رواية اكليل الحياة الفصل الرابع و العشرون 24 -بقلم دودو احمد

  رواية اكليل الحياة كاملة بقلم دودو احمد عبر مدونة دليل الروايات 

رواية اكليل الحياة الفصل الرابع و العشرون 24

 عاد احمد غرفته وألقى جسده على السرير نظر إلى الأعلى بحزن شديد وضع يده على وجه وزفر بضيق ثم اعتدل مره اخرى امسك هاتفه وأجرى اتصالا بوسام وانتظر الرد وبعد عدة ثوانى سمع صوتها تقول له

-مامتك عامله ايه دلوقتى

تكلم بنبره مختنقه وقال

احمد :-زى ما هى مافيش حاجه جديده كل ما تفوق متلاقيش ريم تفضل تصرخ لحد ما تاخد الحقنه المهدأه وتنام تانى

ردت عليه بحزن وقالت

وسام :-معلش هى فتره صعبه وهتعدى أن شاءالله بكره تتعود على غيابها وتتقبل فكرة جوازها من ابن عمها بس خليك انت جنبها وادعمها

تنهد بحزن وقال

احمد :-ما أنا جنبها يا وسام ومش بسيبها لحظه بس نفسي ترجع كل حاجه زى ما كانت انا اعصابى تعبت وحاسس أن بنهار حياتى واقفه ومش قادر اعشها ولا قادر اتابع دراستى ولا حتى اسأل على اختى ابرار اللى زمانها دلوقتى زعلانه منى ولا قادر اتكلم مع ريم واسأل عليها حاسس ان متكتف ومش قادر اتحرك أنا محتاجك جنبى اوى يا وسام محتاجك تخدى بأيدى وتخرجينى من كل اللى انا فيه ده

تكلمت بحب وقالت بنبره حنونه

وسام :-انا فعلا جنبك يا احمد وقت ما تميل هتلاقينى فى ضهرك اسندك انت كل اللى حاسس بى ده علشان شايل حمل فوق طاقتك محمل نفسك ذنب كل حاجه بتحصل بس لو بصيت من اتجاه تانى هتلاقى أن كل حاجه قسمه ونصيب وعلشان ربنا رايد أن اختك تتجوز ابن عمها حصل كل ده وعلشان ربنا ليه اراده أن ابرار تتجوز اخويا سراج حصل كل ده يعنى الموضوع كله إرادة ربنا ومحدش ليه يد فى حاجه انت ادخل خد حمام دافى واتوضى وصلى ركعتين لله ونام علشان تعوض قلة النوم بتوع اليومين اللى فاتوا ومن بكره اصحى كده فايق وابدأ يومك من جديد واتوكل على الله وسيبها عليه هو يدبرها بحكمته وياريت تيجى بكره الجامعه علشان انت واحشتنى اوى اوى الصراحه

ابتسم بحزن وقال

احمد :-وانتى والله يا وسام وحشانى اوى نفسي اقابلك وافضل ابص فى عيونك واسرح فيهم وانسي كل الهم اللى انا فيه ده

ردت عليه بحب وقالت

وسام :- خلاص هستناك بكره فى الجامعه اوعى متجيش

أجابها بصوت مختنق وقال

احمد :-هاجى علشانك انتى وبس اعملى حسابك بكره أننا هنتغدا مع بعض

ابتلعت ريقها بتوتر وقالت

وسام :-م م مش عارف هقدر ولا لاء هشوف الظروف بكره ايه وابلغك

رد عليها بحب وقال

احمد :-حاولى علشان خاطرى أنا محتاج الخروجه دى اوى

تنهدت بقلق وقالت

وسام :-حاضر هحاول وربنا يستر هسيبك بقى علشان ترتاح

تكلم بنبره منهكه وقال

احمد :-ماشى يا قلبى خلى بالك على نفسك باى

واغلق الخط ونهض من على السرير دلف المرحاض خلع ملابسه وأخذ حمام دافى وتوضأ وخرج ارتدى ملابسه صلى ركعتين وتمدت على السرير وبعد وقت ذهب فى سبات عميق .

…………………………………………………………….

انتهت ابرار من مساعدة اعتماد بالمطبخ ونظرت لها بتوتر وقالت بترجى

-ماما هو أنا ممكن اطلب منك طلب

نظرت لها نظره حنونه وقالت سريعا

اعتماد :-طبعا يا حبيبتى اطلبى اللى انتى عايزاه

فركت يدها ببعضها وقالت بتلعثم

ابرار :-ممكن انام فى اى مكان تانى غير أوضة سراج ارجوكى أنا مش عايزه انام معاه فى مكان واحد

ردت عليها بأستغراب وقالت

اعتماد :-ازاى بس يا بنتى لازم تنامى مع جوزك فى اوضه، وبعدين انتى شايفه الشقه يادوب على قدنا أنا وعمك ابراهيم فى اوضه وعلى اوضه ووسام اوضه وانتى وسراج اوضه والسفره والصالون يبقى هتنامى انتى فين

