رواية زوج للايجار الفصل الرابع و العشرون 24 - بقلم اميرة محمد

 رواية زوج للايجار كاملة بقلم اميرة محمد عبر مدونة دليل الروايات 

 رواية زوج للايجار الفصل الرابع و العشرون 24

يستمع لصوت هاتفه منذ مده ولكن لم يعي ما يحدث بعد من ذلك اللئيم الذي يصر علي اهباط محاولاته المستميته للنوم ليمسك بهاتفه وهو لا يعي ما يحدث

مؤمن بنعاس : اممم مين اللي معندوش دم ليستمع لصوت صراخ تالي جعله يجلس فزعا وهي تقول : مؤمن يا حيوان جايلك نفس تنام نامت عليك حيطه

مؤمن بفزع : تالي يخربيتك خرمتي ودني بعدين الساعه كام لينظر الي الهاتف وهو يكمش ملامحه بضيق ليقول بصراخ : الساعه ٥ الصبح متصله علي اهلي ليه دلوقتي هنزل ابيع لبن

تالي بعصبيه : يعني كمان بتتعصب عليا وانا اللي متصله بيك يا غبي بعد اللي عملته لولا عايزه الحق نايا وامنعها كنت قفلت فوشك معبرتش اهلك

مؤمن بأستغراب ونعاس : نايا مين ورايحه فين لتقول الاخري بنفاذ صبر : اسمع عشان معنديش وقت نايا مسافره النهارده الساعه ٩ محدش عارف يمنعها العيله كلها عرفت ان الياس مجرد اتفاق عاصم بعتلهم الدليل وعشان كده هيخلوها تسافر غصب

مؤمن وهو ينهض سريعا : يعني اي الكلام ده هي سايبه وبعدين هي مش عيله صغيره عشان يغصبوها وازاي محدش قال لالياس

تالي بعصبيه : انا لولا مش عايزاها تسافر لا كنت قلتلك ولا قلت لسي زفت بعد اللي عمله معدش يهمني المهم بما انه جوزها يمكن الوحيد اللي يقدر يوقفها خليه ييجي يمنعها هي مش راضيه تغير رأيها

مؤمن بأستغراب : يعني هي موافقه امال اي غصبوها دي لتقول الاخري بنفاذ صبر : انا مش فاضيه انا رايحه دلوقتي مشوار وهعدي عليها هات سي زفت وخليه يلحقها قبل ما تمشي

مؤمن وهو يرتدي ملابسه بأستعجال : طب يلا غوري من وشي بقي صدعتيني علي الصبح جتك القرف لغلق في وجهها بدون ان يستمع لها ليجد هاتفه يرن مره اخري بأسمها

مؤمن بنفاذ صبر : عايزه اي اخلصي لتقول الاخري بعصبيه : بقي انت بتقفل فوشي يا معفن طب اقولك يا مؤمن عارف صوت القمر بيعمل اي توووت اسمعه بقي

لتغلق في وجهه سريعا دون انتظار رده لينظر الاخر للهاتف بصدمه وهو يقول : يبنت المجنونه انا اي اللي جبته لنفسي دي متصله مخصوص تقولي توت

______________________

عدي بضيق : نااااياااا يعني انا صاحي من بدري وقاعد مستني حضرتك تتنيلي تصحي وانتي اللي طيارتك بعد ساعتين نايمه وبتشخري

نايا بنعاس : غور من وشي يا اس المصايب انت جاي تزن عليا من الفجر هقوم اتنيل اعمل اي اي اصلا مصحيك بدري كده

عدي بضيق : الحق عليا صحيت اودعك اخر وداااع تخر وداااع بعدين مش انتي لسه علي طيارتك ساعتين او تلاته يدوب تلحقي في الطريق

نايا بنعاس : ياااه ساعتين او تلاته عارف الواحد يغير فيهم حياه كام شخص دول مستهون انت بالساعتين والتلاته دول بعدين اي اخر وداع شايفني رايحه اموت جتك نيله فألفاظك

