رواية الاسطى سارة (كاملة جميع الفصول) حصريا عبر دليل الروايات بقلم فاطمه عادل
رواية الاسطا سارة الفصل الثالث عشر
البارت 13
يوسف فك جميله وخرج وماشى براحه وماسك ايديها وهى وراه
يدوب هيخرج
ابوه من برة
منصور : اخبار البت المرمي|ه جوة دى ايه ياحسن ، انا عايزاها معانا واحنا خارجين الليله دى
يوسف مسك ايد جميله وطلع يجرى تانى فى الممر
جميله : احيييه ، ياعينى عليكى يا جميله ، ياصغيرة ع الهم والخط|ف ياجميله
يوسف : شششششش ، خلينى اتصرف
جميله : اتصرف والنبى ، ابوك عايزنى معاه الليله ، يقصد ايه بكده الراجل الشايب ده
يوسف بصلها بغيظ : اخرسى بقى ، اقولك تعالى
وراح عند اخر الممر اللى موجود تحت الفيلا وعمال يلف يمين وشمال
جميله : هو ده وقته ، انت بتستكشف المكان
يوسف: اللهم طولك ياروح ، يابنتى اخرسى بقى
يوسف اخيرا شاف الباب الصغير اللى كان بيدخل منه زمان وجرها من ايديها على هناك
وفى نفس الوقت منصور وحسن كانوا راحوا الاوضه اللى كانت فيها جميله ومكنتش موجوده والحارس فى سابع نومه
منصور : يعنى ايه الكلام ده ، ايه مشغل معايا شوية بهايم ولا ايه
حسن : ان...انا. ا
منصور: انت لسه هتهته ، اقلب|وا الدنيا لما تلقوها ياشوية كلاب
وفعلا رجالة صفوت بيدورا زى المجانين وراحوا على اخر الممر وشافوا يوسف وجميله بيخرجوا منه
يوسف شاف الرجاله وراه وبسرعه كان خرج جميله وخرج وراها
ومسك ايديها وفضل يجرى
رجالة صفوت وراهم وواحد منهم خرج س|لاح ولسه هيصوب
صفوت : نزل س|لاحك ، انت اتهبلت مش عارف انت عايز تض|رب مين
الحارس : مقصدش يوسف بيه ، انا اقصد البت اللى معاه
منصور : انتوا لسه هتتكلموا كتير ، أجروا بسرعه حصلوهم ، واياك حد يرفع الس|لاح
طلع بسرعه رجالة صفوت وركبوا عربياتهم ومشيوا وراه
يوسف فضل يجرى بالعربيه والحرس وراه لحد ماتوهم ، بس لاقى نفسه فى طريق هو مش عارفه
جميله : احنا فين
يوسف : انا اول مره اجى الطريق ده ، بقولك ايه انا هشغل ال GBS واعرف احنا فين بالظبط
يوسف بيبص شاف العربيه بتعمل أنظار أن مفيش بنزين
جميله : احييييه ، لا بجد اكيد واحد فينا منحوس ، مش معقول يعنى
يوسف : تفتكرى بقى مين فينا
جميله : انا عن نفسى طول عمرى قدم سعد.......ااااااااه
يوسف فطس على نفسه من الضحك ، قومى يا قدم السعد ، قومى ياختى
عند منصور
ازاى متلحقهوش ، والله يابهايم لو معرفتوش توصلوا لطريقهم مش هيكفينى م|وتكم
وانت يلا جهز الرجاله الساعه قربت ولازم نوصل فى الميعاد علشان الاستلام
عند تميم
ها يارجاله كله مستعد
تمام يا افندم
مش عايز غلطه يارجاله ، اختى فى ايد الكلب ده وكمان شحنه كبيرة من المخ|درات ، يعنى أن شاء الله تأبيدة
تمام يا افندم
واحد من الرجاله: متقلقش ياباشا الرجاله كلهم مستنين إشارة من سعادتك وكله هيبقى تمام
تميم : ربنا يستر ، فاضل نص ساعه ع الميعاد المحدد
بعد نص ساعه بدأ رجالة منصور فى الظهور وعربية منصور كانت وراهم
تميم : الشغل بدأ استعدوا يا ابطال ، مع إشارتى كله يه|جم
تمام يا افندم
عند منصور بدأ الرجاله يشيلوا الصناديق من عربية يحطوها فى عربية منصور
منصور واقف بيدخن السيجار بتاعه وبيتفرح ع الرجاله
تميم أدى إشارة للرجاله
كله بسرعه جرى على منصور ورجالته بقيادة تميم
تميم : كله يسيب اللى فى أيده ويسلم نفسه ، المكان كله محاصر
