رواية تغيرت لأجلها (كاملة جميع الفصول) بقلم زينب العشري
رواية تغيرت لأجلها الفصل الثامن 8
تاني يوم
بتصحا تمارا وهي حاسة بصداع قامت قعدت وافتكرت الي حصل امبارح
اتنهدت وقامت دخلت الحمام خدت شاور وطلعت دخلت اوضة تغير الملابس
ولبست تيشير ابيض وجينز اسود وسرحت شعرها وقعدت عالكنبة لحد ما دخل اسد
أسد بإبتسامة خفيفة: صباح الخير
تمارا بإبتسامة بتداري بيها حزنها: صباح النور
أسد: تعالي يلا عشان ننزل نفطر
تمارا قامت وقفت
راح عليها مسك ايديها بحنية وشدها وراه وخرجو من الجناح
نزلو تحت
المنشاوي: إزيك يا بنتي
تمارا: الحمدلله
تمارا وهي بتدور بعنيها على اختها: حور فين؟!
حور وهي بتحضنها من ضهرها: انا هنا يا قلبي
اتنهدت تمارا براحة ولفت حضنت اختها
المنشاوي: يلا يا ولاد عشان تاكلو
طاهر بإستغراب: مين دول؟!
أسد ببرود: مراتي
المنشاوي: مرات اسد واختها
طاهر بصدمة: نعممم؟! إزاي متعرفنيش؟! هو انا مش أبوك ولا اتبريت مني خلاص؟!
أسد بعصبية: أنا اعمل اللي انا عاوزه مش محتاج إذن من حد ولو انت بتسمي نفسك اب فا انا بنكر دا ماشي؟!
كل دا وسط ذهول آمنة هل فعلا أسد أتجوز؟! قالت في نفسها: هخلص منها إزاي دي باين عليها مش سهلة
أسد بهدوء زي ما يكون اتحول لشخص تاني: أقعدي افطري يا تمارا
قعدت تمارا وجنبها حور وقعدو يفطرو كلهم
طاهر بدأ يبص لتمارا كتير اوي
وتمارا تطنش عشان متعملش مشاكل
لحد ما فاض بيها
قامت بعصبية: هو ممكن حضرتك تبطل تبصبصلي دا لو مش هزعجك؟!!
اتضايق أسد من ابوه قال بغضب: شيل مراتي من دماغك ومتقربش منها لأن ساعتها هنسا انك تقربلي حاجة ماشي؟!!!
المنشاوي: اقعدو كملو اكلكو يا ولاد
اسد: أقعدي يا تمارا
تمارا: لا خلاص شبعت الحمدلله
وطلعت فوق
أسد بص علي طيفها واتنهد
المنشاوي: اقعد كمل أكلك يا ابني
أسد: لا خلاص الحمدلله
وطلع ورا تمارا دخل الجناح لقا تمارا قاعدة علي الكنبة اتنهد وراح ناحيتها وقال قومي البسي
تمارا بإستغراب: ليه؟!
أسد بإبتسامة: هنتمشى شوية
تمارا: لا لا مش مهم
اسد بإصرار وهو بيشدها:يلا يلا بلاش كلام كتير
ابتسمت تمارا ابتسامة خفيفة ودخلت تغير
بعد مدة طلعت وهي لابسة فستان بينك وعليه توب ابيض وشوز ابيض
لقت أسد قاعد مستنيها راحت ناحية المرايا وسرحت شعرها وحطت مرطب شفايف ولفت لقت أسد قريب منها بعدت شوية بتوتر وقالت: في إيه؟!
أسد بغيرة: امسحي البتاع الي انتي حطاه علي شفايفك دا
تمارا بتذمر: ليه دا مرطب
أسد بغيرة وعصبية خفيفة: قولت امسحي الزفت
تمارا بعند: لا مش همسح حاجة
أسد اتنهد بغضب وقرب منها هي لسة هتبعد مسك إيديها الإتنين بإيده وطلع منديل من جيبه ومسح المرطب وهو بيبصلها بغضب
بعد عنها وبصلها بحدة وقال بغضب: متعنديش معايا تاني عشان منزعلش من بعض
بصتله تمارا بغضب وسكتت
أسد: يلا
وسبقها وهي نزلت وراه
خرجو من القصر وهو ماسك ايدها وقعدو يتمشو وهما ساكتين
أسد قطع الصمت دا وقالها: بتحبي الأيس كريم؟!
تمارا هزت راسها ب أه
أسد وهو بيبص حواليه: ثواني وجاي
بصتله تمارا بإستغراب: ماشي
أسد راح ناحية محل أيس كريم وجاب واحدة ليها
عند تمارا
كانت مستنية أسد
وفجأة ظهر قدامها شابين
الشاب 1:اوباااا ايه المُزة دي يا معلم
الشاب 2:متيجي معانا يا قمر إنت
تمارا بضيق: امشي يا بابا انت وهو من هنا بدل ما اعدلك ديكور وشك
الشاب 2:شكل القطة بتخربش
الشاب 1:وإحنا بنحب الخربشة
وقربو منها شوية بصتلهم تمارا بثقة
أسد شافهم من بعيد لسة هيروح يضربهم لقا تمارا....
Stoooop....
ـــــــــــــــــــــــــــــــــــ♡ـــــــــــــــــــــــــــــــــــ
•تابع الفصل التالي "رواية تغيرت لأجلها" اضغط على اسم الرواية