رواية دحيحة الدفعه الجزء الثاني (2) الفصل العاشر والاخير 10 - بقلم يارا عبد السلام

 رواية دحيحة الدفعه (كاملة جميع الفصول) حصريا عبر دليل الروايات بقلم يارا عبد السلام

رواية دحيحة الدفعه الجزء الثاني (2) الفصل العاشر 10

امن الجامعه جالها:انتى سارة

_ايوا

_تعالى معانا انتى متحوله للتحقيق

_اي لى أنا عملت اي

_اتفضلي معانا وهتعرفي عند العميد هناك ..

ساره مشيت وراهم وهى خايفه جدا وقلبها مقبوض ..

دخلت عند العميد وكانت فيروز قاعده معاه ومعاها مالك ..

العميد:انتى سارة الشحات

_ايوا يا فندم..

طلع صور من موبايله ورفعها ليها :دي صورك..

ساره بصت في الارض بخوف وتوتر وبدأت تعيط

فيروز:منظرك اي قدام نفسك وقدام اهلك وزمايلك لو شافوا الصور دي انتى مفكره أن الولد دا هيتأذي لا بالعكس انتى اللى اتأذيتى كان عقلك فين وانتى بتعملى كدا للاسف انتى اللي زيك أساء للطب واللى بيخرجوا منه لانك المفروض تكونى ملاك رحمه وللاسف مفيش ملاك رحمة بالقذا*ره دي..احنا مضطرين نكتفى بفصلك من الكليه بس علشان امثالك ميكرروش القر*ف دا تاني ..

ساره عيطت:أنا اسفه..ارجوكو سامحونى..أنا مستعده اعمل اي حاجه بس ارجوكوا متفصلونيش أنا أهلى صعايده وممكن يقتلونى لو عرفوا اللى حصل دا..

وقربت من فيروز:انتى اكيد ام وعارفه اللى ممكن يحصل ارجوكى متعمليش كدا واوعدك انى مليش دعوة بأي حد تاني ..

فيروز:المشكله انى فعلا عندى اولاد وبنتى تبقى البنت اللى اذيتيها يا سارة وانا طول عمري مش بقبل بالظلم علشان انا شوفت كتير وانتى غلطى ولازم تتحاسبي سواء علشان بنتى أو غيرها..

العميد:علشان كدا هنكتفى بفصلك شهر وهتتحط في الملف بتاعك بس..

ساره عيطت اكتر..

فيروز:اسفه دا اللى لازم يحصل علشان متتكررش تانى أنا محبتش افصلك نهائي وصدقيني وقتها مكنتيش هتعتبي اي كليه أو جامعه على مستوى الجمهورية كلها بس اكتفيت بالعقاب دا وبعد كدا خليكى فى حالك يا ساره وامشي جنب الحيط دى نصيحه منى ليكي علشان لو اي حاجه من دي اتكررت مش هتنازل انى ادخل اهلك في الموضوع ..

يلا امشي ..

ساره هزت راسها وخرجت في صمت..ومشيت نهائي من الكليه ...

بتلوم نفسها على اللي عملته اكتشفت انها اقل أقل مما يكون وعمرها ما هتوصل لمستوى بسمه ولا امير وهم فعلا  من العادى يكونو لبعض هى مش من نفس مستواهم ولا ليها علاقه بحياتهم ،كانت ماشيه في الدنيا بدراعها لحد ما في يوم وليله دراعها انكسر ومبقاش ليها عين ترفع راسها ولا عينيها في اي حد ...

مالك خرج ودور على بسمه بعنيه لكن عينيه وقعت على بنت جميله اووي قاعده مع صحابها فضل باصص عليها شويه ومتابع كل تحركاتها وتعابير وشها من الضحك للتكشيره لغيره..

وبعدين شاف بسمة رايحه عندها وسلمت عليها وحضنوا بعض قام رايح ناحيتها ونادى على بسمه ..

_بسمة

_مالك!

بسمه بصت لغادة:عن اذنك ..

غاده بابتسامه جميله:اتفضلي..