لتدخل تمارا وهي تبكي بشده لتقول بنواح: مكنش يومك يا نايا مش يومك يا حبيبتي يا صغيره علي الهم يختاااي

نايا بضيق : اقلبوها نواح بقي في اي يا تمارا انتي وابنك بقولك مسافره مش رايحه للاخره بطياره مستعجله ارحمي امي العيانه يشيخه بقي

تمارا بضيق: الحق عليا بعملك حس عشان تشوفي انك غاليه علينا ده انا عملت المنبه مخصوص عشان اصحي اودعك المنبه اللي متعملش من ايام ابتدائي

نايا وهي تضع الوساده علي راسها بضيق : اوف بقييي اي اودعك دي اللي ماسكين فيها غوري يتمارا انتي وابنك انا مش فاضيه الله

تمارا ببرود : خلاص خليها لما الطياره تروح عليها اصل معاها معاد مهم مع الملايكه بتاكل رز ولبن حتي الحلم مش مبطله اكل فيه

لتزفر الاخري وهي تقوم لتتجهز نفسها سريعا لتهبط بعد فتره وهي تجد الجميع ينتظرها في الاسفل

مريم ببكاء : يعني خلاص بجد هتسافري يبنتي راجعي نفسك ليقول عبدالرحمن بحده : في اي مريم الطياره بعد تلات سعات مش هتغير رأيها دلوقتي خلاص

لتبتسم نايا بحزن وهي تحتضنها : هكلمك كل يوم يماما متقلقيش ليقترب منها يزن وهو يبتسم لها : هيعدوا علطول متقلقيش اما الياس هتعامل معاه بعد متمشي بس اضمن انك سافرتي عشان ميعملش مشاكل

لتومئ الاخري بحزن وهي تودع الجميع ليقترب عدي ببكاء وهو يقول : يعني خلاص البيت هيفضي علينا يا نايا مش هلاقي حد يخلص الحلويات دلوقتي واكل براحتي منها

نايا بضيق : اه يا عدي اتهد بقي يعيني شكلك متاثر اوي ليومئ الاخر بتأثر وهو يقول : ايوه اوي اوي يختي متعرفيش قد اي التأثر بيقطع فيا بس لو عايزه تفرحيني وتديني اوضتك مش همانع اهي شرحه وبرحه وتسيع من الحبايب الف

نايا وهي ترفع احدي حاجبيها بسخريه : واضح تأثرك يبن اخويا صحيح معرفش يربي ولا يا عدي مش هناولهالك بعدين مش هسيب البيت للأبد راجعه وهقعد علي قلبك

عدي بضيق : لا وعلي اي انا قلبي مش مستحمل اصلا لتقترب منها نونيا وتالي وهم يحتضنوها لتشاركهم تمارا وهم يبكون بشده

نايا بحزن : خلاص يجماعه هنتكلم كتير ومش هطول عليكوا بلاش تقلبوها محزنه لتقول نونيا ببكاء : خليكي بلاش تروحي وهنتصرف وكلنا هنكون سوا

تالي ببكاء : ايوه معاها حق صدقيني كله هيبقي بخير بس خليكي لتبتسم الاخري وهي تبتعد لتقول : معدش في وقت اغير رأيي لازم يحصل يلا يا يزن

لتتقدم وهي تودع الجميع بأعينها ليلحقوا بها الي المطار لتوديعها

________________

لا يعلم ماذا حدث ولا ماهيه ذلك الشعور اهو الشعور بالفقد يجتاحه ام الفراغ والندم الذي يأكل بدواخله ما لا يستطيع تعويضه

الياس بعصبيه : ليييه ليه تعمل كده غبيه مصبرتش يوم حتي تخليني اعتذر منها واقولها انه مش قصدي واشرح موقفي تمام غلط بس هي كمان غلطت لما خبت عليا

مؤمن : اهدي يا الياس هنلحق متقلقش لسه ساعه علي الطياره ليقول الاخر بعصبيه وهو يضرب السياره بضيق : مش شايف الزحمه علي ما نروح هتكون الطياره طلعت

