رواية خادمة الصقر كاملة بقلم يوستينا سامي عبر مدونة دليل الروايات
رواية خادمة الصقر الجزء (2) الفصل الواحد و العشرون 21
في فيلا الحديدي 🙊
قمر واخدة جميلة في حضنها و بتعيط / كدة يا جميلة هونت عليكي تعملي فيا كدة .. حرام عليكي انتوا كل شوية تعملوا مصيبة انقح من اللي قبلها ليه بس
صقر بهدوء / خلاص يا جميلة بالله عليكي سيبيها ترتاح شوية كفاية اللي هي فيه ولما تبقي كويسة هيبقي لينا كلام مع بعض كتيير
معاذ / ايوة فعلا .. سيبوها تطلع ترتاح والنبي بقي هاتي ايدك يا جميلة انا هسندك
و طلع معاذ و جميلة الاوضة و صقر كان مبسوط اوى من دفاع معاذ ليها
قمر بستغراب/ صقر اخدت بالك من طريقة معاذ مع جميلة
صقر ببتسامة / الحمدلله .. ساعات الواحد مش بيفوق الا متاخر بس كويس انه مش متاخر اوي
_______________________________________________
في القسم 🤬
شاويش جاب ميرا من الحبس و صدمته انه لقاها مضروبة و هدومها متقطعه و جسمها شبه باين من الهدوم دي و كأن حد كان بيحاول يعتدي عليها
يزن قرب منها و اداها الجاكيت و عينيها كانت فيه و فيها الف سؤال لكن لقته بيقولها بقوة و حقد / خدي البسي ده علشان انا عندي ولايا خايف عليهم لكن اقسملك بالله انك ما تستاهلي حتة بوق ماية
عز / يزن لو سمحت اسمعني انا هاخد ميرا احقق معاها و هجيبلك كل المعلومات اللي انت محتاجها صدقني
يزن / ريح نفسك يا عز البنت دي مش هتخرج من المكتب ده الا لما اعرف كل حاجة
و في لحظة مفاجاه ضربها يزن بالقلم جامد و شدها ووقعها في الارض بعنف
و قالها بغل / انتي مكانك هنا تحت رجلي و هتفضلي هنا لاخر يوم في عمرك
عز زق يزن بعيد عنها / كفاية بقي يا اخي بتضربها تاني لييه .. هي فيها حتة واحدة سليمة في جسمها حرام عليك اتقي الله
يزن / ايه يا حنين صعبانة عليك ليه كدة يا عز باشا اوعي تكون نسيت دي مين .. دي شمال و مش هتيجي الا بكدة
عز / لا مش شمال و بطل كلامك ده ..ولاول مره بقولهالك لو مديت ايدك عليها تاني انا هطلع علي سيادة اللواء بنفسي و اقوله انك معطل شغلنا
يزن بغل / بقي كدة يا عز .. طيب عايز تاخدها تحقق معاها خدها .. هو الاحسن برضو انك تاخدها علشان لو فضلت هنا دقيقة واحدة انا هموتها
و لكن قطع كلامهم صوت ميرا الضعيف اللي واضح انه طالع بصعوبة / لا انا عايزة ابقي مع يزن لو سمحت
عز و يزن بصولها بصدمة شديدة معقولة هي طالبة كدة و بنفسها .. عز قرب منها و قالها / ميرا لازم تيجي معايا .. يزن دلوقتي
ميرا بدموع / مش هقدر اسيبه يا عز .. انا عارفة انه مش في حالته الطبيعية بس عمره ما هياذيني ده هو الوحيد اللي طمني بعد بابا الله يرحمه
في اللحظة دي يزن كان واقف فاتح بوقه بذهول و مش قادر يصدق اللي بيسمعه .. معقول تكون لقت في يزن حاجة مطمناها بعد كل اللي عمله معاها ؟
_______________________________________________
في اوضة لارا 😑
كانت قاعدة علي السرير و ماسكة في ايديها ماديلة كانت واقفة من عاصي و هما اللي في الورشة
لارا بعياط بتلك المديلية بحسره /هتفضلي انت اخر حاجة ممكن اشوفها ليه .. انا مش فاهمة ليه دايما الانسان مش بيحب الا الشخص الغلط
وفاجاه لارا لقت الباب بيتفتح و بتدخل نغم و لارا بتخبي المادلية تحت مخدتها و نغم بتقعد جمبها علي السرير و بتاخدها في حضنها
نغم/ ارمي المديلية دي بلاش تعلقي نفسك بوهم يا لارا .. عاصي مستحيل يبقي ليكي في يوم من الايام لو عساف وافق صقر و خالد مستحيل يوافقوا
لارا بقهرة / طب ليه .. علشان عداوة شغل طب ما كل رجال الاعمال كدة اسمعنا عيلة السيوفي يعني
نغم اتوترت و قالتلها / ياريتها كانت عداوة شغل بس يا بنتي دي اكبر بكتير
همس دخلت الاوضة علي صوت بنتها و قالتلها بخوف/ وطي صوتك يا لارا ابوكي لسه صاحي … كفاية بقي مشاكل الله يخليكي
