رواية داليدا كاملة بقلم سولييه نصار عبر مدونة دليل الروايات
رواية داليدا الفصل الاول 1
-اه
قولتها وانا بحط ايدي علي راسي بعد ما الكورة خبطت فيها …
-يا خبر أنا آسف يا انسة …آسف بجد ….
قالها شاب وهو بيجري عليا ..اتوترت وبصيت الأرض وانا بقول :
-مفيش مشكلة حصل خير …
-بجد مفيش حاجة لو حابة تروحي الدكتور…
بلعت ريقي ولسه هرد عليه عشان امشيه صوت عالي جمدني في مكاني وقال:
-داليدا …
جسمي اترعش وعيوني دمعت وانا بحسه بيقرب مني ….مسك ايدي وضغط عليها كنت حاسة ان عضمي بيتك*سر تحت ايديه ….
الشاب اللي قدامي اتوتر من نظرات جوزي فقال:
-الكورة خبطت فيها …
-هي خلاص كويسة ..
قالها ببرود فالشاب مشي بسرعة وانا استنيت اواجه مصيري …استنيت يهي*نني مرة تانية …ويبه*دلني …
-علي البيت قدامي يالا …
بإستسلام مشيت معاه ….
…..
بعد صمت مر*عب في الطريق …وصلنا البيت أخيرا ….فتح الباب وزقني لجوا …
-عمرك ما هتبطلي قر*فك…
رجعت لورا وانا خايفة وقولت:
-الكورة خبطت فيا و….أه …
صرخت لما شال من وشي النقاب وقال:
-النقاب ده مش ليكي …انتي واحدة رخي*صة مينفعش تلبسيه ….
-علي والله الكورة …أه ..
صرخت مرة تانية لما ضر*بني بالقلم ووقعت علي الأرض …
-ابوس ايديك كفاية انا معملتش حاجة و*حشة لده كله أنا …
شدني من شعري الطويل وقال:
-حاولت اربيكي.واخليكي انسانة بس انتي مصممة تبقي حيو*انة…قولت معذورة ملكيش اهل يربوكي مي*تين من زمان …فالتمستلك العذر …لكن عذرك ايه دلوقتي ….اروح ثانيتين أشتري علبة سجاير الاقيكي خر*باها مع الرجالة …
-حرام عليك …حرام عليك انت بتقول ايه ..بتقول ايه اتقي الله ….
نزل جمبي وفضل يضر*ب فيا وهو يصر*خ :
-ليه انتي مش محترمة ليه…انطقي !!!
كنت بصرخ وبعيط وانا بترجاه يبطل يض*ربني بس كان بيضر*بني كأني بهي*مة …حسيت نفسي اني خلاص هم*وت لما قام من عليا وقال وهو بينهت..
-.عمرك ما هتكوني انسانة محترمة عمرك ..هتفضلي دائما رخي*صة …
وبعدين سابني اعيط ودخل الاوضة …ضميت رجلي وانا ببكي بقه*ر …ببكي علي كرامتي اللي اتها*نت منه …ببكي علي الحب اللي حبتهوله واتحول لكر*ه دلوقتي بفضله وببكي علي قلبي المك*سور …ببكي اني مليش حد غير ربنا ألجأ ليه …لا اب ولا أم…اهلي ما*توا من صغري واللي ربتني جدتي وهي كمان اتو*فت بعد جوازي ودلوقتي مليش حد فعليا …عشان كده مضطرة استحمل واسكت …حتي رافض يديني تليفون استخدمه …رافض يخليني اطلع …محاصرة كليا ومش قادرة اتخ*لص منه ….يا ربي امتي ارتاح …
……
بعد لحظات …قومت واخدت دوش ومسحت الدم من بوقي ومناخيري واتوضيت وصليت …وانا بدعي ربنا أن يرحمني من العذ*اب ده …
……
بعد شوية ..
روحت اوضة الاطفال اريح جسمي …كنت بحمد ربنا علي الاقل مخلفتش من الإنسان ده …غمضت عيني عشان انام بس اتجمدت لما حسيته دخل الاوضة وعينيا دمعت …قرب مني وقعد جمبي وقال:
-انا اسف يا داليدا…مكنتش اقصد ابقي قا*سي كده بس انا بغير عليكي …وبغير عليكي عشان بحبك … المهم قومي يالا صاحبي جاي عايزاكي تعمليلنا أكلة من ايديكي الحلوين دوول
وكالعادة اقعدي في المطبخ لحد ما يمشي ..عشان عارفاني بغير…
…..
بعد ساعة صاحبه جه وانا التزمت المطبخ …مكنتش لابسة النقاب عشان المطبخ حر وقولت اكيد محدش هيجي المطبخ …كنت لابسة الحجاب علي راسي وواقع شوية وباين شعري وعملت الاكل بسرعة وجه علي واخده …كملت عمل العصاير والكيك ليهم لما حسيت بخطوات قربت مني …لفيت على أساس أنه علي بس لقيت صاحبه …جسمي اترعش برعب …ضحك صاحبه بسماجة وقال :
-علي دخل الحمام فقولت اجي أنا واجيبلك الاطباق …
-برا ..اطلع برا ..
قولتها بر*عب …بس اتجمدت تماما لما لقيت علي وراه وعينيه حمرا من الغض*ب !!!
- يتبع الفصل التالي اضغط على ( رواية داليدا ) اسم الرواية