بسمه قربت من مالك:مالك اي جابك هنا.

_جاي مع امك ياختى ..

_اممم قولتلى..

_الا قوليلي يا بسمه مين القمر..

_انا بسمه اختك يا مالك..

_يا بومه قصدي على اللي كنتى واقفه معاها دلوقتي

بسمه علت صوتها:دي غاده صحبتى..

مالك :الله يخربيتك فضحتينا..

وشدها وخرجوا برا الجامعه ..

ركب وركبت معاه

_امممم قولتيلى في سنه تالته يعنى قد امير.

_اه في حاجه..

_لا مفيش ..

_انا شامه ريحة اعجاب بس اذا كان كدا أنا موافقه ها نقول مبروك

_اخرسي يا بت

_خرسنا ..

في المساء 

كان الكل متجمع العائلتين عيلة بسمة وعيلة امير ..

بسمة كانت فرحانه جدا وكذالك امير..

ياسين قرب من بسمه:بسمه تعملى معايا حركة جدعنه بقى وتعملى خطوبتك في المطعم بتاعى وانا هظبتك..

بسمه بتفكير:صدق فكره ياض يا ياسين وانا موافقه وهكون اول المدعومين ليك يا باشا ..

ياسين:تسلمى يا اخت مراتى يا رب..

بسمه بضحك:مش موافقه

_خلاص يا به بقى أنا هروح اقول لامير على اللى كنتى بتعمليه واحنا صغيرين ومعايا ليكى صور عنب .. 

بسمة:ولا تعالى هنا..ياسين

كان مشي وراح ناحية امير ووشوشه وامير يصلها وهى بصت في الارض بتوتر وبصت لياسين بتحذير..

قاطعهم كلام حسن ومراد وهم بيقولو :نقرأ الفاتحه..

الكل رفع ايديه وبدأو يقرأو الفاتحه وكانو فرحانين جدا ..

خلصوا ومليكه قربت من بسمه وحضنتها وكذالك فريده وملك وحبيبة ..

ياسين اتكلم:احم يا عمى اعمل معايا الصح بقى وخلي الخطوبة عندى في المطعم يوم الافتتاح علشان المشروع ينجح يا حاج..

مراد ابتسم بإعجاب لياسين على فكرته:وانا موافق..

ياسين رفع أيده يدعيله بفرحه:تسلم يا حمايا يا غالى ..

وبص لملك :شوفتى ابوكى بيحبنى ازاي..

ملك ضحكت عليه والكل ضحك..

عمر:لما نشوف المشروع دا هيتعارض مع دراستنا ولا اي ومراد مش هيوافق عليك الا لما تدخل هندسه يا ياسين..

ياسين بص لمراد :وانا قد ثقة عمى فيا 

مراد ابتسم:وانا واثق فيك يا ياسين..

مالك:كدا ناقص أنا يا حج مرتبطش وكدا ظولم

فيروز:دور على بنت الحلال واحنا نجوزهالك ..

مالك:ياااه امتى بقى تيجي بنت الحلال دي..

الكل ضحك عليه ومعاذ همسله:منصحكش..

مليكه بتحذير:بتقول حاجه يا معاذ

_لا يا قلب معاذ

الكل ضحك عليهم وحسن قال:أنا شرف ليا يا مراد أننا بيقينا في رابط بينا وهم امير ابنى وبنتك بسمه اتمنى أننا علاقتنا تكون اقوى من كدا..

مراد:ان شاء الله وامير هيكون زي ولادى وطبعا طول ما هو مش بيزعلها وبصله..

امير بص لبسمه بابتسامه:مقدرش ازعلها ..

بسمه ابتسمت بخجل..

ياسين:عيشت وشوفت بسمه بتتكسف!

محمد نغزه يسكت وياسين ضحك وسكت..

وبسمة بصتله بغيظ..

معاذ بص لمراد:أنا عاوز اتجوز بقى يا حاج..

مراد بهدوء:بعد السنه دي 

معاذ بغيظ:طب وفيها اي دلوقتى

_معاذ!

_حاضر..