تكلمت سريعا وقالت

ابرار :-انام على الكنبه اللى فى الصاله معنديش اى مشكله

نظرت لها بضيق وقالت

اعتماد :-وده ينفع برضه يا بنتى افرضى عمك ابراهيم ولا على حابوا يدخلوا الحمام هيرحوا ازاى وانتى نايمه فى الصاله كده والشقه مفيهاش غير حمامين حمام فى اوضة سراج وكان بايظ ولسه متصلح قبل جوازكم بيومين والحمام التانى اللى الكل بيدخله يعملوا ايه بقى

زفرت بضيق وقالت بعدم رضا

ابرار :-ماشى يا ماما اللى حضرتك شيفاه صح

ربت على ظهرها بحنو وقالت

اعتماد :-يا حبيبتى دى الأصول الواحده تنام فى اوضة جوزها وعلى سريره

نظرت لها بتوتر وقالت

ابرار :-ع ع عندك حق يا ماما

ابتسمت لها وقالت

اعتماد :-يلا روحى عند جوزك بقى

حملقت عيناها بصدمه وقالت بتوتر

ابرار :- ها ل ل لا لسه لما اساعدك ونخلص اللى ورانا

ردت عليها بنفاذ صبر وقالت

اعتماد :- يا بنتى ما احنا خلصنا خلاص روحى بقى عند جوزك

زفرت بضيق وتحركت ببطئ إلى الخارج ونظرت إلى باب الغرفه بعدم رضا وتحركت بأتجاه طرقت على الباب عدة طرقات ثم دلفت إلى الداخل وجدت سراج بالمرحاض أغلقت الباب وجلست على الأريكة وامسكت الهاتف وظلت تعبث به بملل حتى سمعت صوت الباب ينفتح ابتلعت ريقها بتوتر وظلت تنظر إلى الهاتف بقلق

خرج من المرحاض وجد ابرار تجلس على الأريكة نظر لها بغضب واتجه إلى السرير وتمدت عليه واغلق عينه حتى ينام

نظرت عليه وجدته مغلق عينه تنهدت بأرتياح ونهضت سريعا وركضت إلى المرحاض وبعد عدة ثوانى خرجت وجدته يجلس على السرير ابتلعت ريقها بتوتر وتحركت بأتجاه الاريكه

نهض من على السرير واقترب منها ونظر لها بغضب وقال

سراج :-طول ما انا صاحى فى الاوضه مش عايزك تدخلى فيها لما اكون مش موجود او نايم ابقى ادخلى فاهمه

ردت عليه بضيق وقالت

ابرار :- م م ما انا حاولة مدخلش دلوقتى بس ماما هى اللى صممت

تكلم بنبره غاضبه وقال

سراج :-مليش دعوه بحد ابقى اتصرفى مش عايز اشوفك طول ما انا موجود

تجمعت الدموع فى عينيها واومأت رأسها بالطاعه وقالت

ابرار :-حاضر

تحرك مره اخرى إلى السرير ثم استدار لها وقال بتحذير

سراج :-انا لسه محاسبتكيش على الكلام اللى قولتيه قبل الاكل بس مش وقته

نهضت من على الأريكة واتجهت إلى باب الغرفه

تكلم بصوت غاضب وقال بتساؤل

سراج :-رايحه فين

نظرت له وقالت بصوت منكسر

ابرار :-هخرج لحد ما تنام

تكلم وهو يتمدد على السرير قائلا

سراج :-ملوش لزوم أنا خلاص هنام

واغلق عينه سريعا

نظرت له بكره وعادت مره اخرى على الأريكة تمدت عليها وأغلقت عينيها والدموع انهمرت منها بغزاره حتى غالبها النوم

فتح عينه ونظر إليها وهى نائمه زفر بضيق واغلق عينه مره اخرى وبعد وقت ذهب فى سبات عميق.

……………………………………………………………

اشرقت شمس صباح يوم جديد بنورها الساطع فى سماء القاهره استيقظت ابرار من نومها نظرت بالغرفه حتى تتأكد أن سراج غير موجود اعتدلت سريعا واتجهت إلى المرحاض وتصنتت على الباب حتى تتأكد من عدم وجود أحد بالداخل وحركت يدها ببطئ وطرقت على الباب بهدوء وقالت

-حد جوه سراج انت فى الحمام

لكنها لم تستمع اجابه من الداخل فتحت الباب وتنهدت بأرتياح نزعت الحجاب من على رأسها وأخذت حماما سريعا وبعد وقت خرجت اخذت ملابس خروج من حقيبة ملابسها ارتدتها ووقفت أمام المراه وضعت الحجاب على رأسها وخرجت من الغرفه نظرت بالمكان وجدت مازال الجميع نائمآ خرجت من باب الشقه بهدوء واغلقته خلفها وهبطت سريعا إلى الأسفل وركضت إلى الجامعه وبعد وقت وصلت هناك ودلفت إلى الداخل بأنفاس لاهثه تنهدت بأرتياح عندما وجدت الباب مفتوح وسراج لم يحضر بعد جلست سريعا بجوار ولاء وقالت بصوت متقطع

