رواية الم رحيق (كاملة جميع الفصول) بقلم سمية عبد السلام
رواية الم الرحيق الفصل الحادي عشر 11
البارت الحادي عشر
عند نسرين
كانت قاعدة علي السرير وساكتة مفيش غير دموع نازلة علي وشها
الباب خبط
نسرين مسحت دموعها وقالت=ادخل
آدم فتح الباب ودخل وقال بتوتر =نسرين انتي كويسة؟
نسرين بصتله وقالت =انا مش بنت عمك ولا اسمي نسرين حتى، انا اسمي رحيق مصطفي في كلية هندسة.
آدم اتأكد ان كلام الممرضة صح.
~~~~~~~______________
قبل ساعة
منى_ كنت عايزة اقول لحضرتك حاجة مهمة.
آدم بجدية=اتفضلي قولي ال عندك.
منى_اليوم ال حصل فيه الحادثة جالنا بنتين تقريباً نفس السن، بس كل واحدة كانت في حادثة غير التانية وواحدة منهم مكنش معاها غير نوتة ودي العربية اتقلبت بيها و وكانت حالتها خطيرة جداً، مكنش مكتوب في النوتة غير رقم واحد باين عليه رقم مصري ومكتوب جمبه جدي، رنيت علي الرقم وحد رد عليا كان صوت راجل كبير.
قلتله الخبر وبعدين شفت الحاجات ال جاية مع البنت التانية كان كتب وشنطة صغيرة فيها فلوس وتليفون، والتليفون كان ببصمة فتحت الفون ببصمتها وكلمت رقم كان مسجل بابا، والبنت دي العربية خبتطها، والخبطة كلها كانت في راسها وشوية جروح بسيطة في جسمها
بس انا للاسف الشفت بتاعي خلص قبل ما حد من اهل البنتين ييجو وال مسك بعدي المس نعمة ودي ست كبيرة وتقدر تقول مريضة نفسية بدلت البنتين.
عمر_ وانتي عرفتي ده ازاي؟
منى_انا استغربت الموضوع، بس سألت عم سيد ال خد الجثة وقلتله هما اهل البنت ال اتوفت شفوها قالي ان المس نعمة قالت ايوة شفوها، بس لما كنت براجع الفايلات شفت ان البنت ال اتوفت مكتوب انها جاية في حادثة العربية اتقلبت بيها واسمها رحيق مصطفي
والبنت ال المفروض حالتها خطيرة هيا ال عايشة ومكتوب ان عندها فقدان للذاكرة واسمها نسرين اسماعيل البنهاوي، يعني البنت ال معاكم اسمها رحيق مصطفي مش نسرين بنت عم حضرتك.
عمر_وانتي عرفتي توصلي لهنا ازاي؟
منى بخوف من نظرات آدم ليها_حضرتك بشمهندس آدم دفع حساب المستشفي وكتب اسمه ورقم التليفون وانا رنيت وتقريبا السكرتيرة هيا ال ردت عليا وادتني عنوان الشركة هنا وبعدين هوا في حد في مصر ميعرفش وحش المعمار البشمهندس آدم البنهاوي
~~~~~~~~~~~~~~~~~~~~~~~~
عودة
كلهم كانو قاعدين و آدم بيحكي ال حصل وكان مركز مع جده لانه عارف انه اتعلق اوي بنسرين قصدي رحيق وخايف يحصله حاجة.
ام ايمان ببكاء مزيف_ياعيني عليك يا نسرين يابنتي اول ما تيجي عشان ترجعي لاهلك تعملي حادثة وتموتي
وبعدين كملت بعصبية_وانت يا آدم رايح تجبلنا واحدة من الشارع وتخليها تعيش معانا لأ وكمان جدك يخليك تتجوزها انتو لازم تطردوها.
آدم بصلها بنظرة مرعبة=صوتك يامرات عمي
واتكة علي مرات عمي.
ام ايمان خافت منه وسكتت
=مفيش داعي انكم تطردوني انا ماشية لوحدي.
كانت رحيق ولابسة نفس الدريس ال جت بيه اول يوم في القصر.
ام ايمان_يبقا احسن
آدم =انا هاجي معاك عشان اوضح الموضوع لاهلك.
رحيق بحزن=شكراً
الاتنين كانو خارجين بس فجأه صوت قاطعهم
_ر...... رح.... رحيق متمشيش
كان صوت اية
كلهم بصو واتفاجؤو
اية قالت تاني بحزن_متمشيش خليك معايا، هتسبيني انتي كمان؟
الكل فرح وخصوصا آدم ان اية رجعت تتكلم تاني.
رحيق بفرحة=انتي بتتكلمي يااية؟!!
آدم وهوا حاضن اية=اتكلمي اتكلمي ياحبيبي وحشني صوتك اوي
~~~~~~~~~~~~~~~~~~~~~~~
بعد ساعة
دكتور التخاطب خرج من عند اية.
الجد_ها يادكتور اية هترجع تتكلم تاني؟
الدكتور_ال حصل ده معجزة بس مفيش حاجة بعيدة علي ربنا وخصوصاً انها فقدت النطق لاسباب نفسية مش عضوية وال خلاها ترجع تتكلم ان نفسيتها اتحسنت، هيا اول ما اتكلمت ذكرت اسم حد معين؟ او قالت ايه؟
آدم =ذكرت اسم مراتي
(آدم معرفش ليه مرضيش يقول اسم رحيق قدام الدكتور وقال انها مراته بالرغم انه عارف كده الجوازة باطلة، او قال كده عشان شايف نظرات الدكتور لرحيق بس الوقت ميسمحش لما كده كان دفنه مكانه)
رحيق اول ما آدم قال مراتي قلبها دق جامد، بس قالت مش مهم انا هطمن علي اية وهمشي
رحيق=انا مبسوطة ان اية رجعت تتكلم تاني ومبسوطة اني عشت معاكم اليومين دول اشوف وشكم علي خير
فاطمة دقيقة وكانت هتعيط والجد زعلان ان حفيدته ال كان نفسه يشوفها ماتت وال كان فاكرها حفيدته واتعلق بيها مطلعتش حفيدته، ام ايمان كانت مبسوطة انها هتمشي والجو هيفضى لبنتها، اما ايمان كانت مبسوطة انها هتمشي بس بالرغم كده حست بزعل بسيط لان من وقت ما جت والكل كان مبسوط وبيضحك حتي ايمان بس مكنتش بتبين ده.
________________~________________~
في بيت عم مصطفي
سنية في المطبخ بصوت عالي_بت ياشهد قومي افتحي الباب
شهد وهيا رايحة نحية الباب_حاضر، حاضر
بعد شوية
سنية خارجة من المطبخ _مين يابت؟ انتي مالك متنحة كده؟
بصت مكان ما شهد بتبص
سنية صرخت وقالت _عفرييييت
... لسه الحكاية مخلصتش...
ادم هيعمل ايه مع مس نعمة؟
اية كان قصدها علي مين لما قالت لرحيق هتسبيني انتي كمان؟
آدم ممكن يتجوز من ايمان بعد ما رحيق مشيت؟
رد فعل اهل رحيق ايه لما يعرفو الحقيقة؟
بكده هتكون حكاية آدم ورحيق انتهت من قبل حتى ما تبدي؟
•تابع الفصل التالي "رواية عشق الرحيق" اضغط على اسم الرواية