رواية دحيحة الدفعه الجزء الثاني (2) الفصل السادس 6 - بقلم يارا عبد السلام

 رواية دحيحة الدفعه (كاملة جميع الفصول) حصريا عبر دليل الروايات بقلم يارا عبد السلام

رواية دحيحة الدفعه الجزء الثاني (2) الفصل السادس 6

مراد ببرود:ايوا يعنى عاوز اي وتعرف بسمه منين

_لا خالص أنا كنت جاى طالب من حضرتك ايد الانسه بسمه ...

_نعم!!!

مراد قالها باستنكار:طب انت فين اهلك واى اللى خلاك تيجي تطلب ايديها وتقولى معرفهاش !!

امير بتوتر:يا فندم أنا كنت جاي اخد الموافقه من حضرتك وبعدها هجيب أهلى اكيد ...

مراد وقف :امممم وبسمه تعرفك على كدا..

امير:احم ايوا منا معاها في الكليه ومن اتحاد الطلبه كمان

مراد بابتسامه لا تبشر بالخير:طيب تعالى معايا

_على فين يا فندم

_اصل النهارده كتب كتاب اختها على ابن عمها وهنشوف الموضوع دا لما نروح هناك..

امير وقف بتوتر وراح معاه ..ميعرفش لى خاف من مراد لانه حاسس ان مراد شخصيه مش سهل انك تكدب عليها ..فيها اي يعنى لو كنت قولتله انى اعرف بسمة!!

خده معاه ووصلوا البيت اللى كان متزين بطريقه شيك وجميله جدا ..

امير بصله بقلق

مراد:اتفضل اقعد عقبال ما اشوف بسمه واجى صدقنى لو طلعت تعرفك فعلا مش هعدي كدبتك بالساهل..

وسابه ومشي..

امير:أنا اى اللي هببته في نفسي دا طول عمري متسرع أنا عارف ربنا يستر علشان شكل الراجل دا هيعمل منى ومن بسمه كفته..

مراد دخل اوضته وكان فيروز بتلبس وبتحط اللمسات الأخيرة..

قرب منها بهدوء وحاوطها بايده ..

طالعه زي القمر ..

فيروز بابتسامه:انت الوحيد طول عمرك شايفنى زي القمر ...

مراد بغمزه:علشان انا بفهم في الجمال اووي وبقدره..

فيروز بخجل:بس بقى يا مراد..على فكره النهارده فرح بنتنا يعنى كبرنا خلاص..

مراد :ومين قالك مراد السيوفى عمره ما بيكبر ولو عوزانى ألغى الفرح الغيه مش معاذ ومليكه اللى يكبرونى يا حرمى العزيز..

فيروز:يا جبروتك يا اخى هوا في كدا..

_مش أنا قولت يبقى فيه ..

وبص حواليه :بقولك اي ما تجيبي بوسه..

فيروز بعدت عنه بخجل:بس بقى يا مراد أنا هروح اشوف البنات لبسوا ولا لا..

مراد بتذكر:اه صحيح هى في بسمه...

_مع اختها في الأوضه بيجهزواا.

مراد:طيب لما تروحى خليها تجيلي على تحت...

فيروز :اممم طيب..

في اوضة البنات..

كانو كلهم واقفين بيظبطوا نفسهم..

فريده:ياااه لو يجي واحد بقى في الفرح دا ويعجب بيا..

مليكه وبسمه باستنكار:يعجب بيكى ..!!

بسمه:يبنتى وانا قدك كدا كنت بلعب صلح..

فريده:على فكره بيني وبينك سنتين مش كتير وكمان انتى مش شايفه اختك ملك هى وياسين طول النهار يسبلوا لبعض وانا مرارتى اتفقعت الصراحه..

بسمه:دول قلالات الادب انتى مالك ..

_انا مليش دعوه أنا عوزا زيكو دا حتى انتى بقى ليكى كراش ..

بسمه بغيظ:يا بنتى اسكتى بقى صدقوا أنا غلطانه أنى بقول حاجه لعيال زيكوو..

ملك:والله يا بوسي دي احلى مصلحه عالاقل بقيتي تذاكريلي..

بسمه بغزه:ماشي يا بومه لما اتجوزه بس مش هخلى حد يستغلنى تاني..

فيروز:هوا مين دا..

البنات بصوا لبعضهم بصدمه وبسمه اتوترت قامت ملك راحت تحضن امها..

_اي القمر دا يا ماما بس..

فيروز بعدتها عنها وبصت لبسمه :انتو كنتو بتتكلموا عن مين؟

بسمه:مش على حد يا ماما كنت بهزر ..

فيروز بعدم تصديق:طيب انزلى لابوكى عاوزك تحت..

