رواية الاسطى سارة (كاملة جميع الفصول) حصريا عبر دليل الروايات بقلم فاطمه عادل
رواية الاسطا سارة الفصل السابع عشر 17
البارت 17 ❤️
دخلت سلمى وهى مبتسمه ليه
ايهاب مش مصدق نفسه: حبيبة قلبي ، انت هنا ورفع أيده الاتنين هياخدها فى حضنه
دخلت ناديه: هى وامها
لف ايهاب الناحيه التانيه ورفع أيده لفوق وعمل نفسه بيصلى: الله اكبر
سلمى ما|تت على نفسها من الضحك وامها ابتسمت بس بسرعه رجعت لوش الجد تانى
ناديه: ايه ياشيخ ايهاب ، هتصلى بالجز|مه
ايهاب: ها ....احم ، معلش اصل اتوضيت وخفت يروح عليا العصر
ناديه : لا صعبت عليا
ايهاب : ماتعديها ياحماتى ياقمر انت
ناديه : حماتك ايه ياض انت ، انت صدقت نفسك ولا ايه
ايهاب : ده على اعتبار ما سيكون يعنى ، وبعدين اقولك ايه انا ، هقولك يا نودى علشان انت شكلك اخت سلمى ومش امها
ناديه : لا ياواد ، عرفت تبلفنى بكلمتين ، وبعدين لسه بدرى اوى على كلمة حماتى دى
ايهاب : ليه بس كده ياست الكل ، ده ببركة دعواتك كل حاجه هتتحل
ناديه: ربنا يسهل ، المهم انت كويس
ايهاب: انا الحمدلله ، انا متشكر اوى انك جبتى سلمى وجيتى
ناديه : هى يا اخويا اللى قلقانه معرفش مالها
ايهاب بص لسلمى بحب : بتحس بيا
سلمى بكسوف : احم ، لا أصل يعنى صوتك فى التلفون مطمنيش ، وماما قالت لازم اطمن عليك قصدى نطمن عليك
ايهاب : تسلملى ماما ، ويسلملى اللى قلق عليا ده واللى بمو........
ناديه : حيييلك ، ايه انا واقفه هنا ، يلا يابت انت نمشى ، ده هيعاكسك ادامى
ايهاب : أهدى بس ياست الكل ، والله انتوا جيتوا فى وقتكم ، انا كنت محتاج حد معايا
ناديه وسلمى مع بعض: خير يارب
ايهاب : اصل انا خارج خلاص ، وبصراحه كنت محتاج مساعده
ناديه : وليه يابنى تخرج بدرى كده ، انت لسه تعبان ليه تيجى على نفسك وتطلع قبل ميعادك
ايهاب : مانا مبقتش قادر على قاعدة المستشفى وكمان صاحبى محتاجنى معاه وكمان مش عايز ابقى عريس وانا فى المستشفى
سلمى ابتسمت اوى وفرحت من قلبها
ناديه : لسه بدرى ع الكلام ده يابنى ، انا اه حبيتك بس لسه مخدناش رأى ابوها ولا اخوها
ايهاب : أن شاء الله خير ، المهم دلوقتى انى عايز أخرج
ناديه : طب يلا ياسلمى لمى معايا الحجات دى ويلا نساعده
سلمى : حاضر ياماما
ايهاب غمز لها : اخرابى ع الجمال
*عند تميم
تميم فى التلفون : يعنى انت تمام دلوقتى ياقلبى
سارة : والله بخير متقلقش عليا ، انا فى البيت اهو واخدت اخواتى من عند الجارة وكله تمام
تميم : سارة انا عايز اقولك على حاجه
سارة : خير قولى
تميم : عايز اتجوزك فى اسرع وقت
سارة : أن...انا مش عارفه اقول ايه ، انا طبعا موافقه أننا نتجوز وسبق وقولتلك انى بحبك ياتميم ، بس....