لارا بدموع/ طب قوليلي بابا لما راحله عمله حاجة أذاه يعني.. صدقيني عاصي ميستهلش كدة ده غلبان اوي
همس / لا اطمني معملوش حاجة..نامي بقي يا حبيبتي
و غطتها همس و خرجت هي و نغم من الاوضة وراحوا قعدوا في البلكونة
نغم/ تفتكري هتنساه يا همس
همس / لازم يا نغم ده بالعافية كمان .. عاصي ده نار احنا مش قدها و كفاية اوي اللي حصل زمان انا مش هقولهولك وانتي عارفاه .. انتي عارفة لو خالد بس عرف ان حد من عيلة السيوفي قرب ممكن يعمل ايه
نغم / عارفة.. بس معتقدش بنتك هتنساه .. الواحد مننا لو قرر ينسي اللي بيحبه بس علشان اتاذي بسببه كان زماني انا و انتي و قمر و ياسمين مش متجوزين الشلة المعقدة دي
همس ضحكت بتريقة/ عندك حق … انا اتبهدلت اوي و انتوا كمان علشان كدة معنديش استعداد اخلي بنتي تدخل حرب هي مش قدها
________________________________________________
في الجنينة نسمة وفهد ❤️
نسمة بتوتر / تفتكر جميلة انتحر*ت ليه .. يمكن علشان ملقتش حد يحس بيها صح
فهد / يمكن ..و يمكن علشان عبيطة .. جميلة طيبة اوي ولو حد زعقلها بس بتتاثر و بعدين مين يستاهل ان حد يخسر حياته بسببه
نسمة بحزن / لو ابويا و اهلي يا فهد جوم علشان ياخدوني انت هتقف قدامهم و تحميني ولا هتقول ليه اخسر حياتي علشانها
و لسه نسمة هتبعد لكن فهد بيشدها من ايديها و بيقربها منه بغيره / انتي محدش يقدر ياخدك مني انتي مراتي و لو حد منهم قرب بس هنا هيبقي اخر يوم في عمره. و اعملي حسابك ان من اول مره هننزل الجامعة الميدترم قرب
نسمة بخوف مسكت في هدومه / انا مش هقدر اواجهم بعد اللي حصل ده يا فهد
فهد بهزار / بت انا معاكي ثقي فيااا .. و بعدين خلي واحد يفتح بوقه والله ليكون اخر يوم ليه في الدنيا كلها مش بس في الجامعة .
_______________________________________________
في القسم 🤬
يزن قاعد فوق المكتب و ميرا واقفة قدامه و هي لابسة الجاكت بتاعه و باصة في الارض بتعب
يزن / تعالي اقعدي علي الكرسي هنا و قوليلي بقي ايه الحقيقة اللي مدارية ورا الملاك اللي واقف قدامي ده
ميرا/ الحقيقة اللي انت عايز تسمعها ولا حقيقتي بجد
يزن / ميرا بلاش ملاوعة وإلا اقسم بالله
ميرا قاطعته في الكلام/ هتعمل ايه هتنزلي الحبس تاني و لا هتمد ايديك عليا .والله ما بقت فارقة. اصل الفعل لما بيتكرر كتير بيفقد زهوته وانا خلاص اتعودت
يزن بغيظ / لا وحياه عيونك الكدابة دي لاخليكي المره دي تتمني الموت و متعرفيش توصلي ليه و يلا عايز اعرف كل حاجة عنك من يوم ما اتولدتي
ميرا / ماشي اتفقنا .. انا ميرا تقدر تقول خريجة ملاجئ …
يزن قام من علي مكتبه بصدمة و قالها / اي الكلام ده
يا ميرا
تفتكروا ميرا خريجة ملاجئ بجد ولا دي كدبة جديدة بقي
______________________________________________
في الشركة 🙊
كريم كان قاعد حزين علي حال ابنه و انه عايز ينقذ ميرا منه الا انه خايف علي مستقبل ابنه و عز كمان قاله ان ميرا رافضة تبقي مع حد غيره
و فاجاه و هو سرحان دخل عساف و خالد و صقر الشركة هما كمان و كريم بصلهم بستغراب
كريم / اي ده .. بقالكوا زمن متجمعتوش كدة في الشركة
خالد ببتسامة / واضح انك نسيت ان اننا كلنا شركاء معاك يا سي كريم وانك بتدير بس
كريم بحزن / لا يا اخويا مش ناسي و ياريت حد غيري يقوم بالمهمة دي علشان انا تعبت
و سكت كريم شوية و كلهم كمان و اتكلم
و قال بوجع / طبعا جيتوا لما عرفتوا بالي يزن عمله النهاردة
صقر بوجع / متزعلش يا كريم .. ابنك طبعه عنيف و حاد بس بكره يفوق و يرجعلك صدقني و بعدين احمد ربنك قضا اخف من قضا
كريم / انت بتقول كدة علشان معاذ في حضنك يا صقر بس انت مجربتش تحس ان ابنك بيروح منك
صقر قلبه انقبض في اللحظة دي و قاله / لا جربت النهاردة لما دخلت الاوضة و لقيت دم علي سرير جميلة و عرفت انها حاولت تنتحر
ملامح الصدمة اترسمت علي وشهم و قال صقر
بحسره / مش قولتلك احمد ربنا .
