رواية حكايا الفصل الحادي عشر 11 - بقلم ايمان

  رواية حكايا كاملة بقلم ايمان عبر مدونة دليل الروايات 

 رواية حكايا الفصل الحادي عشر 11

 مر الوقت بطئ وطويل على أمجد وورد فكلا منهما ينتظر ما سيفعله مجد وما ان سمع امجد باب البيت يفتح حتى قفذ من مكانه على الفور راكضا نحو الباب متلهف لمعرفة مأ فعله مجد فى كل هذا الوقت

مجد اخيرا رجعت كنت فين كل ده وعملت ايه قول انطق اوعى تكون بلغت عنها البنت غلبانه وكفاية اللى شفته فى حياتها ما تنطق يا اخى

لم يرد مجد على اى سؤال بل قال له : تعالى ورايا

ثم قام بفتخ باب غرفة ورد واشار لاخيه قائلا : ادخل فكها

قالت ورد منزعجة : ايه بلغتوا عنى

اقترب منها امجد واخذ يفك وثاقها وهى تبكى بشدة

مجد : يلا تعالى معايا

امجد : وخدها على فين يا مجد

مجد : تعالى معانا انت كمان ومش عاوز اسمع صوت حد

بالفعل خرجوا معا وركب مجد السيارة دون كلمه فأخذ امجد يد ورد وفتح لها الباب الخلفى فركبت دون كلمه ثم ركب هو بجوار اخيه فنطلق مجد بالسيارة على الفور وبعد قليل من الوقت توقف مجد قائلا لورد بحزم : انزلى

فرفعت رأسها لتنظر اين هى فوجدت نفسها امام بيتها فقالت : انزل هنا

مجد : ايوة اطلعى لمى هدومك وهاتى اخوكى وتعالى

ورد بدهشه : نعم

مجد : زى ما سمعتى انا عارف ان الشقة مفروشه يعنى ملكيش فيها غير هدومك واخوكى هاتيهم وتعالى وقولى لاخوكى اننا زمايلك فى الشغل مش انتى قيلاله انك بتشتغلى برضو

ورد بعدم تركيز : ايوة ايوة

مجد : طب يلا مستنية ايه

ففزعت منه ونزلت على الفور صعدت لشقتها ونفذت ما املاه عليها مجد ثم عادت على الفور ومعها اخيها وما ان صعدت السيارة حتى انطلق مرة اخرى الى حيث لا يعلم احد الى ان قال امجد فجأة

ايه ده دا بيتنا القديم

اجابه مجد باقتضاب : ايوة

ثم توقف مجد بسيارته امام بيت فى حى متوسط قائلا : يلا انزلوا

بالفعل امتثل الجميع لما أمر به مجد وسار الجميع خلفه الى ان صعظ السلم ثم توقف امام شقة فاخرج من جيبه مفتاحا وفتح الباب ثم دخل ودهل خلفه امجد فيما انتظرت ورد واخيها بالخارج

مجد : ماتدخلوا وقفين بره ليه

فدخلت ورد وفى يدها جواد

فسألها جواد: هو احنا هنا ليه

فنظرت له ورد ولم تدرى بما تجيبه ثم نظرت لمجد لعله يجيب عليهما

نظر مجد لامجد قائﻻ : امجد خد جواد فرجه على الشقة عشان يقولى رايه فيها

فهم امجد ان مجد يريد ان يتحدث مع ورد فقال : تعالى معايا يا جواد نتفرج سوا دا انا بقالى زمن ما جتش هنا والبيت وحشنى اوى

وما ان انصرفوا حتى قال مجد : أظن الشقة معقولة وممكن تعيشى فيها انتى وجواد برحتكم واوفر كتير من الشفة المفروشة وده الكارت بتاعى بكرة الصبح تكونى عندنا فى الشركة حشوفلك شغلانه تصرفى منها على تعليمك انتى وجواد بس بشرط

فقالت وهى منكسه الرأس : انى ابطل اللى كنت بعمله

مجد : بالظبط كده

ورد والدموع تملاء عينيها : انا متشكرة اوى

فصاح مجد على اخيه

ايوة يا مجد

ايه مش يلا بينا بقه ونسيب الناس ترتاح فبتها

ماشى يلا بينا تصبحى على خير يا ورد تصبح على خير يا جو

جواد : تصبح على خير يا مجود

فنظرت له ورد نظره تنهيه بها فقال لها : ايه يا ورد احنا باقينا اصحاب خلاص

امجد : ايوة احنا بقينا اصحاب دا واد شربات يلا سلام

ورد : مع السلامه

وما ان اغلقت الباب خلفهم حتى تنفست الصعداء فقال لها جواد : هى ايه الحكاية يا ورد هو كل يوم تنقلينا فبيت شكل