تميم : من غير بس بقى ، انت ماشية حلو اوى اهو
سارة: ياتميم فكر شويه براحه ، اختك لسه مرجعتش ، صاحبك فى المستشفى ، وبرضو هو محتاجك لما يروح ويخطب سلمى
تميم : كل ده انا عارفه كويس اوى ، وانا مش بقولك يلا دلوقتى على الماءذون ، انا اختى هعرف ارجعها ازاى ، بس ياسارة انا خايف عليكى اوى ، انت بقيتى تخصينى ومن ساعتها والمصايب نازله عليكى ، وانا متاكد انى السبب
سارة : رجع اختك الاول ياتميم وربنا يسهل
تميم : عمتا فى اتنين عساكر تحت البيت ، دول انا وقفتهم مخصوص لحمايتك انت وأخواتك
سارة : ربنا يخليك ليا يا حبيبى
تميم : يا ايه ، قولى تانى كده
سارة : سلام ياتميم
تميم : اهربى براحتك ، بكرة تبقى تحت أيدى
قفل تميم وهو إلى حد ما مطمن عليها
بعد شويه مؤمن خبط ع الباب ودخل: ازيك ياباشا
تميم : خير ، مع أن عارف ان مش بيجى وراك خير ابدا
مؤمن : ليه كده بس ، انا كنت جاى اطمن عليك واشوفك عملت ايه فى حوار اختك
تميم : انت مال اهل|ك ، ولا يكونش المشغلك هو اللى باعتك
مؤمن : برضو تانى ، عمتا انا ماشى ، بس خليك فاكر انى عملت اللى عليا
اول ما مؤمن خرج تميم طلع الفون بتاعه بسرعه
تميم : ايوا يا مصطفى ، بقولك ايه
انا عايزك تكلف حد خبرة كده تبعك يراقب مؤمن الشرقاوى
مصطفى: خير ياتميم
تميم : اسمع بس كلامى ، انا عارف كويس أن هو واللى مشغله ورا كل حاجه ، ومش هسكت غير لما اقبض عليه
مصطفى: اعتبره حصل ياباشا ، حاجه تانى
تميم : عملت ايه فى حوار الصور
مصطفى: تم ياباشا ، واحنا حاليا واقفين فى اللجان اللى ع الطرق ومش هنسكت غير ماترج
تميم : تمام يا مصطفى ، انا جاى حالا
فى المستشفى
خلصت ناديه وسلمى كل حاجه وتميم طلب اوبر واتحركوا علشان يمشوا
ركبوا العربيه واتحركت بيهم
السواق كان هيوصلهم الاول على بيت سلمى وبعدين يوصل ايهاب
ايهاب : انا والله بشكرك جدا ياست الكل على تعبك معايا لولا وجودكم كان زمانى محتاس
ناديه : يابنى متقولش كده ، أن شاء الله تقوم بالسلامه وتبقى كويس
ايهاب : امين يارب
سلمى : بس اهم حاجه تاكل كويس عشان صحتك وتاخد ادويتك فى ميعادها
ايهاب: احم احم ، عنيا حاضر ياقمر
ناديه بصتلهم اوى وهما سرحانين فى بعض : اجيب اتنين ليمون هنا ولا ايه
ايهاب ضحك وبص ادامه وسلمى اتكسفت وبصت من شباك العربية
بعد شويه كانوا وصلوا ونزلوا والعربيه اتحركت بايهاب
فى بيت سلمى
دخلت ناديه وسلمى واول ما دخلوا
حمدى ابو سلمى : يا اهلا وسهلا ، كنتوا فين كده بربطة المعلم
ناديه اتخضت : جرا ايه يا راجل ، خضتنى
حمدى : سلامتك ياختى ، اجيبلك طاسة الخضه ، بقولك كنتوا فين ياوليه
ناديه فى سرها : منك لله ياسلمى الكل|ب انا كنت عايزة امهد الموضوع مش خبط لزقةكده
حمدى : هو انا بكلم نفسى هنا ، ماواحده فيكم تنطق
سلمى هزت امها علشان تتكلم وامها مش عارفه تقول ايه
ناديه : كنت مع سلمى بنطمن على سارة أصلها كانت تعبانه شويه
حمدى : وهو اللى ينزل مش يستأذن الاول ولا ايه
ناديه : تعالى بس يا اخويا ندخل اوضتنا ونتكلم على رواق ، متعكرش د|مك
دخلوا الأوضه وسلمى دخلت بسرعه الاوضه بتاعتها
طلعت التلفون وكلمت ايهاب
ايهاب : لحقت وحشتك ، عمتا انت وحشتينى اوى
سلمى : اسكت يا ايهاب قلبى هيقف
ايهاب : سلامة قلبك ياقلب ايهاب ، ايه اللى حصل
سلمى : بابا كان فى البيت لما رجعنا وفضل يسأل كنا فين وبتاع ، بس مانا أنقذت الموقف
ايهاب : طب الحمد لله ، عمتا قريب اوى أن شاء الله هتبقى بتاعتى ومحدش يقدر يمنعنا عن بعض
سلمى اتكسفت: يارب إن شاء الله
فى اوضة حمدى وناديه
حمدى : انت اتجننتى ياوليه ، ايه اللى بتقوليه ده
ناديه : ياحاج انا محبتش اخبى عليك حاجه والواد انا شوفته ، والله محترم جدا وظابط اد الدنيا
حمدى : حتى لو وزير ، الراجل اللى يقابل بنت من ورا اهلها ويخليها تكدب ، ميلزمنيش
ناديه : طب بس قابله ، متك|سرش خاطر بنتك ياحمدى
حمدى : اوعى كده ياست انت
خرج حمدى برة الاوضه ونده : سلمى ، بت ياسلمى
سلمى : نعم يابابا ، فى حاجه
حمدى : سيادتك رايحه تحبى وتتحبى وتباتى مع راجل غريب فى المستشفى ، ومن غير ماحد يعرف
سلمى بخوف: انا ...انا يابابا والله ماعملت اى حاجه غلط ، والله انا يابابا عارفه الغلط من الصح وحضرتك مربينى كويس
حمدى : وعلشان مربيكى كويس تروحى تعرفى شاب من ورايا ، بس هقولك ايه ، ماهى امك شجعتك
ناديه : ياحاج اتكلم براحه والبت معملتش حاجه غلط و.....