-الحمدلله وصلت قبل ما المحاضره تبدأ

نظرت لها بعدم تصديق وقالت

ولاء:-انتى ليه مقولتليش انك نازله الجامعه النهارده كنت عديت عليكى وجينا مع بعض

ردت عليها بضيق وقالت

ابرار :-الصراحه أنا مكنتش حاطه فى دماغى أن اجى النهارده بس صحيت من النوم لاقيت لسه الوقت بدرى قولت هقعد لوحدى اعمل ايه قومت جهزت نفسي وجيت على الجامعه على طول

ابتسمت بسعاده وقالت

ولاء:-احسن حاجه عملتيها اصلك واحشتينى اوى

ردت عليها بحب وقالت

ابرار :-وانتى كمان واحشتينى واحشنى السهر مع بعض طول الليل الحكاوى اللى كانت مش بتخلص ما بينا واحشنى اكلنا مع بعض واحنا بنضحك ونهزر منه لله بقى اللى كان السبب

وفى ذلك الوقت دلف سراج

تكلمت سريعا وقالت

ولاء :-ششش العو وصل

نظرت له بغضب وقالت بصوت هامس

ابرار :-صاروخ فى معاميعك خابط فى نفوخك يا بعيد

كبدت ضحكاتها بصعوبه وقالت بصوت هامس

ولاء :-يا بنتى اتلمى بقى المرادى انتى هتبقى معاه فى البيت مش هيسمى عليكى

نظر بصدمه على ابرار وحاول كبد غضبه بصعوبه وبدأ المحاضره وطيل الوقت ينظر إلى ابرار بغضب شديد وبعد وقت انتهى وخرج سريعا نظرت له بأستغراب وقالت

ابرار :-ماله ده بيعمل كده ليه

حركت رأسها بعدم فهم وقالت

ولاء :-مش عارفه بس حاسه ان هو عايز يقت/لك

تكلمت بعدم اهتمام وقالت

ابرار :-سيبك منه هو اصلا على طول مش طايق نفسه كده، بقولك ايه انا مش عايزه ارجع البيت دلوقتى هاجى معاكى اقضى اليوم عندك

قفزت بسعاده وقالت

ولاء :-بجد !! انا واحشتنى القاعده مع بعض اوى وكمان انا مخنوقه علشان على بيتصل بيا من امبارح ومش برد عليه

نظرت لها بأستغراب وقالت بتساؤل

ابرار :-ومش بتردى عليه ليه أن شاءالله وهو ماله باللى هببه اخوه متبقيش عبيطه بقى على بيحبك بجد والله لو شوفتى منظره امبارح كان صعب عليكى ده حتى الاكل مرضاش ياكل معانا

نظرت لها بحزن وقالت

ولاء :-كلمة اخوه امبارح جرحتنى اوى يا ابرار كشفت الحقيقه قصاد عيني وللاسف إن هو عنده حق ازاى سمحت لنفسي اعمل كده افرضى الكلام ده وصل لماما ولا لاخويه معاذ كان ايه هيحصل؟ كده احسن خلينا بعاد عن بعض لحد ما ربنا يسهله ويتقدم وكل حاجه تبقى رسمى

تنهدت بضيق وقالت بنفاذ صبر

ابرار :-كله بسبب بوز الأخص ده منه لله عمال يأذى ويجرح فى الناس طول ما هو ماشى ، يلا امشى

وخرجوا الاثنين من الجامعه وجدوا على ينتظرهم بالخارج أمسكت يد ابرار بتوتر وقالت بصوت هامس

ولاء :-ايه جاب المجنون ده هنا تانى

اقترب منهم ونظر إلى ولاء وقال بغضب

على :-مش بتردى على تليفونى ليه

نظرت إلى الأرض بتوتر وقالت

ولاء :-كده ومتتصلش بيا تانى علشان مش هرد عليك

اقترب منها أكثر وهدر بها بغضب وقال

على :-ايه الكلام العبيط اللى انتى بتقوليه ده بلاش تعصبينى يا ولاء

ردت عليه بغضب وقالت

ولاء :-يعنى انت عجبك الكلام اللى اتقال عليا امبارح وتلاقى كان بيتقال عليا الكلام ده من ساعة ما عرفتك ارجوك يا على انا مش طايقه نفسى من امبارح متجيش انت وتكمل عليا

اغلق عينه بغضب وصر على أسنانه وقال

على :-قولتلك أن انا بحبك يا ولاء ومش هسمح لحد يجيب سيرتك بكلمه وحشه ومش هجيلك هنا تانى بس حتى ردى على التليفون أنا مقدرش استغنى عنك ويومى مش بيكمل غير لما اشوفك واسمع صوتك