بسمه خافت وبصت لمليكه اللى هزت راسها تطمنها ..

اتنهدت وخرجت من الأوضه..

ووراها فريده اللى خافت عليها..

بسمه وهى نازله قابلت محمد ابن عمها 

_رايحه فين يا بنتى

_رايحه اشوف بابا عاوز اي ادعيلي يا محمد

_هههه اي يبنتى هو هياكلك

_لا بس بابا لما بيعوز حد فينا يبقى اكيد الحد دا عمل مصيبه وانا خايفه..

_طيب أهدى عمى اكيد عاوزك لحاجه تانيه متقلقيش..

محمد شاف فريده وهى واقفه بعيد ومتابعاهم..

محمد:رايحه فين انتى كمان..

فريده:احم رايحه مع بسمه ..

بسمه نزلت ووراها فريده ومحمد فضوله خلاه يروح وراهم..

بسمه راحت الجنينه ودورت بعنيها على ابوها ملقتهوش بس شافت اخر شخص ممكن تتوقع أنه يجي هنا او النهارده بالذات..

_امير!!

بسمه قربت منه بعصبية :انت يا استاذ اي جابك هنا مش كفايه اللي حصل الصبح بسببك عاوز اي..

امير يصلها باستغراب مصطنع:نعم حضرتك تعرفيني ..

بسمه باستنكار:نعم !!!انت هتستهبل يا أمير اي اللي جابك عندنا هنا ..

وقالت بصدمه:اوعى تكون قابلت بابا..

مراد من وراها:اه قابلنى وطلب ايدك منى..

بسمه قلبها وقع في رجليها وامير بصلها بتوتر..

بسمه بصت لمراد اللى واقف بثبات كعادته:بابا أنا أنا ..

مراد:اممم عوزا تقوليلي انك متعرفيهوش صح وتكدبى زيه..

بسمه:لا يا بابا الحوار مش كدا الحوار انى فعلا اعرفه بس بس مش زي مانت فاكر ...

مراد:حوار اللى فاكره فأنا عارف كل حاجه أنا مش نايم على ودانى وتحركات اي حد فيكوا أنا عارفها سواء جوا البيت أو برا البيت وبعدين بص لامير..

_مكنتش حابب انك تكدب عليا 

_يا فندم أنا خفت عليها مش عاوز حضرتك تاخدها بذنبي وكمان أنا لسه معرفش انت موافق ولا لا ولا هى حتى احنا كل اللي جمعنا خناقات..

_انا معلم ولادي أنهم يواجهوا مشاكلهم بنفسهم أنا ببقى اخر واحد يتدخل أو يجي يقولى اللى حصل وساعتها هتصرف لكن وبص لبسمه:بسمه محكتليش ولا لامها حتى مع انها معاها طول اليوم وكان ممكن تتصرف لكن خوفها عماها..

بسمه بصت في الارض:بابا أنا اسفه صدقنى مكنش قصدي..

مراد:مش مهم دلوقتي أنا عاوز اعرف رايك موافقه ولا لا ..

وبعدين قال بغموض:مع انى هتعب مع امك جدا..

بسمه وامير باستغراب:نعم ازاي..

مراد بغموض:لما تعرف اهلك انك جاي تطلب بنت مراد السيوفى ساعتها هتعرف كل حاجه..

وبعدين بص لبسمه:موافقه يا بسمه ..

بسمه بصت لامير وبصت في الارض ..

فريده كانت واقفه بعيد بابتسامه ووراها محمد:ياااااه شكلهم حلو اووي اتمنى انها توافق بقى متخافش من عمى .أنا لو جالى واحد زي دا هوافق وش من غير كلام..

محمد من وراها:امممم مش لما تخلصي الاول..

فريده بخضه:اي يا اي انت اى موقفك ورايا..

_مفيش بسمع قصة الحب العظيمه دي ..

فريده:انت عرفت

_دا ناقص الصوت موصلش لعمى

_محمد الكلام دا سر..

محمد بابتسامه جميله:علشان خاطرك بس يا فرفر..

_فرفر!!

_دلع فريده

فريده:بلدى اووي يا محمد

_حماده دلعى حماده وفيها يعنى لما ادلعك مش انتى بنت عمى ممكن يحصل كميا بينا..

فريده باستنكار:معاك انت لا طبعا ..

_لما نشوف يا بنت عمى 

_لما نشوف وسابته ومشيت..

مراد:متخافيش أنا عاوزك تقولى رايك بكل صراحه..

بسمه بجرأه لاول مره:موافقه يا بابا..

    • تابع الفصل التالي "رواية دحيحة الدفعه الجزء الثاني دليل الروايات" اضغط على اسم الرواية