رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الثامن
الحلقة الثامنة والحلقة التاسعة
اتصدم ماهر من سؤال جميلة
وارتعش لان سؤالها رجع لعقله ذكريات قديمة
حزينة
جميلة: ماهر؟
ماهر بعصبية : انتي غريبة اوي
جميلة: ايه
ماهر: انتي زيهم بالظبط
جميلة: م..ماهر
ماهر بعصبية: كنت فاكرك مختلفة عنهم
كنت فاكرك عمرك ما هتفكري تسأليني السؤال ده
انتو عايزين مني ايه؟
جميلة: انا.. مش كان
كمل ماهر بنفس العصبية: انا انعزلت عن الناس كلهم عشان كدة عشان مبحبش حد يسالني عن حاجة زي كدة انتو ايه مبتحسوش
جميلة: صدقني يا ماهر انا مش قصدي حاجة
ماهر: مش هتفرق معايا
انا هروح اخد دش
وقام وبدا يتحسس الحيطة
مسكت جميلة دراعه وقالت: خليني اساعدك
بعد دراعها عنه بقسوة وقال: انا عارف طريقي كويس
قعدت جميلة فترة مع نفسها
كانت مصدومة من رد فعل ماهر
وفجاة طلع في. راسها نفس الصوت
" ماهر قتل عيلته "
نامت جميلة على السرير ودماغها هتنفجر من كتر التفكير
كانت متأكدة انها كشفت جانب جديد من ماهر
جانب مضلم وحزين
****
في اليوم التاني
في المطعم وقت الفطار
اتاوبت جميلة وهي قاعدة قدام فاتن
فاتن بابتسامة: شكلك منمتيش كويس
جميلة: فعلا انا منمتش كويس
فاتن: ليه بقا
اتنهدت جميلة بحزن ومجاوبتهاش
فاتن: جميلة
جميلة: نعم
فاتن: شكلك زعلانةة
جميلة: انا؟
فاتن: آه مالك
وبعدين ماهر بيه منزلش الفطار ليه
جميلة: قال انه تعبان مش عاوز ينزل
فاتن: غريبة اوي
انتي اتخانقتي معاه؟
جميلة: لا لا لا انا متخانقنتش خالص
فاتن: متاكدة امال حزينة كدة ليه
جميلة: مش عارفة
فاتن
فاتن: نعم
جميلة: هو ماهر...
اتعمى ازاي
اتصدمت فاتن
فاتن: انتي متعرفيش؟
جميلة: لا معرفش
فاتن: غريبة
جميلة: ايه اللي غريب
فاتن: يعني انتي مراته وكان المفروض تبقي اول العارفين بس يظهر ان ماهر بيه لسه محتفظ بالموضوع لنفسه
جميلة: يعني انتي متعرفيش
فاتن.: لا انا خدمت عيلة النمر بعد الحادثة
في الاول كان الكلام عن الموضوع ده مجرد الكلام جريمة
جميلة: بجد
اومات فاتن راسها وكملت: طبعا اي حد من الخدم كان بيجيب السيرة دي كان بيترفد في ساعتها
لدرجة انه خلاص الكلام قل جدا معدناش حتى بينا بنتكلم من كتر الخوف انا طبعا جيت البيت بعد ما كان تلات تربع الخدم انرفدوا خلاص والكلام قل جدا
جميلة: وليه ده كله
فاتن: بسيوني باشا بيحب ماهر حفيده جدا
وللاسف كتر الكلام في الموضوع ده عقد ماهر جدا لدرجة انه مبقاش عايز يتعامل مع الناس تاني ده اللي خلى بسيوني باشا يحط العقوبة دي على كله
.
