رواية اسيرة البدر الفصل الحادي عشر 11 بقلم ملك شكري
رواية اسيرة البدر الفصل الحادي عشر و الاخير11
تاني يوم عند قمر وفريده وفرح خرجو كالعاده راحو للكافيه الي بيقعدو فيه على طول
عند بدر راح الشركه خلص شويه شغل
الباب اتفتح ودخل عمر
عمر: بدر عرفنا مكان ليان
عند زين راح الشركه بتاعه والده يخلص شويه ملفات
وجيه معاد مقابله زين وبدر الي كلنا منعرفش لسه هيحصل فيها اي
جت الساعه سته مساءً وكان زين بيجهز عشان ينزل يروح ل بدر
نزل ركب عربيته وراح على الوكيشن الي اتبعتلو ووصل ل قصر بدر واول ما وصل الامن فتح باب القصر على طول من غير ما يسأله اي سؤال زين استغرب وادا مفتاح العربيه للامن عشان يركنها وخبط على باب القصر
فتحتلو الخدامه
زين: احم استاذ كريم موجود
الخدامه: اه اتفضل
دخل زين جوا وفضل واقف
الخدامه: اتفضل حضرتك هو مستنيك ف المكتب
مشي زين وراها ودخل اوضه المكتب لقا حد قاعد على الكرسي ومديلو ضهرو
زين ابتسم بسخريه: وانا هعرفك من لون شعرك بقا ولا اي
لفلو بدر ببتسامه خبيثه: اهلا اهلا اهلا يازين نورت بيتي
زين برق بصدمه: بدرر
بدر بسخريه: ده انا طلعت معروف اوي اهو
زين ارتبك: ل لا وهعرفك منين يعني
بدر اتكلم بصوت هادي: مم متعرفنيش علا صوتو مره واحده خلا زين يتنفض: انت هتستعبط يالا
زين بصوت واطي: كان ليها حق وهي بتقول عليك هولاكو
بدر اتصدم: مين يعنيا
زين: والله ماقولت حاجه
بدر قام وقف قدامه وحط ايدو ف جيبه بهيبه وتهديد وهو بيعدل ياقه قميص زين: انت بقا زي الشاطر كده تقولي عرفت قمر ازاي وفين
زين بستعباط: ق قمر قمر مين
بدر: ولاا
زين: اهه قمر قولتلي د دي خطيبتي
بدر عينه احمرت بغضب وضربه بوكس ف وشه
زين وهو ماسك وشه: ياغبي
بدر مسكه عدله: قسما بالله لو ما حكتلي كل حاجه من الاول للأخر مش هتخرج من هنا سليم ولا مش هتخرج من هنا اصلا
زين استسلم: طب ينفع نقعد بقا ولا لسه عايز تضرب تاني
بدر: اقعد
قعد زين على الكرسي الي قدام المكتب وقدامه بدر
زين: انا زين حسن المحمدي
بدر: ماعلينا بأسمك
زين: هتستعجل ما حاكي
بدر: يلا ياروح امك هي قصه قبل النوم
زين: انا اخو صحاب قمر فريده وفرح اخواتي ف مره كانت قمر ف محل كتب واخواتي كانو ف نفس المحل لقوها واقعه على الارض بتعيط وباين عليها مخنوقه المهم راحو ناحيتها وسألوها مالها وخدوها وقعدو على كافيه حكتلهم قمر كل حاجه حصلت بينكو من اول ما قابلتك لحد ما قابلتك ف محل الكتب مع خطيبتك وفرح اختي العزيزه فكرت ف فكره ولقتهم بيتصلو بيا جيتلهم على الوكيشن وقالولي اني همثل اني خطيب قمر ل فتره مؤقته وفعلا ابتدينا من تاني يوم وجهزنا كل حاجه واتصورنا صور خطوبه وخرجنا واتصورنا ومخرجناش لوحدنا كان معانا اخواتي وصورونا ولو لاحظت كنت هتلاقي بينا مسافه ف كل الصور لانها اصلا كانت رافضه الخطه من الاول بس اخواتي اقنعوها انها لازم تردلك الي عملتو وتبينلك انك مش فارقلها زي ما هي مش فرقالك ومره قعدنا مع بعض كلنا وحكتلنا قد اي كانت بتحبك وانها عمرها محبت قبل كده غيرك انت وبس ده الي حصل
بدر قاعد مصدوم من الي سمعو
بدر: يعني كل الي حصل ده كان خطه من اخواتك
زين هز راسه ب اه: ايوان
بدر: يعني انت مش خطيب قمر
زين بردو هز راسه ب اه: ايوان
بدر وهو بيقوم وبيشمر كم قميصه: مم قولتلي
مسكه مره واحده من ياقه قميصه وضربو بالبوكس ف وشه
زين بوجع: اههههه ياخربيت اليوم الي عرفت فيه قمر والي عرفتك فيه اه ياوشي
بدر: هشش مسمعش صوتك
زين: ياعم بقا ما انا حكتلك الي حصل وعلى فكره قمر بالنسبالي مش اكتر من اخت وصديقه عزيزه عليا واعتبرتها زي فرح وفريده بظبط
بدر هدي شويه وقعد قدام زين تاني: على فكره البنت الي كانت معايا مش خطيبتي
زين بستغراب: امال مين
بدر: اخت صحبي وعملنا خطه عشان قمر ترجعلي
زين: وعاملي فيها زعلان انها كدبت عليك وحزين واصلا الحال من بعضه يابن الذينه
بدر كتم ضحكته بالعافيه: طب والعمل
زين رفع ايده بستسلام: انا لحد كده دوري خلص اتصرف انت بقا ياشاطر ووريني شطارتك
بدر: لا دورك لسه فاضله مشهد بسيط ويخلص
زين استغرب: ازاي
بدر: هقولك
____________________________
زين: يلا انزلي
قمر: طيب وانت
زين: انا هركن العربيه بس واجيب حاجه وهجيلك ادخلي انتي اسبقيني
قمر: تمام