نظرت له بدموع وقالت

ولاء :-وانا كمان بحبك ومش عايزه يجى يوم واكرهك بسبب كلام اخوك

حرك رأسه بالرفض وقال

على :-ملكيش دعوه بأخويا أنا هعرف اتصرف معاه ومش هسمحله يقرب منك تانى ولا يجرحك بكلمه بس علشان خاطرى بلاش تبعدى عنى أنا من امبارح مأكلتش ولا نمت بسببك بفكر فيكى وبس

نظرت له بحب وقالت

ولاء :-ماشى بس بلاش تعمل مشكله مع اخوك بسببى

ابتسم بسعاده وقال بتساؤل

على :-ماشى ايه!؟ يعنى خلاص هتردى عليا لما اتصل بيكى

اومأت رأسها بالتأكيد وقالت

ولاء :-اممم هرد عليك بس يلا امشى من هنا قبل ما يجى ويشوفنا ويسمعنا كلمتين تانى ملهمش لازمه

نظر إلى ابرار بأستغراب وقال بتساؤل

على :-ابرار انتى هنا !؟ جيتى من امته

نظرت له بأستغراب وقالت

ابرار :-يووووه من بدررررى بس واضح كده أن انا كنت شفافه بالنسبالك ومش شايف غير ولاء وبس

ابتسم على كلماتها وقال

على :-ولاء أنا شايفها بقلبى حتى لو مغمض عيونى

نظرت إلى الأرض بخجل

قالت بنبره مرحه

ابرار :- يا سيدى يا سيدى على الكلام الحلو هحسدكم بقى

لكمتها بذراعها حتى تتوقف عن الكلام وقالت

ولاء :-مش يلا بينا بقى قبل ما حد يجى علينا واحنا واقفين كده

اومأت رأسها بالتأكيد وقالت

ابرار:- أنا بقول كده برضه يلا بينا

نظر لهم بأستغراب وقال

على :-انتى رايحه فين يا ابرار مش هتروحى ولا ايه

حركت رأسها بالنفى وقالت

ابرار :-لا هروح اقضى اليوم النهارده مع ولاء

تكلم سريعا وقال

على :-قولتى لسراج

ردت عليه بعدم فهم وقالت

ابرار :- واقوله ليه هو ماله

اغلق عينه بضيق وقال بنفاذ صبر

على :-يا ابرار بلاش اللى انتى بتعمليه ده انتى كده بتخرجى الوحش اللى جوه سراج المفروض أنه هو جوزك ولازم تستأذنى منه قبل ما تتحركى من البيت اصلا ودى الأصول حتى لو كان الجواز على ورق بس

تكلمت بغضب وقالت

ابرار :-هو ملوش حكم عليا انا حره واعمل اللى انا عايزاه براحتى مدام ده ميمسش كرامته ولا سمعته كراجل

رد عليها بهدوء وقال

على :-لا ليه حكم عليكى يا ابرار شرعا هو جوزك دلوقتى ولازم استأذنه يلا تعالى روحى معايا ربنا يهديكى بلاش تجرى شكله

حركت رأسها بالرفض وقالت

ابرار :-لا يا على انا هروح مع ولاء

ثم نظرت إلى صديقتها وقالت

-امشى يلا يا ولاء

نظرت إلى على بتوتر وتحركت مع ابرار وغادروا المكان

نظر إلى أثرهم بضيق وقال

على :-انتى بتلعبى بالنار يا ابرار وبتأذى نفسك من غير ما تحسي.

……………………………………………………………

خرجت ملك من الجامعه ونظرت أمامها بتوتر وتحركت بأتجاه معاذ ابتسمت له وقالت بخجل

-اتأخرت عليك

حرك رأسه بالنفى وقال

معاذ :-لا أنا اللى جيت بدرى من فرحتى

ردت عليه بأحراج وقالت

ملك :-ا ا انا اسفه أن نزلتك بدرى من الشغل بس انا محتاجه حد معايا فى الوقت ده وصحبتى وراها مشوار ضرورى ومش هتقدر تيجى معايا، النهارده اول مره هقابل اختى ومش متوقعه ردت فعلها ايه هتكون فرحانه ولا هتزعل ولا هتتعصب انا الصراحه متوتره جدا من المقابله دى

نظر لها بأستغراب وقال بتساؤل

معاذ :-ازاى مش فاهم اختك يعنى كانت عايشه مع بابها وانتى عايشه مع مامتك

حركت رأسها بالنفى وقالت

ملك :-لا هى اختى من ماما كانت عايشه مع تيته بس عمرنا ما اتقابلنا بسبب مشاكل عائليه وكده ولما تيته ماتت ماما قلقت عليها وعايزه تطمن عليها

نظر امامه بأستغراب وقال بتساؤل

معاذ :-هى اسمها ايه

ردت عليه سريعا وقالت

ملك :-اسمها ابرار

حملق عينه بصدمه وقال

معاذ :-ابرار اللى فى كلية تجاره

اومأت رأسها بالتأكيد وقالت بأستغراب

ملك :-ايوه هى انت تعرفها

رد عليها سريعا وقال

معاذ :-ايوه دى صاحبة اختى ومتربيه معانا بس هى دلوقتى متجوزه

نظرت له بصدمه وقالت

ملك :-متجوزه !! انت متأكد

اومأ رأسه بالتأكيد وقال

معاذ :-ايوه متأكد لسه متجوزه من يومين أنا ممكن اجبلك رقمها من اختى لو حابه تكلميها وتتأكدى من كلامى ده