سما بصت لفيروز:شكرا يا فيروز على كل اللي عملتيه رغم اللي حصل بينا زمان..

فيروز بثبات:أنا متربتش ولا اتعلمت انى ارد الاساءه باساءه يا سما ولولا انى شوفت الحب في عيون ابنك لبنتى عمري ما كنت هوافق..

سما:صدقيني امير غير اي حد 

_منا عارفه وكمان مضطره اصفالك علشان كفايه كدا انتى هتكونى حماة بنتى..

سما بفرحه:يعنى خلاص انتى مساحانى يا فيروز

_اممم مسامحاكى..

مراد بص لفيروز بإعجاب وهى بصتله بثقة ..

فريده:ممكن بقى يا عمو تاخد الشباب وتخرجوا برا عاوزين نفرح بعروستنا..

مراد بص لمالك وهوا فهم وخد الشباب وخرجوا ووراهم عمر وعلى ومراد وحسن...

فريده قامت وراحت شغلت اغانى وراحت ناحية بسمه وخدتها من ايديها ومعاهم مليكه وملك ومريم قامت معاهم وكذالك فيروز وسما وسلمى وكانو بيرقصوا وبيغنوا مع الاغانى وهم فرحانين جدا ..

وكل واحد بيتمنى من جواه أن الفرحه دي تفضل ماليه حياتهم ومفيش حاجه تانيه تيجى تعكر مزاجهم..

كل واحد يتمنى لغيره السعاده باقي حياته وتفضل الضحكه منورة وشه ..

*ربنا دائما بيرزقنا والرزق دا يا يكون اخ او اخت أو عيلة كامله بتحبك وبتخاف عليك ،ناس واقفه في ضهرك في الحلو والوحش ،لما بتعمل غلط بيعاقبوك اه بس العقاب بيكون على قد حبهم وحنيتهم عليك بيبقى بالنسبالك مش عقاب بيبقى كأنك بتاخد هدنه أو ترفيه من الحياة الحلوة اللي عايشها ،لما بتقع في مشكله بيبقو اول ناس يعرفوها واول ناس بتجري عليهم وقت ضعفك واحتياجك للى يقف جنبك مش بتفكر في اي حد غير ابوك أو امك ترمى همومك عليهم وبعدها ترتاح لما تلاقيهم واخدين مشكلتك كأنها عاديه ويقعدوا معاك ويساعدوك في حلها ،افضل ناس ممكن يحلولك مشكلتك من غير ما يفتنوا عليك ولا يتكلموا عليك من ورا ضهرك ،يا بخته اللى عنده عيله كدا ويا بخته اللى يلاقى الشخص اللي بيمثل جزء كبير من حياته الشخص اللى لما بيحتاجه بيلاقيه في اي وقت والشخص دا هوا في الاول وفي الاخر هوا عيلتك💙*

عدي تلات شهور وكانو اجمل تلات شهور على ابطالنا..

بسمه وامير قربوا من بعض اكتر وبالفعل حددوا ميعاد الخطوبه يوم افتتاح مطعم ياسين اللى هوا بعد اسبوع..

معاذ ومليكه حبهم كل يوم بيزيد عن اليوم اللي قبله وخلاص اتفقوا على فرحهم بعد تخرجها اللى هوا بعد شهرين..

محمد كل يوم بيقرب اكتر من فريده وفريده بدأت بالفعل تعجب بيه وكلم عمه اللى استغرب أن بنته اللى عندها ١٦سنه بتحب ابن عمها اللى هوا ١٩سنه!!!وطبعا محمد كبر في نظره لكن مقالش كدا ووقف قدامه وقاله..

_وانا مش هديك بنتى الا لما تتخرج وتشتغل في الشركه بتاعتنا..

محمد وافق طبعا لانه على قد حبه ليها على قد ما هوا مستعد يعمل اي حاجه علشانها..