نزلت قمر من العربيه وهي لابسه فستان اوف وايت رقيق وفيه ورود كشمير بسيطه وطرحه كشمير وهيلز رقيقه وميكب خفيف وكانت فعلا قمر اسم على مسمى
نزلت من العربيه وزين اتحرك على طول فضلت ماشيه شويه ولقت جسر من خشب و لقت ممر طويل من خشب وتحتيه البحر وفيه ناحيتين تمسك منهم ملفوف عليهم ورد بشكل رائع وكانت ريحه الورد مع الهوا مع صوت المياه كان منظر خاطف للأنفاس مشيت قمر وهي خايفه تقع ف المايه من جسر الخشب ده وفي نور بعيد دهبي بس مش باين لانه بعيد وصوت اغاني هاديه بعيده فضلت ماشيه وهي متوتره وقلبها بينبض جامد وهي مستغربه من نبضاته بالشكل ده
وصلت اخيرا للنور ده ولقته مكان واسع وسط المايه وفي زي حبل بسيط ملفوف عليه النور وورد ابيض واغنيه انجلش شغاله
*(I’m sorry don’t* *leave me i whnt you here with me i konw that you love is gone I can’t breathe i’m so weak i know this isn’t easy don’t tell me that ur love is* *gone that love is gone•••••*)
*(انا اسف لا تتركيني اريدك هنا معي *انا اعلم هذا حبك قد ذهب لا *استطيع التنفس انا ضعيف جداً اعلم ان هذا ليس سهلاً لا تخبرني ان حبك *قد ذهب ان حبك قد ذهب•••••*)
بعد ما الاغنيه خلصت وهي واقفه بتسمعها بكل جوارحها وسرحانه
جيه صوت من قدامها: انا اسف
بصت ل مصدر الصوت وهي مصدومه: اء اا
بدر بهدوء وابتسامه جميله وهو ماسك ف ايدو بوكيه ورد احمر: انا غلطت غلط كبير وعارف ان مش سهل انك تسامحيني بس حاولي حاولي ياقمر وانا هحاول معاكي عشان تسامحيني
قمر بعيون مدمعه مكانتش عارفه تنطق
بدر: لو حتى قررتي تديني فرصه اصلح الي عملتو خدي مني البوكيه ده ولو مش موافقه.. ملقاش رد يقولو لو مش موافقه هو ازاي اصلا هيعيش من غيرها رد بتردد: هسيبك تمشي ومش هضغط عليكي
قمر فضلت واقفه وهو مادد ايده بالبوكيه وهي بصاله لدقايق عدا تقريبا خمس دقايق وهما على نفس الحال
قمر قربت خطوه وهي متردده
قربت اكتر بس عدت من جنبه وكملت طريقها عشان تخرج
بدر بصلها ودمعه نزلت من عينه وخلاص عرف انه خسرها للأبد
قمر مشيت لحد نص الطريق تقريبا بعد كده وقفت ورجعت وهي بتجري واترمت ف حضنه
بدر مش مصدق الي حصل وحاوطها بين ايديه وهي الفرحه مش سيعاه وسامع صوت شهقاتها ودموعها الي بتنزل على كتفه
بدر طبطب على حجابها: متعيطيش دموعك دي مستهلهاش ياقمر
قمر بعدت عنه ومع كل كلمه بتضربو ف كتفه: انت حيوان حيوان عشان سبتني امشي حيوان عشان محتوتنيش ف وقت كنت انت اكتر واحد محتجاك فيه انت حيوان عشان روحت وخطبت غيري
بدر مسكها من دراعها وقفها بهدوء: انا فعلا حيوان عشان كل ده انا اسف ياقلبي حقك عليا هصلح كل ده والله هصلحه بس خليكي معايا
قمر بسخريه: وخطيبتك
بدر: هفهمك
قعد على حاجه شبهه الكنبه بس تاخد فرضين بس موجها للبحر وخلاها تقعد جنبه وحكالها كل الي حصل
قمر فرحت جدا من جواها: بجد يابدر
بدر بعشق: بجد ياعيون بدر
قعدت بأرياحيه ولكن اتعدلت مره واحده بعد كلمه عيون بدر
قمر بفرحه: بدر انا شوفتك كنت مفتح ومش لابس النضاره قبل كده انت فتحت صح
بدر بفرحه ل فرحتها: ايوا ياقلبي
قمر نطت بسعاده: الحمدالله متعرفش انا فرحانه قد اي
بدر مثل الحزن: طب وخطيبك
قمر: مش خطيبي
بدر ابتسم: بهزر عارف
قمر بستغراب: عارف ازاي
بدر حكالها الي حصل مع زين
قمر: ممم عشان كده وصلني ل هنا وقالي هركن واجي
لقت فونها بيرن طلعتو كان زين
زين رد بضحك: ههههه اسف بقا دي خطه بدر المرادي مش انا
قمر ضحكت: ممم مش هعديهالك على فكره
زين: اسفين ياباشا
ضحكت قمر وقفلت معاه وبصت ل بدر الي بيبصلها بغيره
قمر: في اي
بدر: غمازتك الحلوه دي لو ظهرت لحد غيري هخبيكي ف البيت ومش هطلعك منه ياقمر
ضحكت قمر على سبب ضيق بدر
بدر: مم بتضحكي اكتر عشان غمزاتك تبان
قمر باحراج: ها لا مقصدش
بدر بغمزه: ليه بس دي حتى غمازتك قمر اوي
قمر ضربتو ف كتفه: طب اتلم بقا
بدر ضحك: اتلميت
عند سليم كان سايق عربيته ولقا بنت عدت من قصاده
سليم فرمل بالعربيه يتفاداها عشان ميخبطهاش وشغل نور العربيه ولقاها المجنونه الي قابلها قبل كده
سليم نزل من عربيته وسند عليها بطريقه جذابه: لا ده انتي قاصده بقا
فريده: هش هش اقصد اي ده حتى بيقولك ابعد عن الشر وغنيلو اقوم اجي للشر برجلي
سليم غمزلها: طب ما تغنيلو
فريده برتباك: انت انت
سليم ضحك: انا اي
فريده رفعت صوباعها ف وشه: قليل الادب ومش محترم