ردت عليه سريعا وقالت

ملك :-ياريت تبقى عملت معايا معروف

امسك هاتفه وأجرى اتصالا بشقيقته وانتظر الرد وبعد عدة ثوانى إجابة عليه قائلا

ولاء :-ايوه يا معاذ

رد عليها بصوت جاد قائلا

معاذ :-ولاء عايزك تبعتى ليا رقم ابرار فى رساله

تكلمت بقلق وقالت

ولاء :-ليه فيه حاجه حصلت ولا ايه

أجابها بتوضيح قائلا

معاذ :-ايوه اختها معايا اهى وعايزه رقمها علشان تكلمها

ردت عليه سريعا وقالت

ولاء:-اختها!! قصدك اختها ريم هى هربت من الصعيد ولا ايه

تكلم بعدم فهم وقال

معاذ :- ريم مين!؟ لا طبعا مقصدش اختها دى أنا قصدى اختها ملك من مامتها

ردت عليه بصدمه وقالت

ولاء :-اختها من امها !!!

تكلم بنفاذ صبر وقال

معاذ :-ايوه اخلصى بقى وابعتى الرقم

تكلمت سريعا وقالت

ولاء :- استنى ابرار معايا فى بيتنا اهى خليها تكلمها

واعطت الهاتف إلى ابرار وقالت

-خدى يا ابرار فيه حد عايز يكلمك

اخذت الهاتف وقالت بأستغراب

ابرار:-مين

وإجابة على الهاتف وقالت

-السلام عليكم

أتاها صوت أنوثى متوتر قائلا

ملك :-وعليكم السلام ورحمه الله وبركاته انتى ابرار

اجابتها بأستغراب وقالت

ابرار :-ايوه أنا انتى مين

تكلمت بتوتر وقالت

ملك :- أنا ملك اختك

ردت عليها بأستغراب وقالت

ابرار :-ملك اخت مين حضرتك عايزه مين بالظبط

اجابتها بتوتر وقالت

ملك :-مش انتى ابرار بنت انكل اسامه

زفرت بضيق وقالت

ابرار :-ايوه أنا

ردت عليها سريعا وقالت

ملك :-انا ملك بنت وفاء اللى هى مامتك

صمتت لحظات حتى تستوعب وقالت

ابرار :- بنت وفاء اللى هى مامتى وخير حضرتك انتى ومامتك عايزين منى ايه فيه عريس انتوا كمان وعايزين تجوزونى ليه لا معلش مش هينفع المرادى اصلا أنا متجوزه شوفوا حد غيرى ولا اقولك روحى اتجوزيه انتى

تكلمت بعدم فهم وقالت

ملك :-عريس ايه مش فاهمه قصدك ايه، عموما أنا عايزه اقابلك ونتكلم وجه لوجه ممكن

ردت عليها بضيق وقالت

ابرار :-مش عايزه اقابل حد سبونى فى حالى بقى مش ناقصه مصايب تانى

وأغلقت الخط بغضب شديد

نظرت إلى معاذ بحزن وقالت

ملك :-رفضت تقابلنى

نظر لها بأستغراب وقال

معاذ :-رفضت تقابلك ليه انا اعرف ابرار من زمان وهى مش من النوع اللى بتتعامل بعصبيه كده

حركت رأسها بعدم فهم وقالت

ملك :-معرفش بتقول عريس ومش ناقصه مصايب أنا مفهمتش حاجه غير أنها رفضت تقابلنى

ابتسم لها وقال بنبره هادئه

معاذ :- أنا فهمت، اصل لما عرفت طريق بابها رفض يقابلها وفى يوم طلب منها انها تروح الصعيد واتاريه عمل كده علشان يجوزها ابن عمها غصب عنها بس هى هربت واتجوزت بسرعه من واحد تانى وعلشان كده هى فكرت انك بدورى عليها علشان تعملوا معاها نفس اللى ابوها عمله فيها اعذريها اللى هى شافته فى حياتها والخذلان اللى عاشته فى اقرب ما ليها خلى عندها عدم ثقه فى اى حد

تكلمت بحزن وقالت بعدم تصديق

ملك :-هى شافت كل ده!؟ لا حولا ولا قوه الا بالله علشان كده قلب ماما كان حاسس بيها ودايما قلقانه عليها

