رواية دحيحة الدفعه الجزء الثاني (2) الفصل الثامن 8 - بقلم يارا عبد السلام

 رواية دحيحة الدفعه (كاملة جميع الفصول) حصريا عبر دليل الروايات بقلم يارا عبد السلام

رواية دحيحة الدفعه الجزء الثاني (2) الفصل الثامن 8

امير دخل على أمه:انتى اي بينك وبين مرات مراد السيوفي..

سما بصدمه:مراد السيوفى مين ..

امير:مراد السيوفي اللى رحت النهارده اطلب ايد بنته وقالى مش هوافق الا لما تسأل امك اي بينها وبين مراتى ..

اي بينك وبين مراته يا ماما وانتى تعرفيها منين اصلا ..

سما اتنهدت وغمضت عينيها تستجمع قوتها:فيروز أنا اعرفها من زمان كنا مع بعض في الجامعه..

_عادى طيب واي المشكله..

سما بدموع:المشكله انى مكنتش سيباها في حالها وكنت بغير منها لابعد حد لأنها كانت اشطر منى وانجح مني خدت كل حاجه حتى الشخص اللي حبيته..

_اي دا انتى كنتى بتحبي مراد

_لا أنا كنت بحب عمر وهو كان طرف في كل حاجه بتحصل لأنها حصلت بسببه وبسبب حبى ليه حاولت اخد مكانها في الكليه وخدته فعلا بس بالغش بعلاقاتى اللى كانت مع الدكاتره ونفوذ ابويا كل حاجه اتحلت ودرجاتى بقت دجاتها ودرجاتها بقت درجاتى وكل حاجه انتهت بمجرد ما دفعت شوية فلوس وسر*قت شهادتها ..

وبدل ما هى تكون الاولى أنا خدت مكانها وبقيت الاولى..

لكن مراد ما سكتش وخد مكانها تانى ..

_ايوا واي خلاكى تعملى كدا..

_لان فيروز كانت بتحب عمر وكنت متخيله أن عمر سابنى بسببها لكن اللى اكتشفته بعد ما اذتها جامد أن مراد هوا اللى بيحبها واتجوزها

_عملتى اي

_دفنت*ها وهى حيه ومراد جه أنقذها

_دفنت*يها !!! للدرجادي انتى كنتى وحشه ومؤذيه كدا فين المبادئ اللي بتعلميهالنا دي زمان عندك فين قلبك الطيب فين انسانيتك..

عنده حق يقولى اسألك امك منا امى طلعت عامله عمايلها و...

أنا مش قادر تنطقها انتى لى عملتى كدا كانت اذتك في اي ..

_يا ابنى أنا كنت مريضه وتعبانه وكان الشيطان عامينى عن الحق ولما فوقت فوقت بعد فوات الاوان ولقيت ابوك جنبي حبيته وتجوزته وكان فعلا احسن اختيار في حياتى ورحت اعتذرت من فيروز لكن هى طردتنى وطلعتنى من حياتهم...

_عندها حق يا ماما انتى مش عارفه انتى عملتى اي انتى دمرتيها ..

أنا مش متخيل انك كنتي كدا أنا مش هقدر اقف قدامها واطلب بنتها ولا اروح للراجل اللي موافق على المبدا اصلا هبقى مكسوف اووي وانا بقولها حطى ايدك في ايد عدوتك وجوزيني بنتك أنا حاسس بالخذلان بجد..

سما:أنا مستعده اعتذرلها تاني علشان خاطرك ومش هسيبها الا لما توافق..

امير:ملهوش لزوم يا ماما دا جرح بقاله سنين مستحيل يتلم بكلمتين اللى حصل حصل ..

_والبنت اللى بتحبها..

ضحك بسخريه:شكلها مش من نصيبي يا ماما زمانها عرفت دلوقتي واستحاله توافق ..

مسك دماغه وقعد على الكرسي وسما قربت منه :يا ابنى صدقنى والله كان غصب عنى سامحنى..