سليم نزل صباعها من قصاد وشه: بت انتي حتى كلب بلدي وكنتي بتجري منه ف متخلنيش استعمل معاكي اسلوب تاني
فريده حطت ايدها ف وسطها: وهتعمل اي ان شاء الله
سليم راح ناحيه باب العربيه من ورا وفتح الباب نزل منها كلب ضخم
ومسكه من الطوق ووقف بيه قدامها وزاد استغرابه لما لقاها متحركتش من مكانها
فريده بصتله بتحدي وبصت للكلب وقربت منه وعند حته معينه عند دقنه ابتدت تطبطب عليها لحد ما الكلب بطل هوهوا ووقف ساكت وهي قعدت على ركبتها وابتدت تلعب معاه وسليم استغرب اكتر لما لقا الكلب مسالم ليها
سليم: ازاي
فريده بنتصار: انت شايف اي
سليم: امال ليه جريتي من الكلب ف الشارع
فريده وهي بتلعب مع الكلب: انا متعوده انزل كل يوم هنا عشان في كلاب كتير هنا وبأكلهم صبح وليل باجي الصبح اكلهم وبليل باجي تاني اكلهم واحطلهم مايه حتى بص كده حواليك هتلاقي دراي فود واطباق مايه اهي لو مش ملاحظ يعني
سليم: واي الي خلاكي تجري
فريده: مش معنى اني بأكلهم يبقا احطلهم اكل وامشي ومش معنى بردو ان دول كلاب شارع يبقا اقرف منهم او اخاف منهم لو خدت كلب من دول وهو صغير وربيته هيطلع زي اي كلب بتجيبه ب 5الاف او10الاف مفيش اختلاف غير اختلاف شكل ف انا بنزل اكلهم والعب معاهم ولما عديت بعربيتك كنت انا بلعب معاهم وهما بيجرو ورايا وانت الي وقفت ف وشي. وساعتها قولتلك عشان الكلب بيجري ورايه وانا مربيه كلاب زي ده ويمكن اضخم ف مش هاجي اخاف من حتى كل روت ويلر ولا اي مش روت بردو
سليم استغرب من شجاعتها ف الكلام والكلب الي قعدت سنه ونص يدربو حراسه ومهجمش عليها:طب وازاي بقا مهجمش عليكي وانا بقالي سنه ونص بدربو حراسه
فريده:مش هنتكلم ف شارع مضلم كده اتفضل بيتي قريب من هنا لو تحب تيجي تشوف انواع الكلاب الي عندي وبابايه ومامتي واخواتي هناك يعني مش هنبقا لوحدنا واهو بالمره الكلب يتعامل مع كلاب غيرو لان باين عليه متعاملش مع كلاب قبل كده بص هتلاقي مسهم معظم الوقت ومش مركز لانه مش متعود يتعامل مع حد ومجرد ما تطبطب عليه هيسكت ومش هيعمل حاجه لان مهما شرستو وهو مش متعود يتواجهه مع حد كأنك معملتش حاجه اصلا
سليم اتصدم من معرفتها بالحاجات دي ووافق يروح بيتها يشوف كلابها ويشوف زي ما هي بتقول او لا
ركب الكلب جمبه وهي ورا وهو ساق وبعد عشر دقايق وصل قدام فيلا
فريده: ادي عم رمضان مفتاح العربيه يركنهالك واتفضل معايا
فعلا ادا المفتاح للحارس ومسك السلسله بتاعه الكلب ومشي معاها لحد جوا
دخل معاها لحد الجنينه لقا رجل وست قاعدين وجمبهم ولد وبنت بيضحكو
فريده ببتسامه: مساء الخير
الكل: مساء النور
زين بص ل سليم بصدمه وسليم كذلك
زين قام وهو بيحضنه:يابن الذينه عامل اي ياض واحشني
سليم وهو بيحضنه: يااه زين عامل اي يابني
زين: عاش من شافك ياعم من ساعه ما سافرت محدش سمع عنك حاجه
فريده: اي ده انتو تعرفو بعض
زين: اه طبعا سليم هو الي انقذني ساعه لما عملت الحادثه وطلع دكتور وكشف عليا وخدت رقمه بس من ساعه ما سافر مسمعتش حاجه عنه
فريده: اهه طب كويس
سليم سلم على حسن وفاتن وفرح
فريده: طيب تعالى ياسليم اوريك الكلاب
سليم راح معاها ل مكان مطرف من الفيلا فيه تلت كلاب
فريده: اعرفك ليو واوليڤر وروكي
سليم: وااو
الكلاب ابتدت تنبح على سليم وبيحاولو يقربو منو جامد بس عشان مربوطين معرفوش يطولوه
فريده: ده بقا التدريب يعني مثلا حاول وكأنك بتضربني
سليم:اضربك
فريده:اكيد مش بجد من بعيد كده
فعلا مثل انه بيضربها والكلاب صوتها علي اكتر وبيحاولو يقربو منه
فريده: شوفت ده الي حصل لما شافوك عكس الي حصل لما كلبك شافني صح اسمه اي
سليم: رعد
فريده: وااو
لاحظت ان الكلب اندمج مع كلابها
فريده: قرب منهم خليهم يعرفوك عشان افكهم يلعبو مع رعد
فعلا سليم ابتدا يلعب معاهم لحد ما اتعودو عليه وحبوه بعد كده فكتهم وابتدو يلعبو مع الكلب بتاعه
وقدو وقت ممتع مع بعض وهما بيضحكو وبيلعبو مع الكلاب
عند قمر وبدر كانو ركبو عربيه بدر عشان يوصلها للبيت
بعد وقت وصلو ل بيت قمر وكانت نور واقفه قصاد بيتها وبترن عليها
قمر ابتسامتها اختفت: ودي عايزه اي دي
بدر: اه صح انا لما كنت بشوفك من هنا بشوف الارجوزا الحمرا دي نور صح
قمر ضحكت: هي نور بس مش مرتحالها معلينا يلا هنزل انا بقا
