رواية اعادة تاهيل معقدة الجزء (2) الفصل الرابع 4 - بقلم زهرة عصام

  رواية اعادة تاهيل معقدة كاملة بقلم زهرة عصام عبر مدونة دليل الروايات 

 رواية اعادة تاهيل معقدة الجزء (2) الفصل الرابع 4

 كانوا قاعدين تحت الكُبري و العربيات ماشية بسرعة من قدامهم و الهوا اللي بيخرج منها بيجي عليهم ، قاعدة مش على بعضها هتمو.ت و تعرف اية اللي حصل بس مفيش في اديها حاجة

إفتكرت اللي حصل و إزاي وصلت لهنا

فلاش باك

كانت قاعدة في اوضيتها و الغل مالي قلبها تجاه أمها فجأة لقت الموبايل بيرن

ردت بسرعة عشان الصوت ميوصلش ليهم بره و قالت:-

اية يا سيد مش كدا أنا مش قولتلك متتصلش و أنا اللي هتصل بيك ؟

رد عليها سيد بضيق و قال:-

مفيش وقعت يا فدية لازم تنفذي النهارده ، فرصة صلاح مش هنا خلصي يا فدية

فدية هزت رأسها بايجاب و قالت:-

خلاص يا سيد تعال إقف على باب البيت و أنا هخلص و أخرج ليك علطول

سيد بخبث :-

طيب يا حبيبة قلبي أنا هسخن المكنة و اجيلك لحد ما تخلصي و اخدك و نطير بعيد عن الكُل ، هو أنا ليا بركة إلا إنتي يا فدية

فدية قفلت الخط و فتحت الدُرح خرجت منه سكيـ ـنه و قالت:-

جه معادك يا أمي ، دلوقتي لازم تروحي عند ربنا مهو أصل الدُنيا دي متنفعناش مع بعض ، و أنا إخترت نفسي ، مهو مش معقول الواحد يفضل حد عن نفسه حتي لو كنتي إنتي يا أمي .

خرجت من الأوضة على تراطيف صوابعها و بقت تمسي بحذر ، لحد ما دخلت أوضة أمها و بصت عليها لقتها نايمة فضحكت بخبث و قالت:-

نامي يا أمي نامي للأبد با حبيبتي

قربت منها بهدوء لحد ما وقفت عند رأسها ، و بقت تقرب السكينه منها بهدوء

و لكن اللي معملتش حسابه أنها تفتح عنيها فجأة و تقول:-

عاوزة حاجة سايبة اوضة و جاية هما لية ؟

فدية بابتسامة:-

عاوزة روحك يا نوال

نوال عقدت حواجبها و قالت:-

إنتي بتخرفي تقولي اية ؟ إنتي مين إنتي مش بنتي

فدية ضحكت بشر و قالت:-

أنا عذرائيل و جاية أخد روحك و أمشي

بلحظة كانت نورت الابجورة و مسكت مخده كتمت نفسها بيه و مشت السكينه على رقبتها

نوال بقت تحرك اديها و رجليها و دمها بيتصفي و مفيش ليها صوت

فدية فضلت حاطة المخده على وشها لحد ما حركتها سكنت و شالتها من عليها و بصت ليها

أول ما عنيها وقعت عليها رجعت لورا و السكيـ ـنه وقعت من اديها ، بصت ليها تاني و وطت جابت السكيـ ـنة و اخدتها و خرجت من البيت جري

سيد كان مستنيها زي ما قال ليها ، ركبت وراه و جسمها كُله بيرتعش و هو طار بالمتوسكل

فدية كانت عنيها مفتوحة و الصدمة و الجر.يمة اللي عملتها واضحة على وشها

سمعت قبل ما تخرج من الحارة صوت صويت ، عرفت إن هما إكتشفوا جر.ميتها

أشكوا إليك الله من ولد افنيت عمري في خدمة و كانت هذة مكافأة نهاية الخدمة

باااك

بصت لـ سيد اللي قاعد جنبها بيشرب حشيش و قالت:-

المفروض نعمل اية دلوقتي ؟

سيد بضحك :-

المفروض دا عند المكوجي يا قطة و بعدين اية نعمل دي ، انتي اللي هتعملي مش أنا

فدية بصدمة:-

يعني اية ؟ هو مش دا كان إتفاقنا ؟ أخلص عليها و نهرب و نتجوز ؟

سيد بضحك :-

هاأوي يا قطة ، نـ إية ؟ نتجوز ؟ يبقي انتي متعرفش سيد كارتة ، أنا مش بتاع جواز إحنا هنقضي يومين حلوين مع بعض قبل ما البوليس يعتر فيكي

فدية بزهول:-

نعم بوليس ؟ و حبس ؟ إنت بتقول إيه إنت هتسبني بجد ؟ أنا عملت كُل دل عشانك عشان أبقي مراتك تقوم تتخلي عني كدا ؟ هي مش دي كانت خطتك إنطق

