رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل السابع
الحلقة السابعة) 😘
بسيوني: دول تذكرتين سفر لانجلترا
ده غير اني حجزتلكوا في فندق خمس نجوم لمدة اسبوعين
ايه رايك بقا
اتسعت عيون جميلة من المفاجأة
وابتسمت ابتسامة واسعة
جميلة: انت بنتكلم جد
بسيوني: ايوة
حضنته جميلة بعفوية
وبعدين بعدت عنه وخدت التذاكر
بسيوني: استني يا جميلة خلي التذاكر معايا لسه مقولتش لماهر
جميلة: انا هقوله بنفسي
بسيوني: على فكرة هتسافروا بعد بكرة
جميلة: بالسرعة دي
بسيوني: ايوة
جميلة: شكرا ليك حقيقي يا عمو
ضحك بسيوني جامد وقال: اهم حاجة تتحكمي في نفسك احسن تفضحينا قدام الاجانب
ضحكت جميلة
****
في اوضة جميلة وماهر
وقفت فاتن تساعدها في تحضير الشنط
فاتن: اول مرة تسافري شكلك
جميلة: انا فرحانة اوي مش مصدقة اني هسافر برا
ضحكت فاتن وقالت: نفسي اشوفك مرة مش متحمسة
جميلة: تعرفي بتبقي احلى لما تضحكي
فاتن بخجل: بتعاكسيني ولا ايه
ضحكت جميلة: ومعاكسكيش ليه بقا انتي حلوة وزي القمر
ضحكت فاتن
فاتن: انا عايزة اعتذرلك
جميلة: عن ايه
فاتن: اول ما جيتي معاملتي معاكي كانت مش ولا بد متاكدة اني خليتك تحسي بعدم الراحة
جميلة: انا مش زعلانة نهائي منك
فاتن: انتي طيبة اوي يا مدام جميلة
جميلة: شيلي الالقاب وناديني باسمي بس
فاتن: لا مينفعش
جميلة: انا راضية يا ستي
انا مبحبش ابدا اكون اعلى من حد
فاتن: احم انا عرفت ليه دلوقتي ماهر بيه بيحبك جداً
احمر وش جميلة وقالت: بيحبني؟
فاتن باستغراب: انتي متعرفيش
جميلة: معرفش ايه
فاتن: مش قولتلك طيبة اوي
ماهر بيه بيحبك حدا
جميلة: لا لا معتقدش
فاتن: انتي متعرفيش قبل ما تيجي ماهر بيهان عامل ازاي احنا قعدنا نحاول سنين نخرجه من دوامة الاكتئاب لكن الل ما جيتي اتغير جدا
انا واثقة انه بيحبك اوي
وانتي بقا مش بتحبيه
اتصدمت جميلة من طبيعة السؤال
هي نفسها متعرفش اذا كانت بتحب ماهر ولا لا
هي اتجوزته اساسا عشان الفلوس
لكن تحبه
فاتن: جميلة
جميلة بتوتر : ايه
فاتن: انا خلصت تجهيز الشنط
جميلة: حقيقي
فاتن: انا هخرج بقا عايزة حاجة
*****
سارة: كويس انك خرجتي من بياتك الشتوي
بصتلها مي باستغراب وكملت شرب من الفنجان اللي في ايدها
قعدت سارة قصادها
سارة: سمعت ان ماهر ومراته هيسافروا بكرة
مي: اه رايحين يقضوا شهر العسل فيها حاجة
سارة: والله عال بابا يسفر البنت اوروبا دي على حسابه وعمره ما فكر حتى يوديني مطروح
مي: وانتي عايزة منه ايه ما انتي عندك فلوس تتصرفي فيها
ثم تكونيش غيرانه من جميلة
سارة: اناااا اغير من المفعوصة دي
انتي هبلة ولا ايه
دي متجيش حاجة جمبي
هه قال اغير قال
مي: امال مالك
سارة: مليش
مي: اتخانقتي مع محمود تاني
سارة: لا
مي: كويس
هتقعدي هنا كتير
سارة: ايه زهقتي مني بالسرعة دي
مي: والله اه
سارة: طب انا قاعدة على قلبك كتير بقا
مي: ربنا يستر