لسه هتنزل بدر مسك ايدها: لو عليا مسبكيش ترجعي بيتك هنا ابدا واخدك على بيتي على طول بس لازم اعمل فرح يليق بأجمل بنت ف الدنيا كلها
قمر ابتسمت: هانت
بدر: بكره هتنزلي معايا نجيب الفستان هروح الصبح احجز القاعه ودي مفاجأه مش هتشوفيها غير يوم الفرح وهعدي عليكي نجيب الفستان
قمر: ينفع اخد فرح وفريده ومريم معايا
بدر ابتسم: طبعا ياحبيبي انتي بتستأذني وبعدين انا اصلا هجيب عمر وسليم يختارو معايا البدله وهجيب ريم بالمره
قمر: اوكي
ودعته ونزلت ل نور الي مبطلتش رن
نور لفت ليها بعصبيه: كنتي فين كل ده
قمر استغربت من عصبيتها: ليه يانور قعدالي بميعاد
نور برتباك: لا مش ميعاد ولا حاجه بس عربيه مين الي نزلتي منها دي مشوفتش الي جواها
قمر بضيق منها: هقولك بعدين بعد اذنك عشان هطلع ارتاح طلعت قمر بيتها وهي مضايقه من نور وقررت تنهي علاقتها بيها لانها مش مرتحالها ابدا
تاني يوم الصبح راح بدر يحجز القاعه ومعاه سليم وعمر
اما عند قمر ف تحت قدام البيت كان زين بيركن العربيه عشان كان بيوصل فريده وفرح
زين نزل ونزل وراه فريده وفرح
وقفو قدام البيت لقو بنت نازله من العماره
زين: لو سمحتي يا انسه
مريم وقفت: خير
زين: شقه قمر حسام ف الدور الكام
مريم بستغراب: خير مين حضرتك
زين: انا اخو صحباتها وصلتهم عشان يروحو معاها يجيبو الفستان
مريم: اووف نسيت دي اتصلت بيا امبارح عشان اروح معاها
هي ف الدور الخامس الشقه الي على اليمين اتفضلو عشان انا الي معايا الشفره بتاعه الاسانسير
زين بصلها بسرحان
فرح خطبته ف كتفه: الووو
زين: تناحه
زين:طب انا هستنى بدر تحت اطلعو انتو براحتكو
طلعت مريم وفريده وفرح ل قمر
طبلو على الباب وهما بيغنو: افتحي ياعروسه انا العريس
فرح بصت ل مريم: بتعرفي تظغرطي
مريم ضحكت: اه
فرح: طب يلا بينا
فرح ومريم مع بعض: لولولولولولييي
فتحت ام مريم باب بيتها الي قدام بيت قمر وكام حد من جيرانهم ف الادوار التانيه
ام مريم: اي يابت يامريم
مريم بضحك: لا ياماما ده احنا بنحتفل ف قمر بس عندنا عروسه ياناس لولولولولييي
فريده بمرح: اسفين للكل بس استحملو دوشتنا شويه احنا هناخد بنتنا ونمشي
كلهم ضحكو وباركولهم
كملو طبل وظغاريط لحد ما قمر فتحت وهي بتدعك ف عينها بنوم: في اي يابت انتي وهي
مريم: يابت انتي لسه نايمه يلا ياعروسه قومي
قمر فتحت عينها بسرعه لانها ناسيه اصلا: ايوا صح انا عروسه
فتحتلهم الباب وهما بيضحكو عليها ودخلو البيت على ما تلبس وشغلو اغاني ومندمجين
قمر خرجتلهم وهي لابسه وجاهزه ولقت فونها بيرن بأسم بدر
بدر: انا تحت مع عمر وسليم وزين وريم ياحبيبي يلا انزلو
قمر: اوكي نازلين يلا يابنات
نزلو كلهم وفريده وفرح ومريم مش مبطلين هيصه
نزلو تحت اتكلم سليم بمرح: انتو محسسني انكو هتاخدوها ع القاعه مش تجيبو فستان
ريم خبطتو ف كتفه: بس ياض
قربت ريم منها وحضنتها بحب: انا اسفه
قمر ابتسمت: مش زعلانه وبعدين انتي بقيتي صحبتي اصلا ولا في اعتراض
ريم ضحكت: لا طبعا
بدر: ريم خدي انتي عربيتي واركبو مع بعض وانا هركب مع الشباب مش انتي بتعرفي تسوقي
ريم: انت لسه بتسأل يعني انا طول ما انا برا مصر بسوق
فريده بمرح: يبقا كده لبسنا ف حيطه
ريم: لا عيب عليكي
فريده وفرح ومريم ركبو ورا وقعدو براحتهم جدا لان عربيه بدر كبيره وواسعه وينفع ياخدو اتنين او اكتر كمان جمبهم
قعدت قمر جمب ريم
ولقت الي واقفه قدام ازاز العربيه
قمر بستغراب: نور
نور بغيظ: اه نور ياصحبتي
كلهم سألو بستغراب: مين دي ياقمر
قمر: ثواني يابنات
نزلت من العربيه ووقفت قدام نور
نور: مين دول كلهم ورايحه فين ع الصبح كده
قمر بضيق: رايحه اجيب فستان فرحي
نور شهقت: ايهه
قمر: اي في حاجه ولا اي
نور برتباك: ها لا مفيش بس ازاي متقوليليش
قمر: نسيت
نور: وفين عريسك بقا
قمر بتحدي ندهت على بدر: بدر
بدر نزل من عربيته: نعم ياروحي مركبتيش ليه
قمر بسخريه: ابدا اصل صحبه عمري عايزه تعرف مين عريسي
بدر بص ل نور بستحقار: يلا ياحبيبي اركبي عشان منتأخرش
نور بتمثيل للبرائه: ينفع اجي معاكي نفسي اشوفك من زمان بالابيض
قمر اضايقت لانها مش عيزاها تيجي: تمام
ابتسمت نور بنتصار وركبت ورا جمب فريده وفرح ومريم الي مرتاحولهاش
مريم: اي ياجماعه مش هتشغلو اغاني ف ام اليوم ده
ريم ضحكت: لا ازاي لحظه واحده
شغلت اغنيه انتي صعبه ل تامر حسني
