رواية خادمة الفهد الجزء (2) الفصل التاسع 9 - بقلم صفاء حسني

    رواية خادمة الفهد كاملة بقلم صفاء حسني عبر مدونة دليل الروايات 

 رواية خادمة الفهد الجزء (2) الفصل التاسع 9

في بيت عساف و خصوصا في اوضة لارا

…عساف كان واخد لارا في حضنه بخوف و لارا كانت مستغربة اوي و خرجت من حضنه وقعدت علي السرير قدامه

لارا / جرا اي يا سيادة اللواء مالك قلبك بقي ضعيف ليه كدة بس

عساف / اتلمي يا بت … بقولك ايه انا عايز اتكلم معاكي في موضوع مهم

لارا / يسلام اتكلم يا غالي .. مش اطمنا ع صقر و باذن الله هنتطمن علي فهد .. ارغي يا حاج

عساف بجدية / انتي من النهاردة مش هتنزلي منغير حراسة و حوار انك ترفضي و الجو ده مش هينفع و مش هسمح بيه تاني

لارا بصدمة / اي اللي حصل لكل ده يا عساف .. ما تفهمني مالك خايف ليه كدة ، مش انت اللي كنت بتقولي اوعي الخوف يعرف طريق قلبك

و قولتلي انا خلفت بنت بس ربنتها كراجل .. فين كلامك ده كله

عساف بخوف / انتي بنتي الوحيدة يا لارا و لو حصلك حاجة انا ممكن اموت ..و انتي ماشية في الدنيا تخبطي ، و اخرتها كسرتي ازاز عربية واحد

…لارا في اللحظة دي برقت و شبه فقدت النطق لدرجة ان عساف ضحك علي منظرها

عساف ضربها بهزار علي خدها / انتي متخيبة يا بت اني معرفش بنتي بتروح فين و بتيجي منين..انا سايبك بمزاجي لكن الهانم افتكرت اني نايم في العسل

لارا بقلق / يعني انت عارف بالحوار يا كبير ..

عساف قاطعها في الكلام/ قصدك الورشة يا بنت عساف مش كدة .هو انتي يا بت يوم ما تحبي تصيعي و تعملي فيها حويطة هيبقي عليا انا ده انا بابا . و بعدين خلاص انا سايبك بقالي كتير بتتعلمي هناك بس كفاية كدة

لارا حضنته بسرعة. / لا ده غلاوة همس عندك يا عم الدجوان ما تعمل فيا كدة .. ده الورشة الحاجة الوحيدة اللي بحبها بجد ، و بعدين انا عرفت مين فضح سري علفكره

عساف ضحك جامد. / مش جميلة ريحي نفسك دي برضو حسابها معايا بعدين ، طب بصي انا هداري عليكي علشان امك لو شمت ريحة الورشة دي قولي علي نفسك يا رحمن يا رحيم بس تسمعي الكلام و تبقي علطول مع الحراسة .. مفهوووم

لارا بزعل/ طب خليها من اول بكره .. انا عايزة اروح اطمن علي صقر و جميلة و بعدها اروح الورشة و من بكره اعمل اللي عايزه

….و بعد محايلات كتير من لارا وافق عساف و لبست و راحت هي همس تزور صقر اللي اصر انه يروح الفيلا

______________________________________________

في فيلا الحديدي 🙊

لارا / مكنش المفروض تخرج يا اونكل دلوقتي خالص حضرتك تعبان .. و صحتك في النازل حتي بص وشك مخطوف ازاي .

صقر ابتسم و معاذ رمه عليها المخده / الهي يجيلك شلل نصفي في لسانك يا بنت عساف .. يعني احنا نخلص من نغم و كارمن تطلعي انتي .

لارا بزعل / الله ما انا خايفة عليه يا زيزو .. اونكل صقر انا بعتبره في مقام بابا و بخاف عليه بجد و اللي بيعمله ده اسمه استهتار

معاذ / والنبي لتقوليله يا لارا انا مش فاهم ليه علطول بتحب تعند معانا علي حساب صحتك

صقر / يا ولاد انا كويس والله .. المهم فهد طمنوني عليه .. انا واثق انه ميعملشي كدة و كان نفسي ابقي معاه دلوقتي و اخده في حضني اطمنه

لارا بزعل / بصراحة انا كلمت نغم و قالتلي انه لسه فايق و في مرحلة صدمة

صعبان عليا اوي .. هو اه تلفان بس عبيط والله و نسخة من نغم و خالد في طيبتهم و مستحيل يعملها

بس تخيل يا اونكل كارمن برغم اللي هي فيه ده بكلمها قفلت السكة في وشي .. بت مش سالكة

…معاذ و صقر ضحكوا ..