نظر لها وقال بتساؤل

معاذ :-تحبى تقابليها

اومأت رأسها بالموافقه وقالت

ملك :-ايوه بس هى مش راضيه هقابلها ازاى

رد عليها بتوضيح وقال

معاذ :- هى عندنا فى البيت دلوقتى لو حابه تعالى معايا

نظرت له بتوتر وقالت

ملك :-ع ع عندكم فى البيت ؟؟

اومأ رأسه بالتأكيد وقال

معاذ :- ايوه ومتخافيش مش بقولك كده علشان اخطفك ولا اعمل حاجه وحشه لا قدر الله أنا متدين وعارف ربنا كويس وعندى اخت بخاف عليها من الهوا الطاير واللى مرضهوش عليها مش هرضى بى لبنات الناس أنا هوصلك هناك وهستنى تحت لحد ما تخلصى وتنزلى

نظرت له وشعرت بصدق كلامه حركت رأسها بالموافقه وقالت

ملك :-وانا واثقه فيك ومش خايفه منك

ابتسم لها بسعاده ونظر لها بحب وقال

معاذ:-امشى يلا اوصلك

وتحركوا بأتجاه السيارات اوقف سياره أجرة وصعدوا بها واتجهوا إلى المنزل.

……………………………………………………………

عاد سراج إلى المنزل وألقى الحقيبه الخاصه به على الأريكة ودلف إلى غرفته بغضب نظر بها لكنه لم يجد ابرار خرج منها وهتف على والدته وقال بغضب

-ماما يا ماما فين ابرار

خرجت تركض من المطبخ وقالت بأستغراب

اعتماد :-مراتك فى اوضتها من الصبح مخرجتش منها

صر على أسنانه وقال

سراج :-ابرار راحت الجامعه من غير ما تقولى ولسه لحد دلوقتى مرجعتش الهانم ماشى أنا هوريها ازاى تخرج من البيت من غير ما تقولى

تنهدت بضيق واقتربت منه وربت على ظهره وقالت بنبره هادئه

اعتماد :-اهدا يا حبيبى وبراحه على البنت شويه هى لسه متجوزه جديد ومتفهمش حاجه عن الجواز ومعندهاش ام تفهمها زى البنات واحده واحده عليها وهى بكره هتفهم

هدر بها بغضب وقال

سراج :-فاهمه يا ماما كل حاجه هى قصده تعمل كده علشان تعصبنى بس انا هوريها لما ترجع

وتركها ودلف غرفته

نظرت إلى أثره بضيق وقالت

اعتماد :-كده برضه يا ابرار، تنزلى كده من نفسك ومتقولش لا اى حد ربنا يهديكى يا بنتى يارب

وعادت مره اخرى إلى المطبخ.

……………………………………………………………

استيقظت ريم من نومها ونظرت حولها بأستغراب اعتدلت على فراشها وظلت تفرك عينيها بيدها بتكاسل نهضت وتحركت بأتجاه المرحاض دلفت إلى الداخل ونزعت ملابسها اخذت شاور سريع ثم ارتدت البورنس وخرجت وجدت اشرف يجلس ينتظرها عندما رأها بهذا المنظر استدار بتوتر وقال

-ا ا انتى ليه ملبستيش هدومك فى الحمام

حركت رأسها بعدم اهتمام وقالت

ريم :-عادى أنا متعوده على كده

ووقفت أمام المراه وبدأت تمشط شعرها

نظر لها بتوتر وابتلع ريقه بصعوبه وقال بتلعثم

اشرف :-ا ا انا هنزل استناكى تحت خلصى وانزلى ومتنسيش تلبسي حاجه واسعه ومقفوله ماشى

واتجه إلى الباب

هتفت عليه وقالت بضيق

ريم :-انت مش وعدنى انك هتودينى عند مامى

اومأ رأسه بالتأكيد وقال

اشرف :-ايوه وكلمة جدى ووافق اننا نروح بس بعد اسبوع علشان محدش يتكلم

زفرت بضيق وقالت

ريم :-انا مش فاهمه الناس هتتكلم تقول ايه يعنى وبعدين هو لازم اسبوع مينفعش قبل كده

اغلق عينه بتوتر وقال

اشرف :-ا ا المهم أنه وافق وخلاص مش هيحصل حاجه لو صبرتى كام يوم

اقتربت منه وقالت بتساؤل

ريم :-هو انت فيه ايه مالك مش طايق تكلمنى ليه ومش عايز تبصلى

ابتلع ريقه بصعوبه وقال

اشرف :-ع ع عادى يعنى اخلصى وانزلى تحت

وركض إلى الخارج واغلق الباب خلفه

نظرت له بأستغراب وقالت بعدم فهم

ريم :-ده ماله ده مش على بعضه كده ليه

عادت إلى المراه ومشطت شعرها بالفرشاة ثم ارتدت ملابسها وبحثت على ملابس محتشمه لكنها لم تجد نظرت إلى ملابس سعديه بأشمئزاز وزفرت بضيق وقالت

-مافيش غير الحاجات المقرفه دى اللى لازم البسها اعمل ايه بس ياربى

اخذتها وارتدتها ونظرت بالمراه على مظهرها بعدم رضا وتحركت بأتجاه الباب وخرجت وأغلقته خلفها هبطت إلى الأسفل وجدت اشرف يجلس وينتظرها ابتسم بسعاده عندما وجدها ترتدى هذه الملابس نهض واقترب منها وقال