كلهم غنو مره واحده: انتي صعبههه انتي صعبههه
بدر رن على قمر الي بتضحك عليهم: الو
بدر: يخربيتكو الاغاني وصلالنا هنا
قمر: دول مجانين
بدر بضحك: حطي الفون ع السماعه
فعلا حطت الفون ع سماعه العربيه وف عربيه بدر عمل نفس الكلام
والبنات بيغنو ومندمجين
فريده وهي بتغني: نااار ف قلبي ناااار بعدكك انتحاااار بيطلعع النهاار مع ابتساااامتك حبك احتلال انساكي شيئ محااال عايز اعيش واموتتت اسير حلاوووتكك بطلت غنى وقالت بمرح: ها تامر حسني ده ولا مش تامر حسني
سليم نط ف المكالمه: ده تامر دوسني مش تامر حسني
فريده: هش هش ايش فهمك انت ف الفن
قمر: باااااس
كل ده ونور متبعاهم بحقد
بدر: قمري شيلي الفون من ع الاسبيكر
ريم: ايوااا طب قول عايز تقول اي وهنسد ودانا
بدر: بس يابت
قمر ضحكت: شيلتو
بدر: مش سامع للأرجوزا الحمرا صوت يعني
قمر مقدرتش تبطل ضحك وعينها دمعت: اهههه خلااص قلبي وجعني
نور: ياااه هو الي قالو بيضحك اوي كده
قمر بصتلها وافتكرت كلام بدر وزادت ف الضحك
ريم فهمتها لان عمر قالها على الاسم الي بدر سماه ل نور وشاركتها ف الضحك: تصدقي بدر عندو حق ملاحظتش والله
قمر: اععع خلاااص بجدد مش قادره
فريده: عايزه اعرف بتضحكو ع اي دلوقتيي
قمر: هبعتلك مسدج
فعلا قمر بعتتلها مسدج بالي بدر قالو
فريده اول ما قرت الي قمر كتباه ضحكت ضحكتها الفضيحه دي
وفرح قرت وحطت ايدها ع بوق فريده تكتم ضحكتها المفضوحه وهي بتضحك:اخرسي يخربيتك الناس هتفهمنا غلط
بعد وقت وصلو للاتيليه والشباب مشيو معاهم بعد كده اتحركو ع المكان الي بيجيبو منه البدل
وجابت قمر فستان ابيض منفوش وفيه لئالئ صغيره وكان شكله حلو جدا وهي بتقيسو راحت نور على جمب واتكلمت ف الفون والبنات حاولت تسمع بتكلم مين
نور: الو يانسرين شوفتي الي حصل قمر بتجيب فستان فرحها على بدر وانا معاها اهو
سيرين اتصدمت: ايهه مستحيلل
عند ريم ومريم وفرح وفريده واقفين مصدومين من الي بيسمعوه وريم اكتر واحده مصدومه لانها عارفه قصه نسرين
ريم: ينهار اسود نسرييين
مريم: في اي فهمينا
ريم: دي خطيبه بدر القديمه
كلهم شهقو: ايههه
ملحقوش يكملو كلامهم لان طلعت قمر من البروڤه بعد ما قاست الفستان وكان حلو جدا عليها
حاولو يدارو توترهم وقمر لاحظت: مالكم
ريم برتباك: ه ها لا مفش بسم الله ماشاء الله زي القمر بجد
كل البنات اشترو فستان لون موحد وهو زيتي وفيه لمعه وطرحه من نفس اللون وهيلز سيلفر
وهربيز(تاج رقيق) ملكات جمال
عند الشباب اشترا بدر بدله سودا وقميص ابيض وبيبيونه سودا وجزمه سودا فيها لمعه وزين اشترا بليزر زيتي وقميص اوف وايت وبنطلون اوف وايت وجزمه هاڤان فيها لمعه وبيبيونه زيتي وكل الشباب جابت نفس الطقم وكانو بردو لون موحد ودي كانت فكره عمر وزين
بعد ما روحو البنات قررو يباتو مع قمر عشان يروحو الجناح المخصص ليهم ف الفندق يجهزو للفرح وطبعا قالو ل نور انهم مش هيباتو عشان تمشي وفعلا مشيت
وصلو عند البيت وريم اخرت نفسها عشان تقولهم ع الي حصل وطلبت من فريده وفرح ومريم ياخدوها ويطلعو
ريم: بدر نسرين رجعت
بدر وشه قلب من الابتسامه والفرحه وحل مكانهم الغضب والحقد
ريم حكتلهم على الي سمعتو
بدر: يابنت ال***
ريم: هنعمل اي
زين: انا رأيي اننا نستنى بس يوم بكره ده يعدي وبعد كده نشوف هنعمل اي
ريم: وانا بردو رأيي كده
بدر بتفكير: تمام يلا اطلعي عشان قمر متسألش ومتقوليلهاش على حاجه حاولي تفتحو موضوع اني كنت خاطب ده وشوفي رده فعلها
ريم: متقلقش يلا تصبحو على خير
طلعت ريم عند قمر وغيرو هدومهم وجهزو فيلم وفشار وقعدو الباب خبط قامت ريم تفتح لقت ام مريم ف ايدها صينيه سندوتشات ونسكافيه: قولت اعملكو عشا خفيف كده وانتو قاعدين
ريم: تعبنا حضرتك ياطنط والله
ام مريم: لا طبعا ولا تعب ولا حاجه تعالو واتعبوني كل يوم بس وبعدين انا متعوده ع كده مريم بتسهر كل يوم زي القرده
مريم سمعتها: تسلمي ياست الكل
ريم ضحكت: طب اتفضلي ياطنط
ام مريم: لا ياحبيبتي انا هروح اخد علاجي وانام انتو يومكو طويل
مشيت ام مريم رجعت ل شقتها ودخلت ريم بالسندوتشات للبنات وفضلو قاعدين وهما بيضحكو
وف وسط الكلام قالت ريم: والله بدر ده ربنا عوضو
قمر بستغراب: ليه
ريم: يعني وفاه باباه ومامته وخطيبته الي ضحكت عليه ده مش سهل بردو
قمر اتعدلت بنتباه وغيره: هي دي الي قالي يوم ما كنت عاوزه امشي من عنده متسبنيش زيها
