رواية زوج للايجار الفصل الثامن عشر 18 - بقلم اميرة محمد

   رواية زوج للايجار كاملة بقلم اميرة محمد عبر مدونة دليل الروايات 

 رواية زوج للايجار الفصل الثامن عشر 18

  

نايا بتوتر : انا انا مكنتش اعرف جيت بس لانها عجبتني ليبتسم الاخر بهدوء وهو يقترب منها ليقول : اهدي بما انك متقصديش فعادي انا بس مبحبش حد يدخل فحته تخصني خاصا عند الحصان بتاعي

ليضع يده علي راس الخيل وهو ينظر لها بتركيز لتبتلع الاخري ريقها بتوتر : طب طب عن اذنك واسفه تاني اني دخلت من غير مستأذن

لتهم بالرحيل لتستمع لصوته يقول بهدوء: تحبي تجربيه لتنظر له سريعا كأنها تتأكد مما سمعته لتجده يبتسم لها : انا مستحيل اسمح لحد يجربه بس سمعتك وانتي بتقولي حابه تجربيه الخيل ده قعدت كتير اوي اروض فيه ومش بيقبل بحد غيري واستغرب انه خلاكي تقربي منه معني كده انه مش رافضك

نايا بتوتر : انا بس لفت انتباهي شكله بقالي كتير اوي مركبتش خيل وبجد جميل اوي لدرجه كان نفسي اجربه بس حاليا مظنش اني حابه

ليرفع الاخر كتفيه بلا مبالاه ليقول بهدوء: همم طب قوليلي الاول انتي مين اول مره اشوفك هنا فالبلد دي عموما

نايا بأبتسامه : انا نايا مرات الياس جينا النهارده بس شكلي مقدرتش اصبر عشان اشوف الخيل بتاعك ليضحك الاخر عليها وهو يقول: ماشي يستي وانا أدهم ابن عم الياس مكنتش اعرف انه اتجوز ولا انه هنا لسه جاي من شويه

نايا بأبتسامه : اتشرفت بيك عن اذنك لينظر لها أدهم بتركيز وهو يقول : بس انا مكنتش بهزر علي فكره تقدري تركبيه وانا هساعدك متخافيش

لتنظر نايا له بتفكير وللخيل لتبتسم بحماس وهي تومئ له سريعا

_________________

يزن بأستغراب : مش شايفه انها حاجه غريبه اوي نايا ولا مره اتصلت وحتي الياس انا بدأت اقلق لتبتسم تمارا بتوتر وهي تقول : عادي يا يزن مش فاكر فشهر العسل بتاعنا مكناش طايقين نكلم حد بعدين هانت كلها يومين ويرجعوا

يزن بأستغراب : مش عارف بس قلقان انا هرن عليها اطمن حتي لتمسك تمارا بالهاتف سريعا وهي تقول بتوتر : استني بس بعدين هو كل تفكير للي بره مش هتبص لمراتك بقي وتهتم بيا ولا اي

يزن بأبتسامه : هاتي يا تمارا التليفون هرن عليها ونقعد براحتك لتقترب تمارا منه وهي تحاول الهائه لتقول بدلع زائف : تؤتؤ ركز معايا انا بس ولا انت معدتش عايزني صحيح معدتش بتحبني صح

يزن وهو يضغط علي اسنانه بغيظ: يا حول الله يارب بدأنا لتبتعد تمارا عنه بغيظ وهي تقول : ايوه قول كده معدتش بتحبني لا في كلمه عدله ولا ابتسامه الشغل واخد كل وقتك مهو مش للدرجادي

ليقترب يزن منها وهو يحتضنها بحب ليقول: عارف اني بقيت مشغول جامد بس حد ينسي روحه ده انتي النفس اللي بتنفسه يا تمارا مهما حصل مستحيل اقدر انساكي

تمارا بضيق : ايوه يخويا اوعي تكون مفكر اني هبله وهثبت لا انسي انا عايزاك تتأكد اني اتثبت خلاص ولا يهمك يمعلم

لتستمع لشهقه خلفهم : استغفر الله العظيم استغفر الله العظيم فبيتي واوضه نوم ابويا بتحضنوا بعض كمان يا أخلاقي اللي هتنحدر بسببكوا انتو اي مش مكسوفين من نفسكوا فين الحيا الاخلاق فين رقم البت اللي كانت معاك اول امبارح يا والدي

لتبتعد تمارا سريعا وهي تنظر ليزن بأعين مشتعله : بت مين اللي كانت معاك اول امبارح انطق ليقترب عدي وهو يجلس علي السرير ليقول بهدوء: متظلميهوش يا تمارا ده يدوب كان الايد في الايد العين قدام العين والبت مكانتش حلوه للدرجادي