تعالى يا حبيبى حشرحلك اصل انا حشتغل فشركة جديدة ولما عرفوا انى سكنه فشقة مفروشه ادونى الشقة دى عشان اعيش فيها وان شاء الله تكون بداية جديدة جميلة يارب ولا الشقة مش عجباك

لا بالعكس الشقة حلوة اوى وحاسس فيها براحة عن الشقة اللى قبلها

فأكملت ورد: وطبعا احسن كتير من الاوضة اللى فوق السطوح اللى كنا سكنين فيها زمان

متفكرنيش بيها

خلاص يا حبيبى انا قلبى بيقولى ان اللى جاى كله حلو حلو اوى ان شاء الله

قولى بقه ايه الحكاية وايه اللى عملته ده مع ورد وكمان انت كنت بتيجة بيتنا القديم من ورايا تعمل ايه

هو انت ما تعرفش تسأل سؤال سؤال عشان اعرف اجاوب

لا ولا جاوب على كله مرة وحده

اولا احنا من يوم ما سبنا الشقة ما جتش هنا ولا مرة

نعم ازاى والشقة شكلها نضيف ومتهوى ولا كانها كانت مقفولة من سنين

عشان لما سبتك وخرجت جيت هنا وجبت ناس نضفت الشقة وهوتها وطبعا واضح انى حخلى ورد تعيش فيها هى واخوها بدل الشقه اللى ايجارها عالى عليها وكمان حشغلها معانا فى الشركة عشان اوفرلها دخل كويس وما ترجعش للطريق اللى كانت فيه

عفارم عليك طول عمرى بقول عليك شهم وجدع طلعلى

مين شاهى يادى النور تعالى ادخلى انا قولت خلاص بقه نستينا

انا اقدر انساكم يا ام سلمى ولا انسى اجمل ايام قضتها معاكم ولا انتوا بقه خلاص مش عوزنى اجى عندكم

يا خبر ودا كلام دا انتى ان ماشاتكيش الارض نشيلك فى عيونا والله وحشانى اوى عامله ايه واخبارك ايه

هو انتى لوحدك ولا ايه البنات فين

جوه الاتنين اتغدوا ودخلوا يناموا شوية

طبعا عمللهم غدا قن*بلة من اللى كنتى بتعملهولنا واحنا شغلين

يعنى موحشكيش اكلى

وحشنى طبعا بس خلاص رجعت للنظام بتاعى تانة بعد ما أكلك دمر* هولى الكام شهر اللى كنت باكل فيهم من ايدك

بقه كده ياشاهى طب زعلانه منك

لالا مقدرش على زعلم ابدا يلا صحى البنات عوزة اشوفهم وكمان خلى اروى ومامتها ينزلوا عشان اشوفهم هما كمان

طيب

خرجت سلمى وخلفها نجلاء على الفور بعد ان اخبرتهم والدتهم بوجود شاهى

سلمى : شاهى ازيك عامله ايه

نجلاء : وحشتينا اوى احنا قولنا خلاص مش حنشوفك تانى

شاهى : ازيكوا انتوا اخباركم ايه يا بنات ولو ان اخباركم عندى على طول ومتابعة كل البرامج اللى بتظهروا فيها وكل اللى بيتكتب عنكم فى المجلات والجرايظ ماشاء الله بقيتوا ولا نجوم السينما

سلمى : بس دايما بنقول ان الفضل ليكى

شاهى : الفضل لربنا ياحببتى ثم لسارة صاحبة الفكرة الاساسية واللى زى ما انا شايفة وحاسع كمان خرجتنا احنا التلاته من اللى كنا فيه

نجلاء : تقصدى احنا الاربعة او يمكن احنا كلنا

شاهى : عندم حق لس مين الربعة دى

سلمى : نجلاء تقصد اروى اصل هى كمان ليها قصة دى هى اساسا اللى عرفتنا على سارة

وفى هذه الاثناء رن جرس الباب

ام سلمى : بس يا سلمى دى اكيد خالتك ومعاها اروى

فغمزت لها شاعى بعينها قائلة : ماشى

ما ان فتحت ام سلمى الباب ختى ركضت اروى الى شاهى تحتضنها قائلة : ازيك يا شاهى وحشتينى وحشتينى اوى

شاهى : وانتى كمان وحشتينى يارورو عامل ايه واخبارك ايه

بخير الحمد لله

وبعدها تقدمت والدتعا لتسلم على شاهى وهى تنظر لام سلمى تدنظرات ذات مغزى

ثم جلست ام اروى وهى تقول لاختها وبناتها بحذر : انتوا قولتولها

فنظرت لها اختها بمعنى ان تصمت فقالت شاهى على الفور : مالكم فى ايه انتوا مخبيين عنى ايه ؟؟؟

• يتبع الفصل التالي اضغط على ( رواية حكايا ) اسم الرواية