رواية قلبي مريض بها كاملة بقلم ندي ابو اليزيد عبر مدونة دليل الروايات
رواية قلبي مريض بها الفصل الاول 1
على جثتى انى اتجوز
انا مش عايزه أتجوز انا
هتتجوزيه غصبٍ عنِكِ انتى مفكره حالك ايه هتمشى كلامك على ابوكى إياك
لا يا بابا انت عارف رأيى كويس فى الموضوع ده
وانا اديت كلمه للرجاله ومش هجدر ارجع فيها واصل عاوزانى ابجى عيل جدامهم
يا بابا ازاى تعمل كده من غير ما حتى تيجى تقولى او تاخد رأيى
اجى اخد رأيك….؟
من الواضح اكدهِ انى غلطت يوم ما سيبتك تكملى علامك فى البندر ودخولك الجامعه خلاكى تجوليلى ان بجى ليكى رأي وعاوزه تجوليه كمان
الجوازه دَى هتم يعنى هتم ومش هرجع فى كلامى مهما حُصُل
يكون فى معلومك كتب الكتاب النهاردهِ
جلست ساره وهى لا تصدق ما سمعته اذنيها أهذا هو والدها المتحضر الذى لا يفكر بهذه الطريقه الرجعيه أهذا هو انا لا اصدق……
ظلت تبكى بشده
على الجانب الأخر…..
كان يقف شاب فى عمر 30 سنه أمام المرآه يتفصح شكله لآخر مره ويضع بعض من العطر ويرتدى العمه والجلباب الصعيدى
اخيرا هشوفك انا مش مصدق خلاص انى هشوفك وان الليله كمان هتبقى مراتى وحشتينى اووى يا ساره وحشتينى اووى خلاص النهارده هشوفك بعد 7 سنين دراسه فى القاهره
يارب تطلعى بتحبينى ذى ما بحبك……..
عند ساره
ماما ارجوكى ازاى بابا عايزه يجوزنى احنا مش كنا قفلنا الموضوع ده
يا حبيبتى اهدى والله ما اعرف حاجه ابوكى مش راضى يقولى اى حاجه
هو بيفكر فى ايه ازاى عايز بعمل كده فيا
أكيد فيه حاجه فى دماغه ما انتى عارفه ابوكى
وبعدين يلا لازم تجهزى يا بنتى مفضلش غير ساعتين
حاضر يا ماما حاضر
وهى خارجه ربنا يهديكى يا بنتى
يستحيل الجوازه دى تتم انا لازم أتصرف وخطرت فى بال ساره فكره وبضحكه خبيثه عرفت انا هعمل ايه وبدأت فى تنفيذ الخطه…..
مرت العديد من الساعات فى التجهيزات والفرحه فى جميع اركان البلده لأنه فرح ابنه كبير الصعيد يجب أن يفرح الجميع الصغير قبل الكبير
بينما العريس والعروس فى تجهيزاتهم لكتاب كتابهم
قول ورايا يا ابو العروسه زوجتك ابنتى وموكلتى
قول ورايا يا عريس وانا قبلت زواج ابنتك وموكلتك
وبعد دقائق سمعنا الجمله الشهيره بارك الله لكما وبارك عليكما وجمع بينكما في خير
يلا اطلع لعروستك يابنى
حاضر يا عمى
صعد بخطوات سريعه حتى يراها لقد صبر عليها العديد من السنوات وهى بعيده عنه لم يستطيع التحمل أكثر لا يصدق انها اصبحت الآن زوجته ويمكن أن يراها ويستطيع ضمها واخذها فى حضنه
دق دق
لم يجد رد
دخل رأها فى ثوبها الابيض الرقيق الذى اختاره لها حتى ترتديه وعلى رأسها وشاح يغطى وجهها
وهذا ما ذادها جمالا فوق جمالها
انطلق إليها بخطوات هادئه قام بالوقوق امامها وأزال الغطاء عن وجهها نظر إلى ملامحها يتفحصها لا يصدق انها أمامه
فجأه ظهرت معالم الغضب الشديد على طارق
انتى مين يا بت انتى وفين ساره
معرفش يا بيه والله
بغضب وعصبيه يعنى ايه متعرفيش ليه لابسه الفستان
ست ساره قالتلى إلبسيه وكان لازم انفذ أوامرها
قوليلى راحت فين انطقى
معرفش والله ما اعرف ابوس ايدك سبنى
سابها وخرج وبسرعه نزل لتحت
فى ايه يابنى مالك وايه إلى منزلك
ساره هربت يا عمى ساره هربت
انت بتقول ايه
يا حراااس اقلبو الدنيا عليها مش عايزه حد لا يدخل ولا يخرج من الفله
كانت متخفيه فى عبائه سوداء ومختبئه فى الحديقه
اووف الحمد لله مفيش حد على البوابه
جاءها صوت من خلفها
ساره بخضه طارق…..
(ملحوظات كده طارق متعلم عشان كده بيتكلم عادى وأبو ساره بيتكلم صعيدى طبيعى بس مامتها كانت من القاهره فطبيعى انها تكون بتتكلم كده وساره نفس الكلام……♥️)
- يتبع الفصل التالي اضغط على ( رواية قلبي مريض بها ) اسم الرواية