طبعا ياسين كان متابع مطعمه اللي بيتعمل وكان مشغول بدراسته اكتر وبقى بيذاكر بليل وبيتابع المطعم بالنهار لدرجه انه خس وبقى تعبان جدا لكنه كان بيعافر عشان يدخل الكليه اللي أبوه ساومه بيها ومن ناحية تانيه بيحقق حلمه اللى بقاله سنين بيحلم بيه علشان يحققه..

أما مالك بقى فهو كان بيراقب غاده من بعيد لبعيد وتقريبا عرف عنها كل حاجه وخلاص مستنى الوقت المناسب أنه يدخل حياتها ...

في اليوم اللي قبل الحفله..

بسمة خرجت من الامتحان وهى مرهقه جدا بقالها شهر بتمتحن وكان أمير واقف مستنيها 

امير:ها سبع ولا ضبع

بسمه بثقة:عيب عليك ضبع طبعا..

أنا كام مره اقولكوا أنا مش وش تعليم وكفايه عليا كدا وقعدونى في البيت..

امير:لى عملتى اي ورينى كدا ..

طلعت الورقه وورتهاله:بذمتك دا امتحان دا شبه الدكتوره اللى بتدي الماده بالظبط سبحان الله..

امير :عملتى اي في السؤال الاول..

بسمة بغباء:دا اختياري معملتهوش..

_طب والتاني..

_كان اجباري معملتهوش برضو أنا محدش يلوي دراعى..

_طب عملتى اي في السؤال التالت

_هوا في سؤال تالت ..!

امير اتنهد بعصبية:امال انتى عملتى اي..

بسمة:متزهقش عليا متحسسنيش انك كنت بتدلعنى يعنى وتقولى يا كتكوته زي بقيت الناس مهو لو انت كنت بتقولى يا كتكوته مكنش كل دا حصل..

امير تتنهد وضحك:فين ابوكى يسمعك دلوقتي دا هوا اللي مانعنى اكلمك اصلا طول فترة الامتحانات علشان تركزي..

_اهو شوفت النتيجه ..

_طب يلا يا كتكوته علشان نجيب فستان الخطوبه ونتغدا برا ..

_ايوا كدا دلعناااي يا مدلعنى والله انت جدع يا جدع ..

امير ضحك:طيب يلا يا اختى..

مشيوا طلعوا على مطعم يتغدوا وبعدها راحوا جابوا فستان الخطوبه ووصلها لحد البيت...

بسمه دخلت البيت بتغنى بس لقت مالك قدامها..وبسمه اتخضت:حد يخض حد كدا..

مالك:اهلا باختى حبيبة قلبي

_انجز عاوز اي

_غاده 

_نعم!

_اعزميها بكرا على خطوبتك وافتتاح المطعم 

_اممم معتقدش انها ممكن تيجي

_بسمه علشان خاطر اخوكى انتى نسيتى اللي بينا قوام كدا..

بسمه اتنهدت:طيب هحاول بس بشرط...

_بدأنا

_دا طلب صغنتوت 

_قولى

_عوزاك انت اللى تزفنا بكرا أنا وامير وبكرا طول النهار تهتم بيا وبأكلى وتجيبلي بيتزا وشاورما وكدا يعنى ..

_نعم يا اختى أنا حضرت الظابط مالك يحصل فيا كدا

_خلاص غاده مش هتيجي

_خلاص خلاص موافق

_ايوا كدا رجالك تخاف متختشيش...

تصبح على خير يا روحى بااااي

_ماشي يا بسمه ليكي يوم برضو..

بسمه طلعت وهى بتضحك..

تانى يوم الكل كان بيجهز والبنات كانو مع بسمة في الأوضه بيجهزوها..

وطبعا مالك نفذ كل حاجه بسمة طلبتها منه وجهز العربية بتاعته علشان يزفهم..

مليكه خلصت وبصتلها و حضنتها بفرحه :الف مبروك يا قلبي..

بسمه بفرحه:الله يبارك فيكى..

مريم دخلت بفرحه وزغرطت لما شافتها:الف مبروك يا قمر انتى ما شاء الله نسخة تانيه من فيروز..

مالك طلع :يلا يا بسمه امير جه..

وابتسم لما شافها وباسها من جيبنها:الف مبروك يا حبيبتي .