_تمام تمام وقام من مكانه وطلع على أوضته..

سما اتصلت بجوزها وطلبت منه يجي..

لما جه حكتله كل اللى حصل وفضلت تعيط وهوا يهديها

_مكنتش اعرف ان اللى عملته زمان هيكون عقبه في طريق عيل من عيالى مكنتش متخيله أن في صفه هتجمعنا تاني لا وكمان في عيالنا يعنى مفيش هزار وفيروز عمرها ما هتسامح..

طبطب عليها وقال: سما انتى اتغيرتى من زمان انتى مكنتيش تعرفي أن كل دا هيحصل بس يمكن دي فرصه انك تصلحى غلطك اللى بقاله سنين وتفتحوا صفحه جديده علشان خاطر عيالكوا لازم تقابليها وتتكلموا..

_حاضر هحاول مع انى عارفه انها استحاله توافق...

مر اسبوع على الموقف دا ..

امير كان حابس نفسه في الاوضه مش بيخرج منها وبسمه كانت بتروح الكليه على أمل انها تشوفه وطبعا مش يتخلى من معاكسة خالد ليها ومضايقة ساره لكن كانت متجاهله كل دا زي ما امها علمتها ...

كانت بتقعد تستناه بالساعات على أمل انها تشوفه بس مش بيحصل ..

_يا تري مختفى فين يا امير يا ابن ام امير..

سما كانت واقفه قدام اوضته:يا ابنى افتح بقى حرام عليك تعبتنى انت لى بتعمل معايا كدا..

_ارجوكى يا ماما ارجوكى مش عاوز اتكلم في اي حاجه ولا عاوز نقاش ..

_طيب قولى انت عاوز اي وانا اجيبهولك حرام اللى بتعمله فيا وفي نفسك دا..

_يا ماما امشي دلوقتي لو سمحتى وانا لما هروق هخرج متقلقيش عليا..

_ماشي يا ابنى اللى تشوفه

نزلت وقعدت جنب جوزها ..

_لسه 

سما بيأس:لسه مش عارفه اعمل اي 

_سيبيه أنا هتصرف..

_مراد بيه واحد عاوز حضرتك

_خليه يتفضل..

دخل وكان ابو امير (حسن)

مراد:اتفضل ..

حسن:أنا حسن ابو امير ..

مراد:اها تشرفت اكيد..

_نورك ..انت طبعا عارف انا جاي في اي ..

_ابنك مفكر أن الكلام معايا لعب عيال ومشي ومرجعش ..

_اعذره هوا خايف يواجه بسمه ويواجهك ويواجه فيروز بعد اللى أمه قالتهوله

_بس أنا قولتله طالما بنتى عوزاك مش هيهمنى اي حاجه وطنش كلامى ومشي على مزاجى فأنت لو جاي علشان اساعده ف أنا آسف ابنك مطلعش قد الفرصه اللي ادتهاله

_انا آسف ليك بس حقيقي انت متعرفش حالته النفسية عامله ازاي أنا أول مره اشوف امير مطفى كدا بعد ما كان هوا سبب سعادتنا وفرحتنا ارجوك متحكمش عليه من غير ما تعرف السبب

_ابنك هرب من اول مواجهه كان لازم يجي ويواجه ويبرر موقفه ويحاول يقنع فيروز وانا كنت موافق ومعاه لكن هوا مطلعش قد الثقه اللي ادتهاله ..

_صدقنى امير خد صدمة عمره في أمه ومش عاوزه يخسر البنت اللي بيحبها ارجوك أنا جيتلك علشان عارف واسمع عنك انك راجل حكيم وبتقدر توزن المواضيع ومش بتحب تظلم حد وانا جيتلك علشان واثق انك هتسمعنى وتدينا فرصه ..

مراد بتفكير:الساعه ٧هستناك انت ومراتك وابنك ...