لتنظر له تمارا سريعا وهي تقول: بجد يعني مكانتش حلوه اوي ليضرب عدي يده علي راسه وهو يقول بغيظ : منك لله يتمارا هو ده كل اللي لفت نظرك بقولك الايد في الايد ومعرفش اي المهم لا دي يدوب شعر اصفر جسم عارضات ازياء وعيون زرقا وحته كده تفتح النفس

لتشهق تمارا وهي تضع يديها علي فمها لتقول بدموع : بتخوني يا يزن ومع مين مع باربي دي هنت عليك تخوني مع باربي

عدي بضيق : معلش يختي هما الرجاله كده نفسهم دنيه يسيبوا المخلل الحرش ويروحوا للتشيز كيك المسكر الحلو الناعم ابو جسم يهبل

يزن بضيق: انا بدأت أشك فيك ياض بعدين انا مش رشيتك وانت خرست جاي دلوقتي تتكلم ليه انطق لو عايز امك تطلق مش محتاج كل ده يعني قولي وهطلقها انا اصلا زهقت

عدي بصرخه : ظهر الحق ظهر الحق مره عايز يتجوز عليكي مره عايز يخطب ودلوقتي اهه قال زهق عشان اقولك يختي بقيتي شكل ست سعاد جارتنا العجوزه مصدقتنيش

لتبكي تمارا بشده وهي تنظر ليزن : عااااا مكنتش اعرف انك زي بقيت الرجاله يا خاين يا غشاش بتخوني يا يزن وبترشي ابنك الصغير الملاك البرئ

يزن بضيق : برئ اي يختي ده هو اللي طلب اني ارشيه وبعدين انتي فهمتي غلط البت كانت هتقع ورجلها اتنت قمت ماسكها بسرعه

عدي وهو يحرك يديه بحركه شعبيه : يحنين يخويا طب بدل ما تسند اللي بره أسند اهل بيتك اولي بيك شوف الست الوالده كل يوم بتدحرج لتحت ومحدش جه سندها صح متسكتيش وتضيعي حقك قولي صح

تمارا وهي تشير لعدي وتبكي : ايوه صح والنعمه صح ازاي تسيب مراتك محتاجه اللي يسندها وتروح لغيرها يا غشاش انا مش هقعدلك دقيقه واحده في الاوضه دي تاني

يزن بفرحه : بجد والله اقصد يحبيبتي استهدي بالله بس هتسيبي البيت وتروحي فين دلوقتي لتقول تمارا بغيظ : بيت مين يبو بيت اللي اسيبه لا انا قلت الاوضه بس هروح اكل واطلع تاني قال معرفش اي هو انا هناولهالك عارف يا يزن لو سمعت حاجه تانيه عنك هعمل فيك اي همرمطك

لتتركه وهي تخرج غاضبه لينظر الاخر لابنه وهو يرفعه من ثيابه ليقول بغيظ : افهم ذنب مين اللي بيطلع فيا يبن تمارا انت لو ابن ضرتها مش هتعمل كده

عدي وهو يحاول ابعاد يده بغيظ : اه طبعا عايزني اقعد الست الغلبانه نايمه علي ودنها بس كرامتي متسمحليش دمي الحامي دي امي برده لينظر له يزن بعصبيه ليبتسم الاخر ببلاهه ويقول : وممكن ابيعها برده واشرب بيبس يبرد دمي ولا يهمك ييزون يحبيبي

_______________

يستيقظ الاخر علي صوت ضربات علي الباب ليحاول فتح عينيه بأنزعاج ليجر قدميه ويفتح الباب بأهمال لتقول السيده بسعاده : فوق يبني الغدا جهز انا شفت ست نايا عند الخيل من شويه لو حابب هروح اناديها وانت اجهز

الياس بنعاس : لا خليكي قوليلي بس اروح هناك منين وانا هناديلها لتقول الاخري بهدوء : انزل علطول من هنا وهتلاقيه علي الطريق من اليمين عن اذنك بقي

ليحاول الاخر ان يستفيق وهو يقول باستغراب : عند الخيل يبجاحتك عامله نفسها مكسوفه وهي اول ما تشطح تنطح راحت علي الخيل علطول استغفر الله هتجلط

ليبدل ثيابه سريعا وهو يذهب لها ليستمع لصوت ضحكات منها مع ضحكات رجوليه ليسرع وهو يشعر بعصبيه لا يعلم سرها ليجدها تجلس علي الخيل وشخص ما يمسك وثاق الخيل ويحاول مساعدتها