حمدى : استناها بقى لما تعمل الغلط علشان ابقى اعرف اتكلم معاها ، بت ياسلمى
سلمى : نعم يابابا
حمدى : الباب ده مش هتعدى منه تانى غير معايا أو مع احمد اخوكى ، غير كده مفيش خروج وأحمدى ربنا أن اخوكى معرفش حاجه
سلمى : يابابا ارجوك
حمدى : الكلام خلص ، انا داخل اتخمد
سلمى جريت على اوضتها وفضلت تعيط ومش عارفه تتصرف ازاى
عند يوسف وجميله
يوسف: خلاص ياجميله مستعده
جميله إلى حد ما بقت احسن : ايوة خلاص انا جاهزة
يوسف : عايز اخد رايك في حاجه
جميله: خير
يوسف : انا عايز أدى عم محمود قرشين ، يعنى الراجل تعب معانا وشكله غلبان وحالته على الاد
جميله : بس انت كده ممكن تحرجه ، اقولك انت تسيب هنا الفلوس على الكمود وهو لما يدخل ياخدهم
يوسف: فكرة حلوة برضو ، علشان ميتحرجش
يوسف وجميله جهزوا ويوسف طلع مبلغ وحطه على الكومود وخرج هو وجميله برة
عم محمود : خلاص يابنى نويت
يوسف : ايوة ياعم محمود ، كفايه كده بقى ، احنا بقالنا كتير
سميرة : يابنى حتى كنت فضلت لحد ما مراتك خفت وشدت حيلها كده
يوسف : والله ياامى هى بقت بخير الحمد لله ، نرجع بقى نشوف اشغالنا
جميله : احنا بجد متشكرين جدا على كل حاجه ، وبجد لولاكم كنا اتبهدلنا
محمود: يابنتى متقوليش كده والله انتوا نورتونا ، بس ممكن اطلب طلب
يوسف : طبعا ياراجل ياطيب ، اؤمر
محمود: الامر لله ، انا بس كنت عايزكم تيجوا تزورنا تانى وتنورونا ، والله انا اعتبرتكم ولادى
وان شاء الله المرة الجاية تيجوا ومعاكم ابنكم
يوسف ابتسم اوى وقلبه دق وجميله اتكسفت وبصت للأرض
يوسف : أن شاء الله ياراجل ياطيب ، يلا بقى نستاذن احنا
خرج يوسف وجميله وركبوا العربيه ومشيوا
سميرة : والله هيقطعوا بينا ، كانوا مليين علينا البيت
عم محمود: معاكى حق والله ربنا يسعدهم يارب ، يلا بقى قومى جهزى حاجه ناكلها
سميرة : حاضر عنيا ، هدخل أرتب الاوض واجهز الغدا على طول
قعد عم محمود على الكنبه يتفرج على التلفزيون
شويه وسميرة ندهت : تعالى بسرعه يامحمود
جرى محمود عندها : فى ايه
سميرة : شايف الفلوس ، ده كتير اوى
محمود: احسن يكونوا نسيوها ، انا هتصل بيوسف
سميرة : ايوة صح
اتصل محمود بيوسف وعرف منه أن الفلوس ليه بس هو محبش يحرجه وعم محمود شكره جدا
سميرة : ربنا ينجيه يارب ويوقف لهم ولاد الحلال
محمود : امين يارب
جميله ويوسف فى الطريق
يوسف : جميله اوعى تكونى نسيتى علاجك
جميله : لا جبتهم معايا ، بس بصراحه....
يوسف : ايه ، قولى على طول
جميله : بصراحه يايوسف انا جعانه أوى
يوسف ابتسم لها وعلى كسوفها : فى استراحه قريب هقف فيها ونطلب اكل
جميله : ماشى ، يوسف
يوسف : نعم
جميله : انا متشكرة اوى ، على كل حاجه
يوسف : انا اللى متشكر اوى يا جميله
جميله : على ايه
يوسف : على انك ظهرتى فى حياتى ، وعلى أن عرفتك
جميله اتكسفت وشويه ووصلوا الاستراحه
يوسف : يلا تعالى ناكل حاجه
نزلوا سوا واكلوا وجميله دخلت الحمام
يوسف : خلاص كده كله تمام
جميله : اه تمام ، يلا بينا
اتحركوا على الطريق وشويه وظهرت ادامهم لجنه
يوسف وقف بالعربيه والعسكري وقف ادامه وبيبص شاف جميله
العسكرى نده للظابط: ياباشا لو سمحت تعالى
راح الظابط واول ما شاف جميله ........
•تابع الفصل التالي "رواية الاسطى سارة" اضغط على اسم الرواية