خالد بوجع/ وانا ابني كان هيضيع مني في غمضة عين .. عارفين من ساعة ما رجع الفيلا هو و نسمة و انا مش قادر أقرب منه حتي اخده في حضني .
عساف بحزن بدا يسرح هو كمان في حال بنته
و قال / وانا بنتي حالتها واجعة قلبي جدا .. عمري ما سبتها حزينة كدة و اول مره اقف عاجز بالمنظر .. بس هي برضو سابت كل الناس و حبت حفيد السيوفي
كلهم اتصدموا من كلمته و فضلوا انهم يسكتوا احسن لان محدش كان قادر يعاتب التاني علي حاجة .
و اعدي حوالي يومين و كل واحد ملهي في مشاكل حياته و محدش يعرف فين ادهم و يزن مشغول مع ميرا و قضيته .
_______________________________________________
بعد حوالي يومين. عاصي كان رافض يخرج من أوضته و تامر قرر انه هو يدخله بنفسه هو وعد
في اوضة عاصي ❤️
تامر قرب منه و نط علي السرير بهزار / وبعدين بقي معاك يا اخي .. كل اللي انت فيه ده علشان البت الميكانيكيه.. حرام عليك طب دي حتي لسانها طويل اوي اوي و متليقش انها تبقي صاحبة عاصي السيوفي
عاصي / ياريتني اشوفها بس ولو لثواني وحشتني اوي يا تامر
و بدا عاصي يركز ان تامر عنده في الاوضة
و قاله / انت ايه اللي جابك هنا يا ابن الجز*مة انت
تامر بستغراب / اي ده يا عم في ايه .. ايه القلبة السودة دي
وعد / مالك يا عاصي بس في ايه ده تامر صاحبك
عاصي و هو بيسحب الحزام بتاعه / صاحبي اه …
بقي لارا تبقي حرامية حرامية يا بن الكدابة ولا ابوها اللي مدرب في الجيم . ده انا هطلع عين امك دلوقتي
و بدا عاصي يجري ورا تامر اللي عمال يضحك بشماتة و بيحاول يتفادي ضرب عاصي
تامر بضحك / وانا مالي يسطا انك عبيط و بتصدق اي حاجة الله و بعدين بذمة اهلك انا هعرف كل المعلومات دي عنها ازاي انا حتي معرفش اسم ابوها
عاصي بحسره / عرفته يا اخويا .. عرفته و ياريتني ما عرفته كان زماني مكمل في الحلم الجميل ده بس انا مش هسكت و هروح أقابلها
وعد / ليه يا عاصي هو مين والدها يعني
عاصي قعد علي السرير بفرهدة / عساف صاحب خالد الحديدي و جاسر الحديدي .. شايفين الوكسة اللي انا فيها
وعد و تامر بصوا لبعض بذهول .