نايا بضحك شديد : يالاهوي بقالي كتير اوي مجربتش اركب خيل الاول كنت بركبه علطول بس بعد الحجم اللي شايفه ده بقي صعب عليا اتوازن

أدهم بغمزه: عيب عليكي مع أدهم مفيش مستحيل بعدين يستي ماله وزنك انتي قمر مش محتاجه اي تظبيط يا بخت الياس بيكي

ليجن جنون الاخر بعد سماعه لتلك الكلمات ليقترب منهم بعصبيه كادت تحرق الارض اسفله ليقول بصراخ : نايا بتعملي اي هنا

لينظر له أدهم سريعا وهو يبتسم له ويذهب ليحتضنه : الياس ازيك يا راجل مش تيجي تسلم فاكرني الاول ولا الايام نستك لينظر له الياس ببرود وهو يقول : ازيك يا أدهم عامل اي

نايا بسعاده : انا لقيتك هتنام وانا مش جايلي نوم ولما شفت اسطبل مقدرتش اتحكم فنفسي وجيت واتعرفت علي أدهم وسمحلي اركب الخيل بتاعه بجد جميل اوي

الياس بغيظ : اه لا كتر خيرك يا أدهم متشكرين علي خدماتك ياريت متكررهاش مره تانيه لاني بخاف علي نايا ليبتسم أدهم له وهو يقول : متقلقش علي نايا مستحيل اضرها اظن استمتعت معايا وبصراحه الوقت معاها ميتشبعش منه محظوظ راجل زيك لأنك لقيتها

ليزداد ضغط الاخر علي يديه بغيظ وهو يحاول تصنع الابتسامه لتحاول نايا النزول ليركض أدهم ليساعدها ولكن يصل له يد الياس وهو يضغط علي يديه بعصبيه : شكرا قلتلك خليلك مساعداتك انا اقدر اساعد مراتي كويس

لينظر أدهم له بأحراج وهو يبتعد ليقترب الياس وهو يضع يديه علي خصر نايا ويحاول انزالها وهو ينظر لها بعصبيه لم تستطع تفسيرها

الياس ببرود : عن اذنك وكويس اننا اتقابلنا ليسحب نايا دون كلمه اضافيه وهي تحاول مجاراه خطواته السريعه ليصل بعد فتره للغرفه ويغلق الباب بعصبيه

نايا بخوف وهي تبتلع ريقها بتوتر : الياس في اي مالك ليقترب الاخر وهو ينظر لها بثبات : كنتي بتعملي اي معاه

نايا بتوتر : هكون بعمل اي منت شفت انا بس كنت حابه اركب الخيل وهو عرض عليا يساعدني مش اكتر بعدين أدهم شكله شخص لطيف هو عارف اني مراتك

الياس بعصبيه هامسا : اخرسي لولا مش عايز اعلي صوتي فأول يوم نيجي فيه قدامهم عشان ميشكوش كنت عرفتك تقفي معاه وتضحكيله ازاي

نايا بعصبيه هامسه: وانت هامك اي اضحكله ولا اضحك لغيره اوعي تكون نسيت ان جوازنا مجرد صفقه مجرد ما تنتهي كل واحد يروح لحاله

الياس بعصبيه :اوعي تفكريني ميت عليكي وواقع فحبي لشوشتي ميهمنش بس متنسيش ان لغايه لما الصفقه تنتهي انتي مراتي يقولوا عليا اي وانا نايم ومراتي مع واحد تاني نازله ضحك وملامسات فأول يوم ليها هنا اي مصدقت

لتنظر له نايا بصدمه وهي تقول : انت اكيد اتجننت عارف بتقول اي ملامسات اي اللي كانت بتحصل هو حتي ملمسنيش ولا قربت منه ازاي تسمح لنفسك تقول كده

الياس بعصبيه وهو يضرب الحائط خلفها : اسمعي يا نايا لغايه لما نمشي من المكان ده اياكي اياكي تستفزيني وقتها هنسي اتحكم فأعصابي ومتلوميش الا نفسك

ليقطع حديثهم صوت ضربات علي الباب : استاذ الياس الكل مستنيينكوا تحت علي الغدا لينظر الاخر لنايا وهو يقول بتحذير : هننزل دلوقتي وهنمثل اننا اسعد زوجين وبنحب بعض هتضحكي وتغيري ملامحك ومظنش صعب عليكي مثلتي كتير قبل كده

لتنظر له نايا بأعين دامعه وهي لا تستوعب ما قاله وكم الإهانات التي تتلقاها منه الان لتقول في سرها بعصبيه: ماشي يا الياس ان ما ندمتك علي كل كلمه قلتها وتمثيل بتمثيل هعرفك