شادي بضيق : اهدي عشان تعرف تسوق خلاص قربنا ومعدش غير حاجه بسيطه

 لينظر الاخر امامه بضيق وهو يتحرك ببطئ بين الزحام ليصل بعد فتره وهو يركض للداخل دون ان يهتم بوضع السياره في مكان مناسب ليبحث عنها وهو يكاد يفقد اخر ذره صبر لديه ليلمح طيف شخص ما ويركض له سريعا

الياس بلهفه : تالي نايا فين بسرعه هي فين لتنظر له الاخري بدموع وهي تقول: نايا دخلت عشان التفتيش وتجهيز الورق خلاص معدش غير ربع ساعه علي الطياره

ليزفر الاخر بتعب وهو يبحث عنها سريعا ليجدها بجانب يزن ليركض ناحيتها سريعا وهو يحتضنها بلهفه : كنت هموت لو رحتي وملحقتكيش ليه عملتي فيا كده

ليشعر بأحد يسحبه بحده وهو يقول : ابعد عن اختي واياك اشوفك تاني جمبها انت فاهم نايا هتسافر عشان تخلص منك وكلها سنه ولا اتنين ونرفع قضيه طلاق

الياس ببرود: ومين قالك اني هسمحلها تروح ولا مين اصلا اللي هيطلق ليضحك الاخر بسخريه وهو يقول : معدش غيرك يعترض اظن مهمتك خلصت وخدت اجرك عليها ولو عايز زياده هديك انا عارف اللي زيك

الياس بعصبيه: نايا هترجع معايا ووريني مين هيمنعني انا جوزها وغصب عن عين اي حد حتي لو تمثيل قدام الكل انا جوزها واقدر اعمل اللي عايزه

ليمسك به يزن من ثيابه بعصبيه : عارف لو مرحتش وسبتنا فحالنا دلوقتي هعمل فيك اي هنهيك يا الياس انت فاهم

نايا وهي تحاول ابعاد يده سريعا : يزن خلاص استني عشان خاطري بلاش نقعد الموضوع لتنظر لالياس بعتاب وهي تقول : عايز اي يا الياس بعد اللي حصل اظن كل حاجه انتهت وحسب العقد انا اللي اقرر اللي هيحصل بعدين

الياس بعصبيه : عقدك بليه واشربي ميته انتي ليا ومش هسمح لحد يبعدك عني انتي فاهمه لتضحك الاخري بسخريه وهي تقول : اتاخرت للاسف يا الياس بيه معدش ينفع

الياس وهو يضحك بسخريه : ماشي ومالو وريني بقي مين هيمنعني ليمسك يديها سريعا وهو يسحبها غصبا للخارج ليلحق به يزن ويحاول ابعاده ليقف امامه مؤمن وشادي وحسام يمنعونه من اللحاق به

يزن بعصبيه : ابعدوا بقولكوا وحياه امي يا الياس ما هرحمك ابعدوا الطياره قربت تطلع مش هسمحلها تروح معاه

شادي بضيق: ده جوزها وهو ادري بمصلحتها روق بقي عشان انت مش هتخرج وراهم

______________

تالي وهي تركض لمؤمن وتبكي : مؤمن هي مش هتمشي صح ليضع الاخر يديه علي شعرها وهو يقول بحب : لا يروحي الياس مش هيخليها تروح

تالي وهي تمسح دموعها بضيق لتضربه في قدمه : يلا يا كذاب ياللي معندكش دم بقي بتقفل التليفون فوشي يا معفن ده بعد متنازلت وكلمتك بعد عملتك السوده

مؤمن بضيق : حشا لله مش رجل دي اي يخربيتك وبعدين انا عارف اني غلط وكنت هاجي اعتذرلك بس انتي مدتنيش فرصه

تالي وهي تضيق عينيها بشك : يا سلام والمفروض مني اصدقك ليومئ لها الاخر سريعا : ايوه وكحسن نيه جبتلك معايا شوكولاته

 ليعطيها لها سريعا لتأخذها الاخري بسعاده وهي تضرب كتفه بمرح : عاش يواد يا مؤمن كده صدقتك جتك نيله فيك وفرايك اللي لا بيقدم ولا بياخر

