رواية عودة الماضي كاملة بقلم مني الصاوي عبر مدونة دليل الروايات
رواية عودة الماضي الفصل العاشر 10
شروق.. انت بتهرب مني ليه
فريد… مش انت اللي عايزه كدا مش ده طلبك ايه مش قادره
تتحملي مش قولتي اننا لازم نكون اخوات وانا مش هقدر
نكون اخوات واتعامل عادي مفيش حل غير البعد
عايزاني افصل جنبك واتحرق من حبي ليكي وانت مش
عابزه تعترفي بالحب ده انا بحبك يا شروق وعارف انك
بتحبيني قدامك حل من اتنين يا تطلقي ونتجوز ووقتها
عارف عواقب اللي هيحصل من عيلتي يا اما نبعد وده اللي
عملته وده اللي كنتي عايزاه
والده محمود تخرج من الغرفه يا خبر اسود ايه اللي سمعته ده
يلتف كل من شروق وفريد يجري فريد إليها بينما تجلس
شروق على أقرب كرسي من أثر الصدمه
فريد… ماما انت فاهمه غلط انا هفهمك
والده محمود تضرب فريد قلم على وجهه
هتفهمني ايه انت بتخون اخوك مع مراته انت اتجننت وتصرخ فيه
فريد.. ياماما اهدي ارجوكي مش هينفع نتكلم هنا تعالي نروح ونتكلم محمود مستنينا
والده محمود.. وانت عامل حساب اخوك اللي مالكوش غير بعض وبعته علشان دي
وانت مش مكسوفه من نفسك ملقتيش غير ابني مالقتيش
غير اخو جوزك انت عايزه ايه من ولادي مش عايزين
نشوفك
ينظر فريد الي شروق وهي تبكي بدون كلام
فريد.. ماما لو سمحتي شروق مالهاش ذنب في اي حاجه انا
اللي حبيتها وانا عارف اني غلطان ممكن نتكلم في البيت احنا في مستشفى
والدة محمود.. ماشي نتكلم في البيت مش علشانك والا
علشانها علشان محمود اللي مالوش ذنب في حاجه من وس _خ_ ت_ كم
وانت مش عايزة اشوف وشك على ما اشوف محمود
هيتصرف معاكي ازاي
تخرج شروق من المستشفى منهارة
محمود.. شروق مالك بتعيطي ليه كدا ماما وفريد فين
والدة محمود.. انا هنا يا حبيبي متقلقش هي بس امها كلمتها
تعبانه شوية مش عارفه في ايه النهاردة هتروح تشوف امها
شروق.. ايوه وصل انت ماما وانا هروح لماما كلمت مي وجاية حالا
محمود.. ماشي يا حبيبتي بلاش ترجعي لوحدك علشان العربيه مش معاكي هاجي اخدك
شروق.. وادي مي جات روحوا انتوا بالسلامه
مي.. في ايه يا شروق خضتيني انت مالك فيكي ايه
شروق.. هموت يامي مامت محمود سمعتنا واحنا بنتكلم انا وفريد
مي… يا خبر اسود سمعت ايه بالظبط انتوا كنتوا بتعملوا ايه والا بتقولوا ايه
شروق تمسح دموعها سمعت فريد بيقولي اطلق ونتجوز انا وهو
مي.. لا انتوا اتجننتوا رسمي ايه الكلام ده وانت موافقه على الكلام ده يا شروق
شروق.. وديني عند ماما يا مي مش قادره اتكلم
نروح منزل فريد ومحمود
والدت محمود.. خلاص يا حبييي انا كويسه واهو فريد معايه روح انت شوف شغلك
سمر… الف سلامه عليكي يا ماما الدكتور قالكم ايه يا فريد فريد انت مش سامعني
فريد.. هااا بتقولي ايه
سمر… يا حبيبي بقولك الدكتور طمنكم على ماما قالكم ايه
فريد.. الحمد لله مفيش حاجه هي بس الضغط والسكر كانوا ملخبطين شوية بس الدكتور طمنا
سمر.. الحمد لله الف سلامه عليكي يا ماما انت عارفه لولا الولاد كنت جيت معاكم اه صحيح فين شروق
والده محمود.. راحت عند مامتها يا بنتي كتر خيرك انك
بتسألي عنها طول عمرك بنت أصول الدور والباقي على
الناس اللي مش بتفهم في الأصول ولا شافوا تربية
سمر.. تقصدي مين يا ماما هي شروق عملت حاجه زعلتك هي مش كانت جايه معاكي ازاي تمشي وتسيبك
فريد.. وبعدين انت ما صدقتي تتكلمي يلا اطلعي شوفي