_______________

عاصم بهدوء: فكرتي هنعمل اي اظن عدي اكتر من يومين وقلتي لازم تجهزي حاجه لنايا تفتكرها لتنظر له نرمين ببرود وهي تحرك العصير في كأسها بخبث لتقول : بس كلامي دلوقتي بدولارات

عاصم بسخريه: وكأني مش عارف انك زيي شخصيه خبيثه مفيش كلمه بتطلع منك إلا وراها مصلحه اخلصي

 لتقول نرمين بخبث : صح وعشان كده مكملين مع بعض لغايه دلوقتي يعصوم المهم الفلوس تتحول علي حسابي اما الخطه فأنا لقيت حد يساعدنا نعرف كل حاجه عن الياس ونايا

عاصم وهو يعتدل في جلسته سريعا بتركيز : قصدك اي وعرفتيه ازاي وهو مين لتقول نرمين بهدوء: علي مهلك وهتعرف كله

لتقترب وهي تنظر لعينيه لتقول بخبث : الفرصه جتلنا علي طبق من دهب ومش هتصدق من مين ليقول عاصم بأستغراب : من مين

لتعتدل نرمين سريعا وهي تقول : من اقرب حد لسي الياس طلعت نايا مخبيه بلاوي عننا الهانم لا هي بره البلد ولا استاذ الياس غني طلع حتي معهوش جنيه

عاصم بصدمه : انتي بتقولي اي اكيد اتجننتي ازاي يعني ده لتقول نرمين وهي تجلس بثقه : انت غبي يا عاصم كنت مهتم بنايا وازاي توصلها بره البلد ومشغلتش مخك تلاحق الياس ولا عيلته والأهم منهم مشغلتش عقلك تلاحق ظل نايا

عاصم بأستغراب : ظل نايا مين قصدك .. لتبتسم نرمين بثقه وهي تقول : بالظبط نونيا وتالي محدش مفكر أن كتره الذكاء فحد ذاتها غباء

عاصم بضيق : اخلصي يا نرمين مش وقتك مضيعيش وقتي

نرمين بخبث : اللي اقصده نونيا اتحدتني وانا حلفت لكشفهم نونيا مفكره نفسها اذكي مخلوق ودايما الذكي بزياده مش بيفكر انه ممكن يتكشف وحد يعرف حاجه عنهم انا حطيت شخص يراقبها هي وتالي ويمشي وراهم اكتشفت انهم بيروحوا لمكان معين فحاره كل فتره وطولوا الفتره اللي قعدوا فيها جوه ولما اتحريت علي المكان برايك اكتشفت اي

عاصم بسخريه: اكتشفتي اي يا عبقريه زمانك لتقول نرمين بأبتسامه شامته : سر نايا العظيم ان الحاره العظيمه دي هي قصر الياس بيه اللي كانت بتقنع كله بيه وان الياس شخص فقير معندوش جنيه كل اللي عنده بيت صغنن في الحاره دي مع اخته وأمه

عاصم بصدمه : مستحيل وكل اللي شفناه والجيم اللي اتاكدت منه بنفسي وعربيه اخر موديل

نرمين بضحكه شامته : طلعت نايا اللي جيباهم أهلها معرفوش انها سحبت فوق ١٢ مليون علي التجهيزات دي من حسابها غبي يزن لو فكر يبص علي كشف حساب البنك هيلاقي مبالغ مهوله اتسحبت منه

عاصم بصدمه : انا مش قادر اصدق كل ده طب ليه عملت كل ده لتزم الاخري شفتيها من غبائه لتقول : غبائك هيجلطني بس معلش انت اتحديتها في اليوم اياه انها فخلال شهر تكون متجوزه وهي مستحيل تلاقي حد يقبل بيها فخلال شهر كل اللي عليها انها اجرت واحد

لتقترب منه وهي تقول بسخريه : يعني الياس زوج بالايجار جابتله كل حاجه واتفقت معاه علي مبلغ مقابل يمثل حبه ويتجوزها لفتره وبس

عاصم بعصبيه وصراخ: يبنت ال موتها علي ايدي يعني خسرتني كل حاجه بلعبه غبيه منها بس علي مين يا نايا وحياه امي لعرفك

نرمين بخبث : اهدي اللي جاي اتقل انا عرفت ثغره اقدر ادخل ليهم منها شخص هيقدر يساعدنا فكل حاجه ويوصلنا أخبارهم نقطه بنقطه وغير كده هنفضل نمثل اننا معرفناش اي حاجه لغايه لما نكشف كل حاجه لعمك المسكين برايك حلو فحقنا نعرف ان بنته بتخدعه ومنقولوش