ريم: اه هي
قمر بغيره:ريم احكيلي كل حاجه وسبب انفصال بدر والزفته دي معرفش اسمها اي
ريم: نسرين اسمها نسرين
قمر: تولع هي واسمها يلا احكي
فريده: اه ونبي اصلي ملانه
وافقتها فرح ومريم
ريم: بدر قابل نسرين ف صفقه للشغل مع شركه منافسه وهي كانت السكرتيره بتاعتهم ف هي ابتدت تقرب من بدر لحد ما سابت الشغل عندها واشتغلت ف شركه بدر و ف نفس الوقت اشتغلت بنت اسمها ليان معلينا منها ف بدر كان ف الفتره دي وحيد وعايش لوحده وهي بالعربي يعني ادتله كل الاهتمام الي كان محتاجه ف حياته الفتره دي بعد فتره بدر خطبها وهي كانت مبينه انها اسعد انسانه ف الدنيا لحد ما عدا شهرين على خطوبتهم ونسرين طريقتها اتغيرت تماماً مع بدر مبقتش تهتم بيه زي الاول بقا كل الي هاممها فلوسو وبس بيبي عايزه اشتري كذا في دريس معرفش بكام عاجبني وهكذا وهو كان بيقول ده عشم مش اكتر وممكن يعدي يومين وتلاته وميتكلموش لحد ما ف مره قرر يعملها مفاجأه وراح الكافيه الي بتقعد فيه على طول لقاها قاعده مع ابن مدير الشركه المنافسه ليه وماسكين ايد بعض وبيضحكو قعد على ترابيزه بعيد شويه عنهم يحاول يعرف بيقولو اي سمعها بتقولو ان خلاص ورق الصفقه معاها وهتديهولو ف الشركه بكره بدر سمع كده وقام وقف قدامها رما الدبله ف وشها وقالها ورق الصفقه هرجعو بمعرفتي وخرج على برا ركب عربيته وساقها بسرعه جدا لحد ما في عربيه ضخمه خبط فيها وعمل حادثه لما عرفنا روحنالو على المستشفى والدكتور قال ان في ازاز من العربيه دخل ف عينه وسببلو عمى معرفناش نقولو ازاي ولما عرف بقا قاسي جدا مبقاش يتكلم مع حد بقا كل الي يهمو انه يجيب ورق الصفقه وينتقم منها عدا سنتين وهو اعمى وهي سافرت عشان تهرب منه وفعلا سافرت وبعتتلو ريكورد مسدج انها مسافره ومش هيعرفلها طريق وورق الصفقه مع حد موثوق فيه هنا ابقا قابلني لو خدتو بدر اتجنن اكتر وفضل يدور على الشخص ده لحد ما عرف ان اسمها ليان الي قولت عليها ف الاول ويوم ما خطفك كان قصدو عليها هي وبس ياستي ده كل الي حصل
قمر بتأثر: الحيوانه دي مستحيل تكون بني ادمه
فرح: دي متستاهلش اصلا
مريم: المهم ان ربنا عوضو ب قمر وربنا يسعدهم مع بعض
فريده: دي اجدعها روايه ياجدع
ضحكو عليها كلهم وعدا اليوم وجيه اليوم المنتظر
صحيو الصبح كلهم معادا قمر الكسوله بتاعتنا كلهم دخلو عليها مره واحده وهما بيظغرطو وبيطبلو: لولولوليييي قومي ياعروسه يخربيتك هنتأخر
فرح وهي بتشدها: قومي يازفتهه
اتنفضت قمر: ايههه مين ماات في اي
فريده بضحك: قومي يابت هنتأخر على ما نروح الفندق والميكب ارتست تيجي
قمر نطت من مكانها: صح يالهوي يلا يلا بسرعه
تلفونها رن بأسم بدر
قمر: الو
بدر: احلى الو بسمعها ف يومي كلو
قمر ابتسمت بكسوف: شكرا
بدر: جهزتو ياروحي عشان هعدي اخدكم
قمر: لا لسه عاملنلي فرح عشان اقوم
بدر: ياكسوله
قمر ضحكت: اعمل اي بحب النوم
بدر بمشاكسه: طب وبدر مش بتحبيه
قمر وشها احمر
بدر: ونبي عارف ان وشك احمر ومش عارفه تردي استخدمي كلمات انا مش شايفك
ضحكت قمر: حاضر خلاص
بدر: حبيبي شطور ياناس يلا يقلبي قومي اجهزي بسرعه مسافه السكه وهكون عندكو
قمر: حاضر ياحبيبي باي
قفلت وبصت عليهم لقتهم مبتسمين ببلاها
قمر: في اي
فريده ببلاها: هييييح اوعدنا يارب
ريم بغمزه: قريب
فريده برتباك: احم طب يلا بقا نجهز
جهزو كلهم وبعد شويه جيه بدر تحت ونزلولو وصلهم بدر للفندق ومشي بسرعه عشان يلحق عشان زين وعمر وسليم يكونو صحيو ويلحقو
عند البنات جت الميكب ارتست بالبنات الي معاها وشغلو اغاني عاليه وابتدو يرقصو بسعاده والميكب ارتست بتضحك على جنانهم وقمر طايره من السعاده
ريم بضحك: يلا ياقمر قومي ارقصيلك رقصتين كده
قمر: اتلمي يازفته
ريم شدتها وابتدو يرقصو واندمجت معاهم الميكب ارتست والبنات ومخليوش من حركات فريده ومريم المجنونه
عملو كلهم الميكب وخلصو ولبست قمر الفستان وكانت حوريه من الجنه بجمالها والبنات كانو ملكات جمال بمعنى الكلمه
عند الشباب جهزو وراحو عشان يجيبو البنات وكل واحد بعربيته
اول ما بدر دخل الفندق كل الي فيه سقفو بشده لان الفندق كلو عارف ان انهارده فرح بدر المرشدي واحتفلو بيه كلهم
طلع بدر ووراه زين وعمر وسليم وكانو ماشيين بهيبه كبيره وكان شكلهم قمررر اويي (عيزاكو تتخيلو معايا😂)