****
في اوضة جميلة
ماهر: جميلة جهزتي
جميلة: ايوة
هو انجلترا ساقعة صح
ماهر: ايوة
جميلة: كويس اصلي لبست كل اللي في الدولاب
ضحك ماهر
مسكته جميلة من كتفه وقالت: يلا
خرجوا برا ونزلوا لساحة القصر
لقوا الكل واقف مستنيهم
مي: جميلة خلي بالك منه
جميلة: اكيد
فاتن: انا جاهزة نمشي
ماهر: فاتن انتي هتيجي معانا
اتلبكت فاتن ومقدرتش تتكلم
جميلة: انا اللي قولتلها تيجي
ماهر: طيب زي ما تحبي
مااااهر
جريت سارة وحضنته
ماهر: عمتو سارة؟
سارة: متنساش تجيبلي سوفينير من هناك بقا
وباسته من خده
اتكسفت جميلة
مي بغضب: سارة
سارة: بودعه يا مي مالك
وبصت لجميلة وقالت: جميلة اتمنالك رحلة سعيدة
جميلة: شكرا
سارة: اهم حاجة بتعرفي تتكلمي انجليزي
جميلة: لا
سارة: يا حرام مش كنتي قولتيلي اعلمك
وبصت لفاتن وقالت بسخرية: خلي بالك منها يا فاتن احسن تعمل حاجة
اضايقت جميلة ومسكت ايدين ماهر وقالت بعصبية: يلا
ومشيت بسرعة وركبوا العربية
****
في العربية
ركب ماهر جمب السواق وركبت جميلة وفاتن
جميلة: فاتن فاتن
فاتن: نعم
جميلة: احنا هنسافر ازاي
فاتن: هنركب طيارة
جميلة: ابييييييييييييييه
فاتن: خرمتي طبلة ودني
جميلة: لا انا مش بتاعة طيران انا مش عايزة اركب
فاتن: متقلقيش مش هيجرالك حاجة
جميلة: لا اقلق انت مش مستغنية عمري
انت يا عم يا اللي بتسوق نزلني هنا
السواق: مدام جميلة
جميلة: نزلني هنا
فاتن: جميلة اهدي
كان فاتن متابع الموقف من الاول وفطسان من الضحك
****
في المطار
جميلة: ماهر ارجوك يلا نروح انا خايفة
ماهر بضحك: انتي المفروض طالعة معايا تحميني وطلعتي اجبن مني
جميلة: انا مش جبانة!
انا بقدر حياتي
فاتن: جميلة ارجوكي اهدي كل الناس بيبصولنا دلوقتي
****
بعد ما وصلوا الفندق
بصت جميلة من شباك الفندق لقت منظر الثلج المتساقط
جميلة: الله اول مرة اشوف تلج بالمنظر ده
ابتسم ماهر وقال: اول مرة اشوفك فرحانة كدة
جميلة: فرحانة فرحانة دي قليلة اوي انت تقدر تقول طايرة من الفرحة
ماهر: مع اني قولت العكس لما شوفتك راكبة الطيارة
جميلة: على فكرة دي كانت اول مرة اركب فيها طيارة لكن هتشوف لما ارجع هبقى اشجع منك بكتير
ماهر: هنشوف يا ست جميلة
قعدت جميلة جنبه وقالت: تعرف ان جدك بيحبك اوي
ماهر: عارف
جميلة: وعمتك مي كمان بيحبوك جدا
لكن بالنسبة لسارة
ماهر: سارة دي لسه صغيرة حدا وتصرفاتها كلها طايشة
من زمان وهي كدة
جميلة: الله يكون في عونكم بجد
ماهر: واضح انك مش طايقاها نهائي
جميلة: لا عادي
ماهر: تيجي نخرج
جميلة: نخرج؟ دلوقتي
ماهر: امال بعدين
جميلة: مش عارفة اصل الجو برد اوي
ماهر: لا تعالي تعالي
****
جميلة: حرام عليك انا هتكتك من البرد ثم انا مش عارفة حاجة هنا هنروح ازاي
ماهر: شاوري لتاكسي بس وسيبيي الباقي عليا
جميلة: طيب امري لله
شاورت جميلة لتاكسي
ركبوا الاتنين
قال ماهر السواق بالانجليزي: ودينا على مطعم...