عاصم بخبث : لا طبعا ودي تيجي لازم نعرف عمي عمايل بنته وجوزها الملياردير الشحات ليضحك الاثنان بخبث وهم يجهزون خطه لتوقع بنايا والياس في شر اعمالهم

_______________

حسام بغمزه : ها بقي بقالنا ساعه قاعدين وحضرتك محنتيش عليا بكلمه حتي لتنظر له روجينا بملل وهي تقول : قصره يا حسام جاي ليه بقالك ساعه قاعد تبصلي

حسام ببرود : لأنك وحشتيني اي بلاش اجي اشوف مراتي لتنظر له الاخري بسخريه لتقول : مبلاش المسرحيه دي واحنا لوحدنا انا وانت عارفين اللي فيها

حسام ببرود : واي اللي فيها لتنظر له الاخري بعصبيه وهي تقول: يووووه بقي هو غصب انا مش بحبك يا اخي هي المسأله عافيه مش بطيقك يا حسام اخري اشوفك كأخ وبس

حسام وهو يبتسم ببرود : اهدي يا حبيبتي ليطقلك عرق ولا شعرك يبيض مش عارفه ان العصبيه بتبيض الشعر بسرعه وانا مش حابب يقولوا ان العروسه اكبر من العريس صح

روجينا بصدمه : انت مش معقول اكيد في فعقلك حاجه ليقترب حسام منها وهو يقول بغمزه : مفيش غيرك وحياتك فقلبي وعقلي مستحوذه علي الاتنين

لتزم الاخري شفتيها بضيق وهي تقول: شكلنا بدأنا وادي الحكايه باينه من اولها صبرني يارب علي وجع الدماغ

________________

يجلس الجميع مع بعضهم بتناغم لا يقطعه سوا نظرات شراريه من الياس للجالس امامه ليبتسم الاخر بتسليه له وهو ينظر لنايا مجددا

الياس وهو يضغط علي اسنانه بعصبيه: خير يا أدهم يا حبيبي الاكل فطبقك مش فوش نايا ليبتسم الاخر وهو يقول بهدوء: منا عارف بس مفيش مانع الواحد يبص لحاجه تفتح النفس مع الاكل ولا اي

لتتوقف الاخري وهي تكاد تبصق ما في فمها من حديثه الوقح أمام الجميع ليشتعل الياس بغيظ وهو يقول : ومالو انا مكنتش اعرف ان مراتي بتفتح النفس اوي كده علي كده نبدل الاماكن وتبصلي انا يمكن أسد نفسك وتقوم يعني شايفك قربت تبلع السفره باللي فيها

أدهم وهو يبتسم بأستفزاز : لا معلش انا مرتاح كده ليحاول الياس الوقوف وهو ينوي قتله لتمسك نايا بيديه سريعا

لينطق العم الأكبر بهدوء: اقعد يبني معلش هو أدهم كده بيحب يهزر كتير وانت يا أدهم خف شويه علي الياس هو يومين اللي قاعدهم مش حابين ندايقه فيهم وياخد فكره غلط عنك

أدهم ببرود : ومالو انا معملتش حاجه غلط انا ببدي برايي بس الجمال لازم يتقدر وانا مقولتش غير ان مراته جميله

لينطق الاخر بتسليه وهو يمسح الدماء بجانب فمه : تؤتؤ مكنتش اعرف ان ايدك تقيله كده يا الياس بس شكلنا هنتسلي اليومين دول اوي

الياس بعصبيه : انا لا يمكن اقعد في البيت ده انا ومراتي بعد اللي حصل لينطق عمه بعصبيه : الكلام اللي بتقوله ده مش هيحصل انت ضيفي ومهما حصل مش هتمشي بالمنظر ده أدهم اعتذر لالياس وملكش دعوه بيه تاني

أدهم وهو يصطنع الحزن : كده يا والدي انا كنت بهزر معاه بس الظاهر الياس بقي قفوش اوي يلا معلش تتعوض يا الياس يا حبيبي

ليقترب الاخر منه بتسليه وهو يقول : عديها يا الياس يحبيبي ده لسه يومين قدامنا نعاتب بعض براحه وعلي مهلنا خالص ولا اي

ليتابع وهو ينظر لنايا بتسليه ليقول : دي شكلها هتبقي ايام عسل ولا اي هنتسلي اوي

• يتبع الفصل التالي اضغط على ( رواية زوج للايجار ) اسم الرواية