بسمه بفرحه:الله يبارك فيك يا مالك عقبالك..

_مهو لو طاوعتيني

بسمة ضحكت:طيب يلا علشان هى زمانها وصلت هناك..

مالك نزل بسرعه وبسمه والكل وراه ..

وبسمة بتضحك على منظره..

امير لما شافها ابتسم بفرحه:ما شاء الله زي القمر .. وبعدين همس:أنا بقول نخليها خطوبه وكتب كتاب..

_على اساس ان مراد هيوافق

_مهى دي المشكله 

سمعوا صوت مراد:يلا !

امير بخوف:يلا يختى

بسمه ضحكت عليه 

امير:اعمل اي ليه هيبة كدا واي حد يخاف منه ..ويعمله الف حساب

بسمه:فعلا والله ربنا يخليه لينا ..

_يارب..

كلهم ركبوا العربيات..

مليكه مع معاذ ومعاهم على وسلمى ..

ومالك وجنبه ملك وورا بسمه وامير..

ومحمد ومعاه عمر ومريم وفريده وحبيبه..

وحسن وسما مع بعض..

ومراد وفيروز مع بعض..

مراد:أنا بقول نعمل فرح تاني واتجوزك من جديد

فيروز بخجل:مراد احنا كبرنا عالكلام دا وعيالنا بيتجوزا

_مهما كبرنا هتفضلى في نظري فيروز البنت اللي حبتها من وهى بضفاير..

فيروز بحب:بحبك

_وانا كمان بموت فيكي..

وصلو المطعم ..

كان مجهز على أعلى مستوى ،بسيط وشيك في نفس الوقت ومتجهز لاستقبال احتفالية كبيره لعروسين..

ياسين كان واقف بالبدله الشيك بتاعته علشان يستقبل كل اللى جاي .

كان كل شويه يبص على اليافته اللي مكتوب عليها اسمه واسم عيلته وأقسم بداخله أنه هيكبر المطعم دا وهيعمل غيره وغيره ..

شئ جميل انك تعمل الحاجه اللى بتحبها والاجمل من دا انك تلاقى عيلتك واقفه معاك وفي ضهرك..

الكل اتجمع وياسين طلع وقف على المسرح ومسك المايك..

_انا ياسين عمر السيوفي زي مانتو شايفين سنى صغير اه بس المطعم دا حلم من زمان وطول عمري بحلم بيه وانا اه مش مكنش معايا اللى يمون المشروع دا بس اللى ساعدنى هوا ابويا التانى وعمى مراد السيوفي بجد هوا الوحيد اللى كان مؤمن بيا وواثق فيا وهوا اللي ساعدنى علشان احقق حلمى  وعاوز أقوله:أنا قد الثقه دي وإن شاء الله عمري ما هخذلك والفلوس اللي خدتها منك هترجع بالفوايد كمان يا حمايا العزيز ...ايوا يا جماعه انا كمان بحب بنته ودا جزء بسيط بعمله علشان تكون ليا ومعايا مع العلم انها زيي بتحب الاكل ومغرمه بيه ..وبص لملك:صح ولا اي

ملك بابتسامه:صح .

والنهارده يا جماعه خطوبة بنت عمى بسمة والحقيقه هى اكتر من اخت ليا وبحبها جدا علشان كدا اصريت انها تعمل خطوبتها يوم الافتتاح بتاعى علشان اعملها المفاجأه دي اللى تليق بيها واتمنى تعجبها..

بص لبتاع الدي جي وبعدها نزلت لوحه بيضاء وبدات تعرض صور لبسمه من وهى طفله مع موسيقى هادئه 

ياسين:طول عمرنا عيله هادئه وبنحب بعض جدا وانا دائما مبسوط انى بنتمى العيله دي لأنهم الافضل من وجهة نظري على الاطلاق ..