حسن قام وقف بسعاده :بجد شكرا جدا مش عارف اقولك اي

مراد بابتسامه:متقولش حاجه لولا انى عارف ان بنتى هى كمان بتحبه مكنتش عملت كدا ..

_ان شاء الله ربنا هيوفق..

عن اذنك..

حسن روح البيت بفرحه..

_سما سما

_اي يا حسن

_مراد النهارده مستنينا عنده الساعه ٧ أنا وانتى وامير..

سما بفرحه:بجد..

حسن طلع لامير وخبط الباب ...

امير:نعم..

حسن بهدوء:افتح يا أمير. أنا باباك..

امير فتح الباب وحسن دخل..

_خير يا بابا..

_اسألك سؤال ..انت لما روحت اتقدمت لبنت مراد رحت لمين..

_لابوها..

_وقالك اي

_انه معندهوش مانع وموافق..

_حتى وهوا عارف امك صح 

_اه..

_طيب لى عملت كدا يا امير وهوا نفسه كان مستنيك وانت خيبت أمله فيك ..

_انا مقدرتش اروح أواجه مش هعرف أواجه ..

_طيب هوا دلوقتي أنا روحتله وطلبت ايد بنته ليك ومستنينا النهارده الساعه ٧

امير بفرحه:دا بجد

حسن بابتسامه:بجد..

امير حضنه بفرحه :أنا بحبك اووي يا بابا ..

حسن:طيب يا اخويا أنا عندى شرط ..

_اي هوا 

_تصالح امك اهم حاجه وبعدها تحلق دقنك وتظبط حالك ونروح 

_بس

_مبسش يا أمير الموضوع دا كان قديم ولا انت ولا بنتها كنتوا موجودين اصلا وعاوزك تتعلم تحط مبررات للى حواليك وامك اه غلطت لكن صلحت غلطها وانا عمري ما شوفت منها حاجه وحشه ولا شوفت منها اي حاجه حتى انت ربتك على المبادئ والأخلاق ..وعمرها ما شجعتك على الغلط ..ف انت ملكش الحق انك تحكم عليها...

_حاضر يا بابا..

مراد وصل البيت ..

كان الكل متجمع على غير العاده ..

مراد دخل بثبات ووقف قدامهم وعينيه على فيروز:امير وعيلته جايبن النهارده الساعه ٧ومعاهم أمه سما..

فيروز بصدمه:اي!

بسمه فرحت من جواها وبصت لمليكه ومليكه ابتسمت وفريده كذلك ومالك ومحمد ومعاذ وياسين بصولها بابتسامه ممزوجه بفرحه..

مراد:أنا قولت اللي عندى

فيروز:بس

يصلها بتحذير:أنا مش امتى وقراراتى حد بيعترض عليها يا ست فيروز..

فيروز بعصبية ووقفت قدامه:انت اكتر واحد عارف انى معنديش مشكله مع الولد أنا عندي مشكله مع أمه..

_وانتى لى مش قادره تفهمي انها اتغيرت فعلا وبقت انسان تاني متحكميش على الكتاب من غلافه ولا من اول صفحه فيه انتى بقالك سنين مشوفتيهاش متبقيش عندك سوء ظن في اللى قدامك ..

فيروز:بس

مراد بثبات:أنا مصمم انك تقابليها

فيروز ببرود:تمام يا مراد اللى تشوفه..

وسابته وطلعت فوق..

مراد بص لبسمه:اجهزى 

هزت راسها بماشي ..

ومراد طلع ورا فيروز..

مريم:شكل امك يا بت يا بسمه مش هتعديها بالساهل..

عمر:متقلقيش يا بسمه كلنا معاكى..

بسمه ابتسمت وقامت طلعت ووراها البنات..

محمد:ياااه أنا من ساعت ما جيت والناس كلها بتحب وتتجوز يااااه..عقبالى أنا وفرفر بقى

معاذ نغزه وبص لياسين اللي كان باصص لمحمد

محمد:حبيبي يا ياسين عامل اي..