سيد أخد نفس من السجارة و قال:-

أيوة كانت خطتي بس عشان انتقم من اخوكي على إللي عمله فيا و أحرق قلبه ، بالك العلقة اللي أنا إديتها ليه مشافوش غليلي ، قولت لازم أحرق قلبه و بدل المرة اتنين ، تخيلي كدا معايا يا قطة أمه مقتوله و مين بقي اللي قتلها ، بنتها اللي هي أخته ، خبطتين في الرأس توجع يا قطتي

فدية بزهول:-

يعني اية ؟ يعني أنا كُنت وسيلة لإنتقامك ؟ يعني مفيش جواز ولا هنعيش مع بعض في الحلال ؟ يعني خليتني ارتكب جر.يمة عشان بس تنتقم من أخويا ؟ طب لييية أنا زنبي اية ؟!

سيد بضحك:-

بقولك ايه مش هنقلبها دراما إنتي كنتي حابة كدا و عندك إستعداد تعملي أكتر من كدا ، يعني مايلة للانحراف أنا كل اللي أنا عملته إني وجهتك يا قطتي ،يعني انا مش عليا لوم كل اللوم على اللي خانت ثقة أهلها و مش بس كدا دي كمان قتلك أمها ، فخليكي حلوة كدا و سبسنا نعيش يومين حلوي مع بعض اطلع فيهم كبتي قبل ما تتحبسي

ختم كلامه و هو بيقرب منها و بيحاول معاها لكن اللي كان بيدور في عقل فدية غير

– غشتني و خدعتني يا سيد ، خليتني أقتـ ـل أمي وأنا أصلا كنت بخاف منها ، يعني أنا كدا قضيت علي خوفي ، بس لا مش أنا قـ ـتلت مرة يبقي أقتـ ـل تاني و تالت ، و إنت أكيد مش هتبقي أغلي من أمي عندي ، عاوز تقضي ليك يومين عنيا يا سيد هتقضي يومين بس في جُهنم الحمرا…

طلعت السكيـ ـنة من جيبها و سيد غرقان فيها و رفعت اديها كأنها بتحضنه و خبطتة بالسكينة في جنبه

سيد بصراخ:-

اااه غدرتي بيا يا بنت الكـ ـلب ،لية كدا ؟ دا انا كنت لسة هروق عليكي و هخلي صحابي يوجبوا معاكي

فدية بجنون:-

أيوة غدرت بيك و مش هسيبك إلا أما أتأكد إنك خلاص مـ ـت يا كارتة ، عارف لية عشان أنا مش لعبة تلعب بيها ، قعدت تزن عليا و تسمعني كلام حلو و توعدني وعود كدابة لكن اية اللى حصل ؟

اللي حصل إني مشيت وراك لكن إنت خدعتني ، كان هدفك الانتقام و أنا دلوقتي هدفي إني انتقم منك على اللي خلتني أعمله

سابت السكيـ ـنة من ظهره و ضربتها تاني في جنبه و هي بتقول:-

مش ههدي يا سيد غير لما أخد بطاري منك ، كبدك دا همسكه في ايدي و ارميه للقطط تاكل منه لحد ما تشبع

و بالفعل كررت الطعنات لحد ما سيد ما.ت و فتحت بطنه و خرجت كبده و رمته بعيد للقطط و الكلا.ب

بصت على مجموعة من الكلا.ب واقفة فضحكت و قالت:-

طب والله الله ما هحرمكم من حاجة شكلكم جعان وأنا هكسب فيكم ثواب ،

طلعت باقي أحشاء سيد و بقت ترميها للكلا.ب و هي بتقول:-

مش فدية اللي يحصل فيها كدا

بعد وقت بصت حوليها و قالت:-

أنا لازم أهرب من هنا قبل ما حد يشوفني ، لا مش هتسجن لا

مشيت بسرعة لكن يشاء الله أنها متسمعش نداء الناس ليها و تعدي من قدام القطر

داين يا إبن آدم تدان ، و لكن في هذة الحالة كان قصاص الله عاجلاً

……

تاني يوم الصبح نوح صحي من النوم و تمارة كمان على صوت خبط على الباب

فتحت باب الأوضة لقت ست عجوزة على كرسي متحرك قدام الباب فعقدت حواجبها و قالت:-

إنتي مين ؟

ذكية بحدة:-

نوح حبيبي إنت بخير ؟ اية اللى عمل فيك كدا و إزاي محدش قالي ، أعرف زي الغريب من الأخبار

نوح إبتسم ليها و قال:-

أنا بخير يا ناناه متقلقيش عليا ، و بعدين انتي اية اللى جابك و انتي تعبانة كدا ؟

ذكية بحدة:-

و إنت مكنتش عاوزني اجي كمان يا نوح لا دي هبت منك خالص

نوح بتبرير:-

مش قصدي بس

مكملش كلامه و لقي تمارة بتترنخ و بتقع على الأرض فصرخ:-

تمارة …..

• يتبع الفصل التالي اضغط على ( رواية اعادة تاهيل معقدة ) اسم الرواية