رواية حي العشاق كاملة بقلم سلمي تامر عبر مدونة دليل الروايات
رواية حي العشاق الفصل الحادي عشر 11
_انهي خطوبتك مع عمار يا فاطمة علشان انتِ مش هتكوني لحد غيري
فاطمة بعدته عنها بعنف وبصتله بحدة وغضب
_انت مالك انت ثم انك ازاي تشدني كده انت اتجنيت ياكريم
كريم وهو بيجز على سنانه
_صوتك ميعلاش عليا وتنفذي اللي قولتلك عليه
فاطمة بغضب
_اعتقد انها حاجه متخصكش
وكملت بكدب
_وبعدين انا ابتديت احب عمار وعايزة اكمل معاه
كريم بسخرية
_كدابة يافاطمة انتِ لسه بتحبيني وعنيكي فضحاكي ياهانم
فاطمة كانت هتمشي بس وقفها وبص لعنيها اللي مليانة دموع
_فاطمة انا بحبك.. اقسم بالله بحبك وعمري ما نسيتك
فاطمة ضحكت بسخرية
_بتحبيني اه وماله
كريم هو انت مش آخد بالك انك سبتني وبعدت عني وروحت خطبت سماح اللي اكبر من ابوك وامك!
طب قولي ايه اللي عجبك فيها انا بجد عايزة اعرف حبيت فيها ايه
كريم اتنهد واتكلم بجدية
_طب بذمتك ياشيخه هو انا مجنون علشان احبها..بعيدا عن فرق السن العملاق اللي بينا سماح دي من اقذر الشخصيات اللي ممكن تشوفيها في حياتك
فاطمة بحدة
_وطالما انت عارف كده ارتبط بيها من الاول ليه؟
كريم بإعتراف
_انتِ عارفة طبعا اني صحفي
وموضوع زي سماح ده شغلني من زمان وكنت عايز اكشفها
فاطمة بإستغراب
_هي مالها؟
مش هي جزارة
كريم بسخرية
_هي جزارة آه..بس جزارة بني آدمين
سماح بتاجر في اعضاء وبتشتغل في مخدرات واي شغلانة قذرة ممكن تيجي على في دماغك هي بتشتغلها بس محدش عارف يمسك عليها حاجه ومجننة الحكومة معاها
ف اتفقت مع زياد اني اقرب منها علشان تثق فيا وتخليني اشتغل مع رجالتها واعرف امسك عليها دلايل توديها في داهية هي واللي وراها
فاطمة بخوف عليه
_بس ياكريم انت بتقول انها خطيرة اوي..دي لو كشفتك ممكن تق..تلك
كريم بإبتسامة خبيثة
_خايفة عليا
فاطمة بتراجع وحدة مصطنعه
_وانا هخاف عليك ليه يعني انت خلاص مبقتش تخصني
كريم بسخرية
_لا ياشيخه..طب اسمعي بقا يا عسل انهي خطوبتك مع عمار اللي ابتديتي تحبيه ده زي ما بتقولي علشان هو من رجالة موحا
فاطمة بصدمة
_ايه..لأ بس بابا سأل عليه وعرف انه مدرس محترم انت بتكدب علشان اسيبه صح
كريم بنفي
_مش محتاج اني اكدب علشان انتِ كده كده هتسبيه يافاطمة حتى لو مش تبع سماح
فاطمة بغضب
_انت مغرور اوي..جايب ثقة اني هرجعلك دي منين
كريم بنفي
_انا مش مغرور يافاطمة..لو مش عايزة ترجعيلي انا مش هغصب عليكي..بس صدقيني انتِ مش هتلاقي حد يحبك قدي ويخاف عليكي
اسف اني جرحتك بس صدقيني انا بنقذ ناس كتير اوي من سماح وشرها
فاطمة اتأثرت بكلامه وابتسمت
وهو اتكلم بفرحة
_ضحكتي اهو نجيب المأذون بقا
فاطمة مشيت من قدامه بخجل وهو اتنهد بعشق
ومأخدش باله من اللي واقف بعيد عنهم مستخبي وبيصورهم فيديو
_دي المعلمة هتفرح بيا اوي لما اكشفلها الواد ده
~~~
بعد اسبوع
عند عمر ووئام
عمر كان نايم ووئام بتتحاول تصحيه
_عمر..ياعمر..ياموري قوم بقا
_اهو اهو يا وئام اتنيلت قومت فيه ايه
_قوم ألبس علشان هنتأخر على عمو وطنط اللي عزمنا عالغدا
عمر وهو بيرجع يكمل نوم
_حاضر يحبيبتي خمس دقايق بس وهقوم
وئام بصراخ
_ياعمر قوم بقا حرام عليك
عمر قام بملل من صراخها
وبعد فترة وصلوا عند رياض وزينب اللي استقبلوهم بترحاب
شوية وسمعوا كلهم صوت صريخ جاي من عند بيت اهل يارا
جروا كلهم بخضة
ولقوا مديحة قاعدة بتعيط
وئام جريت عليها بلهفة
_فيه ايه ياماما مالك
يارا رديت بعياط وخوف
_فاطمة اتخطفت يا وئام
كريم بصدمة
_……
- يتبع الفصل التالي اضغط على ( رواية حي العشاق ) اسم الرواية