ياسين ببرود:كويس

محمد بهمس:مضطر استحمل البارد دا علشان خاطر أخته بس..

مالك:اتلم بقى

_اعمل اي حبيتها معرفش سحرتنى ولا سحرتلى..

معاذ بصله بقرف وقام من جنبه وطلع ووراه مالك وياسين قام وبرضو بصله بقرف

محمد :هوا أنا ريحتى وحشه ولا اي!

الساعه ٧

فيروز كانت بتجهز ومراد قاعد على الكرسي متابعها وهى متجاهلاه تماما..

مراد قام من مكانه بهدوء وقرب منها وحاوطها بأيديه.

_وحشتيني.

فيروز ببرود بعدته عنها..

مراد قربها منه تاني:بقولك وحشتيني..

فيروز:مراد !!

_قلبه

_والله

_في اي بس 

_انت اكتر واحد عارف اللي مريت بيه

_طيب يرضيكي بنتك قلبها يتكسر!!؟

فيروز بصتله شويه وبعدين اتنهدت بتعب:ميرضنيش ..

_بس وبعدين هسألك سؤال هوا أنا عمري قولتلك على حاجه وطلعت غلط او عمري ضحكت عليكي..

_لا الصراحه

_طيب المرادى برضو اسمعى كلامى

_لما نشوف

_طيب هاتى بوسه بقى

فيروز ضحكت بكسوف .

_ايوا احبك وانتى مكسوفه كدا 

_والله!!

_بحبك في كل حالاتك اصلا..

فيروز بكسوف:وانا كمان .

مراد لسه هيقرب منها لقى الباب بيخبط وكانت حبيبه: يا عمو الضيوف وصلو..

مراد تتنهد وبعد عن فيروز ورتب نفسه..وغمز لفيروز ونزل..

وفيروز ضحكت على شكله ..

ونزلت وراه..

في اوضه بسمة

بسمه بتوتر:ربنا يستر وماما متعملش حاجه..

مليكه:متقلقيش زمان بابا أقنعها

_تفتكري..

فريده:اكيد دا عمو دا مفيش زيه الوحيد اللى ليه تأثير على فيروز

ملك:فعلا بابا بيعرف يقنع بابا بس انا زعلانه يا بسمه

_من اي

_علشان مش هعرف استغلك تاني ..

بسمه لسه هتقرب تضربها كانت ملك جريت على برا ..

مراد استقبل حسن وعيلته ..وفيروز مستحمله انها شايفه سما بالعافيه..

سما قربت منها:ازيك يا فيروز

فيروز ببرود:اهلا..

الكل قعد في الصالون وحسن اتكلم:طبعا كلنا دلوقتي عارفين اللي حصل زمان وبص لفيروز:أنا آسف بالنيابه عن سما وكل اللى حصل زمان واتمنى نفتح صفحة جديدة بدون مشاكل..

فيروز:علشان خاطر بنتى بس لانى مش متعوده اكسر قلب حد فيهم زي ناس كدا..

وبصت لسما اللى بصت في الارض بحزن..

_سامحيني يا فيروز صدقيني اوقات كتيره بيكون الشيطان اقوى مننا..

_في فرق بين أن الشيطان بيسيطر علينا وأننا فوقنا اعمال الشياطين بس اوكى أنا موافقه لما اشوف اخرتها ..

مراد حمحم وبص لامير :شوفت انى قد كلامى اتمنى انك تكون زيي وتحافظ عليها ومتزعلهاش علشان ساعتها هتشوف وش تاني خالص

_اوعدك ..

بسمه كانت واقفه بتوتر وجالها رساله على تليفونها..

فتحت التليفون وانصدمت من اللى شافته..

كان الكل قاعد مستنى بسمه اللى نزلت بعصبية شديدة وقالت بكل وضوح وقوة:بابا أنا مش موافقه

    • تابع الفصل التالي "رواية دحيحة الدفعه الجزء الثاني دليل الروايات" اضغط على اسم الرواية