تامر قعد جمبه / و عايز تشوفها ايه .. دي فيها قطع رقاب ولاه يا عاصي ابعد عنها انت مش ناقص مشاكل مع عمك كفاية كدة
عاصي بغيظ رمي اللي في ايده / مش قادر والله يا تامر البت شاغلة تفكيري اوي .. لارا دي بالذات مختلفة عن كل اللي شوفتهم ضحكتها و دموعها حتي تمثيلها عليا .. ما شوفتش خوفها عليا كان عامل ازاي .. مش قادر انساها مش قادر
تامر حط ايده علي كتفه و قاله / لا لازم صدقني وانا معاك و باذن الله هتنساها و مش هتيجي في دماغك تاني و اقولك النهاردة في حتة حفلة و هنحضرها احنا و كل الشلة كمان.
و اخده تانر و راحه الحفلة و كان في بنات كتير اوي إلا ان لارا برضو مغبتش عن دماغه او فكره ثانية و قرر يجيب رقمها و يكلمها و مشي من الحفلة و هو مخنوق اكتر من الاول
في عربيته مسك التليفون .
عاصي رن عليها كان نفسه بس يسمع صوتها و مقرر انه ميردش عليها .
لارا بصوت حزين / الو .. مين
عاصي ابتسم بوجع و حس ان صوتها حزين و دي كانت اول مره تتكلم بالحزن ده و فاجأه ردت لارا تاني بصوت تعبان قالت/ لو سمحت مين اللي بيتكلم ..
لارا مسكت التليفون و حست انه ممكن يكون هو و خصوصا انها سامعة نفس حد و لكن مش عايز يرد لارا دموعها خانتها
وقالت بصوت مكسور/ مش خايف احسن حد يعرف عاصي
عاصي غمض عيونه و مش مصدق انها عرفته و ازاي تعرفه اساسا معقول تكون بتفكر فيه زي ما هو بيفكر فيها كدة و لكن رد عليها بحزن / اشمعنا انتي ؟ .. ليه انتي ؟ عارفة انا كنت مع بنات كتير اوي و حلوين اوي .. بس مكنتش قادر و كنت بدور عليكي فيهم يا لارا
لارا/ عاصي .. انا … انا بحبك … بحبك اوي
عاصي بصدمة /لارا انتي قولتي ايه .. انتي بتحبيني صح اوعي تكوني يتضحكي عليا او يكون
لارا قاطعته في الكلام بدموعها و شهقاتها العالية و هي بتقوله / لا والله انا مش كدابة يا عاصي .. انا بجد بحبك اوي بس برضو عارفة ان انا و انت مستحيل نبقي لبعض
عاصي حط ايده في شعره بغيظ / لا لو عايزة تبقي ليا انا ممكن اتحدي العالم كله علشانك
لارا فرحت اوي بكلامه وحست ان اختارت الشخص الصح و قالتله / انت كمان بتحبني يا عاصي
عاصي / مش هقدر اقولها غير لما اشوفك قدامي
لارا انا عايز اقابلك حتي لو عشر دقايق
لارا / ماشي بص تعالي في الشارع ورا بيتي بيبقي فاضي.. اوعي حد يشوفك والنبي هااااا
و اتفقوا هما الاثنين و لارا نزلت تتسحب من ورا الحراس و وقفت في شارع ضلمة مستنية عاصي يوصل و مرعوبة احسن حد يشوفها ووفاجاه لقته قدامها
لارا كانت بتبصله و مش مصدقة نفسها / معقول يكون هو انا شايفاه قدام عيني .. انا قلبي هيقف
عاصي / لارا
لارا بصتله بحب و فضله علي الحال ده دقايق و كل واحد فيهم مش عارف يقول ايه و لكن قطع الصمت ده عاصي لما مسك ايد لارا و شدها لحضنه و ضمها لقلبه و لارا بادلته الحضن بقوة حس بيها عاصي و كأنها تتمني انها تبقي جزء منه و بعد دقايق بعدت عنه و هي مكسوفة اوي
لارا ابتسمت و ضربته في كتفه/ غلس اوي قولتلي لما تشوفني هتقولهالي
عاصي / اممم مصره يعني يا لي لي
لارا بغيظ / طيب انا همشي و غلطانة اني جيتلك
عاصي ضحك ومسك ايديها قبل ما تمشي/ استني يا مجنونة يعني انا خاطرت بحياتي و في الاخر مش هقولهالك .. بحبك اوي يا لي لي
لارا مسكت الجاكت بتاعه بفرحة و دخلت في حضنه من نفسها و هو ضحك على اللي هي عملته ده و بعدها خرجت بسرعة و قالتله / انا لازم امشي وجودي هنا خطر عليك .. امشي يا عاصي و خلي بالك من نفسك
عاصي / تعالي معايا انتي مش صغيره و نقدر نتجوز
- يتبع الفصل التالي اضغط على ( رواية خادمة الصقر ) اسم الرواية