كل الرجاله سابت اللى فى ايديها ورفعتها لفوق علامه للاستسلام
تميم : والله ووقعت يامنصور الكلب ، مش قولتلك نهاي|تك على أيدى
منصور : هو فى ايه يا باشا ، اكيد حضرتك جاى هنا غلط
تميم : غلط ، هو ايه اللي غلط مانت اهو متلبس انت ورجالتك ، يلا ادامى
منصور : ياباشا براحه بس ، هو ايه الغلط فى اللى بعمله
تميم : بقولك ايه انت مش هتسوق عليا الجنون ، انا أجن من اللى خلفوك
منصور : طب وليه الغلط ، حضرتك جاى هنا تقبض عليا بتهمة ايه
تميم : تهريب مخ|درات ياروح امك
منصور : وهى فين المخ|درات دى يا باشا
تميم كشف الصندوق بكل قوة وقال : اهى......اي.....ايه ده ...ماانجا
بص لمنصور بغضب ومنصور بص عليه بسخريه وشماته ، ايه ياباشا ، هو المانجا حرام اليومين دول ، بقت ممنوعه دوليا وانا معرفش
تميم : انت هتستهبل بروح اهلك ، فين المخ|درات
منصور : ياباشا بس صلى على النبي ، مخ|درات ايه ، انا ماليش فى الشمال
تميم مسكه من هدومه وبدأ يزعق : واختى يابن الكلب
منصور نزل أيده براحه : انا عارف ان سيادتك حاليا اعصابك تعبانه ومش هتكلم ، بس انا مالى ومال اختك
تميم : انت يابنى ادم مش كلمتنى وقلت إنك خطف|تها
منصور : انا!! ، لا والله ياباشا ، شوف اختك فى حته تانيه
تميم : اه يابن اللل......
منصور : يلا يابنى خلص اللى فى ايدك علشان نمشى
تميم : وانت جاى تاخد مانجا فى الصحراء
منصور : واحد حبيبى فى الإسماعيلية بيجبهالى ، وده اقرب طريق لهناك ، قلت اختصر الطريق ، حاجه تانى ياباشا ، تحب تاخد قفص مانجا
تميم بص عليه بغضب واخد رجالته ومشى
بعد ما تميم اخد رجالته ومشى ومنصور اتاكد أن كله تمام
طلع تليفون محدش يعرف عنه حاجه ولا حتى حد يقدر يراقب التلفون ده
منصور: هاا ، كله تمام
مؤمن : فل ياباشا ، كله تحت السيطرة ، والبضاعه فى طريقها للمخازن
منصور : عفارم عليك يا مؤمن ، ليك عندى هديه كبيرة
مؤمن : خدامك ياباشا
قفل منصور وهو فى قمة انبساطه
فى المستشفى
ايهاب بيتوجع جدا والجرح تاعبه
سلمى بعياط : طب....طب اقدر اعمل ايه ، هات ايدك
ايهاب : مش قادر ، بسرعه اندهى على الممرضه ، او اى دكتور
سارة : خليكى معاه ، هروح بسرعه انده عليه
سارة خرجت برة وجريت على مكتب الدكتور
دكتور لو سمحت المريض اللى لسه عامل العملية تعبان جدا ، واحنا مش عارفين نتصرف
قام بسرعه الدكتور وراح لايهاب وسارة وراه
دخل عليه ايهاب كان بيتوجع جدا. سلمى ماسكه أيده وبتعيط
الدكتور بدأ يكشف عليه ويفحصه
خير ياجماعه ده بس مضاعفات وكمان مفعول المسكنات بدأ بروح وهو بدأ يحس بالج|رح
سلمى بدموع: طب هو هيبقى كويس
ايهاب : نفسى اعرف بتعيطى ليه ، انا بقيت كويس اهو متقلقيش بقى
الدكتور : متقلقيش ، انا اديته مسكنات تانى وهو أن شاء الله هيبقى كويس جدا
خرج الدكتور
ايهاب : هو انا هفضل اشوف دموعك كده كتير ، طب يارب ام|وت لو بتعيطى بسبب........قبل ما يكمل كانت حطت يدها على بوقه
سلمى : بعد الشر عنك
ايهاب باس أيدها وهى شالتها بسرعه
ايهاب : ماتحن ياجن
سلمى : انت كنت بتم|وت دلوقتى ، انا عايزة اعرف بتتحول كده ازاى
ايهاب : قدامك بس ببقى واحد انا نفسى معرفوش
سلمى : ربنا يخليك ليا
ايهاب: العب ، بدأت تندع اهى
عند يوسف وجميله
يوسف : بما اننا فى مكان مقطوع والعربيه خلصت بنزين تعالى ننزل نشوف اى حد يساعدنا
جميله : يلا بينا أنا كمان موبايلي اخدوه منى