*عمى مراد أنا بحبك جدا انت وطنط فيروز وعمو على وطنط سلمى وبابا أنا بحبك جدا قصدي يا عمر أنا بحبك جدا عمرك ما عملت التكليف بينا بس برضو الاحترام ليك موجود وماما مريم اللى علمتى ازاي اضحك وروحى تكون حلوة وازاي أخرج من مود الاكتئاب بكام كلمه بسيطه كدا ...

واخويا الكبير أو اخواتى الكبار ممالك ومعاذ أو حضرة الظابط معاذ ومالك..

والدكتورة مليكه وبسمه اخواتى الكبار واخوات مراتى في المستقبل ها..

فريده اختى الصغيره ومدللتى واللى هياخدها منى ابن عمى الرخم محمد..

حبيبة بقى ودي بقى الطفله المدللة...

بحبكوا كلكوا يا اجمل عيلة ...

الكل سقفله وهو نزل وحضنهم كلهم بفرحه..

وبدأت الدنيا تضلم ويظهر شخص الكل بيحبه الا وهو وائل جسار..

الكل سقف بفرحه وبسمة صرخت بفرحه..

امير:عرفت انك بتحبيه فرتبت مع ياسين وجيبناه ومراد ساعدنا طبعا...

بسمه بفرحه:أنا بحبك اووي وبحب ياسين وبابا ربنا يخليكوا ليا ..

امير طلع علبه قطيفه من جيبه وركع قدامها وفتح العلبه وقدملها الخاتم:تقبلي تكملى معايا حياتى يا كل حياتى..

بسمة بدموع:طبعا موافقه...

قام ولبسها الخاتم بحب والكل سقفلهم..

والبنات كلهم حضنوها وغاده جت باركتلها..

مالك قرب منها:أنا مالك اخو بسمه 

غاده بابتسامه:اهلا

_اهلا بيكي يا قمر ..تعالى تعالى افرجك على المطعم وكدا..

بصت لبسمه

بسمه:معلش يا غاده مالك بيحب بهزر كدا معلش..

غاده:تمام..

مالك:انتى مرتبطه..

_لا

_طب أنا يستى ظابط شرطه وعسول زي مانتى شايفه ودمى خفيف ها تقبلي تتجوزيني..

غاده باستغراب:اي !

_قولى اه بقى دانا بقالي تلات شهور يراقبك في صمت ومستنى اللحظه دي من زمان..

_واهلى

_طبعا اهلك موجودين يعنى هقف قدامك كدا بدون علمهم ميصحش ،ابوكى واقف هناك اهو مع الحاج ابويا بيتفقوا...

غاده بصت مكان ما شاور وابتسمت بتلقائيه..

مالك:ضحكت يعنى قلبها مال ها مواقفه بقى .

بسمه:وافقى يا غاده يا حبيبتي اخويا وانا عارفاه مجنون وظابط يعنى ممكن يخطفك في اي وقت..

غاده بصت لابوها اللى ابتسم برضو وهز رأسه توافق..

_امممم موافقه..

مالك بفرحه:اللهم صل على النبي ...

بسمة زغرطت وقالت:الف مبروك يا مرات اخويا...

وبعدين وائل جسار بدأ يغنى وقال..

*نخبى لى في أسرارنا وانا وانت مفيش غيرنا ولو ننسى مشاعرنا نكلم مين يفكرنا يا روح الروح بتنسانى وانا فاكر ومش نساى تغيب عن عينى من تانى ،ومن غير حب اعيش ازاي ومهما تغيييب بعيش وياك واشوفك وردة في الشباك،ودمعة حب في عنيا بتستناك يا احلى ملاك"

كل واحد كان بيرقص مع حبيبته وكل الحب في عينيه وبدأو يتهامسوا ويتكلموا عن مستقبلهم اللي هيعيشوا فيه..

وصدقت ام كلثوم لما قالت"العيب فيكو يا في حبايبكوا أما الحب يا روحى عليه"

يتبع الفصل كاملا اضغط هنا ملحوظه اكتب في جوجل "رواية دحيحة الدفعه دليل الروايات" لكي تظهر لك كاملة 

    • تابع الفصل التالي "رواية دحيحة الدفعه الجزء الثاني دليل الروايات" اضغط على اسم الرواية