اشرف:-حلو أوى الاستايل ده عليكى

زفرت بضيق وقالت

ريم:-زى الزفت عليا بس اعمل ايه مضطره

حرك رأسه بالنفى وقال

اشرف :-بالعكس جميل جدا والله

جلست على الاريكه وقالت

ريم :-اشمعنا ده اللى هيبقى على مزاجى ما كل حاجه بتحصلى غصب عنى مش هتفرق

جلس بجوارها ونظر لها بضيق وقال

اشرف :-هو انتى كل حاجة بتتذمرى عليها كده مافيش حاجه بتعجبك

تكلمت بعدم اهتمام وقالت

ريم :-انت شايف ايه كل حاجه بتحصلى غصب عنى عايزنى اعمل ايه اتحزم وارقص من الفرحه

وفى ذلك الوقت دلف جمال بوجه غاضب وقال

-نمسيتك كحلى يا مرات اخويا بس حياة القاهره دى مش هتنفع هنا، لازم تصحى بدرى وتساعدى مراتى فى شغل البيت هى مش خدامه عندك

رد عليه بضيق وقال

اشرف :-متشغلش بالك انت بالكلام ده ده شغل حريم احنا ملناش فيه وبعدين متنساش أنها لسه عروسه بقالها يومين

نظر له بضيق وقال بتهكم

جمال :-ما تجمد شويه واسترجل يا ابنى بلاش تنخ ليها من اولها كده

زفر بضيق وقال بغضب

اشرف :-ممكن متدخلش فى اللى ملكش فيه

وفى ذلك الوقت جاءت سعديه ومعها فنجان القهوه لزوجها ابتسمت وقالت بنبره هادئه

-صباح الخير يا عروسه

ردت عليها بضيق وقالت

ريم :-صباح النور

اخذ منها القهوه وارتشف منها رشفه والقاه بغضب على سعديه وقال

جمال :-ايه ده الله يقرفك القهوه ساده على عمرك أن شاءالله أنا قايلك عايزها زياده يا جاموسه

انتفضت ريم بخوف من مكانها ونظرت إلى سعديه بصدمه

نهض سريعا من مكانه وساعد سعديه بتعبئة الزجاج ونظر إلى أخيه بغضب وقال

اشرف :-ايه اللى انت عملته ده يا مجنون القهوه سخنه والازاز كان ممكن يجرحها

نظر له بعدم اهتمام وقال

جمال :-ياريت متدخلش فى اللى ملكش فيه مراتى واعمل فيها اللى انا عايزه

هدر به بغضب وقال

اشرف :-ده جنان يا جمال حرام اللى بتعمله فى مراتك ده

نظرت لهم بأنكسار وقالت

سعديه :-حصل خير يا جماعه انا اللى غلطانه أن مسمعتش كلامه

اخذت الزجاج المتناثر فى المكان وقالت بصوت حزين

-هروح اعملك غيرها

وتركتهم وذهبت

نظرت بعدم تصديق وظلت صامته

نهض من على الأريكة ونظر لهم بأنتصار وقال

جمال :-انا رايح اوضى خليها تجبها ليا هناك

وتركهم وصعد غرفته

جلس بجوار ريم بحزن شديد وقال

اشرف :-غبى يا جمال وهتخسرها بسبب غبائك ده

تكلمت بتساؤل وهى مازالت مصدومه وقالت

ريم :-هو ازاى عمل كده فى مراته وازاى هى تسمح ليه يعمل فيها كده

أجابها بضيق وقال

اشرف :-علشان بتحبه وهو متأكد من حبها ليه علشان كده بيعاملها كده

تكلمت بغضب وقالت

ريم :-حب ايه ده!؟ ده قلة قيمة وعدم كرامه مافيش واحده عندها كرامه تقبل يتعمل فيها كده ده أنا اطلع قلبى وادوس عليه برجلى لو فى يوم هيوصلنى لذل ده

نظر لها بضيق وقال

اشرف :-الكلام سهل إنما الفعل محتاج شجاعه يا ريم

ثم تنهد وقال بصوت حزين

-سيبك من اللى حصل ده قومى يلا علشان تاكلى احنا صحينا من بدرى وفطرنا مرضتش ازعجك واصحكى

حركت رأسها بالرفض وقالت

ريم :-لا مش عايزه مليش نفس

نهض وقال بنبره هادئه

اشرف :-مينفعش كده يا ريم لازم تاكلى لو حتى لقمه صغيره قومى يلا علشان بعد كده هخدك انتى وسعديه وهننزل السوق نشترى ليكى شوية هدوم شبه اللى عليكى دى

زفرت بضيق وقالت

ريم :-بس أنا محبتهوش مش ستايلى حاسه نفسي فيها شبه الشوال

رد عليها بصوت هادئ وقال

اشرف :-معلش تعالى على نفسك والبسي وقت النزول بس ولما تطلعى اوضك ابقى البسي اللى انتى عايزاه

حركت رأسها بالموافقه وقالت بنبره مختنقه

ريم :-ماشى

وتحركوا الاثنين إلى طاولة الطعام وبدأت ريم فى تناول طعامها.