مؤمن بضيق : كنت شارب اي وقت اما حبيتك تفو عليكي ماديه حقيره

شادي بتوتر : نونيا استني لتنظر له الاخري ببرود ليكمل وهو يتحمحم بتوتر : انا اسف علي اللي حصل صدقيني انا مكنتش معاه في اللي عمله ولا كنت قاصد أبين ده بس انا محبتش اشوفه بيتهان قدامي انتي فهماني

نونيا ببرود : مين قالكوا ان نايا مسافره لينظر لها الاخر وهو يقول بهدوء: تالي اتصلت بمؤمن وكلنا جينا معاه عشان نساعد الياس حتي لو غلطان هو ندم وكأن حابب يعتذر

نونيا بسخريه: ومفكرني هصدق انه ندم اي كان مش فوعيه امبارح وهو بيضربها بالقلم ليزفر الاخر وهو يحاول تهدئه نفسه : مليش دعوه بحد انا حبيت اعتذر عن اللي عملته انا معرفش فقدت اعصابي ازاي وعملت كده سامحيني

لتنظر له الاخري وهي ترفع احدي حاجبيها : وانت مفكر بسهوله كده تعتذر وهسامحك افرض كررتها ليقول الاخر سريعا : لالا والله مهتتكرر صدقيني غلطه وندمان عليها

لتبتسم الاخري وهي تومئ له : يبقي تعزمني علي الغدا ووقتها هنشوف اللي هيحصل يا اسامحك يا لا حسب

شادي بأبتسامه : وانا موافق طالما كرشك هيصلح الموضوع فلازم نهتم بيه

______________

نايا بعصبيه وهي تحاول سحب يديها : الياس ابعد ايدي وجعتني الياس الطياره هتطلع مش هلحق ابعد

الياس بعصبيه : اخرسي واركبي العربيه وانسي ام السفر ده لاني مستحيل اسمحلك ليمسك يديها وهو يجبرها علي دخول السياره ليذهب بها سريعا

نايا بصراخ : الياس وقف العربيه بقولك انا مش عايزه اروح معاك انت مبتفهمش لينظر لها الاخر بشرار وهو يقول: لا مبفهمش معدش فيا عقل بسببك ارحمي امي بقي عايزه يحصل اي بعد كده

نايا بصراخ : بقولك نزلني متبعدش عن المطار الطياره هتطلع انا عايزه اسافر ليوقف الاخر السياره سريعا وهو ينظر لها بعصبيه : مستحيل يا نايا متكذبيش هما اللي غصبوكي تروحي وتسافري صح انتي مستحيل تعمليها وتسبيني

نايا بضيق : لا دي ارادتي يمكن هما اللي اقترحوا ده بس انا اللي عايزاه بجد سيبني يا الياس بعد اللي حصل لا انا هنسي كلامك وعمايلك ولا انت هتنسي اساس علاقتنا والعقد اللي بينا هيفضل في سد بينا مش هيتهد

الياس بضعف : انا اسف والله غصب عني متعرفيش قالي اي محستش بنفسي لما شفتك قدامي وفكرت كلامه صح يمكن فعلا كان لازم أسألك الاول بس انا مقدرتش حسيت نفسي مخنوق وكأن حد بيحرق فيا انا بحبك يا نايا متسبنيش

لتبعد الاخري وجهها حتي لأ يري دموعها لتقول بهدوء : للأسف اعتذارك جه متاخر يا الياس ولو قبلته حتي مش هقدر انساه يمكن البعد يصلح اللي كسرناه وده قراري

الياس بتشتت : يعني انتي هتتخلي عني عشان غلط زي ده منتي كمان غلطي يا نايا سألتك كتير وانتي عمرك مجاوبتيني حتي لغايه دلوقتي معرفش اللي حصل اي

نايا بشرود : معاك حق دي غلطتي انا اللي غلط بس عايزاك توثق فيا كل كلامه غلط ومش هقولك الصح الا لما اتخلص من عاصم نهائي واخد حقي يوم ما كرامتي ترجعلي بس هريح قلبك وضميرك وليومها هيفضل اللي حصل قدامك عشان متتسرعش تاني ودلوقتي رجعني