الولاد كفايه كدا انا هقعد مع ماما شويه واديها علاجها وهطلع
سمر.. هو انا قولت حاجه ماهي ماما هي اللي زعلانه منها انا
كنت عايزه اعرف زعلت ماما وهي تعبانه ليه
فريد.. يووووه انت مش بتفهمي
والده محمود.. خلاص يا فريد
انا زعلانه منها يا بنتي علشان سابتنا وقالت هروح عند ماما
كانت المفروض تستنا النهارده علشان كدا قولت مش بتفهم في الأصول
سمر.. اه فعلا بس متزعليش نفسك يا ماما دي حتى شروق
بتحبك هطلع انا بقى اشوف العيال مردتش انزلهم علشان ترتاحي وتخرج سمر من الشقه
والدة محمود.. عايز تقول ايه يا فريد هتبرر بايه اللي سمعته ملقتش غير مرات اخوك ساكت ليه اتكلم
فريد.. حبتها يا أمي غصب عني عارف اني غلطان وان
ماليش في الدنيا غيرك انت ومحمود شروق مالهاش ذنب
هي رافضه الحب ده هي اللي طلبت ابعد عنها علشان كده بفكر اسافر تاني
والده محمود.. ولية تسافر هي تروح لحالها واهي لسه
مخلفتش يعني مفيش حاجه هتربطنا بيها
فريد.. وهي ذنبها ايه يا أمي ذنبها ايه بيتها يتخرب انا اللي هبعد ده وعد مني بس عايز منك طلب
الام… وعد ايه يا فريد
فريد.. محمود مش لازم يعرف حاجه وكمان لازم تعرفي ان
شروق ملهاش ذنب اني حبيتها يعني بلاش تحاسبيها على
حاجه ملهاش ذنب فيها
الام.. يابني انا كنت حسه من زمان من معاملتها ليك هي
كمان سبب في الحب ده
فريد.. ارجوكي يا أمي انسى كل حاجه واتعاملي معاها عادي وانا اوعدك اني هبعد عنها
الام.. ربنا يكتبلك الخير يابني ويبعد عنك كل شر
بس انا ذنبي ايه اتحرم منك يا فريد خايفه اموت وانت بعيد
عني خلاص انا عندي رأي تاني ابعد عنها وخليك هنا انت وولادك علشان خاطري انا مصدقت ترجع
فريد.. خلاص هفكر المهم دلوقتي انسى كل حاجه واسف اني زعلتك
الام.. مش عايزه يجي اليوم اللي تقف انت واخوك قصاد
بعض علشان ست انا ربتكم كويس ريحيني يابني
فريد… خلاص يا امي هعمل كل اللي قولتيه حاضر
الام.. ربنا يهديكم يا حبيبي
في بيت ياسمين والده شروق
ياسمين.. مش هتقولي مالك يا شروق انت زعلانه انت ومحمود
شروق.. لا يا حبيبتي مفيش حاجه انا بس تعبت شويه
ومصدقت حماتي بقت كويسه علشان اقعد معاكي النهارده تعبانه وعايزه اقعد مع نفسي شويه
ياسمين… حاضر يا حبيبتي خليكي براحتك هو انا اكره انك تيجي أن شاء الله كل يوم ده انا افرح
هروح اكمل الاكل علشان نتغدى سوي
تجلس شروق تتذكر كل ما حدث وتتذكر كلام فريد
ياترى انا ممكن اقدر اعمل اللي قال عليه فريد ممكن اتطلق
علشان اتجوزه ايه الجنان ده انا ازاي افكر في الجنان ده
ياترى حماتي قالت عني ايه وياتري فريد قال لها ايه هي
ممكن تقول لمحمود يادي المصيبة ده اكيد شكلها كان متعصب اوي
ياسمين.. يلا يا حبيبتي علشان نتغدى ياترى مين جاي على
ميعاد الاكل كدا هروح افتح البابشروق.. خليكي انت يا ماما انا هفتح يمكن مي غيرت رأيها ورجعت
تفتح شروق باب الشقه وترى محمود يقف أمام الباب تشعر
بدوران وكأن الأرض تلف تحت قدميها وتدور في رأسها
فكرت ان محمود علم بالأمر كله
محمود.. شروق شروق انت روحتى فين انا قولت ارجع بدري
شوية النهارده صراحه فكرت في كلامك فعلا الشغل واخد
كل وقتنا قولت اخدك ونروح نتغدى بره
ياسمين.. مالك يا بنتي واقفه متسمره كدا ليه وسعي خلي جوزك يدخل
شروق.. اتفضل ادخل ثواني واجهز علشان ننزل
ياسمين.. وليه تتغدوا بره انا جهزت الاكل واهو على السفره تتغدوا وتنزلوا روحوا المكان اللي يعجبكم