افتكرت جميلة لما سالت ماهر وردة فعله كانت غريبة ازاي وفهمت السبب لده
فاتن : بصراحة انا مش هلوم بسيوني باشا للي عمله الحقيقة انه الموضوع كان زايد جدا غير ان طلعت اشاعات على العيلة كبيرة جدا
جميلة: اشاعات ايه
فاتن: اللي هقوله ده يفضل سر ماشي
جميلة: فهمت
فاتن: بسيوني باشا عنده 4 ولاد
مدام مي الكبيرة
احمد وده ابو ماهر
ماجد
سارة
جميلة: اه انا فاكرة ان انا قابلت ماجد ده في الفرح
فاتن باستغراب: في الفرح
جميلة: ايوة في فرحي انا وماهر
فاتن: انتي متاكدة
جميلة: ايوة متاكدة هو فيه حاجة
فاتن بقلق: اصل احنا مش شوفناه نهائي مستغربة ازاي جه
جميلة: ده سلم علينا كمان
فاتن: كمان؟
جميلة: ايوة
فاتن: مستحيل لو بسيوني باشا شافه كان ممكن يقتله ده مستحيل
جميلة: ليه هو عمل ايه
فاتن: ده عمل اسوا حاجة ممكن تتعمل
جميلة: ايه هي
اتنهدت فاتن وقالت: عمل علاقة غير شرعية مع واحدة من الخدم
جميلة: اييييه
فاتن باحراج : ايه يا جميلة ما تقولي الموضوع كله للناس احسن
جميلة: انا مش مصدقة نهائي وايه اللي حصل بعدها
فاتن: طبعا الخدامة دي مشيت تجر عارها وراها
والموضوع فضل سر لكن ماجد مسكتش وبدا يعاكس باقي الخدامات بوقاحة لحد ما اكتر من بنت قدمت استقالتها دون سبب صريح واحدة فيهم خرجت عن صمتها وحكت السبب
طبعا محدش صدقها نهائي وكل الاخوات وقفوا في صف ماهر
لكن اللي اكد الموضوع رئيس الخدم القديم غير ان الاشاعات طلعت عن العيلة واللي حصل للخدامات فيها
بسيوني باشا اتجنن واول حاجة عملها طرد ماجد من القصر ونفى انه ابنه وحرمه من كل حاجة
جميلة: ده كله
فاتن: وللنهاردة لسه ماجد مطرود من العيلة ويا عالم ممكن بسيوني باشا يسامحه ولا لأ
جميلة: طب احمد ابو ماهر حصله ايه وسارة كمان
فاتن: سارة بقا دي كانت طايشة جدا اول ما خدمت في العيلة عيوني وصيفة ليها طبعا مش قادرة اقولك عن كمية الغرور اللي كانت فيها كنت بتهان اهانة لا توصف مكنش بيعجبها العجب ابدا ده غير بقا انها اتجوزت من محمود
جميلة: وماله ده كمان
فاتن: ده كان فقير اوي وكله قعد يقنعها انه طمعان في فلوسها لكن عمرها ما اقتنعت واتجوزته غصب عن الكل
جميلة: واحمد
فاتن: احمد ده قصته كلها غموض منعرفش عنه اي حاجة كل اللي اعرفه انه مات لكن مات اتى وازاي حتى مراته وابنه الصغير كلهم ماتو ومتبقاش من العيلة الا ماهر
جميلة: طيب فاتن انا عايزة اقولك حاجة
فاتن: نعم
حكتلها جميلة اللي حصل بينها وبين ماهر
فاتن: صحيح انك دوستيله على جرحه لكن معتقدش انه زعلان منك
جميلة: تلاقيه بيكرهني دلوقتي
فاتن: لا مستحيل 🙅
انتي لازم تعتذريله ومتاكدة انه هيسامحك وكمان لازم تكونوا مصتلحين لان النهاردة بقا عايزة اوديكوا لمكان شاعري جدا اكتشفته امبارح بالصدفة
جميلة بفرح: حقيقي
فاتن: ايوة
*****
في بيت من البيوت
فتحت سارة بالمفتاح ودخلت مع مي
مي: سارة انتي جايباني هنا ليه
سارة: هتعرفي دلوقتي
فجاة ظهر خيال لراجل وبسرعة ظهرت ملامحه
مي بصدمة : ماجد؟؟
ماجد: كويس انك لسه فاكرة اسمي
مي: انت مش سافرت
بجد انت موجود هنا ليه
ماجد: دي اسالة تساليها لاخوكي بعد الغيبة دي كلها
مي: انا مش فاهمة حاجة
انتو عايزين مني ايه
سارة: اهدي بس يا ميمو واحنا هنفهمك كل حاجة
ماجد: مي انا عايز ارجع القصر
مي: نعم
عايز ترجع فين
سارة: القصر يرجع لعيلة النمر
مي: انت غبي ولا مغفل ا
انت عارف الموضوع خلص من زمان وبابا مستحيل يعفو عنك انت ناسي عملتك الطين
ماجد: يا مي يا حبيبتي ده كان زمان انا كنت شاب طايش بس دلوقتي اتغيرت صدقيني
مي بضيق: معتقدش
ديل الكلب عمره ما يتعدل
ضحكت سارة وقالت: مي ميبقاش قلبك اسود كدة
قعدت مي على اقرب كرسي
مي: طب هاتولي كوباية مياه على الاقل