الياس بدموع : لو رحتي هتكوني بتنهي اخر حاجه بينا بالله عليكي متسبيني انا محبتش حد قدك والله اللي عملته كان من خوفي تكوني بتحبيه وانا لا حسيت بنار بتكويني يا نايا بلاش تبعدي عني

نايا ببكاء : مش بنهي حاجه يا الياس بس طول ما هنشوف بعض هنفتكر اللي حصل اوعي تفكر اني مش عارفه الشك جواك لسه موجود مش هترتاح الا لما اعرفك بنفسي اللي حصل وانا هاخد وقت طويل عشان اقدر احكي وقت لما ارد كرامتي من تاني

الياس بدموع : انا مقدرش اعيش من غيرك يا نايا وصدقيني لو سافرتي كل حاجه بينا هتنتهي عشان كده يا انا يا السفر يا نايا لتنظر له الاخري بصدمه وهي تقول : انت بتخيرني بينك وبين حاجه المفروض تصلح بينا

الياس بعصبيه : انتي اتجننتي هتصلح اي انتي بتدمري علاقتنا عارفه السنين اللي هتقضيها بره دي هتطفي مشاعرنا قد اي عارفه فكل لحظه هعيشها من غيرك هكرهك كام مره عشان اخترتي تبعدي وكأن فأيدك تفضلي وتديني فرصه عارفه هتكوني انانيه فنظري ازاي

نايا بعصبيه : اولا الحب اللي بيطفي في البعد مسموش حب اسمه مجرد وقت طول منا موجوده هتحبني واول مبعد تنساني انا مش انانيه بس انا كمان مش ملاك عشان اضحكلك واقولك كله بخير كمل اللي عملته وعشان كده السفر احسن حل

لينظر الاخر لها وهو يقول بثبات : يعني ده اخر قرار ليكي لتقول الاخري وهي تبعد وجهها عنه: ايوه ومش هغيره انا محتاجه الاقي نفسي

ليومئ لها الاخر وهو يعيد تدوير السياره ليقول ببرود : تمام خليكي فاكره ان انتي اللي قررتي واتخليتي عني ليسرع وهو يعود للمطار ليتوقف بعد فتره وهو ينظر أمامه ببرود

نايا بتوتر: الياس صدقني انا مخترتش السفر عليك إلا لاني عايزاك لو فضلت جمبك مش هنسي اللي حصل وهفضل اتوجع واحس بقله الكرامه فكل مره يمكن البعد يحل اللي مقدرناش نحله

الياس ببرود : للاسف انا خيرتك وانتي اخترتي ملكيش حق تتكلمي بعد كده انزلي من عربيتي لتنظر له الاخري بدموع : الياس انا …

الياس بعصبيه : بقولك انزلي من عربيتي امشي ومتبصيش وراكي مش ده اللي عايزه لتنظر له الاخري وهي تبكي لتفتح باب السياره وهي تلقي عليه نظره اخيره

ليقول الاخري بألم : ياريتني ما عرفتك ولا دخلتي حياتي انا كنت مرتاح قبل ما اشوفك واحس بقله الكرامه وانا جمبك ومع ذلك اخترتك وانتي بعتيني عشان غلطه واحده غلطها ياريتني ما حبيتك يا نايا

ليتركها وهو يتحرك بالسياره سريعا تاركا اياها تنظر للسياره بصدمه من حديثه لتمسح دموعها وهي تنظر لاثره بتصميم : زي ما تحب واعتبرني مدخلتش حياتك يا الياس والنهارده نايا ماتت وفي اليوم اللي هحط رجلي فيه في البلد دي هعرف كل واحد قيمته وهدفعكوا تمن كل دمعه نزلت مني

لتضع نظراتها وهي تخطوا للداخل بتصميم لتودع فصلا في حياتها وتبدا فصل وعدت له نفسها بالانتقام من جميع من اذوها به

• يتبع الفصل التالي اضغط على ( رواية زوج للايجار ) اسم الرواية