…………………………………………………………….

خرجت وسام من الجامعه وهى متضايقه وجدت احمد يقترب منها زفرت بضيق ونظرت الاتجاه الآخر وظلت صامته

اقترب منها وقال بأسف

احمد :-انا اسف يا وسام مقدرتش اجى الصبح راحت عليا نومه والله يدوب لسه صاحى على طول قبل ما اجيلك

تكلمت بصوت مختنق وقالت

وسام :-عادى يا احمد براحتك

امسك يدها وقال بترجى

احمد :-علشان خاطرى متزعليش منى يا وسام والله معرفش راحت عليا نومه ازاى سهر اليومين اللى فاتوا اثر عليا وخلانى نايم مش حاسس

اومأت رأسها بحزن وقالت

وسام :-مافيش مشكله بس انا شايفه أن انت فى الفتره الاخيره أهملت دراستك على الاخر وانا وانت اتفقنا من اول دقيقه أننا هنخلص دراستنا ونبنى بيتنا بأيدينا واحده واحده لكن بطريقتك دى بتثبت ليا انك مش عايزنى

رد عليها سريعا وقال بضيق

احمد :-لا طبعا مش كده انتى اكتر واحده عارفه الظروف اللى بمر بيها اليومين دول وعارفه أن انا بحبك ومقدرش استغنى عنك ومش بسهوله كده افرط فيكى وانا بنفسي طلبت منك امبارح انك توقفى جنبى وتخدى بأيدى علشان أخرج من اللى انا فيه ده متجيش دلوقتى وتقولى كلام ملوش لازمه راحت عليا نومه غصب عنى وفى الاخر جيتلك برضه يبقى بلاش نكد الله يكرمك أنا والله مش ناقص ولا مستحمل مشاكل تانى

اخذت نفس عميق وأخرجته بهدوء وقالت

وسام :-ماشى يا احمد مش هعمل مشكله ولا هنكد عليك علشان انت مش ناقص بس انا فعلا مش فى مود أن اخرج معاك واتغدا بره أنا كنت ناويه من الصبح وقولت لماما أن انا هتغدا مع أصحابى بره بس لما اتعصبت انك مجتش الصبح قفل اليوم بالنسبالى ممكن نخليها يوم تانى.

نظر لها بضيق وقال

احمد :-تمام اللى يريحك تعالى اوصلك

حركت رأسها بالرفض وقالت

وسام :-لا بلاش انا هروح لوحدى

نظر لها نظره مطوله ثم قال بصوت مختنق

احمد :- اللى يريحك

وصعد سيارته وغادر بها سريعا

نظرت إلى أثره بضيق واوقفت سياره اجره وصعدت بها واتجه بها إلى المنزل.

…………………………………………………………….

عند ولاء

جلست ابرار فى غرفة ولاء ونزعت الحجاب وقالت بصوت مختنق

-اخيرا هقعد من غير طرحه براحتى

نظرت لها بأستغراب وقالت

ولاء :-ليه هو انتى بتقعدى بالحجاب فى الاوضه

اومأت رأسها بالتأكيد وقالت

ابرار :-ايوه وبنام بى كمان وانا هوريه شعرى ليه أن شاءالله كده كده كلها مسألة وقت وهطلق منه، ساعات بقلعها شويه لما يكون مش فى البيت وقاعده لوحدى فى الاوضه

نظرت لها بتوتر وقالت بتساؤل

ولاء :-انتى ليه مش عايزه تتكلمى فى موضوع اختك اللى كلمتك دلوقتى

ابرار:-مش عايزه اتكلم عليها ولا على غيرها أنا خلاص مش عايزه اعرف حد منهم تلاقيها عايزه تعيش عليا الدور وتورينى أنها عاشت مع امها وانا لا

ردت عليها بحزن وقالت

ولاء :-خلاص يا حبيبتى أهدى بلاش نتكلم فى الموضوع ده تانى

وفى ذلك الوقت سمعوا صوت خبط على الباب وضعت ابرار الحجاب على رأسها ونهضت ولاء وفتحت الباب وقالت

-خير يا ماما فيه حاجه

ردت عليها بنبره حنونه وقالت

-فيه واحده بره عايزه ابرار

نظرت إلى ابرار بأستغراب وقالت

ولاء :-واحده عايزه ابرار !! وجايه تسأل عليها عندنا ليه

نهضت ابرار بأستغراب وقالت

-يا ترى مين دى معقوله تكون وسام

وخرجت سريعا إلى الخارج ونظرت إليها بأستغراب وقالت

-ايوه أنا ابرار انتى مين

نظرت لها بتوتر وقالت

ملك :-انا اختك ملك يا ابرار

نظرت لها بضيق وقالت

ابرار :-……….

…………………………………………………………..

• يتبع الفصل التالي اضغط على ( رواية اكليل الحياة ) اسم الرواية