يوسف : صحيح ، هو ايه اللى وقعك فى طريق ابويا
جميله : اخويا ظابط وتقريبا كده هو وابوك أعداء ، ده اللى فهمته لما ابوك كلم تميم اخويا وهدده
يوسف : انت اخوكى يبقى تميم ، اه علشان كده
جميله : عشان كده ايه
يوسف : ها ، لا ابدا
جميله : انا عايزة اعرف احنا فين و.......كلب جى وراها وفضل ينبح بصوت عالى اوى ، عععععااااا
جميله مسكت فى هدوم يوسف وهى بت|صرخ ويوسف حاطط أيده على ودانه
يوسف : بااااااس ، أهدى هو خلاص مشى
جميله مغمضة عيونها وماسكه فى هدوم يوسف كأنها قفشه حرامى
نزلت أيدها براحه وفتحت عيونها
جميله : احم ، على فكرة مكنتش خايفه ولا حاجه ، بس اتخضيت بس
يوسف رفع حاجبه : لا والنبى ، اومال لو خايفه هتعملى ايه
جميله : احم ، عديها بقى ، ايه ده فى بيت هناك اهو يمكن حد يقدر يساعدنا
جريت هى ويوسف ع البيت
يوسف خبط ع الباب
بعد دقيقتين الباب فتح وخرج منه راجل إلى حد ما عجوز
الراجل : اؤمر يابنى
يوسف : تسلم ياحاج ، بقولك مفيش هنا مكان اقدر امون العربيه منه البنزين خلص واحنا فى نص الطريق ، ومش عارفين نتصرف
الراجل : يابنى المكان هنا مقطوع زى مانت شايف ، والبنزينه على بعد 2 كيلو من هنا والطريق وحش بليل
يوسف : طب وهنعمل ايه
الراجل : اتفضل يابنى وهات المدام والنهار له عنين
جميله : مدام مين
يوسف : شششش ، متشكر بس مش عايز اعملك ازعاج
الراجل : يابنى ازعاج ايه بس ، مفيش غيرى انا ومراتى هنا ومراتى ست غلبانه ، متقلقش
تعالى بس والصبح ابقى اتكل على الله
يوسف : انا متشكر اوى ياعم.....
محمود ، أسمى محمود يابنى
يوسف : متشكر ياعم محمود ، ربنا يخليك
دخل يوسف وجميله وسلموا ع الست اللى كانت فى منتهى البساطه
يوسف: انا اسف والله على الازعاج ومتشكر جدا
عم محمود : عيب يابنى الكلام ده ، انت زى ابنى
يوسف : تسلم ياعم محمود ، هو ايه اللى مقعدك هنا ياعم محمود
عم محمود : اصل انا الغفير بتاع حتة الأرض اللى جنبينا دى ، ولازم أفضل جنبها لأن ده اكل عيشى
يوسف: الله يقويك ياعم محمود
اتفضل يابنى خد مراتك وادخل ارتاح
يوسف قام وخد جميله ودخلوا الاوضه
جميله : انت ازاى تقولوا انى انا المدام بتاعتك
يوسف: اومال أقوله ايه ، مخ|طوفه وانا مه|ربها
جميله : طب وهنام ازاى وانا معايا فى الاوضه كده
يوسف اخد مخده وحطها ع الارض ونام عليها
أدى السرير نامى عليه انت ، واطمنى انت فى امان
جميله بصوت واطى: شكرا
يوسف ابتسم وبدأ يروح فى النوم
فى المستشفى
دخل تميم فى حاله يرثى لها ، مكنش شايف ادامه من كتر التفكير والصداع
سارة قامت تجرى عليه : مالك فى ايه
تميم بص عليها ومش عارف يقول ايه
سارة : اختك حصلها حاجه
ايهاب : يابنى قول فى ايه
تميم : ولا اى حاجه ، كالعادة طلع منها زى الشعرة من العجين ، وحتى اختى معرفش وداها فين
انا فاشل
ايهاب : اوعى اسمعك تقول كده ، انت احسن وأشرف ظابط
سارة : تميم تعالى معايا ، اخدته وخرجت برة
سلمى جالها تلفون
ايوة يا ماما
انت فين يابت ، روحت عند سارة اطمن عليكم لقيتها سايبه اخواتها عند الجيران
سلمى : ا...اه ، اصل روحت اشترى معاها حجات وهى قالت للجارة تخلى العيال عندها
بتكدبى عليا يابنت بطنى ، الجارة بتقول انكم فى مستشفى مع واحد قريبكم ، مين ده يابت
سلمى ..........
•تابع الفصل التالي "رواية الاسطى سارة" اضغط على اسم الرواية