ايه”
“بنت زي القمر”
“امممم ماشي خليها تستنى…في قبلها كتير”
نورا قاعدة متوترة لقت كام بنت جم واحدة منهم شكلها مرعب خبطت على الباب ودخلت ودخلو وراها التانيين..
نورا بصت يمين وشمال اتأكدت مفيش حد وقربت على الباب تسمع
امير وقف وقرب من بنت من اللي دخلو من ظهرها..مسكها من رقبتها وامالها وايده التانية لفها على وسطها وشدها عليه
البنت خافت منه و ابتدت تعيط
“ششش بتعيطي ليه ياحبيبتي”
“سيبني اروح اϐ يخليك”
“لا ياحلوة تروحي ايه هههه اللي يدخل هنا مش بيروح”
وش امير ابتدى يتحول وغرز انيابه فرقبة البنت وهي ابتدت تصرخ بصوت عالي والدم نازل من رقبتها وهو لسه بيشرب منها
لحد ماخلص ورماها على الارض ميتة…
امير وشه متحول وبيبتسم و بؤه بيسيل منه دم
“امممممم ايه الحلاوة دي”
كل البنات اللي فالاوضة ابتدو يصرخو و امير والشاب اللي معاه هجموا عليهم بسرعة….
نورا برة حاطة ايدها على بؤها عشان ماتصرخش ..سمعت كل حاجة..شافت دم طالع من تحت الباب…
مابقتش عارفة تعمل اي
عند امير وشادي(الشاب الوسيم اللي معاه) خلصوا اللي فايدهم ولسه جعانين
“سارة فين البنت”
“ثواني اجيبها”
طلعت سارة تجيب نورا…مفيش نورا دخلت بسرعة
“فين البنت”
“مش عارفة انا سايباها برة”
زعقلها بصوت يهز الحيطان
“سايباها برة…انتي اتجننتي…اكيد سمعت كل حاجة وهربت…شادي بسرعة تلاقوهالي قبل ماتسبب قلق فالحفلة روحي معاه
عشان هو مايعرفهاش”
شادي خرج بسرعة ومعاه سارة
نورا كاتمة بؤها عشان ماحدش يسمع صوتها وهي بتبكي مش عارفة هتهرب ازاي
سارة بدور هي وشادي على نورا ومش لاقينها
خلصت الحفلة ولسه مفيش اثر لنورا
امير متعصب جدا ومستوعد لسارة لو مالقتهاش حسابها هيبقى عسير معاه
نورا لما حست ان الناس ابتدت تمشي والبوابة اتفتحت قامت بشويش قلعت جزمتها ووصلت للبوابة مالقتش حد طلعت بسرعة
وهي بتجري فالشارع مش مصدقة انها خرجت…مش عارفة تروح فين…قررت تروح السكن تاخد هدومها وتهرب…
- يتبع الفصل التالي اضغط على ( رواية حقيقتي البشعة ) اسم الرواية