صقر بص لمعاذ/ روحله يا معاذ انا بقيت كويس يا ابني بس اوعي تسيبه هو محتاجك اوي .وانا هتكلم مع خالد

لارا / وانا هروح اشوف جميلة .. النادلة مختفية من الصبح و مفكرتش حتي تسلم عليا بعد اذنكوا

______________________________________________

في المستشفى عند فهد 😔

كارمن نايمة جمبه علي السرير و وخداه في حضنها

و بتقوله بحب / عارف ياض يا فهد كنت بحس اني مش بطيقك خالص

فهد بصلها بقرف و كارمن ابتسمت / اه والله انا مش هضحك عليك ده انت زي اخويا ، الا لما حصل اللي حصل عرفت اني بموت فيك .. مش انت اخويا الصغير فهودي

فهد بغيظ / قولتلك بلاش الاسم الزبالة ده قبل كدة

كارمن قوليلي بصراحة ايه اللي بيحصل برا .. خالد عرف .. اكيد معرفشي صح .. والنبي ما تقوليه انا مش عايزه يضايق مني وانا مكنتش في وعي

…و فاجاه و هو بيتكلم كارمن لقته بيدمع بحزن و كسره اول مره تشوفهم في عيونه قربت و حضنته اكتر

كارمن / متعيطشي يا واد انت .. كل حاجة هتتصلح صدقني و بابا هيعرف انك مظلوم ..انا مصدقاك و واثقة ان ده فخخ منصوب

فهد بتوتر / طب .. نسمة فين يا كارمن انا عايز اشوفها

و بدا يعيط جامد/ وعدتها اني هحميها منهم بس مكنتش اعرف ان انا اللي هاذيها .. اقسملك بالله اني عمري ما فكرت اعمل معاها كدة ، انا بخاف عليها بجد يا كارمن . دي غلبانة اوي

كارمن حاولت تهديه و مسحت دموعه / معلش كل حاجة هتبان علي حقيقتها .. بطل توحع قلبي بقي أمك برا لو دخلت لقتك كدا هتضربني انا

فهد ضحك بتعب / انتي متخيلة ان ده سبب يعني اني اهدا 😂

_____________________________________________

في فيلا اسامة ..

كان عساف و يزن عنده بيتكلموا معاه

عساف بمكر / غريبة يعني .. اومال فهد اخد كمية المنشطات دي ازاي يا اسامة هو مش كان عندك برضو ساعة الفضيحة دي

اسامة بتوتر / اه كان موجود في الفيلا زيه زي كتير من صحابنا يعني ،انا مالي بقي هو معاه مين من صحباته و لا بياخد ايه

عساف / اه يعني انت عايز تفهمني ان الفيلا دي مفتوحة دعاره مثلا .. وانت بقي بتاخد منهم فلوس علي كدة صح يا اسامة

اسامة بتوتر / اي ده يا باشا لا طبعااا. و بعدين لو كلامك صح مكنتش بلغت البوليس بنفسي عن فهد لما شوفت اللي عمله في البت

…يزن في اللحظة مقدرش بتحكم في اعصابه و هو شايف اسامة بيلاوع في الكلام و واضح جدا انه كداب

يزن قرب منه / بقولك ايه يا روح امك .. انا مش بحب اللف و الدوران كتير انا لما اسالك سؤال ترد عليا .. انت اللي حطيت المنشطات صح

اسامة خاف من طريقة يزن لكن قاله بثبات / لا

فاجأه ضربه يزن بالبوكس في وشه لدرجة انه وقع من علي الكرسي و وطي يزن و جابه من شعره / برضو بتلاوع معايا .. انت عارف انا ممكن اعمل فيك ايه ، قسما بالله هدفنك حي و محدش يعرفلك طريق

اسامة بخوف / هو انا عملت ايه.. هو فهد يعمل المصيبة و انا اللي البسها .. هو ده جزاتي اني بخدم البلد

يزن اتغاظ اوي و جاب فازة و كسرها علي دماغه و قاله بصوت عالي جدا/ وانت بقي اللي ملاك يا ابن ..

و رايح تبلغ البوليس بدل ما تبلغ الاسعاف ياض

انت فاكرنا مختومين علي قفانا

عساف اتصدم من اللي يزن بيعمله و زقه بعيد عن اسامة و هو بيزعق / ايه اللي انت بتهببه ده ..انت اتجننت ولا ايه هتموته يا يزن علشان نقرره

يزن عصبيه / انا اصلا مش عارف انت جايب كميه الهدوء دي منين يا عساف.. الواد كذاب واحنا عارفين انه كذاب خلاص سيبه ليا بقى انا هقررلك امه

عساف حاول يتحكم في اعصابه وقاله / يزن غور من وشي ارجع القسم و ملكش دعوة بالموضوع ده

يزن كان لسه هيعترض عياف قاطعه بحده

و قاله / بقولك امشي يا حضرت الضابط

…وفعلا اضطر يزن ان هو يمشي علشان حس ان عساف اتعصب جدا و رجع البيت ينام و كان محصلش حاجة

___________________________________________

في اوضة جميلة

لارا بملل / بقولك ايه بقى يا ست جميله انا قاعده بقالي فوق النص ساعه قدامك وانت مش بتعملي حاجه غير بتعيطي ممكن افهم بقى في ايه يعني

 هل الدموع دي خوفا علي صقر ولا الفهد ولا لمين بالضبط ده حتى ادهم حبيب القلب رجع

و غمزتلها لارا بهزار و جميلة اتعصبت اوي / متجبيش سيره البني ادم ده تاني انا مش طايقة اسمع اسمه

لارا رفعت حاجبه و قربت من جميله و مسكتها من لياقة قميصها / وحياه امك يا جميلة لو ما فهمتيني اللي حصل لاكون مدياكي علقة محترمة .. اتكلمي يا بت

…وفعلا بصتلها جميله بحزن وكانت محتاجه تحكي لحد وقعدت حكتلها كل اللي حصل و لارا كانت متغاظه جدا من ادهم واتمنت انه يكون قدامها عشان تديله بالبوكس في وشه لكن جميله حلفتها ان الحوار ده ما حدش يعرفه ابدا .