خبط بدر الباب وهو سامع اصوات الاغاني العاليه فتحت ريم حتى صغيره من الباب واتكلمت بمرح: عايزين اي
بدر: وحياه امك
ريم بضحك: معندناش بنات للجواز
لسه هتقفل الباب سندو بدر برجلو: وربنا ياريم لو طولتك هزعلك فين مرااتي
ريم:مهر بنتنا غالي
بدر بملل: والمطلوب
ريم: ممم اطلع ب خمس الاف جنيه يلا
بدر: وحياه امك وانا هعمل اي ب خمس الاف ف جيبي اناا
ريم: مليش دعوه اتصرف
بدر: معايا دولار ينفع
ريم: انت لسه بتسأل هات يبني
بدر ضحك وطلع من جيبه 200دولار يعني 6الاف مصري: خدي يلا افتحي الباب
فتحت الباب ودخلت بسرعه
بدر: اجري اجري هجيبك
ضحكت ريم ودخلت عندهم
بدر لقا البنات كلها واقفه صف كامل
بدر: يامسهل مش هنخلص انهارده
فضل يقرب لحد ما البنات بعدت بسرعه اما عن زين وعمر وسليم كانو ف عالم تاني وهما باصين للملكات الي قدامهم
بدر راح ناحيه قمر الي كانت لفه وشها ولفتلو ف وشو
بدر بعشق: بسم الله ماشاء الله انا مش مصدق انتي حقيقه بجد
قمر ضحكت: ماقولتلك بلاستيك
بدر باس راسها بعشق كبير: ربنا يحفظك ليا ادعي بس اني انزلك كده قدام الناس اصلا
ضحكو عليه وهي انجت ايده ونازلين على تحت اما سليم ف عينه بتطلع قلوب وهو بيبص ل فريده وزين الي مش معاهم اصلا ومركز ف مريم بس وعمر الي كان مصدوم من جمال ريم
نزلو كلهم ورا قمر وبدر الي ركبو العربيه عشان يروحو على القاعه كانت عربيه ليموزين سودا ومتزينه بالورد
ركبو العربيه ووراهم عربيه سليم ومعاه فريده وفرح وعمر الي معاه ريم وزين الي معاه مريم
ابتدو يعملو كلاكس بالعربيه وبيزفو بدر الي بيضحك عليهم جوا عربيته
بدر: انا مش مصدق نفسي انا لحد دلوقتي مش مستوعب انك بقيتي معايا
قمر: ولا انا ياروح قلبي انا فرحانه اوي
وصلو القاعه واتفرق بدر وقمر عشان الفقره بتاعه دخولهم
قابلهم ابو زين عشان هو الي هيسلمها ليه
حسن مسك ايد قمر ونزلو من على سلم طويل ف القاعه ولما المعازيم شافتهم سقفو جامد وفي الي يزغرط
نزل بيها حسن قدام بدر وقالو: خلي بالك منها
بدر: ف عنيا والله
خدها بدر وباس راسها بحب وجيه وقت كتب الكتاب حطو الترابيزه وقعد المأذون وقعد حسن الي هيكون وكيل قمر وزين وسليم وعمر الي هيكونو شاهدين
المأذون: قول ورايا اني قبلت زواج ابنتك
بدر بعشق وعيون بتلمع وهو بيبص ل قمر وايده ف ايد حسن: اني قابلت زواج ابنتك كمل كلامه: حبيبه عمري وملكه قلبي وحبي الاول والاخير ابنتي وزوجتي وحبيبتي ودليلي الى الخير طبيبتي في جرحي وعلاجي في المي وفرحي في حزني
بكت قمر من كلامه الي دخل قلبها ومريم وفرح وفريده وريم كانو بيعيطو لا ارادي
تم كتب الكتاب وقام بدر حضن قمر واتنهد برتياح: اخيرا
فضلو يرقصو ودخلت نور الفرح وهي بتبصلهم بحقد واتصدمت لما اشتغلت اغنيه حبيبتي وصحبتي وقامو فرح وفريده وريم ومريم يرقصو معاها
(حبيبتي وصحبتي وبنتي ونور عيني ده مهما انا قولت عنك مش هكفي كلام ياروحي يادنيتي الحلوه الي تكفيني يا اغلى عليا من نفسي ياملكه منوره قلبي ياست الناس يافرحه قلبي وحياتي بتفاصليها)
جت الحتى الي بترقص ورقصو مع بعض بسعاده
دخلت نسرين الفرح وهي بتبص ل قمر بغل وراحت تسلم عليهم: مبروك يابدر
بدر بغضب: اي الي جابك هنا قسما بالله لو ما مشيتي وبعدتي عن حياتي يانسرين لا يكون اخر يوم في عمرك وحالا تغوري من هنا مشيت نسرين بكرهه ليهم ونور قربت تسلم على قمر: مبروك
قمر بضيق: الله يبارك فيكي
نور وقصدها تضايق قمر راحت ناحيه بدر بمياعه: مبروك يا استاذ بدر
بدر بغيظ: الله يبارك فيكي
قمر وخرجت عن شعورها: نور بصراحه وجودك مش مرغوب فيه وياريت علاقتنا تنتهي لحد هنا وياريت كمان يبقا ده اخر يوم اشوفك فيه يلا امشي من هنا
نور عرفت انها اتكشفت ومشيت بعد تهزيق من مريم وفريده وفرح
زين راح ناحيه ام مريم واتكلم: بصراحه كده انا عايز اتجوز بنتك ياحجه
ام مريم: اي ده في اي
زين: عارف اني دخلت ف الموضوع على طول بس انا بحب بنتك وعايز اتجوزها قولتي اي
ام مريم بضحك: قولت لا إله إلا الله يابني الي فيه خير يقدمه ربنا
عند سليم راح ناحيه ابو فريده: بما ان كله بيخطب ف الفرح ده انا عايز اتجوز بنتك فريده ياعمي
حسن: هو في حد يدخل زي البغل كده عشان يتجوز
سليم: اي ده في اي انا بقولك عايز اتجوز بنتك تشتمني
حسن ضحك: على بركه الله