شروق.. اه يا محمود ماما فعلا حضرت الاكل خلينا نتغدى وننزل
وبعد فتره قصيره
محمود… تسلم ايدك يا ست الكل الاكل حلو اوي انا عرفت شروق طالعه شاطره لمين
ياسمين.. صحه وعافيه يابني بالف هنا
محمود.. تسلمي مش يلا يا شروق
لسه هنروح البيت نغير هدومنا ونخرج
وبعد نصف ساعه يصلوا الي منزلهم وعند وصولهم يجد فريد
محمود وشروق يلقى السلام عليهم ويصعد شقته دون كلام
محمود.. هو فريد ماله مش عارف في حاجات غريبه بتحصل
اكيد متخانق مع مراته والا حاجه ملناش دعوه يلا نلحق
السهره من اولها
وتمضي الايام ومحمود بيحاول يتغير ولكن شروق مازالت غير سعيدة
شروق.. خدي بقى انت يا مي الدوسيه ده دخليه للمدير خلينا نمشي اتاخرنا اوي النهارده
مي… اوكي بس ارجع الاقيكي جاهزه يدوب نلحق نشتري الفستان معدش غير يومين
شروق.. حاضر يا حبيبتي انا تقريبا خلصت ربنا يتملك على خير يا حبيبتي ويسعدك
وبعد مرور دقائق تنزل شروق ومي
شروق… بقولك ايه انا عارفه مول أسعاره حلوه اوي وكمان السواريه عنده تحفه
مي.. تمام يلا
وبعد يومين داخل غرفه مي
شروق… ما شاء الله يا حبيبتي زي القمر اكيد العريس
هيطلب تكملوا الجواز بسرعه
مي… ياريت يا شروق انا بحبه اوي
شروق.. يا حبيبتي ربنا يفرحك
تدخل والدة مي… يلا يا مي اهل العريس عايزين يشوفوكي
تدخل مي تسلم على العريس وأهله وتفجأ بوجود فريد
احمد.. ده فريد صديق عمري اللي حكتلك عليه يا مي
فريد.. ايه ده مي الف مبروك متوقعتش تكوني العروسه
احمد.. ايه ده انتوا تعرفوا بعض
مي َ.. اه فريد يبقى اخو محمود جوز شروق صحبتي دي حتى شروق هنا
فريد… شروق هنا وينظر خلفه تدخل شروق مع والده مي تسلم على الضيوف
شروق.. فريد انت هنا
فريد.. ازيك يا شروق عامله ايه
شروق.. الحمدلله كويسه
فريد.. طيب يا احمد الف مبروك الف مبروك يا مي ربنا يتمم بخير انا هنزل
شروق… فريد استنى نروح سوى
فريد.. لا
اقصد اني مش هروح انا عندي مشوار ضروري
شروق.. مفيش مشكله هوصلك وامشي وتنظر لأحمد ومي في خجل من رفض فريد
فريد… خلاص ماشي يلا ننزل الف مبروك
في سياره شروق والصمت يملئ المكان وفجأه يقطع فريد الصمت
فريد.. نزليني هنا لو سمحتي
شروق لا هوصلك للبيت بلاش تعمل كدا يا فريد خلينا نتعامل
عادي اكيد لازم هنتقابل وكمان احنا عيلة واحدة لازم هيكون في مناسبات تجمعنا
فريد… انت عايزه مني ايه أقرب ترفضي ابعد تجري ورايه
كنت هخسر امي وأخويه بسببك انت عايره ايه عايره ايه فهميني
شروق.. مش عارفه لما بنبعد بحس اني مخنوقه كل يوم
افضل سهرانه علشان اطمن عليك حتى سمر خوفت تحس
باهتمامي لما بسأل عنك بلاش تبعد كدا
فريد… حقيقي مش فاهمك انت كمان مش فاهمه نفسك انت
اسافر تاني كاننا متقابلناش انسى علشان الناس اللي حوالينا
وملهمش ذنب
شروق.. انا اسفه انا السبب في كل ده مكنتش عايزه يحصل
كل دة بس غصب عني لما شفتك كان الماضي رجع معقول
الماضي يرجع تاني بس بعدين عرفت ان الماضي لايمكن
يرجع تاني ياريتني كنت عرفتك انت قبل محمود كنت
عوضتني الم وتعب الماضي انا نسيت على تخيل نسيته بس بعد ايه
يقترب فريد من شروق ويمسح دموعها ويضمها ليه وفجأه…
ياترى ايه اللي هيحصل ياترى فريد هيسافر فعلا
ياترى شروق نسيت على فعلا بحب فريد
- يتبع الفصل التالي اضغط على ( رواية عودة الماضي ) اسم الرواية