جابتلها سارة
مي: دلوقتي انا في حاجة مش فهماها
سارة
بصتلها سارة
مي: انتي من انتى بتتكلمي مع ماجد
سارة بخبث : تقريبا من اول ما انطرد
مي: اه ده انتو عاملين عصابة بقا
ماجد: ولا عصابة ولا حاجة انا بس عايزك تساعديني ارجع القصر تاني
مي: مستحيل
بصلها ماجد باستغراب
مي: اللي بتقوله ده هو المستحيل انا لا يمكن اعمل اي حاجة تاذي بابا او تجرح عيلتنا تاني
ماجد: يعني مش هتساعديني
مي: مستحيل اساعدك وكفاية اوي لحد كدة انا مش ناقصة
راحت مي عند الباب
سارة: مي
وقفت مي
سارة: هتتخلي عن اخوكي،؟
مي: انا ليا اخ وحيد اسمه احمد
وده مات من زمان اوي
وقفلت الباب وراها ومشيت
*****
في اوضة ماهر وجميلة
فتحت جميلة الباب لقت ماهر نايم ومغطي وشه
جميلة: ماهر
مردش ماهر
جميلة: انت صاحي
مردش ماهر
اتنهدت جميلة بضيق وراحت كشفت الغطا
جميلة: انت صاحي اهو
ماهر: انتي هنا
جميلة بضيق: قدامك بالظبط
ماهر: انا مش عايز اتكلم دلوقتي
جميلة: لازم تسمعني
ماهر بعصبية : قولت مش عايز
قعدت جميلة جنبه وقالت: فيه حاجة انت مش فاهمها سيبني اشرحها
قام ماهر من على السرير بضيق
جميلة: ماهر استني
جريت وحضنته من ضهره
جميلة: انت لازم تسمع ارجوك
انا مكنش قصدي اجرحك ابدا ومكنتش اعرف ان السؤال ده هيزعلك مني اوي كدة انا اسفة
انا كنت عايزة اقرب منك اكتر كنت عايزة اعرف عنك اكتر
هو ده اللي انا عايزاه بس
وكملت بدموع: مش كنت عايزاك تكرهني مش كنت عايزة ابقى زيهم بالنسبالك
شال ماهر ايديها
مسحت جميلة دموعها بحزن ووقفت ورا ماهر ثواني
فجاة ادور ماهر وقرب منها وحضنها
اتصدمت جميلة
ماهر: انتي غبية اوي
انتي فكراني ممكن اكرهك
انتي الوحيدة بالذات اللي لا يمكن اكرهها مهما عملت
انتي الوحيده اللي عرفتني حاجات كتير والل بتهتم بيا من قلبها واللي رجعتني اضحك تاني
انا اللي اسف لاني خليتك تعيطي عشان واحد زيي
انا
انا
جميلة انا بحبك
اتصدمت جميلة واحمر وشها
بعدت جميلة عنه بالراحة
ماهر بخجل: هد دي حقيقة مشاعري ناحيتك
ضحكت جميلة بمرح
ماهر بخجل: انتي بتضحكي
جميلة: حد قالك انك لطيف اوي لما وشك يحمر
مردش ماهر
جميلة: طيب بقا بما انك مش زعلان مني ايه رايك نخرج النهاردة
ماهر: هنروح فين
جميلة: مش عارفة فاتن قالت انها هتودينا في مكان شاعري
ماهر بضيق: يعني فاتن هتيجي معانا
مش هنعرف ناخد راحتنا
جميلة: لا لا مش تقلق
****
جميلة: فاتن متاكدة المكان هنا
كانت جميلة ماسكة ايد ماهر وماشيين ورا فاتن
فاتن بقلق: المفروض انه المطعم اللي احنا عايزينه في المنطقة دي
جميلة بخوف: بس دي منطقة مقطوعة ومخيفة
فاتن: مش عارفة شكلنا تهنا
ماهر: تهنا.؟ بتهزري صح
فاتن: ماهر بيه انا
وفجاة قاطعهم صوت حاجات حديد بترن
وفجاة ظهر قدامهم 3 رجالة بمطاوي
واحد منهم: هههههههههه لقينا صيد ثمين اهو يلا كل واحد فيكو يخرج اللي في جيوبه
جميلة: فاتن هما بيقولو ايه
فاتن: دول حرامية وبيسرقوا اللي ييجي هنا للاسف
جميلة برعب: ايه
فاتن: احنا معندناش حاجة ليكو
مسكها واحد منهم من دراعينها و قالها: اسكتي لو خايفة على وشك الجميل
كان ماهر متابع الموضوع وقال: احنا معناش حاجة تفيدكو
اتقدم واحد منهم وحط المطوة اللي في ايده على رقبته وقال: مش معاك حاجة
امال الجاكت والساعة دول ايه
واضح انكم من الاغنياء
اتشجعت جميلة وضربت الراجل بالقلم ووقفت قدام ماهر تحميه وقالت: مش هسمحلك تلمسه
ماهر: جميلة؟
قام الراجل بكل غضب الدنيا وقال: هو كدة بقا
وفجاة طعن جميلة
طعنها من بطنها
وقال: ابقي احميه بعد ما توصلي القبر
وضحك ال 3 رجال
جميلة: م..اهر
وقعت جميلة على وشها
صرخت فاتن برعب: جميييلة
يتبع
💙 ({(
•تابع الفصل التالي "رواية اسمي جميله" اضغط على اسم الرواية