سليم راح ناحيه فريده: انا خطبتك من ابوكي مفيش مبروك
فريده بصتله بصدمه: اي ده في اي
سليم: خلاص بقيتي خطيبتي
عدا اليوم بسعاده على الكل
بعد مرور عشر شهور
قمر بتصحي بدر وهي بتصرخ: بدرر
بدر بنوم: قمر الفراوله جمبك على الكومود كليها وسبيني انام
قمر بتعب اكتر: بدررر
بدر لف ليها بسرعه: اي مالك
قمر بغيظ:مفيش بطمن عليك مالي يا بني ادم بولدد خدني على المستشفى اههههههه
بدر لطم على وشه: بت اي يعنيا بتولدي يختااااي
قمر: انت لسه هتندبب
لبسها بسرعه وشالها ونزل على تحت بسرعه
وهو بيسوق رن على سليم عشان يجيلو بسرعه رد سليم وهو بيصرخ: اههه ايدي يابنت المجنونه كان يوم اسود الو يابدر
بدر: سليم قمر بتولد تعالى بسرعه على المستشفى
سليم وهو بيتكلم زي الستات: انا عايزز الي يجي ياخدنيي انااا فريده هي كمان بتولد وانا مش عارف اعمل اي
بدر: ينهار اسود هاتها ع نفس المستشفى بسرعه وانا هتصل ب عمر
قفل معاه لقا قمر بتعض ايده: اهههه يابنت العضاضه يخربيتك دراع اميي
قمر بصراخ: بسرعهههه وربنا هقول انك خاطفني
بدر: يارتني كنت خاطفكك ياشيخههه
اتصل ب عمر سمع ريم بتصرخ اتكلم ب مرح: اي ريم هي كمان بتولد
عمر: معرفش هي بتصرخ وبتقولي بولد وهي لسه ف السابع
بدر: هاتها على المستشفى ياخويا هاتها هي كملت اصل بعيد عنك فريده وقمر بيولدو
قفل معاه ووصلو للمستشفى دخلت على العمليات ووراها فريده وريم
اتصل بدر على زين الي كان نايم: الو
بدر بطريقه تضحك: اي ده انت مراتك مبتولدش ازاي ده يوم الولاده العالمي انهارده
زين بنوم وعدم فهم: تولد اي يا اهبل مريم ف الرابع لسه وبعدين مين الي بتولد
بدر: ابدا ده قمر وفريده وريم الي بيولدو بس مش حاجه بسيطه يعني
زين اتنفض من مكانه: انا هصحى مريم وجايين حالا
فعلا زين صحى مريم ونزلو على المستشفى واتصل عمر ب جوز فرح واسمه ادهم قابلها يوم فرح عمر وريم هو صاحب عمر واعجب بيها واتجوزو من شهرين
عمر: انت كمان نايم مش مسامح
ادهم: في اي ياض
عمر: صحي البت الي عندك دي ويلا تعالو على المستشفى عشان قمر وفريده وريم بيولدو زين ومريم جاين ف السكه
ادهم: احنا جايين حالا اهو
بعد وقت كان وصل زين ومريم وادهم وفرح
بدر كان قلقان ورايح جاي بتوتر وبعد وقت خرجت الدكتوره وطمنتهم على البنات وعلى البيبيهات وان البيبي بتاع عمر بخير لانه كان اكتمل وصحته كويسه
بدر جاب ولد وسليم جاب بنت وعمر جاب ولد
دخلو يطمنو علي البنات
بدر باس ايد قمر: حمدالله على سلامتك ياقمري
قمر ببتسامه مرهقه: الله يسلمك فين الولد يابدر هو كويس
بدر ابتسم: كويس ياروحي بيجهزو وهيجبهولك دلوقتي
عمر راح ل ريم: حمدالله على سلامتك ياعمري
ريم: فين البيبي ياعمر هو كويس
عمر: كويس ياحبيبتي بيلبسوه وهيجيبو
سليم ل فريده: روح قلبي حمدالله على سلامتك
فريده ببتسامه: الله يسلمك بنوتي فين
سليم ابتسم: هيجيبوها دلوقتي ياروحي
فعلا جابو البيبيهات وقمر وبدر سمو مراد وعمر وريم سمو حمزه وسليم وفريده سمو تمارا
اطمنو الكل عليهم وتاني يوم كل وحده روحت بيتها مع جوزها
قمر بعياط: انت مبتنامش ليه يارخم انت
بدر ابتسم على طفولتها: ياحبيبتي البيبيهات بتغلب كده هاتي انا هقعد ب مراد وانتي نامي شويه
نامت قمر وقعد بدر مع مراد بفرحه هو مكانش متوقع ان شعور الاب ده حلو اوي كده
*الخاتمه*
بعد عشر سنين كانو متجمعين على سفره الفطار ف بيت بدر اول يوم رمضان
بدر: كل سنه وانتو طيبين ياولاد
الكل: وانت طيب
قمر: ربنا دايما يجمعنا على الخير يارب
فرح: يارب ياقمر ياحبيبتي
بعد الفطار اتجمعو كلهم قدام التلفزيون وقمر وريم ومريم وفرح وفريده بيحطو الحلويات الشرقيه ف اطباق وبيقدموها ليهم
مراد: بابا انا هروح اصلي العشا عشان مصلتهاش يلا ياحمزه يلا يا تمارا يلا ياعز يلا ياخديجه يلا كلكم عشان نصلي
اولاد بدر وقمر(مراد، خديجه)
اولاد عمر وريم(حمزه، يارا)
اولاد سليم وفريده(تمارا، مالك)
اولاد فرح وادهم(كريم، مايا)
قامو اتوضو وسابو اهلهم يقعدو مع بعض وصلى مراد بيهم والولاد جمبو والبنات وراهم
خلصو صلاه وقعدو مع بعض بسعاده والكل بيدعي السعاده دي تدوم
_______________________________________________
وتوته توته خلصت حدوته بدر وقمر قمر الي قدرت تغير بطلنا للأحسن ونفعت ف ده رأيكم يهمني♥️
•تابع الفصل التالي (رواية اسيرة البدر) اضغط على اسم الرواية