جميلة: انت بتعرف تتكلم انجليزي؟
ماهر: كنتي فكراني جاهل ولا ايه
جميلة: لا العفو
نزلوا الاتنين بعد ما وصلوا ودخلوا
طلب ماهر من الجرسون ترابيزة وقاله على ظروفه
كل ده وجميلة مش فاهمة حاجة من اللي بيتقال
قعدوا على ترابيزة فخمة
جميلة: انت قولتلوا ايه
ماهر: طلبت منه يتوصى علينا
جاب الجرسون المنيو
فتحت جميلة القايمة ومكنتش فاهمة حاجة
جميلة: ماهر انا مش فاهمة حاجة من المكتوب
ماهر: متقلقيش انا هطلب
جميلة: انت عارف الطلبات هنا ولا ايه
ماهر: شوفي دي
وراها المنيو بتاعته
جميلة: هي مخرمة ليه
ضحك ماهر وقال: لا يا جميلة مش مخرمة دي مكتوبة بطريقة برايل
جميلة: طريقة برايل
ماهر: ايوة دي طريقة اخترعوها عشان اللي عندهم عمى زيي يقدروا يقروا
جميلة: بجد
ماهر: ايوة
جميلة: طيب الراجل شكله جي علينا اطلبلي زيك بقا
جه الجرسون
طلب ماهر ليه ولجميلة
بدا ماهر ياكل بهدوء
جميلة كانت بتتخانق مع الشوكة والسكينة
جميلة: ايه ده انا مش عارفة اكل
ماهر ضحك
ماهر: براحة شوية يا جميلة هتكسري الطبق
جميلة: ايه ده
انا هاكل بايدي
ماهر بضحك : اعملي اللي نفسك فيه
****
بعد ما خرجوا
جميلة: عارف رغم اني معرفتش اكل بس المطعم حلو اوي
ماهر: مبسوط انه عجبك
شافت جميلة قدامها ساحة كبيرة مليانة بالثلج
جميلة: ماهر ماهر تعالى نروح هناك
ماهر: نروح فين
جميلة مسكت ايده: تعالى بس
وراحو هناك
مسكت جميلة كورة تلج ورمتها في وشه
ماهر: اه رميتي عليا ايه
جميلة: تلج هييهيهيهي
ماهر: انتي بتستغليني بقا
جميلة: ابقى قابلني لو عرفت تنشن عليا
ورمت عليه اكتر من كورة وماهر بيحاول يصيبها من غير فايدة
ماهر: خلاص انا مستسلم
جميلة: انا كدة كسبتك ها ها ها
ماهر: خلاص تعالي سنديني
جميلة: حاضر
وجت وقفت جمبه
قام ماهر بسرعة عمل كورة تلج وحطها على شعرها ووشها
جميلة: حرام عليك دي ساقعة اوي
ماهر: واحدة بواحدة
جميلة بخبث: ماشي يا عم
****
في الفندق
في اوضة ماهر وجميلة
كانت جميلة بتعمل شاي ليها ولماهر
ادته جميلة الشاي
ماهر: شكرا يا جميلة
قعدت جميلة جمبه
جميله: كان يوم حلو اوي بجد
ماهر: فعلا كان حلو
جميلة: م..ماهر
ماهر: نعم
جميلة بتوتر: عايزة اسالك سؤال
ماهر بابتسامة: قولي
اترددت جميلة قبل ما تساله وقررت تخرج عن صمتها وسالته
: ماهر انت اتعميت ازاي؟
اتصدم ماهر من سؤال جميلة
وارتعش لان سؤالها رجع لعقله ذكريات قديمة
حزينة
يتبع ..................
•تابع الفصل التالي "رواية اسمي جميله" اضغط على اسم الرواية