و بعد حوالي ربع ساعة لارا بتحاول تفرفش جميلة.

جميله / انا خلاص صدقيني بقيت كويسه المهم دلوقتي انا عايزه اطمن علي فهد .. انتي مش متخيله كمية الناس اللي كلمتني امبارح من الجامعه

لارا / بصراحه الله يكون في عون خالد خبطتين في الراس توجع ..قاعد في اوضته مش عايز يتكلم مع حد ولا عايز يشوف حد حتى معاذ مرديش يفتحله

جميله بحزن / انا اساسا مستغربه ان معاذ واقف مع فهد برغم اني فضيحه فهد بقت في الجامعه بجلاجل

وممكن بسبب اللي فهد عمه دوت معاذ اصلا يتوقف عن العمل انت ناسيه ان هو معيد هناك

لارا بدات تلعب في شعرها بملل / الصراحه الموضوع كل شويه بيتعقد اكتر بس دي حاجه متوقعه من معاذ لان معاذ بيحب خالد جدا ومستحيل يسيب فهد لوحده ..و غير ده كله ده تربية صقر الحديدي يا بنتي

يلا انا لازم اروح الورشة حالا . باي يا جوجو

____________________________________________

راحت لارا الورشة و قعدت حوالي ساعتين و خرجت منها و ركبت عربيتها و مشيت لكنها اتصدمت لما لقت عربية كبيره سودة بتحاول تكسر عليها.

لارا بستغراب / اي العبط ده .. هو اعمي مش بيشوف ولا ايه.. طيب انت بقه اللي جبته لنفسك

…و بدات لارا تستعرض امكانيتها في السواقة و حاولت تهرب منه بمهاره لكن هو برضو كان متمكن من السواقة لاقصي حد و بعد حوالي ربع ساعة من المنافسة دي قدر انه يكسر عليها

لارا بغيظ / يا بن اللذينة و حياه امك ما هسيبك و هفتح دماغك النهاردة

و اخدت المفك من العربية بتاعتها و خرجت لكنها اتصدمت اول ما شافته .. ( هو اللي كسرت ازاز عربيته .. عاصي السيوفي )

لارا بصدمة / انت الرجل المجنح بتاع النظاره السودة .. انت جاي تاني عايز ايه ، شكلك حابب ان اللي حصل المره اللي فاتت يحصل تاني مش كدة يا شبح

عاصي اتغاظ و قلع النضاره و قاله بغيظ / انتي عارفة ان انا انا جايلك النهاردة و نويها

لارا ضحكت بتريقة / لا ده انت شكلك بتحب حماقي اوي .. ان جيت للحق انا كمان بحب الاغنية دي اوي

عاصي بستغراب / اغنية ايه.. انتي يا بت عبيطة

لارا / لا قلة ادب هبردلك لسانك اللي انت فرحان بيه ده .. انا حذرتك اهو .. و بعدين اغنية حماقي يا جاهل

و بدات تطبل لارا علي عربيتها و تغنيها / انا جايلك و ناويها بظبط و قتيل علي الباب بخبط هاخاف ولا ايه

هتسلم بعديها فقصر و بجد انا مش بهزر هاخاف ولا ايه

…عاصي اتصدم من اندماجها و انها مش خايفة منه تماما .

عاصي بصدمة / بس يا بت ..انتي ايه مش خايفة مني ده انا حالف اني افتح دماغك

لارا ضحكت بتريقة / طيب بعد كدة بلاش تحلف بحاجة انت مش قدها يا توتو و بعدين هو انت فاكر لما تلبسلي جاكت جلد اسود بقيت جامد انت كدة

وانا يا مامي هموت في جلدي بقي

عاصي ضحك / انتي مين بجد.. هو انتي طبيعية يا بنتي . انتي ازاي قادرة تضحكيني برغم كمية الغل اللي جوايا من ناحيتك ..

الله اعلم

….لارا اتكسفت من كلامه و دي كانت اول مره تحصلها و سكتت لكن عاصي قرب منها

و قالها بغيظ/ بس مش معني كدة اني هسيب حقي يا قطة .. ده انا عاصي السيوفي

و فاجاه مسك آلة حادة كبيره و رفعها في وش لارا و هي برقت و فتحت بقها بصدمة 😯😯😯😳😲

• يتبع الفصل التالي اضغط على (  رواية خادمة الفهد ) اسم الرواية